رواية سواد الاثمد الفصل الثاني بقلم نورس
عقيد فدار :- اعقد عليج بالسر
صار هدوء للحظات رجع كال :-
ها يبا عش صفنتي
شدن :- فاجأتني بطلبك اني حجيتلك وضعي وظروفي كل وبالي تكدر تساعدني بس متوقعت هيج
- محتاجة سكن ومكان تستقرين بيه انتِ وبنواتج وانا اكدر اوفرلج المحتاجتو شنو المانع عجل ؟
- ما ادري ..
گلها :- اخذي البيت واستقري بيه انتِ وبنواتج وارتاحن وراها نرد نسولف بالموضوع وانتِ تاخذين وكتج بالتفكير
بعدها تحجي فجأة انگطع صوتها ، تقربت اكثر
لطشت روحي بالباب اريد اسمع جان ينفتح بسرعة
ملكيت روحي الا كدام العقيد يباوعلي رافع حاجبه اندار لماما
- الجماعة استخبارات
- لا يبا دحگت وشفت فاشختلي واحد من زلامي واجاني يون مثل الحرمة تايشكي عليها اكثر من هيج ششوف
- فقيرة ترة بس لحد يتقربلها
- صدكت ورى ما دحگت جام سيارتي تارس الشارع
2 تع
حجاها ومشى گعد ورى مكتبه :- ما علقتي عالموضوع الفاتحتج بيه
باوعتلي بحيرة وحجت مترددة :- ما أعرف انطيني مجال دا أفكر هيج دتحرجني
- حگج يولي اخذي وكتج ورديلي خبر
حجيت أستعجلها واهز برجلي بأعصاب تالفة
نورجان :- يلا ماما خلي نروح
- جايتج
گامت سلمت عـ العقيد وتشكرته وقبل لنطلع گلها يأكدلها :- انتظر منج جواب ست شدن
هزت راسها ومحجت شي
مشينا طالعين من المركز
تمشي بسرعة وأمشي وراها تحاول تتجنبني
صرت بمستواها
نورجان :- حتوافقين ؟
- ما أدري
- يعني دتفكرين بالموضوع
- شنو المانع
وگفت مقابيلها
- يوم تدرين بيها تتخبل هي من غير شي طگة ونص عوفج من بان اني شنو موقفي من اشوفج تصيرين ويَّ رجال غريب بمكان بابا
- هسه اني كلت وافقت ؟
- بس مرفضتي أجلتيها للسالفة لا اكثر
- خلص لعد انطيني مجال اشوف وضعنا شلون حيصفى هو انطاني كلمة وكال اني اساعدج واوفرلج سكن حتى نستقر عليش ضالين هيج مهجولين الفلوس متكفي خما ابقى افتر بيجن بالشارع
- يوم
- كافي نورجان وكلام الله دايخة وروحي طالعة لتزيديها عليَّ كتلج انطيني مجال نشوف وضعنا مراح ارجعله خبر هسه
سكتت بس احس العبرة واكفة بصدري وصتني ما اجيب طاري لشهربان طلعنا شفناها واكفة ويَّ الملازم
شدن :- يلا بان دنروح
دارت النا شالت الجنطة وبزونتها واجت
اخذت الجنطة عنها ودا نمشي وصوت صاحلنا
مآب :- مدامات لحظة يول
درنا لگيناه جاي علينا بيده تليفون انطاه لماما :- مدام طالبينج
أخذته خلته على اذنها تسمع الطرف الثاني
مشت على مسافة من عدنا بس صوتها يوصلنا
شدن :- بهالسرعة هيج دتحرجني ما اكدر انطيني مجال افكر ولازم افاتح بناتي بالموضوع
حجتها وباوعت علينا بعدها ضحكت وختمت كلامها وياه
- لا هذا هو صار مثل متريد .. فدوة لگلبك متقصر
كملت وانطته لمآب :- يريدك
اخذه يكمل حديثه ويَّ المتصل واكف على مسافة من عندنا يباوع علينا ويهز براسه خلص الاتصال واجه
مآب :- انتظرن مدامات اجيب السيارة مخليها غاد تاوصلجن
- براحتك عيني
راح وبان تباوع بأستغراب منتظرة تفسير
شهربان :- شديصير ماما ليش هذا الملازم يوصلنا
شهربان :- بس شلون هيج شوكت لگيتي
- العقيد دبرلنا بيت إيجار
- هم هذا المنحط ماما ترة ممرتاحتله عينه وسخة ويباوع من جوة ليجوة
- عيب بان شهالحجي خلف الله عالرجال انطانا بيته الا لو تضل عليَّ جان بتنا بالشارع اليوم
- وشنو غايته العقيد حتى يساعدج وينطيج بيت منين نزلت هالحنية عليه
- شافنا نسوان لا حول ولا قوة وحجيتله ظروفي ومقصر الرجال شالته غيرته علينا
- يا عيني ضابط وبيت وبدون مقابل ؟ منين ما اجيبها مدا ترهم وياي ابد
- شهالحجي بان فوكاها النوب بعدين شنو بدون مقابل ترة ايجار نكعد بفلوسنا مماخذين صدقة من احد
- ما ادري ما ادري ماما سوي الي تشوفي بس خلي ابالج هذا العقيد مراح يفك من عدنا وهسه تشوفين
- مكاعد ويانا ترة احنا خلك مؤجرين عنده بحالنا قابل
- ومنين حتدفعيله الايجار بالله
3 تع
- انطيه مقدم من العندي وراها اطلع ادور شغل واشتغل وادبرها قابل نبقى هيج بدون مصرف تردن اكل ملابس وراجن مدارس هم
- على طاري المدارس الدوام شلون حنخلصها غيابات
- حجيتله للعقيد وكال اني ادبر سالفة النقل
- هم العقييييييد
- يعني شترديني اني اروح بس ارجع انلزم الگى عمج وفؤاد بوجهي عاد هو محد يعرفه وهم عنده واسطات يخلصها بسرعة وينقلجن لهنا
سكتت وهي ممقتنعة ولا اني بس شنحجي اذا هي مقررة وحاسمة الموضوع
اجه الملازم بسيارة عالية سودة وأشرلنا نصعد انحشگنا احنا وجنطتنا كلنا ليورة اندار النا
- عش هيج يبا وحدة منجن تجي تصعد هين گدام
شدن :- متسوى بعد صعدنا
- طريقنا طويل تتكسرن والبنات تعبانات خاطر يصيرلهن مجال يتمددن براحتهن تفضلي حدري جاي بالصدر
نزلت ماما صعدت يمه ومشت السيارة ، صدك جنا حيل تعبانات بان عينها بالجامة رايحة بغير عالم وبزونتها نايمة بحضنها
خليت راسي على متنها اندارتلي تحجي بصوت ناصي
شهربان :- نورجان بيج شي ؟
- لا ..
- لعد لويش ضايجة
- تعبانة شوي اريد انام
- هسه نوصل للبيت ونرتاح اني هم متكسرة ومحتاجة شاور دافي ولو اني ممقتنعة بسالفة البيت والعقيد
باوعتلها :- ليش عود
باوعت للملازم وتقربت تهمس :- منحط هو وضباطه عينه مشالها من ماما من اول مدخلت لمكتبه
سكتت مرديت والله لو تدري باللي سمعته تتخبل
...《 شهربان 》...
نورجان نايمة بحضني اغفى كل شوي واگعد والگى السيارة تمشي لحد مفزيت على صوت الملازم وهو فاتح اتصال رابطة عالسيارة
مآب :- حيهم أخو شيخة
- انطم يالسگط من الصبح اخابر عليك وينك
- بالمركز عندي شغل
- ومتعرف تشيل تليفونك ترد تكول اكو چلب ابن سطعش چلب تايريد مني شغلة جائز صابو قدر مات اشتعل اصلو
- لا محشوم يالعضيد أأمرني خوية
- خوية وأأمرني ؟ هاي مو أخلاقك مآب انتَ وين
- عوفك مني يول اليوم بالمركز دحكتلك قطع كيك من اليحبهن گلبك
- اويلي احب الكيك
- شوف العار بسرعة استلمها وحول
- گلبي رهيف واوردتو ترخى يم طاري الكيك ما كتلي شلونو الطعم
- ما ضايك بس شلون كيكات يشهن بالقرآن خوب ام الككو اشتعلت صفحتك البالي
103 تع
حجاها واجت عينه عليَّ بالمراية الامامية
خزرته ودرت وجهي رجع الطرف الثاني سأله
- شكد اسعارهن يول
- القطعتين الصغار على ١٥ يطلعن بس عندك الكيكة الجبيرة ام الــ٣٠ وابو الحسنين مو كيكة تجوي ستوها طالعة من الفرن بحيث المركز كله يدحكها ويمطك
- الجبيرة حكي مآب اليگرب انحرو ومحمد
- ههههههههههههههه ابوي غلبك وحجزها
- والله عرفتو نفسو دنية
- هههههههههههه يحب الكيك
- تلكه السكر هسع معلك عندو
- حگو والله ما دحكت الشوفة الشفناها
- هو ابوك من غير شوفات شلونو النوب يدحك كيك ما يخلي وراه ابو نفس الدنية
- ابوي هذا لك لا تتجاوز لا اخلي سنونك خردة
- ديلا على اساس ابوك عبد الباسط شو هو سرسري زمانو محد علمنا على هالدرب غيرو
- حارات يول اليگرب الهن يحترك لسانو
- احب الحارات
- انتَ كلشي تحب هاي منتهين منها
- بقيلي قطعة مآب لا اشعلو لأصلك
- ديلا لتذب ميانة زايدة بعدين اخابرك
باوعت لماما ايدها عالجامة وبالها مو ويانا بغير عالم
تسالموا وسد الاتصال الطريق صار شطوله بقوا هو وماما ياخذون وينطون بالكلام لحد مفزيت على ايد ماما وهي تندهلي
39 تع
فتحت عيوني وباوعت السيارة واكفة كبال بيت كبير المنطقة كلها على نفس الدزاين بيوت كلها حديثة تخبل
نزلنا امدد بجسمي منتهية من وضعية السيارة
اتقدمنا الملازم فتحلنا الباب وانطه المفتاح لماما كال
مآب :- وهاي الأمانة اخذوا راحتكم بعد البيت بيتكم واي شي تحتاجوا رقمي صار موجود عندج اتصال واحد تلكيني بالباب
2 تع
وقبل لا انسى جائز تلگون أغراض بالبيت هاي تخص المؤجر السابق خلوهن على صفحة وانا باجر أمر اخذهم
شدن :- فدوة لعينك متقصر ورحم الله والديك اتشكرلي من العقيد كُلش هواي
- يصل مع السلامة
رفع ايده سلم وراح واحنا دخلنا جوة حديقة صغيرة برة وبيها مرجوحة متوسطتها ركضت نورجان عليها مددت
فتحت ماما الباب الداخلي ودخلنا للصالة كعدت
عالتخم ورجعت راسها ليورة بتعب صاحت
- اوي جسمي دا احسه يون عليَّ
3 تعل
من التعب بيومها حتى مشفنا البيت نمت اني عالتخم وبقت ماما كاعدة عزلت البيت لان اول مدخلنا جان هوسة الطبلات عليهم گلاصات ومواعين وكم قطعة ملابس رجالية مشمرة بأهمال
نزيت على صوت ماما وهي تحجي بالتليفون منفعلة
شدن :- كفوا مني زين لو لا لا من اقريبة مرتاحة ولا بعيدة وخلصت منكم .. كافي جوزوا مني ومن بناتي
سكتت شوي تسمع الطرف الثاني ونترت :- اعلى ما بخيلك اركبه لا انتَ ولا الأكبر منك يگدر يجيس شعرة مني خلي تهديداتك تفيدك
ما أعرف شكال الها وهي ردت
شدن :- طيط عود خفت يلا دي مناه
سدت التليفون وشمرته عالتخم وكعدت
لازمة راسها تهز برجلها حيل مشيت يمها
شهربان :- ماما هذا خالو فؤاد ؟
سكتت ما ردت وضلت على وضعها انتبهت لجسمها يرجف لزمتها :- ماما شبيج لويش دترجفين
باوعتلي عيونها حمر وضلت ساكتة
- خايفة مو ؟
نزلت دموعها :- عوفيني بان ترى روحي طالعة وكلام الله
- عرفوا مكاننا ؟ شيريد منج ليش خابر ؟
نترت بوجهي :- كتلج عوفيني مالي خلك هالملحة عليش بعد
سكتت وباوعت للباب لكيت نورجان واكفة تباوعلنا
أشرتلنا حتى نگوم :- گومي اخذي اختج وامشن اصعدن فوك اكو غرفة نظيفة نامن بيها
صعدت واباوع لكل مكان بالبيت
كبير واثاثه كله جديد آخر موديل
ضل ابالي شلون العقيد هيج قبل يأجرنا بيته
فوك جانن ٣ غرف وحدة منهن جانت مفتوحة الباقي مقفلات دخلت للغرفة ماما منظفتها قبل لنصعد درتلها
شهربان :- ماما متأكدة تگدرين تدفعين ايجاره ؟
- مو كتلج حطلع ادورلي شغل مراح اقبل الا براتب عالي
- البيت كبير ودتشوفين المنطقة كلها مبينة مال زناكين وين احنا وين هالمكان
- وليش مستكثرة علينا هيج عيشة ربج رادلنا الخير وخلصنا من فؤاد الفگر ابن الفگر وسخرلنا هالعقيد بوجهنا حتى يساعدنا
- استغفر الله هم گالت العقيد
- ليش تضوجين منه مبين خوش رجال
- شوكتي عرفتيه خوش رجال انتِ مشفتيه شلون ديباوعلج محبيته ولا اطيق اشوف وجهه بعد
- هم الزلم كلهم هيج ضلت عليه
- الصوج مو منهم الصوج بلبسج الخزي يصيح للأعمى باوعلي اني بنية ومرات اصفن عليج هذا غير لسانج والميانة التضربيها ويَّ الرياجيل
- بعد تعالي علميني شلون البس واحجي لتنسين نفسج بان
- اذا اشوفج تسوين غلط فـ أي اعلمج مبيها عيب اني من خوفي دا احجي هيج والله من شفته شلون ديباوعلج واحنا بمكتبه تمنيت افگس عيونه
ضحكت واجت باستني بخدي :- اوي زلمتي النجر اليغار على امه
47 تع
- اي أغار وما أحب احد يباوعلج بهالطريقة القذرة
- يعني شلون يا ماما نسد عيون العالم لو أحبس روحي بالبيت
اختنگت :- اي ابقي بالبيت ولتطلعين بعد اني أشتغل بمكانج
- حلو حچي جديد هذا
فاتت نورجان للغرفة بيدها بطل كالت
- ماما اكو اكل بالثلاجة عادي اكل منه لو خاف بيه شي
- اكلي ماما شفته كله نظيف
بعدين انتبهت للبطل اللي بأيدها شكله غريب وهاي رايحة تشرببيه مشت الها بسرعة سحبته من ايدها
فتحت عيونها :- لج نووووووورجان
- شكو ؟
- شتشربين
- عصير
- لج شررررب هذا شرب
- عزة شو بله
شافته وتقرا بيه عود تفتهم بس وين كله انكليزي
- عزة ماما هذا مكتوب ويني
wine يحظي wine -
- شنو يعني اني سكرانة ؟
هزيت راسي بمعنى اي وحابسة ضحكتي على منظرها
- عززززة اني سكرانة
عضت ماما ايدها بقهر :- ااااخ منج شسويلج گوليلي
- والله ما ادري جنت عطشانة ولكيتهم جوة بالجرارة عبالي عصير
- اي عصير بنت الصخلة
- ميييييع
شهربان :- بدة مفعوله هههههههههههههههههه
22 تع
رفعت راسها ليفوك
شدن :- ربي الصبر على ابتلائك رررربي
لزمتها من ياختها صاحت بيها
- بسرعة ولي من خلقتي للحمام اسبحي بمي بارد
- تردين تموتيني
كامت تبجي :- ليش انتِ مو امي
- بنت الصخلة شمووووتج دا اشوف صرفة للسم الشاربته
رجعت صاحت :- ميع
81 تع
اخذتها تسحل بيها من ملابسها وترزل
هدأت شوي واباوع بالسگف مدا اصدك خلصنا من بيت خالو بعد ماكو نسرين وتنظيف من الصبح ولا نومة بالبرد ولا اكل قليل راح نرتاح
شوي وطلعت نزلت جوة لكيتهن بالمطبخ
نورجان كاعدة على طاولة الطعام وراسها عليها وماما تتحرك تروح مناه وتجي مناه
شهربان :- ها شلون صارت
رفعت راسها صاحت :- ميع بس عالخفيف
ضحكت وكعدت يمها مبينة دايخة حيل وترجف من البرد البيت زين دافي ومفروش محسيت بذيج البرودة
- كُلش
نزعت سترتي انطيتها الها لبستها
تقربت منها احجي بصوت ناصي وعيني على ماما
- شلون طعمه
- مرر يلعب النفس
2 تع
- لعد شلون شربتيه
- جان بارد يسوي واهس بس شو هسه دا أحس بحرارة ببطني
سوتلها عصير ليمون واجتها :- هاج اشربي
- ماريد ماما والله لعبانة نفسي
- اشرررررررربي
1 تعل
اخذته منها نسفته نسفة وحدة بعدها كاعدة وركضت للحمام تتقيأ لحكناها طلعت وهي تطوطح
ضربت كصتي وماما تربعت بالكاع ايدها على خدها وتباوعلها بحيرة .. خلصنا الليل سهرانين وياها كل شوي تغفة وترجع تفز لو تطفر للحمام ذبت كل اللي ابطنها
للصبح اندك الباب فتحت عيوني باوعت نورجان نايمة بصفي ذابة روحها .. لميت شعري ونزلت صارت ماما بوجهي داخلة بيدها علاليك صبحت عليها
شهربان :- منو دك الباب
- الملازم هذا خطية جايبلنا ريوگات
- ليش ؟
- شنو ليش بان اول يوم النا هنا حب يضيف
يلا كعدي اختج بين ما اجهز الريوك
مشت للمطبخ واني طلعت للحديقة ، الجو يخبل
السما مغيمة شوي وبيها نسمة هوى باردة ..
تجتفت اتدفى وعيني صارت بالباب من جوة اكو سيارة واكفة مشيت فتحته لكيته هو كاعد بسيارته شافني نزل
مآب :- صباح الخير
- هلو
- دحك الهدوء والصوت المبحوح من تحجي وين هاي انوثتج البارحة ما عرفتج
6 تع
- اهووو حيكوم يشمر توكل ابني مالي خلگك
ضحك :- شلونو البيت ان شاء الله مرتاحين
- حلو بس ..
سكتت شوي عقد حاجبه
- شنو يولي كولي ناقصكم شي
- هذا العقيد مالتك المنحط
- شبيه احجي شعمل تاورو ور
- لكينا بطالة مال شرب بثلاجته
عض شفته حجة وهو يحك گصته
2 تع
- هاااااا هو يضوج مرات وكيفو يتخربط يكعد يشرب شوي جم مرة كتلو سيدي الشرب مو زين مووو زين ما يسمع مني
42 تع
- گبر مستصغرك هذا شلون متحمل تشتغل وياه
- شعمل عجل العيشة تريد وهو مهددني ما احجي لأحد تاما يطردني
- عزة اشتكي عليه لعد شنو يهددك
- لا خيولي ماخذو على گد عقلو ماريد اكبر راسو بس انتِ وينج مو تكولين لأحد بيني وبينج هالحجي ترة انطرد وانا برگبتي عوائل
13 تع
اتصل تليفونه باوع للأسم بأيده وباوعلي
- من رخصتج
حجاها ومشى عني يخابر واني هم دخلت جوة
لكيت نورجان كاعدة وماما واكفة عالطباخ
- هذا ليش بعده واكف بالباب
- اريد اطلع ادور شغل وكال اني اوصلج بطريقي
- العقيد دزه مو
- يا طلابة العقيد بان ماما انسي وتعالي تريكي فضني تأخرت عالولد
2 تع
سكتت وعديتها اكلنا وماما بس شربت چاي وكامت
نص ساعة واجت كاشخة لابسة كوت احمر بلون حمرتها الصارخ وبنطرون اسود الشعر رافعته ذيل حصان
21 ت
اجتنا العطر يهف كعبها يطكطك وياها :- بنات اني طالعة يجوز اتأخر لليل وصيت مآب يجيبلجن اكل وهذا التليفون يمجن اي شي تحتاجوه خابروني
- ماما متأكدة طالعة تدورين شغل ؟
40 تع
تنهدت بملل :- شجاج وياي بان يعني حسرة عليَّ البسلي لبسة مثل البشر لازم تضوجيني بكم حجاية
هزيت راسي :- هذا هو اخذي راحتج
طلعت وهي توصي بينا وصدك مرجعت الا تالي الليل بيدها علاليك ملابس النا لأن الجايبيهن قليلات ..
استمر هالحال اسبوع تقريبًا كل يوم تطلع تدور شغل وكل ما اسألها تكول بعد ملگيت وكل اليوم تخلصه گاعدة ايدهل على خدها وتصفن هواي مثل المحتارة
حاولت هواي اتجنبها وابطل مشاحنات اشوفها تجي تعبانة خطية تبدل وتنام دتحاول تسوي العليها حتى تعيشنا
اتصالات خالو وعمو سالم مبطلت بس ماما
لابستهم وكامت غيرت الشريحة وبدلت رقمها
لحد ما بيوم كاعدين بالصالة اندك الباب الدنيا الليل
كامت نورجان فتحته ودخلت وراها مآب سلم وگعد
مآب :- شلونج الكلفة
باوعتله :- وياي ؟
- وياج عش اكو غيرج كلفة تمشي وعتهف بالوادم
6 تع
رديت بنفور :- زينة
حجيتها ورجعت درت وجهي عالتلفزيون
اباوع عالفلم بس استوقفني كلامه من كال لماما
- جبت وثائق البنات وكملت سالفة النقل من هذا الاسبوع يباشرن دوام انا بيدي اخذهن واجيبهن
2 تع
شدن :- هم على گلبي وانزاح شلون اجازيك
- لا يابا صدك جذب جم شدن عدنا
- فدوة لگلبك
كامت تجيبله عصير واني عيني عليه شافني غمزلي
- عش صفنتي يولي الصفنة مو الج
- العقيد كلفك بالنقل ؟
- اي وانا مالة الله ما ردت اسويها تعرفين محافظات وطريق طويل شلي بهالدوخة بس بعد برگبتي عوائل وهذا الچلب مهددني
- شكد حيوان شنو يتأمر عليك وانتَ قابل عادي
- العيشة يولي العيشة
- دنعل العيشة التجي بالذل هذا مستصغرك روح اشتكي عليه بالوزارة يطلعونه جلاليق
20 تع
- لا خطية وراه جهال يسيبون بلياه عجل عش ساكت انا لهساع غير لخاطر بزرتو
2 تعل
- متزوج هو ؟
هز راسه وأشرلي بأيده اثنين شهگت :- عزة بعينه والله عرفته واحد نسونجي وعينه ما يمليها بس التراب
- شعملو حجيت نصحت ميفيد وياه كتلو جهالك
سيدي خطية مرة الأبو تسيبهم ولا جنو يسمع سالفتج مستصغرني
- اشتعلت روحه
عض شفته :- اي والله اشتعلت روحك فدار
62 تعل
ضل يمنا شوي وراح
اجه يوم الأحد اول يوم دوام النا كعدت كلي نشاط
بدلت ملابسي ومشطت شعري رفعته ذيل حصان ونزلت لماما صبحت عليها
شدن :- لعد اختج وين ؟
- عفتها نايمة بفراشها
- استغفر الله حتموتني هالبنية
حجتها وصعدتلها فوك ، نورجان عكسي على كد ما احب الدراسة هي تتخبل ولا تجيبلها طاري المدرسة ونومتها عزيزة متحب كعدة الصبح
لشوي ونزلن سوة مبدلة ملابس المدرسة وكعدنا نتريك دك هورن بالباب مآب منتظرنا اخذت جنطتي وطلعتله
شهربان :- صباح الخير
شافني وابتسم
- ول يابا دحك الابتسامة شاگة الحلك اليوم
- متحمسة للدوام
- لو ادري من زمان مكمل النقل
طلعت نورجان عافسة الخلقة صعدت وركعت باب السيارة حيل صاح بيها طنگرت بالزايد واندارت منه
2 تعل
مآب :- لا الخبال واصل مرحلة اليوم
نورجان :- sorry
- وين احطو هذا الباب تفلش
- مو دنكول sorry
- عش ضايجة شوفي حتى اختج طنگورة اليوم سنها يضحك
شهربان :- حتجاوزك هالمرة لخاطر العوائل البرگبتك
- آخ الله نجرة
حجاها وشغل السيارة وصلنا للمدرسة ومر الدوام طبيعي
جانت المدرسة اهلية وأرقى ما يكون والناس البيها بعد أرقى من طلاب ومدرسات عاد هنا نورجان انطلقت
مر اسبوعين عيشتنا تخبل ماما بشغلها واحنا ملتهيات بدراستنا نرجع من الدوام نلگى الغدة حاضر والبيت منظف حتى متخلينا نشتغل نجي نذب روحنا عالنوم ونرجع نگعد للعصر نكمل دروسنا وهيج خلصانة
لحد ما بيوم صار اجتماع بالمدرسة وطلعونا كبل بوكت
كلت لنورجان نرجع مشي لنخابر مآب لان المدرسة قريبة عالبيت الكاعدين بيه والجو جان حلو للمشي
وصلنا لگينا سيارة مآب طابگة بالباب استغربت هذا شجابه ، دخلنا جوة نورجان بوجها عالمبطخ واني دا اصعد فوك سمعت صوت جاي من غرفة ماما
عقدت حاجبي ومشيت للغرفة الباب مسدود اجاني صوته :- شنو هالطيب اللي شايلتو
40 تعل
مديت ايدي فتحته وضليت مصطكة من المنظر الشفته
ماما بحضن العقيد وهو مخلي راسه بركبتها
91 تعل
شافوني اثنينهم كمزوا لبست روبها فوك ثوب النوم اللابسته وهو سحب قميصه ضال بالفانيلة الداخلية
اجتي عليَّ :- بان باوعيلي مو اللي ابالج والله
رادت تلزمني نترت ايدها صحت
- ديرررررري بالج تلزميني
كامت تبجي :- عاقد عليَّ والله
- طالعة تدورين شغل ماما ؟ تجين لتالي الليل واني اباوعلج اكل بروحي اكول خطية دتركض لعيشتنا واحس روحي مقصرة بحقج لييييش هيج ليش
- ماما بان ..
5 تعل
- لتكوووولين ماما حرام بيج هالكلمة انتِ مو ام ومتستاهلين تكونين ام اصلًا تدررين شنو ؟ غلطة بابا الوحيدة من عاف أهله والعز العايش بيه لخاطر وحدة رخيصة مثلج مينلامن عماتي بيج
53 تعل
عفتهم وصعدت الدنيا سودة بعيني
منظرهم مدا يطلع من راسي روحي محترگة افتر بالغرفة بأعصاب تالفة ..
باوعت لوجهي بالمراية مدخن صاير احمر شلت شيشة العطر وشمرتها بالمراية صارت طشار كمت اصرخ بهستيريا اشمر شكو شي يجي بأيدي شبه فاقدة
اجوا يتراكضون عالصوت ما حسيت الا العقيد مقيدني بأيده ويزمخ بوجهي
فدار :- شبلاج يوووولي تسوووووودنتي
- وووخرررررر حقيييييير قذررررر لتلززززمني عووووفني لك وخرررررررررر يالناقص غيرررررة يالمنحط النسوووونجي الشاااااايب رجليييك بالگبر
گمت افشر مخليت حجاية وهو يخلي ايده على حلگي يسكتني انتهيت واني ارفس بيده فقدت لزمتني الرجفة
كمت ابجي عافني كعدت بالكاع اشهك صارت عيني بعين ماما اللي مكابلتني ودموعها تنزل بقهر ، حاولت تحجي وياي مرديت لحد مصاحت بيها نورجان
نورجان :- ترة دمرتيها كتلج راح تتخبل علينا وتفقد وررررحتي سويتي اللي براسج
- لج ماما والله عاقدين بالحلال
انهارت كامت تبجي راح لزمها من ايدها يحاول يسكتها
فدار :- اهدأي يولي متستوجب كل هالبجي
- مدا تصدك كولي شسوي شلون بيَّ وبحظي راح تروح من ايدي البنية
سحبها ونزلها وياه واني عيني وراهم ساكتة
هادئة من برة بعكس النار الشاعلة صدري
ضلت نورجان مگابلتني تخاف لا اسوي شي
شهربان :- مراح أأذي بشر ليش گاعدتلي حراسة
- خايفة لتأذين نفسج انتِ
- ليش مخبلة عقلي بعده براسي لتخافين ما اسوي شي
- بان انتِ زينة ؟
مسحت وجهي وكمت ألم بالكزاز اللي عالگاع اجت لزمتني :- عوفيه اني اشيله روحي ارتاحي
- وخري نورجان
- ما اعوفج
عضيت شفتي بقهر :- ضربتين عالراس توجع نورجان
4 تعل
بجت :- والله خفت عليج وحلتلي الراحة والعيشة الاحنا بيها سكتت
- ليش تبجين ؟
- لتكرهيني بان مالي غيرج
- هه ليش وابوج الجديد
- ما صار ولا راح يصير أب بمكان حارث
- حارث النسيتوا دمه ؟
- انتحر بان هو انتحر
- انقتل والقتلوه منه وبيه واليوم رجعتوا قتلتوه وهو بگبره
4 تعل
- بان
- انقتل والقتلوه منه وبيه واليوم رجعتوا قتلتوه وهو بگبره
- بان
- بان بان باااااان كافي كرهت اسمي عوفيني نورجان تعبانة اريد امدد
حجيتها وكمت للجرباية رجعت اتهرب من
واقعي وافكاري بالنوم ورجعت لنقطة الصفر
أنام بالنهار حتى أخلص الليل كاعدة
ولو نمت بالليل ما أتهنى بنومتي
مر كم يوم معتكفة بغرفتي ماما تحاجيني ما ارد عليها ونورجان ما احجي وياها المدرسة كعدت منها مداومت
والعقيد بعد ما جانت سالفتهم مدسترة بالسر صار يجينا للبيت ومرات يبات يمنا وانحسب علينا ابو
كاعدة بغرفتي الكتب مطشرة بكل مكان
ودايخة بالكيمياء فاتت للغرفة اجتني
شهربان :- جيبيلي التليفون مال شدن
3 تع
- شتسوين بيه
- مو شغلج
- ما اگوم الا تكولين شتردين بيه
- استغفر الله ضايجة اختنكت اريد اتصفح بيه شوي عندج مانع
2 تعل
- هسه اجيبه
كمت ركضت جبته ورجعت انطيته الها اخذته وطلعت من الغرفة واني رجعت لمكاني ، يمكن ساعة استفقدتها ونزلت افتر ادور عليها ما هي
لحد مشفتها فايتة للبيت داخلة من الحديقة بعز هالبرد ما انتبهتلي جانت مدنكة بالتليفون ومبتسمة
نورجان :- ليش طالعة بهالبرد
فزت شافتني حجت وهي تكلب بالتليفون بسرعة
- اختنكت كلت اشتم هوى
6 تعل
- بان دتخوفيني بهدوئج
باوعتلي واجت انطتني التليفون
- تحجي بان ميعجبكم تسكت بان ميعجبكم شسوي يعني
- شجنتي تسوين برة
- بنتي ضاااايجة يا بشررر محبوسة مثل الحيوانة هنا كلت اطلع اشتملي هوى ادري كفرررررت
7 تعل
- جنتي دتضحكين
- ليش حرام ؟
عافتني ومشت للتخم مددت تتفرج تلفزيون ، كلبت بالتليفون ماكو شي مسجلة خروج من كلشي
نفضت هالأفكار من راسي ممرتاحة لهدوئها ابد واراقب بتحركاتها اختي واعرفها اذا سكتت يعني وراها مصيبة
بالليل كاعدين اني وياها بالصالة درتلها :- الباجر تداومين ؟
- مو شغلج
- بان ترة سوولج استدعاء ولي أمر حيفصلونج من ورة الغيابات
3 تعل
- عنهم
- اعرف ضايجة ومقهورة من ماما سوي كُلشي بس دراستج لتعوفيها انتِ تحبين المدرسة
- وهسه كرهتها
سكتت منها ماكو فائدة من الحجي وياها
متاخذ حجاية احد اجت ماما تلبس بالقمصلة
شدن :- طالعة للأسواق شتردن اجيب وياي
شهربان :- اجي وياج
حجتها وطفرت ركض فوك واني وماما نباوع مستغربات ردة فعلها ، نزلت لابسة سترة واللفاف على رگبتها
- كومي لعد نورجان ويانا فد مرة اشتري التردينه
رحنا كلنا نتمشى الجو بارد ايدي بجيوب قمصلتي الأسواق قريب براس الشارع ..
وصلنا هناك واشترينا النحتاجه من اجينا نريد نحاسب من بين الغراض شالت ماما مكينة حلاقة رجالية
- هاي منو جابها ؟
شهربان :- اني
- وشتردين بيها
- مو شغلج
شالتها ماما وراحت ترجعها مشت وراها :- ليش دترجعيها اريدها
- شنو براسج لج رجالية شتصخمين بيها
- جسمي جسسسسسمي شلون يعني اصيح كدام الرجال
- ملسة ما بيج شي
2 تعل
- كتلج محتاجتها
- اني اجيبلج شيرة هاي تطلعلج شعر خشن
عاندت واخذتها وراحت خلتها وي الغراض هزت ايدها ماما حاسبنا وطلعنا راجعين للبيت ، بالليل اجه عمو فدار بان جانت بالغرفة واني هم لحكتها وراي دوام
4 تعل
كعدت الصبح نزلت مبدلة لكيت ماما مجهزة الريوك كعدت اكل
شدن :- اختج وين ؟
- هسه تجي
ثواني ونزلت بعدها بملابسها مال بيت
- ليش ممبدلة بان
- ما اداوم
- وليش عيني
- بطلت
- نعم ؟؟؟ ومن شوكت قررتي خاتون
1 تع
- مو شغلج
- بان وكلام الله اشعلج شعل لتشوفيني منطيتج على مايج ولي انگلعي بدلي وتعالي بسرعة ديجي مآب يوصلجن
- ما اداوم
- باااان عناد هو شنو
- اي عناد
لزمتها من ياختها :- واني ما امشي بمزاجج تنگبرين فوك خمس دقايق الكاج جاهزة
- ما اروح ومو بكيفج اني مو عبده عندج حتى تستحكميني
24 تعل
نترت ايدها وصعدت فوك فركت راسها بأعصاب حجيت اهدأها
- عوفيها براحتها ماما اخاف لا تعاند وتسوي شي
- هو اني مخليتها دا اشوف وين تاليها وياها
داومت اعتيادي وبالحلة اجاني مآب جايب وياه ماما علمود غيابات بان رجعنا للبيت ، جانت على كعدتها عالتخم مندمجة بالتلفزيون
1 تعلي
راحت ماما للمطبخ تجيب مي لمآب واني عالتخم افرك برجلي تأذيني من الحذاء
فدار :- ها الله يساعدهم اليوم هين
جان ديحجي ويَّ مآب بس استغربت مرد عليه باوعتله لكيت مآب صافن بوراي درت وجهي وفتحت عيوني على وسعهن
نورجان :- عززززززززززززة
- شبلاكم يولي
- عمو شواربك وين راحوا
حجيتها وهو لزم مكان شاربه عقد حاجبه وراح
للغرفة ما نسمع الا الصيحة رجت البيت رج
مآب :- دحنا بالقرآن
اجت ماما من المطبخ تركض على صوته تصيح شكو أشرلها مآب عالغرفة راحت تشوفه ، سمعت صوت تكسير وماما تهدأ بيه صوته يخوف وهو يحجي يصيح بعصبية
طلعوا اثنينهم وهي تحاجي :- اي غير تنتبه يا عيني هن كلهن يتشابهن
- خرررررررب روحو اليدحكني يعفطلي على هالمنظر شلون ادحك بوجه العالم شلوووون اداوم
28 تعل
- ديلا يا عيني ليش مستصعبها تصير عادي
مآب :- نعيمًا سيدي
- دحكي هاي بدايتها
اشرت ماما لمآب اللي حاصرته الضحكة على شكل عمو فدار وكل شوي يذبله حجاية عليه ، كام عمو فدار
من الحرگة شمر شكو غرض بالحمام لماما بالزبالة
باوع مآب لبان بشك
صاحت :- ها خير شكو دتباوع
- سوالفج يالكلفة مو ؟
مردت ولا جنها تسمع ضحك وكال
بصوت ناصي وهو يباوع عالغرفة
- بس بالله فوختيلي گلبي جان كلمة والثانية يزكح اضرب شاربك مزيل هسع شاربو هو انضرب مزيل
نورجان :- موس مو مزيل
- دحك العرامة دحك شلون عملتيها عجل اذا موس
- تلكاها داگتله منوم بالأكل لان قبلها سوتها بخالي
فتح عيونه :- يـــا محمد يعني ابوي مو اول شارب يتزين
دارتله مستغربة
شهربان :- ابوك ؟
حك گصته
مآب :- ابوي اللي تحجين عليه اسمو فدار والمفاجأة العقيد هم اسمو فدار واحزري شنو العقيد فدار هو نفسو ابوي دحكي شلون صدفة
نورجان :- عززززززززة
اجت ماما تركض من الغرفة صاحت بخوف
- شبيكم
- ماكو شي بس العقيد فدار طلع ابويا
شهربان :- ابوووك ؟
نورجان :- ابوه
مآب :- ابويا
شدن :- ابوك ؟
- ابويا
شهربان :- طلع ابوووه
- عليك الله صدك هذا ابوك
- هو اسمو بعد اسمي بالجنسية والناس تندهلو ابو مآب والصدفة اني اصيحلو يابا وهو يكلي ابني بس بعدني شاك بالموضوع
شهربان :- تصنف حضرتك ؟
- حشاااااا انتِ بالذات ما اصنف عليج وابو الحسنين شهربان دحكي عندي عوائل تسيب وراي الا شواربي انت حر اذا انجاست
- منو يمك ابني
- جنت ناوي اتغدة هين بس شو شبعت ارجع اكمل شغلي واشوفكم فيما بعد
24 تع
حجاها وكام طلع من البيت طلع وراه فدار مدخن
من العصبية وراحوا اجت ماما صارت كدامها
شدن :- ليش سويتي هيج بان
- شنو ؟
- لتثوليها ليش زينتي شاربه
- الشارب الما بيه غيرة يتزين مو هاي حجايتج
83 تع
- الا شاربه بان شفتي شلووون تفرعن شوي ويضربني وكلام الله رجلي صاروا مثل السعفة احتاريت شلون اطمطمها
- جيد
22 تع
- ليش دتسوين هيج ليش تتعمدين أذيتي ماما وكلام الله مالي حمل للمشاكل والمصايب بعد توني كلت يا الله وامورنا استعدلت والدنيا ضحكتلي ليش هيج تستكثريلي الراحة
جانت تحجي وبنص كلامها غصت وشهگت بجي
- بابا جان يحبج عاف الدنيا كلها لخاطرج وانتِ بعتيه
- ابووووج ابوج اي دكافي مو لعبتيها لنفسي مات وشبع موت وبلاني بيج كُلشي وكلتي بابا بابا اتحملت وياه الفگر والقهر وختمها عليَّ بموتة رنانة لهسه اكوبس من منظره وهو معلك بالسگف شتذكر منه ابوج
- ق تلوه
2 تع
- لج ماما افكارج المريضة طلعيها من راسج مو دتأذين نفسج وتأذين الوياج
- والله قتلوه شفت دمه
- ليييش هيج عنيدة ومتهتمين لأحد حرام عليج والله دتشوفينا كاعدين ومرتاحين شتردين بعد
- طبعًا هيج تحجين حلتلج العيشة بزود العقيد وفلوسه انتِ وامج
3 تع
- انتِ مراح ترتاحين الا تدمرينا على ايدج تستحسفين تشوفينا كاعدين ومستقرين
- جيد
15 تع
ضجت منها حيل ومن برودها اكثر عفتها وصعدت لغرفتي ..
مر كم يوم ما احجي وياها وماما هم زعلانة منها متحاجيها بس هي ولا مهتمة اربعة وعشرين ساعة كاعدة عالتلفزيون لو تتصفح بالتليفون
العقيد ما شفناه بعد يجي مآب بداله يگول :- ابوي مستحي من سالفة شواربو حتى للمركز ما جاي يروح ومتحجج بالمرض
لحد ما بيوم صادف خميس اجانا عمو فدار بالليل شاف المشاحنات الصايرة بالبيت كال امشوا اطلعكم
فرحت حيل نغير جو ، نزلت متحضرة لگيته گاعد
فدار :- اختج ذيج الملسنة وين ؟
نورجان :- متقبل تجي
- استغفر الله عش هيج مهترة وعنودية هالبت
3 تع
- خليها عمو مراح تسمع من احد
هز راسه ومحجة بعد لحد مطلعت ماما من الغرفة لابسة بنطرون وهودي فضفاض ، مسرحة شعرها وبارمته من الاطراف وميكب بسيط بارز ملامحها طلعت بيدها الجنطة وكعدت تلبس بحذائها
شدن :- يلا عيوني تأخر الوقت
حجتها وكامت تعدل بشعرها وهو صافن عليها
فدار :- وانتِ هيج طالعة ؟
حجاها وهو يأشر على لبسها دارتله
- اي لعد شلون تريدني اطلع
- فضيحة الله اكبر حاصرتو حصر البسي شي انستري بيه وخلي شال على راسج شنو وين صايرة مفرعة
1 تع
- لا صدك ؟ اخذتني هيج تتقبلني بهالمنظر فدار سوالف الغيرة مو يمي يم مرتك هناك بالأنبار الكدامك شدن
- متطلعين وياي هيج
- خلص لعد مو باللازم الطلعة
عض شفته وحجة
فدار :- ما تنكضبين وحك ربج
شال سويجة وكام طلع قبلنا يشغل السيارة
... 《 شهربان 》 ...
سمعت صوت الباب وهو ينسد تبعها صوت سيارة
كمت من فراشي ركضت جوة طبيت لغرفتهم فتحت الكنتور وصرت اگلب بالمستمسكات اخذت منهم جنسيتي وطلعت
صار بوجهي مآب داخل للبيت :- انتَ شجابك ؟
بيده سويچه يفر بيه
مآب :- كالولي اكو ذيبة مسرحة بالبيت الزم عليها حراسة تاما تنهد على خلك الله
12 تعل
ضميت الجنسية بجيبي
- والله يا الله يغنون ذول
حجيتها ودا اصعد لزمني رجعني لمكاني ومد ايده للجيب صحت :- وخرررر شبيك دا اگولك وخررررر
طلع الجنسية وباوع بيها عاقد حاجبه
- عش ماخذتها ؟
- مو شغلك
حجيتها وسحبتها من ايده وصعدت ركض فوك ضميتها بجنطتي بقيت فوك منزلت بس اسمع صوته يخابر
مرت ساعة مليت واختنگت التلفزيون صاير
جوة نزلت لگيته كاعد بالصالة يباوع على لعبة
باوعلي بسرعة ورجع اندار مركز باللعبة
ضليت كاعدة أتابع وياه بملل وبالي شارد
انداريتله ضليت اباوع عليه ومركزة بيه
شلون فاتتني ..
بيه شبه من ابوه حيل أصحاب بنية جثلة شعره اسود خفيف وبشرتهم حنطية تميل للسمار بس مو سمر !
عينًا فدار بس على نسخة أصغر ..
انتبهت هو هم صافن عليَّ درت وجهي بسرعة عنه
توترت أحس بعيونه عليَّ ما أدري شصارلي مرتاحيت بالگعدة
گمت من مكاني دا امشي گام بسرعة صار بوجهي
شهربان :- شبيك
- أريد امشي انتِ شبيج
- سويلي مجال دا أفوت
سوالي مجال گال :- تفضلي
مشيت من يمه واني أخزره رحت للمطبخ أشرب مي
صرت گدام السنك فتحت المغسلة غسلت وجهي
فتحت عيوني جانت الكهرباء طافية مسحت وجهي
ومديت ايدي أتلمس بالمكان وامشي على كيفي
سنطة البيت هدوء صحت :- مآب
ماكو صوت وصلت للباب مشيت بسرعة انردمت
بقوة بشخص صارت هي عيطة وهي گمزة
فركت خشمي صار يوجعني وهو موجه فلاش
الموبايل بوجهي باوعتله عاقجة وجهي بوجع
- شبيك جفلتني
مآب :- غير تنتبهين
- كهرباء ماكو شلون اشوف
- متأذية ؟
- لا مصار شي
باوعت عليه الفلاش بوجهي خليت ايدي امنع الضوة
گتله :- لويش طفت
- ما أدري والله ما بالعادة هسع أشوفها
13 تع
مشى گدامي واني وراه راح لكابينة الكهرباء الداخلية فتحها مدلي الموبايل اخذته وصرت اضويله عالمكان
حاول راد بيها سدها واندار :- ما بيها شي الخلل منهم
- يعني شلون حنبقى بدون كهرباء
- هسع ترد تجي شبلاج أعصابج محترگة
گعدنا بالصالة خلى الفلاش عالطبلة موجه عالسگف
طلع باكيت الجگاير اخذ وحدة شغلها وصار يدخن
الدخان ترس المكان ملامحه مجانت واضحة عندي
بس أحسه يباوعلي من جمر الجگارة اللي متوجهة عليَّ
نعست وصرت أتثاوب وأغفي بمكاني
مآب :- گومي يولي مددي عالتخم عش هيج مكسرة بالگعدة
- لا هسة تجي الكهرباء وأصعد للغرفة انام
- سالفتها مطولة نامي عالتخم ومن ترد تشتغل انا أگعدج تاتصعدين للغرفة
عاندت الا ابقى بمكاني سكت ما لح وياي
أفتح عين وأغمض عين گوة اشوف
ريحة الجگاير نعستني بالزايد
نمت بمكاني محاسة على نفسي
نزيت على صوت نورجان تضحك فتحت عيوني
صارت گبالي بيدها موبايل موجهته عليَّ
- شدتسوين
نورجان :- اوكفي عليج النبي دا أصورج
انتبهت لروحي نايمة عالتخم جوة راسي مخدة وعليَّ قمصلة مآب متغطية بيها نترتها بسرعة وفزيت
ضليت صافنة معقولة محسيت عليه
باوعت للطبلة أغراضه سويچه وموبايله موجودات
شهربان :- مآب هنا ؟
- اي طلع برة
گامت تسولفلي على طلعتهم وشلون فدار فررهم ومدخلهم مطعم راقي وشالت تليفون جديد بيدها
نورجان :- شوفي عمو فدار شجابلي
هزيت راسي عفتها وگمت صارت ماما بوجهي
- وصلت بيج تخلينه يتصدق علينا بفلوسه
شدن :- شبيج بان شكو النوب
- عليش خليتي يشتريلها تليفون شناقصج انتِ مجبتيلها
- مشايلة المبلغ وتعرفين بملحة نورجان وهو شافها مخلاه بنفسها وين الغلط بالموضوع
- ممحتاجين عطف من احد
- عطفيش بان بمقام ابوها
- لتشبهين بابا بهذا المنحط
حجيتها وخزرتني تباوع وراي ، درت وجهي لكيته واكف منتجي عالباب مجتف ايده ورافعلي حاجبه قصص ماي هوبس
كتله :- ليش تباوع هيج اي منحط ومعندك غيرة وعينك ميمليها بس التراب متزوج وعينك هنا وهنا
فدار :- ومحمد لوما امج موصيتني بيج وادري بيج مريضة جان شفت شغلي وياج
- مريضة ؟
درت وجهي اباوع لماما الغصة بصدري
بلعتها ومشيت منهم طلعت بالحديقة
3 تع
كعدت بالمرجوحة دموعي نزلت
صار مآب بوجهي :- لاه يولي عش البجي
مرديت عليه وهو محجى بعد وگابلني يدخن
ويباوعلي كمل جگارته واجه كعد يمي كال
مآب :- شبلاج يالكلفة
شهربان :- شلون متقبل فكرة انُ ابوك ماخذ مرة على امك
- حگو يولي انا شعليَّ بيه
3 تع
- وامك ؟
- امي بغير صوب مالها علم وخليها لتدري احسن مرجوعو الها
- ما ادري احس خيانة لبابا واني اشوفها وياه مدا اتقبل زواجهم ابد
- مو من حگج تعترضين هي هم بشر والها حياتها الخاصة والصدك غير هي ما ملزومة بيج ولا بأختج صغيرة ما مجبورة توكف حياتها تاتربيجن وتدفن روحها
31 تع
- مو من حگج تعترضين هي هم بشر والها حياتها الخاصة والصدك غير هي ما ملزومة بيج ولا بأختج صغيرة ما مجبورة توكف حياتها تاتربيجن وتدفن روحها
- وبابا ؟
- المات الله يرحمو الدنيا متوكف على احد امج انسانة طبيعية وجاي تعيش مثل اي انسان طبيعي حگها تتزوج ويصير عندها رجال وعزوة وتحس عندها ظهر
- ليش حاسبين روحكم بس انتوا وبس ومتخيلين المرة متكدر بدونكم
- مو مال هوبزة بنتي انتن ٣ نثاية متكدرن لهالدنيا لوحدجن العيشة تريد وامج شافت نفسها مو كد هالحمل مو عيب ولا حرام شافت بأبوي سند الها تشاركو الحمل ودامو بالحلال عش معترضة بعد
- يعني هسه انتَ برأيك الزواج من يصير بيه مصلحة حلال ؟
- مالة الله انا واحد ساقط مالي بسوالف الحلال والحرام بس عدنا واحد بالعائلة حاسبينو مرجع نمشي بالفتاوي ليزتها
- شيخ ؟
- اي يولي شيخ متنكر
- شلون يعني
- اصبري تاخابرو وتعرفين
حجاها وطلع تليفونه گلب بيه شوي
واتصل على واحد فاتح سبيكر
- ها سگط عش تتصل كل ساعة ليگول حرمتي
- سرفايفل يالمخزيها
17 تع
- ها منو حدرك ؟
باوعتله رافعة حاجبي شلون
مرجع هذا سلامة بالفشار
باوعلي بحيرة :- مخازي يولي شلون أفهمك
- هااااا يعني يعملون الفاحشة
- يا فاحشة ابن الاوادم غير عاقدين
- اي عادي فاحشة بالحلال
- شلون بلة
- عندك امي جانت تگلنا زوجونياه غصب وهو يگول كلما ارجع من الشغل ألگاها لابسة أحمر وتتلگاني
11 تع
- هسه هذا الحجي شدخلو بسالفتي
- شمعرفني هو انتَ عش دگيت
- عالمسألة المستعصية
- ها اي يابا روح دام الجماعة متونسين طز بالباقي وانا من عندي اگلك حلال وخطيتك برگبتي بعد
- قنعتني بس ما گتلي من شوكت عندك هالفتاوي الرنانة وضامها علينا
- شعمل محد مكتشفني
16 تع
- كافي بعد مو مال تضم هويتك الحقيقية عن عيون العالم من باجر سلم رتبتك زين شاربك وربيلك لحية خلي الناس تستفاد من فتاويك
3 تع
- عجل من تجي جيبلي وياك سبحة وعمامة من الكاظمية تاخليها على راسي
- العمامة افتهمناها السبحة عش
- استغفر بيها نهاية اليوم عالجذب الراح اجذبو
عض شفته وباوعلي همس :- مو كتلج شيخ متنكر ميستغفر الا بالليل تاما يبين ايمانو بالنهار گدام العالم خاطر لا يعتبر رياء وياخذ اثم
- ويامن تحجي ؟
- مو شغلك
- هيج الخوة تاكل كيك وانا مو حدرك
- شبير تحظرني وتنسى رقمي من ساسو ولا جنك تعرفني وحتى اليسألك عني كلو تبرينا منو وذبيناه من العشيرة
- درب الجلب معروف ورة ١٢ تخابرني الحكني الكيف تخربط تاريد كعدة تعدلو
- شاربي مو عليَّ اذا دحكت خلقتك الزفرة بعد
- روح خلي مكينة الشارب تاتزينو الك مثل ما زينت شارب ابوك
سد الخط منه
شهربان :- شيعودلك هذا اشوفك هواي تخابره
- واحد مخبل بالعائلة من أضوج اتصل تاضحك عليه
- شبيه مخبل
- بصغرو دعمتو عربانة وصار خلل بعقلو وابتلينا بيه
گام وگف كال :- گومي يولي الجو برد لتتمرضين
عدى اليوم وصبحنا بيوم ثاني گلبي يوجعني
كل شوي اباوع لنورجان ولماما واذبلي حسرة
ارجع النوب اتصفح التليفون واراجع الكاتبه الي
نفسي مسدودة عن الأكل گاعدة وياهم واباوعلهم بس بالي بغير دنيا ، دنيا ما بيها بس اني وياه وبعيشتنا
بالليل انتظرت الكل ناموا وبيدي جهاز نورجان واهز برجلي بأعصاب تالفة ، لحد مأجاني المسج المنتظرته
حذفت صفحته ومسحت كلشي ورجعت الجهاز يم راسها ، اباوعلها شلون نايمة دموعي نزلت اتمنيت اخذها لحضني قبل لا اروح
11
دنگت بستها ومسحت دموعي دا امشي انلزمت
نورجان :- وين رايحة بان
- گتلها اذا تزوجتي ما ابقالج
- لو بيدي جان أخذتج والله بس ادري بيهم يأذونج وراح يجبروج عالزواج وينطونج لبيت شاكر
- لبيت عمو سالم شيوديج بهالليل
- محمد واگفلي عالشارع العام
- محمد ؟
- اي صار عنده علم بكُلشي وهو وكف وياي وگال اني اطلعج مناك بدون محد يدري من أهله بمكاننا
- يأذونج بان
- محمد يصدهم
- يهون عليج تعوفينا
حضنتها
- روحي انتِ نورجان روحي نصي الثاني الما تعيش بان بلياه ديري بالج على نفسج وعلى ماما هم هدأيها وطمنيها عليَّ واني من اوصل اراسلج
كامت تبجي تمنعني بس مكدرت اتأخر اكثر ، طلعت الجنطة من جوة الجرباية لبستها واخذ القمصلة خليت الكبوس على راسي باوعتلها نظرة أخيرة وطلعت
نزلت الدرج على كيفي بيدي حذائي غرفتهم قريبة اخاف ليسمعون لحد مطلعت بالحديقة لبست الحذاء
طلعت من البيت روحي عفتها هنا بس گلبي ولهفتي عليه خلتني ما اشوف طريقي ولا ادور وجهي لأحد
امشي سريع الشارع اظلم واتلفت بوراي وصلت الشارع العام شفته واكف يم سيارته ضحكت دا اعبر خطفت من يمي سيارة مآب وياه واحد بالصدر شافني رجع السيارة ودكلي هورن طكيتها ركضة.....................
