رواية قاتلة ابي الفصل السادس بقلم بنت الشيخ ترابية
صباح ثاني يـوم
صياح الامهات
بجي الاطفال
والرمي والانفجارات
ضحك الارهابيين على الشهداء
والدم بكل مكان
كهرباء ماكو
ماي ماكو
اتصالات ماكو
احتلال كامل على تكريت
حسيت وفتحت عيني على ايد تمشي على شعري
ماهر: هاا كعدتج مو قصدي بس اشتاقيتلج
ابتسمت وكعدت عدل يمه
هاا حبيبي كاعد من الصبح؟
ماهر : حجي ابراهيم ڪال اللبس لبس ارهابي وتعال وياي نروح نتسوك ماعندنا شي ناكل وانتي لا تطلعين اقفلي الباب واذا تردين ادك باب اسراء وتجيج
ماهر : حجي ابراهيم ڪال اللبس لبس ارهابي وتعال وياي نروح نتسوك ماعندنا شي ناكل وانتي لا تطلعين اقفلي الباب واذا تردين ادك باب اسراء وتجيج
هنادي : اي اريد اسراء ولا تتأخر
هز راسه وطلع انا كمت صفيت الغرفة وبدلت ملابسي
كهرباء ماكو كتلنا الحر دقايق وندك بابي
مافتحت رجع ندك مره ثانيه
صاحت بصوت ناصي
: انا اسراء هنادي افتحي
رحت ركض فتحت الباب دخلت وقفلت الباب
حضنتها حيل
اشم ريحتها واحضنها حيل
ماعرف ابوسها لو اصفن بيها مادري شسوي
وهي تبجي بحضني ممصدكين التقينا
اسراء: ولج متغيرررة تعاااي كعدي خلي اشووفج
هنادي: شصاير بيج ليش وجهج ازرك وايدج شكو شبيج شصاير احجي
اسراء: كعدي واحجيلج
كعدنا بالكاع وانتجينا على القنفه
كعدت تحجيلي
اسراء : جان الهم فترة من دخلو للعراق وتكريت بالذات
قبل الاحتلال بيومين
جنت طالعة وي امي للسوك انا ماجنت لابسة عباية وبوشية جنت لابسة بنطرون وقميص وشعري رافعته
امي تشتري وانا رحت اشتري ماي
واثنين ارهاب اخذوني حاولو يعتدون عليه بس ماكدرو اجوني زلم ثنين خلصوني منهم
وبالكوه لانو لو الزلم محاجيين وياهم جان قتلوهم
بس مادري شنو حجو وياهم وعافوني
ويحجون فصحى ف واحد منهم ڪال
: هي فتاة فاتنة ونحن الان في عصر جديد
ولا نتقبل غير الحشمة ...
اندار عليه وڪال
: النقاب التزمي بـه حتى لا يحدث ما حدث
هنادي: وشصار وراها
اسراء: هو من بعدها نكرصت حتى الجواريب مانزعها
وبالبيت كاعده هجي چني ملايه
هنادي: والله خايفه على نفسي وعليج وخايفه على ماهر
اسراء: ماتكليلي شرجعكم
سمعنا صوت بنات بره يصيحن
: الله يخليكم لا لا تعتدون علينا اعتبرونا خواتكم...
رجف جسمي وكالت اسراء: تعودي احنا تعودنا
نزلت دمعه من عيني
بدون ابوي فقدت الامان
شوي ووندك الباب يهمس من الباب: انا ماهر افتحي
كمت فتحت وانا دموعي تصب
ماهر: سوولج شي تقربولج دخلو عليكم احجي بيج شي ليش تبجين احجيليييي دموووعج و وجهج الاحمر احجيييي
يصيح بس بهمس ويرجف خليت ايدي ع حلكه حتى يسكت
سكت شوي انا حضنته وهو حضني حيل
ماهر: شبيها اسراء شصاير
اسراء: سمعت صوت البنات بره شلون يصيحن وبجت
رفعت عيني بعينه
وڪال:
اعتدو عليهن وقتلوهن ....
بجيت ورجعت حضنته اسراء ڪالت: انا اترخص تأخرت
ماهر: الله ويـاج
وانتي ڪافي يلا جبت اكل سويلي جوعان
ماشي.. رحت جايب طماطه وخيار وبصل وبيتنجان
وخبز وبطلين ماي كبار وجاي مخبوط بهيل
ماهر: الخبز والجاي والماي من خالتي مرت ابراهيم ماحصلنا لانو وجبت الي شفته موجود غير هذول ماكو
هنادي: يلا الحمدلله
سويت مخلمة بيتنجان وبصل وطماطة وسويت جاي وكعدنا ناكل ونسمع الرمي والصياح ومغلسين
ماهر: اذا تطلعين تلبسين بوشية وعباية مالنا خلك
هزيت راسي خلصنا اكل
هو قفل البيبان وراح نام بغرفته وانا رحت لغرفة اهلي
صفنت على غراض ابوي...
تذكرت موقف على عطر...
جنت كاعدة على كرسي كدام ميز المرايه
واخلي عطور الي كدامي اخليه
اجتني امي
حنان: كومي سبحي اذا هيج وسخه
ودفعتني بالكاع دخل ابوي
كومني ورجعني على الكرسي وراح للكنتور وطلع عطوره وانطانياهن
: الي يعجبج استخدمي رشرشي للصبح
حنان: وانا اطلب عطر واحد تڪلب الدنيا ماقبل عطوري وعطوري تروح تجيبلي محل العطورات كلهن ولا تنطيني عطر من مالاتك
: هاي هند مو وحدة عاديه
نزلن دموعي ماتحملت بــــــَعد
ورحت نمت ع جربايته
//////////////
حــــلٓــم ....
ديࢪي بالج هنادي عندج وࢪقة سودة
انتبهي لبيتج ولاخوج
انتبهي لنفسج
طريق امانج بعيد عنج وصعب تحصلين الامان
ورقتج السودة قريبة منج
حياتج بهل الورقة وراح تتم...
