رواية قاتلة ابي الفصل السابع بقلم بنت الشيخ ترابية
صباح هذا اليوم الاربعاء ساعة 8 صباحـاً
كعدت وجسمي ڪله خدران لانو جنت مريضة
ماهر طالع وي عمو ابراهيم وانا متفقة وي اسراء نطلع نتسوك
اسراء: خلصتي لو بعدج؟
هنادي: بس اجيب فلوسي والمفاتيح
جبت الفلوس وجبت مفاتيح وقفلت البيبان
ماهر عنده نسخه.. ورحنا مشي
الشوارع مليانه ناس
واكو دم بالكاع لعبت نفسي من المنظر بس تعودت
وصلنا يم ابو المخضر واخذنا شي قليل لانو محددين اوقات يعني الي يطول ع احد من اهل السوك يعني عنده شي فـ ماكدرنا اخذنا الي كدرنا عليه ورجعنا
دنمشي واسراء تحجيلي على الاوضاع الي ماشوفها انا
ونمدت ايد رجال وهمس
: نزلي البوشية ..
انداريت عليه واكف يم مجموعه زلم
ماحسيتهم دو١عش حسيتهم مثل ماهر منتحلين هل الشخصية علمود ينقذون او شي
ماحسيته د١عشي ابد
جانت ملامحه حيل حلوة ورسمة عينه تجنن ورغم هذا اللحية مغطية نص وجهه
سحبتني من ايدي اسراء
: امشي امشي همزين شافج ونزل البوشية جان رحنا بيها ممنتبه انا
هنادي: هذا منو؟ وليش همزين شافني شنو تعرفي
: هذا الدڪتور أيهم .. من دخلو الارهاب حركو عيادته واخوه عسكري استشهد عاف مهنتة واخذ مهنة اخوه
وصار وي عمو ابراهيم عميل سري ..
هنادي: شلون اخذ مهنة اخوه يعني
: يعني مافتح عياده بعد ومتفق وي عمو ابراهيم يكون عميل سري وياهم ضد الارهاب لانو يعرف يتعامل بالجيش وهجي فهمتي قصدي؟
هزيت راسي.. بس يعرفج هو؟
اسراء: طبعا ولهذا السبب نزل البوشية مالتج لانو شافني يمج
: هممم ...
وصلنا للبيت باب بيتي مفتوح انداريت على اسراء واسراء صفنت عليه
اسراء: خلي نصيح عمو ابراهيم خاف ارهابي جوه
: بس القفل ممكسور اصبري خلي ندخل
سحبتها ويايه ودخلنا ع ڪيف .. وجان ماهر بالمطبخ
واڪف ويثرم بصل
لابس تراك مو دشاشه ومبين سابح شعره ينكط ماي
انتبهلي واجه يمي باس راسي وحضني
ماهر: گلبي عاصرني عصر تأخرتي ولج النفس بالگوه اجره وين رحتي كل هل الوڪت هند صدك تحجين من القلق شڪيت اصبعي اربع مرات هو هجي ...
هنادي: هههههههه ياروحي مابيه شي بس تأخرنا لانو رحنا مشي مو سيارة ماثق واصعد سيارة
ماهر: ايي شحدج تصعدين سيارة وي الارهاب
بنظره سريعه ع اسراء ورجع باوعلي ونزل عينه
انداريت ع اسراء صافنه عليه نغزتها ونزلت راسها
وهذا مبين خجل لانو نزل عينه وراح للمطبخ
هنادي: دتعاي تعاي لغرفتي خلي ابدل تعاي اذا بقيتي هنا نوب تعتدين عليه .. ضربتني ع متني
اسراء: وجعععع شبيج ملكوفه حصعد قبلج اصلا ..
بدلت واسراء بقت بالدشداشه والحجاب وشفت ركبتها زركه جمدت
: هاي ركبتج ليش هيج
اسراء: احجيلج لو ننزل
: لا احجيلي
اسراء: البارحه دخلو ارهاب لبيتنا يفتشون عود وانا جنت بغرفتي فـ دخل عليه واحد جاي يفتش عود وباوعلي جنت هسه طالعه من الحمام لافه الخاولي عليه وشعري مفتوح اجه يمي
وهمس: لا استطيع المقاومة على النساء
وعض ركبتي حيل وصاحوله وطلع
هنادي: حسبي الله ونعم الوكيل عليهم شوكت نخلص منهم.. صاح ماهر
ماهر: ياااقوووم يلااا الاكل برررد
نزلنا..
ماهر: وينجن الاكل برد صدك جذب كولن بشر جوعان منتظرجن
هنادي: ديلا يلا اكعد ههههههههه
كعدت يمه واسراء كدامنا ودناكل .. شمر ماهر الخبزه بالصينيه وشابك اصابع ايده بس مطلع صوت رفعت عيني عليه جان صافن ع اسراء
مركز بيها وڪال: شنو هاي الي بركبتج !؟
رفعت عينها عليه هي
وڪالت: مو شي مهم
رجع نتر بيها وڪال: الي بركبتج شنووو ؟!!!
اني حجيت: لا تخاف بس دخلو يفتشون بيتهم
وتكول جنت بغرفتي ودخل عليه ڪال كلمة قذرة مثله
وعضها وطلع..
همسلي
: وشكال الها؟
هنادي: ميكدر يقاوم النساء ابن الزفرة
هز راسه وڪام دخل للحمام ..
اسراء: خوفني ابو كرش يمه شلون ينتر
هنادي: سكتي مبين ضاج
شلت الصينيه لانو كملنا وغسلت المواعين
ورحنا انا واسراء وكعدنا بالصالة طلع من الحمام هو
بس شنو عيونه حمر دم وايده ترجف وملفوفه
ڪال: رايح انخمد اذا تردن شي دكن الباب..
وصعد لغرفته
اسراء: شبيها ايده؟
هنادي: مادري بس اعتقد لفها لانو كال جرحت نفسي اربع مرات بالسجين
وكعدنا نحجي شوي وراها ترخصت وراحت لبيتها وانا صعدت لغرفتي وكعدت ع الطبلة جانت عالية شوي
وكعدت ارسم .. مرت ساعات ومرت دقايق ممنتبه بس دخل عليه ماهر
جاب الكرسي وكعد مقابيلي
وحضني وخله راسه على صدري وڪال: تعبان
خليت الاقلام وايد حضنته وايد اللعب بشعره
: بعدوينك.. شصاير وياك شبيك حتى اليوم عصبت بلا سبب وعيونك دم من طلعت من الحمام شبيك حبيبي
ماهر: احبـها
: منو؟!!
ماهر: تعبتني بجمال عيونها
: انا محجيت شي بس كلت اله.. ڪمل
ماهر: شلعت روحي من روحي ...
عيونها ولونهن
صفنتها عليه رموشها ايدها ترافتها ريحتها نظافتها
شلعت روحي من روحي هند تعبتني
: اسراء؟
ماهر: عتت روحي عت ...
: ابتسمت على كلامه شدعوه من يمي خجلت ...
چا ليش ماكلت الي
ماهر: مادري بس احبها
: ولك ماهر.. رفع عيني بعيني.. لهذا اليوم انت عصبت مو؟
ماهر: ماتحملت اثر قذر على بياضها وكدام عيني ماتحملت اصلا مادري شنو سويت ورحت نمت
: يااااروووحي ولك كبرررراااان ابو هرهر
ماهر: هسه لازم تجفصين ابو هرهر على ياقهر ابو هرهر
: هههههههههههه كوووم كوم خلي نصلي ونسوي عشى كوووم
كام ويايه ورحنا صلينا وسوينا عشى
ماهر: خابريها خلي تجي اهلها العصر طلعو ولهسه ماراجعين لا تبقى وحدها
هنادي: صار هسه.. رحت واتصلت بيها وكلت الها تعاي
اسراء: اي عفيه همزين خابرتي خااايفه حيل دقايق واجي
سديت التلفون ونزلت: دقايق وتجي
ماهر: لا تحجين شي الها هند
هنادي: من عيوني تدلل
دكت الباب ورحت فتحتها دخلت ترجف
هنادي: شبيج شكووو
اسراء: س سسسدييي الباب ق قفليها بسررررعة
گمز ماهر بسرعه يمي
شكووو شبيج احد تحرش بيج دخلو عليج احجي
اسراء: رادو يلزموني بس صار رمي وراحو
صاح ماهر بصوت عالي اول مره يصيح هجي
ماهر: المره الثانيه البيت ماتطلعين منه اذا مو احد وياج فهمممممتي؟؟؟
هنادي: فهمت فهمت شبيك وياها فوك خوفها هسه
ماهر: اخذيها غسليلها وخلي تجي تاكل ويانا
اخذتها غسلت الها جانت لابسه تراك انطيتها دشداشه
ونزلنا
كعدنا وهي ماكعدت
هنادي: كعدي حبيبتي شبيج
اسراء: ماشتهي مو جوعانه
مدنك وياكل وكال:
ماهر: هند خلي تكعد
خزرتها انا وهي كعدت لانو معصب
خلص اكل بقى كاعد بس انتجه على القنفة وحط كوشه صغيره بحضنه وجتف ايده يباوع الها
وڪال: عندج مكياج واخفيلها الاثر الي بركبتها
يحجي وعينه عليها هي نزلت دمعه من عينها
بسرعه شمر الكوشه وكام لغرفته
لج ليش تبجين
: نزلت من عينه هسه عباله وحده بلا تربية ولعبت نفسه مني انا متأكدة
حضنتها.. اششش احنا بوقت مو مال هيج تفكير
احنا بنص ارهاب منفكر هجي اشش خلص كومي لغرفتي ونامي بين ماسوي المواعين وانظف المطبخ بما انو اكو ماي
راحت لغرفتي وانا نظفت بالساعتين اشتغل صعدت وشفت باب غرفتي مردود
دخلت لكيتهم كاعد يمها وهي نايمه
صافن عليها وايده تلعب بشعرها
انا طلعت من يمهم ورجعت جوه
وكعدت اطرز عندي الغراض انا ...
ساعـة 11 نزل من فوڪ واجه تمدد يمي وحط راسه بحضني
: هاا حبيبي بيك شي
ماهر: وجهها اصفر وتعبانه
: من الخوف والتعب طبعا مو قليل الي احنا بيه
ماهر: وهي نايمه تشهك مبينه باجيه هوايَ... ليش؟
: تكول ماهر اخذ عني نظره مو زينه من شاف ركبتي
ماهر: ماهر يشوفها ملاك من الملائكة بعينه ...
جتف ايده ونام بحضني غفه ... وانا كملت تطريز بس صوت مــيَل الساعة ينسمع وصوت الابره الي بيدي من اطرز للساعة تقريبًا 3 الفجر كعد هوَ
: ليش لهسه مانايمه؟
: نايم بحضني وانا خلصتها تطريز
ماهر: كايم لغرفتي..روحي نامي يمها وغطيها زين
: من عيوني... باس راسي وصعد لغرفته طفيت الاضوية وصعدت يمها سديت الباب وتمددت غطيتها ونمت...
ڪعدت على صوتها
اسراء: هنش هنوش هنددددد
فتحت عيني
اسراء: ماهر يريدج يريد يطلع كووووومي
بسرعه طفرت من فراشي وطلعت يمه
هاا وين
صفن ماهر
شبيييك
ماهر: هاي شبيه شعرج وين جنتي؟
: شنو وين جنت شبيه؟ رحت لغرفه اهلي جانت جوه ورحت للمرايه شعري عباره عن مكنسه من زمن 1850
كفشه بشكل كأنو متكهربه ماكو هيج لميته وقرصته وطلعت
لانو نايمه
ماهر: لانو متعاركه بويه اكو بشر هجي ينام.. المهم طالع انا تردين شي؟
هنادي: سلامتك حبيبي بس يمكن نطلع نفتر انا واسراء
رفعلي حاجبه وڪال
: ليش يابعد اخوج نيويورك هنا وانا مادري؟
هنادي: شبيك ماهر بس نتمشى شوي ضايجه
: كاعده على الشط كاعده تمشط يعني؟ لج الارهاب حتى بگونية التمن موجودين وين تطلعين
نزلت اسراء من فوك وضحكت على كلامه هو باوعلها وابتسم
نزلت اسراء من فوك وضحكت على كلامه هو باوعلها وابتسم
ڪالت: ايي وشبيها تكريت مثلا... وكفت يمي وكملت كلامها... مابيه شي كلامها بنص السوك عندنا اكثر من عميل سري نعرفهم براس الشارع الحراس عـُملاء سريين وبكل مكان عليش نخاف بعد.. وهاا كلهم نعرفهم
باوعلها بنظره وابتسامه.. ميل راسه ودنك عليها لانو قصيره وڪال: وهم لا ماتطلعن واذا طلعت تدرين شسوي؟
همست بأبتسامه: وشتسوي؟!
ماهر: الزمجن وجعص وبالمروحه ..
اسراء: وليش بلا؟!!!
ماهر: ملاكي مايطلع...
صفنت بعينه ونزلت راسها
وهو تحمحم وگال: يلا اودعناكم.. وصل يم الباب والتفت: هند امي انتي.. لاتطلعين
هنادي: صااار تدلل ... طلع
اسراء: اوي خجلني الملعون
هنادي: ههههههههههههه
