رواية العهد الفصل الثالث
بسم الله الذي لا إله إلا هو الحي القيوم واتوب إليه
كريم .. الو
دهب .. ايه ده كله يا حبيبي انت عارف اني مش بنام غير لما اسمع صوتك وطمن عليك
كريم .. معلش يا حبيبتي كنت مع ابويا في الدوار وكان فيه كام مشكله كنا بنحلها
دهب .. خليك كده حل مشاكل الناس وسايب مشكلتي انا قولي بقا مين هيحلهالي
كريم .. انا طبعآ يا جميل بس هي ايه مشكلتك
دهب .. انت انا ما بقتش قادره علي بعدك يا كيمو هتجنن ويتقفل علينا باب واحد انا هموت لو انت بعت عني
كريم .. بعد الشر عليكي ليه بتقولي كده انا كده كده قاعد علي قلبك العمر كله يا اول واخر حب في حياتي انا معرفتش الحب غير معاكي اتتي بنسبالي الدنيا كلها
دهب .. وانت بنسبالي الحياه انا خايفه لحسن ابوك يرفض جوازنا عشان انا وحدنيه و ماليش حد وانا مش هقدر اعيش من غيرك انا حبيتك بجنون حبي ليك ما يتوصفش وعشانك هضحي باي شئ المهم نكون سوا
كريم .. ما تقلقيش سيبي كل حاجه لوقتها وان شاء الله مش هيحصل غير الخير وانا هفضل متمسك بيكي للنهايه يعني مشكلتك قريب هتتحل وضحك
دهب .. لا انا عندي الحل وبكره كمان
كريم .. بكره ايه السرعه دي شكلك لقيتي مصباح علاء الدين
دهب .. مش محتاج مصباح عشان اتجوزك انا بكره عملالك مفاجئه
كريم .. مفاجئة ايه انا بخاف من مفاجئاتك
دهب .. وه يا بوي كريم بيه ابن فيصل بيه حفيد الجارحي باشا يخاف من دهب الضعيفه اللي ما تملكش اي حاجه إلا حبها ليك
كريم .. وحبك ده اقوى سلاح حتي اقوى من كل اللي قولتيه قدام الحب مفيش سلطان ولا باشا ولا بيه الحب هو الميزان
دهب .. ماشي يا فيلسوف هستناك بكره علي اول البلد زي كل يوم
كريم .. وانا هكون عندك في الميعاد بالظبط يلا تصبحي علي خير
دهب .. وانت من اهله وبترمي التليفون علي السرير وهي بتضحك بكره هخليك ملكي عشان تعمل المستحيل عشان تتجوزني وهكون اجمل عروسه تليق بقصر الجارحي باشا وهنتقم منكم واحد واحد هفرقكم و ازرع الكره بينكم هتشوفه دهب هتدمركم ازاي وانت اول واحد يا كريم وبتلعب في شعرها وهي بتغني ما تزوقيني يا ماما اوام يا ماما ده عريس هياخدنى بالسلامه يا ماما وتنام وهي بتفكر في بكره
كريم .. بيقفل مش عارف يا دهب لو عرفتي ان ابويا مش هيوافق هتعملي انا خايف تعمل حاجه في نفسها يعني يا جدي لازم العهد ده بس انا ما ليش علاقه بيه مستحيل اخون الإنسانه اللي حبتني ولو حتي هتحدى الدنيا كلها يارب احنا بنحب بعض حب طاهر شريف يارب اجمعنا مع بعض علي خير
احمد .. جاي بيغني ومبسوط علي الاخر ايه ده كريم بيه واقف وحده في الارض خير يا ابن عمي مالك
كريم .. احمد زي كل ليله شارب وجاي والله عمي صبري لو شافك كده هيقتلك
احمد .. انت هتفوقني ليه سبتلك كل حاجه ومش عايز منكم حاجه سبوني انتو بقا في حالي
كريم .. حالك ايه يا احمد انت ابن العمده صبري وحفيد الجارحي باشا يعني ليك مكانتك ما ينفعش تبقا كده
احمد .. لا انا بحب قعداتكم ولا عايز حاجه انا المهم عندي مزاجي وبس طول النهار بكون في الارض وما بصدق يجي الليل عشان افك عن نفسي شويه
كريم .. والله يا ابو عمو انا عايز مصلحتك والي انت شايفه صح اعمله
احمد .. هو ده الكلام يا كريم بيه يلا سلام ومشي
كريم .. ربنا يهديك يا احمد يا ابن عمي ويروح كريم وينام واول ما يصحى بينزل يفطر مع ابوه صباح الخير يا بوي وبيمسك ايده يبوسها
فيصل .. ربنا يرضا عليك يا ولدي صباح الخير اقعد افطر
كريم .. بيقعد وبياكل
فيصل .. قربت تخلص امتحانات
كريم .. اخر يوم النهارده ان شاء الله يا بوي
فيصل .. النهارده اخر النهار انت وكل شباب العيله تكونوا في الدوار عايز اشوف الكل وما تنساش احمد
كريم .. ليه خير يا بوي
فيصل .. خير يا ولدي انت لفت نظري امبارح ان اغلبية الشباب عندنا ما يعرفوش حاجه عن العهــــــــــــــــــــــد وجه الوقت انكم تعاهدونا عشان نحافظ علي العهــــــــــــــــــــــد ونفذ وصية جدك الله يرحمه
كريم .. بس
فيصل .. بس ايه اتكلم يا كريم سكت ليه
كريم .. مش وقته يا بوي بالليل نتكلم
فيصل .. ماشي يا ولدي
كريم .. بعد اذنك يا بوي
فيصل .. اتفضل
كريم .. طلع وهو مش عارف يعمل ايه في العهــــــــــــــــــــــد ده لا مستحيل اسيب دهب لازم الاقي حل وبيركب عربيته وبيتحرك وبيوصل لدهب
دهب .. بتفتح الباب وبتركب العربيه وحشتني
كريم .. وانتي وحشتيني اكتر
دهب .. مالك كده بتقولها من غير نفس
كريم .. ما نمتش كويس وقلقان من الامتحان
دهب .. كريم بيه الي بيطلع الاول علي الدفعه كلها قلقان لا ما تقولش كده
كريم .. ضحك مجنونه فعلآ
دهب .. مجنونه بيك وبتمسك ايده وبتبوسها
كريم .. ايه الي بتعمليه ده بطلي جنان
دهب .. لا مش هبطل فيها ايه لما ابوس ايدك انتي مش حبيبي بس لا انت سيدي وتاج راسي حبك بيجري في دمي يا كريم
كريم .. وهو سايق بايد وحده وايده التانيه مسكاها دهب بيشد ايد دهب وبيبوسها انا بعشقك يا حياتي وعمري وكل حاجه ليا
دهب .. بتقرب منه عشان تحط راسها علي كتفه
كريم .. بطلي جنان احنا داخلين علي الجامعه
دهب .. وفيها ايه انت حبيبي والجامعه كلها عارفه كده ولا بتلعب بديلك من ورايا
كريم .. بلاش السيره دي بتقلب بنكد في الاخر
دهب .. قصدك ايه انا نكديه
كريم .. لا سمح الله ازاي اقول كده ده انتي برميل نكد
دهب .. لا ما تقلقش النهارده مفيش نكد
كريم .. ايوه نسيت ايه المفاجئه
دهب .. الليله هستناك عند الساقيه القديمه وراء البيت وهوريك المفاجئه
كريم .. مفاجئة ايه دي اللي في مكان زي ده وبالليل كمان
دهب .. ايه خايف يا ولد الجارحي
كريم .. انا اخاف ده انتي طيبه ده انا الخوف يخاف مني
دهب .. ما انا عارفه حبيبي اسد يا ناس
كريم .. الساعه كام اجيكي
دهب .. علي ١٢ بالليل كده
كريم .. والله مجنونه هستحمل لحد ما شوف اخرك يلا انزلي
وبينزله وبيدخله الامتحان وبيعدي الوقت وبيخلصه وبيتقابله وكريم بياخد دهب يعزمها علي الاكل وبعد كده بيوصلها وبيروح وبيلاقي فرح بنت بنت حكيم ابن عم فيصل ابوه يعني بنت عمه ماشيه بيوقف السلام عليكم
فرح .. بتقلع النظاره وبابتسامه خفيفه وعليكم السلام ورحمة الله وبركاته اخبارك يا كريم بيه
كريم .. الحمد لله يا برنسيسه فرح اول مره اشوفك ماشيه
فرح .. عربيتي عطلت وقولت اتمشي شويه ليا كتير ما مشتش في البلد
كريم .. طاب اتفضلي اوصلك
فرح .. لا تسلم حابه اتمشي شويه
كريم .. يا دكتوره فرح يلا ابويا لو عرف اني شوفتك ماشيه وسبتك هيقتلني ده بيحبك اكتر مني
فرح .. دكتوره مره وحده انا لسا في تانيه طب يعني لسا بقول يا هادي وبتقرب وبتفتح باب العربيه وبتركب انا ركبت بس عشان عمي فيصل ما يقتلكش واكون انا السبب
كريم .. من يومك وانتي بتحميني
فرح .. والله مين قال كده
كريم .. واحنا صغيرين لما كنا بنلعب وحد يجي عليا كنتي بتضربيه ورغم انك اصغر مني بسنتين بس ما كنش حد بيقدر عليكي
فرحه .. كانت ايام حلوه فاكر لما احمد ابن عمك صبري وخالد بن عمك رمزي ضربه القطه بتاعتي وانا فضلت ابكي
كريم .. ووقتها نزلت ضرب فيهم عشانك واول ما كانوا هيتغلبه عليا جيتي انتي ووقفتي معايا ودناهم حتت علقه ويومها ابويا زعل مني اوي وكان هيضربني لولا انك جيتي بسرعه وهو لما شافك وحكتيله علي الي عمله احمد وخالد اداني فلوس وقلي روح انت وفرح هاتوا الي نفسكم فيه
فرح .. انت لسا فاكر كانت احلا ايام يا كريم ياريتنا ما كبرنا
كريم .. معاكي حق مش معقول وصلنا بسرعه كده
فرح .. انزل يلا نتغدا سوا
كريم .. خليها وقت تاني
فرح .. يا ابو عمو انزل بدل ما اخلي عمك حكيم يدخلك بالقوه
كريم .. وعلي ايه اهو هنزل
فرح .. بتدخل البيت يا بابا تعالى شوف مين جه
حكيم .. بيطلع من المندره كريم اخير افتكرت عمك وجيت
كريم .. معلش يا عمي انت عارف الدراسه والامتحانات
حكيم .. ربنا يكون في عونك اتفضل ارتاح
فرح .. بعد اذنكم انا هسخن الاكل بسرعه كده كده انا طابخه قبل ما اروح الجامعه
كريم .. والله اللي هو ازاي
فرح .. عمك هيقولك
حكيم .. بتصحى قبل الفجر تخبز وتطبخ وتعمل كل حاجه وبعد كده تروح الجامعه
كريم .. وليه مش تجيب خدامه يا عمي
حكيم .. بنت عمك رافضه الفكره دي خالص ومن بعد المرحومه امها وهي مش مخلياني محتاج حاجه
فرح .. بتجيبه في سيرتي ليه يا عم بابا
حكيم .. وانا اقدر برده
فرح .. بتمسك ايده تبوسها يلا الاكل جاهز
كريم .. اول ما بيشوف الاكل واوو. ايه ده يا فرح منظر الاكل يجنن
فرح .. طاب دوق وقولي رايك
كريم .. بياكل
فرح .. بلهفه ايه رايك
كريم .. بيشاور بايده بمعني اصبري
فرح .. صبرت شويه وكريم بيدوق كل الاصناف اه قولي عجبك
كريم .. بيشاور بايده عشان تصبر
فرح .. لا كده كتير وبتمسك طبق فاضي انت شكلك عايز تضرب
كريم .. الحقني يا عمي
حكيم .. ضحك انتو طول عمركم ناقر ونقير
فرح .. ما هو مستفز يا بابا
كريم .. اعمل ايه يا دكتوره بصراحه انتي ما تعرفيش تطبخي
فرح . الزعل ظهر علي وشها يعني الاكل ما عجبكش
كريم .. عجبني والله مالك زعلتي كده انا بهزر معاكي
فرح .. وشها كانه بيضحك وقعت قلبي منك لله
تليفون كريم بيرن
يا ترى مين اللي بيرن عليه هستنا توقعاتكم للحلقه الرابعه وعلي فكره الروايه دي عميقه لدرجه كبيره القصه ده صراع بين الحق والباطل بين الخير وشر
