رواية ايام من رماد الفصل الحادي عشر بقلم احمد
دمعة: رحنا لغرفة كاضم جان كاضم گاعد دا يتصفح بكمبيوتر بغرفتو گلو ناظم محتاج الكمبيوتر اريد اشوف دمعة الصور مالت العرس گال كاضم تمام وطلع من الغرفة
ناظم قفل الباب ونصى صوت الكمبيوتر عالاخير وحط قرص بالكمبيوتر وگلب شوية واني متحمسة اشوف الصور شلون طلعن وانصدمت بالي اشتغل
اشتغل فيديو بيه واحد (اسف للتوضيح) مطلع عورتو ووياه وحدة حاطة ايدها عليه ودا تساعدو علمود يقضي حاجتو
دمعة: ياااااع .. وابتعدت فورا
ناظم: اشششش ولج فضحتينا
دمعة: هاي شنو مو عيب عليك تشوف هيج
ناظم: ولج غبية نصي صوتج راح تفضحينا وخليني افهمج
دمعة: شتفهمني
ناظم: هذا الفيديو مو حقيقي هذا يسموه تعليمي يعني الي گدامج مو شخص حقيقي هذا مثل افلام الكارتون يعلمون بيه الي ما تعرف شلون تساعد زوجها
واني اريدج تتعلمين لا اكثر وشنو شايفتني مخبل لو بدون غيرة اخليج تشوفين جسم غير واحد
دمعة: ماريد لا اشوف ولا اتعلم
ناظم: بس اني الي عليج حقوق يا دمعة واذا اذيتج بدون قصد مو معناها تعاقبيني هيج وتحرميني منج
دمعة: شنو من عقوبة اني مدا اعاقبك اني ماريد اشوف هيج اشياء
ناظم: مو دا اگلج بس تعلمي واوعدج بعد ما اشغلو نهائيا مجرد تتعلمين اكسر القرص گدامج بس تعلمي علمود لا تأذيني من تساعديني
دمعة: انت سويها شكو اني اساعدك
ناظم: ولج غبية هاي يسموها عادة سرية اذا اسويها اني حرام علي بس اذا انتي تساعديني حلال او لحظة ليش اني مدوخ نفسي وياج
صار يضغط على الكيبورد وگال تعالي اقري علمود تتأكدين من كلامي
دمعة: مو گلتلك ماعرف اقرا
ناظم: خرب تمام ثواني .. ورجع ضغط عالازرار وشكل السماعة وگال تعالي اسمعي ولبسني السماعة وجان مطلع فيديو عاليوتيوب
جان الفيديو عبارة عن صورة لشيخ دين وبالصوت دا يحجي عن التفاصيل ومثل ما گال ناظم الشيخ گال حرام الرجل يمارس العادة السرية بنفسو بس يصير زوجتو تساعدو علمود لا يكسب ذنب
دمعة: وگعت بين نارين من جهة مو متقبلة الموضوع ومن جهة احس صار الحق علي ولازم اساعدو علمود لا يكسب ذنب
ناظم: ها شو ساكتة .. دمعة افهميني اني مستحيل اقبل ان زوجتي تشوف جسم غير شخص بس هذا كلو عبارة عن رسم لا اكثر
هو مو بالدين يگول الضرورات تبيح المحظورات فانتي حاليا مضطرة علمود تتعلمين من تتعلمين بعد ماكو اي ضرورة فما يحتاج تشوفيه
واكو هواي امور سوولها فيديوهات علمود الشخص الي يتزوج جديد اذا يستحي يسأل يتعلم منهن بس اني اعرف ما يحتاج اشوفهن
دمعة: يعني مو .... والله صعبة
ناظم: لخاطري هالكم ثانية وهاي هي تحملي لخاطري
دمعة: قبل ما اجاوبو رجع عالفيديو وحسب الي شفتو الفيديو لشخص حقيقي بس لان ماعرف بهيج اشياء ما جنت متأكدة
جنت اباوع واحس على اي لحظة اتقيئ واخيرا خلي الفيديو بعد ما قضى الشخص حاجتو وطلع القرص ناظم وكسرو علمود يثبتلي كلامو
وقبل ما نطلع گال راح احذف البحث علمود كاضم ما يدري شنو سوينا ومن خلص رجعنا لغرفتنا واني مو متقبلة الموضوع
جنت اتمنى الارض تنشگ وتبلعني ولا انحط بهالموقف لان ناظم علمني علمود انفذ واني مو متقبلة المنظر فشلون التنفيذ
مسكني من ايديني واخذني للسرير وصار يحجي وياي ويخفف من توتري اخير شي گلي تمددي وغمضي عيونج ومعليج بالباقي
تمددت واخذ ايدي ومن لمست جسمو فورا سحبت ايدي ورجع سحبها هو وگال خلي ايدج راخية ومعليج اني اتحكم بكلشي ورخيت ايدي وبقيت مغمضة عيوني
هو تكفل بكل شي الى ان حسيت جسمو تخشب فتحت عيوني وسحبت ايدي فورا گلي هاي هي خلصنا وباسني على راسي وگلي روحي غسلي ايدج
بين ما غسلت ايدي وتأكدت انها نظيفة هو طلعلو ملابس ودخل يسبح وجان الوقت متأخر جنت اريد انتظرو لحد ما يجي بس اخذتني النومة
گعدت على صوت اذان الفجر گمت صليت وگعدتو علمود يصلي ورجعت نمت رجعت گعدت الساعة 8:08 جان ناظم بعدو نايم
دمعة: ناظم ناظم يلا اگعد
ناظم: ها دمعة شگد الساعة
دمعة: الساعة 8
ناظم: شعندج من هسا گاعدة
دمعة: اريدك تاخذني لاهلي مو گادرة اصبر بدونهم
ناظم: رجع غمض .. الظهر الظهر
دمعة: لا فدوة هسا والله كلش مشتاقتلهم
ناظم: بانزعاج .. تمام تمام روحي سويلنا ريوگ بين ما اغسل وجهي
دمعة: بفرح .. تمام
گمت ركض غسلت وطلعت للمطبخ جانت سما موجودة گلتلها صباح الخير وباوعت علي باستغراب وطلعت من المطبخ واني منصدمة من ردة فعلها
باوعت على ملابسي مابيهن شي حجاب لابسة وكلامي وياها مجرد سلام شبيها هاي عفتها وبلشت اكمل الريوگ
هي جانت حاطة الجاي عالنار واني كملت باقي الريوگ بس دخت لحد ما لگيت الاشياء الي احتاجهن ومن اخذت الريوگ للصالة جانت گاعدة سما ويا اهلها
دمعة: صباح الخير
الكل: صباح النور
دمعة: حطيت الريوگ ووزعتلهم الخبز وصبيت الجاي وانطيت لكل واحد ستكانتو ومن قدمت لسما گالت ماريد مو مشتهية جاي اليوم
ناظم: هاي شنو سما وما تشرب جاي هاي غريبة
سما: شبيها عادي ترا كل انسان تجيه ايام ما يشتهي فد شغلة
كاضم: اي والله صحيح لهذا اني ماشتهي اشوفج
ناظم: ههههههههههه خرب يومك .. المهم يابة
محمد: گول
ناظم: اريد اخذ دمعة اليوم لاهلها
سما: البارحة امها راحت ما يمداها اشتاقتلهم
نضال: بلى يمداها قابل احنا ماخذيها فصلية بهاي الفترة مو متعودة على فراگ اهلها فطبيعي تشتاقلهم
محمد: اخذها بوية بس ارجعو قبل المغرب عندي طلعة بالليل
ناظم: اني ماراح ابقى وياها عود العصر اروح اجيبها
محمد: براحتكم
دمعة: شكرا عمو
محمد: العفو بوية
نضال: يااااا واني ما الي شكرا عمة
دمعة: بخجل .. ههههه شكرا الج عمة
نضال: العفو بنيتي
دمعة: خلصت ريوگ قبلهم وصعدت لغرفتي جهزت نفسي عالسريع بين ما اجى ناظم گال يلا نروح ونزلت وياه وصعدنا بالسيارة وانطلقنا
ومثل الزفة هم مسك ايدي ومشغل اغاني بالطريق واحسو كلش مستمتع بهاي الطلعة بالتحديد
ناظم: ما يحتاج تباتين مو
دمعة: لو يصحلي ما اگول لا بس مو هسا من يعزمونا اهلي ابات يمهم علمود اساعد البنات بعد ما تخلص العزيمة
ناظم: تمام بيها الخير
دمعة: اگلك ناظم
ناظم: گول
دمعة: شبيها سما
ناظم: باستغراب .. شبيها
دمعة: شو صبحت عليها الصبح باوعتلي باستغراب وما ردت علي
ناظم: يجوز ما سمعتج
دمعة: بلى سمعتني مو اگلك باوعتلي باستغراب
ناظم: ماعرف والله من ارجع احجي وياها
دمعة: لا عوفها خاف عبالها دا احرشك عليها بس اكو سبب يخليها ما تجاوبني
ناظم: والله يا عمري مادري المفروض انتي تعرفين اذا صاير بينكن موقف او كلام او شي
دمعة: اصلا ما شفتها بس البارحة من انطيتها صينية الريوگ واليوم الصبح واول كلمة حجيتها وياها صباح الخير
ناظم: لعد عوفيها يجوز اكو شي مضوجها
دمعة: تمام
حجينا بمواضيع مختلفة الى ان دخلنا الشركة وجانت شبه فارغة مابيها احد گال شعجب فارغة گلتلو ماعرف يجوز عندهم عطلة
ومن وصلنا قريب من البيت نزلت وهو گال سلميلي على اهلج ومن اجي اخذج عود انزل اسلم عليهم گلتلو الله يسلمك وفر السيارة وراح
رحت امشي للبيت واحس من الفرحة اريد اركض واگمز اول ما دخلت من عند الكرفانات شافتني اية وصرخت واجت تركض علي
اني هم ركضت عليها وحضنتها كل قوتي وانا وياها نضحك بهستيريا من الفرح واجن سارة ورونق وطلعن ماما رحمة وماما نعمة على صوتها
سلمت عليهن كلهن وانتبهت ان رونق شايلة وليد بايدها(ابنهم هي وميزر) اخذتو وبوستو لحد ما شبعت وهو طاير من الفرح بي
رحت ويا البنات للمطبخ وسألتهن على بابا واخواني گالن كلهم طالعين وانهالت علي الاف الاسئلة عن ناظم واهلو وتعاملهم
جنت اريد احجي عن موقف سما بس گلت ما تسوا اغتابها من اول غلطة يجوز مو قصدها او مثل ما گال ناظم ضايجة من فد موضوع
رونق: اهم شي ناظم شلونو وياج
دمعة: زين
رونق: هذا اهم شي ماطول هو زين وياج الباقي كلو سهل
دمعة: اي والله وابوه وامو كلش زينين حتى امو اليوم تشاقيني لان نسيت اگللها شكرا من قنعتهم اجي هنا
رونق: الله يفرحج ويطيب خاطرج بيهم
دمعة: آمين
مصطفى: من الحوش .. رحوممممة وينج
اية: ولك مصطفى الخبل
مصطفى: رحوممممة اكو صوت صخلة بالمطبخ شنو جايبين صخول واني مادري
دمعة: طلعت عند باب المطبخ .. هاي على منو صخول
مصطفى: بفرحة .. لج هلااااااا .. وفتحلي حضنو
ركضت عليه وحضنتو وصار يبوسني براسي وخدودي وكأني غايبة عنو سنة وفورا صار يسألني عن ناظم واهلو اذا زينين وياي ولا لا
دمعة: ادخل ارتاح اول شي بعدين نحجي
مصطفى: تمام تعالي وياي
حط ايدو حول كتوفي واخذني وياه للغرفة وصار يسألني واني اطمنو واحلى شي سوتو ماما رحمة انو ما حجت لاي احد ان ناظم اذاني
اهلي كلش فرحو من سمعو ان ناظم واهلو زينين وياي وجانو كلش فرحانين بجيتي الهم وگلتلهم ناظم يسلم عليكم ومن يجي ينزل يسلم عليكم
وبقيت گاعدة وياهم بالغرفة الى ان البنات كملن الغدا وتغديت وياهم وبعد الغدا جنت اريد احجي ويا ماما رحمة بس مصطفى وماما نعمة موجودين
باوعت لماما رحمة ورفعتلها حواجبي لان ماعرف شلون افهمها اريد احجي وياها بس هي جانت كلش ذكية فعرفت اريد احجي وياها
رحمة: روحي يم خواتج اكيد مشتاقات الج
دمعة: تمام .. اخذ الجاي وياي
رحمة: لا عوفيه اني اشرب ستكانة بعد واجيبو
دمعة: تمام
رحت للمطبخ وتقريبا 5 دقايق وجابت الصينية وگالت تعالي وياي دمعة ورحت وياها واخذتني على وحدة من الغرف وقفلت الباب
رحمة: طمنيني شلون صرتي
دمعة: الحمدلله ماما بس اريد احجي وياج بموضوع وماعرف شلون اشرحلج عنو
رحمة: احجي يمة ولا تخجلين مني
دمعة: البارحة سوينا شي اني وناظم بس هو گلي مو حرام بس اني مو مقتنعة
رحمة: ياربي سترك احجي وگعتي گلبي
دمعة: جنت كلش خجلانة من الموضوع وماعرف شلون افهمها بدون ما اشرحلها التفاصيل وهي وهي بس تريدني احجي
رحمة: باوعي اني امج وهذا الكلام بيناتنا واذا ماتگدرين تحجيلي عن الموضوع فماكو احد تگدرين تحجيلو
دمعة: (حجيتلها الموضوع باختصار بدون ما احجي عن الفيديو)
رحمة: وبعد
دمعة: بس هيج وراها رحت غسلت ايدي وتأكدت انها نظيفة وهو راح سبح
رحمة: بربج دمعة هاي هم سالفة وگعتي گلبي عبالي شوف شنو صاير وياج
دمعة: يعني شنو
رحمة: لج ماما بين الزوجين كلشي عادي الله حللهم كلشي والاهم انو ماكو خجل بينهم وبالعكس الي سويتيه زينة العقل
لان ساعدتي زوجج وبنفس الوقت ما كسب ذنب بس احجيلي هو حاول يتقرب منج قبل لا تساعديه
دمعة: قصدج مثل اول يوم
رحمة: اي
دمعة: لا هو گلي لان مايگدر يتقرب مني لازم اساعدو وهم گلي كل شهر او عند الولادة ممنوع الزوج يتقرب من زوجتو فبهاي الطريقة تساعدو
رحمة: اي صحيح ومبين عليه يفتهم فلذلك لا تخافين منو ونفذي طلباتو لان هاي تعتبر حقوق عليج ولا تنسين الزوجين كلشي محلل الهم
(اخر جملة جانت هي الكارثة الي گالتها ماما رحمة بدون ما تنتبه وهالشي هذا راح يتوضحلكم ويا القصة فاريدكم تحفظون هاي الجملة زين)
دمعة: تمام اني جنت خايفة انو هالشي غلط
رحمة: لا ماما بالعكس صح 100% فلا تشيلين هم والحجي هذا حجيتيه الي علمود اعلمج الصح من الخطأ ديري بالج تحجيه حتى لو تلميح لغيري
دمعة: لا ماما قابل تخبلت واحجيه لغيرج
رحمة: عفية بنيتي السباعية يلا روحي عند خياتج اذا ماعندج شي ثاني
دمعة: ربي يعافيج لا بس هذا الموضوع عندي وشكرا لان فهمتيني كتلني القلق من البارحة
رحمة: العفو يمة غير واجبي هذا
دمعة: رجعت عند البنات واجتاحتني راحة مو طبيعية بعد سماع كلام ماما رحمة والحمدلله انو ما طلع هالشي غلط لو حرام
التهيت ويا البنات لبعد صلاة العصر بشوية اجى ناظم ونزل سلم على مصطفى وگعدو هو وياه بوحدة من الكرفانات
وبيومها ناظم اعتذر لمصطفى على تصرفاتو بيوم العقد ومصطفى ما شال بگلبو عليه واعتبر الموضوع غلطة وتسكرت
من شرب ستكانة الجاي قرر نمشي علمود نوصل قبل المغرب ورفض طلب مصطفى بانو نتعشى عندهم لان يريد يرجع السيارة لابوه
من طلعنا اني وماما رحمة سلم عليها ناظم من بعيد وودعتهم اني ورحت ركبت وياه وتوكلنا على الله ولحد ما طلعنا ما شفت لا بابا ولا صفاء ولا براء
ناظم: ها تونستي
دمعة: اي كلش شكرا الك
ناظم: العفو هسا احجيلي
دمعة: عن شنو
ناظم: شنو گالتلج امج
دمعة: بتوتر .. شنو گالت
ناظم: ادري بيج حجيتيلها عن البارحة
دمعة: لا ما حجيت
ناظم: مبين من توترج حجيتي
دمعة: بصراحة وبدون زعل اي حجيتلها علمود اعرف اذا الي اسويه غلط لو لا
ناظم: وشنو گالتلج
دمعة: گالت بالعكس هو الصحيح وبين الزوج وزوجتو ماكو شي حرام
ناظم: يعني اكيد گالتلج ماكو شي حرام
دمعة: اي هي هيج گالت
ناظم: زين تثقين بي لو بعدج
دمعة: بعد كلام ماما صرت اثق بيك لان بالبداية جنت خايفة انو هالشي غلط
ناظم: اني مو زعلان منج لان جان من حقج انو تعرفين هالشي صحيح لو غلط بس عندي شرط صغير
دمعة: شنو هو
ناظم: بما انو صرتي تثقين بي ماريدج بعد تحجين لاحد عن خصوصياتنا حتى امج لان اني ماراح اجبرج او اگلج نسوي شي غلط
دمعة: واذا ما جنت مقتنعة بفد شي
ناظم: گلتلج ما اجبرج على شي واذا الشغلة الي نسويها غلط مستحيل اگلج سويها
دمعة: تمام
ناظم: يعني اكون مطمن انو بعد محد يعرف خصوصياتنا
دمعة: اي تطمن مستحيل بعد احجي اصلا من الخجل گوة حجيتلها واني ما اتمنى اصير بنفس الموقف مرة ثانية
ناظم: وما تجيني مرة ثانية تگليلي هالشي غلط
دمعة: لا لان ماما رحمة گلتلي كلشي حلال بين الزوج وزوجتو
ناظم: حلو علمود مرة ثانية حتى لو اخليج تسوقين واني اتصلخ واركض ورا السيارة ما تگليلي غلط
دمعة: هههههههههه شدخل هاي بهاي
ناظم: مو صرتي تثقين بي
دمعة: اي صحيح
ناظم: البارحة كلش انغثيت وحسيت اني زعلتج من تركتيني ونمتي
دمعة: لا والله غفيت بدون مادري بنفسي من التعب
ناظم: تمام
دمعة: رجعنا للبيت جانن امهم وسما يجهزن العشى ولان تاخرنا بالطريق ما لحگت اساعدهن بس من تعشينا حطيت الجاي عالنار واني غسلت المواعين
ومن شربو جاي ابوهم طلع وناظم وكاضم هم طلعو ويا جماعتهم واني غسلت ملابسي اني وناظم ورحت لغرفتي سفطت الغراض مرة ثانية وحطيت كلشي بمكانو المناسب
والجنط عفتهن لحد ما اجى ناظم وخليتو يحطهن فوگ الكنتور لان هو اطول مني وسحبني من ايدي للسرير ومع السحبة وگع هو واني وگعت فوگو
