رواية بدون كلام الفصل السادس بقلم جمانه السعيدي
عطور....خلص اول شهر وما استلمت راتب
بعدها الدوله ما نزلت رواتبنا رغم ولله وضعي صعب
محتاجه اصعد خط مرتين يله اوصل للدوام
صح مبلغ قليل بس يفرق ويا وحده مثل حالتي
تحسب للالف حساب
بلله سالفة الاكل بلمستشفى هاي عوفوها
البنات الساعه عشره يطلبن اكل من برا واني اتهرب
منهن يوم ااكول جايبه ااكل وياي
ويوم اروح اكعد بلحديقه منا لمن يخلصن
رغم اني اجوع اطلع من الصبح ااكل جبن وخبز
وابقى للساعه ثنتين يله ارجع
والغده على كد حالنا ااي شي اهم شي يسد الجوع
نها من شافتني هيج كامت تطلب لفتين فلافل وحده الها ووحده اليه وجيب ببسي من ابو الربع
مرات اجيب وياها لفات من بيت اهلها نكعد بلحديقه ناكل
البنيه هاي ماتنوصف ابد
هذا الشهر حتى فلوس الخط مااكدر ادفعهن
ولا اكدر اروح للمستشفى مشي بعيد عنا
ضليت محتاره
طلعنا من المستشفى اني ونها
عطور....يله مع السلامه
نها...وووين
عطور...اروح مشي
نها...تخبلتي شنو مشي انت شايفه المسافه شكد
عطور...اي اتمشى
نها.....اصعدي واني ادفع شلون تمشين
عطور....لا شنو ادفعيلي
نها...يمعوده نمونه عود اذا استلمتي راتب اعزميني
عطور...ولله فضلج فلا انسى طول عمري
نها...شبيج يمعوده احنا خوات
عطور صعدت بلسياره دفعت كروتنا اني وياها
وبعدين فتحت جنطتها بيها ١٠ و٢٥
شالت ٢٥ ونطتنياها
عطور...مااخذ لا تخليني انزل هنا
نها....قرضه هاي شبيج بسرعه تكمزين
قرضه من نستلم راتب رجعهين اليه
عطور...لا هيج هواي عندي خير من الله
نها...واني شكلت اخذيهن خل تمشي الأمور ويصير خير انشاء الله
خلتهن بجنطتي وحلفت مايرجعن
اخذتهن وضميتهن بس للكروه لا اكل ولا اشرب بيهن
بلكت يوصلني النهاية الشهر بلكت نستلم راتب هذا الشهر الجاي
جمانه السعيدي
ولله هاي نها مو صديقه لا ااكثر من اخت
دائما توكفلي بلمواقف الصعبه
بدينا بلشهر الثاني واني اراقب هذا الولد
الي ماعرف اي شي عنه
بس ااكو شي عجيب يجذبني اله اني ماأحب هاي السوالف ولا احب ادخل بعلاقه
بس ااكو سر عجيب يجذبني اله
شنو هذا السر مااعرف
كل يوم انتظره يوميه ااوكف بنفس المكان بلمرر منا لمن يمر
صارت عندي عاده انتظره يجي وابقى انتظره لمن يطلع
الحد ما فديوم
اجا كاشخ طالع يخبل دخل بلغرفه الثانيه الضاهر صديقه
بهاي الغرفه
طلع من الغرفه يمشي بلمرر
طلع صديقه من الغرفه وصاح باسمه اامير اامير
بس المفاجئه مالتفت ابد
صديقه يمشي ورا ويصيح اسمه
رغم صوت صديقه كان كلش عالي
والمسافه بينه وبين اامير ما تجاوز عشر مترات
بس ابد مالتفت علي
اني جنت واكفه مافهمت شكووو
شنو زعلان مايرد علي
بهاي اللحظه طلعت دكتورة التحليلات من غرفتنا
من سمعته يصيح علي وما يلتفت
مشت بسرعه وخلت ايدها على جتفه
التفت عليها ااشرتله ورا على صديقه
التفت وبنفس اللحظه خله ايده على جتفه شال سماعه بيضه
وخلاها بااذنه
رجع على صديقه
اني عبالك جمدت بمكاني من كد ما ذهلني الموقف شنو مايسمع
لو لا شنو مايسمع ايجوز مكان منتبه ااكيد ماكان منتبه
بس شنو هاي السماعه
رجع على صديقه كان ناسي تليفونه بلمكان
اخذ التليفون ورجع من رجع
ااول مره يرفع عينه ويباوع عليه
واني كنت من كد الصدمه واكفه وفاتحه حلكي
عبالك وحده غبيه
يااا مايسمع هذا الجمال كله ومايسمع
معقوله فعلا الكمال الرب العالمين
سبحان الي خلق
باوع عليه نضره كلها حزن بعدين دنك وكمل مشي
مجرد ما طلع من الممر دخلت للغرفه
عطور....دكتوره هذا الولد شبي
الدكتوره....اي ولد
عطور...اامير
الدكتوره.....هاا أمير خطيه اخرس وما يسمع
عطور...ياا تحجين صدك
الدكتوره....يلفظ بعض مخارج الحروف ويسمع بسماعه
بس لو شايفه شكد ذكي ذكي وشاطر
يشتغل بالحسابات بلمستشفى تعرفين هلكد ما شاطر
سووله اختبار ذكاء
يقيسون ذكائه طلع ٩٥ /١٠٠ كان يطلع الأول على دفعته كل سنه اشطر من الناس الي تحجي
حتى اتكرم كم مره بسبب شطارته
ماشاء الله حيل ذكي وشاطر فد حباب ومحترم
واخلاقه عاليه اني مااشوف عنده اي نقص
لان شاطر حيل شاطر
رب العالمين ياخذ شي ويعوض شي ثاني
جمانه السعيدي
عطور...بقبت ساكته انصدمت صدك جذب
هذا الجمال كله والاناقه يطلع اخرس
بقيت كل الوقت ما مصدكه شنو اخرس
رجعت للبيت تغديت ونمت من كعدت عقلي يجيب ويودي شلون أمير اخرس
ثاني يوم من رحت للدوام ما طلعت بلمرر
مو انتقاص منه بس مااكدر اشوفه واتخيل هو ما يحجي
شلون مايحجي
شفته خطف بلمرر بنفس الوقت كل يوم
بس ما طلعت
كلش ضايجه علي لا اعتراض على حكمك يارب العالمين
طلعنا برا للحديقه نها جايبه وياها لفات من البيت
كعدنا ناكل جان اشوفه يمر من يمنا
كان متقصد او لا مااعرف
بس من وصلنا يمنا رفع راسه باوع عليه ورجع دنك
وكمل مشي
عطور...اتصدكين هذا الجمال كله اخرس
نها....ياعيوني صدك تحجين
عطور...من امس واني مصدومه بي
نها...ليش مصدومه انتي شنو علاقتي بلموضوع
عطور....لا هيج مالي اي علاقه
بس انسان مثل هذا اخرس لو الدكتوره تكول نسبة ذكائه
١٠٠/٩٥
احسن من هواي ناس تحجي واغبياء
نها...ربج ياخيذ شي ويعوض بشي احسن منه
يومين ماطلعت بلمرر ولا شفته احاول اشغل نفسي
بس من اطلع للحديقه يمر كبالي
مرات يركز عليه ومرات لا
اليوم الي بعده نها مااجت للدوام مريضه
البنات اتصلن عليها يسئلن عنها اني ماعندي تليفون
حتى اتواصل وياها
اني حتى بيتهم مارايحه ولا اندله
كالت نهى مريضه فلونزا وتكول اريد اجازه
اخذت التليفون اطمن عليها وسئلتها عن وضعها
بيومها مغيمه حيل بس مو بارده كلش
قبل لا نطلع بشويه كامت تمطر
البنات كلها طلعت طلعت وياهن ااكو مكان باب المستشفى
بي حديده مثل القمريه باب المحلات البنات وكفن كلهن واني وكفت وياهن
كل وحده اجا الخط وصعدت والي اجا اخوها والي زوجها
واخذها بسيارته
اله اني بقيت منتظره الخط يوصل
اتأخر عليه مااعرف بسبب المطر لو اكو شي ثاني
المكان الي واكفه بي كام يخر عليه
المطر بيومها كان مطر قوي بشكل الشوارع اقل الساعه كلها فاظت مي
جمانه السعيدي
مااحس اله اكو واحد اجا من وراي وخله شمسيه على راسي
التفتت اامير
ابتسم واشري اخذ الشمسية
عطور....شكرا بعدين كلت بصوت عالي بدون قصد
ووين يسمعني
ااشرت بايدي شكرا
راسا ملامح وجها تغيرت ااكيد سمعني لان خال سماعه
بااذنه
حسيت نفسي وكعت بموقف محرج
وهو بعده واكف ولازم الشمسية على راسي
وعيونه عليه
رجعت كتله اسفه
ااشرلي اخذي الشمسية
هلكد ماانحرجت اخذتها من ايده
مجرد لزمتها عافني وراح
كلت يااا وين رايح عاف الشمسية وراح
بقيت واكفه بس ما شفته وين راح
ملابسه كلها مي تنكعت تنكع
شويه واجت سياره وكفت كدامي سياره خصوصي
صح مو حديثه بس خوش سياره
انفتح الباب أمير اشري تعالي
عطور....لا شكرا طبعا احجي وااشر بايدي بلكت يفهمني
حتى مااعرف اشرحله شلون
بس هو نزل وبقا يااشر على ااجووو
تطلع منا كلمات مامفهومه يعني مو كلمه كامله
اول حرفين واضحات
حسيته صار عصبي والمطر والرعيد زاد ااكثر
من قبل
مشيت كدامه بس وصلت للسياره انطيته الشمسيه وصعدت
طبك الباب وراح من الجهه الثانيه صعد وشغل السياره
