رواية سواد الاثمد الفصل الثامن بقلم نورس
شدن :- دخيلتك فدار مالي غير الله وغيرك يردون يزوجون بنتي لواحد بكد ابوها
فز من حركتها ودنك بسرعة گومها وهي منهارة
تشهك وتحجي گوة ينفهم من كلامها كم كلمة
فدار :- شبلاج يطرگاعة ونزلت على راسي شجابجن بهساع من الليل منين طلعتن انتن
- مالي غيررررك والله معرفت وين اروح والمن أشكي
- بهداي يبا بهداي جري النفس
شاف حالتها جر كرسي خلاها تگعد ومشى جاب گلاص مي انطاها تشرب ويحجي وياها حتى يهدأها حالتي جانت مو احسن منها أرجف بخوف شهگة لازمة صدري
خلاها ترتاح شوي وكعد گبالها عالتخم شبير ومآب واگفين على جهة يستمعون ومستغربين الوضع
- كولي يأم النثاية اشنو طلابتج فدار ما عيخلص من طلايب العالم بالغربية لاحكتو لهين
- غصبًا عني اجيت مالي احد هنا غيرك أگدر أأمن بيه يردون ينطون بنتي فدار يردون يكتلوها بالحياة خلصني وخلصها الله يخليك
- ول ابويا غير أفهم السالفة اول تاشوف شگدر أتصرف
- راح أحجي بس اسمعني للأخير
- سولفي تاسمع
سولفتله الصار ويانا بآخر فترة بدون متجيبله ذكر للثار القديم اللي بينا وبين بيت شاكر والحادثة الصارتلي هذا الحجي هي تسولف ودموعها مسكتت جان متعاطف ويانا حيل من نظراته الها
حجت تتوسله :- ابووووس ايدك فدار رايدتها منك
- عش تبجين يولي مگضية بحيل الله امسحي دموعج انتِ وبنتج بحمايتي شحدو اليگربلجن تاتنكص ركبتو
- ماريد منك شي بس نورجان أمنلي عليها واني أدبر روحي
عقد حاجبه :- شلون يعني
- اخذها وياك منا لتبقيها يدرون بينا محد النا هنا غيرك راح يلگوها بسرعة ويجون ياخذوها أخذها وياك للأنبار
- وانتِ
باوعتلها ممستوعبة اللي گالته نزلت دموعي :- ماما ..
باوعتلي بقهر ورجعت اندارتله
- اخذها فدار ما لي غيرك أأمن بنتي عنده
- بنتج ذيج عش ما جبتيها
- حابسيها الچلاب مگدرت أطلعها مناك وابن عمها واگفلها حارس مگدرت أخلصها منه
- وتالي ترديلهم برجليج ؟
- اني أدبر روحي بس خلص نورجان أمانة الله عندك بنتي فدار والله تمووت عندهم بس ينطوها
حجتها وشهگت ضل يباوعلها گلها :- ابقي هين وانا اردلج بنتج ذيج
- مراح تكدرلهم راح يعندون ويلوون ذراعي بيها ميخلوني بعد اشوفها هي مريضة اصلًا متدري بالدنيا شبيها مبيها أول فرصة تصيرلي اجيبها واجي أخذهن واطلع بيهن منا لو اعرف يصير بيها موتي
- يولي انتِ فازعة عندي خليني انا اتصرف
صاحت معترضة :- لا لا ليييييش مدا تفهمني اكوووووله متكدرلهم ضباع ذوله ضباع الغدر والنذالة تمشي بدمهم مو بعيد اذا دروا بينا عندك طلقة براسك ويخلصون عليك
- وأخليج ترديلهم برجليج ؟
- اني أدبر روحي بس طمني وگولي راح أخذها
تحجي بسرعة خايفة ومتهسترة حالتها حالة
- اهدي شبلاج جري نفس
- نوررررجان أمنلي على نورجان ومرايدة شي بعد
3 ت
جانت منهارة گوة تحجي وخايفة من رده لا يرفض
باوعلها بحيرة هز راسه بيأس من محاولاته وياها حتى يقنعها تبقى هنا :- هذا هو دخلتي عندي ومو طبعي ارد دخيل روحي وأمني على بنتج
- أمانتي يمك نورجان سلمتك وحدة من عيوني لتعميها
16 ت
- أمانتج بالحفظ والصون لتشيلين همها حالها حال بناتي
تخبلت لزمت أيدها وأبجي معترضة
نورجان :- لا لااااا متعوووووفيني مو بكيفج ما ابقى اروووح وياج عليج الله اخذذذذيني لتبقيني هنا
لزمت وجهي تمسح بدموعي :- راجعتلج والله أجيب بان ونجي ناخذج أطلع بيجن لآخر الدنيا ونخلص من ضيم سالم وسجودة
- كله من وراج كتلج خلي نجيبها مقبلتي
- انتِ مشفتي محمد لو ماخذتها ويانا جان اعترض طريقنا وراح بلغهم يخرب علينا الاول والتالي
- ما ابقى لوحدي اروح وياج لتعوفيني ماما عليج الله
- لج نورجان استوعبي امي دا اگلج كلها كم يوم اجيبها ونجي ناخذج ونروح بعدين شنوو لوحدج هذا عمو فدار يمج مراح يعوفج احسبيه بمقام ابوج
- مجان لازم نجي لهنا
- استغفر الله يا الله وين اروح بيج لعد گوليلي
بجيت وكعدت بالگاع تچيت ظهري للحايط ولامة رجلي لصدري وشهگاتي بدت تعلى اجت يمي گعدت گدامي
شدن :- ادري صعبة والله بس شبيدي اسوي جبتها بكل طريقة وما اجت وياي عدلة
- تعبت كل يوم شردة كل يوم مهزومين بكل مرة دتنعاد نفس الاسطوانة وهم يلكونا ونرجع لنقطة الصفر
- حظنا يأمي حظنا هذا
باوعتلها :- يردون يزوجوني خلص هذا هو خليني اتزوج ونخلص من هذا كله
- براسسسج عقل انتِ كل عقلج اسلمج لتجار المخدرات ذول
- محمد هم مدمن وسجودة واليشتغلون عندها شغلهم كله بالممنوعات والسلاح شلون أمنتي بان يمهم ؟
- براسسسج عقل انتِ كل عقلج اسلمج لتجار المخدرات ذول
- راجعتلها يا بشرر مراح اعوفها اني يمها اثنينجن ما راح اگدر أحميجن عاد مأمنة على وحدة لتعرضيلي نورجان والله گلبي خلص من القهررر قصص ماي هوبس لزمت وجهي باستني وجرتني لحضنها تشمني همست بأذني :- راجعتلج والله
گامت انطته الجنطة بيها المستمسكات
فدار :- يولي متأكدة تكدرين تلاويهم لوحدج خاف يأذيجن انتِ وبنتج الأخرى وهاي من جهة خاشتها عندي ترى السالفة بيها عشاير وگطع ارگاب
- ادري ثگلت عليك بمشاكلي بس هالمرة والله بعد مراح تشوف وجهي بس انطيني كم يوم ألهيهم أگلهم خافت وشردت انهزمت تصخمت أدبر روحي وياهم شلون مجان لحد ما ربك يفرجها
5
- وهم عش رايدين نورجان بالذات جائز اذا ما وگعوا عليها يرحون يزوجون بان بمچانها شو هن نفس العمر
- لأ ميسووها بان حاجين بيها لأبن عمها
- المدمن الحجت عنو ما غيرو ؟
عضت شفايفها بقهر ودنگت راسها
- اعرف هسه دتكول شنو من أم هاي تريد تأمن على وحده ومضحية بالثانية بس شبيدي كووووولي بان مخايفة عليها بكد نورجان لو حاولوا يأذوها محمد راح يتخبل عليهم ميخلي احد يتقربلها
- شبلاج يبا هسع انا شحجيت وبجيتي هذا هو اللي يريحج وتشوفينو مناسب سوي انتِ أعرف ونورجان غمضي عينج وانتِ مرتاحة جانت وراح تبقى حالها حال بناتي ما أخلي الهوى يمرها لو اعرف اسويها كاتل ومكتول
- والله ما ادري شلون أجازيك على وگفاتك
- ماريد منج شي بس خلي عينج من نفسج وديري بالج على روحج وبنتج ولتضلين كاطعة خابري تاتأمنينا عليجن دحكي نورجان كتلت روحها من البجي
4 ت
جنت منتهية الشهگة احسها تطلع من كل گلبي واني اباوعلها :- انطري تايوصلج مآب لترحين وحدج بهالليل
- لا لا اخاف گعدوا وعرفوا بالصار بس يشوفونه وياي راح يعرفون بمكان نورجان ونرجع للبداية جني مسويت شي خليني اني ادبر روحي أشوفلي تكسي عالشارع
اجت حضنتني واثنينا نبجي وصتني على نفسي احس روحي فاصلة عن كلامها ولازمة بأيدها اريد انفض هالأفكار من راسي عود صدك تريد تعوفني ؟
شبير :- لتصعبيها عليها نورجان دحگيها گوة لازمة روحها ما بطرانة هي تاتعوفج هين وتروح
رجعت باوعت لگيتها طالعة لا هي ولا فدار تخبلت اريد اطلع الحگها وهو لازمني مانعني واني أنفض بجسمي كعدت قصص ماي هوبس بالگاع لميت رجليَّ لصدري ودنگت راسي منهارة
يعني هاي هي عافتني وراحت سوتها وخلتني يم الناس الغربة رفعت راسي شفته واگف مسافة مني يباوعلي
نظراته حيرة على استعطاف گمت انهديت بيه ضرب
- كله من وراك .. حقيييير .. انتَ مخليتني اطلع وراها
12 تعليق
لزم ايدي واني منهارة بهتت روحي وأحس تعبت
رخى ايده من شافني هدأت وعافني گعدت على ركبي
شبير :- عز الله انتِ صدك ثولة ما عتشوفيها تسوي المستحيل خاطر تأمن عليج الا شجابرها تتوسل باليسوى والميسوى كل هذا حتى تحميج
( 2 ) تع
- ما اگدر بدونها والله
- شبلاج نورجان جاهل انتِ صيري أوعى من هيج وكبري عقلج خلي تضحيتها بين عيونج كالتلج جم
يوم وترد تاخذج
- وإذا مأجت ؟
حك گصته :- ساعتها تضلين موغفة على گلوبنا لبالي سافرتوا وخلصت منج تالي جاية مگابلتني بالغربية وين أولي هسع وين أهج
13 ت
درت وجهي منه بيا حال هسه اني وهو يضحك عليَّ
گعد ركبة ونص مگابلني
- بداعة عيونج الشهل كافي سگطتيهن هالصفر يولي
مسحت دموعي والشهگة بعدها بصدري :- شبير أحس گلبي يوجعني
- سودة عليَّ بأخوتي التلاثة ولا بيج بخالي ولا بيج
- لا خطية
- كلهم واگعيلج والقرآن
بعده يحجي دخلوا فدار وراه ابنه
بسرعة طفر من يمي وگام طلع برة
اجه صار گبالي :- مو هيج يا بابا گوي گلبچ هن جم يوم متهجسين الا أمج جاية تاتردج لحضنها وهناك الأهل ميگصرون وياج حسبة بنتنا انتِ
سكتت نا أباوع بوجهه مستحية على خايفة
بقيت لوحدي بدون أهلي لا ماما ولا بان وياي
لزم وجهي ورفعه :- شو دحگي لج عش هالدموع يا أبوية بالقرآن الكريم ما أخلي النملة تصل گربج لساعة ما امج ترد وتاخذج انا هين مسؤول عنج
كلامه ونبرة الحنية اللي بصوته طمنتني شوي
بس غير أريد أسكت غصب عني دموعي تنزل
دار وجهه وهو يستغفر گال :- گومي بابا اصعدي للغرفة ناميلج شوي من نطلع اگعدج تانرد للغربية
مشيت للحمام غسلت وجهي ورحت بوجهي لغرفتنا القديمة اني وبان حبست روحي بيها مستحية منهم مددت عالچرباية واباوع لمكانها الفارغ لزمتني العبرة
كذب اذا گدرت أغمض بجيت لحد ما مليت وعيوني احسها نشفت الوكت متأخر الليلة حسيتها شطولها
باوعت للساعة بعدها بـتلاثة گمت نزلت جوة مالهم صوت يمكن ناموا الأضوية مطفية طلعت للحديقة
كعدت بالمرجوحة وعيني بالسما اباوع للنجوم انفتح الباب وفاتوا شبير ومآب شافوني اجوا بأتجاهي
شبير :- شو گاعدة هين عش ما نمتي
- مجايني نوم
- عجل راسج براسنا
حجاها وگعد عالثيل ماد رجله وثانيها
انتبهت لمآب صافن بوجهي تنهد تنهيدة طويلة
مآب ضل صافن بوجهي آخر شي هز ايده وگعد بصف شبير وگام يستفسر أكثر على موضوع بان من شوكت وليش وشلون وشوداها للحبوب ..
حسيت روحي بتحقيق متربعة عالمرجوحة وهم گاعدين بالگاع گبالي ويسألون يسحبون مني كلام
مآب :- اذا واصلة لهيج مرحلة شلون أمج تأمن عليها هناك فوكاها يزوجوها لذاك السگط هاي تفرقة ترى خايفة عليج ومضحية بيها
17 تعليق
- هي تحبه ورايدته محد جابرها عالزواج من محمد
- تحبه ؟
هزيت راسي بـ اي سكت شوي
خلى وگام طلع من البيت ضايج
عقدت حاجبي :- مو هياتك دتدخن ڤيب ؟
- هاي ؟ لا وين مال مآب كلت أجربها تاشوفها مؤذية لو لا خاطر انزل بيها فتوى تعرفين انا شيخ
21 تعليق
- دوم اشوفك تشرب جگاير وحتى كم مرة خليتني اشرب وياك
- خافي ربج تتبلين عليَّ شوكت انا معطيج تدخنين
- والله كم مرة خليتني ادخن وياك
- بالحرام إذا مسويها
باوع لباب الشارع وباوعلي مدلي الڤيب :- تردين ؟
22 تعليق
هزيت اسي اي مدري ليش صارت بنفسي ريحتها تخبل
- عجل والجگاير هم جانت تلعب نفسج ؟
- مو توك گتلي ما ادخن
- لا يربك افترت انا أعلمج جيبيها شو
3 ت
شو هذا نفس بوجهي شفته ام جريت نفس بسرعة منها وهو لازمها يريد يسحبها مني اختنگت جرها اخذها
متت كمت اگح احس عيوني نطت صا يدك على ظهري لحد ما ارتاحيت شوي وجريت نفس طلعت روحي
باوعتله :- تخنك شلون تشربها
سحب نفس منها ونفخ الدخان بوجهي گال :- تاطفي نار گلبي بيها
هفيت الدخان بيدي
كمت دا امشي كفخني براسي من ورة درتله عافسة وجهي :- شبيك شُبيرررر
- خرا بشبير هم صفرة وهم ثولة ذوقي صاير مدري شلونو امش يولي من كدامي لا أجرم بيج
خليت ودخلت للبيت هذا اللاخ هم مدري شبيه اريدلي واحد من ضباط فدار أفهمه ماكو ..
كعدت الصبح على صوت الباب يدك كمت من الفراش گوة فاتحة عيوني واسمع صوت عمو فدار يصيحلي
نورجان :- گاعدة عمو
استعجلني حتى اگوم رحت غسلت ولميت شعري نزلتلهم جانوا مآب وابوه بزيهم العسكري گاعدين بالصالة يتناقشون بينهم ..
فدار :- صباح النور يلا بابا اكليلج لگمة بسرعة تانطلع تأخرنا هم يلا نلحك نوصل
- ما اشتهي عمو
- ماكو هيج حجي ورانا طريق ومنوگف على مطعم ترحين توگعين علينا
جانت نبرته حادة خفت منه وهرولت للمطبخ بدون صوت لگيت شبير واگف عالطباخ رحتله وگفت يمه
- شدتسوي ؟
شبير :- دحكي يولي تاطبخلج ادري شبير لو سبع صنايع هم ضابط وهم شيخ انصح بالعالم وهسه شيف شصير بعد
33 تعليق
- امممم شدتطبخ
- أسويلج بيض بس ها وينج مو تتعودين
- اممم
حجاها وعاف من ايده وهو يستغفر مشى للسنك
فتح الحنفية غسل وجهه واني أراقب حركاته
باوعلي :- لتدحگين هيج روحي اطلعي للصالة
- شسويت ؟
- بمزاجي ماريدج تگفين هين
استهضمت شبيه هيج صار جاف فجأة وانگلب عليَّ
دا أمشي اريد اطلع شو هذا طفر طفرة للطباخ
باوعت الطاوة مدخنة شالها بسرعة وللسنك
تخصر واندارلي :- دحگي نورجان هاي البيضة احترگت وخرب ريوگنا وباقي بس صمونة وحدة راح اسوي لفة جبن ونتگاسمها بالنص انا وياج حك الشگة
اجى بسرعة عالكاونتر طلع ريوگات سوالي لفة جبن وانطاني :- اكلي يولي اكلي لا خالي يجي يجلف المواعين بينا بدال السيم و الجلافة
اخذتها منه صب استكانين چاي وجكارته بين شفايفه وگعدنا اثنينا ناكل كمل قبلي شرب آخر سفته بالإستكان
گام كال :- يلا
- دا اكل
- تگرضين باللفة شنو فارة فضينا يولي گومي انتِ ولفتج اخذيها كمليها بالسيارة
- لا شبعت
حجيتها وخليت الباقي عالكاونتر كمت غسلت وطلعنا من البيت فدار كاعد ليگدام يمه بالصدر مآب يسوق
اني لازگة روحي بالجامة واباوع للشارع يمي شبير
كل شوي اندارله الگاه يباوعلي ويرجع يدير وجهه
8 تعليق
وگفت السيارة گبال المركز ونزلوا عمو فدار ومآب
- وين راحوا
- هسع يجوون
حجاها وهو مدنك على موبايله ملتهي يراسل
لا ساعة ولا ساعتين بعيوني النوم منايمة زين
كل شوي اغفي ويفززني صوت ضحكة شبير
عدلت گعدتي متضايقة شبيه هذا هيج يضحك ويامن يحجي صار ساعة لازم التليفون زفرت نفس قوي ودرت وجهي للجامة مچتفة ايدي لصدري وأنافخ
درتله بسرعة :- يجيبولكم كيك للمركز ؟
- باع هاي حتى عيد ميلاد يسوولنا ونكعد نحتفل احنا والمساجين
17 ت
- الله خرب شگد حلو
عض شفته :- صدگت الثولة صدگت
وين يلا اجوا صعدوا السيارة اندار عمو فدار علينا
فدار :- خما تأخرنا ؟
شبير :- لا وين طلقة ولا حسينا بالوكت
- عبالي
مشت السيارة الطريق كله الولد يتناوبون بالسياقة كل شوي اختنك واريد ابجي يصيح بيَّ عمو فدار يسكتني
وگفنا يم أسواق نزل شبير شوي ورجع خلة بحضني علاگة
هم يحجون واني صافنة بالطريق الدمعة بعيني
مخنوگة حيل محسيت على نفسي شوكت نمت
گعدت على صوت عمو فدار
يحجي اتصال رابطه عالسيارة
فدار :- حي الله ابو علي
- حيهم خالي
- شلونك يالسند
- بخير دامك تشم الهوى
- جايكم انا والولد عالسريع مال رمادي
- هلا بيك من ممشاك لملگاك
- خطاري وياي
- انتَ وخطارك تتخلون عالراس
- غدانا ابيتكم ابو علي
تسالموا ونهى المكالمة وياه بس انطاه خبر ان احنا جايين جانت دنيا الظهر الشمس ضاربة بوجهي مگدرت أنام بعد أحس جسمي متكسر من وضعية السيارة
ورى ساعتين ..
دخلنا بشارع بيه بساتين كبيرة والمكان كله خضار المنظر يفتح النفس فتحت الجامة الهوى يلاعب وجهي
بعدها تخطينا الزرع والخضار ودخلنا بشارع كبير
اباوع بيوت كبار واحد بصف اللاخ على طول الشارع
جانوا دزاين خليجي وكل بيت نعبره يگول اني أحلى
وگفت السيارة گبال بوابة جبيرة واكفين گبالها زلم بدشاديش وغتر وأسلحتهم على متونهم .. جنت مستغربة الوضع وخايفة اول مرة اشوف هيج
انفتح باب السيارة مد راسه :- هاج فحلة البسيها وانزلي
حجاها ومدلي غترة بيده
- شلون البسها يعني مثلهم ؟
- اي وفد مرة أجيبلج حزام وسلاح من الولد حطيه على متنج
20 تعليق
- صدك بس خاف ميقبلون الا ألبس دشداشة
- هسع أجيبلج من العندي صدك جذب
- گول والله ؟
عض ايده بحرگة وهو يباوعلي
أشرلي :- شو گربي جاي
اخذها وگعد يلفها على راسي :- اختنگت شُبير
وگفنا يم عمو فدار اللي واگف ملتهي يسولف وياهم
انفتح الباب طلع واحد ضخم لابس دشداشة سودة اگرع عنده شعر خفيف الشوارب تهف تكول شوارب فدار لاف مسبحة على جف ايده ضحك وهو يتقدم بخطواته بأتجاهنا صاح
تيم الله :- ول يابا حي الله الخال
211
فدار :- حي ابن اختو
حجاها وفتحله ايده حظنه ورحب بيه بحرارة باسه عمو فدار بچتفه ورجع ذاك الاگرع باس راس فدار
ووگف يحجي وياه ممنتبهلي صايرة بظهر شبير
لزمته من ورة وهمست :- شُبيرررررر
دار وجهه :- ها يولي
- معت حارة
شبير :- لتدحكلي هيج من يمتى انا اجيبلك نسوان للبيت هاي سوالف خالي مو أخلاقي
- لا مشهودتلك انتَ أخلاقك تنزعها بس بـ بغداد
- تربيتك غير
- تربية سگط
- ميخالف تمون تبقى اخوي الچبير
- انكتم شبير
- لأن يتيم وفقير سايگين عليَّ
فدار :- اذا خلصت تهتر اخذ البت دخلها جوة لشيخة
حجاها واندار للرجال :- يمي ابو علي انا افهمك سالفتها
اخذه وراحوا يتمشون بعيد عن البوابة
أشرلي شبير گدامه حتى امشي ضايج
مشينا دخلنا جوة سألته بفضول
- هذا الاگرع اخوك ؟
- لا متبري منو
- يا ليش
- خيولي واحد أبو نسوان وعينو زايغة معيتوب
- عزة بس عيونه تخلس
- ليغرج هو بس جدام الحريم هيج عود شوفوني انا شخصية واخوف ما شفتيني ما حاجيتو شي ماخذو على گد عقلو ماريد أكبر راسو
عيوني تتنقل بالمكان حديقة كبيرة على جهة بيها كعدة خارجية وگراج طويل بالجهة اللخ صافة بيه سياراتهم
- اگولك شُبير
باوعلي :- گولي يالفحلة
- اني أنثى رجاءً
عض شفته مبتسم :- گولي تاسمعج
- هذا خيركم كله معندك تشتري قميص قياس اكبر من اللابسه
- لا منيلي ما عيعطوني فلوس مو كتلج عايش عالصدقات اليزتها خالي دحكي حتى هذا قميص مآب صغر عليه وعطونياه
66 تعليق
- عزة شبيهم وياك
- لأن يتيم وما عندي أهل
وصلنا لباب داخلي فتحه وأشرلي افوت گدامه دخلنا لصالة كبيرة واگفة مرة لابسة هاشمي أسود بذهبي
شيخة :- من عين الدار ومن عين الجار ومن عين كل لافي خطار من عين طويلة رماحية ومن عين گصيرة دحداحية ومن عين بت البيت المخفية من عين ازرك من عين افرك ومن عين الما صلت على محمد وآل محمد
78 تعليق
فات شبير وصاح :- طفت طفت طفت طفت
اندارت علينا شافتنا لازمة گلبها مفزوعة
- فضايل قل هو الله أحد شجابك انتَ مو مولي غاد لبغداد
اندارلي :- دحكي مو كتلج أهلي يحبوني
راح سلم عليها باس راسها وهي عيونها جانت عليَّ
- ولك شبير منين هالحديثة
- أمانة جماعة مأمنيني عليها
- يا دحك البخت وانتَ ما يأمنون عندك بس الحريم خافن ولك متزوج من ورانا لو عاملك فاينة وكربسوها براسك وجايب البت لهين
- مع الأسف والله ما مرجية منج دحكيها هي هاي شكول واحد يتزوجها عيون صفر شعر أصفر عز الله ماعون كاسترد مو بنية
- انا هم استغربت دحكها جنها فلكة گمر وانتَ جنك ثور يزاكط من اليقبل يعطيك هيج جمارة .. تعاي عمة ادحك هالوجه عش تستحين
54 تعليق
مشيت مترددة مستحية منها لزمت فكي تباوع لوجهي
شيخة :- اللهم صلَّ عالنبي عين الله يمة عين الله شسمج حبيبتي
- نورجان
- منين انتِ من يا ديرة
- من بغداد
- ذاك هو ويَّ أبو علي هسع يجون وراي
صدك ديحجون وفاتوا للصالة عمو فدار ومآب سلموا عالمرة خلصوها خوية وخوية سألته عني باوعلي وتنهد
فدار :- دخيلة شيخة دخيلة
شهكت ولطمت على صدرها :- يا يمة عش داخلة عندك هالجاهل
- امها أمنتها عندي من عمامها
- بسترج يالزهرة هيج الدنيا صايرة ما عتتأمن خاشين البت من أهلها شرايدين منها
- تايريدون يزوجوها إجباري والوضعية عندهم مخربطة فد مرة بس تاتگضي امها شغلتها وترد تاخذها من هين
- شوف شووف الچلاب
- ول حشى الچلاب حرام يتشبهون بيهم ذول
- والله عتخوفوني سالفتكم چبيرة ومو هوينة
- تگضي بحيل الله
اندار لشبير ومآب :- بوجهكم ولدي للديوان برة ويَّ تيم اتلگوا الأزلام شوي وأجي وراكم
طلعوا ورجع يحجي للمرة
- وانتِ شيخة واليرحم أهلج مو وكت تحقيقج اخذي البت حطيلها زاد تا تتغدة تعبانين جايين من طريج طويل وتيم يوصيج تخليها بغرفة درة عتريح شواي بعديها عن العين والتسألج گوليلها گرابتنا من بعيد
- بعيني لا توصي خوية
- وخليها تاكل وتنام تراها عنودية وام دميعة
- شحدها
حجتها ولزمتني من روة :- توكل خوية لخطاركم والبنية بعيني بس الي گعدة كويلة وياكم تافهم
السالفة من اول هاي مال عالواگف ما أحسبها
- حگج والله نكف العزيمة والي گعدة وياج انتِ وابو علي
اخذتني المرة من ايدي ودخلتني جوة لبيتهم عدينا من المطبخ باوعت بنات يسولفن ويضحكن وبيهن الشافتني واجت تسأل المرة عليَّ بفضول وهي تردهن بحزم
رفعت راسها شافتنا ابتسمت :- هلو عمة
حجتها وعيونها تباوعلي مستغربة
- هلا يعمة دحگي ولج در جبتلج ونيسة وياج بالغرفة
در :- هلا بيها ..
حجتها وحركت كرسيها صارت گبالنا أشرتلي أكعد
حجت وياي البنية مرديت أحس لساني انربط
باوعت للمرة وتنهدت :- بعدين تفهمين سالفتها هاي أمانة الخال عينج عليها بغيابي رايحة أكمل شغلي
اشوف البنوات شعملن شوي ويزهب الغدة جوعانة عمة ؟
- لا حبيبتي براحتكم شوكت عادي متكملون بس شوفي البنية
شيخة :- يا صلاة محمد من سمعنا حسج شبلاج يعمة لتستحين البيت بيتج وهاي درة حدرج حسبة اختج وانا امج شتحتاجين بس گولي ما يردج الا لسانج
اكتفيت بأن اهز راسي خلت وطلعت باوعت للغرفة بناتية ألوانها هادئة شفتها تباوعلي تشجعت صرت گدامها مديت ايدي مبتسمة
- اني نورجان
- واني دُر الزهراء
تعرفت عليها بنية كُلش هادئة وحبابة أصغر مني عمرها ١٤ سنة ملامحها ناعمة بس صاحبة عيون واسعة تصفن
ضحكت :- عش تباوعيلي هيج
- عندج Baby Face وصوتج ناعم گزگزت عليج
14 تعليق
انطتني ملابس منها ودلتني عالحمام أخذت شاور ذبيت بيه كل تعبي مال طريق وطلعت شوي مصحصحة ..
خلصت الوكت وياها بالغرفة حجيتلها عني وگعدت أستفسر منها عن قرابتهم بعمو فدار وصدمتي من طلع شبير عمها شوفتني صورة هي ورجال مدنك بايس ايدها
شهگت :- يمة هذا الاگرع العيونه تخلس شيصير منج
7 ت
در :- يا عش هيج تحجين على بابا والله ماكو بحنية گلبو
- ابوج ؟
- اي دحگي هاي الصورة ..
حجتها ومدتلي صورة ثانية واگفين هي وياه وياهم شاب صغير بالصورة :- هذا منو الوياكم ؟
- هذا علي خيبر اخوي الأكبر مني
54 تعليق
عقدت حواجبي :- شسمه ؟
ضحكت :- حقج تستغربين هو كل من سمع اسمو يصفن
- لويش أسمائكم كلها مركبة ؟
- ذوق بابا هذا
- لويش أسمائكم كلها مركبة ؟
- شنو معناهم
- علي خيبر بابا اختارلو هالأسم المركب تيمنًا بأسم الأمام علي عليه السلام وموقفو البطولي بغزوة خيبر واني در الزهراء على اسم فاطمة الزهراء بنت الرسول صلى الله عليه وآله
4 تعليق
- انتوا شيعة ؟
ضحكت :- لا يولي منين احنا سنة أب عن جد بس تدحگين نحجي هواي بسيرة أهل البيت ماخذين من طبع أبوي وأبوي ماخذ هالعادة من أمو
- هذول بالذات متعرفينهم لا هم من هاي الصفحة ولا هم من ذول برمضان سحورهم ويَّ الشيعة وفطورهم ويَّ السنة يصلون على تربة ومجتفين اديهم شلون مرهميها ما اعرف
انفتح الباب وفاتت عمتهم خلت صينية على طبلة صغيرة متوسطة الغرفة :- يلا عمة سمن واكلن
كمت اني حركت كرسي درة وجبت كرسي كعدت مقابيلها وكمنا ناكل أكلت هواي على واهسها والسوالف لحد مشبعنا گمت غسلت حمامها خاص بغرفتها
باوعتلها تدور بعيونها محتارة :- تردين اساعدج ؟
در :- ماريد ازاحمج شوفي عمة شيخة هي عتجي تعيني اگوم
مهتميت لكلامها واخذتها لباب الحمام كالت :- بس اسنديني واني امشي
- تگدرين ؟
- اي
جانت هادئة وراقية بشكل گصيبتها شطولها تسحل وراها صاحبة عيون مسحوبة مثل ابوها عرفتني على كل العائلة بالأسماء بس مشفت ولا واحد منهم بالوجه
بيتهم هادئ ماكو هوسة بعكس اللي شفته اول مدخلت لو لأن غرفتها هيج معزولة بالأخير مدا اسمع اصواتهم
لليل يلا انفتح الباب وفاتت شيخة تضحك وتسولف
وراها واحد واگف بالباب شافتنا گاعدات صاحتله
شيخة :- فوت يمة گاعدات البنوات
حمحم وفات للغرفة :- الله بالخير يابا
اعدلت گعدتي وصارت عينه على درة ابتسملها
اجه بأتجاها دنك لمستواها باس ايدها وراسها
تيم الله :- شلونها درة بيتي
درة :- بخير بشوفتك حبيبي
- يندارلج فدوة اكلتي بابا اخذتي علاجج ؟
- اي الحمدلله
- عش ما طلعتي من الغرفة اليوم كلما افوت البيت ما ادحگج بين بنواتنا
- مرتاحة هين اكثر ونورجان سدت عليَّ الوحشة متونسة وياها
باوعلي وابتسم :- نورجان عجل
دنگت مستحية جنت لامة روحي ومحصورة نهاية الجرباية متوترة منه ما ادري خايفة هو حس عليَّ
- شبلاج يابا ترانا ما ناكل بشر گربي لشوف عندي
- دحك الصفرة مستحية ما عرفتج يولي شوضعج
- هلو شُبير
فدار :- شلونج عمو ان شاء الله مرتاحة خما احد مضايگج هين
شيخة :- يا خوية ما مرجية منك شحدو اليضايگها وانا هين شايلتها بعيوني
- ما منج گصور شيخة بعد مينسأل گفاج
بعدهم ديحجون وفات شاب وگف بالباب شافنا رفع ايده گال :- السلام عليكم
ردوا السلام واباوع لشكله شعره مخربط صفحة من خده صايره حمرة مبين مضروب ملابسه مشگگة
تيم :- شحالك انتَ وين جنت مفين
رفع ايده صاح :- گبل ما عتبلش تزت محاضرات وخطب دحك بالقرآن باجر عكبة وين ما اگضبو لابن منذر اطرو طر وعلي وخلي ابوه تايجي يشكيلك مني عود
32 تعليق
شبير :- يول هذا حالك وتنفخ جنك ألف دينار
فات وگعد بالگاع ضايج انتجى عالحايط
تيم :- وانتَ ما عتجوز منو تتگاون وياه
علي خيبر :- هو تعرضلنا انا ويمان لاملو جم حرمة وجايين هم وقاماتهم شفتهم هواي ردت احلها وياهم بهدوء ونطلع منها بس هذا ابن اختك يمان ما عيسكت
- تالي ؟
- تالي من فضت گضبت يمان صفگتو لأن هو شعلها وتگاونا ورديت هين وهو ولى لبيتهم
- والله يبا ما عملت شي هم عالوا بينا وانتَ كتلي اي واحد يقلل من إحترامك انزعلو أخلاقك وانا سمعت وطبقت حتى ملابسي نزعتها واجيتك
48 تعليق
- لا والنعم
- تربيتك
شبير :- والله لو انا موجود خرب انه
علي :- شعتسوي يعني
- اكعد اصوركم
35 تعليق
فدار :- دستلم عود هذا الچبير
- يول مآب احنا مو جنا لافين للولد شجابنا هين
تيم :- اسمعوا يول هالحجي ما عاد اعيدو الحجي الكم بالذات دامكم انجمعتوا هالجمعة وانتِ يبا نورجان بالج وياي الحجي يخصج ..
بلعت ريگي من شفت الانظار كلها صارت عليَّ
عيوني صارت على شبير عاقد حاجبه مستغرب
ويباوع لأخوه ومآب يباوعلي ويتنهد ويرجع يدنك
خفت من الوضع وأحس ممرتاحة دنگت راسي افرك بأصابعي لحد ما استوقفني كلامه وهو يكول
تيم الله :- دحگي بنتي بيتي عمرو ما سد بابو بوجه خطار لو دخيل طلب مني الأمان وخاصة اذا جانت حرمة انا وأهل بيتي نطلع وانتِ التترأسين صدر البيت
انا العندي هين بالبيت كلها شباب وخطاري فايت طالع وانتِ تگومين تگعدين تبقين بنية غريبة ومحرم علينا وانا لأن اشوف بيج در بنتي ما عقبل تجيج حجاية
رفع راسه فاتح عيونه وفز گام وگف معترض
شبير :- لا حدكم لهين ترى امها أمنتها عدنا خاطر لا تتزوج تجون انتوا تزوجوها بكيفكم وين صايرة هاي
16 تعليق
- وانا شدراني امها يمتى ترد يوم يومين شهر سنة تضل البت سايبة هيج فايتين طالعين تدحگوها ما أقبلها
- عش ما تأمن بأخوتك ؟
- الصدك غير ؟ لا والله ما أأمن مو لأن انتوا مو خوش أوادم لو نواقيص بس الشيطان ما مات بعدين هو عقد مومن مو زواج كامل بس نسد بيه حلوك العالم عنا وعن البنية وهي تبقى حالها حال در بالبيت
- واذا گتلكم انا ما راضي
فدار :- مو بكيفك ما عناخذ برأيك احنا هسع خابرت مؤتمن تايجيب المومن وتعقدون
صاح :- خالي صدك تحجي ويييين صايييرة هاي تاتخلوني أعقد على البنية بالگوة
- لتصيح شبيررررررر لا احسسسسب الله ما خلقك گنالك عقد شكلي بس تصير بذمتك ما راح اتمم زواجك منها
خلى وطلع ضايج من الغرفة ورگع الباب حيل وراه أشر عمو فدار لمآب يگوم وراه راحله جانت الغصة بصدري دموعي بطرف عيني بس واحد يسويلي بز ابجي
تيم :- بابا نورجان
باوعتله ونزلت دموعي غصب عني گام من مكانه
ضايج :- ول عش تبجين والله وداعة بنتي ومعزتها بگلبي بس زواج شكلي تاتصيرين حلالو وتگعدين حالج حال در بالبيت هذول عمامها وهم اخوتج زين هيج ؟
فركت ايدي بحيرة :- وماما شلون
فدار :- امج تاتصل عليها من الصبح ولهساع ما عترد والسالفة مو مال تأجيل وهاي چلمة مني ومن هالشارب يمتى ما ترد امج تاخذج اخلي يرمي يمين الطلاك عليج
- بس هو مقابل
- شحدو يفتح حلگو ويعترض يعرف شمنتظرو هسع اهم شي انتِ راضية ما نريد ندخل بخطيتج
- ها ما أدري
حجيتها ودنگت ما اعرف شحجي وشنو أرد
شيخة :- اقبلي عمة اقبلي وانا حدرج حسبة امج لا تحتارين هذا بس اسمو زواج تايسدون بيه حلك الناس عنج منريد باجر عگبة تطلع حچوة مو زينة عليج
8 تعليق
باوعتلهم بحيرة :- ما ادري بكيفكم
فدار :- هذا الحجي اللي يريح الگلب گووم علي دحگلي عمك مؤتمن وين صار هو والمومن وبدربك شوفلي عمك شبير وگلوا الخال طالبك
علي :- تأمر يالچبير بس انطرني تابدل ملابسي
خلى وگام طلع باوعت لگيت در مگابلتني عيونها مغورگة
فدار :- شبلاج يولي هي ام الآنة گوة سكتناها انتِ عش تبجين
نزلت دموعها عبالك گلها ابجي تيم گابل بنته
بالگاع ويبوس بيدها يريدها تسكت ويحاجيها
شيخة :- يا خوية حگها دحك البنت هضموها الچلاب هالميخافون الله عساهم يتسيبون بهالليل وتطلع بيهم حوبة هاليتيمة ما تتعداهم اي والله عبن الحوبة تبطي وما تخطي وتسحك وتلحك وتاخذ ثلثين من الحك
تيم الله :- هم والله يتجازون يمة ما علينا
- اي والله حسبي الله عليهم وعلى كل ظالم يهضملو يتيم لا حول ولا قوة
فات شبير وجهه محتقن وراه مآب يضحك عليه
فدار :- ها يول عش تيبس راس ويَّ الأكبر منك
- انچب لتجيب طاري حرمتي
- ايباه حرمتو هو عاد گعدات الـكيف تشهد عليك بالشقة
- سرفايفل يالخزي
24 تعليق
حجاها وهو صاك على سنونه ويأشرله على ابوه وتيم اللي ملتهين يسولفون بالهم مو وياهم وهم يتهامسون
جنت ساكنة بطريقة غريبة ولا عبالك قبل شوي جنت ابجي وعيني عليه أباوعله مركزة بكل تفصيله بيه
واگف يسولف هو ومآب ويتنادسون بينهم يضحكون
عبالك اللي دا امر بيه حلم وهسه راح اكعد منه بس صحاني صوت المومن وهو يكول :- زواج مبارك وجمع بينكما بالخير والعافية
9 تع
صوت زلم يتباركون كاعدة ورة الباب واگفة يمي عمة شيخة هلهلت وعلى جهة در تباوعلي وتبتسم جانت متأثرة حيل ومتعاطفة وياي بشكل كبير
انفتح الباب وفات هو يضحك يسولف ويَّ مآب اجت عينه عليَّ اختفت ضحكته من شافني عيوني مغوركة هنا يلا استوعبت اني صرت على ذمة شبير
54 تعليق
... 《 شهربان 》 ...
فتحت عيوني ايد تتحرك على خدي الرؤية مواضحة باوعت زين ركزت بوجها گامت صاحت بصوتها الخشن
سجودة :- هاي رايحة منتهية شنو نوع الحبوب التنطي الها
جانت تحجي ويَّ محمد اللي واگف على مسافة ويباوعلي :- مهدئات
- شنو الگدامك زوج شكلها مال وحدة جسمها متشبع إدمان
- صار سنة ونص تبلع بيهم طبعًا توصل لهالمرحلة
- شمسوي بيها لاعب بيها لعب وتصيح اريد اتزوجها باجر عگبة جهالك شيطلعون
- لتدخلين شي بشي موضوع زواجي منها حسمناه شرطتي عليَّ شرط ونفذته هسه صار دورج توفين بكلامج
- هذا قبل ما عبالي موصلها لهيج مرحلة
ضرب الباب حيل وصاح :- همممممم عرضت اريييييدها بان ارريدها تزوجوها الي لو احرك البييييت عليكم
اغمض وافتح عيوني بصعوبة رجعت دنگت عليَّ لزمتني من شعري رفعت وجهي مقابيل وجها
- اختج وين بان ؟
جنت فاصلة كلمة افهمها منها وكلمة لا احسها تحجي بطيء حيل لحد مصاحت :- احجي امج وين ضامة نوووووورجان
وي حجايتها استفرغت عليها خارج عن إراداتي ضربتني راشدي وكعت بالكاع اجه راسي عالكاشي
واني منا مسطورة غمضت عيوني مغمي عليَّ
فتحت نايمة بغرفة محمد گمت من الفراش وخرت الغطة ملابسي متغيرات راسي يوجعني حيل
اول مگمت اختل توازني رجعت گعدت بمكاني لازمة راسي
انفتح الباب فات محمد :- گعدتي يعيوني
باوعتله :- شديصير محمد
- شنو
- ماما ونورجان وين سجودة جانت دتسأل على نورجان اختي بيها شي
اجه گعد گبالي لازم ايدي
- بس اهدأي لتنفعلين
- استغفر الله انتَ بحجيك هذا تفورني لتگولي اهدأي احجي نورجان بيها شي ليش سجودة جانت دتسأل عنها
- راح احجيلج بس لتصيحين
كام وكف مرر ايده بين شعره وحجه متردد :- امج البارحة بالليل اخذت نورجان وانهزمت منا
ضليت صافنة ممستوعبة اللي گاله
- شنو انهزمت وين راحت دا تشاقة مو
- الصبح كعدنا ما لكيناهن لا هن ولا مستمسكاتهن
3 تعليق
تخبلت وأهز راسي ممصدگة :- لا متعوفني هي وعدتني تاخذني وياها كتلها راح اصيييير زينة متعووفني محمد شدتكول انتَ ماما ارييييد ماما
10 تعليق
- امج خربت الاول والتالي بان جان عقدها هي وابوي الخميس ومجهزين كلشي بس هي الجابتها لنفسها سجودة وزلمها كلها منتفضة يدورون عليهن
هو يحجي واني احس فقدت أعصابي بالزايد
تخبلت گمت افتح بالباب اريد اطلع مينفتح قافله
- اففففففتح الباب اررررريد اروحلهن هسه الكاهن منتظررررراتني محمد خليني ارووووح عليك الله اكوووووله هي انطتني كلمة وكالت اخذذذذذج والله كالت اخذج
وكعت بالگاع رجليَّ بادوا لوحدهم النفس صرت گوة اجره واشهك حيل احس الشهگة تطلع مني تشك صدري
نزل بمستواي ولازمني يحجي وياي بس اني فاصلة ما اسمع شيگول كام راح للكنتور واجه بيده ابرة يريد يضربني
2 تعليق
دفعت ايده عني وصحت بهستيريا
- وخرررررر اگوله منتظرتني ارييييد اروحلها ماما متعوفني اعرفها والله حتى لو تزعل مني متعوفني
جرني غصبًا عليَّ واني وسط انهياري وهذياني قيد حركتي بحضنه وضربني الأبرة شوي وبدت تاخذ مفعولها وعيوني كامت تثگل واعصابي ترخى
ايده يمررها بشعري راسي على صدره وأهذي :- حباب خليني اروح لماما
فتحت عيوني نفس المكان معلگيلي مغذي شلعت الكانيولا وگمت راسي الوجع اللي بيه مينحمل
محمد :- گعدتي حبيبتي
7 تعليق
رفعت راسي لگيته گبالي عالكرسي
بيده تليفونه ويباوعلي مبتسم
- اني ليش هنا
- يمي غير ادير بالي عليج
4 تعليق
- صار شگد من نايمة
كام من مكانه وكعد گبالي :- جوعانة حبيبتي ؟
فركت راسي :- راسي حيطك
- تمام اهدأي هسه تاكلين وانطيج حباية
گمت منتفضة :- مارييييد صخام عوفني اريد اطلع منا
ضل ساكت وگاعد بمكانه مشيت للباب اتطوطح
اروح يمنى ويسرى جريت اليده مينفتح درتله
- افتحلي الباب
رجعت مشيت وكفت گباله :- دا احاجيييييك افتحلي الباب
- ماكو طلعة
- شنوووووو ماكو طلعة لتخبلني شنو حابسني هنا ارييييد اشوف ماما گتلك وخررر
- لتصيرين غبية امج راحت ولت مالج احد بعد غيري
نزلت دموعي :- لا والله متعوفني
- سوتها وعافتج
- لتگوووووول هيج يربي لتگوووول طلعننننني منا يلا
صرت اصرخ بهستيريا من كلامه
واضرب برجلي عالگاع اجه لزمني
- اششششش كافي هسه اطلعج
من شافني سكنت وكعدت بالكاع لازمة راسي راح للكنتور فتحه صحت :- لتجيبلي اكلان التبببببن هذا طلعننننني منا ماررررررريد انام
ولا اهتم لكلامي جاب الابرة واجاني كمت مبتعدة عنه
- تعاي بان
- مو بكيفك متجبرني
دا اشرد مكدرت احس جسمي كله متخدر وما بيه كل طاقة بسرعة لزمني بيده خلاني بحضنه ورفع ردان التيشيرت نزلت دموعي
شهربان :- ليش دتسوي هيج كتلك ماريد
- لمصلحتج انتِ حتى ليأذونج
- منو يأذيني
- سجودة
2 تعليق
ضربني الابرة رجعني عالجرباية
ايده توخر خصلات شعري عن وجهي
همست :- محمد
- كولي يروحي
- ليش كلهم عافوني
حجيتها وطلعت شهگة من صدري غصب عني
- لتكولين هيج واني وين رحت لو العالم كله يعوفج اني باقي وياج ميهمني اللي يكولوه وشيردون يسوون
53 تعليقًا مع تفاعُلات
ما اتذكر شوكت نمت وتكررت الحالة مرتين وتلاثة بشكل يومي اكعد ما ادري بالدنيا ليل لو نهار اضل اصرخ وابجي اريده يطلعني لحد ما انتهي ينطيني الابرة وانام
گاعدة عالجرباية اباوع للسگف محد بالغرفة غيري
تجيني أفكار هواي لراسي وترجع عيون بابا تعرض گدامي واتراجع عن هالخطوة المالية راسي ..
انفتح الباب وفات للغرفة شافني ابتسم :- مساء الخير
- دنيا الليل ؟
هز راسه واجه كعد گبالي گتله :- جوعانة محمد
- من عيوني هسه أطلبلج أكل
- ليش دتباوعلي هيج
- اليوم هادئة مو مثل كل يوم
- تعبت اريد اگوم من الفراش احس روحي متكسرة
- يعني اليوم ما انطيج ابرة ؟
- لا لا عفية والله عظامي كلها تون عليَّ
طلب النا أكل من برة خليته يفتحلي موبايله اسوي نفسي ملتهية بيه من شافني گاعدة ساكتة اخذ ملابس من كنتوره وفات للحمام يسبح ..
عفت التليفون من ايدي وگمت للباب بدون صوت ماكو المفتاح دورت بالغرفة وعيني على باب الحمام لا يطلع
باوعت لبنطرونه مشمور عالجرباية اخذته وفتشت بالجيوب لگيت المفتاح بيه اخذته ورجعت للباب
فتحته وطلعت بسرعة الساعة عبرت نص الليل
البيت سنطة عديت من غرفتنا فتحتها جان بابها مقفول
ضل بالي ليش قافلينها دگيت عالباب على كيفي
اجاني صوتها من ورة الباب تحجي على كيف
شدن :- منو
شهگت وصرت ابجي جن گلبي يعلم بيها مراح تعوفني
همست :- ماما اني بان
- بان يعيوني يروحها لأمج شلونج بالي يمج
اسمع صوتها گامت تبجي
- اني زينة لويش حابسينج هنا محمد گلي اخذتي نورجان وانهزمتوا
- هزمتها منا ورجعتلج
- شلون وين وديتيها
- اشششش بان صوتج لحد يسمعنا ويگعد اختج صارت بأيد أمينة لتخافين عليها
- منو الحابسج
- عمتج من يوم مرجعت ودروا بنورجان مهزومة قايمة عليَّ الحد مخلتني اطلع باب الغرفة
- ومحمد هم منا حابسني بغرفته مديخليني اطلع
- هذا سجودة موصيته يبقيج هناك خليهم منتفضين يدورون عالخالي بلاش مراح يلگوها صارت يم الأكبر منهم يحلمون يوصلونها
- ماما المفتاح وين
- شتردين تسوين بان
- دا ابوگه حتى اطلعج منا ونروح ننهـ....
بعدني ممكملة حجايتي ايد انحطت على حلكي كاتمة صوتي شالني من الكاع واسمع صوتها تنده بأسمي
كمت أشمر بجسمي دموعي تنزل دخلني للغرفة يلا عافني
- حقيررررررر
كعد گبالي وجهه مقابل وجهي
- تلعبين عليَّ لج بان
- وخرررررر تكذب عليَّ ماما حابسيها الحيوانات وانتَ تگولي عافتج وانهزمت وخرررر انتَ هم حيوان متفرق عنهم
لزمني من فكي :- هالحجي الي بان
2 تع
دفعت ايده دا اگوم لزمني من شعري رجعني وجهه مقابل وجهي
- احجي وياج لج منو الحيوان
جسمي كله خامل وخدران من النوم حتى ما الي قابلية للمقاومة صوتي گد مصرخت حسيته أنبّح وصار گوة يطلع بس صوت شهگاتي مسموعة ..
شالني شمرني عالجرباية وصار فوكاي ايد على حلكي وايد ترفع بالتشيريت حسيت روحي انتهيت راح أسلمه
اللي يريده واني حتى مكادرة أقاومه
اندفر الباب وفاتت سجودة وهمام اجه سحبه وكف يتلاغه وياه ويصيح حسيته مو بوعيه جان فاقد
كلها التمت على صوته گمت اعدل بتيشيرتي لزمتني الرجفة جسمي كله يهتز حيل ومحمد بعده يصيح
جرجروه طلعوه برة اجتني امه تبجي جرتني من شعري وكعتلي ضرب
كفاح :- بربووووك فررررفحتي الولد اللله ياخذذذذذج يالساقطة شمسووووويتله وهييييج متخبل عليناى مخليته ميشوووف غيررررررج
لحد ما جرتها عمتي مني وصاحت بيهم طلعتهم كلهم من الغرفة لحد ما فرغتها بقينا اني وياها اجت بأتجاهي لزگت روحي بالحايط دنگت لمستواي لزمت فكي
سجودة :- صايرة تبيعين شرفيات بنت شدن لوما شابع بيج لحد ما مال منج
مكدرت احجي صوتي مختفي جسمي كله خدران واباوعلها افور ،تفلت بخلقتها
مسحت وجها بأنفعال وانطتني راشدي لزگتني بالحايط
لزمتني من شعري :- السسسسساقطة تربية الملاهي اذا ما خليتج مثل المخبلة تمشين وتضربين راسج بالحيطان فلا اني سجودة
12 تعليق
شالتني سحلتني من شعري طلعتني من الغرفة ودتني للغرفة البيها ماما فتحت الباب شمرتني بحضنها
سجود :- بنت الخرررررا هاج زبالتج لميها اذا ما اخلي اليسوى والميسوى يشبع بيجن انتِ وبنتج بسيطة
13 تعليق
سدت الباب وقفلته من برة اخذتني بحضنها ايدها تتفحصني تبجي وتسأل بيَّ تريدني اجاوبها جنت منتهية مالي صوت بس النفس أجره بشهگة
راسي بحضنها واسمع صوت بجيها ايدها تمررها على وجهي تحجي بصوت ناصي بس ما افهم اللي تگوله
احس الرجفة بعدها بجسمي نفس الموقف نفس القذارة
انعاد عليَّ اللي صار بنورجان لهسه اتذكره عبالك البارحة صوت صرخاتها وبجيها وهو ينهش بلحمها
بس الفرق هالمرة اني جنت الضحية ..
10 تعليق
٣ أيام على هالحال يفتحون الباب ينطونا اكل وجبة وحدة باليوم يعاملونا حالنا حال البهايم يغلطون ويفشرون ويرجع ينسد الباب علينا ويتقفل
انعاد عليَّ اللي صار بنورجان لهسه اتذكره عبالك البارحة صوت صرخاتها وبجيها وهو ينهش بلحمها
مغمضة عيوني نايمة بحضن ماما فزيت على صوت طكة القفل انفتح الباب وفاتت وراها مرة وبنية شابة
اندارت للمرة الوراها وأشرتلها عليَّ :- اخذنها جهزنها اررررريدها تلگ من فوك ليجوة
تقربن مني خلتني ماما وراها بخوف
شدن :- شرايدة منها سجودة
عينها بماما وتضحك :- مو كتلج راح ارجعها الج بمكان يوجع گلبج ضميتي نورجان مني ولبالج خلصت تباركي لبنتج اليوم عقد قرآنها على عبد الإله........
