رواية الدنيا دوارة الفصل العاشر بقلم ناريمان
.
الوجع زاد كل شوي يزيد ونسمع في عماد خش لقاني نبكي بقوة من الألم قعد يشوفلي شوي بعدين جاني
عماد.. خيرك شن فيه
انا.. بطني بطني ياعماد بنموت 😭😭😭😭
عماد تذكر كلام امه لما ركبت وهو قعد
عمتي.. توا بتركب وبديرلك مناحة مريضة وبطني والحمل ماتسمعش الكلام كله كلام نسون وكذب زايد سلم ولدي خليك راجل ومايغركش كلامها
عماد ماعدلش على كلام امه بس لما ركب وشافني حس ان امه كلامها صح واني نكذب
عماد.. خوذي مسكن توا يخف وناض وخلاني نتألم ونسمع فيه عالتلفزيون جربت نقف بس اول ماوقفت حسيت بشي غريب ووجع اكثر قعدت ونحاول نكتم في بكاي بس معش عندي طاقة بديت انادي فيه
عمااااا. عمااااااد
جاني
عماد.. خيرك
انا😭 وجهي احمر من الوجع والدموع.. ارفعني للمستشفى معش نقدر
عماد😥 معش عرف من يصدق
انا.. اااااااه هيا بالله عليك البيبي نحس فيه بيطيح
عماد.. اااا لالا شوي ويخف
انا من الوجع معش قدرت نتحمل وقفت شوي وحسيت نفس معش لقيته وقريب ندوخ
عماد😥😥 غزل بجديات تتوجعي
انا💔 كلمته نزلت عليا زي الصاروخ وشبحت تحتي لقيت رجليا دم
عماد شاف المنظر زي من عطاه كف وجاني يجري لبسلي عبايتي ونزلني وانا نسبهت معش نحس بشي حتى الوجع معش نحس بيه كان فيه كسر اكبر كسر من حبيبي وراجلي
عماد.. غزل خيرك ردي عليا غزل تكلمي
كنت نشوف للمرايا ودكوعي ينزلو والوجع قوي بس كان في وجع اكبر خلاني نسكت
عماد.. انا غبي وحمار غزل بالله عليك ردي عليا ناتخوفينيش خيرك
وهكي لين وصلنا للمستشفى نزلني عماد ودخلوني للكشف وفجأة التموا عليا الدكاترة ومعش حسيت بشي
عماد واقف برا ويسب في روحه وحاس بالندم ويدعي يارب نوضها سالمة ونزلوا دموعه وكأنه فاق من كابوس وناااادم على تصرفاته معاي اللي هو بروحه مش فاهمها
طلع الدكتور
عماد.. شن في يادكتور خيرها
الدكتور.. مانكذبش؛ عليك وضعها صعب لان العيل كبير في العمر واجهضت
عماد.. كيف كيف وضعها قبل شهرين كويس
الدكتور.. اي قبل شهرين اول شي المدام حامل في نهاية الخامس وثاني شي كانت تعاني من سوء تغذية وقلة اهتمام بصحتها ومتعرضة لمجهود بدني كبير لو جتنا اول ماحست بالوجع راه قدرنا نثبتوا البيبي بس بعد مانزفت هلبا اضطرينا ان انزلوا البنت لان كانت حتخسر فرصتها من الانجاب وحياتها مرات
عماد.. قريب ينهار ويقول في خاطره انا السبب انا السبب
الدكتور.. عالعموم هي قعدة في العمليات ووضعها مش مستقر
.
ماحد كان عنده علم باللي صاير عماد قريب يقتل روحه من غباءه وقعد يسب في روحه
معقولة ياعماد هكي انت تسمع الكلام الزايد وتهمل مرتك غزل ياعماد غزل اللي تحبها واللي صبرت معاك واللي تحملت طبع امك الصاعب هكي نجازيها ااااه ياغزل كان تسامحيني بس
.
طلعوني من العمليات وعماد قعد معاي
الدكتورة.. استاذ ممكن لحظة
طلع عماد.. نعم
الدكتورة المدام وضعها مستقر رغم ان مش ساهل الاجهاض في الشهر الخامس بس ضروري تلتزم بالراحة لمدة مش قصيرة حتى يرجع وضعها طبيعي وتقدر تحمل ثاني
سمعت الكلام وحسيت ان خسرت حاجة كبيرة بالنسبة لي كنت حانكون بابا كانت بتجيني بنوتة وتجي تشبه امها اااااااه شن درت في عمرك ياعماد
قعد جنبي وانا قعدة مافقتش من البنج
.
يوسف كان سهران في الصالة وحاس روحه ملخبط قعد يفكر في امنية ولقطتها الطفولية لما خشت خلف السور وقعد تكلم فيه بعين وحدة 😍 وووه يايوسف انسى انسى لكن محلاوة هلبا على قبل اففففف بديت نخرف خلي نمشي نرقد
ودخل للدار كانت امل شادة فونها تفسفس وتبتسم واول ماخش يوسف تلخبطت
يوسف.. شن مسهرك
امل.. شي كساد هالنت
يوسف.. لعلمك انا منحبش نكون راقد وانت تفسفسي
امل.. وشن فيها
يوسف. هكي مزاج
امل.. انت مش راقد كنت تتفرج
يوسف.. سكري وخلينا نحكوا❤️
امل😏
.
امنية كانت غارقة في دموعها وتفكيرها في يوسف
خلاص يا امنية انسيه انسيه مش ليك
.
الفجر
فتحت عيوني وكنت مش حاسة بشي في جسمي بس كأن في رزن على بطني شفت عماد جنبي وجت عيني في عينه
عماد.. غزل حبيبتي الحمد لله على السلامة
انا.. البيبي بنتي بخير
عماد.. ربي يعوضنا خير
نصدمت نبي بنتي نبي نجيب بيبي حطيت يديا على عيوني وبديت نبكي وعماد يحاول يهديني
عماد.. خلاص حبيبي ماصار شي العمر قدامنا نجيبوا ونعبوا الحوش صغار
انا.. كله منك ياعماد كله منك
عماد.. خلاص ياغزل راه البيبي حتى انا بوه وواجعني
انا قعدت نبكي بهستيريا وعماد خاف عليا مشى نادى الممرضه دارتلي مهدئ ورقدت
.
الصبح
عامر ناض شاف جنبه رحمة راقدة قعد يناشب لين ناضت
رحمة.. اممممممممم عامر يابارد خليني
عامر.. تي نوضي هيا استاحشتك
رحمة.. تي خيرك الفجر رقدنا
عامر.. ياعليك رومنسية الصراحة عندك اقعدي فيها😂
رحمة.. 😝😝😝
.
فقت بعد المهدئ لقيت عماد شاد ايدي ويشوفلي رجعت نبكي عالصامت
عماد.. اسسسسسسس خلاص غزل هاذي ارادة ربي
انا.. نبي نمشي لأهلي
عماد😨.. لا ماتخلينيش بروحي
انا.. نبي نرتاح وراحتي عندهم
عماد.. طلعة من حوشك لا ولا تفكري مستعد نوفرلك الراحة اللي تبيها في حوشك تبي تزعلي مني ازعلي بس ماتطلعيش
انا.. بس انا اا
عماد.. لا ياغزل كلمة وتمت
وطلع عماد اتصل بأمنية وخبرها وقال لغالية اختي
امنية.. يا ماما وووووه
عمتي.. خير دعوتك شن في
امنية.. غزل طيحت البيبي وهي في المستشفى
عمتي.. سترك يارب خيرها
امنية.. مش عارفة خللي نركب لعامر نقوله يرفعنا
عمتي.. لاااااا تعالي جاي وين يرفعنا خوك عريس قاعد مانبيش تموت توا عماد يجي ولا يروح بيها خشي انتلفي داخل وجهزي الدنيا بيجوا نسابات خوك الليلة
امنية عوفت ان النقاش مستحيل دخلت لدارها وقعدت تفكر كيف ادير
.
ساعة هكي وجت غالية وامي ونقلبت الغرفة مناحة وبكاء روح عماد للحوش وركب وتلاقى هو ومنى في الدروج
عماد😱😳.. انت
منى🤭😊 انت
عماد.. شن اديري هنا
منى.. جاية لأختي
عماد.. كييييف
منى.. انا منى اخت رحمة
عماد.. انت صاحبة غزل😨
منى.. اي وانت خو عامر
عماد... اي وزوج صاحبتك😏
وركب وخلاها
عماد حس بالغباء وان كان بيدير كارثة
ركب خدا ساكو وحط فيه دبش لغزل شاف وقلبه واجعه
.. كل مرة نقول بنبطل هالتفكير ومايصيرش ان شاء الله غير تسامحني هالمرة هي المرة اللي فاتت ويادوب شن درت ولبزت ياعماد والله مانلقى زيها
وهو طالع تلتقى مع امنية
امنية.. عماد كيف حال غزل
عماد.. كويسة
امنية.. استناني بنمشي معاك
عماد.. تلفيني في السيارة
مشت امنية بسرعة من غير ماتشوفها امها لبست عبايتها وحطت وشاحها وركبت
.
انا
مهمومة وزعلان ومجروحة من عماد كلامه قاعد في وذاني (حتى الكلاب تحمل.... متأكدة انك تتوجعي)
مش هذا عماد راجلي اللي حبيته اللي سامحته وقت فكر في غيري ونزلت دمعني
ماما.. بتروحي معاي
خش عماد
.. لا ياعمتي غزل ماتطلعش من حوشها
ماما.. هي تعبانة ومافيش من يقوم بيها غيري بتقعد في حوشها من بيها
عماد.. انا مستعد ناخذ اجازة من شغلي ونقعد معاها
ودخلت امنية وتعنقتني
امنية.. غززززل الحمد لله على السلامة حبيبتي وربي يعوضك خير
انا.. سلمك
امنية.. اي عمتي انا نقعد معاها
انا مانبيش عماد كرهته ومعش متقبلاته بس مامبيش نحكي
طلعت امنية وقفت برا
وعماد طلع بيجيبلي حاجة ناكلها
وجو محمد ويوسف مع بعض
يوسف😳
امنية😳😟
دخلو وسلموا عليا وقعدوا معاي
وطلع يوسف ومش عارف علتش طلع وقف جنب امنية
يوسف.. حئحححححم
امنية😖
يوسف.. عماد وين
امنية.. طلع بيجيب ماكلة
يوسف.. اها
وكان بياكلها بعيونه وهي ماقمتش عينها فيه
وقعد شوي وطلع
.
تسريع احداث🌀🌀
روحت لحوشي وعمتي ولافكرت تسأل عليا وعماد معاي وانا مانكلمش فيه نهائي قد ماحاول يراضيني ماقدرش امنية كل يوم معاي وتغيرلي في جوي ورحمة جتني 5 دقايق بس
.
يوسف واكل في الحوش
يوسف.. انت دايرتني طرطور اه شن تحسابيني😠😠😠😤
امل.. خيرك انت انا مادرت شي
يوسف.. مليوووون مرة نقولك مكان فيه ولتد ماتقعديش فيه نجي نلقاك مع 5 شباب بروحك وتهدرزي وجوك فايح
امل.. هيهيهيهي هادم ولاد عمامي عادي
يوسف.. شن عادي شباب اكبر منك وقعدة معاهم بروحك خيرك مانفهميش نقولهالك لو نبي تقعدي معاي الجو هذا انسيه
مشت امل وخلاته يغلي
(ملح)
.
بعد شهرين.
.
عماد قاعد حاس بالذنب خاصة ان غزل فاصلة عليه وماتكلمش فيه وقعدة تبي حوش اماليها وهو رافض
رحمة كانت عازمة اهلها عالغداء وعماد طالع
جتني عمتي
.. لي امتا حتبسة روحك
انا.. الله يسلمك ياعمتي ماتشوفي باس
عمتي.. ايح هي محثونة وتتبكي عليها قتلك نبو ولد
انا.. تفضلي عميمة شن تبي
عمتي.. رحمة عازمة اهلها عالغداء اركبي طيبي
انا.. نعم نعم شن دخلي اماليا ولا اماليها
عمتي.. سلفتك حامل اركبي طيبي خيرلك والله ماتشوفي خير لو ماتركبيش
وطلعت وطبعا رحمة هي طلبت ان غزل اطيب
قبل بنمكر بس قلت يلا نكسر الشر ومنها نهدرز على منى بدلت حوايجي وركبت فتحتلي رحمه لابسة بيجامة لاصقة وايدها على ظهرها
وشوي وجو امها واختها منى سلمت عليهم بس منى كانت تتجاهل فيا دخلت طيبت وعمتي تهدرز وتقفقف بيهم امنية تجهز لمشروعها ماركبتش
طيبت رشدة كسكاس وتغدينا ودخلت منى غسلت معاي اللماعين وعمتي نزلت بتقيل وانا قبل ماننزل حسيت بشي غريب غمزوا لبعض وجبدتني منى قعمزتني بينها وبين امها
منى.. خيره شعرك غزل كأنه يطيح
انا😳
امها.. اي اي بكل شعرك ضعيف حليلك تصلعي قربي نشوفه
وجبدتلي راسي وبدت تنتفلي فيه وتقول خفيف شعرك خفيف هلبا
وهي تنتفلي فيه حسيته حار وبعدت
انا.. ااااه قلعتيهولي
امها.. اي بش مانخدكش بعين شعرك الله يبارك بس بيطيح لازم تهتمي بيه
وطلعت روحت دخلت شقتي لقيت عماد مهدي الجو ويستنى فيا
عماد.. ليش راكبة
انا.. نعم
