رواية انت البارود وانا النار الفصل السابع والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
يمـهُ الـوجع بالليـل اچـاني...
مـن گلبي گضـني وكعـداني...
يـا يـمه صبـت دم أذانـي....
ونگـعت الـغرفه مو ردانـي...
صبـح صبـاحي وچـان ضلمه...
وغمـيت وچهـي مية غمـه...
مـن كـد وچـع روحـي يايـمه...
تمنيت الـف جـسمي واطمـه...
ضليت انـا بالديوانيه وطحت ع طولي من حجيهم وهنه يهوسن ويركصـن وانـا الي صافنه معقوله ضرغام سواها .
تعالت الأصوات مالتهن وكل وحدة تهوس والثانية تهلهل
العمه: ردينا الدم بدمه. ولا خلينا الحك يضيع
ضرغام ابن الشيخ. وسيفه على الظالم يطيع
وانـا ضليت ع كعدتي وصرخت بعلو صوتي
- بـووووووويـه
جاوبتني وحده من عماته
ليش تبجين تبجين على واحد كتل أخونه
يمـامه:يبقه ابـوييي وضرغام مافكرتووو بي هسه ينسجننن
العمـه:لا تبجين عليه بهالبيت ما يستاهل دمعة جلب ومات.
دفعتني وانا ردت اكوم طحت بالكـاع وضليت ابجي سمعت صوت ضرغام فتح الباب ومن شافهن فوك راسي صرخ عليهن
ضـرغام:كـاااافي بسجننن
جاوبته عمته
العمه:هاي تبچي على كاتل أبوك
ضـرغام:تبچي على أبوها... وهذا حقها. مهما سوى يبقى أبوها
كمت عليه بكـل حيلي وصحت
يمامه:اخذت حقككككك شبعتتتت من الدم كسرتناا انا واسعد وسالم رتاحيت هسه
اخذني من ايدي وجرني صعدني فوك وانـا اسمع بره هوسات ورمي شمرني بالغرفه وحجيت
يمامه: والله ثم والله تحلم ابقه يمك بنفس البيت بعدددد وخررر اريد اشوف أبوووي
ضرغام: يمامه تعرفين كلش زين وكايلج انـا ثاري أخذه أخذه كايلججججج لووو لاااااااا.
يمـامه:ولك ابويييي هذا ابوي
ولك صدك مارادني ولك صدك ماحبني بس انـا انااا احبه ولك ولككك عايشه علمود يجي يوم يحضني ويحبني ويكلي بنيتي ولك لسه ماسامعه منه كلمه بابا بعدني ماشفت منه شي انتضر يوم يوم يجي الي ويكلي ها بويه ولك حرمتني من كلهن من كلمه بوووووويه وانت كتلته ضيعت روحك وضيعتني ضرغاااام سويت انتتتتت
اخذت عبايتي ولبستهن مثل مسودنه ماندل دربي وهوه مامنعني وضل ساكت .
باوعتله وكتله
يمامه:ما أريد أسمع منك كلمة لا تكلي ثأر ولا رجال ولا عشيرة بالنسبة إلي إنت كاتل أبوي وبس مثل ما حملتني الذنب احملك ذنب
ضرغام:هذا حق أبوي ما كدرت أترك دمه. بالكـاع وكتلج ثارررررييييي اخذه اخذه
يحجي ويصيح ورجعني وقفل وسد اللباب وحجيت
يمامه:وحق أبويه؟! منو ياخذه؟ لو لأنك إنت الكاتل صار دمه رخيص
ضل يباوعلي بعصبيه وكل ضنه راح اخاف منه
يمامه:حاجينيييييي عود شنوووو سديت الباب ماكدر اطلع شتريددد سوي سوي تحركنييي؟ احركني مو جديده عليك تكتلني اكتلنيييي واذا تريد اكتلني بالحزام هممممم
فتحت الباب وطلعت نزلت جوه ولكيتهن كاعدات وبعد اكو نسوان غربه ويحجن الحمد لله اخذتو بثاره هسه كلها تهوس ع كبر كاظم لان كتلو
نخمش كلبي وانا اتخيل راح يخلون كبر ابوي بالشارع ويهوسون فوكه ماكو احترام للميت صار طلعت من ألبيت وشفت الهوسه والعالم
الهوسه الي صارت بفاتحه الشيخ إيهاب وانا عمري8
اليوم رجعت هاي هوسه لان اخذو بثـار الشيخ إيهاب .
رحت وانا كوه اعبر اريد بس اوصل لبيتنا واشوف اخواني رجليه مايعيني اوصل بس ابجي
ليش ولك بويه ليش متت عفتني
كسرتي جبيره ماحبيتني بيوم ليش هيج دمرتناااااااااا بوووويه
صرت مثل المخبله بشارع امشي وابجي وامسح بدموعي واصرخ
وكل نسوان طالعه بالباب تباوعلي
لحد ما وصلت ولكيت باب بيتنا مفتوح ماكدرت والله ماكدرت ادخل
طحت بالكـاع ووضليت بعتبة الباب
وشديت حيلي وكمت دخلت وانـا صعب اوصف حالي ماذكر اي شي ولا اشوف اي شي دموعي خلني اصير مثل العميه
ركضت وطبيت وأنـا أصرخ ماعرف مقهوره ع اخواني وع روحي وع ألي صار ع حياتي وشلون ابوي دمرنـا وشلون مات ابشع موته طبيت ولگيت أسعد وسالم لابسين الدشداشه السوده ولفين الشماغ على راسهم .
ركضت وشكبت أسعد وهوه شبكني ومنزل راسه وانا ابجي
يمـامه:اخخخخ ولك اسعددد ادهورنااا ولك اسعد تفلش بيتنا ولك بوووويه
اخخخ يمه راححووو راحتتتت امي وراح ابوي
ولكمممم طشرنـااااا
ولج يمه ابوي كتلو واجه يمج يممممممممممه
ضل أسعد شابكني وانـا شابكته وابجي
- ولك خوووويه راح أبويييي كتلووو كتلووو اخذووو ثارهم ليشششش يابويه ليششش سويت بينه هيج ولك بويه متنا والله متنااا
عفت أسعد وضليت الطم ع وجهي
بووويه دمرتناااااا بويه ليش هيجججج سوووويت بيه
اسعد يلزم ايدي مايخليني الطم ع وجهي بس انا فاقده
يمامـه:ولكككككك ماتطفه ناررررر بكلبي يابوويه ماجاي تطفه والله ماتطفه صعبه صعبههه خسرتتتت ابوي ليش ليش ماتتتتت وخلنه نتحسر عليه ولكممم ماتتت وهوه ماحابنا
ضلو ثنيهم يبجون وحالتهم مو انكس من حالتي بضيم
طلعو وانـا ضليت بالكاع ابجي وحدي
جـابو التابوت ودخلو بالهـول
ركضت مسره اله وهيه تصرخ وتلطم وشاكه هدومها وصارت مثل المسودنه وانـا كلبي متكطع تكطع اسعد وسالم يم الباب ومتجفين اديهم ومنزلين رأسهم
محد موجود بس عمي قـاسم وقليل من جيرانه الي احترمو الميت بقيه يهوسون يم بيت ضـرغام وبديوان
كعدت يم التابوت وتربعت وحجيت .
يمـامه: ولك بووووويههه تسمعني بووووويههه صرت بتابوتتتتت وبعدني ماكتلك أحبك بويههه ماكتلي بنيتي احبج والله احبج
بويه ليش حاجينييييي اكعد بويههه اكعددد افتح عينك بويه اريد اعاتبنك اكعددددددددددد
ولك بوووويه الموت مو للمات لضـال بووويه انا متتت الف موته بغيابك بوووويه
حاجيني بويه شلعت گلبي كلي عيني انا اسكتهاااا بدمعتييي بعد كلشي صار وياي ولسه ابجي بس روحييي شلون اقنعهااااا كلي شلون همي يروححح ولك بويه بتك الهم اكلها اكل وانت السبببب ولك بويهه أسعد اسعد انكسر ظهره بوووويه كسرت ضهرناا مسره انكسر ضهرهااا بويههه منو الها بعدغيررررك
ولك بويه يتمتني وانا طفله من انـا طفله تيمتتت ااااااااخ يابوووويههه حاجينيييييي كلييييي برد كلبي بشيي
شكيت هدومي واجو اخواني وشالو تابوت مسره تصرخ وتبجي وطلعت وياهم بس انـا مالي حيل فقدت وضليت متربعه وكاعده بالكاع شالتني ايـه ورنـا وانا ماقبلت وضليت كاعده بالهول وابجي
اجت المـلايه وكعدت وماصارت فاتحه هواي بس النسوان وجيران كلها اجت صدك انطفه بيتنا وبس ناس غربه بـي
وكفت انـا بالنص ع ضيم كلبي من ضرغام وكلشي صار بيه وكفت كبالي مسره وضلت ملايه تلطم وهيه واكفه من شافتنا هيچ وكالت
"للعايف بناته تجذب الونه "
"حيلي راح بويه بيش ارجعنه
"للعايف بناته تجذب الونه "
"انا بعازتك واليوم اريدنك "
"وضيعنا ابونا وماله راد "
"للعايف بناته تجذب الونه"
"وصيتمن بوووويه بلبنيه "
مسره:اي والله يابويه اي والله مالك رده بعد احوووووي اي ولك بويه وصيتمن بيه بوووويه
"وعلى الخدين تنزل الدمعه "
"وماريده عمري خلافك "
"وبحسرت ابونه اليوم خلانه "
"البيت خلافك ماردنـاااا "
"الوالـد هيبـه وضيعنـااا "
"يلعايف بناتـه "
"ابوجن مات ونن يلعزيزات "
ضلينه نلطم انا ومسره وحته ايه اذكرت ابوها وضلت تلطم ويانـه رجعت كالت الملايه من شافت مسره
وياك ردت اكضي العمر يابويه وياك
بلياك ترى صار البيت بويه اضلم بلياك
دورناك طبينه للبيت يابويه ودورناك
مالكيناك دورنا شكثر مالكيناك
ولجن كولن
ونريد ابونا اشتاك الگلب ونريد ابونا
مسره: اي ولك بويه البيت فاهي بلياك بويه
يمـامه:اخخخ يابويه انفجعنااا بووويه انشهرنااا بويه اطشرناااا بويه طشرتناااااا
يبوووووييييي ولجججج ظهري انكسر ولجنننن اخخخخخخخ بويه ليش ماموت انا؟ولجنننن ليش مامووووووووووت
_كوووون انا ميته بويه المن عفتني المن ولك بويه منو الي بعد مافكرت بيه ماكلت مسره هاي عزيزت گلبك منو الهااااااا تعااااال اررررجع بوووويه
نهددددد حيلي ياكسرتي بعدددددك
ضليت ع هذا حال اله ان دخل أسعد وركضت حضنته
يمامه:خويه ولك خووويه يابعد امي وابويه ولك خويه طشرونا ومالنه احد بعددد
ولك يخويه يخويه لاتعوفوناا
ماعدنا غيركم ماعدنا بعدددددد
اجتني مسره شبكها سالم وضلت تبجي اخذتها انـا وشبكتها وهيه تبجي بحضني اول مره وحجت
مسرّه: يمامة والله ما بقت بيه حيّل أريد أموت وأرتاح، تعبت تعبت كلش كسر ظهري
رفعت راسي بسرعة، وانصدمت من شكلها وحجيها
يمامة: شتحجين إنتي استغفري ربچ، لا تعيدين هالحچي
انهارت مسرّه بالبچي وضلت تبوس بخدودي وترجع تحضن
مسرّه: سامحيني ابريلي الذمه أنا ظلمتچ وجرحتچ بكلامي واذيتج كلشي صار بسببي كل وانا ندمانه والله اكلني الندم وصدكني راح اموتن انا
شبكتها وضليت ساكته
مسرّه: كلشي صار بسببي وإنتي تحملتي وجع مو وجعچ. والله لو أگدر آخذ مكانچ جان أخذته.
مسحت وجيها من البجي وكلت
يمامة: سكتي لاتبجين اللي ينكسر ما يرجع مثل قبل، بس الاعتذار من القلب إله قيمة ومهم حسيتي بغلطچ خليني انا يطبني مرض مهم انتي تعرفين غلطج بعد اختج
هزت مسرّه راسها وهي تبچي
مسرّه: ما أريد منچ غير تكولين سامحتچ حتى أعرف أنا مو عايشة بذنب للأبد. بس ابريلي الذمه
يمامة: سامحتچ والله كافي بس أوعديني، لا أسمع منچ مرة ثانية حجايه أريد أموت
محد ضل النه ولج بس احنه سند لبعض لاتحجين بالموت كلبي مايتحمممملللل بعد
شبكتني وضلت تبجي وحسيتها صدك ندمانه
ابوي وراح منو الها بعد
رغم اسعد وسالم شماصار يحموها ويحبوها
بس لو يعرفون بسالفتها يذبحوها .
الفاتحه سوينها بس يومين لان مو كل ناس اجت تعرف ثار وهاي الامور ماصارت فاتحه
كعدت الصبح وكفت أباوع على أخواني مو نفس الوجوه اللي أعرفها وحقهم ع كلام الي يصير الناس ما سكتت.
كل واحد عنده حچي، وكل ديوان بيه سوالف.
هذوله أولاد كاظم كاظم مات لان أخذوا بثار الشيخ إيهاب
ما خلّوا دم الرجال يضيع وجابو حكه ودمه
الناس كلها تحچي عنه، بس كل واحد يحچي بطريقته.
واحد يكول:هذا جزاه دم الشيخ إيهاب ما يضيع.
وواحد يكول: أخذوا بثارهم، وارتاحت نفوسهم
بس احنه دمرنا وبيتنا فرغ من الاهل يمكن الناس ارتاحت لأن ثار الشيخ إيهاب انأخذ
مرّت أيام وخلص اسبوع واحنه ع سكتنا والبيت بعده لابس سواد وحزنان صار مغرب وتحس البيت
بيه وحشه النفس كوووه اجره ماكو هوى كلشي ضلمه شايفين مغرب من يجي اهلك مو يمك بلمكبره تحسه خنكه بيه مابي روح ااااخ ياكسرتي
دخلت الغرفه وأخذت صورته وهوه وامي مصورها
يمّامـه:بووويه لو الزمن يرجع، جان حضنتك حتى لو دقيقة
بس الزمن ما يرجع ليش بويه ماحضنتنييي ليششش ليشش ماحبيتنييييي بويه
اجت ايه شافتني كاعده وبطنها جانت گلش جبيره
ايـه:انا ماكدر احجي اي شي يبرد كلبج احنه اسفين
مسحت دموعي وجاوبتها وانا كاعده ع جربايه
يمـامه: ضرغام حرك كلبي
صح ثار وحقه بس مو هيج خلاني اعيش هذا الاستحقار
ايـه:من الفاتحه لسه يسئل عليج والله كساع وعماتي بالبيت يمه مارايحات وهوه بديوان كاعد وملتهي
يمـامه:راح اكوم انـا ايه سكتي
بس ايه غدرت بيه واتصلت عليه وآشرتلي اسكت حته اسمعه شلون يسئل عني
ضرغام:ها ايـه شلونها
ايـه:تعبانه وكساع دوخ وتتقيء
ضرغام: أعرفها هيج تسوي
بس أريدج توصلين إلها حچي.
ايـه:شنو
ضرغام: كوليلها ضرغام ما رفع سلاحه لأن يريد يوجعج انـا أخذت بثار أبوي بس
ايـه: والله ياخويه سالفه ماعرف شلون اختباركم صعب الله يبرد كلبكم
ضرغام: وكوليلها
آنـا ما أطلب منها تسامحني.
ولا أطلب منها تنسى أبوها
بس أريدها تعرف إن وجعها مو هين عليّ والله وأي دمعة تنزل من عينها تحرك گلبي انا جنت كوه عليه أبجيها
آية: أوصل إلها كل حرف كلته صار خويه
سدت التلفون وانـا بساع حجيت
يمامة: وكل واحد أخذ بثاره بالعافيه عليهم
وبقيت انـا وحدي لا اب عندي ولا عندي رجـال
سكتت ايه ماجاوبتني
رجعت كتلـها
يمامة: هو رجع حق أبوه خلي ينام رغد كليله وثار خلص
آية: يمامة والله صعب موقفكم الله يساعدكم ويبرد كلبكم
إنتي خسرانة أبوج.
وهو خسر أبوه من قبل وجان بطل وعاش سنين ينتظر ياخذ بثاره هم حقه
سكتت ماجاوبتها وضلت دموعي تنزل
ايـه:والله ما أعرف لمن أوسي عليج لو عليه وي منو اصير بس صدكي وهو هم مو مرتاح مثل ما الناس تتصور كل همه يمج هسه
يمامة: يمكن الله كاتب علينا هالوجع وهذا ابتلائنا
ايـه: الله يساعدج ويساعده.
لأن اللي بينكم مو سهل.
يمامه:لاينشغل بالج هذا نصيبي من الدنيا الله كريم
عفتها وطلعت من الغرفه ماحجيت وي اي احد من بنـات مسره ورنـا وايـه عازله روحي بهمي وحته ضرغام ماحجي ويا
وهيـج مرت أسبوعين كامله وانـا مارحت لبيتي ولا أي شي
والوضع بالبيت محد يحجي وي ثاني ع كد الاكل وحته وي بنات عزلت نفسي اندك ألباب بين المغرب والعصر ودخلو ولد لديوانيه جانت رنـا وايـه بالمطبخ يسون العشه ع وگت
ودخل أسعد شافاني انـا ومسره كاعدين
أسعد: يمامه بعد اخوج جاي لربع
يمامه:منو هذوله اجو
أسعد: هذوله ربع ضرغام
نصدمت من كال هيج وليش وشجابهم
يمامة: أصدقاءه يعنييي
أسعد: مو بس أصدقاء من عمرهم وياه
يمامة: وإجوا لهنا ليش شنو غايتهم
أسعد: إي إجوا يقرون الفاتحة ويرحون يلا ولج كـافي دومج تاخذيني بجمالج الحلو وبرائتج وتخليني اسولفلج كلشي
ضحكت ورحت للمطبخ سويت جاي
ايـه:لمنو منو منو اجه؟
رنـا:شبيج ايه اتنفسي
ايه:وين اتنفس من اجيب يله
يمامه:صحبان اخوج الحنين دزهم علينه يمكن
رنـا:كعدي أنا اسوي الچاي
انتي راح تموتين لا اكل ولاشرب
يمـامه:مابيه شي هسه خلصته وخرن
طلعت من المطبخ وهنه يسون العشه ورحت اخذو مني الجاي وضليت انـا وره الباب اسمعهم شيحجون شسوي الفضول كتال صاحبه .
الرجل الأول: عظم الله أجوركم وبقيه بحياتكم
أسعد: الله يرحم والديكم
الرجل الثالث: ندري وجودنا يمكن ثقيل عليكم
وانصدمتو بجيتنا
سالم: ليش ما تجون؟ الموت حق، والفاتحة ما بيها عداوة
سكتو وحجه أسعد وكل سكت من كال
أسعد: الثأر خلص وهذا قدر الله وهيج مكتوب
الولـد: والله ياخويه انتو مو بس اخوان انتو صرتو عوائل وتناسبتـو يعني الى مته واحد يبقه هيج صدكني ضرغام اوو من ليمته مايجي حته لديوان كٕطع ومايرد حته ع الإتصالات
كل مانحاجي يكول مالي خلك الدنيا طالعه من عيني
هم خسركم وخسر زوجته وخسر أهله هوه .
رد عليهم أسعد بكل حركه كلب
أسعد: هو أخذ حق أبوه. وأبويه دفع ثمن اللي سواه يااخويه واضحه نهايه .
الرجل الثاني: لو الزمن رجع جان تمنينا ما يصير كل هذا الدم بس ناس غداره
وجلب عمه محسن هم ينكتل لاتخاف تسمع بي ميت
سالم:شلون وهوه شارد
- عادي هم يغدرون بي ويدز ضرغام جماعه ويكتله عبن كل سوالف من وره راسه حقير بس انـا ماكدر احجي هيج كدام ضرغام
أسعد: الله كريم
-يلا احنه نكوم تاخرنا صار المغرب
سالم: والله عيب عليكم طلعون هسه حته
- لا والله تسلمون ماتقصرون اخذو راحتكم
وركضت للبيت وهمه طلـعو وراحو
وهيج ضلت حته عشاير تجي وتروح لكن ماسمعت اي شي لان يقفلون الباب حته مانطلع ونسمعهم
بيوم من الايام اجوني اسعد وسالم وصاحوني
يمامه:شتردوووون
- كومي نريد نحاجيج
سالم: البسي عبايتج وحضري غراضج
يمامه:وين شنو راح نشيل
أسعد: لبيت زوجج ترحين
انصدمتتتت وشهكت
يمامه: شنوووو شبيكم انتو تخبلتوووووو لو ماعدكم عقلل براسكممم حنيتووو ضرغام
صرخ بيه أسعد وعيونه حمر كوه لازم نفسه وتنرفز
أسعد: لا تعلين صوتجججججج عليههه مو شفتيني متحمل
خفت منه لان أسعد عصبي وأكثر من ضرغام اجن بنات ع صوت اسعد وضلن واكفات وانـا ارجف من خوفي منه من زمان البنيه تخاف من اخوانها بس انا بعد شفته گلبي انته ضرغام راويني انواع الصريخ والكتل والعذاب وصلت بي مرحله ايدي حركهم وهسه حرك كرامتي هم
يمامه:خويه والله ماريد ارجع بس كلي شلونن ماجاي استقبل طركاعه ع راسي راح اموت من التفكير موقف صعب والله صعب ولكم والله ماكدر
رد أسعد
أسعد: أبووو انكتل غدر وأبونه هو اللي كتله شلون تنحل هاي سالفه يعنيييي شلون بينه احنه زلم فكري بينه راح امووووت ترااا انااا احنه زلممم ودمرناااااا بين عالم وشيوخ
شك قميصه الي جان لابسه واضح شكد جان كاتم بكلبه
شافاني ساكته بسبب خوفي منه ومن تصرفه حجه
أسعد:كل احنه نظلمنااا وسبب أبوي تعرفينننن كلش زين
ويلا لازم ترجعينننن
انقهرت من حجايه اسعد واعرفه ماجاي يطردني بس اعرف العشيره بدت تدخلل وتحجي وتريد تشوف حل ع احسابنا وحساب مشاعرنا يمكن أبوي غلط وانا واخواني ماناكرين هذا ألشي بس الشي الي ماذيني انو انـا حته شخص الي جنت احبه خسرته .
قاطع افكـاري سالم واجه مسح راسي وباسني من راسي وكـال .
سالم: لأن هذاك بيتج هسه وإحنا ما نريد الناس تكول أهل كاظم رجعوا بتهم وخربوا بيتها
يمامة: خلي الناس تحچي طز بيها يايوم الناس رضت خويه يايوم الناس ع الله خلقها تحجي ماتحجي ع عباد الله
قاطعني اسعد بعصبيه وحجه
أسعد: لأن إحنا بعدنا زلم ونحافظ على سمعة أختنه وانتي ماتعرفين الحچي جاي يصير شنهووو يمامه لاتخليني اتصرف وياچ بقساوه هذا شي مصلحتچ شوفيي ايـه لسه بيت رجلهااا وانتي بيتج هناك
الدم خلص وهاي نهايه جا شتردوننن وين احنه بفلم ونمشي حسب مزاجكمم نهايه سعيده انعلللل ابوكممم لابو خلفكمم
سـالم:ع كيفك أسعد وياها
اسعد:نعله ع عشيرتك
ضحكت ايـه وكالت
ايـه:اليوم أسعد بس ينعل ب الوادم
رد عليها بعصبية
أسعد:نعله عليج هم
اجتنه لحظه ادراك وستحه وصدك بوكتها ضحكنـا وحته ايه ضحكت
ايه: مقبوله منك خويه مقبـوله
أسعد: الله يخليج خويه انتي ام مـنو ولو بعدنه ماندري ولد بنيه نصيلحج ام عذاب
ايـه:ههههههههه
أسعد:نعتذر ام عذاب
رحت بس غيرت ثوبي لان انـا من الاساس طلعت من البيت بطرك روحي اخذت تلفـون وياي ودعت البنات وصيت يديرن بالهن ع مـسره.
ركبنـا بسياره طول الطريق انـا بالي ضايع وماعرف وين جاي انحط بمواقف گلش صعبه
وصلنا بساع لان البيت قريب ولف أسعد وجهه وحجالي
أسعد: إذا ضرغام يوم آذاج. أقسم بالله أجيبج بنفسي واحركه وانعل عشيرته .
ونعله ع عشيرتهم وتقاليدهم هم
بسته من خده وضليت أبجي وبست سالم ونزلنا من السياره .
انفتح باب البيت
طلع ضرغام، لابس دشداشة سودة، وملامحه جامدة.
شاف السيارة، وشافني أبجي.
ظل واكف بمكانه لا تقدم ولا تراجع كأنما عنده علم بجيتنا .
اجه يمي أسعد وحجه
أسعد: إنتي هسه على ذمة رجال وما نرضى الناس تحچي عليج صدكيني كلشي مصلحتچ .عبر اسعد وكف يم ضرغام وحجه
أسعد: رجعنالك مرتك جينا مو حتى نفتح سالفة الثأر انتهى.
لا إنت رجعت أبوك ولا إحنا رجعنا أبونه
ضرغام هز راسه وحجه
ضرغام: أعرف
أسعد: بس أكو كلمة لازم تنسمع إذا يوم من الأيام حسينا إن أختنه انظلمت
لا تنسى إحنا بعدنه أهلها صح اخوان اثنين بس يكفوها
رد ضرغام بدون تردد.
ضرغام: ما أحد يظلمها ببيتي
سالم باوع بعيونه وحجه
سالم:انته همم اولهم
اجوني وشبكني اسعد وباس راسي وكـال
أسعد: هذا قرار صعب بس هذا بيتج.
مسحت دمعتي وبسته بخدته
واجاني سالم هم حضني وكلي
سالم: إذا ضاگ صدرج بيت أخوانج مفتوح إلچ بأي وقت نحرك عشيرتهم ع كولت أسعد
ضحكت ع حجايته لان اليوم اسعد يمشي وينعل بالوادم .
التفت أسعد على ضرغام
أسعد: أمانة برقبتك
ضرغام: طول عمرها أمانة. سواء رضت بيه لو لا هيه امانتي .
أسعد مد إيده وسلم ع ضرغام.
صار السلام بارد مابي عداوه ولادم
سد ضرغام باب البيت بهدوء.
ودخلت جوه وكفت بنص الديوانيه باوعت على المكان والغراض كلشي نفسه.
بس انـا مو نفسها. ولا هذا البيت صار مثل قبل
دخل ضرغام بعدها، وخلى الباب ينسد
ظل واكف بعيد عني
نزعت عبايتي وخليتها ع القنفه وعبرت حته اصعد غرفتي واجاني صوت ضرغام
ضرغام: يمامة
ضليت ساكته لاباوعت ولالتفت اله ورد حجه
ضرغام: إذا تحتاجين أي شي...
ماخليته يكمل حجايته وفتحت الباب وصعدت فوك وسبحت وبدلت ونمـت ضليت جسد بلا روح ماعرف حته شلون اوصف حالتي
مر يـوم واثنين...وثلاثة واسبوع...
البيت كله ساكت حته حايط حسيته يسولف وحده
انزل الصبح، اسوي شغل من اكل وطبخ تنضيف لان اصلا وحدي انـا ويا اخلي اكل ع طبخ وارجع لغرفتي
إذا ضرغام موجود مارفع عيني وياوإذا حچه مارد عليه اكمل غده واخلي يتغده واعوفه.
واضل طول اليوم انحبس بالغرفه هوه هم ينام جـوه بس يصعد يلكه كل ملابسه كاملات
يبدل ويلبس البشت ويطلع
جان عصر صعد فوك كمل ملابسه واثنينا ساكتين وانـا ضليت كاعده ع جربايه لبس العكال وكمل وطلع ضليت انـا جوه بس راح منا للمغرب اجه ودخل للمطبخ وانـا بساع ردت اطلع وكفني صوته .
ضرغام: لا تطلعين انـا رايح
ضليت ساكته وهم طبخت العشه
وهيج مرت الايام
ضل ع سكوتنـا فعلاً شهر كـامل .
جنت بره بالحديقه ازكي ب الزرع ونوب كعدت ع القنفه بره وجان وكت المغرب دخل ضرغام خله بشت وعكـال يمي نزعهن وراح جوه شويه واجه
شايل استكاين جاي وبي هيل ورد وخلهن كبالي وكعد
ضرغام: إذا ما تريدينه خلي. كبالج بس
ضليت ساكته وحجه
ضرغام :أكثر بيت جان يريحني هو بيتكم
انتي وسوالفچ وخوفج عليه قبل لااعرفج تحبيني وجايج المهيل جنتي شربيني يـا ومن تمرضتي وانـا داويتج بايدي
قبل جان عندي بيتين.
بيت أبوي وبيتكم
كل ما أضوج وتصير عندي طلعه أروح لأسعد وسالم
شفته يحجي عن ايام ماضي والحب تارس عيونه بس بعديش لـو ماكو بعديش لازم نتقبل حياتنا كتله
يمـامه:تتذكر أول ليلة بعد زواجنه
نزل ضرغام عيونه
يمـامه:آني أتذكرها دقيقةبدقيقة. أتذكر شلون خليتني أبچي للصبح وعفتني وطلعت وشلـون كل يوم جنت تعاملني وكأني مذنبة بذنب أبويه أتذكر كل كلمة منك وكل نظرة اها والاهم كل ضربه منك
بس هوه ظل ساكت
يمامه:اليوم تريد تحچيلي عن الذكريات الحلوة وأنـا قبلها عندي ألف ذكرى مرة وياك.
رفع رأسه وحجه
ضرغام:ما أگدر أمسح اللي صار.ولا أطلب منج تنسينه. ضروف حكمت هيچ كل اللي أگدر أسويه إنـا ما أعيده مرة ثانية
ضليت ساكته ماحجيت ولارديت بأي شي
منا للعشه صخنت بشكل مو طبيعي وضليت بدوانيـه وبطني ضلت توچعني بشكل كلش قوي هيج بدون سبب ومنـا الشهريه صارلها هواي ماتجيني بس انـا متعلمه دائما من انقهر تنكطع عني
ضليت ارجف
يمامه:بااارده راح اموت من البرد
ضل ضرغام يغطيني يمكن تغطيت ب١٠ بطانيـات وانـا بعدني ارجف
ضرغام:شبيج يمامه اخذج لمستشفى ليش صخنتي بسٕاع حاجيني شنو يوجعج
يمامه: عوفني مالك علاقه بيه بطنيييي توجعني من وراكككك من قهر
ضرغام:اسكتييي هسه
يمامه:اموت وماضل يمك وخررر عنيي
وضلت ابجي وارجف من البجي وبطني توجعني
ضرغام: عنادج هسه ما يفيد كومي غسلي وجهچ كوميلي
كومني ضرغام وانـا ارجف من البرد مع علم جان صيف
وفجاه اشوف دشداشتي كلها دم وانزف انـا مادري بروحي .
ضرغام:يمممامه؟ شبيججج
مافهمت ليش كل هذا دم معقوله اجتني شهريه ونزفت هيچ بساع بساع غيرت ملابسي واخذني ضرعام لمستشفى وانا ميته من صخونه اخذني بس حته يضربني ابره او اي شي
وصلنا وكلهم هيج وهيچ حاله
الدكتوره:النزف هذا مو مال شهريه بله حبيبتي ضلي كاعده خلي افصحچ او سونار
ماعرف سوته بس عرفته متت من الوجع
وضلت تضغط على بطني وسونار وكلها التمت فوك راسي طبيبات وجان يصدمني بخبر
شنو الخبر الي صدم يمامه وشلون راح تتقبل صدمه بعد كل خساره عاشته هل مره صدمه اكبر
