رواية زوجي يعشق اخري الفصل التاسع بقلم ساره الخفاجي
مرت الاشهر واني اشتغل ليل مع نهار حتى ماخلي وقت لنفسي افكر بي بأحمد أو باي شي ثاني يخصة صح اطلگنة بس بعدة شاغل گلبي بعدني أحبة صح اذاني بس هالشي موبيدي فحاولت اتناساه بالشغل
أجرت شقة قريبة من شقة فاتن چانت الوحدة تخنگني بس جنت مع هذا امثل دور القوة .
جان عادل يمر دائما أو يعزمنة ونطلع من يشوفني بديت اذكر حتى يطلعني من الكأبة والحزن والوحدة الي عايشتها صار سنة .
أما الأستاذ ليث جان رجال جدي ،وعصبي بعض الأحيان رغم نظراتة الغريبة الي وماهتميت آلهة ،بس مع هذا متعرض ولااساء الي .
وبيوم السبت جانت عطلتنة گاعدة اتفرج عالشارع من الشباك دك جرس الباب گمت افتح الباب كل ظني فاتن لان محد يجي هيج وقت الافاتن وعادل اذا يجي يتصل تفاجأت جان ساعي البريد يحمل ظرف صغير طلب مني اوقع وراح دخلت للبيت واني امشي فتحت الظرف وجانت دعوة لحضور زفاف ابتسمت .
ياترى عرس منو من صديقاتي ...
........
نرحب بحضوركم المميز الى زفاف احبائنا احمد عبد الستار ورهام محمود المصادف يوم الخميس 17-5-2016
.......
احمد ،احمد زوجي حيتزوج دموعي گامت تنزل عشرة عشرة كل مشاعري الي جنت كابتتها خلال ست اشهر ظهرت بهاللحظة عبالك جانت تريد بس شي يحركهة ،منو هاي رهام سامعه هالاسم مار عليه داحس اني اعرفهة ،تمنيت لوشايفة شكلهة من شقتهم سوة .
گعدت عالگاع وبجيت بحرگة احس اكو شي كاتم نفسي احس ادموعي متكدر داوي جروحي بعد ،
كل هالسنين معنت شي ،راح يتزوج بأقل من سنة على انفصالنة راح يتركني للابد ..هالكد مبجيت نمت عالگاع بدون مااحس على روحي ومگعدت الاعلى صوت الجرس مال الباب .
مابية حيل اگوم افتح الباب ولاالي خلگ اشوف احد بس اريد انام ،انام ومااگعد بعد ،انام الى اشعار اخر گمت مجبورة فتحت الباب جانت فاتن من شافتني بالمنظر حظنتني وگامت تبجي وياية دخلت للبيت خليت راسي على رجلهة ونمت جانت تمشط شعري باديهة وتحاول تهدئني وتقويني ...
-كل شي حيمر لظلين هيج منكسرة الذكري خيانتة الج احمدي ربج كشفتي وتخلصتي منة ،صيري قوية .
مگدرت اجاوب بس دموعي جانت اجاوب بمكاني ..
-عرفتيها هية رهام الي شفتهة بالمكتب .
-عدلت گعدتي وباوعتلهة منو رهام اني متأكدة أنه هالاسم مر عليه بس مااذكر وين.
-معقولة نسيتي خطيبة اخوج الله يرحمة.
-رهام ماغيرها خطيبة حسين لاماصدك هاي خيانة موبس الي ،الي ولاخوية،صارت اعصابي نار بديت أصبح واكسر بالغراض شون گدرت تسوي هيج مو على الاساس جانت تحب حسين شون گدرت تخونة وية زوجي ،وليش وية زوجي ملكت غيرة .
باعني على مودهة شنو الفرق بيناتنه حتى فضلهة علية شون كدر يسوي هيج بية مداافتهم ياربي ساعدني ،ياربي صبرني .
-خرب بيهم ثنينهم كافي سمر حتموتين روحج ميستاهلون الي دتسوي بروحج ،عوفيهم للزمن هوة الي حياخذ حقج منهم.
-بجيت وعيطت هواي ردت اجاوز الي سمعتة مكدرت بالاخير انهاريت وتعبت من البجي ساعدتني فاتن وفوتتني للغرفة وبقت يمي إلى أن نمت اني وابجي وراحت.
صحيت تعبانة جسمي متكسر مابية حيل اتحرك ظليت صافنه عالسگف واذكر حسين شون جان فرحان من خطبنة رهام لدرجة أنه حظنها كدام ابوهة ومنتبه لوجود اي احد ،جانت حب حياتة .
وبيوم استدعوا طوارئ الجيش وانفجرت عليهم عبوة واستشهد هوة والي وياه.
اذكرت رهام بهذيج الفترة شون انهارت ومتحملت موتة وتركني وحيدة لااخ والاب ..ولاام صح هية عايشة بس بالاسم من يوم الي تخلت عني اني اعتبرتهة ميتة ....
و احمد جان طالب وياية بالكلية جانت بينة علاقة حب الله عوضني بي رجعني اعيش حياتي من جديد مجنت اعرف انه رجعني اعيش حتى يموتني بايدة .
ليش سوو هيجي بية اني مسويت الهم اي شي مااذيتهم مجرحتهم صح ابتعدت عن رهام ورة زواجي بس حتى تعيش حياتهة ومتبقى تعيش عالماضي ابتعدت عنهة على مودهة .
دموعي تنزل وية كل ذكرى مرت بعقلي عليمن ابجي على اخوية لو رجلي لوحظي بالدنيا وحدتي .
مسحت دموعي وقررت ماانزلهة بعد على مود أحد منهم ،همة عايشين بسعادة ويخططون لمستقبلهم واني هنا ابجي والعن حظي ليش .
لازم استمر بحياتي لازم اوصل واعلى وابرهن الة أنه هوة شي مومهم حتى وإن راح من حياتي اعتبرة مرحلة وعدت من الماضي .
رجعت نمت من تعبي على فراشي البارد الخالي من الحنان والدفو ،الملئ بالوحدة بس بنفس الوقت جان ينطيني قوة رغم قسوتة .
کعدت ثاني يوم خابرت عادل وطلبت من عدة ياخذلي إجازة سألني عن السبب طمنته ماكو شي بس اريد ارتاح .
جان الوقت 6الصبح فتحت التلفزيون گلبت بين القنوات ماكو شي كلهة نفس الشي شي ممل وروتيني ، بس بقيت مستمرة بس جنت اريد ماافكر بشي حتى مااتخبل .
خابرت فاتن وطلبت منهة نطلع العصر لمركز تجميل بي حظ فرحت كلش وگالت ليش العصر تحظري هسة اني حاخذ إجازة زمنية واجيج .
ابتسمت بيني وبين نفسي خرب يومج فاتن شكد مستعجلة على كلشي.
فتت للحمام سبحت حتى ازيل عني ريحة البجي والعصبية سبحت بمي دافي لبست ملابسي شسورت شعري وعفتة مفتوح خليت مكياج بسيط وگعدت انتظر فاتن صارت الساعه 10:30الصبح.
اندگت الباب اجتي فاتن تفاجأت بمنظري جانت متوقعه تلگاني مثل العادة هاملة روحي عيوني مورمة من البجي وجهي ذبلان وماكو مكياج .
ابتسمت الي وحظنتني حيل حتى تشجعني وتگلي بطريقتهة عفية عليج هيج اريدج قوية .
