رواية بدون كلام الفصل الخامس بقلم جمانه السعيدي
عطور.....الوضع بعد ما ينسكت علي لازم نحجي ويا عمي
حتلو يسويهن قسمين اتلاثه
المهم ينطينا فلوسنا
وضعنا كلش تعبان إلى متى راح نبقى ساكتين
عطور....امي حبيبتي يمتى تحجين ويا عمي
امي....على شنو
عطور...على فلوسنا
امي...اي اروح احجي وياا قبل سكتت كلت عنده بناء
وبعدين عرس بته وعرس الولد
قبل كلت مشغول هسه ماكو شي شاغله
عطور...اي عفيه باامي لا تقبلين باي عذر لازم ينطينا فلوسنا
امي....اي ينطينا عنده خير من الله قابل فكر
عطور.... دقيقه اشوفه موجود وارجع
طلعت للشارع باوعت سياراتهم اتلاثتهن بلباب
عطور...يله كلهم بلبيت خوش وقت هسه روحي عليهم
امي...هسه وكت غده
عطور...هذا احسن وكت خاف ترحين العصر تلكيهم طالعين
امي...وكت غده عيب
عطور...قابل انتي رايحه تتغدين عدهم
امي...لا بس زحمه
عطور...الصبح الولد نايمين وعمي طالع
العصر كلهم طالعين بليل يرجعون متأخر
هاي احسن فرصه
امي...زحمه عيب منهم
عطور...لعد مايكولون عيب من عدنا
مايعرفون وضعنا مايشوفون الناس الغريبه تتصدق علينا
كافي سكتنا هووواي
ماشفتي الصرف شلون بااعراسهم
فلوس العرس جان مكمل عليهن ومنطيناياهن
نحل ازمتنا بمكان هذا التفخفخ كدام الناس
امي...رايحه رايحه بس اسكتي ماادري طالعه على منو
شو اني استحي اطلع الكلمه
واحسبلها الف حساب خاف وواحد.يزعل مني
وانتي السانج شطوله
جمانه السعيدي
طلعت امي تمشي على كيف مستحيه
مستحيه اطالب بحقها
دكت الباب عليهم بس شافوها بلكامره
عافوها ادك محد طلع عليها
تعبت من الوكفه رجعت
عطور...شو رجعتي بسرعه
امي...ما موجودين مدري نايمين محد فتحلي الباب
عطور...اني اروح اكسر بابهم واحرك الجرس
امي...ولله ازعل عليج مو عيب الناس شتكول علينا
عطور.. خل يكولون اي شي يعجبهم
يمه ترا مايصير هيج شايله هم كلام الناس
إلى متى لعد عمي شو عايش ويانا بنفس الشارع
مايفكر بينا ولا يكول عيب من الناس
امي....لا يمه ناخذ حقنا منهم بهدوء مايصير هيج
عطور...اي هدوء هما ذوله يفيد وياهم الهدوء
امي...صدكي ناخذ حقنا ومراح يروح شي اني ارجع عليهم باجر وعكبه منا لمن يفتحولي الباب ويسمعوني
عطور...خل نشوف
ثاني يوم رجعت للبيت سئلت امي هااا يمه رحتي
امي...اي رحت واستقبلوني وفرحو بيه عمج كال
اصبريلي شهرين اتلاثه وانطيكم حصتكم
عطور .مااصدك هذا الكلام
امي...مو عيب قابل اجذب عليج
عطور...لا حشاج بس عمي يجذب
امي...نصبر شهرين حتلو اتلاثه خمسه ميخالف
المهم ناخذ حقنا
عطور...يمه احنا اليوم يمرر علينا بسنه شنو نصبر خمس اشهر
امي...اكو مثل يكول الي تترجى احسن من الي تاكله
خلي الفلوس يم عمج احسن ما نصرفهن
عطور...يمه مايصير هيج عمي اكل حقنا شنو خليهن يم عمج
امي...يمه ماعدنا ضهر يوكفلنا بلعرك والعياط ما تطلع فلوسنا ماتشوفينا ثنيين نسوان وولد مخبل
ناخذهم بلسياسيه ليش العرك والعناد
شويه شويه ناخذهن اني ابد مراح اعوفهم
كل فتره اروح عليهم
طبعا امي رايحه ومافاتحين الباب وراجعه للبيت
مكسورة خاطر بس ماتريد تحجي كدامي خاف اروح اتعارك وياهم
هذا الشي عرفته بعدين بلصدفه
المهم مرن الشهرين وتلاثه وكلشي ماكووو
عطور...مو انتي كلتي ٣ اشهر
امي.. اي باجر اروح عليهم موتدللين
راحت امي دكت الباب محد فتحلها اصلا هما مايردوها توصل بابهم شلون ينطوها فلوسها
راحت امي يم الجوارين بقت تقريبا نص ساعه ورجعت
عطور...هااا يمه خير
امي...يكول عمج ما ناسيكم ابد عنده سلفه يستلمها
وينطينا حصتنا
عطور...يمتى يعني بلظبط
امي...مااعرف يله مادام ما ناسينا يعني راح ينطينا
عطور...كنت شاكه بكلام امي بس مااكدر اداهارها
هلايام الضغط يصعد عدها اخاف عليها
بدت المرحله الثانيه من الدوام
واني على نفس وضعي مبتعده عن الكل اله صديقتي الوحيده نها
السنه ماشتريت ملابس جدد
اداوم بملابس العام
العام حصلت فلوس نجاحي واشتريت ملابس
السنه ماعندي
اداوم بملابس العام يله ايام وتخلص
طبعا سر ابتعادي عن البنات وحتى الولد بلمعهد
بسبب احساس النقص الي عاش بداخلي
بسبب تنمر البنات عليه وعلى ملابسي طول هاي السنيين الي خلصت
خلصت عمري البنات يضحكن على ملابسي
ومبتعدات عني خاف اعديهن
مشا هذا الشعور وياي وخلاني ابتعد عن أي احد اشوفه
ومااحب اخالط الناس ابد
كلما اسئل امي عن بيت عمي تكول رحت عليهم وعمج يكول بعد شهر واحد بعد شهرين
امي تريدني انسى هاي السالفه لان ما تعرف شلون اطلع فلوسها منهم
وهما اصلا مايقبلون يستقبلونها
حتى الباب ما يفتحونه الها لو راحت عليهم
المهم خلصت هاي السنه سلامات بس خلصت وياها روحي
مااعرف شلون حانت تمر الايام
كلها عوز وشحه وفقر بطل مي مااهون اشتري
اخذ بطل مي وياي من البيت
المهم خلصت وصارت سوالف
كنت احسب الايام والساعات وانتظر يطلع التعيين
الله لو طلع تعيني
هيج رب العالمين يجبر خاطري واحصل تعيين
ونعيش مثل الناس كافي تعبنا الفقر ما ينحمل
بهاي الفتره جان التعين على الصحه ماشي
فتره اقل السنه وطلع التعيين
وتعينت وصاحبتي نها تعينت وياي
موتكولون تعينت لا عبالك سلموني مجلس رئاسة الوزراء
يافرحة الي ما مثلها فرحه
رغم هما اول التعيين ماكو رواتب اول ثلث اشهر
دوام بدون راتب
بس ميخالف المهم تعينت وراح يصير عدنا راتب محترم
قررت بس استلم راتب ااجر بيت غير هذا البيت التعبان
رحت جهزت نفسي اشتريت ملابس من الباله ملابس رخيصه وحلوه
غسلتهن وكويتهن طلعن حلوات
اصلا محد يعرف هاي الملابس من الباله
بعدني ما مستلمه راتب مااكدر اشتري ملابس جدد
جمانه السعيدي
عمري الي فات كله الحد ماوصلت الهذا عمري
بعمري ماباوعت على ولد
ولا خليت عيني على اي احد
يمكن المشكله مني بسبب الضروف الي عشتها قبل
عندي احساس بلنقص
ااكول مستحيل اكو واحد.يباوع عليه بهذا منظري
وما جنت احس نفسي ااكدر ادخل بعلاقه حب
وضعي ابد ما يسمح بهذا الشي
المهم من اول يوم دوام اليه بلمستشفى لفت انتباهي ولد شاب
اول مره اشوف هيج شخصيه
طويل رشيق عبالك بطل طالع من فلم اكشن
لبسه حلو ومرتب شعره يخبل الطريقه الي مرتب بيها شعره كلش حلوه
عطره مميز مشيته عبالك ضابط متخرج من كليه عسكريه
ملامحه مرسومه رسم حلو ومميز بشكل
فات من يمي ماكدرت انزل عيني من عنده
شخصيه مميزه بشكل مو معقول يمكن اذا اكول ولا غلطه
محد.يصدك كلامي
الولد جان يمشي وعينه على طريقه
لايباوع هيج ولا هيج
استحيت من نفسي هلكد ما ركزت ويااا وهو ابد ماشافني
رغم اني شكلي حلو ومرتبه
مااعرف شنو الي شدني اله
حسيته بطل فلم اجنبي
رجعت الغرفتي ويا البنات بنهاية الدوام هم شفته
لمحته مر بسرعه بدون ما ينتبهلي
بقيت كل النهار اشم عطره احس عطره لزك بخشمي مايروح
بليل كعدت اسولف ويا نفسي
ليش هلكد شدتني شخصيته شنو المميز بي
او يمكن السؤال الصحيح شنو الي ما مميز بشخصيته
اول مره انتبه هيج الولد
نامي عطور نامي وراج دوام الصبح
هذا مستحيل يباوع عليج يريدله وحده شكره وعيونها زرك
ليش اني شبيه شنو ناقصني
ناقصني تكون عندي ثقه بنفسي ااكثر من قبل
لازم اتخلص من احساس النقص الي عشته سنيين وسنيين
بعد اني صرت موضفه
وراح استلم راتب والبس وواكل بكيفي
راح أودع ايام الفكر
اني حلوه ما ناقصني شي بس محتاجه ااكون واثقه من نفسي ااكثر
جمانه السعيدي
ثاني يوم جاي احجي ويا صديقتي ونمشي بلمرر
فات من كدامنا ولا باوع علينا عبالك ماموجودين
راح للغرفه الثانيه كعد تقريبا ربع ساعه ورجع طلع من قسمنا
ياربي هذا يريد يخبلني لازم اعرف منو هذا
خاف بس اني اشوفه لا شنو بس اني اشوفه
ايجوز موضف هنا
زين اسئل منو علي اني حتى مااعرف احد هنا
توني داومت
لا مااسئل عنه عيب خاف تصير عليه سمعه موزينه
يكولون هاي اول ماداومت تسئل على فلان وعلان
ثالث يوم اني كل شويه أمد راسي بلكت يبين
مااجا بهذا اليوم
اليوم الي بعده بين لابس معطف صوف جوزي
وبنطرون وقميص بيج
تسريحة شعره تخبل عيونه عجيبات
حتى البنات بقن يباوعن علي مو بس اني
شنو من حظ هذا كلها عينها علي
بس هو عبالك محد اكو غيره بلمرر لايرفع عينه ولا يعبر اي وحده
شنو من شخصيه هذا عبالك شخصيه خياليه
رجعت للبيت بالي مشغول وبس افكر بي
امي.. هله يمه تتغدين
عطور...شنو الغده
امي.. تمن ومركة عدس اصفر
عطور.. ..اتغديتو
امي...اي تغدينا ورا الصلا بس انتي بقيتي خل اسولفلج
عطور...شكو خير
امي...يوسف ابن عمج طلك مرته
عطور....شبسرعه صارله سنه
امي...سنه وشهرين
عطور...ليش طلك
امي...النسوان يكولن سامعات من مرت عمج تكول وكيحه
وترجع الكلمه بعشره وتعاند وصاحبت مشاكل
عطور...على اساس ابنها ملاك تلكيها اجذب
ايجوز البنيه شردت منه
امي...الله اعلم محد.يعرف وين الحقيقه يكولون قافل بيته
وراجع كاعد ويا اهله
زوجته رايحه مشتكيه علي والمحامي يمشي بااجراات الطلاك
عطور....مادام فلوسهم حرام مراح يعيشون براحه ابد
امي...شعلينا بيهم الله يبعدنا عنهم
عطور...هم رحتي العمي
امي...لا بعد مااروحله يضحك عليه شهر لا بعد شهرين
شنو اني طفله
عطور... حجيه عيني بعينج شوووو
امي...هاا شبيها عيني
عطور...انتي اصلا ماجنتي ترحيله
امي... تردين الصدق كلما اروح ادك بابهم محد.يفتحلي
شنو اني مجديه بابهم
عطور...وليش ما كلتي جان اني رحت كسرت بابهم تكسر
امي...عيب يمه انتي بنيه الجوارين شيكولون علينا
صار سنيين عايشين هنا محد سمع صوتنا
عطور...لمن يطلع صوتنا على حقنا مابيها شي
صوتنا طلع حتى نطالب بحقنا
امي...عوفي هاي صار اكثر من أربع سنوات مدري خمسه لو يريد ينطينا جان انطانا من زمان
هو واحد لعبي حيال حرامي
قبل جان عايش على البوك اي شي يلكا يبوكه
معيش عائلته على الحرام
الي لحم جسمه ينبني من الحرام ابد لا تنظرين منه
الخير
عطور...اذا تعرفينه هيج ليش وقعتي بدون ماتاخذين فلوسج
امي قشمرني صدكي من دخل عليه
ويسئل عني وعن مصطفى ويتعذر لان مايسئل عنا
صدكته كلت ايجوز صدك جاي يبري ذمته
انعميت وصدكته
بس ابو طبع مايغير طبعه
عطور...يعني نسكت عن حقنا
امي..مابيدنا شي الله موجود الي مايضيع عنده حق
مضلوم
عطور...بس اني مااكدر اسكت
امي...يمه فلوسهم حرام الفلوس الحرام تحرك
اني مااريد فلوس حرام تدخل بيتنا
عطور....احنا ناخذ حقنا الفلوس الحلال
وباقي فلوسهم الحرام خليها على كلبهم
امي...ربج قادر يطلع حقنا منهم
عطور....سكتت بس شكد مقهور ليش الي ماعنده
واحد.يدافع عنه الناس تاكله
الله كريم رب العالمين يمهل ولا يهمل
اليوم الي بعده رحت للدوام واني صورت هذا الولد ما تفارك عقلي
الوقت الي متعود يفوت من الممرض كل يوم
طلعت برا انتظر يجي واشوفه
مااعرف ليش جاي اتصرف هيج رغم اني بعمري
ما معجبه بااي احد
ولا لفت انتباهي اي واحد
ليش هذا بلذات مااعرف
شويه واجا لابس قمصله سوده جلد وبنطرون جينز وقميص ابيض
وفات على نفس وضعه
المشيه مضبوطه عبالك ضابط شرطه
والعطر يفوح ترس المكان
يمشي عبالك بس هو بهذا العالم
شنو هاي الشخصيه شنو هلثكل
