رواية العهد الفصل الخامس
بسم الله ولا حول ولا قوه إلا بالله العلي العظيم واتوب إليه
"هناك شرف لا يُشترى بالدموع، وهناك مؤامرات تُحاك في غرف مظلمة باسم الحب.. عندما يرفض كريم الجارحي العرض المحرّم، تبدأ خيوط اللعبة القذرة بالظهور. لكن السؤال الأهم: مَن هو الطرف الثالث الخفيّ الذي يتربص بالجميع في الظلام ليخطف العمودية؟ 🔥"
كريم .. بيبص علي دهب وهو مش مستوعب ايه اللي هيحصل
دهب .. بتفك زراير القميص بتاعها وبتحضنه انا بحبك اووي وده الحل الوحيد عشان عشان نحط الكل قدام الامر الواقع
كريم .. بيزقها بكل قوته
دهب .. بتترمي علي السرير
كريم .. انتي اتجننتي ايه اللي بتعمليه ده
دهب .. بتوقف وهي بتقرب منه انا بحبك يا كريم ومستحيل اقدر اعيش من غيرك انا مراتك دلوقت ده مش حرام مجرد ما تقول موافق هكون مراتك قدام ربنا وبقولها لك تاني يا كريم انا دهب بقولك زوجتك نفسي
كريم .. لا واضح انك اتجننتي يا دهب وبيطلع ناحيت الباب
دهب .. بتوقف بينه وبين الباب وهي بتبكي انا اسفه مش عارفه عملت كده ازاي انا هتجنن يا كريم انا مش هقدر اعيش من غيرك وانا بحبك بجنون عشان كده ما لقتش قدامي غير الطريقه دي وكنت فكراك هتفرح وتقدر حبي ليك انا مش عارفه اعمل ايه عشان نكون سوا
كريم .. افرح ضحكتيني افرح بالقرف ده ايه فكراني تربية شوارع يا دهب انا كريم الجارحي والحمد لله ابويا رباني كويس واوعي من طريقي دلوقت و بيزقها ويفتح الباب ويطلع
.. توفيق وعزيز مستخبين و بيراقبه البيت واول ما شافوا كريم طالع من البيت بصو لبعض وهما هيتجننه ..
توفيق .. شكلها معرفتش تخليه يعمل حاجه
عزيز .. للاسف شكله فعلآ ده اللي حصل
توفيق .. طالما الخطه فشلت اضربه بطلقه ونقول اتهجم عليها
عزيز .. انت مجنون احنا لسا مش جاهزين عشان نقتل حد من عائله الجارحى لازم نمشي بالسياسه لحد ما نتمكن ووقتها مش هنرحم حد والحد ده ما يحصل عايز خدكم مداس ليهم تعالى نشوف دهب
توفيق .. بيدخل يا بت يا دهب
دهب .. بتكون متعصبه وبتلبس الروب وبتطلع ايوه يا عمي
توفيق .. حصل ايه
دهب .. محصلش يا عمي ابن الباشوات رفضني بطريقه زباله اوي كنت فاكره انه هيتجنن عليا لكن للاسف ولا فرق معاه حاجه مش عارفه ده مخلوق من ايه
عزيز .. ما تسبهوش ابكي له اعملي اي حاجه المهم اوعي يهرب منك ده املنا الوحيد عشان ندمرهم من جواهم
دهب .. حاضر يا عمي عزيز بيه انا عملت كده اصلآ
عزيز .. يلا ادخل نام يا توفيق عايز دهب في كلمتين
توفيق .. حاضر يا عزيز بيه تصبحو علي خير
عزيز .. بيقرب من دهب مش عارف كريم ده ايه حمار في حد يسيب الجمال ده ويمشي
دهب .. بتضحك بس عيب يا عمي
عزيز ..عيب ايه بقا انا مبقتش قادر
دهب .. بس بقا بجد انت بتكسفني اوي
عزيز .. ماشي يا دهب نوصل لهدفنا الاول وبعد كده نفكر في نفسنا شويه خدي اشتري اللي نفسك فيه يا دهب مش عايز في نفسك حاجه
دهب .. بس ده كتير يا عمي
عزيز .. مفيش حاجه تكتر عليكي يا مهلبيه انتي يلا تصبحي علي خير
دهب .. وانت من اهله وتدخل اوضتها و بترن علي كريم
كريم .. بيكون علي السرير. و بيفكر في الي حصل وكمان اللي ابوه قالوا وبيحاول يفكر بعقله لكن حاسس دماغه هتنفجر وكان لازم ينام عشان يعرف يفكر واول ما تليفونه بيرن بيبص وبيلاقي دهب بيقفل التليفون وبينام
عزيزه .. صباح الخير يا فيصل بيه
فيصل .. صباح النور
عزيزه .. الفطار جاهز يا جناب البيه
فيصل .. كريم فطر
عزيزه .. لا نايم ورجع متاخر بالليل
فيصل .. خلاص شيلي الاكل ما ليش نفس
عزيزه .. بس يا بيه
فيصل .. بيقاطعها معلش لما هجوع هقولك وعملي حسابك حكيم وفرح هيتغده معانا
عزيزه .. بجد دي وحشني اووي فرح
فيصل .. ابتسم اهي جايه و شبعي منها برحتك اعمليلي القهوي وهتيها في الجنينه
عزيزه .. عنيه يا جناب البيه
فرح .. اصحي يا بابا بقا
حكيم .. في ايه يا فرح عايز انام
فرح .. لا كفايه نوم انت ناسي اننا هنروح لعمي فيصل
حكيم .. بس لسا بدري
فرح .. ما عشان الحق اجهز الاكل مع داده عزيزه
حكيم .. حاضر اهو حكم القوي علي الضعيف
فرح .. علي ما تاخد دش اكون جهزت الفطور
حكيم .. تسلم ايدك فعلآ كلام كريم صح نفسك حلو في الاكل
فرح .. والله يعني معرفتش غير لما كريم قال
حكيم .. ضحك المهم هرد علي خليل باشا
فرح .. مين خليل باشا ده
حكيم .. ابو العريس محمد خليل باشا
فرح .. مش بحب الباشوات
حكيم .. كفايه هزار بجد ابنه كويس وليهم مكانتهم في المحافظه وبشاوات اولاد بشاوات
فرح .. يا حبيبي انا مش بفكر في الجواز انا اهم حاجه عندي جامعتى وبس اخلص وبعدين افكر
حكيم .. يعني اقولهم ايه
فرح .. اني مش بحب الباشوات
حكيم .. والله وانتي حفيدة الجارحي الكبير يعني حفيدة الباشوات
فرح .. عشان كده يا بوي بشاوات مع بشاوات مش هنعمر وضحكت
حكيم .. انا مش هقدر عليكي انا هقول لعمك وهو يتصرف معاكي
فرح .. لا يا بوي عشان خاطري بلاش نفتح الموضوع ده مع عمي
حكيم .. ماشي يا لمضه يلا بينا وبيتحركه علي القصر واول ما بيوصله
فيصل .. بيوقف وهو بيقول القصر نور يا دكتوره فرح انتي فعلآ اسم علي مسمي
فرح .. تسلم يا عمي القصر منور بيك وربنا ما يحرمنا منك وبتمسك ايده وبتبوسها
فيصل .. ربنا يحفظك يا بنتي حكيم يا ولد عمي وحشني ليك اسبوع ما جتش الدوار
حكيم .. مشغول شويه يا فيصل وانت فيك بركه قايم بالواجب
فيصل .. اتفضلوا ارتاحوا
فرح .. هو وكيل النيابه فين يا عمي
فيصل .. نايم يا دكتوره اطلعي صحيه وتعالوا اقعده معانا
فرح .. انا هصحيه ودخل المطبخ اجهز الاكل
فيصل .. بتقولي ايه عزيزه هتجهزه
فرح .. لا يا عمي ده تحدي بيني وبين كريم وحضرتك اللي هتحكم
فيصل .. اذا كان كده ماشي
فرح .. بتدخل القصر يا داده
عزيزه .. بتجري عليها فرح حبيبت قلبي و بتحضنها وحشاني اوي يا بنتي
فرح .. وانتي كمان يا داده طمنيني احوال القصر ايه
عزيزه .. بصوت واطي الوضع ما يطمنش
فرح .. وهي بتضحك ازاي احكيلي
عزيزه .. كريم وفيصل بيه في حاجه بينهم و امبارح متعشوش والبيه طلع اوضته وكريم رجع متاخر من بره والصبح البيه ما فطرش كمان وانا مش عارفه اعمل ايه
فرح .. لا الطلعه دي عندي انا يا داده هطلع اصحي البيه ونزلك
عزيزه .. ماشي وانا مستنياكي
فرح .. بتطلع تخبط علي اوضة كريم
كريم .. ادخل
فرح .. بتدخل اصحي يا كريم بيه انا جيت
كريم .. بيفتح عنيه وبيبتسم هو فيه حد يجي بدري كده ايه ما صدقتى
فرح .. اه ما صدقت انا غلطانه اني جيت اطمن عليك
كريم .. لا طبعآ انا بهزر انتي تنوري الدنيا وبيقوم
فرح .. هستناك تحت
كريم .. هاخد دش ونزل وراكي علي طول
فرح .. ماشي وتنزل تجهز الفطار و تطلعه بره
صبري .. الدكتوره فرح وحشاني يا بت
فرح .. وانت كمان يا عمي يلا الفطار يا فيصل بيه
فيصل .. بص لعزيزه اه منك انتي بسرعه بلغتيها بكل حاجه
عزيزه .. ضحكت اه انا عارفه ان مفيش غير فرح الي بتقدر عليك
صبري .. في دي معاكي حق
فيصل .. بداء يفطر
كريم .. نزل صباح الخير
الكل .. صباح النور
فرح .. يلا افطر مع عمي
كريم .. لا شكرا انا فطرت
فرح .. عمي قول حاجه
فيصل .. اقعد يا كريم افطر بنت عمك تعبت نفسها مخصوص عشانك
كريم .. حاضر يا بوي
..الجو كان متوتر بين كريم وابوه وفرح كانت بتحاول تشيل التوتر ده لكن الاتنين عقلهم مشغول وموجوعين فيصل خايف يخسر ابنه بسبب الحلب دول وكريم مش عارف هو صح ولا غلط وبيحاول يلاقي حل من غير ما يخسر الاتنين ابوه ودهب ..
فرح .. امال احمد فين يا عمي
صبري .. نايم فوق الباشا والله انا عايز اقتله وارتاح منه
حكيم .. شد عليه يا صبري لو فضل كده هيجبلنا مصيبه
فيصل .. انا هتكلم معاه لازم يقطع علاقته بشباب بيت الشناوي الي بيسهر معاهم كل ليله ولازم نحط حد للموضوع ده عزيزه اطلعي صحيه
عزيزه .. حاضر يا جناب البيه
فرح .. انا هدخل المطبخ بقا يلا اشوف وشكم علي خير
كريم .. حد قالك المطبخ في جنوب افريقيا انتي اوفر اووي
فرح .. لا في حلف شمال الأطلسي يا خفه
فيصل .. ضحك طول عمركم ناقر ونقير فاكر يا حكيم
حكيم .. اه دول كانوا مجننين الكل علي طول خناق مع بعض بس لو حد كلم حد فيهم تلاقيهم هما الاتنين ايد وحده والاولاد كلهم كانوا بيخافوا من كريم وفرح
فرح .. بتضحك وبتدخل المطبخ
... عزيز قاعد مع توفيق في الفيلا عنده وهما بيفكره وبيخططه هيعمله ايه ..
عزيز .. كريم ده مش سهل انا بصيت في عينه حسيت اني قدام الجارحي باشا نفس الهيبه والقوه
توفيق .. والعمل ايه
عزيز .. عايزين سكه تانيه
توفيق .. في حاجه في دماغك
عزيز .. اول حاجه لازم ناخد العمديه
توفيق .. وده هيحصل ازاي وبيت الجارحي مسيطرين عليها من سنين
عزيز .. ما تقلقش في اللي عايز يكسرهم وهيوقف معانا
توفيق .. مين ده يا عزيز بيه
عزيز .. هقولك يا عمده توفيق
توفيق .. عمده بتتكلم جد
عزيز .. ايوه وكلها ايام وهيحصل
توفيق .. ده انا كنت اعيش خدامك العمر كله بس مين اللي هيقدر ياخد العمديه من بيت الجارح ويدهالنا
عزيز .. الي عايز يكسرهم ويفرقهم .....
مين اللي بايع ومين اللي شاري؟ هل "دهب" ضحية غباءها ولا مجرد عروسة خشب في إيد "عزيز" وتوفيق؟ ومين هو الطرف التالت الغامض اللي ناوي يكسر هيبة "الجارحي" وياخد العمودية؟ 🤔
