رواية العهد الفصل السادس
بسم الله ولا حول ولا قوه إلا بالله العلي العظيم واتوب إليه
عزيز .. الي عايز يكسر بيت الجارحى و يفرقهم هو خليل باشا
توفيق .. بتقول ايه خليل بيه ازاي انا سمعت انه اتقدم يطلب بنت حكيم بيه لابنه
عزير .. ضحك ما هو ده من ضمن خطته فرح هي جوهرة بيت الجارحي و عمامها كلهم بيحبوها يعني يوم ما يفكره يقلبوا علي خليل باشا وقتها هيستخدمها ضدهم
توفيق .. بس خليل باشا عايز ليه يكسرهم
عزيز .. افهم بقا يا توفيق طول ما بيت الجارحي ايد وحده لا خليل ولا احنا ولا كل الباشاوات اللي في المحافظه هنكون قدهم ايمانهم واصلهم مخليهم مميزين وعندهم قوه يسيطروا علي المحافظه كلها عشان قدره يكسبه قلوب الناس وده اكبر سلاح وعشان كده لازم ينتهوا و الباشا وعدني انه هيخليك العمده وبيت الشناوي هما اللي هيكونوا الكبار في البلد دي وحتي قصرهم ده هناخده فهمت يا توفيق
توفيق .. الحكايه كبيره اووي يا عزيز بيه
عزيز .. امال انت كنت فاكر ايه يا عمده
توفيق .. طاب دلوقت لازم دهب توصل لكريم وتسيطر عليه
عزيز .. بعد رفض كريم ليها الحكايه اتعقدة بس لازم نلاقي حل وإلا مش هنعرف ندخل القصر ابدآ
توفيق .. لا لازم تقدر يا عزيز بيه عايزين نكبر كفايه ذول في البلد دي
عزيز .. لا شكل العمديه لايقه عليك يا واد يا توفيق خد الفلوس دي واشتري كام حتة قماش وفصلهم عشان تشرفنا في المركز
توفيق .. تسلم ايدك يا عزيز بيه وبيمسك ايده وبيبوسها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
عزيزه .. انا قولت محدش بيقدر علي فيصل بيه غيرك
فرح .. عمي فيصل ده ابويا انا بحبه اوي
عزيزه .. طاب وكريم
فرح .. ماله كريم
عزيزه .. يعني طالع لفيصل بيه
فرح .. هو فعلآ كريم راجل واخلاقه عاليه وانا بحسه حنين علي العائلة كلها كانه هو اللي كبيرنا ( وكانها فاقت ) بس مفيش زي عمي يا داده ويلا كفايه رغي بقا خلينا نخلص
عزيزه .. ضحكت اه حاضر يا قلب عزيزه وبخبث بس ليه وشك احمر كده
فرح .. مفيش بس البصل يا داده
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
احمد .. صباح الخير
الكل .. صباح الخير
صبري .. انا زهقت يا فيصل هتمشي في الجنينه انا وكريم
كريم .. يلا يا عمي
فيصل .. اقعد يا احمد عايزك في كلمتين انا وعمك حكيم
احمد .. حاضر يا عمي خير
فيصل .. مش هتبطل تمشي مع العيال اللي ملهاش اصل اللي بتسهر معاهم كل ليله
احمد .. قصدك بيت الشناوي
فيصل .. ايوه يا احمد دول مش بيحبونا ومش قادرين انهم ينسوا انهم كانوا خادمين عندنا
احمد .. يا عمي انتو الي مش مقتنعين ان زمن العائلات خلاص انتهي دلوقت كل واحد بنفسه وبشخصيته
حكيم .. ماشي خلينا معاك مع ان كلامك غلط بس انت بقا وحدك تقدر تقول عملت ايه
احمد .. ولا حاجه يا عمي ولا عايز اعمل انا سعيد ومبسوط كده
فيصل .. وهو بيحاول يكون هادي مبسوط انك طول الليل تشرب وتيجي تترمي علي السرير مبسوط وانت كل لليله بترقص مع الغوازي مبسوط وانت بتمرمغ اسم العيله في التراب رد عليا
احمد .. انا ماليش دعوه بالعيله انا ليا دعوه بنفسي بس ومش عايز منكم حاجه بس سبوني براحتي وبعدين يا عمي انا مسئول عن الارض والحمد لله كل حاجه ماشيه كويس هناك
حكيم .. علي اساس اننا مش عارفين اني اللي ماسك ارضنا اسلام الشناوي صاحبك
احمد .. وفيها ايه المهم المصلحه تمشي وانا حر
حكيم .. بوقف انت اتجننت و بيضربه بالقلم
احمد .. بيحط ايده علي خده ويصرخ انا محدش يضربني
فرح .. فيه ايه ده صوت ابويا واحمد وبتطلع جري
كريم .. شكل عمي ضرب احمد ويجري عليهم
فيصل .. يقوم و يضربه قلم ورينا هتعمل ايه يا احمد بيه ويطلع المسدس و بيحطه علي الترابيزه
فرح .. فيه ايه يا بوي
حكيم .. مفيش حاجه يا بنتي
كريم .. اهدا يا بوي
صبري .. بيطلع المسدس من جيبه الكلب الي يتجراء ويرد علي اعمامه ما يستهلش يعيش وبيوجها علي احمد
فرح وكريم في نفس الوقت بيقفوا بين عمهم صبري واحمد
فرح .. اهدا يا عمي ما حصلش حاجه احمد ابنهم برضه
كريم .. ايوه يا عمي اهدا وبيقرب منه وبياخد المسدس
صبري .. اعتذار لاعمامك
احمد .. انا ما غلطش انتو الي فاكرين الناس عبيد عندكم عشان كانوا خدمين بس الخدامين دول بقا معاهم فلوس وتعلموا تعليم عالي وحتي فيه بنت منهم دهب مع ابنك في الجامعه يعني عصر الباشوات انتهي وكفايه تضحكوا علي نفسكم
فرح .. كل الناس سواسيه امام ربنا واحنا مش احسن من حد بس عمر عصرنا ما هينتهي وعمرهم ما هيكونوا ند لينا مش عشان احنا شيفينهم عبيد زي ما بتقول لا عشان اخلاقنا واصلنا غيرهم دول لا عندهم اصل ولا شرف والا اخلاق عرفت الفرق فين
احمد .. حتي انتي يا فرح يا متعلمه بقيتي بتتكلمي زيهم
فرح .. اللي عرفني كل ده التعليم الاصل ونس يا ولد عمي فوق لنفسك وبلاش تأخذنا كلنا معاك وتضيع العائله كلها
احمد .. ليه مصممين انكم تربطوني معاكم انا مسئول عن افعالي وانتو مسئولين عن افعالكم
فيصل .. عشان سبب قوتنا كل السنين دي من ايام جدكم الجارحي الكبير ومن بعده ابويا الجارحي باشا الله يرحمه هو وحدتنا والكل بيعملوا لينا الف حساب طول ما احنا سوا بيت الجارحي مش بس في كفر الجارحي لا دي في ٢٢ كفر وكلهم ليهم مكانتهم ودايما معانا عشان كده كل الباشوات تحت طوعنا عشان عارفين اننا الاقوي لازم تعرف انت مين كويس
احمد .. انا مش عايز لا قوتكم ولا اي حاجه منكم وياريت تشلوني من حساباتكم وبيتحرك عشان يطلع بره القصر
فيصل .. بصوت عالي حجاج
حجاج .. بيوقف قدام احمد
كريم .. بلاش يا بوي سيبه دلوقتى وانا هحاول اتكلم معاه بس يكون هدي
فرح .. ايوه يا عمي انا وكريم هنقعد معاه
فيصل .. بيشاور لحجاج عشان يبعد من قدامه
فرح .. بتجري عليه احمد مهما حصل انا اختك وانا جيت النهارده وبطبخ بنفسي وهستناك نتغدا سوا اتفقنا عشان خاطري
احمد .. بيهز راسه بالموافقه وهو بيحاول يكتم دموعه وبيطلع فرح .. انا هدخل اكمل الاكل وانتو اقعده
كريم .. وانا هاجي اتفرج وارخم
فرح .. لا هتيجي تبقا تساعدني اتفقنا
كريم .. امري لله اهو يمكن اتعلم حاجه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
وبيوصل خليل باشا وابنه محمود قصر الجارحي حجاج بيطلع خير يا خليل باشا علي حد علمي مفيش معاد سابق
خليل .. اخبارك يا حجاج يا ابني
حجاج .. الحمد لله بخير يا باشا
خليل .. اسف اني جيت من غير معاد بس كنت عايز فيصل باشا في موضوع ضروري
حجاج .. ثواني ابلغ فيصل باشا وبيدخل القصر
فيصل .. خير يا حجاج احمد قالك حاجه
حجاج .. لا يا جناب البيه بس خليل باشا علي بوابة القصر وطلب يقابلك
فيصل .. وده عايز ايه
حكيم .. خليه يجي ونشوفه
فيصل .. دخله
محمود .. ازاي الغفير ده يكلمك كده يا بوي هو مش عارف انت مين
خليل .. عارف بس هو عارف برده شغال مع مين
محمود .. ازاي
خليل .. طول ما بيت الجارحي واحد احنا ولا حاجه عشان كده لازم نخلص منهم
حجاج .. بيفتح البوابه اتفضلوا
خليل .. بيدخل القصر واول ما بيشوفهم متجمعين وشه بيتغير السلام عليكم
الكل .. وعليكم السلام ورحمة الله وبركاته
فيصل .. اتفضل يا خليل باشا ارتاح
خليل .. شكرآ يا فيصل باشا
فيصل .. الشاي يا حجاج
حجاج .. جاهز يا فيصل باشا وبيقدم الشاي
كريم .. بيساعد فرح وبيتكلمه وبيهزره
عزيزه .. واقفه بتتفرج عليهم وبتقول في نفسها ربنا يجعلكم من نصيب بعض
حجاج .. كريم بيه
كريم .. خير يا عم حجاج مش شايفني مشغول
حجاج .. ابتسم شايف بس خليل باشا وابنه بره وجناب فيصل باشا عايزك
كريم .. جاي يعمل ايه ده
فرح .. اكيد جاي عشان نفس الموضوع
كريم .. موضوع ايه
فرح .. مش مهم روح وبعد ما يمشه نتكلم
كريم .. ماشي مش هتاخر
احمد .. بيقعد في الارض وهو حاطط ايده علي خده وبيبكي
اسلام .. بيشوفه خير يا صاحبي مالك
احمد .. سيبني دلوفت يا اسلام
اسلام .. مش هسيبك ده انا اخوك يا احمد قوم معايا
احمد .. علي فين
اسلام .. تعالى وهتعرف
احمد .. بيقوم معاه
اسلام .. بيسوق العربيه مكانه وبياخده
احمد .. اول ما بينزل من العربيه باستغراب وصدمه انت جايبني اعمل ايه هنا
