رواية ما ذنبي انا الفصل العاشر بقلم أحلام السعدي
ولا تمشِ فوقَ الأرضِ إلا تَواضُعاً فكم تحتَها قومٌ همُ منك أرفع فإِن كنتَ في عزٍ وخيرٍ ومنعةٍ فكم ماتَ من قومٍ منك أمنع.
ــــــــــــــــــــــــــــــــــــــــــــــــــــــــــ
بعدايدي بهدوء....ودايروح لزمته.
حجيب بعصبية وبكره. ليش تنهزم.انت هذا الي ردته.بعمري مرح اسامحك.اكرهك اكرهك.هيه كوه يااخي.شتريد مني انت. تريد تهجم بيتي. الله يهجم بيتك ان شاء الله.
دفعني عالحايط. وخله ايدة عالحلكي.
آصف.....بعصبية مكتوم. اششش شبيج نجلبتي.صوتج لااكوم العن والديج.
وخرت ايدة بعصبية. انت شنو من بشر. بس كلي. شنو من بشر.خطفتني من اهلي. وعذبتني وهسة طلكتني من خطيبي. وأهلي تبرو مني. وطلعتني كداهم منهزمه وياك.ومسويه كل هذا بس علمود ازوجك.
....باوعت عليه بكره.كلشي اتوقع منك.وشمدريني انت شموصللهم
ضحك وبتعد عني.
آصف.... بهدوء. وهو يلعب بلحيته. اني ماكتلهم شي.غير بس انو اني وياج عله علاقة بيناتنة. وانتي طلكتي إبراهيم من ورايه لان تحبيني.وخطفتج لأن نحب بعض. بس.وسويت كل هالدرامه من خطفتها حته تطلكوها من ابراهيم واتزوجها اني.
باوعت علية مصدومة. ضربتة عالصدرة بأيدي. ليش ليش.ليش تسوي بيه هييج شنووو تستفاد كلي شنو تستفادوهذا ياحب الي جبتني من اهلي بالمكافش.
آصف..... اني مو گتلج راح انتقم منج. بسبب إلى عملة ابوج وامج.
..... صرت ابجي.وكعدت بالكاع منهارة. ليش واني شكو اني مالي ذنب بالشي إلى سوة اهلي. اني شنو ذنبي .بس كلي.شوكت تفهم اني انو مالي ذنب.
دنة يمي ولزمني من حجابي وكال. تعرفين منو كتل ابوية.
باوعت علية وسكتت.
بتسم وكال. راح يجي الشي الي انتضرة. وهية إلى راح تكلج.
باوع عالساعتة.ولزم ايدي كومني. و ورحنة للصالة.
كعد عالكرسي وخلة رجل عالرجل. ورتجه عالكرسي.
اني بس اباوع علية.منو الي راح تجي.
دك تلفونه.كال اي يمعودين دجيبوها عاد.وخلصوني.
انفتحت الباب اول مشفتها ردت اروووح اشبكها.لزم ايدي ومخلاني اشبكها.وهيه لازميها الحرس.
اسيل.ام شادن. شادن الله لايوفقك.. نفس حقارة ابوك.عوف بنتي. شسويت بيها. يمة شادن. شسوة بيج كولي.والله لااسويها محاكم بيكم.
....... يمه ماسوالي شي.. جنت احاول شكد مجان يعوف ايدي. بس لازمني بقوة وبأيد وحدة بس.
...ببجي..ماما شلونج مشتاقتلج.
هية وكفت تبجي. اني من بعدج اموت شادن. والله اموت غيابج علية يكتلني يوم عاليوم.
بجيت اكثر. لمن سمعتها. ادري ومبينة كلش تعبانة.عدها سكري وعله اي شي.يكتلها المرض.
باوعت عالآصف.
حجيت .....آصف فدوه اروحلك .بس اريد ابوسها.والله بيها سكري.واخاف عليها.
تنهد.وباوع عليه.عاف ايدي.
باوع عليها.عوفوها.
احس روحي تفرفح عليها.ومختنكة من غيرها. لمن شبكتها يله رجعتلي روحي. ورجعتلي حياتي.
كعدت يم حضنها واحنة كاعدين وسألتها شلونج.وشلونها ميان شخبارها.
ماما..... الحمد لله يمة الحمد لله غيابج علية متعبني. انتي شلونج يمة.شخبارج بيج شي.
..... يمة اني زينة لاتخافين علية. لا مابيه يروحي.
اسيل... همة زينين وياج .
باوعت عله آصف..واكف يباوع علينة.
آصف..... بتسم وكال.وهسة ياست اسيل احجي عن زوجج وعنج شسويتو بهاي العائله.
اسيل..... بس اني مالي ذنب. اني ماادري انو ابوك جان متزوج والله.
نفتحت الباب.. جا العم مالك تعبان كلش مبين علية. اكيد اذا اخو مات..تفاجأ لمن شافنه بهل وضعية
العم مالك..بصدمة.اسيل.
اسيل.... أي يامالك اسيل. انت مافهمت الحقيقة لابن اخوك. انو مالي ذنب بهذا الشي..
العم مالك....سكت.
.
اسيل..... كلكم نفس الشي اخوك عمل عملته ومات.وماحجه الحقيقه وانت هم.
باوع عليها وكال...ومنو الي كتله..
باوعت عليهم كلهم.. بسسسس فهمووووني شدايصير
وكفت عالحيلي.
باوعت عالآصف رجع كعد عالكرسي.
اسيل..... اني راك احجيلكم كلشي..وشاهد الله ماارح جذب عليكم.
باوعت عليها...احجي يمه.
اسيل..... اني من جنت صغيرة جان عمري ١٦ سنة.. امي ماتت.
عمري ١٥..... تقدمولي هواية ورفضتهم كلهم..جا يوم وبابا كال اكعدي
بنيتي. كعدت يمة وكال اكو رجال وكلش زين.اني اشتغل
عندة هو شافج وطلب ايدج.. اني رفضته بس بابا غصبني علية.
. وقبلت. واني شفت مالك لمن طلبو مهر. وحجينة ويه بعض.
عالساس هو الزوجي. وماعقدنا محكمة. كالو الا بيوم الزفة.وبيوم الزفة.. جتي مرة علية هية ام أدم.. اني
مجنت اعرف بي متزوج والله.ولا بعمري شفت ابو أدم. ولا ابوية هم يعرف هو متزوج.
جتي علية وكالت هذا ابنه أدم وهذا آصف ومراد وشمايل. نصدمت صدمه عمري.
همه جانو صغار عمر ادم سبع سنوات وشمايل عمرها
سنه..... وكالت هو مزوج وحدة ثانية وعندة بنت هم. من سمعت هيج.
جا علية ابو أدم. مو مالك.
ابو آدم جان شخص جبير عمرة بال٤٠ سنه وأما مالك عمرة ٢٥ سنة.
نصدمت منه هو هذا الي حتزوجه. جذبو عليه بزواجي.وهو جبرني انو اتزوجه. واله يأذي ابويه.
فأني عبالي ابوية يعرف كل شي وضم علية فقررت انهزم.بيوم العرس نهزمت.
لكيت شخص ساعدني هو ياسر. ورحت ويا.
ومناك سمعت ابوية مات. كمت ابجي والطم وضليت هواية حابسه روحي بغرفة. الى ان جا ياسر. وحجة وياي وطلعت من الغرفة. وبعد ايام وأيام حبيت ياسر وتزوجنة.
وجبت مهند. وجبت التوئم ميان وشادن.
وقبل سنتين..سمعت ياسر متعارك وية شخص واصله بيهم لحد الموت..علمود تجارة الذهب.وانو هذا الشخص ماأخذ ذهب ياسر وماينطي فلوسه. وما يقبل ابد ينطي الفلوس حاول ويا ماقبل.
إلى أن جنت كاعدة ودك تلفوني. طلع ياسر كال اني كتلت الشخص لان حاول يكتلني.والله كو بالقصد. جان يبجي و اول مرة اسمع يبجي. وشاهد الله اني ماجنت اعرف انو هو نفسة ابو آدم.
عاد گتله.اشبيك كال اني كتلت تفهمين. والمن ابو آدم نفسة الي راد يزوجج.
من سمعت هيج كمت ادك والطم. لان اعرف راح نروح كلنه بداهيه من وره.
عاد سمعت صوت سيارة ندعمت ضليت اصيح واعيط ياسر مات.
ورة ايام سدو القضية من الناحيتين.من ناحية ابو آدم ومن ناحية ياسر. لأن انعرفت بأن واحد كتل. وثاني هم ندعم لهذا نسدت القضية.
ورة شهر عرفت انو جماعة مالك هو الي كتل ياسر.ودعمة
وحلفت آلة انتقم منهم.ورحت حجيت عالشمايل بنتهم.وشوهت سمعتها. لأن همة اكثر شي غالي عدهم هية شمايل.انها م زينة وحدة بنت ليل. طشرت هالخبر صدك. ومحد تقدمها بعد.واصلا مندمانه ابد علي سويته.
مالك....بس انتي نسيتي يااسيل انو جماعتي هم ماتو بنفس الحادث. جان حادث صدفة. والله اني ماادري بأن هذا رجلج.ولا اعرف بوقتها اخوي مات..داتفتهنين.وتعرفين صدك دااحجي.
اسيل.... اني حصدكك لان جان الخبر هستوة صاير. بس انت جنت تعرف بسوالف اخوك وساكت.وتعرف بي واحد حقير.
مالك....اني اسف هذا كل الي اكدر اكوله. لان تأذيتو مننه هوايه.
اسيل..... الأسف ماينفع يااستاذ مالك.
حجة... آصف.بعصبية. ومنو الي كتل مرتي.
اسيل... واني شدخلني بيها. ليش حته اكتل. اني ماكتلتها وگتلك. هية صارت كما تدين تدان.
آصف.... وهسة شنو الي تريدي.
اسيل..... بنتي.
آصف.... ضحك بستهزاء.بنتج. خلص بح.
اسيل..وهية تباوع علية بخوف. شنو يعني.كلي.نكشفت الحقيقه. ليش بنتي وابني يبقون يمك.
آصف...شأسوي بأبنج اخذي. ماطول ياسر بدة بالانتقام. وانتي هم بديتي. هية راح تكون فصلية ومراح تاخذينها. واحمدي الله ماكتلتها.او طلبت فلوس لو دم منكم.
باوعت علية بعصبيه. شنو فصلية احنة فهمناك السالفه..ليش تكلب.
العم مالك.. كافي عادد. انتي انسى عندج بنت اسمها شادن..
اسيل.....انتو ياضلام انت تعرف اخوك هو الي بدة الحرب. مستحيل راح اوصلها للمحاكم.وربي لايوفقكم ولايشوفكم خير.
العم مالك..... اعله مابخيلج اركبي.وهسة برة.
اسيل..... يامالك انت داتضلمني مثل مضلمتني من قبل. لاتساوي بيه هيج.اني مره لاحول ولاقوه هسه. وانتو عندكم فلوس ادري بس حرام الي تسو..بيا ذنب بنتي تروح فصليه..كلي.
العم مالك.... هية نحسبت فصلية عالآصف. ومستحيل نتراجع.
العم مالك....طلعوها عاد.مالي خلكها.
.. واني منصدمه.واكفة وبس دموعي تجري. شنو فصلية..شنو بطيخ ليش ليهسة اكو شي اسمه فصلية.
نفتحت الباب ودخل مراد.
مراد.... لحضة لحضة شنو فصلية.آصف. ياعمي اني طلبتها منك.
وبعدين ياآصف اني هم كتلك احبها. شنو فصلية الك. ليش مو الي.
آصف.... انت لاتدخل تفهم.
مراد..... اليوم اكلبها لدنيا. واكلب البيت والحركه عالروسكم. اني أريدها وكتلكم أريدها.ليش تروح لآصف ليش مو اني ليش..
آصف...... مراد كافي عاد.انت ماتفهم شي.
مالك...... مراد بس.اخوك كال هذي الي فصلية يعني اله متدخل. وبعدين بعدك صغير..تكمل جامعتك.وتزوج. واني كتلك ماازوجك هسة.
مراد..... هو شنو ماتزوجني هسة.خلي نخطب لعد .ليش تنطوها لاآصف. حتة لو تنطوها فصليه لازم تكون الي.
مالك...... بس يامراد.. انت ماتدخل تفهم. كتلت انت تعرف شي واحنه نعرف شي.
مراد...بعصبية. والله اذا ماصارت الي والله لااحرك عالبيت عالروسكم.شنو هاللغوه هاي.
جا اآصف يمة وضربه راجدي.
لزم خدة..... وباوع عالآصف بحقد.اني تضربني.بس اني الك. اني الك.انب كواد اذا خليتك تتهنه. اني اعلمك.
آصف.. روح منا لااهسه اطلعك جنازة.كتلك اكو شي انت ماتفهمه.
العم مالك...بعصبيه. والكم كافي عاد كافي. ماتعرفون أخوية مات ارحموني حموت من وراكم ومن ورة مشاكلكم.
مراد..... اذا تريد تكفى شري خليني اتزوجها.
آصف.....بعصبية..اقسم بالله اقسم بالله اذا ماتروح منا. لا راح اسوي شي بعمرك ماشفته. اطلع برة.
شدايحجون هذولي. يعني يعرف بأن مراد يريدني. شنو من بشر ياآصف انت. ونوب مراد نزل من عيني. بدل مايوكف وياية.ويكلي ليش تفصلوها..يكلي ليش ماتصير الي حتلو فصلية.
طلعة العم مالك ويا.وهو صوته واصل لسابع جار. وبس يغلط عالآصف..
باوع آصف علية بعصبية. ادخلب جوة ماريد اشوف وجهج فهمتي.ادخلي.
باوعت علية وكتله..هذن دموع اليتيمة الي داتبجي. وانت تعرف شنو دموع يتيمة. وتعرف شنو هنة عند رب العالمين. اني اشتكيك الرب العالمين انشالله. بحياتك ماتشوف خير.
