رواية ومضه امل الفصل الرابع بقلم ام مصطفى
اية
-عفية فرح خل نرجع اغير ملابسي باردة
-يله كومي
-فروحة اطلب منج طلب
-كولي حبيبتي
لا تكولين لاخوج اني عرجة عفيه استحي عود من نروح ونرجع لبغداد كوليله
-عادي حبيبتي ولا يهمج مراح اكولة
رجعت فتت للغرفة مال الحجية
شافتني امي وايناس عزاا هاي شصار بيج مطينه
-اي ماما زلكت ووكعت
لعد فوتي اسبحي كالت الحجية
فرح جده شوفيلها من هدومج هدم تلبسة
-صار بيبي
وحضريلها الحمام
دخلت اسبح واذكر كلماته واضحك بيني وبين نفسي
حورية البحر مرة وحده ههههه
اخ لو تعرف عرجة اني جان مكلت هيج
سبحت ولبست ثوب فرح وطلعت
جان الثوب قياسي عبالك مفصل الي
تغديت وايناس تكلي ليش مااخذتني وياجن اشوف الشط شجاج
-لج امي كالت خليها يم نهلة اني شكوو
وليش انت متبقين يمها
عادي حبيبتي اليوم اني ابقى وانتي روحي وي فرح
اي عفية خليني اطلع اريد اتفرج ع الطبيعة برة
تغديت وكمت حتى اغسل برة
جنت دايرة وجهي وواكفة اغسل ع المغسلة
وجان واحد يلزمني من ورة
-اكلج فرح مكلتيلي بتمن هاي الحورية الي وياج مساعة
راسا اني فزيت والتفتت عليه
هو ارتبك وخر ايده من جتفي
-اسف اسف عبالي فرح شفتج لابسة ثوبها
ع السريع راح فات للاستقبال وهو متخردل وفشلان
همزين راح قبل لا يشوفني اعرج بسرعة فتت جوه
-شبيج اية عبالك واحد راكض وراج
-ها لا بس خفت لا يطلع رجال ويشوفني
-عادي خالة ربطة ع راسج
-ميخالف استحي
ضليت كاعدة يم امي والحجية تحجي
ايناس دزت ع فرح وطلعن يفترن بالبستان وتشوفها القرية
واني يم امي ونهلة
جانت كلش ضايحة
عفيه هم خل اطلع
-طريقهم حفر وطين ماتمشي العربانه
اووف والله ضجت عادي هسه احجيلج اني الي شفته ....
ايناس امشي واتفرج الله جنه جنه الريف شي كلش حلو
مكان الابقار وحده تحلب بيهن اجيت وكفت يمها
خل اجرب
اي عادي تعاي
تقربت من البقرة ولزمتها احلب الله شكد حلو
تمنيت عندي كامرة واوثق كل هاي المناظر واحتفظ بيها
بعدين طلعنا للشط جانت اكو ناس صاعدة بالبلم وناس تصيد سمج بالشبجة
-تعالي ايناس حل نبتعد منهم ذول ولد لا يجي علاء يضل يحجي ميقبل
-علاء منو
-اخوي الجبير
-ها الله يخليه الج يارب
رجعنا كعدنا جوه شجره جبيرة
ونسولف
فات ولد من يمنا
باوع علي باستغراب واندار ع فرح
-لج فرح منين اجيبين ذن الحلويات
-ههههه هاي اخت اية
-ماشاء الله تبارك الرحمن
-هذا علاء اخوي الحجيتلج عنه
-اهلا وسهلا
-شسون هنا
-مانسوي عود رحنا للشط بس جانوا يصيدون سمج ورجعنا
-تعالوا اخذكم لغير مكان بعيد عنهم وتونسوا
-يله علواه
كومن
كمت وياهم وعيني عليه شنو من جمال صدقة شكد حلو وشخصيه
وصلنا ع ضفاف النهر
جان اكو قارب ثاني صعدنا بيه
وهو كام يمشي القارب
واني اباوعلة طول الطريق يباوعلي ويبتسم ها حلو
-اي كلش حلو القارب
بسرعة رجعنا
ورجعت احجي لامي والبنات
كتلهم اخوها صعدنا بالقارب
والحجية كالت هذا علاء درة وسبورتي كلش
اجيت يم اية اوصفة الها واتبسم فرحانه
جان دكلي كافي عيب توصفينة شعلينا بيه حلو او لا
وكامت بعصبيه شبيها هاي همزين مسمعت امي
اية
شكد ضجت من ايناس توصف بشكلة وتبين اعجابها بيه بدون شعور صحت عليها وسكتتها
وطلعت برة كعدت يم تنور الطين جانت ام علاء تخبز
ويمها سلفتها تساعدها بالخبز
سلمت عليهم وكعدت يمهن
اجتي امي والحجية يمنا
اشو ام علاء شفتها ضاجت من امي
امي تحجي وياها وهي كوه ترد عليها
بعدين امي هم حست بثكل وجها
رجعت
صاحت عليها الحجية وين
-يم البنات جوه يضوجن
التفتت ع ام علاء
كالت الها انت تبقين حاقدة ومتنسين
-شكو عدها جايتنة تجدد العشك القديم
-اسكتي لج شنو هالحجي مو عيب عليج شهالحجي جاهل انتي ابنج بطولج ومتعرفين تحجين
ضليت اباوع باستغراب شتقصد وشنو تجدد العشگ
اني هم كمت
جان تكول وراي
جايبتلي معوقات وجاية حرامات كون ماخذها حازم حتى تخلفلة معوقات
التفتت عليها وخزرتها
ورجعت طبيت للغرفة
-يمة خل نرجع للبيت
-ليش يمة شصار
-مصار شي بس شوكت نرجع لبيتنا
-بس تخلص الحرب نرجع
-بس شبيج شصار
-يمة ام علاء ليش ماتحبج
-شنو منو كلج
-هيج مبين من وجهه
سالفة طويلة يمة عود بعدين احجيها الجن
المهم انتن مالجن شغل احنه جم يوم ونرجع لبيتنا واني كاعده يم خالتي مو عد شكرية
بالليل
سمعت امي تسولف وي خالتها
تكلها شكرية لهسة حاقدة علي شتريد بعد اشو عفته الها واتزوجت ولا شفتة ولا شافني بعد ليش متنس
-تولي خالة هاي تغار شلج غرض بيها كاعده عدها انتي يمي والله كون يسمع حازم يفصم ضهرها فصم
افتهمت حازم جان رايد امي ويحبها بس ماصايرة القسمة ومزوج بت عمة شكرية وضال يحجي بامي ويذكرها دوم
هيج افتهمت من كلامهن
خليت ونمت
ايناس
طلعت العصر وي فرح هم نفتر وشفت اخوها من بعيد
تمنيت هم يجي ويحجي ويانا بس جان كاعد وشفت اية كاعده يمة
-فرح هذيج مو اية
-اي
وذاك اخوج يمها شيسوي
-عادي يجوز تسئله ع القرية والزرع وهيج شي
-خل نروح يمهم
-يلع تعاي
اية
كعدت بنفس المكان
واجة علاء كعد بصفي
-شلونها حورية البحر زينه
التفتت عليه
-اسمي ايه
-بس اني يعجبني اسميج حورية ولو اسمج مناقص بس من صدك جنج حورية البحر
صفن بوجهي التفتت منه ورجعت يباوع
-اكو شي
-اي اكو تدرين من شفتج لهسه مدري شصار بيه بس اقكر بيج صار يومين
انت كلش حلوه ايوته
-وانت كلش جريء ياريت تكوم عيب لا أحد يشوفك
-عادي شمسوين قابل نحجي سوه
-انت شمخلصة ياصف
-سادس ابتدائي
-صدك ليش مكملتي
-ضروف
-اني مخلص كلية تربية
بس اني مسئلتك
عادي اوفر عليج الاسئله
اني عمري ٢٢ سنه واحلم ارتبط بوحده حلوه وحورية مثلج
باوعتله وخزرته
-لا دخيلج محلوه وانت تخزرين
-ابتسمت
اي ابتسمي اروحلج فدوه لهاي الابتسامة
وين بيتكم
-بغداد
بيا منطقة
ب.......
اكولج شعجب هذا الجمال كولة وممزوجة لو مضمومة الي
-اي مضمومه الك باوعتلة باستهزاء
-اي شكد محظوظ اني
اكولج بعد لا تلبسين ثوب فرح مااحب هذا اللون
البسي الوان فاتحة
-لا والله
اي تعودي ع طبعي من هسه شحب وشكره وهم اكلج احب الدجاج شوي مو تكلاه
-ضحكت هههههههه
صدقة لجمالج شكد حلوه
صاحت فرح
علاء
شعندك هنا يم اية
التفتت فرح وايناس جايات
خزرتني ايناس
وتاشرلي شعدج وياه
كام هو وكف
شفتها كاعده وحدها كلت اونسها
يلة اخذن راحتجن
وانتي حورية نلتقي باجر ويغمزلي
راح وايناس
-شكو عندج وياه متحافين تشوفج امي
-لسش شمسوية كاعدة
وهو اجه يمي يحجلي ع الزرع والطبيعة وهيج شي
هاا
ديله روحي نهلة تريدج وحدها ...........
بقينا اسبوعين يمهم
وكل يوم اني وعلاء نكعد ونسولف وبهاي الايام القليلة حييل حبيته وتعلقت بيه جنت حيل فرحانه بيه وبكلماته الي واعترفلي كال حبيتج والليل كلة افكر بيج
وراح احجي وي ابوي يخطبج
كل هذا وهو ميدري بيه اعرج
مجرد يشوفني كاعده
بوكتها من كلي اخطبج بدال ماافرح خفت واتقهرت خاف يعرف وراح هم يشوفني عرجه وشلون يزوج وحده عرجة
بيوم الي كالوا سقطت بغداد ودخلوا الامريكان
ردنا نروح وعلاء وعمو حازم كال ناخذكم للبيت احنه نوديكم ونصلكم لباب البيت
هنا ام علاء سوت مشكله جبيرة لان حازم يريد ياخذنا هو
امي كامت تتعذر من خالتها وطلبت منها ناجر سيارة ونرجع وحدنا
بس الحجية ماقبلت وحلفت الا هو يوصلنا
بيومها
ودعنا الحجية وفرح ضلت تبجي وصعدت بسرعة قبل لا علاء يشوفني
كلت لفرح من اروح يله تكليله عن عوقي
بس تفاجأة بعلاء
يكلي شبيها رجلج شفتج تعرجين من صعدتي واكعة مضروبه
-هااا
شنو ها شبيج
-اي واكعة غرح تكلك شلون
-ها سلامتج
وصعدوا بالسيارة
حازم يسوق وعلاء بصفة واني وامي واخواتي كلنا بالكشن الوره
وحازم كام يسئل امي ع ابوي وعلينا
واخر شي
كال زين اية هم من بطنج معوقة
راسا التفت علاء علي متفاجأ
وامي تكلة لا والله صار عدها شلل الاطفال ومات عصب رجليها ومثل ماتشوف ماتلاحكنا عليها كامت تسحلها سحل
جنت اترقب ردة فعل علاء
جان متفاجأ
وضل ساكت طول الطريق
لحد ماوصلنا لبيتنا نزلوا واني تعمدت ابقى اخر وحده
من نزلت
لزمني من ايدي وكال بعصبيه
ليش مكلتيلي انتي معوقة ليش خدعتيني
-انت ماسئلتني حتى اكلك
-واني من وين اعرف انت عندج عوق
-ليش هيج سويتي بيه ليش
-شسويت دمرتيني قتلتيني انتي روحي مني الله لا يوفقج مثل ماخلتيني احبج
تمنيت ذابحني ولا كلي هيج كرهت نفسي بالزايد وطبيت ابجي
