رواية العهد الفصل الرابع
("كريم في ورطة بين طاعة والده وعشق دهب.. والمفاجأة الصادمة داخل غرفة النوم! 😱🔥")
بسم الله ولا إله إلا الله وحده لا شريك له له الحمد ولك الملك يحيي ويميت وهو علي كل شئ قدير
كريم .. بيطلع التليفون السلام عليكم
فيصل .. وعليكم السلام ورحمة الله وبركاته ايه يا كريم اتاخرت ليه انا مستنيك علي الغداء
كريم .. معلش يا بوي قابلت فرح وانا راجع من الجامعه ومسكت فيا عشان اتغده معاهم
فيصل .. بقا كده ادهاني الهانم دي اللي خلاص كبرت عليا مش بتسال
كريم .. خدي اتلقي وعدك من عمك
فرح .. ربنا يستر عمي حبيبي الي مش بيسال عليا انا زعلانه علي فكره
فيصل .. ضحك اه خدوهم بالصوت صح
فرح .. بصراحه صح بس هعمل ايه والله طالع عيني في الجامعه يا عمي انت عارف الطب صعب اووي
فيصل .. ده كله ما يشفعلكيش بكره انتي وابوكي تكونوا عندي في القصر مفهوم يا شبر ونص
فرح .. بدلع لا انا طولت شويه يا عمي
فيصل .. اه ما انا ليه كتير ما شوفتش حضرتك سنين ولا بتسالي ولا كان في قرابه بينا بس لما اشوفك اديني ابوكي
فرح .. حاضر يا عمي اتفضل يا بابا عمي عايزك
حكيم .. اخبارك يا فيصل
فيصل .. الحمد لله يا حكيم انت عامل ايه طمني عليك
حكيم .. الحمد لله بخير طول ما كبيرنا بخير
فيصل .. تسلم يا ابو عمو المهم خلاص اتفقت انا وفرح بكره هنتغدا سواء
حكيم .. خلاص ان شاء الله من الصبح هنكون في القصر
فيصل .. تنور يا حكيم يلا هسيبكم تكمله اكلكم
فرح .. عجبك كده
كريم .. وانا مالي عمك اللي عزمك كنتي قولتيله لا
فرح .. لا عشت ولا كنت لما اقول لعمي وكبير العيله لا
كريم .. خلاص يبقا ما تلمنيش بس من امتي وانتي شاطره كده في الاكل
فرح .. مش قوي يعني
كريم .. اكيد سمعتي باكل امي الله يرحمها
فرح .. اه وكنت بحب اكل عندكم وانا صغيره وكل ستات العيله كانت بتقول اكل ام كريم لا يعلى عليه
كريم .. لما دقت اكلك افتكرتها نفس الاكل الحلو
فرح .. لا كده بتجامل واوووي كمان
كريم .. والله ما بجامل كده كده بكره انتي جايه ادخلي المطبخ و حضري الاكل و ابويا هو اللي هيفصل بينا ايه رايك
فرح .. والله هو انتو عزمينا عشان انا اللي اطبخ ايه الاستغلأل ده
حكيم .. ماهو القصر بيتك كمان يا فرح وعمك فيصل مش بيحب حد قد ما بيحبك
فرح .. غلبتني يا ابوي وبتمسك السكينه غدآ نلتقي يا كريم
كريم .. عمي هي فرح بتسمع افلام قتل كتير ولا ايه
حكيم .. والله يا كريم ما عندها وقت أصلا دى اول مره تقعد وتتكلم كده علي طول بتصحى قبل الفجر لو هتخبز او تعمل اكل بعد كده تصلي الفجر وشويه تجهز الفطار وتطلع علي الجامعه ترجع تحط الغداء تاكل وتصلي الظهر وتذاكر ياذن العصر تصلي وتذاكر ياذن المغرب تصلي وتحضر العشاء ياذن العشاء تصلي وتفضل تذاكر لحد ما تنام علي المكتب دي تحسها انسان الي
كريم .. في ايه ان لبدنك عليك حق
فرح .. بان علي وشها الحزن بس حاولت تخبي حزنها وراء ضحكتها وهزارها اهو بنعافر في الدنيا
كريم .. حس انها بتخبي كلام كتير وراء هزارها بس سكت طاب انا هستاذن عشان طول الحاج ما رن يبقا عايز حاجه وهستناكم بكره
حكيم .. ماشي يا ولد اخوي
كريم .. السلام عليكم
الكل .. وعليكم السلام ورحمة الله وبركاته
كريم .. بيطلع من البيت وبيركب العربيه
فرح .. بتلاقي تليفونه علي السفره وبتاخده وبتطلع جري كريم
كريم .. بينزل من العربيه وبيروح ناحيتها
فرح .. انت نسيت التليفون
كريم .. لا ما نستهوش بس كنت عايزك تطلعي بره
فرح .. من دلوقتى هتتكلم بالالغاز يا وكيل النيابه المنتظر
كريم .. لا الغاز ولا حاجه بس وانتي بتتكلمي حسيت بحزن جواكي فيه ايه يا فرح
فرح .. خدت نفس عميق مش وقته يا كريم بكره نبقا نتكلم
كريم .. اوكيه وما تنسيش اننا اخوات ومتربين سوا
فرح .. اكيد عمري ما نسيت يا كريم
كريم .. يلا سلام
فرح .. سلام
كريم .. بيوصل القصر وبيدخل ويطلع علي السلم
فيصل .. قاعد في الصالون و بيشوفه طالع على السلم كريم
كريم .. ايوه يا بوي معلش ما خدتش بالي انك قاعد
فيصل .. تعالى اقعد عايزك
كريم .. بيقرب وبيبوس ايد ابوه وبيقعد خير يا حاج
فيصل .. كنت عايز تقول حاجه بخصوص العهـــــــــــــــــــــــــــــد الصبح وسكت خير قول انا سامعك
كريم .. ارتبك وبص في الارض
فيصل .. بص في عنيه يا كريم من امتي بتخبي عن ابوك حاجه
كريم .. بصراحه يا بوي انا مش مقتنع بالحكايه دي
فيصل .. وقف مره وحده انت بتقول ايه
كريم .. وقف اسف يا بوي انت جزمتك علي دماغي بس انا بحب وحده من بيت الشناوي ووعدها بالجواز
فيصل .. قاطعه شكل التاريح بيعيد نفسه بس ياترى المره دي هتفوق زي ابوك ما فاق ولا هتدمر العيله كلها
كريم .. بيقرب منه والله يا بوي غصبن عني لو قولتلي اقتل نفسي هنفذ لكن ده حكم القلب انا بحبها بجنون هي اول حب واخر حب في حياتي
فيصل .. مش عارف اقول ايه انت ابني الوحيد وعشان كده معاك لحد بكره هاجل الاجتماع وبكره المغرب يا ما تفوق لنفسك يا اما لا انت ابني ولا اعرفك يلا امشي من قدامي
كريم .. بيقرب عشان يبوس ايده
فيصل .. بيبعد ايده وبيبص بعيد
كريم .. بيطلع من القصر والدموع نازله من عنيه اول مره ابوه يزعل منه طلع التليفون وطلع رقم فرح ورن عليها
فرح .. السلام عليكم لا كده كتير انا هتعود علي كده
كريم .. وعليكم السلام ورحمة الله وبركاته
فرح .. انت بتبكي يا كريم
كريم .. لا مش ببكي انا كنت عايزك ضروري
فرح .. انا معاك بس اهدا شويه حصل ايه انت كنت كويس من شويه
كريم .. ابويا يا فرح
فرح .. وقفت عمي فيصل ماله حصله حاجه
كريم .. لا بس خيرني بينه وبين موضوع تاني
فرح .. من غير ما اعرف ايه الموضوع التاني بقولك اختار ابوك
كريم .. مش هقدر انا رتبت كل اموري ومش عايز اخسر حاجه من الاتنين هو بيحبك ياريت تساعديني نقنعه
فرح .. ماشي حاضر بس اهدا وقولي ايه الموضوع
كريم .. بكره لما تيجي هنتكلم
فرح .. ماشي يا كريم بس عشان خاطري اهدا وان شاء الله بكره هنلاقى حل وربنا يعملك اللي فيه الخير ليك
كريم .. ماشي واسف لو ازعجتك
فرح .. اوعي تقول كده تاني يلا لا إله إلا الله
كريم .. محمد رسول الله
وكريم بيفضل في جنينة القصر قاعد لوحده و هو مش عارف يعمل ايه ودماغه هتنفجر من التفكير لحد ما بتيجي الخدامه عزيزه
عزيزه .. مالك يا كريم يا ابني قاعد القعده دي من اول ما رجعت من بره
كريم .. بيمسح دموعه ولا حاجه يا بس افتكرت امي الله يرحمها
عزيزه .. الله يرحمك يا ستي كانت منوره القصر كله بضحكتها تعيش و تفتكر يلا العشا جاهز
كريم .. ابويا جه
عزيزه .. لا فيصل بيه قال ما لوش نفس وطلع اوضته
كريم .. وانا كمان ما ليش نفس شيلي الاكل
عزيزه .. بس يا ابني
كريم .. بيقاطعها معلش عشان خاطري سبيني لوحدي دلوقت
عزيزه .. حاضر يا ابني
.. ويفضل قاعد ويفكر ازاي يرضي ابوه وفي نفس الوقت يتجوز الإنسانه الوحيده اللي حبها وهو سرحان بيسمع رنت التليفون وبيطلعه من جيبه وبيلاقي دهب ..
كريم .. الو
دهب .. ايه ده انت نمت ولا ايه
كريم .. اه شويه بس
دهب .. يلا انا مستنياك
كريم .. هو لازم الليله يا دهب
دهب .. اه ولا عايزني ازعل منك
كريم .. وعلي ايه هي مش ناقصه زعل اديني جاي وبيقفل وبياخد الفرس بتاعه وبيروح علي الساقيه القديمه بيربط الفرس في شجره وبيتمشي في الارض لحد ما يوصل هناك
دهب .. بعد ما بتقفل معاه بتكون واخده شاور و مسرحه شعرها و متعطره وعلي سنجت عشره و بتلبس ..... وفوقه الروب وبتطلع و بتلاقيه بره وحشني اووي
كريم .. ايه ده اول مره اشوفك بشعرك
دهب .. عشان انت الراجل الوحيد اللي قلبي اختاره تعالى معايا وتمشي ناحيت البيت
كريم .. رايحه فين مش عمك توفيق جوه
دهب .. بطل خوف عمي راح لعزيز بيه
كريم .. بيه ضحكتيني لا خلينا هنا خير ايه المفاجئه
دهب .. المفاجئه جوه يلا بطل خوف
كريم .. بيتعصب مش خوف يا هانم وديني وراكي لما اشوف اخرك
دهب .. بتفتح الباب الوراني للبيت وبتدخل ادخل يا كريم
كريم .. اهو دخلت
دهب .. بتقفل الباب وبتمشي قدامه وبتدخل اوضت النوم تعالي عشان تشوف المفاجئه
كريم .. مفاجئة ايه الي في اوضة النوم
دهب .. بعد ما بيدخل بتقفل باب الاوضه وبتقلع الروب وينزل علي الارض
كريم .. ايه ده يا دهب وهو مش مصدق اللي بيحصل
دهب .. انا دلوقت مراتك وتقرب منه انا يا كريم زوجتك نفسي يلا قول وفقت وبتقرب منه اكتر وهي ..... .......... ..
هل تفتكروا دهب بتلعب على كريم وهتوقعه في فخ، ولا ممكن تحبه حب حقيقي؟
هل كريم هيبع والده وعيلته عشان دهب، ولا فرح هيكون ليها دور في تغيير رأيه؟
تفتكروا فيصل بيه (والد كريم) هيسامحه ولا هيتبرى منه بجد؟
