رواية بدون كلام الفصل التاسع بقلم جمانه السعيدي
عطور....دخلنا للبيت وامي حالتها صارت اسوء
ياربي اني شكاعد اسوي بنفسي
بمكان مااهتم باامي ضوجتها وبمكان مااطالب بحقي رحت سويت مشكله
عمي إذا يروح يشتكي عليه يضيع مستقبلي
كلما اريد أصلح الأمور تخرب ااكثر واكثر
شلون ياربي اهديني تعبت
عشيتهم ودخلت بغرفتي ضايجه على امي
اجتني رساله من امير
امير...شلونج عطور طمنيني على امج
عطور....زينه
امير....شنو كال الدكتور
عطور.... ماكتبت اي شي
كاعد افكر لو فعلا امير يحجي ويسمع جان اتصلت
وبقيت احجي منا لمن افرغ ضيم كلبي
الكتابه ماتفيدني
امير...ووين رحتي ليش ماتردين
عطور...مالي خلك الاي شي بعدين نحجي
امير...شكوووصاير شي
عطور...بعدين امير مالي خلك
امير...تمام براحتج
كلشي يمشي وياي اعوج حتى الإنسان الي حبيته
طلع اخرس
ليش اني ماعندي حظ كلشي بحياتي ناقص وقليل
ثاني يوم طلعت للدوام اتفاجئت يوسف جاي بتجاه بيتنا
سويت نفسي ماشفته
يوسف....دقيقه عطور اريد احجي وياج
عطور...وكفت وباعت علي باانزعاج
يوسف....صباح الخير
عطور...اهلا
يوسف...اريد احجي وياج
عطور...بخصوص شنووو فلوسنا اكلتوهن
يوسف....لا اني حاب اتعرف عليج
عطور...شنو تتعرف عليه تحجي صدك
يوسف....اي بت عمي واريد اتعرف عليج بيها شي
عطور....شنو تتعرف عليه يعني
تصاحبني
يوسف...بكيفج تعالي اوصلج ليش واكفين بلشارع
عطور...شكرا روح بطريقك
اني وياك مانرهم اصدقاء ولا حتى اولاد عم
يوسف...انتي ليش هيج عدائيه وما تعرفين التفاهم
عطور...من ضيمكم الي دمر حياتنا
بشرفك انتم عدكم غيره
احنا عرضكم تعال شوف البيت الجلب مايكعد بي
الجوارين حاسبينها من العوائل الفقيره
يدزولنا بواقي الاكل
ولي عنده فراش زايد بطانيه
وانتم بيوت وسيارات واملاك
مانريد منكم شي بس حقنا لا خلفله عليكم
يوسف...حقكم اخذتو ابوي انطا الامج
عطور...جذب ومستعده اوكف كدام ابوك واكول هذا الكلام جذب
ابوك اجا جابلنا مسواك وانطا الامي ٥٠٠ الف
ومستعده احلف بلقراءن مااخذنا شي غيرهن
يوسف...اني اريد احجي عن هذا الموضوع
عطور...اي موضوع رجعلنا حقنا وساعته احجي وياك
واتشكر منك
امي محتاجه عمليه بأسرع وقت ممكن
اذا ماتت امي بعمري ما اسامحكم
بو تسجلون كل املاكم بااسمي مراح اسامحكم
خلو الله بين عيونكم كافي ظلم
يوسف...ياعيني خل نكعد بمكان ونحجي براحتنا
عطور...ماكو بينا كلام
عندي دوام اتاخرت
يوسف....اوصلج
عطور...شكرا جزيلا
عفته ورحت فور دمي من الصبح واحد اتعس من الثاني هو وابو
بس وصلت للدوام لكيت امير أكف بلباب
بس شافني شكلي منزعجه
اجا عليه
رفع ايده يسلم
هزيت راسي
طلع تليفونه كتب شبيج امج موزينه
عطور....كلشي بحياتي موزين
امير.. كتب ..شكووو
عطور...مو هسه بعدين نحجي
امير .. كتب انتظرج بلحديقه الساعه عشره
جمانه السعيدي
اليوم جان اول يوم بلشهر الثالث كلها استلمت ر اتبها
اله احنا كلشي ماكووو
كعدت وكمت ابجي
ليش هيج اني بانيه اامال على الراتب اريد اشتري علاج الامي
شلون هسه منيين اجيب
الساعه عشره ماطلعت مااكدر حتى حجي مابيه حيل احجي
اجا امير يدور عليه
شافني ااشرلي تعالي
عطور...طلعت ويااا
باوعت لابس السماعه
عطور....انت مو تشتغل بلحسابات
امير...كتبلي اي
عطور...يصير اخذ قرض علما يجي الراتب
امير... كتب لا مايصير القرض للرواتبهم ثابته
انتي محتاجه فلوس
عطور...اي
امير...شكد محتاجه
عطور...... هووواي
امير....كتب شكد هواي يعني
عطور........امي محتاجه عملية قسطره وعلاج
امير.....كتب بسيطه
عطور........شلون بسيطه
امير...اني اعرف دكتور قلب انطيني التحاليل واني اتفق ويااا راح اخلي يسويها اللج بلاش
عطور.........وين اكو دكتور يسوي عمليه بلاش
والعلاج كلش غالي بعدين اي عمليه
ابو التخدير يريد فلوس وحد والجراح وحد
والمستشفى تريد علاج خاص على حساب المريض
امير....جيبي التحاليل واني اشوف الدكتور وارجعلج خبر
عطور.........باجر
امير....كتب ممكن اضحكين كلشي راح ينحل
عطور.......مااكدر المسؤليه هواي عليه
واني وحدي مااكدر
امير....كتب الضوجه مراح تحل المشكلة
عطور........ضروفي صعبه حيل
امير...صدكي اني راح ابقى وياج واساعدج
عطور........انشاء الله
رجعت للبيت
دخلت اكو مسواك هواي
عطور.......هاي شنو
امي...يوسف جابلنا مسواك واشترالي العلاج
عطور...... شنو يوسف يتصدق علينا
امي...يمه نعمه لا تتبطرين على هذا الخير
عطور........يمه ليش نقبل بلقليل واحنا فلوسنا عدهم
امي.. اسكتي احنا مانكدر ناخذ فلوسنا منهم
هما اربع زلم وابوهم وفلوس وصحه ونفوذ
واحنا نسوان ثنيين وولد مخبل
مبينه السالفه مستحيل نكدر عليهم
خليهم يذكرونا بشي حتلو قليل ميخالف
عطور. وليش يوسف ذكرنا خير انشاء الله
امي...الله هدا علينا مايصير
عطور.......عجيب
جمانه السعيدي
بدلت ملابسي وبديت اطبخ الغده
شويه وندكت الباب
رحت فتحتها يوسف بوجهي
يوسف... هلو عطور
عطور....خير انشاء الله جاي تذلنا بلمسواك
يوسف....لا هذا حقكم اني ماجنت اعرف وضعكم
عطور...اكبر جذاب على ابوك طالع
احجي الصدك
يوسف...ابقى واكف بلباب امج أكرم منج الصبح دخلتني البيتكم
عطور.......تعال اخذ المسواك وخلصنا
لاتذلنا لان جبلتنا شوية حاجات
يوسف...افا عليج لا اني مو هيج
عطور..... احجي شكووو
طلعت امي وراي
امي...يوسف هله بيك تفضل
يوسف...هله بيج خاله همزين طلعتي
عطور تريد تطردني من الباب
دخل جوه وكعد يسولف على امي
كملت الغده
امي...يله بسرعه يوسف يتغدا عدنا
عطور....ولله هذا يوسف مو خالي ابد
الله يستر منه هاي العائله مايجي منهم شي بي خير
كعدنا ناكل وهو كاعد كبالي ما نزل عينه عني ابد
نظراته مو مريحه
كلبي يكول ورا شي
اني لابسه دشداشه عاديه ولابسه حجاب
شلت الصينيه وكمت
اجا وراي للمطبخ بحجة يغسل ادي
يوسف....بحجة يغسل ويحجي وياي
يوسف...اني مستعد الكل طلباتج ااي شي تامرين بي
اني حاضر
عطور......مقابل شنووو
يوسف...بدون مقابل احب اساعدج
عطور......ماكو واحد لهاي الدنيا يقدم اس شي لدون مقابل
يوسف.. اني
عطور...كون صريح وكول مقابل شنو
يوسف...نكون اصدقاء احباب بكيفج
عطور.......اصدقاء واحباب يعني شنو مافهمت
فهمني اكثر
يوسف....يعني اصدقاء
عطور....وضح ااكثر لا تلف ولا ادور
اني مو زغيره واكدر افهمك
يوسف .....فلوس ولبس حلووو وواكل طيب
تليفون ورصيد ااي شي اطلبي
تطلعين من هذا الوضع التعبان وتشوفين الدنيا
عطور......مقابل شنووو احجي ليش خايف
يوسف...اني وياج
عطور......اي اني وياك شنووو هذا عرض مغري احجي
يوسف....علاقه اني وياج نكون احباب
عطور... احباب يعني شنو لان اني بعمري ما دخلت علاقه قبل اعذر غبائي ووضحلي ااكثر
((كنت فاهمه غايته لان هو وواحد نسنونجي وهاي العائله مستحيل تقدم خدمات مجانيه ابد ))
يوسف...لا انتي مو غبيه حشاج من الغباء
يعني نحجي سوه نطلع سوه احبج وتحبيني
عطور.......وبعدين
يوسف...شنو بعدين علاقه ما تعرفين العلاقه
عطور...تريد مني شي ثاني اسلمك نفسي اعيش وياك بلحرام مثل البنات الي تعرفهن
يوسف... كلما ريحتيني اكثر تاخذين فلوسك اكثر
شنو عاجبج من هذا الوضع
شوفي ملابسج ملابس امج شوفي بيتكم
نص بطنج جوع اعتقد هاي الفرصه احلى فرصه وبعد ما يجي مثلها فرصه ثانيه فكري زين ورجعيلي خبر
ابد ابد لا تتخيلين ابوي ينطيج ربع
لو شسوين كلشي مراح تحصلين منه
فكري خوش فرصه واجتج للحلك
