رواية فصيلتي طفلة الفصل الخامس بقلم مجهول
بعد ماكملو بيت الشيخ العشى راحت ام عدنان تلم السفرة واني سويت چاي الهم لان چان عوايدهم يشربون چاي بالريوك وبعد الغدا والعشى ودت الچاي ام عدنان وحازم گاليللها عاشت ايدها للفصلية على هذا الاكل
الشيخ بيني وبين نفسي حسيت انو اني ضجت او غرت على الفصلية وبعدها صعدو نامو بيت الشيخ واني بقيت نظفت وعطرت المطبخ ورحت للصالة گلت مادام نامو خلي انظف وامسح الصالة واعطرها بس بدون مااسوي صوت حتى لحد يحس عليه وفعلا رحت للصالة وبديت انظف واغير بيها ديكور بس على كيفي وحتى غيرت بردات بهدؤء وهستوني خلصت الصالة واريد اطلع منها دخلت عليه اخت الشيخ وبدت ترزل بيه وتگلي كله بسببكم الله ينتقم منكم على الي سويتو بينا گتلتو اخوي وحرمني اخوج الدراسة وتقربت مني وبدت تضرب بيه واني ماحجيت بقيت ساگته حتى ميحسون عليه بيت الشيخ وبس دموعي تنزل بدون صوت واني جنت انظف بدون حجاب لان ادري محد ينزل من بيت الشيخ منهم بهيج وگت وهيه جرتني من شعري ومسحت بيه الگاع ومن انداريت هنا كانت المفاجأة ......
جان الشيخ غيث واگف بباب الصالة ومن نشافني بقى مصدوم شلون ساگته على هذا الضرب وشلون اخته جانت تضربني بحقد وقوة واني هم ماجنت لابسه حجاب بقيت خجلانه منه هواي وهو گام يصيح على اخته وضربها وهيه حقدت عليه وكرهتني ازيد لان اول مرة اخوها يمد ايده عليها بسببي
الشيخ نزلت ردت اطلع للحديقة لان ماجايني نوم وسمعت صوت خفيف بالصالة وردت اشوف منو وشفت اختي تضرب بالفصلية واتفاجئت من شفتها ساگته ومتحجي ولاتصيح وتبجي بصوت ناصي وفوگاها اختي جارتها من شعرها وجان شعرها يجنن اسود وطويل وسرح وانقهرت عليها ورزلت اختي وضربتها .....
وبعدها جريت الفصلية من ايدها ردت اوديها لغرفتها ومن جريتها وكعدت على صدري وحسيت برجفه بگلبي وبعدما وديتها لغرفتها رجعت للصالة اگعد وشفتها شلون منظفه الصالة ومعطرتها مسويتها فدشيء كلش حلو
