رواية حرم الاسود الفصل التاسع والثلاثون بقلم بتول ابو الليل
اريانا : ماعرف وين ماخذنه تيمور طول الطريق ساكت وسكوته يخوفني حييل ويرعبني.
اباوع اريد افهم وين رايحين اباوعله مركز بالطريق ماشال عينه ابد ضميت ابني لحضني واني خايفه.
دخيلك ياربي والله خايفه وين رايحين شراح يصير بيه بكل مره اتحطم.
وصلنه مقابيل مطار بغداد باوعت مستغربه شديصير وين رايحين.
_ليش جبتنه للمطار.
تيمور : رايحين سفره اني وياج وابنه اخذت اجازه علمودكم اريد نكون وحدنه نرتاح فترا نغير جو ونرجع تعبنه هوواي لازمنه راحه .
_بس اني ماريد اروح ليش تخطط وتسوي بالي يعجبك ماتفكر بغيرك ابد
تيمور : انزلي بويه انزلي.
_ماا والله ماروح رجعني للبيت.
تيمور : اخذ تيم واروح ابقي انتِ وحدج هنا عود اصورلج ودزلج تشوفين.
_مايهمني ابد.
تيمور : اكيد؟
_رجعني للبيت تيمور عفيه ماالي خلك اتعارك وياك.
تيمور : واني هسه متعارك ماتردين نرتاح ونعوف هل مشاكل الي خربت حياتنه هاي اخر مره وياج اريانا ثقي بالله اخر مره اذا نزلتي من عيني بعد لوو تصيرين نبي مارجعلج ولا اخليج براسي ابدد.
بلعت ريكي بتوتر درت وجهي عنه واني زعلانه سحب نفس قوي ونزل من السياره نزل الجنط مالتنه وفتح باب السياره مالتي اني مخليه تيم بحضني نايمه باوعله ابتسم دنك باسه براسه ورجع باوعلي ركز بعيوني وكال.
تيمور : تعالي يلا.
مدلي ايده باوعت الايده بتوتر ماريد ارجعله واذل نفسي وياه شكد حاولت ورجع جرحني وماهتم ابدد.
مالزمت ايده نزلت من السياره واني شايله تيم مشيت خطوتين لزم ايدي هوه بقوه وعصر اصابعي باوعتله بغضب باس خدي بخفه وهمس.
تيمور : مرضتيني والله لشوكت تبقين هيج كافي غلطنه ثنينه وانتهه كلشي صاار ماضي خلينه نفكر بابنه وحياتنه.
_وترجع تجرحني وترجعني لنقطه الصفر اني اكثر من مره اثق بيك واكون زينه وياك بس انتَ تحطمني تجرحني حيل شنوو ستفاديت هسه من جرحتني وأذيتني كل هذا بس حته تحسسني بغلطي ترا اني عترفتلك وكتلك غلطانه ودنكت وعتذرت وهذا كلش كاافي ليش تأذيني تيمور ليش.
لزم وجهي بين اديه دنك راسه يباوع لعيوني دمعن من الخنكه.
تيمور : اخر مره انتِ جري عدل واني هم ماسوي أي تصرف غلط وياج بعد.
مجاوبته بقيت ساكته باس جبيني بخفه واخذ تيم مني شاله بيد وحده شمره علئ كتفه ولزم الجنطه واني هم سحبت جنطه.
تيمور : يلا تعالي.
هزيت راسي بأي دخلنه للمطار سويه كلبي حيل يوجعني ممرتاحه ابد كل ماكول خلص راح نرتاح لازم يصير شيء وهل مره متاكده يصير شيء.
دخلنه للمطار نتمشه سويه انصدمت من شفت اليان كدامنه وياها آرون لازمها من وجهه ويحجي وياها.
بلعت ريكي بخوف وباوعت لتيمور صافن عليهم ويباوعلهم بتركيز.
ماكوو 5 دقايق مرن شمر تيمور تيم عليه وراح عليهم بسرعه يمه احس دم مابقه بيه ركضت وراه بسرعه
سحب آرون من قميصه بسرعه وضربه بوكسي قوووي علئ وجهه وكعه علئ الارض خليت ايدي علئ حلكي خايفه.
اليان : آروووون.
تيمور : ولك نذذذذذل واخيرررا طحت بين اييييده سنين ادور عليك سنيين.
دنك عليه تيمور وسحبه من الارض ضربه براسه بوكسي فلش راس آرون خلاه كح وتقيئ دم.
_تيموور كااافي فدووه لاتسوي هيييج
راحت اليان تركض علئ آرون تكوم بيه وهيه تبجي وكفت وصاحت علئ اخوها بغضب
اليان : وخررر عنننه وخررر لاتسوي نفسك حنيييين وخررر.
تيمور : امشيييي لج
سحبها من ايدها ودفعها بقوه وكعت علئ الكرسي رجع علئ آرون جان يريد يضربه لزم ايده آرون بقوه ودفع تيمور وضربه بوكسي علئ وجهه
خليت ايدي علئ حلكي خايفه وارجف دخيلك ربي شنسوي هسه.
صاارو واحد يضرب بالثاني صارو دمايه التمت علينه العالم تفرغ بيناتهم.
سحبو تيمور 3 زلم يلٱ كدرو يلزمونه صاار مثل الثور الهايج يريد بس يضربه.
آرون : لك انتَ هم تعتبررر نفسسسسك راجاااال عااايف اختك وماتسأل عنهااا ماتكول شيصيررر بيها بهل حياة وهل وكت شلووون الك عين هسه تجييي تحاسبني انيييي الي صرت الهااا سند انييي مووو انتَ ياااعااااررر.
تيمور : ولك منوووو العاااار عوووفوني خلوووني اعلمه الزلمه منووو كلب عااار ولله لشرب من دمك وين تروح مني وين تشرد لوو طير للسماء هم الحكك اذا ماخليتك تركع وتبوس قندرتي انيي موو تيمووور.
آرون : ههههه متخوفني سمعت سوي الي تكدر عليه واليان احبها سمعت احبهااا وتحبني وراح اخذها غضباً عليك.
خليت ايدها اليان علئ حلكها تبجي بقيت بس ارمش بعيوني ماعرف شسوي هذا شيحجي وشلوون يكول هيج كدام تيمور ويعانده بعد لوو تطبك سما علئ الارض مايوافق ولا يخليهم يصيرون سويه.
تيمور : نشوف شلوون توصل اختي والله اذا ماخيتك تتندم شووف راح اسوي بيك حضر روحك زييين.
دفع الزلم عنه وراح علئ اليان رجعت خطوات ليورا تبجي لزمها من ايدها بقوه وسحبها وطلع رحت اركض وراهم احير بابني بالجنط البقت.
لزمت الجنطه وابني وطلبت مساعده من بنيه.
اخذ اليان شمرها بالسياره باوعلي هوه عيونه تتطافر منهم شرار رجع علينه بسرعه سحب مني الجنط ثنينهم واخذهم للسياره شمرهن بالصندوق وهوه يمسح بحلكه من الدم.
صعدت بالسياره يم اليان صعد هوه وساق خليت ايدي علئ كتف اليان اسكت بيها.
_كافي اهدي لاتخافين اني وياج.
تيمور : سهله اني اعرف شلووون اربيكم سهله عبالج اخلييييج تلعبين بذيلج والله لكصص جناحاتج بيدي انيييي اعلمج سهله.
اليان : شتريددد منييي انتَ مووو بنفسك طردتني وتخليت عنييي شتريد بعدد منيييي.
تيمور ; هااا عفتج وتروحين تسوين علاقات وسوالف طااايح حضهاااا.
اليان : انييي موو مثلك اشررف من كلمه شرف انييي ممسويه شييي والحب موو حراام متكدر تتحكم بحياتي سمعت ارتبط واتزوج واحب وهل شييي خاص بيه.
تيمور : اشششش خليني مركز بالطريق لاتخليني انزل هسه واسحكج سحك بالشاااارع بنت الكلب شنوو ترتبطين شنوو علاقات بكيفج انتِ احنه شنووو هناااا طرطور كدااامج ماعندج اهل عمام بس تدرين انييي انطيتج مجال هووواي اني اعرف شلون اتصرف وياج من اليووم.
دنكت راسها وهيه تبجي خليت ايدي علئ كتفها اهدي بيها حيل خايفه عليها من غضب تيمور هذا مريض كلشي يسوي وميهتم ابددد.
رجعنه للبيت مالتهم نزل من السياره وسد الباب بقوه اجه علينه فتح باب السياره سحب اليان من ايدها ودخلها للبيت
اخذت ابني ودخلت وراهم بسرعه الكل جان كاعد بالصاله اخذها وصعد فوك عفت تيم يم ام تيمور وصعدت اركض وراهم هذا شراح يسووي.
اليان : عوووف ايدي وخررر عنيييي وخرر
تيمور : امشششي لج
سحبها بقوه وصعدها اخذها لغرفه خاصه للضيوف دخلها بيها شمرها علئ الارض وجان يريد يسد الباب لزمت تيمور من ايده امنعه
_تيمووور شدسووي هاااي اختك حررااام الي تسووي بيهااا
تيمور : وخررري لاتدخلين اطلعي من السالفه اريانا انبهج ديري بالج تدخليييين ديري بالج
دفعني بقوه رجعني ليورا سد الباب وقفله عليها.
_انتَ تخببببلت شنوو هل تصرفاا اليان موو طفله وتسجنها بالغرفه.
تيمور : اختييي وبكيفي اتصرف وياها لاتدخلون احسن مايصير بيكم مثلها.
_انتَ مووو صاحي والله موو صااحي
ضرب الميز الوراي جانت عليه مزهريه تفلشت كلهاا فزيت وباوعت بخوف ضرب الحايط باديه ثنينهم وصااح بوجهيي
تيمور : ايييييي انييي موو صاااحي تخبلت تعرفيين شنوو تخبببلت ماخليتووو عقل براسي ولج شسووويلكم فهمينيييي شسووووي بعددد اكثررر شتردون تلعبوون بكيفكم واباوع الكمم.
_لاتعاملنه كأعداء الك احنه اهلك ليششش هيج تسوي بينه ليشش اليان اختك واني مرتك من تأذينه شراح تستفادد.
تيمور : اريانا اخرر مره احجيها واعيد واكلج لاتدخلين بامور ماتخصج ابدد لاتدخلين بهل موضوع انيي واختي اني ادره مصلحتهااا لاتخافين مأذيها ولا امد ايدي عليها ابددد ماضرب مره انييي بس اربيها من جديد دللناهاا هوواي وخليناها تلعب بكيفها بسس لاا لهنا وكافي.
_تيمور اسمعني ..
مخلاني احجي عافني ونزل جسمه كله يرجف من الغضب اسمع اليان تبجي بالغرفه ياربي شسوي هسه ماكدر اشوف اليان بهل حاله وماساعدها لازم اخلي تيمور يفتح الهاا الباب لازم.
نزلت وراه لكيته طالع من البيت تيم يبجي رحت عليه بسرعه شلته من ام تيمور.
جنان : شكوو شبيه تيمور وليش اليان وياه.
آيلا : متعارك شنوو شو حلكه كله دم
ساهر : واضح انو متعارك اريانا شصاار موو جنتو مسافرين.
_هوه اليان جانت هناك او
قصي : او شنوو شبيهااا اليااان.
_مابيها بس هوه تيمور يتعارك ويه الكل
جنان : سوتلها مكسوره مووو
_لاتحجون هيج الياان شريفه وماتسوي أي شيء حرام عليكم هيج تعاملونها هيه اختكم موو عدو الكم.
جنان : منين اجتهم اختهم جا ماكالت اخواني من راحت سجنت اخوها.
_ترا تيمور ظلمها وأذاها هووواي ماخله شيء ماسواه ليش تشوفون اغلاطها وتغمضون عيونكم عن اغلاط تيمور.
جنان : ابني واعرفه مايسوي أي شيء بدون سبب
قصي : خلص كافي شبيكم اريد يوم واحد نرتاح من هل مشاكل ماكوو
ساهر : اني طالع اشوف تيمور وامر بالشركه
قصي : جاي وياك مالي خلك اسمع هل كلام ابدد.
طلعو ساهر وقصي من البيت اخذت ابني وصعدت لغرفتي فووك ساعه بـ 3 العصر
سويتله ممه شربته وبقيت اهز بيه بالكاروك اريده ينام.
...
اليان : ضرب تيمور آرون بقوه وكعه علئ الارض انصدمت من المنظر شجابه شعرفه اني هنااا.
صاارو يتعاركون سويه هواي ضرب تيمور آرون رحت ابعد بيه عنه دفعني بقوه تجمدت من اعترف مشاعره آرون كدام تيمور بدون خوف.
اثبتلي انوو هوه يحبني ورايدني حيل جان ابتعد وطلع روحه من السالفه بكل سهوله بس وكف كدام اخوي وحجه كلشي بكلبه.
اخذني وطلع تيمور من المطار اخذت الطريق كله ابجي ليش هيج عائلتي واهلي.
شنوو من عيشه عايشه فوك ماا شردوني وخلوني وحدي هسه يحاسبون بيه ويتحكمون بحياتي
حبسني بالغرفه بقيت ادك بالباب وابجي اني موو طفله ويسوي هيج بيه.
_تيييموررر افتتتح الباب افتحه
صيحت هواي وبجيت محد يسمعني ولا فتحولي الباب حقدت علئ الكل كعدت علئ السرير واني امسح بدموعي اتصل جهازي جان آرون فتحت عليه خط بسرعه
آرون : الووو اليااان انتِ زينه أذاج سوالج شيء هل نذل.
_ليشش هيج سويت آرون ليشش
آرون : شسويت ماسويت شيء هوه الي تهجم عليه ودافعت عن نفسي واذا علئ اعترافي خلي يعرف اني احبج وماخايف من أي بشرر خلي شيكدر يسوي.
_انتَ متعررف تيمور تفكيره كلش خطير احتمال يسجنك لوو يأذيك بعائلتك ليش حجيت هيج ليشش.
آرون : اليان اني اكثر من مره كتلج احبج ورايدج من صدك والله خليني اتعب وياج احب المنافسات انيي ماحب اخذ كلشي بسهوله.
_بس اذا تعاندت وياه مراح نصير سويه اخووي واعرفه لوو شيصير ميتنازل ابددد.
آرون : لاتخافين ثقي بيه ماخليج وياهم مكانج يمي اني اعرف شلون اتصرف واحل كلشي انتِ عليج بس تكعدين وتباوعين شلوون راح اتصرف.
_شراح تسوي؟
آرون : بعدين تعرفين كلشي راح يكون كدامج بس اريد اسمع شي واحد منج حته اكدر اتصرف واني مرتاح.
_شنوو
آرون : بعدج تحبيني توافقين بيه اذا اطلب ايدج للزواج؟
توترت كلش ولعبت نفسي مادري شنوو اجاوبه حيل قرار جبير هذا اكمل حياتي وياه اوو ابتعد عنه.
آرون : اليان اسمعيني والله وعيونج طلعت من حياتي أليڤ وماترجع بعدد ابد اريدج تكونين وياي نبني حياتنه من جديد مانفكر بالماضي كل انسان يمر بتجربه بحياته ولازم ربنه يعوضه بالاحسن وانتِ عوضي واني عوضج.
_بس انتَ بعدك تحب أليڤ
آرون : ماحبها والله طلعتها من گلبي وعقلي بعد وهسه هيه متزوجه يعني مالهاا أي رجعه بعد شيلي هل موضوع من بالج ولاتفكرين بيه ابدد.
_ماعرف والله ماعرف حيل تعبت اني شسوي مادري.
آرون : خليج وياي وكلشي يصير حلوو معليج بالكل انيي اعوضج عن كلشي انسيج الصاار كله.
_توعدني.
آرون : وعد رجال اسويلج اكبر عرس واخذج منهم بكل عز وفخر واخليج تطلعين من بيت ابوج وانتِ فرحانه.
_تمام
آرون : يعني؟
ابتسمت وسكتت اسمعه ضحك بخفه سحب نفس قوي وكال.
آرون : يلا سمعونه احله هلهوله.
اسمع رهف يمه طكتها هلهوله بقيت اضحك يعني تعرف بيه يحبني ويريد يطلب ايدي.
_هههه هاي شنوو رهف تدري
رهف : كلوووش واخيرا يمه فرحتي متنوصف.
آرون : الكل يعرف شيء واحد حاجر بينه هوه تيمور واقنعه لوو شيصير.
_ماضن يقبل
آرون : لاتخافين اسوي أي شيء والله شريد اسوي المهم اخذج.
_تمام دير بالك منه ترا هسه حيل ضايج واحتمال يسويلك شي
آرون : ترا حيل مخوفكم تيمور شيكدر يسوي ابد لاتخافين منه ولاتفكرين الموضوع ينحل انشالله.
_انشالله.
آرون : كوليها.
_شگول؟
آرون : احبك
ابتسمت بخجل مكدرت احجي احس بعدني متوتره من هيج امور وممتعوده ولا شايفه شنوو راح يكون رد تيمور يوافق لاا.
آرون : احمم ماشي انتظرها من تم الموافقه.
_اممم اي
آرون : يلا لازمني هواي تجهيرات ارتاحي ولا تبجين ابدد اني وياج ماعوفج والله.
_انشالله دير بالك
آرون : انشالله حبيبي.
سد الخط مني خليت ايدي علئ كلبي يدك بسرعه خوف توتر فرح مشاعري حيل مخربطه ماعرف شنوو نهايه قصتي ويه آرون اصير اله لوو يخرب كلشي تيمور.
...
اريانا : نومت ابني ورحت علئ ام تيمور سالها اذا اكوو نسخه مفاتيح بعد افتح لباب لـ اليان.
نزلت جوه رحت علئ غرفتها دكيت الباب ودخلت جانت كاعده تعلك ملابسها دارت وجهه شافتني ستغربا.
جنان : خيرر
_هوه اني اريد مفاتيح
جنان : مفاتيح شنوو؟
_مال الغرفه الفوك الي بيها اليان محبوسه.
جنان : واني شعندي مفاتيح مادري بيهن ابد ولاعرف الغرف شكدد بيها مفاتيح كل هل امور عد تيمور.
_هااا يعني ماكوو نسخه ثانيه.
جنان : شمدريني.
هزيت راسي بأي عفتها وطلعت دايخه شلوون اتصرف هسه تيمور ماينطيني لوو شنوو اسوي.
وطلب مني ابتعد من السالفه كلش بس اني كاسره خاطري اليان حيل هواي تأذت من اهلها بالاول طردوها وهسه حابسينها وهيه يتيمه مايخافون الله ۽ ابد.
رحت للمطبخ جانت آيلا كاعده وتاكل طرشي حموضه لأن تتوحم.
آيلا : هاا حب شصاار ماصار
_اليان محبوسه فوك واريد مفاتيح افتح الغرفه ماكوو كلهن عد تيمور.
آيلا : هوه شصاار ليش هيج يعاملون اختهم مجاي افهم منوو أساله يتهرب ويعوفك ويروح حته ساهر ميحجيلي.
_سالفه كلش طويله علئ يوم اكعد واحجيها الج من الاول الاخرر.
آيلا : هاي قصتكم تستحق تنكتب روايه ههههه كل يوم اكشن وصياح وعرك يبووو اني الوحيده الماخذه الوضع الهادي والمسترخي حته من اشوف عركه استمتع واضحك مدري شبيه انفصام مدري شنوو.
_ههههه احسلج والله اتمنئ اكون هيج ماهتم لشي وماضوج وانقهر ع اتفهه الاسباب ابجي وانهارر.
آيلا : عاطفيه زياده عن الزوم.
_اييي والله.
نسوالف شفت تيمور دخل للبيت وجهه مايكصه السيف ضااايج وجهه احمر مدخن هههه.
آيلا : شوفي وجهه تيمور ههههه يمه والله يضحك تكول واحد كاتله روحي وراه شوفي شبيه خطيه خلي يهداء لايصعد عنده الضغط
_هوه رايحتله.
عفت آيلا وصعدت ورا تيمور بسررعه رحتله لغرفته دخلت بدون لا ادك الباب ولاشي لكيته نازع قميصه شامره علئ الارض وحته التعلاكه شامرها باقي بس بالبنطرون كاعد ع سرير واديه كلهن مجرحات حيل رفع راسه يباوعلي.
_شبيك شنوو هذاا.
رحت بسرعه عليه لزمت اديه بخوف شسوه معقوله راح تعارك مره ثانيه سحب ايده مني وهوه ضايج سحب نفس قووي وكال.
تيمور : مابيهن شيء جنت العب ملاكمه وتجرحن هيج.
كعدت يمه علئ السرير لزمت ايده بهدوء اباوعلها.
_ليش هيج تسوي بنفسك
تيمور : اريد ارتاح ماكدر احبس غضبي اذا ماأذي روحي لوو اكتل شخص مارتاح ابد
_مجرم تقتل شخص شهل تفكير والعقلانيه العندك ميصير هيج هذا هوس ومرض.
تيمور : اريانا عوفيني واطلعي روحي واصله لخشمي مامتحمل اسمع حرف واحد والله اطلعي رجاء.
_شبيك غير اسوالف وياك ليش تطردني
تيمور : استغفرالله ياربي.
كعدت كعده علئ السرير لزمت ايده سحبت عليه باوعلي مستغرب فتحت ايدي اله ابتسم بهدوء دنك خله راسه بحضني.
خليت ايدي علئ شعر راسه احرك بيها غمض عيونه بهدوء.
_كافي من هل تصرفاات موو كلت نتغير موو كلت نبدي من جديد اشو رجعت مثل قبل ليش هيج تسوي مجاي افهم.
تيمور : تعبان هسه عوفي هل كلام خليج هيج وياي بدون كلام بس اهتمام داريني اريانا.
_ههه يعني تريد بس اهتمام بدون صوت نتحرك ع صامت شنوو.
فتح عيونه وباوعلي جنت مدنكه واباوعله لزم ايدي من راسه باس باطن ايدي شمه وكال.
تيمور : سوالفج تضوجني وحنيتج تريحني برأيج شنوو الانسب. ؟
_اممم اني اكول لوو تسمع سوالفي بطريقه صح جان كلشي تمام هسه.
تيمور : اريانا انتن بنات بسالفه بتصرف باهتمام تنغشن وتتعلقن بالشخص بسرعه انتِ مرتي هسه وعندي واخاف يجي يوم وتفكرين بغيري لأن اضوجج شكد مجاي احاول اكون مهتم بيج مانقص شيء عليج بس الايام حيل تعبتني وضعفتني اليان هم اختي شما يصير بينه ماكرهه والله اريد الهاا الخيرر اريدها تكون مرتاحه بحياتها.
هل انسان الي هسه تريده هيه خطفها خوف ابوي عليها مات وهوه زعلان منهاا دمر حياتها مادري شلوون حبته وين تعرفت عليه كلشي مادري عنهااا.
احنه خليناها وحدها اييي بس اني جنت اعرف اختي ماتسوي أي تصرف غلط سنين هيه بالخارج منتبهه بس لدراستها مبتعده عن هل امور هسه مرتبطه واحنه كلشي ماندري شصـاير ماصاير بينهم بس الله اليدري.
_صدكني اليان ماكوو منهاا حبابه وفقيره كلشي ممسويه ابد لاتفكر بهيج امور وهل انسان كلش يحبها ومؤدب وممأذيها ابد حته من خطفها جان مهتم بيها وانتَ هسه كلت احنه البنات نحب الي يهتم بينه الي يحسسنه بالحب اليان شافت منه اهتمام وحب منكم مشايفته باصعب ايامها انتم وكفتو ضدها خليتوها وحدها تخليتو عنهاا وهل انسان جان سند الهااا بكل وقت شلون تريد منهاا تعوفه وماتحبه.
تيمور : اششش اريانا اسكتي انتِ تعرفين شيء واني شيء هل اشكال اعرف كلش زين شلوون يفكرون وعلئ شنوو ناوين والله لايغشونج بهل حركات ابدد.
مشيت ايدي علئ خده بهدوء دنكت بسته بجبينه باوعتله برائه وكلت.
_تمام سوي الي تريده بس افتح الباب خطيه حابسها بالغرفه لخاطري فدووه لاتسوي هيج بيها ترا هيه مو صغيره حرام عليكم.
تيمور : تطلع تروح ادري بيها عنيده اعند مني ومنج تسوي الي براسها ومتهتم ابد وهذاك النذل عاندني وتشارط وياي .
_اني ماخليها والله بس افتح الباب اذا تحبني فدووه تيمور انطيني المفاتيح خليني افتحه.
تيمور : تفتحين الباب وترجعين يمي؟
_ايي والله ارجع.
مد ايده بجيبه طلع المفتاح انطانياه كلش فرحت اثاري الاهتمام والسوالف الحلووه بيها نتيجه
ابتعد عني عفته وطلعت من الغرفه رحت للغرفه الي بيها اليان فتحت الهاا الباب ودخلت عليها جانت نايمه.
باوعتلها بحسره انشالله تكون حياتج حلووه وتتغير حيل كاسره خاطري والله ماعرف شلون اساعدج واشيل هل حمل عنج.
طفيت الاضويه وسديت الباب رحت لغرفة تيم هم نايم طفيت الاضويه وسديت عليه الباب
رجعت لغرفة تيمور جان يسبح بالحمام بقيت واكفه يم البلكونه اباوع صافنه بكلشي ديصير ع كولت آيلا قصتنه مثل الروايه كلشي بيها مختلف وغريب
شويه وحضني من ورا فزيت خله راسه بشعري من وراا يشمهه بهدوء ملت راسي علئ صفحهه باس ركبتي بهدوء وهمس قريب من اذني.
تيمور : خايف اتقرب منج وتصير بينه كارثه
_ليش؟
تيمور : شمدريني مامنتبهه كل ماننجمع سويه واخذج تصير بينه كارثه ممتوقعه ابدد ولا ع بال تخلينه واحد يتخبل ع ثاني.
_ههههه لعد ابتعد عني ولاتوصلني ابد بعد.
لف ايده حاوالين بطني ورجعني عليه يضمني عليه ظهري عليه حرك خشمه علئ ركبتي باسها بخفه وهمس.
تيمور : جاهز لكل الحروب اذا انتِ بيهااا مايهمني ابد
_هههه متتعب
تيمور : شحلات التعب الأنتِ بيه
لزمت اديه الي معبرهن علئ بطني دار وجهي عليه شالني من خصري كعدني علئ طرف الشباك مشه ايده علئ شعري شمره علئ صفحهه وحده بقه يبوس بركبتي بهدوء ويهمس قريب من اذني
تيمور : احبج ياتعب سنيني.
_واني هم احبك
رفع راسه يباوعلي بهدوء ابتسم رفع وجهي من فكي وقرب وجهه مني حيل باس شفتي بهدوء خليت ايدي حوالين ركبته صاار يتعمق شويه شويه بالبوسه.
تفاعلت وياه هواي لأن احس طولت هل معركه اريد تخلص اريد نكون سويه كل ماريد ابتعد يرجعني الزمن عليه.
شالني من الشباك وهوه يقبلني بلهفه وحب واني ابادله نزلني علئ السرير صاار يتقرب مني بهدوء يبوسني بحنيه يخليني اصير بغير عالم افقد بين اديه.
قضينه ليله حلووه خاليه من المشاكل وع كولته خايفين منهاا ماتكمل هل فرحه ودوم.
كعدت ثاني يوم الصبح مخليه راسي علئ صدر تيمور ونايمه فزيت بسرعه ع ابني تيم اباوع جان جايبه تيمور منيمه يمنه سحبت نفس قوي رجعت خليت راسي علئ صدره لف ايده علئ ظهري وهمس بصوت نعسان.
تيمور : موو اكلج اني احن منج ع تيم
_اممم شوكت جبته اني نمت ومادري بروحي بعد.
تيمور : ايي فقدتي بعد بيتي وتبيعين ثكل براسي شكد بربوك طلعتي.
_ههههه تيمور شنوو هل الفاظ من الصبح
تيمور ; اتبسزز وبربوك بعدد.
_رجعنه احنه كلنه لازم ورا هل ليله مصيبه
ضحك بصوت عالي وضمني لصدره يبوس براسي وشعري باوعلي وكال.
تيمور : مانتزاعل بعد حته اذا تزعلين احصرج واخذ الي اريده.
_انتَ هذا الكاتلك كتل
تيمور : حارمتني مامخليتني براحتي.
_هههه احسلك هيج.
تيمور : شنوو الاحسن ولج هااا شنوو
يكرص بخصري واني اضحك ودفع بيه كعد تيم علئ اصواتنه رفعنه روسنه نباوعله ضحك واجه علينه يمشي مد ايده تيمور سحبه صعده يمنه ع سرير خلاه بيناتنه بوسته من خدوده وتيمور هم باسه.
تيمور : عائلتي الحلوه.
_تيم حلوو عليه طالع
تيمور : جذب لاتجذبين شوفي كل معاني عليه انيي بعد شلج بهل كلاوات؟
_لاا والله بس شوف حلكه واديه مثلي صح يشبه عيونك وسمارك بس اكوو معاني الي.
تيمور : بويه امك شكدد تجذب
_شووكت جذبت انيي
تيمور : لاتسمع سوالفها تخليك تصير مثلها.
_تيموور.
تيمور : شوف هسه هيه راح تبجي نحسب من واحد لـ 3 يوكعن دموعها.
_لاا والله ع شنوو ابجي اخذ ابنك الك رايحه اني
تيمور : وين
_اسبح ونزل اتريك ميته من الجوع.
تيمور : اني شبعان
_تيموور
تيمور : هههههه كومي يلا
عفتهم ورحت للحمام سبحت وطلعت لكيتهم نازلين ثنينهم رحت ع غرفه اليان لكيتها كاعده
_صباح الخيرر
اليان : صباح النور انتِ الي فاتحه الباب
_أي اني لبارحه لكيتج نايمه
اليان : ايي
_حبيبتي اليان لاتضوجين انشالله تنحل هل سالفه
اليان : مادري شنوو تاليتها ويه تيمور شلوون راح تخلص تعبت حيل منهم.
_هوه مايكرهج والله خايف عليج من آرون يكول خاف يأذيها
اليان : ههههه والله ضحكتيني مايكرهني كل هل تصرفات وميكرهني شبيج اريانا ماتعرفينه انتِ تيمور ميحبني ابدد.
_غلطانه والله يحبج ويخاف عليج
اليان : ماريد هل خوف ابد خلي بس يحل عني كلشي ماريد منهم.
_شلون يحلون عنج يبقون اخوتج من يعوفونج راح تتأذين هواي والله.
اليان : ليش همه ماعافوني ماخلوني وحدي حايره بزماني سوو بيه سوايه محد مسويها.
_احنه هم غلطنه موو بس همه هسه عوفي هل كلام وتعالي نتريك
اليان : ماريد
_لخاطري اذا عندي خاطر يمج تعالي وياي
اليان : والله ماكعد ويه تيمور ع نفس الطاوله ابد خلي اسينا تصعدلي ريوك هنا.
_تمام براحتج.
عفتها وطلعت من الغرفه نزلت سوه جان الكل يتريك رحت علئ المطبخ طلبت من اسينا تسويلها ريوك وتاخذه الهاا
رحت كعدت وياهم اتريك تيمور مخلي تيم كدامه علئ الطاوله يسويله لفات ويوكل بيه
من يكون تيمور حباب تحس ماكوو مثل حنيته بس من تصعد العصبيه يخرب الاول والتالي.
خلصنه ريوك شلنه الصحون اني وآيلا للمطبخ نسوالف كلام عادي تيمور كاعد بالحديقه هوه واخوانه بيوم جمعه معدهم شغل كاعدين بالبيت.
شويه وسمعنه هوسه وسيارات هورنات معرفنه شنوو القضيه
طلعنه من البيت نباوع الفرع مسدود سيارات بيهم 10 نزلت منهاا كلها زلم معكله وشيوخ
آيلا : ياستار ياربي شكوو نوب؟
_مادري والله شكوو.
اجه تيمور للبيت بسرعه شايل تيم شمره عليه لزمت ايده قبل لايطلع
_تيمور شكوو شنوو هل عالم
تيمور : مادري هسه نشوف شكوو ادخلن جوه ولاطلعن ابدد لوو شيصير ماتوصلين الباب مفهوم.
هزيت راسي بأي عافني وراح علئ العالم سلمو الولد علئ كل الزلم دخلوهم الاستقبال فتحت عيوني بصدمه من شفت آرون من ضمن هل ناس ...
