رواية زوجي يعشق اخري الفصل الخامس بقلم ساره الخفاجي
طلعت فاتن وبقيت وحدي بالغرفة افكر شون حعيش واني وحدي ومطلقة لازم اتخلص من السبب الي دمرني حتى لوجان هذا السبب هوة حبي الوحيد مراح اهتم .
سمعت باب الغرفة انفتح غمضت عيني بسرعة مجان الي خلك احجي وية اي احد ،دخل احمد عرفتة من عطرة الي جنت اعشقة واني اشتري الة بين فترة وفترة ،گعد عالكرسي الي بصفي بس محجة اي شي ،جنت اسمع صوت تنفسة ،انتظرت يحجي شي ،تمنيت يحجي اي كلمه حتى لويعترف ،بس ماكو فايدة محجة اي شي وطال انتظاري بخيبة أمل ،تمنيت يگلي أنه متندم ،لوحاجي شي اي شي جان تراجعت عن قراري الحب ميعرف كرامة لو معتذراً صدك جان نسيت كلشي وبديت وياه صفحة جديدة ،بس ماكو اي فائدة لاهوة اعتذر ولاقل حزني .
حاولت احرك راسي وفتحت عيني اقترب احمد مني وركض صاح الدكتور المشرف على حالتي .
اجة الطبيب وفحصني واطمئن اكدر احرك اطرافي ذاكرتي زينه شاف الجروح ،طمن احمد وكله أن شاء الله بس كم يوم تتعافى وتطلع من المشفى .
طلع الطبيب وگعد احمد بصفي باوعلي بحزن وعتب .
_ليش طلعتي بسرعه هيج غير تنتبهين انتي طفلة ،غير تنتبهين لطريقج.
_ابتسمت بانكسار هذا بس الي يهمك ليش طلعت بدون مانتبه.
_لا اكيد انتي تهميني حياتج تهمني ،شاكول لو صار بيج شي شنو اكدر اسوي.
_شجعت نفسي حتى احجي ،،،عندك غيري لتخاف اني بعد مااهمك.
_منين دجيبين هالحجي ،تخبلتي انتي ،راح مرجع لشكج ومرضج بالغيرة متكليلي شبيج .
-لااا انتي صدك تخبلتي مااكدر احجي وياج وانتي هاي حالتج اطلع احسلي ومن ترجعين لعقلج ارجع.
-اي هذا احسن حل لان اني هم مااريد اشوف وجهك اصلا ..بعصبية .
طلع احمد ونزلت دموعي اريد توگف متوكف جنت اخاف أفقد كدامة وابجي مااريد ابين آلة ضعفي ،شاف ضعفي بحبة هواية لازم اكون اقوة من كل مرة .
خابرتني فاتن ورة فترة وگلتلي عالمحامي وأنه وافق عالدعوة جانت تحجي وهية فرحانة وطلب المحامي منهة أنه التقي بي قبل لنرفع الدعوة لازم يتأكد من بضع اشياء،وافقت اكيد بس گتلهة ورة مااطلع من المستشفى.
عدة الاسبوع بالمستشفى وكأنه عقارب الساعه متقبل تمشي المشفى مكان مزعج لابعد الحدود روائح الأدوية والمعقمات والمرض كلها تسبب احباط للنفسية.
اجتني فاتن حتى اطلعني وجان احمد يعيط على فاتن ويكللها انتي السبب بكلشي انتي الي خليتي والافكار براسهة بس فاتن مجاوبته ومهتمت لزمتني وطلعنة وعفنه احمد يعيط ورانه ،اخذتني لبيتهة واتفقت وية المحامي حتى نلتقي .
ادري قليل
