رواية قدر مكتوب الفصل الثاني بقلم ام مصطفى
عمو وين ابوي
شافني وكام يبجي ياخوي يا نصري
خليت بنتك يتيمة ليش هيج
مفهمت كلامة ولا ليش بجة جنت متوقعة يبجي ع وضعي
مسح ع راسي وطلع
بعدها بقيت فترة ساعتين هم محد دخل علي
فجأة دخلت عمتي اسراء اخر العنقود جانت ممزوجه وكاعده يم بيبي
دخلت وحضنتني حبيبتي رند
جانت تبجي وعيونها وارمة
شلونج رند زينه انت
-اي عمة زينة بس اريد ماما وين بابا ماما سيف
بالبيت حبيبتي
-وين بالبيت وليش،مااجوي وياج
-حبيبتي رند انتو سويتوا حادث بالسيارة وامج وابوج هم مثلج تاذوا فمكدروا يجون
-اي صح اذكر ماما بقت تعيط وبعدها السيارة احس انضربت قوي
عمتي جانت تسمع وتمسح بدموعها وتذب حسرات
-عمة يعني ماما وبابا مثلي اتعوروا برجليهم
-اي حبيبتي مثلج بالضبط
-عمة انت راح تبقين يمي هنا اني اخاف ابقى وحدي بالغرفة
-اي حبيبتي راح ابقى يمج الى ان الدكتور يكول طلعوها طابت
-هاا همزين زين عمة سيف شلونه خوما هم متاذي
رفعت راسها للسمه وكعت دموعها واحس خنكتها عبرة بحيث كامت تفرك ابلعومها وكامت مني بسرعة طلعت بره
اكيد سيف هم مضروب
حرامات راحت السفرة علينا جنت حيل متحمسة نروح للفلوجه
بس يله غير مره بابا ياخذنه
بقت يمي عمتي اداري بالمستشفى
الى ان الدكتور حالتها استقرت وعدت مرحلة الخطر وتحاليلها واشعتها كلها سليمه فقط كسر الرجل تبقى مصبوبه شهر كامل هسه تكدرون تطلعوها للبيت وتاخذ علاجها بالبيت ومنا لشهر تفتحون الجبس
من هنا بدت قصة حياتي والقدر المكتوب الذي لم استطع الهروب منه
اني رند من مواليد ٨٨ سكنة بغداد
كنت اسكن مع والدي واخوي سيف لكن شائت الاقدار ان افقد ابي وامي واخي في يوم واحد
رند
صباح الخير عمة اسراء
-رند صباح النور تعالي تريكي
-لا عمة تاخرت ع المدرسة حيل
-ميصير اطلعين بله ريوك عمه بيبي هسه تبقى تحجي عليج سوتلج الريوك بيدها
-ادري والله بس مستعجلة
صاحت بيبي من بعيد
رند اكعدي اكلي يله ماكو مدرسة اذا ماتتريكين
بيبي منو يخالف اوامرج انت دولة وعلم
اكعد اتريك بس ع السريع مو دكولين
خليت الاكل بحلكي ماااعرف ليش اذكرت امي الله يرحمها
يمكن لان هم متقبل نبقى بله ريوك
اسراء
-يمةةة وتالي وي ابنج لؤي
-شبي
-كل يوم جايني ساحب مني فلوس ادري مو عنده ؤاتب اني شكوو ياخذ،مني
-يمة مرته مامخلية ع حالة حال ماتدرين نهار كله تشتري بيها سولة شرايا ومخلصة فلوسة وين يروح يرجع عليج
-اي بس ميصير يايمة اني هم وراي تجهيز وزواجي قريب
ميخالف بنتي يبقى اخوج لعد وين يروح من يحتاج غير يجي عليج
-بيبي تاخرت اكلت وشبعت بعد عندج شي
-لا روحي بيبي عين الله عليج
اخذت جنطتي وطلعت
مريت ع صديقتي شهلاء جان عندي بوكتها امتحان رياضيات وحيل متعب هالدرس عندي
-شهلاء بشري درستي الامتحان
-اي درخته درخ
-هنيالج اني كولشي ماكو
-ليش ترة سهل
-اني اتخبل من هالدرس البرهان اويلي لو بس يشيلوه
نمشي وبدت تمطر الدنيا
كلما تمطر وتصير هوة اذكر امي وابوي وذاك اليوم المشؤوم
اليوم حيل مشتاقة لامي وابوي ولسيف اخوي شهلاء من كعدت لهسه مدا يرحون من بالي
-الله يرحمهم يارب
رفعت الكبوس ع راسي
وذكرت ذاك اليوم من صعدت للسيارة ولعابيتي بيدي وخاله كبوس الفرو الي هو الي يمكن نجاني من جام السيارة
جريت حسرة
-مخنوكه مااعرف شلون امتحن
تدرين هاي الايام هي ذكرى وفاة اهلي
مثل هيج ايام نحضر شوكت تخلص امتحانات نص السنه حتى نروح لبيت جدو
-اخخخخ صار سبع سنوات من ماتوا اهلي بس ولا يوم نسيتهم
-رند شكد عمرج جان من ماتوا اهلج
-سبع سنوات مانسيتهم ولا لحظه
اخ بابا حبيبي ماما نور عيني
سيوفي حبيبي اشتاقيتلك ولعباتك ولعركاتنا ليش كلكم عفتوني ع الاقل واحد منكم
-حبيبتي الله يرحمهم
دخلت للامتحان مااعرف شلون جاوبت
اشو احس بنفسي حيل هاليوم حانه لاهلي شايفين من مرات واحد هيج روحة تفرفح ع انسان عزيز عنده
اني بوكتها احس كلبي طاك اريد اروح لكبور اهلي اريد امي تكوم تتلكاني وتحضني
اويلي يابه
من رجعت للبيت لكيت عمو امجد عدنا
جان شخص عصبي كلش ومستبد برأية
وشخصيته غير عن عمو لؤي
دخلت سلمت عليه
شلونك عمو
-اهلا
فتت للغرفة اغير ملابسي
واسمع حجي بيبي دكله مااعوف بيت المرحوم لو شيصير
-ادري يايمة اسراء راح تزوج انت شكو باقية وحدج
-مباقية وحدي رند يمي
-رند بنية صغيرة ميصير بس انت وياها كاعدين بالبيت هذا الجبير خل نبيعة وتعالوا عيشوا يمي
-لا البيت مينباع هذا بيت رند يبقى الها سمعت
رند تجي يمي تعيش
-من اموت عود خليها يمك انس هسه بعدني اشم الهوى هسه ....
جانت اعرف عمامي يردون يحصلون ع البيت باي ثمن
بعد مااخذوا كلشي فلوس وعقار كله صار الهم وصرفوهن
رجعوا ع البيت يومية واحد يريد ياخذني يمة
حتى يبيعون البيت
بس بيبي جانت متقبل ابد
عمو امجد بقى يصيح ع بيبي. وطلع
بيبي كامت تبجي
اجيت يمها كافي بيبي ليش تبجين
رند بيبي كلشي يصير ديري بالج بيوم تفرطين بهذا البيت هذا بيت ابوج بي ريحة اهلج امج ابوج اخوج
خاف اموت اني البيت هذا لا تفرطين بيه
-بيبي عفية لا تحجين بالموت
حضنتني يله بييي فوتي بدلي وتعاي نتغده
