رواية حرم الاسود الفصل الخامس والثلاثون بقلم بتول ابو الليل
اجت دفعتني من صدري رجعتني ليورا جان وكعت الكل انتبهه علينه وبقو يباوعون صعدت عندي العصبيه اني رجعت عليها بسرعه وضربتها راجدي قوي علئ وجهه رجعتها علئ تيمور ارتدمت بصدره
الكل بقه صافن آيلا خلت ايدها علئ حلكهاا تضحك من المنظر صاار وجهه احمر صاحت بصوت عالي.
اسيل : انييي تضررربيني حقييييره والله ليوووم اموووتج بيدي.
تجهمت عليه تريد تضربني سحبها تيمور من خصرها عليه ماخلاها توصلني
تيمور : اششش اسيل عوفيها اني احاسبها تعاي وياي
اسيل ; عوووفني تيمور عووفني ماشفت شسووت بيه والله ليووم اموتهااا حقيرررره كلبه
تيمور ; اصعدددددي فووووك بسررعه
_باي يحلوه
عفتها تفور من العصبيه ورحت علئ ابني اخذته وصعدت بقه الكل يصفن قسم يضحك وقسم مصدوم من الي صاار.
صعدت لغرفتي كعدت واني اضحك طلعت قويه وماخاف من شيء.
بس الله اليستر من تيمور شراح يسوي بيه اسمع الهوسه جوه مرت ربع ساعه اباوع العالم راحت خلصت الحفله يمه اجاج الضيم اريانا
اباوع تيمور واكف ويه اسيل بالحديقه مخلي ايده علئ خدها ويسوالف عليها.
ليش احترك من اشوفه ويه وحده غيري اني ماردته وتركته لوو احبه ماسوي هيج ماحبه خلي يسوي الي يعجبه معليه بيه بس يخلص هل شهر اني الي اعوفه موو هوه يعوفني اخلي يتندم.
سحبت نفس بقوه وجنت اريد اسد الشباك لفت اديها علئ ركبته هيه وباسته من شفته.
بلعت ريكي بخنكه من شفتهم دمعن عيووني انقهرت كلش سديت الشباك بسرعه وبقيت كاعده علئ السرير.
كمت من مكاني طلعت ملابس لتيم لبسته ملابس نوم سويتله ممه شربته وخليته بالكاروك اهز بيه اريده ينام.
شويه ونام شكله يجنن من ينام دنكت بسته من عيونه وراسه
_روح امك انتَ حبني بس اني خيولي ابوك ابو النسوان ميت علئ النسوان من زمان خيولي لاتبقه وياه اوك
حجيت هيج ماحس الأ تيموو داخل للغرفه كمت واني مرعوبه وخايفه جانت عيونه بكصته ضايج كلش شاف تيم نايم اجه عليه بسررعه سحبني من ايدي وطلعني من الغرفه اخذني لغرفته.
دخلني للغرفه وسد الباب دفعت ايده عني واني ضايجه مستحيل اكون ضعيفه كدامه بعدد شيريد خلي يسوي.
تيمور : انتِ شوووكت تتغيرين شوووكت تبطلين هل همجيه العنددج من شفتي كل الخررراااا موجوديييين شنووو تسويلج فضيحه بنص الحفله ولججج اريانااااا شسووووويلج امووووتج بيدي شسووويلج انتِ ناووويه تجلطينيييي ليش هيييج تصرفييين ليششش
_هيه الي بدت ماشفتها شلوون غلطت علئ بابا وهوه هسه ميت ماسكتت مرتك لوو كادر بس عليه اني روح حاسبها هيه
تيمور : هيييه لوو انتِ الي تحجين علئ لبسها كدام العالم شبيج فهميني شغاثج منهااا لان احسن منج لان صاارت مرتي تغارين موو غرتي منهاااا.
_ههههه اغار من شنوو شناقصني اني بشنوو احسن مني اتحداك اذا تكوول احلا منييي.
تيمور : جمال بدون فهم ولاعقل ولاحته تربيه.
_قصدك علئ مرتك الجديده موو
تيمور : عليج
_ميهمني رأيك اصلاً
لزمني من حلكي بقووه وعصره رجعني علئ الحايط بقوه احس كسر فكي ركزت بعيونه بغضب باوعلي بتركيز وكال.
تيمور ; من شووكت صايره اتبسزززز وتراددين بالكلام هاا
_عوف حلكي اااي
تيمور : اجويج علئ حلكج حته بعد متعيدينها اني اعرف شلوون اربيج من جديد.
ماعرفت شقصده طلع من جيبه جداحه وجكاره فتحت عيوني بصدمه دفعته ورجعت ليورا خايفه دخن جكاره وباوعلي.
_ءء أ تيمور شدسوي صدك تحجي.
تيمور : تعاي
_لا عفيه شبيك لاتتخبل اني مرتك شنوو تسوي هييج بيه
اجاني بسررعه ركضت صعدت علئ السرير خله الجكاره بحلكه وسحبني من رجلي وكعني علئ السرير صعد علئ بطني وقرب الجكاره عليه
دموعي صاارت تنزل لا ارادياً ركزت عيوني بالجكاره الي راح توصل شفتي صاار ينفخ عليها يخلي الناار تلهب.
تيمور : تعيدينها؟
_لاااا لاا والله بعد ماعيدها تووبه والله ماسوي شيييي عوووفني راح تحركني وخرهااااا.
تيمور : جويه صغيرونه حته تذكرينها كل ماتحجين علئ مرتي.
_تيمووور لااا فدوووة اذا تحبني لاتسوووي والله اخاف من الحررك يوجع حييل عوووفني.
تيمور : المشكله ماحبج واريد اعذبج
_بس اني احبك والله.
بقه ساكت وصفن بوجهي بلعت ريكي بنص دموعي ابتعد عني وكام كعدت واني اتنفس بقوه وامسح بدموعي.
تيمور : روحي اعتقد تيم كعد
كمت من مكاني واني مقهوره وضايجه حيل منه بقه واكف ويدخن يباوعلي تقربت يمه اريد اراضي بس حيل متردده وخايفه منه.
_اني
تيمور : روحي
_عندي موضوع وياك.
تيمور : باجر نحجي بيه تعبان اريد انام.
هزيت راسي بأي عفته وطلعت من الغرفه رجعت لغرفة تيم كلبي يدك بسررعه حيل محتاجه وجوده اريده يرجع يحبني ينسه الصاار يسامحني علئ كلشي بس احس هل شيء حيل صعب
اخذت ملابس دخلت بدلت وغسلت وجهي من المكياج ظفرت شعري وتمددت علئ السرير بقيت اتكلب يمنه ويسره ماجاني نوم ابد متت من الجوع
كمت من مكاني نزلت جوه فتحت الثلاجه لكيت كيك وعصير واشكال من الحفه طلعت وبقيت اكل شبعت غسلت ورجعت صعدت للغرفه.
دخلت للغرفه لكيت تيمور كاعد يم تيم يبجي مخلي بحضنه يبوس باديه
تيمور : كاافي باباتي حبيبي شوف امك شكدد مهمله عايفتك وطالعه اني احن منهاا عليك تبقه وياي موو موو ختولي هيه ماتريدك
_احممم.
رفع راسه شافني واكفه بالباب رفعلي حاجب معنئ شكوو.
_تكدر تاخذ ابنك وتروح لغرفتك اريد انام
تيمور : تروح وياي باباتي يلا نكوم احسن من شوفت امك الي تغث
_حيل تغث شجابكم عليه
ماهتم لكلامي اخذ تيم وراح لغرفته طفيت الاضويه وتمددت بفراشي صايره حيل احب وجوده احس روحي جاي اتعرف عليه من جديد ابتسمت وغطيت نفسي حيل.
ساعه بـ 11 بقيت صافنه وافكر دخت ونمت ورا ساعتين حسيت انشال الغطه عني فتحت عيوني بهدوء جانت طافيه الاضويه وعيوني مغوشه ماشفت منوو عبالي جني صرخت بصووت عالي
_يممممممهههه جنيييييييي يييييمه
خله تيمور ايده علئ حلكي يسكت بيه بقيت بس ارمش بعيوني وكلبي يدك بسررعه
تيمور : اشششش شبيج وحمس هذا تيم يبجي جبته اخلي بحضنج نايم.
هزيت راسي بأي واني اباوعله حيل قريب مني ركز بعيوني ثواني بلع ريكه بتوتر ابتعد عني وكال.
تيمور : شوفي شبيه يبجي خاف مريض بيه شيء صارله ساعه يبجي
_شبيك وكفت كلبي شغل الاضويه ع اقل
تيمور : جان نايم وكلت اذا اشغلهن يكعد كومي شوفي شبييه حته اذا مريض ناخذه للدكتور هسه
سحبت نفس بقوه وباوعتله نايم ويشهك بنومه خدوده صايرات حمرر حيل خليت ايدي علئ خده خايفه
_عزااا شبيهن خدوده عاضهن لوو كارصهن اكووول ؟
تيمور : لا بس بسته ولحيتي خشنه بززته.
_ايي وتكول شبيه يبجي صدك تحجي شوف شمسوي بخدوده مزرفهن.
تيمور : مابيهن شيء الصبح يطيب يلا نومي كافي رايح انام اني تعبان
_تمام
عافنه وطلع من الغرفه ابتسمت علئ تصرفاته موو صاحي والله يكابر كدامنه وهوه ميت علئ النومه هناا. خليت ابني بحضني ونمت
...
اليان : رحت ويه آرون ندور علئ شقه ماكوو شقق كلهاا غاليه حيل والبنايات قسم منهاا موزينه سمعتها بيها ناس موو خوش.
آرون : انيي اكول لوو تأجرين بيت موو احسلج من الشقه
_ماعرف والله دخت
آرون : عندي الج رأي بس خاف متوافقين عليه
_شنوو
آرون : تعاي عدنه ابقي بيتنه فارغ ويه رهف هيه صديقتج وأي بشر يسالج كولي عد صديقتي باقيه
_لاا آرون لااا حته اذا يسمعون اعمامي لوو اخواني يطلعون الف سالفه عليه مالي خلك مشاكل ابد ولا اريدك تتضرر بسببي اشوفلي شقه بيت أي شيء.
آرون : زين اكو مشتمل صغير قريب علئ بيتنه حيل شنوو رأيج احجيلج ويه صاحبه وتأجرينه.
_ياريت تسويلي معروف كلش جبير بس كون زين يعني موو قديم وتعباان
آرون : لا بنايته حديثه وخوش بيت مرتب
_تمام.
آرون : راح امرج علئ بيتنه اخليج ويه رهف واروح اني احجيلج ويه صاحب البيت
_لا اروح وياك لازم اني اتفاهم وياه وانتفق علئ السعر.
آرون : ماشي راح اتصل عليه وانطي علم انوو راح نجي نشوفه.
هزيت راسي بأي اتصل آرون علي وكله اكوو شخص يريد يأجره بقه منتظرنه بالبيت حته نتفاهم وياه.
وصلنه للبيت كلش قريب علئ بيت آرون بيناتنه بس شارع بالنص
نزلنه ثنينه دخلنه للبيت سلمنه علئ الرجال وبقينه نفتر بالبيت
كلش حلوو هوه صغير مساحته الطول 100 متر بيه غرفة نوم ومطبخ واستقبال وصاله وحمام يعني كامل بس لنفر واحد
آرون : هاا
_اي حلوو اخذه
::البيت بنايته حديثه وكلشي جاهز بيه من ماء وكهرباء كلشي
_بشكد تنطي.
::أجره الكم بـ 150
_اشتري منك كامل موو أيجار بشكد.
بقه ساكت الرجال استغرب من عرضت عليه اشتري ابتسم آرون وكال
آرون : قررتي تشترينه شنوو
_اشتري احسن مما ابقه ايجار.
::انطي الج بـ 35
_هوايه هوه صغير ترا
::بالعكس رخيص والله المنطقه هاي روحي اسالي اذا لكيتي بهذا السعر شتردين انطيج والبيت ملك يعني موو زراعي.
_هاا آرون اشتري؟
آرون : ناخذه منك بـ 30 هيه ضيفه عدنه واحنه اهلها معقوله مانتزل الهاا.
::والله ياخويه مايصرفن هذني
آرون : هواي والله وهوه مشتمل يعني موو بيت كامل ومتوجهه كلش زين السعر.
:: ماشي توكلو بالله.
آرون : اشكرك حبيبي الفلوس توصلك باقرب وقت.
::بالعافيه عليكم.
_الله يعافيك عموو راح اكعد بيه وبنهاية هذا الاسبوع توصلك الفلوس كامله.
::هاهيه بويه مادام انتِ من بيت ابو أيسر مامن بيج ومنطيج كل الوقت ع راحتج شوكت مايصيرن عندج جيبيهن.
آرون : حبيبي ابو ايمن ربي يوفقك
::الله يسلمك
عافنه الرجال وطلع كعدت علئ بايه من الدرج خليت ايدي علئ خدي واني حايره شلوون اثث بيتي وارتبه علئ ذوقي.
فلوسي راح اخلصهن هيج حته ماكدر اشتغل ويه آرون بس اني عندي مهنه اكدر ادخل قضايه لان عندي شهادات ومحاميه صرت معروفه.
اشتغل ورجع اوكف علئ رجليه بقيت اصفن وارتب كل الامور بعضها.
آرون : هااا وين وصلتي
_اشتريت البيت بعدين اثثه واغير ديكور الغرفه ماعجبني اشتري ثلاجه تخم قنفات تلفزيون غرفه كامله الي فراش للبيت اشياء تلزمني هوواي اقل شيء اصرف 5 مليون خلصن فلوسي !!!
آرون : هههههه جا شعبالج سهل الموضوع بس لاتخافين اثاث البيت كله راح يكون مني هديه الج
_لااا عفيه ماريد اي شيء ترا عندي فلوس بس لان اريد اشاركك بالشغل هيج احجيي
آرون : معليج اني اريد اهديج شيء مناسبت اشتريتي بيت جديد الج
_لاا والله آرون ميحتاج اني ادبر اموري
آرون : نتقاسم الاشياء مثلاً اني اشتريلج تخم القنفات انتِ عليج الثلاجه اني الغرفه انتِ كاونتر للمطبخ
_ياااا عزااا نسيت الطباخ والكاونتر
آرون : ههههه هواي امور ناسيه المهم معليج اني وياج نرتب كلشي اخلي يكون جاهز من كلشي وعد.
_شكراً علئ وكفتك هاي وياي مانساها الك ابد.
آرون : انتِ تستاهلين كل الخيرر اليان قليل بحقج هل امور
_تسلم ربي يحفظك
آرون : يلا كومي ماعندج وقت خلينه نتغده واخليج تروحين انتِ ورهف للسوك تختارين اثاث.
_اممم هوه هسه مشايله فلوس هواي وياي لازم اسافر يلا اكدر اجمع الفلوس واشتري براحتي.
آرون : انطيج مني ومن تستلمين عود اخذ
_دين؟
آرون : أي
_تِمام بس هواي راح اكلفك وانتَ تريد تفتح مشروعك الخاص شلوون.
آرون : الصديق وقت الضيق لاتهتمين نجهز بيتج اول ونفتح مشروعنه سويه.
_لوو هيج الاصدقاء لوو بلاااه عاش آرون عاش
آرون : ههههه كومي يلا كومي.
ضحكت مدلي ايده احس الحياة مدتلي ايدها حته اكوم علئ رجليه لزمت ايـده و كمت وياه كلش فرحت بالبيت راح اسس حياتي واستقر ماريد منيت شخص عليه طردوني وتخلو عني والغربه احتضنتني وساعدتني مع الاسف علئ هيج اخوه
طلعنه من البيت رحنه لبيت آرون جانت رهف مجهزه الغده ومخليته علئ الطاوله كيفت من شافتني سلمت عليها كعدنه تغدينه سويه
حجيت الهاا علئ البيت طارت من الفرح انو راح اصير قريبه عليهم ..
...
اريانا : كعدت ثاني يوم الصبح علئ ضربات من تيم يضرب بيه علئ وجهي
تيم : مممه ماا ما
يحاجيني عود فتحت عيوني اباوعله حضنته وبوسته واني اضحك
_يروووح ماما تحاجيني ولك هااا تحاجي امك ههه هسه اريدد ادلعك شسميك تيمو تيوووم شنوو اسميك كوول هااا ولك هااا
ادغدغ بيه واضحكه وهوه يضحك ضحكته تجنن صوته يخبل
شلته ودخلته وياي للحمام غسلنه وجوهنه ثنينه فرجت سنوني صاار يبجي اله ياخذ الفرجه
انطيته المعجون خليته بيده بقه يباوع بيه ويحاول يفتحه غسلت وشلته وطلعنه من الغرفه غيرتله ملابسه ومشطت شعره اله شعر ثخين بالرغم من صغر سنه.
سويتله ممه خليته يرضع بيها اخذت ملابس ودخلت بدلت وطلعت لكيت تيم ماكوو موو بالغرفه يمه وين راح ابني معقوله طلع وحده اخاف عليه من الدرج عالي و يوكع
طلعت اركض اباوع يمين يسار ماكوو نزلت جوه هم ماكوو الكل كاعد يتريك جان الباب مفتوح طلعت شفته بالحديقه كاعد تيمور علئ القنفه متمدد علئ ظهره مخلي تيم علئ بطنه ويلاعب بيه
سحبت نفس بقوه يمه احس متت شوكت اخذه وليش ماكالي رحت عليهم واني ضايجه
_شوكت اخذته
تيمور : هاي امك العوبه كلها تروح مالي خلك احجي وياها متزاعلين احنه بس هيه لزكه.
_ترا موتتني من الخوف ع اقل جان كتلي عبالي وكع من الدرج.
تيمور : لاتخافين علي بطل مايصيرله شيء طالع علئ ابوه.
هزيت ايدي عليه عفته ورجعت للبيت رحت للمطبخ تريكت شويه ودخلت آيلا شافتني ضحكت خلت الصحون علئ السنك وسحبت الكرسي وكعدت يمي
آيلا : خرب يومج البارحه شسويتي هههه يمه متت من الضحك علئ اسيل صاار خدها احمر وبس تعيط صارت مضحكه للكل.
_ختولي تغلط علئ ابوي
آيلا : يااا اكول صعدت عندج العصبيه ههههه بس والله عاشت ايدج ابد لاطيحين رمحج خليها تخاف منج من هسه اذا تبقين ساكته تاكلج بكشورج.
_شحدها اطيح حضها والله
آيلا : بسس لوو تشوفين عمه شسوت صاارت تحجي وتعيط بالكوه سكتها ساهر جانت تريد تصعد عليج تتعارك وياج
_وليش عيني فوك ماغلطانه عليه تريد مني اسكت الهاا؟
آيلا : لان خربتي الحفله والعيد ميلاد.
_ترا الحفله خالصه وحته الكيك مكصصينه نزلت بنهاية الحفله
آيلا : لعبتي جوله وصعدتي.
_ايي اسويلكم جو اكشن بالحفله ههههه
آيلا : هوه هذا الصح
_احسج متحبين اسيل ليش
آيلا : يمعوده تتنعوص وحته بيوم الخطوبه ماخلتني اصور ابد عود تخاف من النشر وهيه شفتيها بعينج شلابسه وبنص الزلم تتمركص عود شنوو خطيبها
_ايي شفت مادري شاف بيها وخطبها
آيلا : اني احلف حلف علئ تيمور ميحبها عناد بيج خطبها
_شلوون عناد بيه
آيلا : يعني يريدج تنقهرين وهوه مصارله هوواي من خطب بس شهر
_هاا هيج يعني جديده خطوبته
آيلا : ايي هسه مصارله هواي.
_خلي اني مانقهر ابد ولاضوج ورط نفسه بيده.
آيلا : بس يمل منهاا يعوفها واذكرج بهل شيء
_شنوو الزواج لعبه؟
آيلا : مايدوم زواجهم متاكده
_غلطانه ميت عليها ويريد باقرب وقت ياخذها
آيلا : والله ماعرف بعد.
_الله كريم.
آيلا : يلا اني رايحه اجهز نفسي اريد اروح اسوي تحاليل
_تحاليل شـنو؟
آيلا : تحليل دم شاكه انوو حامل واريد اتاكد
_يااا صدوووك الف مبروووك فرحتيني والله
آيلا : خليها سكته هسه بس نتاكد نحجي عن الموضوع للعائله .
_تمام حبيبتي
آيلا :يلا رايحه محتاجه شيء اجيبلج وياي
_سلامتج حبيبتي ممحتاجه شيء.
هزت راسها بأي عافتني وراحت ابتسمت كلش حبابه آيلا ماشايله خشمها ولاتدخل بالسوالف الي تصير ماخذه كلشي برود اعصاب.
كملت ريوك صعدت لغرفة تيم رتبت الغرفه كنستها بالمكنسه الكهربائية وفتحت الشبابيك
مسحت الارضيه غسلت ملابس لتيم وعطرتهم وصعدت للسطح شريتهم
رجعت للغرفه مالتنه لكيت جهازي يتصل شلته جانت اديان بنت خالتي تتصل علئ الواتساب كام فتحت خط عليها.
_الوو
اديان : هلوو اريانا شلونج حبيبتي شخبارج تيم شلونه
_عمري الحمدالله زينين انتم شخباركم البنات شلونهم
سهر : مشتاقيييين لتيم شوكت ترجعون
بلعت ريكي بتوتر وزعل خطيه متاملين ارجع الهمم ميعرفون بعد مارجع لهناك وتيمور رجعنه لبيته
اديان : الوو اريانا تسمعيني
_هاا اي وياجن شخبار اريام شو ماكوو
اديان : طلعت الاسواق تشتري
_ها زين
سهر : شوكت تجون حيل شتاقينه لتيم
_ماكدر ارجع بعد
سهر +اديان : شنوو ليشش؟
_رجعت لزوجي وهسه اني بيتهم
اديان : يااا يعني تيمور عرف بتيم
_اي عرف
سهر : هوه تيمور ابو الولد
اديان : ايي هوه
سهر : وليش ماتحجولي حقيرات
اديان : اسكتي بعدين افهمج ايي احجيلي يعني شنوو هسه تحسنت علاقتكم رجعتو حبايب
_يعني تقريباً
اديان : هاهيه حبيبتي المهم تكونين مرتاحه وسعيده والطفل كل مايكون بيه ابوه وامه راح يكون احسن اله.
_اي صح
سهر : والله كلش زعلت يعني بعد منشوفكم اليان وينها موو يمج
_لا طالعه موو يمي
سهر : اوووف قهرتوني حييل والله حييل ضجت هسه بعدد ماشوفكم شنوو لوو ادري ممخليتكم راجعين.
_لا ليش منشوفكم بعد بلكي تجون لهنا زياره او بعرس اديان بلكي نجتمع.
اديان : انشالله
سهر : ماا والله اريد تيم
خلت ايدها علئ وجهه وبجت كسرت خاطري حيل متعلقات بتيم لان ربه عدهم وكبر وياهم يموتن عليه.
_سهر حبيبتي كاافي فدوه لاتبجين.
كامت من يم اديان وراحت تبجي حيل انقهرت عليها
_خطيه ابقي وياها
اديان : عوفيها هسه شويه وتسكت احجيلي شصاار وياكم شلوون عرف تيمور.
حجيت الهاا كل السالفه بقت صافنه سحبت نفس وكالت
اديان : تدرين اني احس رجعتج اله احسن حل لان اذا بقيتو كل واحد بمكان راح تتعذبين هواي كل فترا ياخذه منج وتبقين تبجين وراه.
_اي هوه هذا انسب حل كدامنه
اديان : خب هذا المدير يسأل عنج كل يوم
_شيريد؟
اديان : شيريد يعني يريدج حته ليوم سال سهر عنج وحاجيتله علئ ابوج وكايل الهاا اريد اروح عليهم تنطيني عنوان بيتهم يريد يجيكم للعراق حته يتعرف علئ اهلج.
_دير بالكم تنطونه عنوان خيولي ماعايزه مشاكل اذا عرف تيمور انو اكوو شخص يحبني ويريدني بالشركه راح يسويها مشكله
وين ماحجيت هل كلام لكيت تيمور واكف بالباب ويباوعلي بلعت ريكي بخوف وسديت الخط بوجهه اديان وكمت جان شايل تيم نزله علئ الارض واجه نحوي.
رجعت خطوات ليورا واني حيل خايفه منه ومتوتره.
تيمور : حلوو مسويه علاقه يعني؟
_تيمور خليني افهمك
ضرب الميز وطشر كلشي عليه غمضت عيوني بخوف اجاني لزمني من شعري بقوه سحبني عليع وصاح بوجهي
تيمور : تسووووين علاقااااات وانتِ مرررتي وعلئ اسمييييي
_والله ممسويه علاقات وداعت بابا كلشي ممسويه هوه مديري وجان يريد يخطبني انتَ تعرفني ماسوووي هييج عووف شعري كااافي عوفني.
تيمور : ويريد يخطبج هم حلووو وانيي شنووو هنااااا طرطور كداااامج ناسيييه بعدج مرررتي لوو سافرتي وكلتي خلاااص بعد ميكدر يوصلني.
_ااااي تيمور كااافي وخر عنيي كااافي شعري ااخ والله مابينه شيء ليش مجاي تفهم عووفني كافي مليت منك ومن تصرفاتك اني بزعت.
ضربني راجدي قوي وكعني علئ الارض جانت هاي اول مره يتصرف هيج وياي ويضربني.
خليت ايدي علئ خدي واني ابجي لزمني من شعري ورفع راسي يباوع لعيوني عيوونه تطلع منهم نااار
تيمور : قسم بالله العظيم اذا عرفت اكوو شيء بينكم ادفنج وانتِ عدله ومايرفلي جفن خلص الشفته كلششش هووواي تحملتج بما فيه الكفايه بهذولي اديه ادفنج.
_عوووف شعررري وخرر وخر عنييي انتَ شدتحجييي ولك شووون اسوي علاقه انيي مرتك عيييب عليك تفكر هيج بيه ماتعرفني انتَ تيمووور ماتعرررف اريانا من شووكت اني انطي مجاااال من شووكت اسووي علاقااات استحي علئ نفسك مع الاسف عليييك
تيمور : ماعرفج ولاراح اعرفج بيوم انتِ كلامج شكل وتصرفاتج شكل كلشي مختلف مابيج شيء صح كلشي تسوينه غلط بغلط بزعت منج كرهتيني بعيشتي شووكت يخلص الشهر واشمرج شمرت الجلب اخليج تتندمين علئ كل لحظه غلطتي بيها بحقي.
بجيت من كل كلبي حييل جرحني بكلامه دنكت راسي واني ابجي.
ابتعد عني وهوه يتنفس بغضب ضرب الميز برجله وكسرره فتح قميصه من كدام يتنفس بقووه.
تيمور : يوم الاسود الشفتج بيه ياريتني ماعرفتج ياريت لوو مخليهم كاتلينج وخلصان منج ومن عذابج كرهتيني بيج حيل اريانا حيييل موو انتِ التعبتي انييييي التعبت انييي الشفت الوووويل انيييييي
خليت ايدي علئ وجهي ابجي ماريد. اسمع شيء منه ماريد انقهر اكثرر ليش هيج يسوي يعرفني مانطي مجال ولاسوي علاقات ليش يشك بيه كلشي مخليني متحمله هل وضع هوه ابني ولأ دقيقه ما اكعد وياه علئ هاي تصرفاته واسلوبه وياي.
مدنكه وابجي فزينه ثنينه من صرخ تيم بصوت عالي وختفه صوته رفعت راسي اباوع لتيمور بخوف هوه هم انصدم بلع ريكه بخوف وكال ..
تيمور : تيم ؟؟
كمت بسرعه طلعنه من الغرفه نركض شهكت واحس كلبي وكف من شفت ابني وكع من الدرج و سابح بدمه صرخت بصوت عالي وركضت
