رواية بدون كلام الفصل الثامن بقلم جمانه السعيدي
عطور...كلش ضجت من كلام نهى يمكن هيه هاي الحقيقيه الي مااكدر اصدكها
فعلا امير اخرس والحياة ما ممكن تخلص كتابه
بس اني احسه يفهمني مجرد ما يباوع بوجهي
يفهمني احس كلبه طيب ونظيف
اني تعلقت بي بسرعه يمكن لان محد مهتم بيه
عشت حياة قاسيه وهو الوحيد الي قرب مني وفهمني وقدرني
اهتمامه بيه غير من نفسيتي
ارجع التليفون اي ارجعه اصلا اني حتى رصيد مااكدر اشتري شسوي بلتليفون
رحت ادور على امير حتى ارجع التليفون
سئلة عنا كالو طلع
رجعت الغرفتي بس كلش ضايجه
طلعت للبيت دخلت لكيت امي ممده
صار فتره اشوفها تعبانه من اسئلها تكول مابيه شي اخوج متعبني اركض ورا طول النهار
عطور.. هااا يمه خيرج شنو نايمه
امي...تعبانه هاي صار كم يوم كلش مااكدر
عطور...جم يوم وليش ما حجيتي ليش ساكته ليش من اسئلج تكولين مابيه شي
امي...اي سشوين يايمه
عطور...اخذج للمستشفى اسويلج تحاليل
امي....لا هسه اصير احسن انشاء الله
عطور...شنو تصيرين احسن لازم نعرف شنو المشكله
ايجوز شغله بسيطه وتنحل
امي....مااريد اتعبج اكثر ماانتي تعبانه
عطور...يمه اني شعندي غيرج حبيبتي انتي
جمانه السعيدي
بقيت بقلق طول النهار هلمره وضع امي مو زين
خايفه عليها
هيه عدها ضغط بس ماتراجع بسبب الفلوس
وتتعب ويا اخوي اتخاف علي تركض ورا طول النهار
تخاف يصير بي شي
وواكيد وضعنا المادي حيل مأثر على نفسيتها
بس هيه ما تبين ساكته
والانسان اذا يبقا يكتم بكلبه الحزن يمترض
والضغط ابد مو شي هين
ااكثر الجلطات بسبب الضغط
بليل اجتني رساله من امير
امير...هلو عطور شلونج
عطور...هلووو الحمد لله اليوم وين رحت اجيت ارجع التلبفون عليك
امير...ليش
عطور...ما متعوده اخذ هدايه ومبين غالي
امير....ازعل عليج بعدين شنو غالي ما يغلى عليج شي
عطور...باجر ارجعه
امير....يعني اعتبري كلشي بينا خلص
عطور... مااكدر قدر وضعي
امير.....ابد لا تفتحين هذا الموضوع مره ثانيه هذا تليفونج صار اللج بعد
عطور..... اليوم امي مريضه يمكن باجر اجيبها
اسويلها تحاليل
امير.......سلامتها الف سلامه
عطور...تعبانه حيل احنا هاملينها
امير....لا شلون اسكتوا عنها اذا مريضه
عطور...باجر انشاء الله لازم اجيك حالتها
امير...باجر اني مجاز مااكدر اساعدج خليها على بعد باجر وجيبيها للمستشفى
عطور...وضعها حيل تعبان ما يتحمل التأجيل
ثاني يوم الصبح كعدنا تريكنا وسبحت اخوي وريكته
انطيته مهدء هذا العلاج هو ماشي على سنيين
يقلل حركته شويه
علاجه هذا نستلمه من المستشفى لان عدنا دفتر أمراض مزمنه
باسم اخوي
خليت اخوي بغرفه النوم وقفلت الباب علي وأخذت امي وياي للمستشفى
سويتلها تحاليل
الدكتور بعد مافحصها وحدد الاعراض الي تحس بيهن
ضيق تنفس عند النوم وورم قليل برجلها
تعب وارهاق مستمر
طلع القلب تعبان ومحتاجه عملية قسطره
بالاضافه صاير عدها سكري
حسيت الدنيا تفتر بيه شلون ومنيين
منيين اسويها عمليه ومنيلي فلوس العلاج وحتى حب الضغط الدكتور غيره
الدكتور سجل علاج كله من برا علاج غالي واني مااكدر اشتري
ياربي الطف بينا كلشي ولا امي ووين اروح بدونها
وهذا اخوي المسكين شلون بي من بعدها
اخذتها وطلعت للبيت كوه لازمه نفسي ماابجي
اخاف ابجي وضوج لو تحس حالتها خطره وما تتعالج
وصلنا للبيت دخلنا دخلتها غرفتها
الدكتور أأكد على هذا العلاج ضروري
لازم تمشي علي قبل العمليه ومحتاجه ااكل لان عدها فقر دم
منيين اتلكاها ياربي
يعني اني واهلي عايشين بلضيم وعمي يطشر بلفوس اطشر
قررت اليوم احرك بيت عمي حرك
كلشي جاي يصير ويانا بسببهم
امي راح تروح مني عايشين حياتهم صرف وبذخ
وونسه واحنا نفرك باصابعنا من العوز والفكر
جمانه السعيدي
حضرت الغده غديتهم وبقيت منتظره اشوف سيارة عمي
بلباب
طلعت لكيت سياراتهم واكفات بلباب
لبست حجابي وطلعت بدون ما تعرف امي
وصلت البابهم حركت الجرس حرك خليت ايدي ما نزلتها عنه اعرف جاي يشوفوني بلكامره
بس اليوم لو اني لو همه سكتنا هواي
احس كلبي يدك براسي هلكد ما مقهور وعصبيه
تقريبا عشر دقايق اني واكفه وما نزلت ايدي عن الجرس
الحد ما سمعت صوت واحد يكول اي اي اجينا
فتح الباب ولد شاب طوله تقريبا ١٧٠ ابيض
حواجبه وشواربه ثخان
عنده كرش لابسه كلبيه
يوسف....شكووو منو انتي ( هذا ابن عمي الجبير الي انفصل عن زوجته )
عطور...اريد عمي
يوسف.. عمج منو
عطور.. ابوك انت ما تعرفني اني بت عمك
حقك وين شايفني اكلتونا وشمرتونا
كل واحد كرشه كدامه واحنا رابطين بطونا من الجوع
يوسف...شنو اكلتونا شنو شمرتونا عن شنو تحجين
عطور...احجي على ابوك الي اكل الفصل ورجع اكل الورث
ولكم انتم شنو من بشر
لا تخافون الله ولا عباده
اريد عمي اريد ابوك اريد حقي
اليوم مااطلع اذا مااخذ حقنا من ابوك
امي راح تروح مني اريد حقي لا خلفله عليكم
فلوسنا نريدها
عمي شافني بلكامره وطلع عليه ضايج ومنزعج مني
لان جايه اطالب بحقي
طلع عمي من جوه يحجي ويشمر بايده
رد عليه بعصبيه شبيج شنو هاي الهوسه
عطور...ازعتج ضجت اضايقت اسفين عيوني
اريد حصتنا من الورث واريد الفصل مال ابوي
عمي...شنو حصه شنو فصل حصتكم اني انطيتها الامج
عطور. .خاف ربك انت وين شايف امي تجي ادك الباب محد يفتحلها وترجع دمعتها على خدها
عمي...بلا كلام زايد اني انطيت الامج حصتكم
اجيتكم للبيت ونطيتها حصتكم
عطور...رجال شكبرك وجذب عيب عليك
عمي...انجبي واحترمي نفسج شنو اجذب
لا اجي اشمرج بلشارع وافرج الناس عليج
عطور ...تسويها انت شامرنا صار سنيين الناس الغريبه تتصدق علينا وما استحيت وكلت بيت اخوي
عمي...امشي اطلعي برا يله برا
عطور...اشتكي عليك
عفطلي اشتكي وين ما يعجبج اني انطيتكم حصتكم
وامج وقعت
شوفي امج وين صرفت الفلوس
عطور....ابد ما متوقعه منك خير واحد حرامي لاذمه ولآ صمير قابل شترجه منه
هو سمعني كلت هيج وهو اجاني ضربني راشدي
من قوته وكعت بلكاع
بعدين سحبني من ايدي طلعني برا بيته وقفل الباب
كل هذا ويوسف واكف يباوع عليه
متفاجئ مني
صار سنيين ماشايف شكلي ولا يعرف اي شي عني
وما مصدك اني ممكن هيج اتعارك علمود حقي
مايذكر عني غير ذيج الطفله الزغيره الخوافه
شلون كبرت وشلون تحجي هيج
جمانه السعيدي
عطور...لكيت نفسي بلشارع لا حول ولا قوه
ووجهي مورم من الضربه
هلكد ما محترك كلبي منهم
باوعت اكو حصوه جبيره بلشارع
شلتها وشمرتها بكل قوتي على سيارة عمي فلشت الجام الامامي للسياره
وعفتهم ورجعت
شويه وفتحو الباب لان شافوني بلكامره
اجا وراي عمي للبيت دخلت وقفلت الباب
كسر الباب وهو يكول اني اعلمج حيوانه كسرتي الجامه هاي الجامه أغلى من راسج
اذا مااربيج من جديد طبعا تربية مره قابل شتوقع منج
عطور..كنت منهاره الابعد حد وضايجه
كمت اعيط على من ورا الباب
تربية المره احسن من تربيتك ياحرامي
حرامي اكلت حلالنا اكلت فلوس اليتامى
ياناس ياعالم هذا عمي ااكل حقنا
اسمع يوسف يكول من ورا الباب يلله يابه عوفها ميخالف
عمي....عوفني اكسر راسها مثل ماكسرة جام السياره
يوسف.....انعل الشيطان عوفها ما تفتهم
طلعت امي على صوت الباب
امي...رحتي العمج ليش هيج اني مو كتلج اسكتي
هسه زين فضيحه كدام الناس
اني مو كتلج اسكتي هو لويريد ينطينا جان انطانا من زمان
زين هسه فضيحه كدام العالم
عطور...ضربني راشدي وكسرة جام السياره
امي...يااا عزا هسه يشتكي عليج ودخلين سجن
عطور..خلي يشتكي شوفي وجهي يوجعني من ضربته
امي...كلبي يوجعني بسببج
عطور...اني رحت اتعاركت وياهم بسببج
انتي الي خليتهم يستغلونا وياكلون حقنا
شويه ورجع بابنا اندك
امي...يااارجعو علينا هسه يموتونه بسببج
ولله اذا اجو كلهم علينا يموتونه بيتنا ومحد يكدر يوكف بوجهم
يوسف...اني يوسف افتحي الباب
عطور....بعصبيه وصوت عالي من ورا الباب شتريد من عدنا
يوسف...بس اريد احجي وياج افتحي الباب
امي...خاله اني اعتذر بمكانها طفله ما تعرف تتصرف
يوسف...اليوم اني وكفت الابوي يريد يشتكي عليكم
بس بعد ممنوع اي واحد منكم يوصل بيتنا
عدنا تسجيل الكامرا
ونكدر نشتكي عليكم
عطور....لا تهددني مااخاف منكم اذا امي صار عليها شي
محد يخلصكم مني
يوسف٠...على كيفج احنا ما نهدد
فلوسكم اخذتوها بعد شتريدون منا
عطور....حراميه يمتى أخذنا فلوسنا منكم
اذا ابوك الحرامي الجبير يكووول هيج شتوقع منك
يوسف٠...ليش ما تحترمين نفسج
عطور....اني محترمه بدليل سكتت عن حقي صار سبع سنوات
انتم الي ما تعرفون ريحة النخوه والغيره
الناس تتصدق علينا وانتم تاكلون حقنا
الله لايباركلكم لابرزق ولا صحه
يوسف....الضاهر انتي مايفيد وياج الكلام
عطور...روح شتريد اسوي سوي ما يهمني
امي...خاله فدوه لاتزعل عليها الله يخليك
عطور...كافي تتوسلين بيهم العمر واحد والرب واحد
حقنا نريده
روح كول الابوك مااسكت عن حقي ابد
امي...تعبت تعبت منج ليش تتعاركين
عطور...يمه فدوه اسكتي شفادنا سكوتج
انتي مريضه واني حتى فلوس الخط ماعندي والبس من الباله
والبيت تعبان ونص بطنا جوع
كافي بعد ما نسكت
هما عايزين فكر ماعدهم ليش ما ينطونا حصتنا
وكل واحد يروح بطريقه
انشاء الله كبر عمي أظلم وناره زركه
الله لايسامحه ولا يرحمه بكد مااذنا ودمر حياتنا
يكول امج اخذت حصتكم يكذب عليه
ذني كم فلس انطاج اياهن يعتبرهن حصتنا
المشكله حتلو اشتكي علي مايطلع حق انتي وقعتي على التنازل وخلص
