رواية انت البارود وانا النار الفصل الثامن والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ ﴾
چيبـولـي نـاعـي وفاگـد عـزاز...
ونشـفولي دمعـي الوصـل للچاز...
تـابـوت گلبـي والـدرب حـاز...
چنـاز يـدفعنـي أعلـه چنـاز...
يـا شـوغه المچـفيـن عـاازه...
طيـر ويـذبحـونه بگـزازه...
شـوف اليـد فاگد اعزازه...
دفـان يـتلگـه الـچـنازه....
دكتوره:
ماماااا انتي حـامل وابنج ميت بطنج من صخونه
لازم هسه احولج مستشفى حتى تسقطين لان جاي يتفسخ اذا ضل يصير عندج تسمم
اذكرت بيوم رحت بي بيت أهلي اول مره بسبب ماتقرب مني ضـرغام مره ثانيه وثاني يوم كلي ماريد طفل منچ وجان خايف حته لايصير طفل وهذا السبب كلي مره ثانيه نتبهه ومن ساعتها انـا صرت حامل بس من اخذت تحليل بيتي طلع خط واحد
يمامه: دكتوره وخريييي عني انـاا مو حامل اخذت تحليل وخري
دكتوره:حبيبتي الطفل اصلا ضعيف نبضه واذا هيج طبعا مايبين وبعدج بشهر ثالث بس نبضه كلش ضعيف وهسه هوه ميـت بطنچ ولازم ناخذه ونحلله ونعرف السبب
ضليت اصرخ انا
يمـامه:وخريييي اخخخخخ ولكككككك ضرغامممممم
اجه ضـرغام يركض
ضـرغام: دكتوره شكو شبيها
دكتوره: زوجتك حـامل وطفل ميت بطنها لازم هسه تاخذها للمستشفى صاله الولاده تنزله لاتسمم ونخسر ثنين
نصدم ضـرغام من كلام دكتوره شنو حامل شنووو ميييت شجاي يصير ياربي
يمامه: ضـرغام اريد ابني لالا ماررررروح ابني عدل مابي شي والله والله مابي شي هاي جذابه ماتعرف وولكككككك ضرغامممممم ليش اخذني للبيت ماروح للمستشفى اريد ابني
ضـرغام: والله اخذج بس سكتي فدوة اروحلج ماريد اخسرج بس انتي بقيتيلي
اخذني ضـرغام ورجعنه للبيت ونزلت ركاض وفقدت كلش ضليت الطم واصرخ وابجي
يمه ولج يمه عمايل الدنيا هوااااي وياي يمه
ولج تعالي يمه نشلع گلبي
اااااااااااخ ابني ولكككككم ابني مات ماشفته
ماشميت ريحته لييييش ررررررررربي ليششش
انا شسويت عد ربي وضلمني ليش ربي تحرمني
من كلشي ليش
𖤓 ─────𖤓
رنـا
كاعدين نسولف انا وايه واجه اسعد يركض وقطره
دم ماكو بوجه ركضنه عليه وهوه يصيح ولج
رنا بسرعه كومي وياي يمامه راح تموت نصدمه
رنا: شبيك اسعد خوفتنه شصاير
اسعد: ولج يمامه بلمستشفى خابرني ضـرغام تلكانه بلبيت اختك حامل مات طفل بطنه
رنا: يممممه سمللله شلون اسعد شلون
اسعد: كافي تحجين ولج كومي بسرررررعه
ايه: اروح وياكم مابقى
لبسنه عبي بسرعه وصلنه لبيتهم ولكيناها كاعده
تطلم وتصرخ وتبجي ماتقبل تروح للمستشفى
حجه وياها اسعد من شافها هيج منهاره سودن
ضل يبجي وي بجيه وشبكه
اسعد: كومي عزيزه گلبي جوز مو زين عليج هذا
ربج اعلم لاتبجين انطيج روحي
يمامه: ولك خويه ابني مات وماحسيت بي والله
والله ماحسيت بي ماشفته ليش
اسعد: فدوه الج اهم شي انتي كومي وياي
لاتشلعين گلبي ولج اموت من اشوفج يلا
يبعد اخوج كومي لعني الشيطان
يمامه: خليني ابجي ارتاح عفيه اريد ابجي
رنا: جاي يحجي وياها اسعد واني وايه بس دموع تنزل مانحس اله سالم دخل ركض عليها وهيه شافته
وصرخت
ساااااالم ولك خويه سااااالم تعال شوف حالي ابني ابني مااااات سااااالم
اكتفى سالم بحضنها وشبكها بس ويبجي مكابليها وكاعدين نقنعها تروح رفعت رأسها وشافتنه انا
وايه وكافات وحجت
ولجن انتن تحسن بيه كللي شسوي شسوي وين
اروح
رنـا...
بعد ماتحملت منضر الي هيه بي وخفت عليها وهيه منهاره لازم تنطي نفسها قوه صحت على اسعد وسالم يكومون اخذناها للحمام سبحته واحجي
وياها واقنعها تروح مو زين عليه ماتقبل رافضه
سطرتها راشدي حتى تصحى على نفسها حضنتني
وبجت كتلهم حضرو سياره حتى ناخذها
اخذنها انـا واخوانها وضرغام ايه بقت بلبيت
وصلنه صالت الولاده ونطوها علاج لازم نكمل اجرائات طلعت احجي وي الولد واشوف ضـرغام
منهار دموعه بخده كتله جيب هذن
ضـرغام: سوي كلشي ماريد اخسرها بس هيه بقتلي
رنـا: الله يكون بعونك
عفته ودخلت يمها واخذوها صالت الولاده وهيه متعرف شي
يمامه:
بعد مااجو الولد اخذوني للمستشفى ودخلوني صالت الولاده صعدت على سديه وكلشي مااعرف ماعرف
سوت وموتني من الوجـع وانـا وانـا صوت بالسمه وصوت بالكـاع من الوجع صح قطعه دم بعده بس أحس قطعه مني راح ماجنت اعرفففف انـا حامل حسبي الله
طلعت دكتوره وطلعت وانـا ماحسيت ع نفسي بعد
رنا: طلعو النه يمامه وره دقيقه صارت صفره طاحت
وضليت اصيح على ممرضات ولتمن عليه وانا ركضت
لاسعد واصيح يمامه نغمى عليه ودكاتره فوك راسها
حتى يجون لان غرفه خاصه
طاح اسعد وانا احجي ويا وركض عليه ضـرغام
ضـرغام: اذا صار شي على يمامه محد يلوم اله نفسه
يمامه:
فزيت لكيت مضمدات يمي وتخليلي مغذي بكل ايد و ضرغام واكف فوك راسي وبس شفته صرخت
يمـامه:ولككك ابنيييي ماتتتت من وراككككك تكلييي ماريدج تصيرين حامل جنت خااايففف وهسه ماتتتت ارتاح ضناككككك مـااااتتتتت وبعده ماصايرررر اخخخ ضرغام اكرهك ولك اكرهككك
ضلت ساكت ماحجه وانـا هم عفته وابجي والزم بطني
ماجنت اعرف بروحي حامل صح بس من عرفت حسيت روحي نسلبت مني
ضرغام:ترا خسرتي ابنـي وضناي راح لاعبالج هينه عندي
صرخت بوجهه
يمامه:لاااسهلههه مو انتتت ماردت نسل مني هذاا هل طاح وعساني اناا بالموتتت
كام وسد الباب حيل وضليت بالغرفه مال مستشفى .
وابجي ومخليه ايدي ع بطني انـا حامل ويمكن بشهر٣ لكن دكتوره ماتعرف وضعي
خليت ايدي ع بطني وحجيت
هـذا اول بطن جبتك يالوليـد
شبسرعه عفتني وشلت لبعيـد
انطٕوني الولـد خلوني أحاجي
انه الوالـده وحكـي اعتب عليه
وضلت ابجي دوموعي تنزل
ضليت يوم كامل بالمستشفى وكالو ثاني يوم نطلع
الصبح لكيت اخواني هم بالمستشفى وكعدوني وشكبتهم
يمامه:راح ابن اختكم ماتت
سالم: الله يعوضج اششش لاتحركين كلبچ
يمامه: أريدكم لاترحون
سالم:يمج احنه
اخذوني ولبست عبايتي
وصعدنا كل احنه بسياره ضرغام وانـا وره بالوسطه يم اسعد وسالم
دخلوني للبيـت وخلوني بغرفه سكينه جوه لان ماكدر اصعد فوك وحجو
اسعد:ارتاحي يبعد اخوچ ونرجع نشوفج من تصيرين زينه
سالم: والله ايـه ع وشك ولاده بس انشالله اجيبنها الچ بعشوي
يمامه:لاخويه خليها خلي تجيب ضناك امانه لاجيبها فدوه انـا زينه مابيه شي
باسوني وراحو ضليت بالغرفه
وهم خلصتها نوم منا ثاني يوم كمت جوه سبحت وضرغام نزلي ملابس وضليت كاعده من انُام احس ايده ع راسي ويبوس ايـدي وانـا ابجي واسكت وهوه يفرش بالكاع وينام يمي بالغرفه امـه
سمعني بليل اون وانـا نايمه
خله ايده على راسي وحجه
ضرغام: الله شاهد وجعج وجعي ياعزيزه لضرغام
الحمد لله بعدج يمّي ع اقـل
رفعت راسي وخليت عيني بعينه ولزمت ايده
يمامه:ضرغام
قاطعني وخله ايده على حلكي وكال
ضرغام:اسس والله كل الناس تكول ضرغام ما يخاف وعاشر الموت.بس والله بالمستشفى
خفت اخسرچ حبيبتي لمن شفت الدم منج ما شفت غير ادنيا كلها تسود بوجهي
حضني وباس راسي وانـا ماحجيت بس سويت اله مكان بصفي واشرت اله ينام بصفي
نام وخله ايده جوه راسي ونمت وحضنته وعم الصمت بس نمت وانـا شويه مرتاحه
فتحت عيوني بصعوبة من ألتعب ضوء الشمس جان داخل من بين الشباك وبعيوني بنص الغرفة ضاويها
وضرغام بعده نايم يمي جوا .
اتحرك وشد ع بطني وحضني منها غمضت عيوني من الوجع والقهره الي بگلبي لان بعد ماكو أي شي وبطني فارغه .
كام ضرغام من يمي وانـا مانطيت اي رده فعل ورجع وره شويه سابح وحجه
ضـرغام:صباح الخير
مارديت عليه
- كومي اسبحي حته تريگين
يمـامه:ماجوعانه شعليك بيه
ضرغام:شعلي ما شعلي لازم تاكلين يمامه گافي عناد
يمـامه:هسه صرت تخاف على صحتي
بقى ساكت هالسكوت أكثر شي يستفزني منه يعجبه يصيح يعجبه يسكت رفعت صوتي وكتله
يمـامه: جاووووووب
رفع عيونه إلي بهدوء وبنفس الوكت بعصبيه وحجه
ضـرغام: إذا صرختي الطفل ما يرجع ترا
عفته وحاولت اكوم روحي واسح بنفسي وعفته سبحت بالحمام الجوه وجريت روحي كوه صعدت فوك بدلت باوعت روحي بالمراية وجهي اصفر.
شفايفي ذابلات وعيوني
مو عيوني هاي عيون وحده فقدت قطعة من روحها صح ماجنت ادري حامل بس من عرفت خسرت كلشي احس
وره شويه ودخل ضرغام وراي.
ضـرغام: ليش صعدتي فوك انتي مو ماتكدرين ادري الله يخليچ شنهي هذا العناد ياكل ذنبي وعذابي ليش جاي تعبيني
يمـامه:مالك علاقه بيه انت اخر واحد يحاجيني بهذا ألبيت .
ضحك وكعد ع جربايه
ضـرغام:أاه؟يعني شلون اطلع من البيت ترا بيت بيتي وبيتچ شلون يعني ماتحچين وياي
درت وجهي اله وحجيت بعصبيه
يمـامه:ضررررغامممم أتصرف واحجي عدل وياي شهل برود بيك بحياته ماصار بيتي هذا البيت الي نضربت بي وخسرت ابني بي موووو بيتي
ضـرغام:اذا اعتذرت منچ يرجع ابني؟لا ترا ابني هذا خسرت شي مني أنا حسبالج هينه عليه من انطوني يا ادفنه حسبالچ هيننننه عليه .
شسوي كليلي اكتل روحي اعذب نفسي شنو يتغير
ضليت ساكته ماجاوبته وماحجيت .
ضـرغام:وانا ماريدج تتعذبين أكثر ولچ يمامه ولچ ياعذابي والله تعذبنا وخسرت وليدي أنـا كافي تحركين كلبي
يمامه:احرك كلبك بيمننن بله كلي بيمن؟انت حركت كـلبي وحركتني
كام من الجربايه واجانـي
تقرب عليه وانا ردت أروح خله ايده ع الميز وماخلاني أعبر
ضرغام:ياذنبـي الوحيد هسه تغيرر صرتي عذابي
يمـامه:اذا صدك صرت عذابك واحترك كلبك بعدك مأشايف شي ماراح اهتملك بهذا البيت
يتقرب ويخلي وجهي بوجه ويحجي وانا ارد عليه ودايره وجهي عنه
ضـرغام:ليگون نسيتي ولچ ياعذابي انـتي حلالي يعني بكيفي اريد احاجيچ اريد احضنچ كلشي بكيفـي
وخرت عنه وكتله
يمـامه:كافي تحجي هواي حجيك مابي معنى ولاراح يهمني فاهم
ردت اطلع وحجه
شنو جان يعجبج ولد لوو بنية؟"
نقهرت مره ثانيه أول مرة يحچي عن الطفل هوه كلي ماريد طفل منچ ماتوقعت يهتم أخذت نفس طويل.
وبصوت مخنوك ودموعي ع خدي طاحن كتله
يمـامه: ردته سالم وبصحه زينه وياريت بـقه ويانـا .
ضليت نايمه ع جربايه بعد ماطلعت وهوه نزل وره شويه صعد وجابلي صينه الريوك وخلها ع جربايه يمي كعدت من فراشي وكتله
يمـامه:كساع اكلك ماريد وماجوعانه ليش جاي تصرف هيج حيرتني.
ضـرغام :لأن ماكو أحد غيري يجبرج
ضحكت بسخريه وجاوبته...
يمامه:تجبرني انـت؟
اشرت عليه بصبعي .
رد عليه واحس كوه مصبر نفسه
ضرغام:لا تخليني أعاند وياج وتعرفين صبري اله حدود
رديت عليه.
يمامه:إذا ما تريكت شراح تسويلي بله
ظل يباوعلي ثواني ولا حچى.
بعدين أخذ الخبزه مرة ثانية سوالي لفه
وحجه..
ضرغام:اكـلي
دفعت إيده ودرت وجهي
وهوه عاف صينيه ونزل ورجعت غفيت
ما نمت إلا كم ساعة.
كل ما أغفي أصحى مخترعه
مرة أحلم بصرخه طفل.
ومر أحلم إنـا أركض أدور عليه.
كعدت مخترعه وأحط إيدي على بطني وبعدين أتذكرت خسرته وأرجع أبچي
منا لليل نزلت لكيت ضرغام بديوانيه كاعد وحده بدون مقدمات كعدت يمه وحجيت
يمامه:عادي سؤال
دار عليه
ضرغام:عيوني اسئلـي.
يمامه:ليش مسوي روحك ضايج
باوعلي مستغرب
رجعت حجيت
يمامه:مو إنته بنفسك گتلي قبل.ما أريد منچ نسل
ضرغام:اي صح مانكـر أعترف كلت هيج
يمامه:وهسه شنو تغير بكل عين صلفه تعترف
ضرغام:لأن الإنسان مرات
ينطق كلمة وهو ما يعرف ثمنها والعواقب اناكتلج هيچ ردت احرك كلبج بس
يمامه:بس الندم ما يرجع طفلي
ضرغام: ادري
يمامه:ولا يرجع أمومتـي
-أدري
-ولا يمحي كلامك وحركه كلبي عفته ودرت وجهي وصعدت فوك .
نمت او مثلت النوم وشارده من كلشي حسيت ضرغام فتح الباب واباس راسي فتحت عيوني شافني باس أيدي وأخذ ايدي ثانيه بهدوء هم باسها وانا ضليت ساكته
خله حلكه ب اذاني وشاورني بهمس
أريد نحجي
ضحكت بسخريه
يمامه:كعدتني حته نسولف
ضرغام:اي عجبني
ضليت نايمه وهوه كعد بلكاع ع رجلي وايده ع شعري
يمامه:شنحجـي
-كلشي نحجي
يمامه: اسمعك
سكت..
كأنه يدور على الكلمات.
لأول مرة بحياتي
شفت ضرغام ما يعرف شلون يبدي
يمامه:هاي أول مرة أشوفك محتار
ابتسم وحجه
ضرغام:وأتمنى تكون آخر مرة
بقيت ساكتة.
ضرغام:يمام
-هها
ضرغام:إنتِ تكرهيني
استغربت من السؤال.
وبعد ثواني رديت
يمامه:ما أعرف
ضرغام:شلون ما تعرفين.
يمامه:انـا حبيتك ماعرف اذا كدرت اكرهك بيوم رغم كل وجعك إلي
نزل راسه.
هاي الكلمة وجعته أكثر من أي إهانة رفع عيونه إلي وباسني بعيوني وكال
ضرغام:حقچ
سكت.
وبعدين كتله..
يمامه: ليش بهل هدوء وبهل لليل جاي نفتح هل اسئله
ضرغام: لأن كل ما أجي أحچي لازم أتعارك وياج ونتعارك
غصبًا عني ضحكت .
يمامه:هاي صدك ماجذبت
ابتسم هو هم.
ضرغام:أعرف أعصب انـا مو فالح بهل شي
يمامه:اي الله يساعدني.
إشهار
راد يكوم كضيت ايده انا هم بالنهايه هوه هم خسر أبنه وخسر أبو مالازم انسه هذا شي والثأر بس حبي اله يكفي رضيت مارضيت هوه زوجي وانـا مرته
يمامه:بقيك هنا نام لاتنزل جوا اخافن
ضل ساكت وطلع اله فراش ونام بالكاع وانا هم درت وجهي ونمت .
منـا للصبح كعدت
لكيت ايه ورنا متصلات عليه جمعتهن ب إتصال واحد وردن
رنـا:الو يمامه
آية: ألووووشكو مسوية كروب اتصال لو شنو
يمامه:ها شلونجن
رنا: ولج يمامه أخيراً طلع صوتج، وينج ولج عايشة لو لا
ايـه:ها خاف بحضن الحبيب
وطكتها ضحكه شهيره..
يمامه:ماكو هيج شي
ايه:جا شلونج والله ردنا نجيچ بس كالو تعبانه
يمامه: الحمدالله زينه
رنا: لا، هاي الحمد لله كلمه المختصرة ما تمشي ويانه. أكيد أكو سالفة
يمامة: هاي شبيكم محققين وياي شسالفتچن
رنا: لا لا، احچي الصدك شلونج شلون الوضع ويا الشيخ
يمامة: زين الحمد لله
آية: زين بس هيچ يعني نتحمدلج عالسلامة وإنتِ تجاوبي بكلمتين احجيلنا تفاصيل
رنا: آنـا من أمس مو كتلج ايه هاي نستنا
آية: إي والله شنو نسيتينا بحضن ضرغام لو شنوووو
يمامه:ولج ادبسزز ايـه
آية: لا تستحين هسه انـا أخته قابل غريبن وأعرف أخوي شلون فاسد
يمامه: والله ماكو شي شبيج حته نايمه
آية: زين جا ليش لا اتصال ولا رسالة ماتردين علينه لو أخوي مسوي عليج حراسة أربع وعشرين ساعة
جنت احجي وفاتحه اسبيكر حته اضفر شعري واكومن من جربايه وتلفون ع الفراش
جاوبتهن قصص ماي هوبس
يمامه: والله تعبـانه بنات مالي حيل لتلفون مخلصتها نايمه
آية: يمامة، جا لا تخافين انـا ما راح أوصل الحچي إله...بس شگد دللج؟
يمامه: والله ماتستحن بنات راح اسدن الخط يافاسدات شلون نسوان خواني فاسدات
رنا: ههههههه لا تسدين بعدنا ما أخذنا الأخبار تازه
آية: خليها، واضح الشيخ مأثر بيها المهم الحمد لله إنج بخير. بس تره إذا بعد ما شفناج ومادريتي ع الاتصال نعتبرج رسميًا ساكنة بحضن ضرغام وناسيتنا
دخل ضرغام وهيه تحجي هيچ واصلا واضح يمكن جان بالباب يسمع
ضرغام:ياهي هاي ايه
جاوبته
يمامه:ايه ورنـا يسلمن عليه
وصوت ايه شعلوه
حجه ضرغام
ضرغام:يلا نزلـي نتريك لاتكولين ماريدن
حجت ايه
ايـه:لا تستعجل شيخنا خمس دقايق ونرجعها إلك
ضرغام:مامستعجل بس مريتي لازم تشبع تعبانه مريضه عوفنها
آية: اويي عيني هذا اهتمام مو أمر
رنا: إي والله.
يمامة: زين... روح، هسه أنزل
ضرغام: تمام نازل انتضرچ
نزل ضرغام وكمت انا
رنا: ولچ شفتي شلون يسمع كلامها
يمامه:بالغن بالغن يدري يدري ومايدري شيكول ماتعرفن حقچن
سديت تلفون ونزلت جوه .
تريكنـا وكال لاتسوين الغده انـا اجيب وياي
منا قبل الظهر بـ ساعه اندك الباب .
فتحت لگيت شيخ ويا بتـه
صار الشيخ ليورا والبنيه حاجتني
البنيه:هذا بيت ألشيخ ضـرغام؟
منو هذا الشيخ والبنيه الي وياه شيردون من
ضـرغام شمضموم الهم من سالفه جديده
