رواية قاتلة ابي الفصل الثامن بقلم بنت الشيخ ترابية
اجه يمي وشابك اصابع ايده بين اصابع ايدي وسحبني اله ايد لازم ايدي وايد ع خصري
دنڪ على ركبتي وهمس بصوت هاااادئ
: هل الترافه شلعت روحي من روحي
اسراء: ههههههههههه وانت عليش هلكد ولهان
: لعبتي بحالي لعب
اسراء: هممممم هجي؟
: عتيتي روحي عت اسراري ...
زين خلي انزل والله هند تضوج وحدها...
ماهر: بس شويه ابقي يمي دقايق بس..
باسني بخفـه من ركبتي ومن خدي ومن باطن ايدي
عيونه بالڪوه يفتحهم بسرعه دفعته على ڪيف
كااافي ولك غسل وانزل نازله انا يلا...
: هل الترافه شلعت روحي من روحي
اسراء: ههههههههههه وانت عليش هلكد ولهان
: لعبتي بحالي لعب
اسراء: هممممم هجي؟
: عتيتي روحي عت اسراري ...
زين خلي انزل والله هند تضوج وحدها...
ماهر: بس شويه ابقي يمي دقايق بس..
باسني بخفـه من ركبتي ومن خدي ومن باطن ايدي
عيونه بالڪوه يفتحهم بسرعه دفعته على ڪيف
كااافي ولك غسل وانزل نازله انا يلا...
نزلت ارڪض...
............................
المشهـــــــــــــــــد 2
طلعت من الحمام لافه الخاولي ورافعه شعري
جان متمدد مبين كاعد من النوم عيونه حمر والشعر نازل على عيونه
ويتمغط..
هاا ولك ابو هرهر صح النوم
ماهر: لا تكولين ابو هرهر ولا تحجين وياي يلا
زعلان مني .. دار وجهه لزمتني الضحكه طفل..
كمت يمه ورفعت ايده ونمت بحضنه
عيونك
ماهر: شبيهن
اشوف نفسي بيهن ملكة
ماهر: وگلبي؟ شتشوفين بيه؟
اسراء: انت احجيلي
ماهر: مو هسه طالعه من الحمام
اسراء: مااا احجيلي
ماهر: خوش
جانت ساعة 10 ليل
طفى الاضويه وفتح شعري
شمر الغطى بالكاع
وهمسلي: هسه اشوفج شنو يشوفج گلبي
البارت الثامن
رجعت اسراء لأهلها واجه ماهر ساعة 9 ليل تقريبًا
فتح الباب ودخل رڪضت اله حضنته
باس راسي وگال: تأخرت عليج موو؟ بس يفترون ورانا ماخلونا نتسوك ونجيب الي نريده على راحتنا
هنادي: يلا مو مشكلة المهم رجعتلي سالم
تفتر عيونه على البيت : واسراء راحت؟
هنادي: ايي اجو اهلها وراحت
هز راسه نزل الغراض وقفل الباب وڪال: رايح اسبح جهزيلي اكل شويه جوعان
هنادي: صار حبيبي .. رحت سويت اكل وجايب فواكهه سويت ماعون فواكهه بس اله لانو مجنت جوعانه ...
اجه هو اخذ الصينية مقبل اشيلها ورحت جبت الخبز خليته يمه وردت اروح لزم ايدي
ماهر: كعدي يمي هي نفسيتي للاكل مسدوده كعدي شويه خلي اتمعن بيج حتى اكل عدل
هنادي : ههههههههه ... ڪعدت يمه وهو ڪعد ياكل
وڪل شوي رافع عيني وغامزلي لو لازم ايدي وكل لكمه يبوس ايدي ...
خلص هو راح يغسل وانا غسلت المواعين .. صعد لغرفته وانا هم طفيت الاضوية وصعدت ..
مجان ببالي النوم فــــَ رتبت اللوحات وكعدت ارسم
واسمع صوت الرمي وصوت الضحك العالي وصوت البنات الي يصيحون ويترجون يبتعدون عنهم
تعبت نفسيتي حيل تعبت ...
بقيت كاعدة للـ 4 الفجر والصياح نفسه نفسه
دخل عليه ماهر عيونه حمر والشعر كفشه
اجاني وحضني
هنادي: هااا هرهر اشو كعدت
ماهر: الي ينام وهذول الطناطله بره يكدر ينام بشرفج
هنادي: عادي تعود
صياح البنات يزيد يزيد ماهر ضاج
: يعني عجيبه ڪل واحد ثربه واصل للغيم وعنده 4 نسوان وبنات عم وغيرهم ويرحون يعتدون على بنات العالم هسه انا ولعبت نفسي
هنادي: روح اسبح وصحصح ترى ذول دو١عش مو ضباط
ماهر: هند اريد احجي وياج بموضوع
هنادي: تعال اكعد كدامي واحجيلي
ماهر: صح هذا بيتنا بس بالموصل عندنا هوااي فلوس واملاك وهم وصلو حتى للموصل صح؟.. فـَ انا وعمي ابراهيم نريد
وسكت فهمت قصده: كم يوم تبقون؟
رفع عينه عليه: اقل شي 3 ايام
هنادي: مسسسستحيل حتى شبكة واتصال ماكو شنو 3 ايام وتعوفني وحدي هيج؟
ماهر: قابل هينه عليه هو النفي اسحبه من المح خيالج وعادي مثلا اعوفج ثلاث ايام لو اعوف اسراري؟
بس ضروري كلشي يصير هند حتى ممكن نبدر وضعنا ونرجع لتركيا وناخذ اسراء واهلها ويانا مانكدر نبقى
بقى يقنع بيه واقتنعت ... راح سبح علمود يسافر رحت جهزت جنطته وابجي
خايفه عليه مو ع نفسي .. اذا صار عليه شي انتهي
دخل للغرفة بس منشفة لابس
: ولك اللبس ملابس لا تتمرض
اجه يمي وحضني: هو وينه البرد حتى اتمرض اسبح منا احنحن منا
هنادي: ههههههههه رووووح بدددل يلا ساعة 5 ونص
ماهر: رايح بس سويلي جاي وجيبيلي فلوس من الخزنه بس مو اكثر من 100 الف حتى ميشكون عندنا شي
هزيت راسي ورحت جبت الـ 100 الف وخليتها بالجنطه سويتله جاي واجه شربه و وصلنا للباب ويريد يودعني
ماهر: زين شلون يالكائنات
هنادي: شنو؟
ماهر: خايف عليج خاايف عليج حتى من خيالج هذا
شلون اعوفج لج ماكدر اخذج ياخذوج منيييييي
هنادي: اششش كافي روحي وارجع بالسلامة كلشي ماريد
ماهر: عينج من اسراء ومن نفسج بدونجن ماهر مايسوى شعرايه
هنادي: اطمن حبيبي بعيني
دنحجي ودخلت اسراء
اسراء: صباح الخير
: صباح النور
اسراء: امي تريد تطلع تتسوك وكالت روحي يم هند لتبقين وحدج
هنادي: زين سويتي لانو انا حبقى وحدي
اسراء: ليش
هنادي: ماهر راح يسافر للموصل وي عمو ابراهيم.. بسرعه باوعت على ماهر وماهر صافن عليها ايدها رجفت وڪالت: توصل بالسلامة
انا ضغطت على ايد ماهر ورحت للمطبخ
عفتهم عمدًا
من باوعت الهم شفته حاضنها حيل وهي تبجي بحضنه
انا هنا لا ارادي بجيت شوي وصاح: هنددد
رحتله اركض باس باطن ايدي وراسي
: ديري بالج ع ملاڪي تعبان .. وديري بالج ع عيونج بدونهن اموت هدهد ...
بسته و ودعته واسراء على بجيه وحده لحد ساعه 11 الظهر
: ولج كافي راسج ماوجعج عيونج مايحركنج دموعج شكثرهن
اسراء: خايفه عليه والله خايفه عليه
هنادي: يصير خير اطمني...
كعدت اسوي غدى بلغت ام اسراء وراح تبقى يمي
وهي كل شويه جايه تطمن علينا وتروح
ساعة 3 الظهر .....
جنت اسبح وطلعت بدلت دامشط وسمعنا باب البيت انركع والرمي والصياح
نزلت بسرعه واسراء ركضت وياي
الجو جان عجاج وتراب حييل قوي والباب مفتوح والنسوان تصيح بره
مافهمت شي غير انو هجمو الارهاب ع النسوان
لبست العباية والبوشية
وطلعنا ركض نريد نروح لبيت اهل اسراء مالحكنا ولا كدرنا نوصل
العجاج جان كلش قوي
والنسوان ناس تصيح وناس تموت واغلبهم يعتدون عليهن بالشوارع كدامنا ويقتلوهن
صفنت على واحد
طفلة يطلع عمرها 9 او 10 سنين خاتله وره الكارتون تبجي سحلها من شعرها شكك ملابسها واعتدى عليها وتركها تنزف وحدها بالكاع لحد ما خنست
باوعلي واحد ارهابي منهم واشر عليه يردون يجون صار رمي قووووي حييييل
وايد سحبتني انا ڪلت خلص رحت بالرجلين
انتهت هنادي ....
اسراء مادري وين والي سحبني يركض بيه وانا ماشوفه بس اشوف الايد الي لازمتني والي يسحل بيه لابس اسود غير هيج ماشوف ولا مبين شكله ولا اعرفه منو اصلا انا كلت ارهابي وانتهيت
لحظات ماهر اجه على بالي
وابوية واخوية اجو على بالي
اذكر من ابوية يرجف عليه قبل ليستشهد من دخلو الارهاب ويريد ينقذني وتالي انا هسه بيدهم دموعي تصب بس صوت ماطلع مني اخاف
من الهوى العالي والركضه الي صارت البوشية طارت عن وجهي ورجعت نزلتها
سحبني وصرت كدامي حضني لجسمه وسد حلكي
دخلني لمكان مثل المخزن مهجور بس محد متقربله ودفعني ودخلت ودخل هو وقفل الباب جانو بنات شابات ثنين شاديهن وبالكاع كاعدات يباوعن
انداريت عليه متخوصر ويباوع عليهن
اندار عليه وڪال: اسراء وين مالحكتي عليها
هزيت راسي بـ لا
مسح وجهه بيده: استغفر الله ياربي انا شلون بيه
باوعتله وحجيت بصوت مرجف شوي: انت منو؟
رفع عينه عليه ورجع باوع للبنات اخذني من ايدي ودخلي بممر جان موجود بالمخزن بس صغير وخنكه
تقرب يمي علمود ميسمعو وكال: انا الدكتور ايهم اكيد اسراء حجتلج عني؟
باوعتله: انت نفسك الي نزلت البوشية؟ هز راسه بـ اي
وانت نفسك العميل السري وي عمو ابراهيم؟ هز راسه
اطمنت وكلت اله: رجعني دخيلك والله اخاف ووحدي واخوي مسافر الله يخليك خليني ارجع
: ابوية انتي وين ترجعين شايفه شلون صايره بالقنادر
هنادي: بس
: هواي تحجين عفيه لسان عندج.. ابقي كاعده هنا لا تروحين يمهن ذنيج ارهابيات
وطلع... بقيت ساعات ولحظات ودقايق ومادري شنو يصير والاصوات عالية والرمي شوي واندفر باب المخزن حيل وصوت الزلم بره وكفت ببدايه الممر اباوع
شكو ملابسهن عليهن
وصارو فوكاهن
وجابو طفلة هم نزعوها وفوكاها... قفل الباب ايهم
ورمى عليهم انا بقيت جامده بمكاني باوعلي واشر بمعنى اسكتي
جان اكو جرجف بالكاع شمره على البنات وشال البنيه وحضنها
: الحمدلله ماتقرب منها
الطفلة بجت وڪالت: عمو لا ترجعني لاهلي
: ليش؟
: انا ابوي واخوي يعتدون على اختي كدامي واخاف ارجع لا ترجعني
صفن بوجهها دقايق وحضنها: لا تخافين ابقيج يمي
نامت بحضنه ولزمت ايده حيل
باوعلي
: تعاي كعدي كدامي ولا تتحركين
رحت مثل الطفلة وكعدت كدامه عيونه يخوفن
صار المغرب وانا كاعده وهو كاعد كدامي ومخلي الطفلة بحضنه ....
هنادي: جوعانه
ايهم: ابد مو وكت جوعج ابد
هنادي: ونعسانه هم اريد ارجع كافي تعبت
ايهم: مطلعج ع المالديف وتردين ترجعين تعبانه
ردت احجي خزرني: ولا حرف
همست: هو باقي عليه بس هل النماذج تسكتني
: حاولي تلزمني لسانج يمي
غلست عنه ...
صبح صباح ثاني يوم ///
فتحت عيني شفته فاتح الباب مخلي ايده بجيبه ويدخن وصافن على الشارع
والطفلة نايمة ومغطيها بجرجف والبنات خانسات بمكانهن
لبس اللثام واندار عليه
: هذني اعوفهن هنا اخذج انتي والطفل لمكان ثاني
هنادي: اريد بيتي
: ماكدر المكان خطر هناك لا تلحين
حجت وحده من البنات اول كلمتين وصاح
: واحنه نبقى هين عج..
بعدها ممكمله
: ولاااااا حررررف بسببجن صار كل هذااا سكتن لا افرغ البيدي براسجن
خنسن وهو شال الطفلة وكال: تمشين ورايه
طلعنا ومشيت وراه
يمشي وانا مدنكه وامشي وراه مادري وين ياخذني
ماريد بس محتاجه الامان وماهر
وصلنا لبيت قديم وصغير بس ڪال: هذا اكثر مكان ممكن نلكي الامان بيه دخلي
دخلنا ونزل الطفلة بالصالة كهرباء ماكو شغل الشمعة
: دقايق وارجع ما توصلن للباب مفهوم
هزيت راسي والطفلة اجت بحضني وهو طلع
انتي شنو اسمج؟
: انا اسمي نور
زين شكد عمرج
: 13 سنه وانتي شنو اسمج؟
هنادي
: قديش عمرك؟!
صفنت حتى عمري نسيته والبنيه صافنه بوجهي
نسيت عمري ونسيت حتى روحي: 19 سنه
: صغيرة كثيغ
عندج هسه كم كلمة كلتيها مو تكريت؟
: احنا موصليين واجينا هين قبل اسبوع
بس مو كل كلامج موصلي
: تعودنا نتكلم مثلكم هين علمود مايشكون فينا ويقتلونا
هسه انتي هنا مرتاحه؟
: كثييييغ مرتاحه
حضنتني ونامت وانا صفنه تاخذني لعالم وصفنه ترجعني..
