رواية جبروت جبل الفصل الثاني 2 بقلم نون

اللي مش عاجبه حكم جبل الهواري الباب يفوت جمل وعوضه على الله في اللي باقي من عمره

خلص الموضوع

الليل فى اليوم ده على نجوع الصعيد مكنش مجرد ظلام بيغطي البيوت ده كان ستار بيخبي وراه خبايا ونفوس بتغلي زي المراجل

 جوا المندرة الكبيرة كان جبل قاعد متربع على كرسيه الخشب المطعم بالصدف والكل حواليه في صمت 

كانت جلسة صلح بين عيلتين كبار والد*م كان واصل للركب بس عين جبل كانت في وادي تاني خالص

 عينه كانت بتخطف نظرات لكف إيده المربوط بالقماشة البيضا اللي ريحتها لسه شايلة عبق المسك اللي بيميز ورد

 واحد من كبارات العيلة التانية اتكلم وقال يا كبيرنا الحق باين والد*م ميروحش هدر وإحنا طالبين دية ولدنا عشان النار تبرد

 جبل فاق من شروده وصوته طلع زي الرعد خلى الكل يتنفض في مكانه وقال الحق مش في الدية يا شيخ سالم

 الحق إن ولدكم هو اللي بدأ والبادئ أظلم واللي يرفع عينه في حرمة بيت غيره يستاهل قطع رقبته مش بس ضربة عصا

 ساد الصمت للحظة قبل ما جبل يكمل بنبرة حسمت الكلام 

.........

.

واللي مش عاجبه حكم جبل الهواري الباب يفوت جمل وعوضه على الله في اللي باقي من عمره

خلص الموضوع و

 انفض المجلس والكل خرج وهو بيضرب كف بكف من هيبة جبل اللي زادت الضعف النهاردة وكأن الجرح اللي في إيده زاده قوة  

جبل قام ووقف في نص المندرة وهو بيفكر في البنت اللي اتجرأت تلمسه وتداويه والكل واقف يتفرج حس بحرقة في صدره مش عارف سببها 

هل هو غضب من جرأتها ولا شعور تاني لسه مش عايز يعترف بيه

 في السرايا من جوا كانت ورد قاعدة قدام الفرن البلدي بتخبز والحرارة لفحت وشها وزادته حمار وجمال

كانت بتعجن بقوة وكأنها بتخرج غلها في العجين دخلت عليها هنادي أم زهرة وهي بتلوح بيديها   و وشها مليان غل وقالت أهي ست الحسن والجمال 

قاعدة ولا هاممها حاجة بعد ما خلت سيرة سيدها جبل على كل لسان

 ورد مردتش عليها وكملت خبز وكأنها مش سامعة غير صوت دبانة بتزن جنب ودنها

 هنادي قربت منها وزعقت اسمعي يا بت انتي لو فاكرة إن حتة القماشة اللي لفيتيها دي هتخليه ينسى إنك بنت خادمة في السرايا تبقي غلطانة

 جبل ده سيدك وسيد الكل ومقامه ميسمحش يبص لوحدة زيك آخره يرميكي رمية الكلاب لما يزهق

 ورد وقفت فجأة ومسحت الدقيق من على جبينها وبصت لهنادي نظرة خلت الست الكبيرة ترجع خطوة لورا وقالت بصوت هادي بس كله ثقة

 يا مرات خالي الخدمة مش عيب العيب على اللي قاعد ياكل في لحم الناس وهو شبعان

 وجبل.. 

جبل عارف مين دهب ومين قشرة ومقامي أنا اللي أحدده بفعلي مش بكلامك المسموم

قبل ما هنادي ترد دخلت زهرة تجري وهي بتنهج وقالت الحقيني يا أما جبل رجع وداخل على اهنا وشكله مش مبشر بخير ورد حست بقلبها اتقبض بس مابينتش وثبتت مكانها

 دخل جبل بهيبته اللي ملت المكان وعينه دورت عليها وسط الموجودين 

شافها واقفة بشموخ ولا كأنها لسه مهددة أكبر راس في البلد الصبح 

جبل شاور لهنادي وبنتها وقال بصوت واطي بس يخوف اطلعوا بره.. 

مش عايز أسمع نفس مخلوق اهنه هنادي حاولت تتكلم بس نظرة منه خلتها تسحب بنتها وتجري

 فضل جبل وورد لوحدهم

قرب منها خطوات بطيئة لحد ما بقى مفيش بينهم غير شبر واحد 

 رفع إيده المربوطة قدام وشها وقال فاكرة إن الحركة دي شفاعة ليكي؟

 أنا لولا إن الدم اللي في عروقك من دمي كنت دفنتك مكانك الصبح

 ورد رفعت عينها في عينه وقالت بجرأة والد*م اللي في عروقي هو اللي خلاني أداويك يا ولد عمي

 القلب اللي ما يحسش بوجع ناسه يبقى حجر وأنا قلبي لسه لحم ود*م

جبل سكت لحظة وعينه سرحت في ملامحها اللي الحزن راسم عليها لوحة بديعة. 

حس برغبة غريبة إنه يمد إيده يمسح الطحين اللي على خدها بس كتم الشعور ده جواه

 وقال بصوت أجش المرة دي عدت عشان الشاى  كان سخن ودماغك كانت مفوتة

 لكن قسماً بالله يا ورد لو لسانك طول تاني ولا عينك رفعت في عيني قدام الرجالة

 لكون قاطع لسانك وحبسك في المندرة دي تخدمي الغفر. ورد ابتسمت ابتسامة جانبية فيها وجع وقالت يمينك واعر يا جبل.. 

بس خليك فاكر إن النار لو زادت بتحرق الزرع والضرع..

 وأنا مش زرعة ضعيفة أنا شوكة في حلق اللي يعاديني حتى لو كان أنت

 جبل بصلها بذهول ممزوج بإعجاب مداري ولسه هيرد سمعوا صوت ضرب نار بره السرايا وصوت الغفير "هريدي" بيصرخ بأعلى صوته الحق يا كبير..

 الحق يا جبل بيه.. المخازن والعة والنار واكلة المحصول كله.

 جبل اتنفض من مكانه ونسي ورد ونسي التهديد وخرج يجري زي الأسد الجريح وورد وراه قلبها بيدق برعب  عليه..

 وعلى اللي جاي. النار كانت عالية والسرايا اتقلبت جحيم

 وجبل واقف وسط الرجالة بيزعق فيهم يطفوا الحريق وعينه لمحت خيال واحد بيجري ناحية الجبل الغربي. 

من غير تفكير سحب سلاح من شال واحد من الغفر وجري ورا الخيال وهو بيحلف برحمة أبوه ما يسيب الفاعل حتى لو كان جن أزرق.

 ورد كانت واقفة في شباك المطبخ تتابع اللي بيحصل وعينها شافت حاجة خلت دمها يهرب من عروقها.. 

شافت زهرة واقفة في ركن ضلمة في الحوش بتدي صرة فلوس لواحد متلثم والابتسامة الشيطانية مرسومة على وشها.

 ورد فهمت اللعبة وفهمت إن النار اللي بره دي ولا حاجة جنب النار اللي زهرة ناوية تحرق بيها قلب جبل.. وقلبها 

الفصل الثالث من هنا