رواية قاتلة ابي الفصل الرابع بقلم بنت الشيخ ترابية
كعدت الصبح وطلعت من غرفتي وشفت الصدمـة
هاي شمسوية وشجاي تسوي اصلا
لابسه الكعب والفستان الملون والتسريحة والمكياج والعطر انصدمت معقوله هاي امي؟
هاي امي نفسها الي زوجها قبل اسبوعين مات؟
هاي ارمله؟
لابسه الكعب والفستان الملون والتسريحة والمكياج والعطر انصدمت معقوله هاي امي؟
هاي امي نفسها الي زوجها قبل اسبوعين مات؟
هاي ارمله؟
ابوي ما صارله شهر من مات
شهر ممخلص وامي ذبت الاسود وكحلت عينها
رحت يمها
:- هاي شنو ليش ذابه الاسود
حنان:- والله تعرفين اخوج بعده صغير وانتي صغيرة
وابوج خلص مات بعد شنسوي امر الله هذا بيدنا خوما بيدنا هاا؟
ابوج مات وانتهى واخوج مات وخلصنا وهاي هيه
هي كالت هجي وانا هجمت عليها
احس اكو شي بداخلي مثل الاسد المكسور او الوحش المجروح ماعرف شسوي بس الي يحجي وياي اذبحه
كمت سحبت الكلينكس ولزمت وجهها اريد امسح وجهها
انطتني راجدي
كالت:- انا اريد اكمل حياتي وانتو هنا ولازم ادبر شغل حتى نعيش ثلاث نفرات هنا واخوج صغير مو بكيفج
انا طالعه هسه ادور شغل
ودفعتني على الحايط وطلعت وانا بقيت حايره بزماني
وين جنت و وين صرت
اليتيم اخخ ياليتيم
شسوي مادري وابوي وصاني على ماهر وهاي امي مو كدها ما راح تصير عون هاي راح تصير فرعون
شلون بيه شسوي مادري
كعد ماهر ومر الوگت بسرعة وانا خلصتها رسم
وصارت بالتسعة وهيه ماكو وصارت بالعشرة وهيه ماكو للـ 12 طبت للبيت
ها يمه وين جنتي؟
حنان:- جنت بالشغل لكيت والحمدلله مدبره اموري وخري مني اريد انام
طبت لغرفتها قفلت الباب ساعة 2 واسمع الضحك
والسوالف واسمع سوالف تافهه ماجان لازم اسمعهن
لطمت على وجهي
هاي امي !!! ابوي حبها حب مو طبيعي والدلال يابويه الدلال الي سواه الها وهيج تجازيه ؟
ادفر الباب واسحلها شسوي الزمها واطردها ماكدر
رحت لغرفتي ولصمت حلكي وسكتت
مانمت خلصتها رسم برسم
حتى ماعرف شجاي ارسم بالي مو يم الرسم اصلا
اشخبط والخبط تضبط
صار الصبح وانا على كعده وحده على الكرسي
طلعت للدوام ماشفتها شلابسه ما لابسه
ساعة تقريبا ورجعت تريد تاخذ غراضها ناسيتها وتحجي وياي
كولي؟
حنان:- مثل ما تعرفين انتو ثنين عليه وجهال وبيت وامور وانا ماكدر ادبرها وحدي فـ اليوم بالليل راح يجي وياي المدير مالتي مال الشغل هو حبني ويريد ياخذني على سنة الله ورسوله
لطمت على وجهي حيل
يمه شبيج يا سنة الله ورسوله بيج شي انتي البارحه داومتي مانعرفه مين ما مين والرجال غريب وابوي ما صارله شهر من مات
حنان:- چا ترديني ابقى هجي لا زوج ولا زواج وانا بعدني شابه وعندي ثنين بركبتي انا ماجاي اخذ رأيج انا جاي ابلغج اليوم بالليل يجي الرجال
ودارت وجهها وطلعت عني ... لو شما اسوي بيها هسه مايبرد گلبي كمت بدلت واخذت ماهر ورحنا لخوالي « السفردحي»
اسراء كلشي توصل الي بمعارف ابوي ومكانه واسمه كدرت تسحب خوالي واهلها هنا لتركيا ومكعدتهم ب بيت وانا مايصعب عليه بهاي الاسبوعين مرتين هي راحت الهم وانا تبعتها واندليت بيتهم
اخذت ماهر وقفلت الشقة وطلعت
بالكوة وصلت رجلي ماتحملني ولساني ثكيل بس اريد ادخل لبيبيتي حيل احترمها بس اريد اكللها عاشت ايدج على هاي التربية واطلع
دخلت خالي « السفردحي» كاعد وصلت يمه
وين بيبيتي؟
:- شتردين منها وشجابج هنا
هنادي:- جايه اتشكر من بيبيتي ع تربيتها لبنتها
:- وشبيها واذا تزوجت؟
هنادي:- يعني تدرون ما شاء الله اخلاقكم عاليه
كام يريد يضربني واخوي رفعته الغيره عليه وكف كدامي وخالي سحب ايده ولواها وكاله:- دير بالك تصير رجال عليه فهمت لو لا... وانطاه راچدي
من قوة الراچدي طلع دم من سنون اخوي الي ابوي موصيني عليه موصيني احميه من الشعرايه يجي هذا السفردحي يضربه؟ وانا منا ما اصدك واحد يتحرش بيه حتى الزمه رحت للمطبخ الي كدامي جبته
چدر مادري شبيه فرغته وجبته وضربت خالي بيه حيل ولزمت السچين:- الي يتقرب من اخوي افتح راسه بهاي السچينه واسوي اثنين فهمتوووووا؟
وطلعت وخالي وكع من طوله والدم على طوله صار
رجعت للشقة وقفلت الباب وغسلت لاخوي
هسه تجي ماكو
هسه توصل ماكو
هسه تخابر ماكو
امي داحت ...
ويييـن للساعة 10 ليل دك الجرس العين السحرية ما اوصل الها عالية ف فتحت الباب بسرعة
امي واكفه
و واكف يمها رجال اكرع وعيونه فص صغاار وشارب ولحيه مال دواعش شكله يخوووف وطوييل ولا هو تركي لا هو عربي مادري شنو نظامه هذا
اباوعلها تضحك فرحانه..:- ها يمه فرحانه منو هذا الرجال؟
حنان:- ههههههه هذا خطيبي وزوجي المستقبلي
هذا هو ابو بيتي ومديري
جبته اعرفكم عليه وباجر نروح للمحكمه
اباوعلها فرحانه امي فرحانه وهو چـنه قـࢪد واكف شكله يخزي وابتسامته تخوف رحت للميز كدامي مزهريه ركعته بيها شرد...
الرجال شرد مادري وين راح شرد وامي وكفت تصيح عليه تريد تطب صيجت بوجهها:-
اطلعي لج وماريد اشووووفج عسااااج بالمووووت
وسديت الباب بوجها وبسرعه صعدت لميت كل ملابسها بـ كيس نفايات وشمرته من البالكون ورحت يم الباب سمعتها تبجي واكفه تدك بالباب
كتلها:- رووووحي ملابسج شمرتهن من البالكون يلااا
اجه ماهر يريد يفتح الباب ويطلعلها ماخليته
ماهر:- ولج عوفيني خلي اطلع حركتي بيها وحرگته لگلبي
هنادي:- اكعد عوووفها
انا صرت مثل الوحش المكسور
مثل الاسد المجروح
لبوة مطعونة
طير بلا جناح
انا شي مكسور ومطعون
الي يوكف كدامي اكتله واشرب من دمه
گلبي محترك واشم ريحته بكل مكان
وين ما اندار وين ما اروح ريحته بكل مكان
هنا يحجي وياي
هنا حضني
هنا ضحك وياي
هنا رگصنا انا وهو
هنا لعبنا
هنا اكلنا
وهنا شالني وفرني
رحت لغرفتي وشفت الرسمه ابتسمت
جان مكعدني بحضنه ويضحك
نازك وترف
لابس بنطرون وبدي اسود وساعه سوده
ناززك حيل نازك
عطره يبقى مختلط وي النفس
حاضن خصري حتى ما اوكع
وبالايد الثانيه لازم ايدي يرسم وياي
ويضحك ونسولف
:- ولج مو هنا ولج هيييييييين
ونضحك
ذكرياته تجرحني وتذبحني
ماجاي يروح من بالي
تعذبت والله وكبرت 100 سنه فوك عمري
عذبني
صوته وريحته وضحكته وكلشي يخصه ملح بنص جرح گلبي
العون منك ياربي ماعندي عون
الاقرب الي صارلي فرعون
جان يگول الي:- وديري بالج من الگريب..
أمني بالغريب وخافي من الگريب
جان ينصح ويعلمني هواي امور وسوالف
جان يكلي لا تثقين بشخص بسرعة ولا تحبين شخص ما يعرفج لا تروحين وره البعيد عنج
روحي لليحبج والي يريدج وشاريج
شاربي عليه اشيله اذا انطيج لواحد مو عون ...
