رواية قاتلة ابي الفصل التاسع بقلم بنت الشيخ ترابية
مر يوم ڪامل وايهم مارجع وهم خفت
يعني انا ما احصل امان
نور: عمتي انا جوعانه
رحت للمطبخ ماكو بس صمون وماي
حتى حليب ماكو هي اخذته وكالت: عادي المهم اكل
خلصن يومين وبقى يوم واحد ومنتظره ماهر يرجع
نفتح الباب بقينا نباوع دخل ايهم
: سلام عليكم
وعليكم السلام
ذب اللثام وكعد بالكاع وانتجه على الحايط طفرت نور وراحت حضنته وهو ضحك وباس راسها
: هااا بابا شلون صرتي؟
: الحمدلله
باوعلي وگال: وانتي؟ شسويتي مسويتي
: هااا بابا شلون صرتي؟
: الحمدلله
باوعلي وگال: وانتي؟ شسويتي مسويتي
: ماسويت شي ولا تحركت حتى مطلعت كاعده وساكته
: هو هيج احسن عاشت ايدج
هنادي: واخويه شوكت يرجع ماسمعت خبر
: عمي ابراهيم باجر يرجع ويجيبه وياه ويجوني
هزيت راسي هو دخل للحمام يسبح واكو غرفتين بس
نور راحت لغرفته
وانا رحت للغرفة الثاني واكفة على الشباك
اباوع الجثث مطشرة بالكاع صافنة عليهم
ناس مدججه سجاجين ومكطمه الروس
لو ناس الطلق كله بروسهم
اكو بيهم بس صدر ولا رجل ولا ايد ولا راس
اكو بيهم بس رجل
اكو بيهم بس ايد
الجثث نص دو١عش ونص اولادنا
البنات الي ينزفزن بالكاع
والاطفال الي ممتحملين وينزفون
والامهات الي تتلاطم على اولادها
والعجاج بالجو فوك هذا كله
نزلت دموعي مسحتهم درت وجهي لكيته لابس بس البجامه ومن فوك ما لابس شي
ومنتجي على الباب ويباوعلي
بسرعه درت وجهي وصحت عليه: شنوووو هاااي شجااابك هنا روووح اللبس
: انتي شجابج هنا مو غرفتي لو غلطان؟
هنادي: غرفتك الثانية ونور كاعدة بيها اطلع بره
: والبيت بيتي وانتي كاعده بنص بيتي
هنادي: الله يخليك اطلع
: ضاربين اسراء
بسرعه انداريت عليه: شنووو؟! شلون وشوكت متأذيه؟ هز راسه بـ لا واجه كعد على الجربايه صفك ايده..
: لا مامتأذيه بس ضاربيها رايدين يعتدون عليها وضاربتهم سجين بيدهم وضاربيها ودخلت عليهم انا
هنادي: زين وهيَ هسه شلونها
: ماقبلت تجي وياي تريد بيتها بس انا اجيبه بعد شوي
صفنت بالكاع خلصت حياتي صفنات
تعبت حيل تعبت
صاح: ايي وهسه ماناويه تطلعين اريد انام لو تنامين بحضني
باوعتله صفح وطلعت وسديت الباب
هم عوزي انام بحضنك لعبان نفس دخلت للغرفة الثانية
نور: عمو وين
: نايم حبيبتي بغرفته
انا مادري شنو صارلي بس تمددت نمت ماحسيت الا ع صوت نور تصيح ثاني يوم الصبح
نور: البااااااب البااااب عينكسر عمه هند كووومي
كمت ركض اركض وراها الباب مثل الي ديكسره
يعني كسر ودفع وبس انا وطفلة وياي بالبيت مادري شسوي تلفون ماكو ايهم طالع ومحد موجود
رحت دخلت للحمام وقفلت الباب علينا ولازمه گلبي
بس يدخلون نروح بيها لان ماعندنا سند هسه ..
.......................................................................
في مكـان اخـر
لايوم ولا يومين
.......................
مرحبا // انا اسراء اصغر من هنادي بسنتين
اصل ابوي الله يرحمه بغداد يعني اصلي بغداد بس عايشين بتكريت بسبب ظروف معينة ... عندي اخ واحد واخت وحده
اخوي شهيد استشهد بسنة 2003 هو وابوي
اخوي من مواليد 1995
واختي توفت بحريق صار بمنطقة معينة من تكريت بعد رجوعها من الدوام.. وانا الصغيرة والبقيت لامي من بعدهم
امي من نسوان گبل ع فطاريتها وع روحها الطيبة
علوية ..
عندي هنادي تسوالي الكون كله .. اشوف بيها ودق اختي واشوف بيها الحنان الي ماحس بيه
امي موجوده وعوضتني عن كلشي راح مني بس احس بنقص حنان واشوف الحنان بس عند هنادي
خالتي وابنها وبنتها عايشين ويانا
بنتها سليل عمرها 15 سنه
وابنها هيثم عمره 20 سنه
يعني اخوي الاكبر واختي الاصغر مني هجي حاسبتهم
// بعد دخول د١عش وبعد رجوع هنادي واخوها...
تعرضت للتحرش هواي بش ماكدر ياخذون الي يردونه بالضبط ... اكثر من مره حاولو يعتدون عليه بس عندي بخت وحظ مدري الله يحبني وميكدرون
ماهر ... اخخ ياماهر
هل الولد احبه حب طفوله بسبب نقص الحنان الي عندي من شفت تعامله وي هنادي من جان صغير حيل حبيته وحبيت حنانه كلت عسى ولعل اذا صار نصيب بيناتنا يصيرلي كف الايسر
وبيوم//رحت لهنادي وكالت ماهر راح يسافر للموصل ثلاث ايام ويرجع حسيت روحي بيده
راحت هي للمطبخ وهو سلم عليه انا بسرعه بجيت
وهو لا ارادي حضني
ودعني بطريقة حسيت روحي معلكه بيه لو يبقى لو ياخذني وياه ...
بعد ماطلع وسافر صارت رگضه قويه بسبب الارهاب وطلعنا احنا نركض بسبب المداهمات
فلتت ايدي من ايد هنادي بالغلط وتاهت عليه الجو عجاج والازدحام الي صار مو طبيعي
مادري وين رحت ومادري وين مشيت
بس لگيت محل مكسر بنهاية الشارع دخلت وكعدت بيه خفت لا يشوفوني وين اروح
لا ساعه ولا ساعتين اخذوني
سحل من شعري ودخلوني لبيت وبالصالة شگكو عليه الملابس وگطعو شعري وحاولو يلزموني وانا من جواهم ركض للمطبخ وسجين اول ملزموني ضربتهم بيدهم
و واحد منهم ماكدرت اله ضربني راجدي وضربي على راسي حيل
بسرعه سمعت صوت رمي وكلهم طاحو بالكاع وانا اغمى عليه .. حسيت بماي بارد على كصتي وعلى رجلي بس ماكدر افتح عيني سمعته يكول
: ادري رجع الوعي بس متكدرين تفتحين عينج
انا ايهم هسه جبتج لبيت وياج نسوان ثنين انا اعرفهم
راح تكونين بأمان بين مايرجع عمي ابراهيم وماهر واخذكم لمكان ثاني لان اذا تبقون مطشرين هجي ماراح تعيشون ... وجبت ملابس هم وهسه يصعدن يبدلن الج يلا طالع انا..
وراح بين ماصعدن النسوان صحصحت وكدرت افتح عيني بس جسمي مكسر بالگوه اتحرڪ
بدلن الي ومشطن شعري وانا بالي يم هنادي بس من كال اخذكم لمكان ثاني عرفت هنادي يمه امنت عليها شويه
طلعن النسوان من يمي
نسوان اثنين
وحده جبيرة بالعمر والثانية مبينة متوسطة العمر يعني ثلاثينية
انا لايوم ولا يومين مادري شلون خلصن
باليوم الثالث صعدت وحده من النسوان
: يمه عمج اجه ياخذج
اسراء: عمي؟
: اي جوه كال خلي تلبس كوليلها عمج جوه
لبست الحجاب ونزلت
شفته ايهم
: هاا خلصتي؟
اسراء: ماعندي شي انا بس عبالي عمي صدك كلت وين يعرفني
انطاني عبايه وبوشيه ولبستهن وطلعنا امشي بصفه انا
وگلبي يدك بسرعه معقوله رايحين لاسراء؟ لو وين رايحين؟ اخاف احجي و واحد من الارهاب المطشرين يسمعون خلصتها بالسكته دخلنا لبيت صغير
فتح الباب ودخلنا قفل الباب وصاح : نوووور
نزلت طفلة بيضة وشگرة
شعرها على لون برتقالي هيج وعيونها زرك وغمازاتها تجنن وهي شحلاتها ناعمه
نزلت تركض وحضنت ايهم وباست ايده
اسراء:هل الحلوه منو؟ عرفنا عليها اشو ماعرفها
: موصليه وخطفوها الارهاب واخذتها منهم
اسراء: يمه الجمممال
نور : عمو لو تدري شصار
: خير شصار تعاي
كعد وكعدت يمه
نور: كعدنا الصبح انا وعمه على صوت كسر بالباب يردون يكسرون القفل والباب حديد ماكدرو بقو يدفرون ويكسرون وماكدرو بقينا كاعدين بالحمام اخر شي خنسو وراحو وطلعنا صعدنا فوك بالغرفة وعمه وكعت من طولها بالكوه خليتها على الجرباية وبعدها مغمى اصعدلها
طفر من يمي ايهم وصعد ركض فوك
اسراء: ياهيه عمتج؟
نور: عمه هنادي
بسرعه صعدت هي ركضه وهي دخله للغرفه
لكيته يغسل وجهها صحصحت بس مافتحت عينها
ويفرك بيدها.. شوي شوي وكامت تصيح مختنكة ومختنكة كال ايهم
راح اجيب ماي بارد وانتي مسحي على صدرها خلي تتنفس شويه
نزل هو وانا رحت بسرعه حضنتها وبجيت
دخل ايهم وانطاني الماي ورجع نزل وانا امسح صدرها بماي بارد حتى تروح الخنكه شويه
بالف ياعلي ورجعت طبيعيه ووجها رجع طبيعي
خلصناها حضن وبجي
صعد ايهم
: طالع دقايق ماطول ديري بالج عليها هاي ربو
اسراء: بس هي ماعندها ربو؟
: مادام اختنكت من الجو وخافت و وصلت لمرحله توكع ربو مزمن ومحد مصحصح عليها يلا طالع انا
طلع وهي كالت اريد انام.. نزلت انا ونور وهي نامت وكل شوي وصاعدين خاف بيها شي
ساعتين تقريبا ودخل ايهم ودخلو زلم ثنين ملثمين وياه .. اول واحد ذب اللثام وشفته عمو ابراهيم بسرعه كمت وكفت ورحت سلمت عليه وهو حضني ويطمني ماكو شي والرجال الثاني صعد ركض للغرفه خلص الدرج بدرجه وحده عرفته ماهر لانو صعد لهنادي
وصعد وراه عمو وايهم وبقينا انا ونور جوه
وره شويه نزل ماهر لازم هنادي ونزلو وياه كال ايهم
ترى المكانين امان تبقون هنا لو ترحون للمكان الثاني؟
ابراهيم: اذا هذا امان خلينا
ماهر: طول ما اختي يمي وين مانروح عادي
ايهم: خلص چا ابقو هنا وانا اوفر الكم كلشي
ابراهيم: وعائلتي؟
ايهم: سفرتهم وبعد يومين احاول اسفرك وراهم
تشكر منه عمو ابراهيم وهو باوع على هنادي نظرة اخيرة وطلع وقفل الباب
.............
من رجع اخويه حسيت رجعت الروح الي
روحي بماهر ... مر شهر كامل
اسبوع ماهر وعمو ابراهيم يسافرون للموصل حسب ماعرفت ناس بالموصل معارف يكولون الارهاب ديحاولون يفجرون بيتكم فـ ماهر وعمو كل اسبوع يرحون عود البيت بيه ناس وارهاب حتى ميفجرو
وايهم ..
ماخلصنا من اهتمام ايهم نهائي
الاهتمام الي جان عند ابوي نفسه حسيته عند ايهم
شهر كامل احنا ما ننام الليل اذا مو ايهم موجود بسفر ماهر ..
اما عني .. ايهم وماهر صارو كل اماني ..
ليش صرت احس هيج تجاه ايهم مادري
من يختفي بالنهار احس روحي تروح
الاهتمام.. الامان.. الراحة.. عدم الخوف.. الشجاعة..
كلهم بوجود ايهم وليش؟ مادري؟
يمكن لانو احتوانا واهتم بينا بغياب اخوي
بيوم من الايام جان ماهر وعمو بالموصل يومين من سافرو اجه مثل الدايخ ساعة 12 ليل جنت بالصالة والبنات نايمات
قفل الباب وكعد بالكاع وانتجه عليها ... اباوعله مثل الدايخ وماله حيل يحرك رجله
وانتبهت على جف ايده لازم متنة واكو دم بسرعة كمت يمه
: ايهمممم شنووو هاااي
ايهم: اشش صووتج صووتج .. اخخ ياااااابه
شلت القماش من وجهه جان مختنك.. وجهه احمر دم
: كوووم كوم وياي ساعدني الله يخليك
بالكوه وبالصلوات كدرت عليه وكام وياي اخذته للحمام وكعدته ع الصبه يم الباب وجبت الطشت تسرته ماي حار وجبت قماش ثخين ..
ايهم: جيبيلي ملقط خلي اطلعها..
رحت ركض للغرف ماكو بالمجرات نزلت
: ايهم ماكو ملقط يمعود
ايهم: بالمطبخ بالمجر الثاني يم السجاجين اكو واحد اسود صغير جيبي بسرعة
ركضت ع الوصف لكيته اخذته
نزع القميص بسرعة وشمره وانا هذا كله واكفه كدامه وارجف وطلعها
ايهم: طلعي ترى تلعب نفسج هسه
: ديلا طلعها معليك بيه
سد الباب وطلعها وصاح: يا يااااابه .. اخخخ بووويه
: عيني عليه ايدي ترجف وآكل بأظافري
ايهم: طلعي خلي اغسلها
: لا ماكو
ايهم: هو شنو ماكو؟
: انا اسويها
ايهم: يابه اطلعي وينج وين الدم كلج بكد النمله هسه تموعين
: مااا انا اسووويها.. خزرني
ايهم: صووووتج..
: هسه يلا.. جبت الطشت والقماش ونكعتها بالماي الحار وكعدت انظفها وهو يصيح ويرجع يسكت بالكوه ضابط نفسه ..
شووف هسه الماي حار بالدوش اصلا كوم واسبح علما اجهزلك ملابسك حتى تنام ..
ايهم: اكو مسكن بغرفتي بالكنتور بالخانة الثانية جوه الـ
: خووش خووش رايحه
ايهم: ماكملت كلامي؟
: انا ادوره كوم اسبح يلا هواي تحجي وجاي تنزف
ايهم: چيفة ام لسانين
: عفوًا؟
ايهم: يلا سدي الباب خلي اسبح
رحت لغرفتة كلها ريحة جكاير عييييييع شكد يشرب هذا.. فتحت الكنتور وشفت الخانة الثانية جوه الملابس ماكو فوك الملابس ماكو بالخانة الاولى هم ماكو؟ هذا وين مخليهن چا شلون يكول بالخانة الثانية
طلعت ملابس ونزلت صاح: ووووينج؟
رحتله: هاا خلصت
: ملابسي وينهن
انطيته الملابس .. بدل وطلع
ايهم: هاا؟
: المسكن وين
ايهم: روحي دوري
: دورت ماكو
ايهم: المره الثانيه اذا ما اكمل كلامي ماتحجين
: صااار
ايهم: بالخانة الثانية اكو مفتاح بالنهاية اخذيه
وميز المراية الجرارة الثالثة بيها ادويه جيبي المسكن
: شنو لونه
ايهم: بنفسجي
: دحجي
ايهم: ابيض يعني شنو لونه مثلا؟ مكتوب اسمه بلون اسود بعد؟
: ايي رايحه.. صعدت ورحت للمجر شكد بيه جكايررررر شنوو هاي عيييع... اخذت الحبوب ونزلت
هاي شكد تشرب
ايهم: عفوا؟
: جكاير هواي
ايهم: جنت ماشرب بس هسه لان عميل انطيني الحبوب
انطيته واخذ وحده وشربها ويصيح من ايده وره شوي صعد لغرفته وسد الباب
اوووي حتى احترام ماعنده لا تصبحين على خير ولا شكرا
مانمت ڪعدت للساعة 3 رحت كلت اطمن عليه واروح انام..
دخلت للغرفة يون تقربت منه حرارته مرتفعه
نزلت خليت ماي بارد وقطعه قماش صغيره اخذتها وصعدت بدون صوت خليتها تقريبا ربع ساعه وكمت لغرفتي نور نايمه بحضن اسراء.. رحت نمت يمهن
فــــــي احد الأيام ..
فـــــي صباح لا يخلو عـن الاصوات والقتل والدماء ..
ڪان احدهم مـُصاب بسبب احد الأرهـاب ..
وقـد ڪان ولهــــان بدمـّاء الحب ..
ينظر إليها وهيَ ڪـ ملاڪ على عـّرشها ..
نائمة .. في احلام بعيـــدة وتفڪير بعيد ..
وهو يقـّف على بـُعد مسافة عنهـــا ..
ينظر إليها ويـُهمس ..: الجاذبية .. بعيونچ وبس ..
أبتعد عن الحـب و وقـ؏ فيه ...
ڪعدت الظهرية يعني ساعة 1 ظهر هجي
نزلت ايهم ماكو بس البنات
اسراء: ها حبيب تاكلين؟
: لا ما اشتهي بس ايهم؟ وينه؟
اسراء: والله كعدنا ومالكيناه يمكن طالع من الصبح
: هو شوكت نام حتى يطلع من الصبح.. رحت غسلت وغسلت شعري .. الجو حار حار وكهرباء ماكو شسالفة
نور: عمه هنادي عمو ايهم يكول من تكعد خلي تخلي كريم او معقم لركبتها
هنادي: ليش شبيها ركبتي؟ رحت للمرايه رگبتي جانت متجلخه مو هواي بس شويه رحت جبت المعقم خاف تصير جرثومه النوب خليت شويه حركتني وعفتها على الهوى بس منين متجلخه مادري..
نزلت يمهم وكعدت اسراء ايهم جايب تمن وكعدنا ننظفة ..
اسراء: اعتدو عليها واخذو سبيه وياهم
هنادي: منو؟
اسراء: بنت ام رافد لارا الصغيرة اخذوها سبيه واعتدو عليها اليوم
هنادي: لا اله الا الله.. فقدت الثقة حتى بنفسي اخاف على يوم اجرح نفسي بدون مانتبهه او اكون متعمده
اخاف احاول اسوي اشياء تأذيني بدون قصد
حتى ثقة بنفسي ماكو بعد ...
مــــر اسبوع كامل الاوضاع شويه هدوء وصار الوقت حتى نرجع كل واحد ولبيته وصار الوقت نودع ايهم ونتشكر منه
ماهر: ماقصرت ويانا اخوي.. انتبهت على البنات وسفرت الحجي لعائلته وعيشتنا و وكلتنا خيمة تاج راسي
ايهم: ماريد منكم غير العافية.. بيتكم ماتطلعون منه لحد ماتوصل الاخبار وكلشي تمام
ماهر: ان شاء الله... وانت اخوي وين تروح؟
ايهم: انا راح اسافر خارج العراق
ماهر: وين يخوي
ايهم: مادري بعدنا مامقررين بس اسافر عكب باجر ان شاء الله وبلكي تنحل..
وصلنا للباب ردت اطلع وصاحني
ايهم : انتبهي لنفسج وصيري حوك
هنادي: ان شاء الله وانت هم
درت وجهي داريد اطلع سمعته يحجي بصوت ناصي بس مسموع
: وجنت ادري يالعزيز
يجي يوم وتروح عني
شمحلاته لگياك
وشكد صعب فرگاك
انداريت عليه باوعتله مجتف ايده ويباوعلي..
طلعت ورحت وره ماهر ورجعنا لبيتنا
عباره عن تراب و وصخ ورطوبه وخنكه
اسراء: انظف وياج واروح لبيتي
هنادي: لا حبيبتي روحي ارتاحي
ماهر: خلييييييهاااا..
صفنا عليه حس على نفسه... خليها يعني خليها تنظف وياج نخلص بسرعه انا مابيه حيل يعني
وراح يغسل وحده تباوع للثانية
اسراء: هذا شبيه
هنادي: سمعتي؟
اسراء: يصرخ
هنادي: وعليج
اسراء: يريدني
وضحكنا سويه ...
........................
