رواية لماذا انا الفصل الثاني عشر بقلم عبير السراي
مها:: هي شربت من علاج علي ونزلت وهي على هالحال..
علي بخوف..؛؛ اي علاج...
مها:: ماادري ....صعدت لان عمتي كلتلهة عندة علاج للصداع...
علي:: لا يالله هاي اشربت...
سحبني علي وصعدني فوك.. ..
اية:: صحيت واحاول افتح عيوني .. كوة يله فتحت عيوني بس احس الدنيا تدور بيه .. مدري عيوني التدور...اريد اثبت عيوني...راسي احسة حينفجر ...خليت ايدي على راسي.. وحاولت اكوم...
لزمني علي وكعدني.. واني احجي كووة...
اية؛؛ راااسي.. راح ينفجر.. اااخ..ااااخ
علي؛؛ كومي غسلي....
اية:؛ عووفني.. اني اكوم.. ..رفعت الغطى واشوف نفسي بس بملابسي الداخلية.. وقفت ووكعت...
اية؛؛ وّوّ وين ملابسي... ايا حقير شسويت بيهة...
علي؛؛ على كيفج ...مسويت بيج ايي شي.. لا تخافين...
اية؛؛ وين ملابسي...كمت اصرخ.اضرب بي وابعدة عني ... وين ملابسي.
علي؛؛ بس اهدئي خلي افهمج...
اية؛؛ شتفهمني..
علي؛؛ انتي البارحة شاربه من هذا العلاجه...وراوانياه...
اية:؛هاا...ايي.. ليش شنو هذا...
علي؛؛ امممم.اسمعيني هااي حبوب ..
اية؛؛ حبوب شنو ...؟؟
علي:: امممم اولا خلي يكون بعلمج هذي الحبوب لصديقي خلاهن يمي .يعني مو الي ...
ايةبصوت عالي ؛؛ حبوب شنو هااي...:؟
علي:: يعني ..... اختصر لجياها.... كبسلة وحبوب اثارة....
اية؛؛ يعني شنو... يعني انته جبتلي حبوب حتى اشربها
وافقد وتاخذ التريده مني موو شكد حقيرررررر.....
علي؛؛ اولا اني ماشربتهن الج انتي شربتيهن
شجابهن عليج اني ضامهن...مصار شي..صدكيني..
اية؛؛تريدني اصدك وأحد مثلك...
علي؛؛ عرفتج مراح تصدكيني... لهذا صورتج...
« طلع تلفونه وشغل الفديوهات....
اية:: مستحيل هااي اني .. .
" من شفت الفيديو صدمت عمري.. معقولة هاي اني
... لا مو اني ...تمنيت الكاع تنشك وتبلعني اني هيج
اسوي
اباوع على الفيديو وايدي على حلكي ودموعي متوقفت....
معقولة اني هيج اتقرب منه وابوس بي وفتحت شعري ...ونزعت ملابسي ....لا وهو يحاول يوقفني
... حسيت نفسي انهاريت...
سحب مني التلفون....
علي؛؛ شوفي ... هاي مسحته كوله...(تم المسح)..
اني مصدومه ...معرفت شنو احجي شكول...معقولة
اني هيج اسوي ...
اية:: شصار بعد الفديو ...
علي؛؛ انتي تعبتي ونمتي على وجهج ...
اية:: لا مستحيل... انته ليش صورتني حتى تذلني بيهة.
ويعني انته بعدك تشرب بيهن لهذا السم...
عليّ؛اكولج ليش صورتج اولا... لان لو كايلج انتي هيج سويتي متصدكين لو مهما اكول ...صح.. وثانيا ردت
اراويج شلون هاي الحبوب تحول الشخص من انسان طبيعي الى الحالة الوصلتيلها... اني هم مثلج من صحيت مصدكت السويته بيج ... ممعقولة هااي اني معقولة اني اتحول لوحش واعتدي على بنت بريئة....
وثانيا...اني مااشرب هذن الحبوب شربتهن مرة وصار الصار فمستحيل ..اجرب مرى ثانية.. لكن شنو جابهن... صديقي..ضمهن يمي لان عندة ضروف ميكدر يخليهن عنده....
اية؛؛ ضحكت ضحكة استهزاء...
علي :: ممصدكتني موو؟؟ طلع الفون مالته..
اية؛؛هااا عندك فيديو بعد...
علي؛؛انطي مجال... خابرت على صديقي..ليث...
علي؛؛الو.. هاا ليوث..
ليث؛؛، هلا حبي ابو حسين...
علي؛؛شلونك... اكولك الحبوب مالاتك شوكت تريدهن...
ليث؛؛ يمعود مو كتلك بس اصبرلي كم يوم اخلص من هوسة العرس... شنو ثقيلات عليك
علي؛؛ لا بس شربت منهن...
ليث؛؛اهاا حبي كدامك. بس وين حجيك .. التوبة احطهن بحلكي...سونلي مصيبه شكبرهة...وتقنعني اعوفهن....عجبنك الضاهر...
علي:: كتلك بعد متتكرر.. مو الي صدكني...
ليث؛؛ حبي كدامك .. بس جابن نتيجه لا.ههههه
علي:: يله اكلمك بعدين....
ليث:؛ اوك حبي على راحتك...
علي؛؛ هاا صدكتي...
اية؛؛عوفني...رجاءا.....
علي:: اوك على راحتج..
(بقيت مشتته. مااعرف شنو اسوي..يربي كل يوم مصيبه والله تعبت..)
علي طلع .. باوعت عل ساعه. ب12:30 معقولة نمت هلكد ..بس راسي احسه انسطر سطر...وين اودي وجهي اكيد البالبيت عرفوا. يبوووي شيخلصهة.
. بقيت بالنص ساعة مابين ابجي والوم بنفسي.علسويته.
..ليش هيج يصير بيه ... ليش اني من دون البنات.
..ياارب شوكت تصفه...
دخلت عليه عمتي...
ام عمار:: صح النوم يحلوة...
اية::دنكت ..شكرا....
ام عمار:: شلون صرتي..
سكتت معرفت شنو اجاوبهة...
ام عمار:: شنو يمه ..ليش ساكته ...
اية::شجاوبج يمه...والله تعبت ابنج ليش هيج يسوي بيه.....
ام عمار::والله عمج تعارك وياه...شسوالج بي بس يكول مو الي الحبوب...
اية:؛ ايي وبعدين ..
ام عمار::صار اعصاب نار.. وطلع من البيت...
اية:: يمه فدوة خايفة...
ام عمار:: لا يمه لاتخافين....
اية:؛ يمه اخاف اصير مدمنه...
ام عمار:: ههههههه خايبة شكد فطيرة. ياادمان ...
شتحجين انتي...
حضنتني...وحاولت تهديني ..
بقيت بالغرفة لا اكلت..ولا شربت جابتلي مها الاكل لكن رفضت مستحية وفشلانة مااريد احد يشوفني..
علي بقى للعصر يله اجه بس دخل احسة. صاير نااار.. طلع جنطته مال دوام... ترس الجنطة ملابس وطلع .
صارت دنية الليل دخلت سبحت .وصليت المغرب والعشاء...وصليت ركعتين لرب العالمين يسامحني عل سويته...ولو مو بأرادتي...
اندك الباب..
اية؛؛ تفضل...
منى:: مرحبا... شنو اليوم منشوف طولج الحلو..
اية:: هلو حياتي ...تعالي .... شوية مالي خلك...
منى؛؛ هااا مزاجج اليوم وردي... وتغمزلي....
اية؛؛ اووف لاتذكريني الله يخليج .. والله تعبت .. شوفي سوالف اخوج بله هاي سالفة اخوانج شيكولون علية....والله ميته بدمي...
منى؛؛ وانتي شكو فشلانه الغلط مو منج ... وثانيا كلنه ندري انتي ممتقصدة.. وعلي هو الغلطان...
اية؛؛ اكولج هو اخذ جنطته وطلع...
منى ؛؛ ايي راح للدوام مالته .. تعارك هو وابوية وكيان. والا شويه جان تضاربوا
..احمدي ربج عمار بالدوام ومشافج .. جان قريتي على علي الفاتحه والنبي جان دفنه بارضة .... مشايفة عمار واعصابة ااو.ووف الحمد لله عدت على هيج.....
اية؛؛ اكولج.. شلون هسة اني شسوي..
منى؛؛. انزلي عادي ..حبي والنبي محد مهتم لان مجرد حادث بسيط وخلص...بس هسة شيخلصج من تصنيف محمد...ههههه..
اية؛؛ يابا اذا عل تصنيف عادي الله وكيلج...
منى؛؛ يله كومي... خلي نتعشة.. واليوم نسهر اني وياج سهرة من العمر مدام كملت امتحانات...يله .. يله لا تطولين..
اية::اوك جاية وراج...
ّّّّّ{نزلت واني متوترة... الكل كاعد بالاستقبال...}
اية::السلام عليكم...
الكل:وعليكم السلام..
ام عمار:: هلا يمه تعالي اكعدي..
ابو عمار::تعالي بوية اكعدي يمي...
اية ؛:حاضر عمو
ابو عمار:: اني ان شاء الله مثل ابوج..
اية::شي اكيد عمو على راسي..
ابو عمار ::سالم راسج بنيتي. ... بوية ادري الصار هوااي ...واتمنى تمسحيهة بوجهي.. علي غلط وياج هواي ولا تتصورين اني ساكتله ..
مادري بي يغلط هيج غلط ويدخل حبوب للبيت ... ومرته الوكعت بيهة...بس ماقصرت وياه..اووف.{وذبله حسرة شكبرهة..}
علي طول عمرة ملتزم مافديوم شفته تصرف تصرف غلط... ولو اعرف بي مو كد المسؤولية مجان خليتج برقبته . اوووف .الله يصلح حاله...ان شاء الله.. ..يله بوية كومي سويلج لكمه اليوم كولشي مماكله ..
اية؛؛حاضر عمو...
دخلت للمطبخ ومنى اجت وراي هم بعدهة ممتعشية سوينه عشى وكعدنه اني وياهة نتشاقة ونضحك ..هونت علية هواي هموم...
اجه محمد وكعد ويانه
محمد:: .الله اني جوعان ماانتظر عزيمه
منى:: اليجي بلا عزيمه يكعد بلا بساط...
محمد::ميمشي وياي هالحجي.. الجوع كافر..يمعودة..
.ههههه
منى:: شوكت تعقل ماادري .. وخابصنه بالزواج...
محمد:: وج لاتسمعج اية وتصدك...وتكول لبنت عمهة ويبطلون...
اية؛؛ لا..لا تخاف ادري بيك وبسوالفك .
محمد؛؛ اكولج خيتي اشو.بيت عمج غلسوا ماردوا خبر ..
منى ::ايي دنطي مجال للناس يفكرون يمكن يرفضون
محمد:: لا بربج...صدك يرفضون .. اية بعد اخييج شني
الفلم..
اية::معليك بيهة تغار منك ... وين اكو احسن منك..اني اضمنلك الموافقة
محمد.:ايي هذا الحجي مو مثلج يالبومه..
منى::بومه بعينك.. والله لو اني منهة مااوافق...
محمد:: اي لو انتي منهة ... همزين انتي مو منهة.ههههههه
اية:: يربي شكد تتناكرون...
محمد:: هاا ايو الضاهر مزاجج اليوم مو تمام...ويغمزلي...
اية؛؛ ههههههه يرادلي اعدل مزاجي...
بقينه بالساعات نشاقة ونضحك...لحد ماصارت ب1بالليل..صعدت للغرفة حتى انام...
ماادري ليش حسيت الغرفة وحشة.. ..تمددت ... وبقيت افكر بكلام علي... .
صح اني ليش ذبيت اللوم بس عليه هو جان ضام الحبوب واني بحوشت عليهن...زين اني فقدت معقولة متقربلي واني بهالحال.. يعني معقولة هو متندم عل سواه بيه ..مثل مااني متندمه ....يووووو.. شهالحجي... اعوف الموضوع احسن... نمت وكعدت الصبح نزلت لكيت عمتي وعمي ديتريكون...
اية ::صباح الخير..
::صباح النور..
ام عمار::تعالي يمه تريكي. ...
اية؛؛ ايي يمه حاضر...
ام عمار:: ترى هذا اخر ريوك...
اية:: هاا ليش .
ام عمار؛؛ ان شاء الله باجر اول يوم رمضان...
اية:: صدك والله بسرعه هيج هههه... ملحكنه نشبع...
نزلت مها وياهة بنات ريهام...اجن يركضن يمي .. يحبني
واني هم احبهن.. اتعجب امهن شلون صابرة بدونهن..كعدنه نتريك .كملنه وبديت شغلي عزلت البيت .داادخل للمطبخ. وسمعت عمتي تحجي ويه عمي ...
ام عمار::اني قلبي ماكلني على وليدي ليش ميجاوب
علينه..
ابو عمار:: هدي نفسج يامرى ..شنو طفل هو رجال .ومسؤؤل خايفة على شنو...
ام عمار::شهدي... ابني مدري وين راح وتكلي هدي...
عرفت يحجون على علي لان هو طلع قبل متخلص اجازته...المفروض باجر يروح ..
دخلت للمطبخ اعزل ودخلت عمتي تحاول تكون طبيعية.
شكد احبهة رغم كولشي مكشت بوجهي بس صدك حسيت بذنب فضيع لان شفتهة مقهورة على علي ... لزمت ايدهة وبستهة
اية:: يمه اني اسفة.. لان بسببي علي طلع من البيت ..
ام عمار::.لا يمه انتي شعليج...
اية:: لان بسببي صارت هواي مشاكل بالبيت...
ام عمار؛؛ لا يمه انتي شعليج ..عوفيج من هالحجي .. اني ضايجه لان ميجاوب على تلفونه ضل بالي ... اووف شيفضهة ويه علي..
خلص اليوم ونفس الروتين نمت ساعه ب11 صارت ب2كعدتني مها ..حتى نتسحر.نزلت البيت كله كاعد..
دخلت للمطبخ نحضر السحور بيض واجبان ومها مسوية تمن ابيض وروبة يحبون ياكلونه عل سحور وشاي .. وخبز خلينه الصينية وعمتي تحجي ويه عمار ..
ام عمار:: يمه دخابرة اخوك بلكي يرد عليك...
عمار:: يمه خطية يجوز نايم تدرين بالدوام شيصير بيهم ...
ام عمار:: ريح قلبي بعد امك.. هم حتى يتسحر...
عمار يدك عليه اول مرة مشاله ثاني مرة ...
علي:: الوو..
«سمعت صوته وحسيت احساس غريب مااعرف ليش قلبي كام يدك بسرعه وحسيت براحة»
عمار:: هاا ابو حسين صح النوم..
علي:: حبيبي لا منايم بس جنت اسوي شاي...
عمار:: هااي الوالدة خبصتنه الا تخابرة هسة...
علي:: انطينياهة...
عمار:: هااي تسمعك فاتح سبيكر...
ام عمار:: هاا يمه... يبعد امك....شلونك..هيج تكطع بيه...
علي :: لا يمه مكاطع بيج بس عدنه انذار وملازم الفون اساسا.. ومراح اكدر ارجع هسة. اطول يله انزل..
ام عمار:: ولك يمه كتلك انقل نفسك لبغداد مثل اخوك بعد انته مجهول نفسك محافضات علويش...
علي؛؛ الله كريم يمه.. ابوي شلونه الشباب.....البنات...
ام عمار.::كلنه زينين يمه .. نريد بس شوفتك..
علي:: يله الله كريم..... سلميلنه عل جميع.....
ام عمار:: الله وياك ..يمه...
عمار:: صاير شي حتى علي راح من وكت...
ام عمار؛: لا يمه مصاير شي...
محمد:: يابا راح يصيح امساك وانتو بعدكم تسولفون...
حسيت بتانيب ضمير على علي ماعرف ليش انقهرت عليه حسيت بعدته عن اهله... وحرمت امه منه...
ماشتهيت اكل... شربت شاي...واني سارحة بعالم ثاني... بداخلي شعور متضارب مااعرف شنو نهايته..
ام عمار:: اية.. يمه شو متاكلين...
اية:: مااشتهي عمة...مالي نفس...
محمد:: غير من وراج خليتيهة تشتاق لرجلهة وتفقدة هسة
الا تخابرينه. بهيج وكت والله يايمه..
اية:: لا والله مو هيج...بس
محمد؛؛ هو ياموهيج شفتي وجهج شلون صار من سمعتي صوته....
اية؛؛ بقيت اباوع عليه...«لا مستحيل ...اني اكرهة مستحيل »
كملنه السحور عزلنه اني ومها المطبخ...صارت الصلاة .. كمنه صلينه... وكلمن توجه لغرفته...
دخلت للغرفة جنت ميته من النعاس .. نمت محسيت بروحي غير الساعه ب12 الضهر.. كمت اركض لان تاخرت نزلت لكيت كولهة نايمه بس عمتي كاعدة...
اية:: صباح الخير ..
ام عمار :: صباح النور يمه.. هاا شو كعدتي..
اية؛؛ ليش .. لازم مااكعد..ههه
ام عمار:: لا يمه هلا بيج بس البيت نضيف والبنات كولهن نايمات المن تكعدين خلي يعدي نص النهار.. حتى ماتعبين....
اية:: بعد كعدت. خلي اصلي .. صليت وكملت..وصعدت للغرفة عزلتهة...
مااكدر انكر احساس بداخلي يدور «علي» ليش مااعرف اني مااحبه ليش اريد اشوفة ..
اووف ربي تعبت..
.صارت ب3 كعدن البنات وبدينه تحضير. للفطور.اني وعمتي ومها ومنى بالمطبخ كلمن تشتغل شغلة.. عمتي تسوي الدولمه.. ومها سوت تمن مطبك دجاج. ومنى الحلويات. واني شوربة العدس. وسويت مقبلات حمص بطحينه وزلاطة.. وجاجيك
.. اجه محمد واحمد قبل الاذان بساعة.. جايبين لبن وعصاير زبيب ونومي بصرة... قبل الاذان كلشي كامل للفطور
حضرنه الميز خليت عليه اللبن والتمر والعصاير..
.وقبل الاذان كولهة اجتمعت بالمطبخ حتى يفكون ريكم ويصلون... ومتخلة من تحشيشات محمد وسوالفة... اذن ...
وكولهة فطرت وراحت تصلي صليت المغرب ونزلت احضر الفطور ...
فرشنه السفرة ونقلنه الاكل صارت سفرة شكبرهة...وكولنه كعدنه...نفطر.. الله عليك يارمضان صدك احلى جمعه. صح ننجمع دائما عل عشى بس مو مثل اليوم لان رمضان اله طعم ثاني ورى الافطار كاعدين كولنه والحلويات والكرزات.. واتصلت عمتي على عمتي ام عمار تبلغهة الموافقة حتى يجون يخطبون رهف وقرروا بعد يومين يرحون خطابة الزلم والنسوان
..ومشت الايام بسرعه ورحنه كولنه حتى نخطبهةبما اني صرت من اهل العريس ولا جن هي بنت عمي واختي
وقرروا الخطبة والنيشان بالعيد......مشت الايام وصار. نص رمضان وعلي ماكو.. اسمعهم يخابرون عليه اريد اعرف ليش هيج تاخر بس بعدين اكول واني شعليه بي.....« اني اخذ راحتي من هو بالدوام.»
وبيوم كعدت.ب12. جنت لابسة كيمونه.سودة . وبرمودة.سودة... وكوة كعدت حتى كوة افتح عيوني نزلت رجليه من الجرباية ... واتمغط.. يعني التمدد بعد النوم ...
وكفت وجان اسمع..
علي ؛؛ احم احم..
وجان اكمز كمزة..
اية؛؛ يمااااااه.....
علي::اني اسف مو. قصدي اخوفج بس دكيت الباب وانتي مسمعتي
انتبهت على لبسي رجعت بسرعه للجرباية وغطيت نفسي...
سمعت صوت باب الحمام... دخل للحمام..رفعت راسي ملكيته. لااراديا حسيت نفسي متبسمه....وصحيت على نفسي شنو هاي ...لا ..لا مستحيل.... اصحي على نفسج
كمت لبست. ونزلت... سلمت.
اية::صباح الخير...
الكل ::صباح النور. جان عمي وعمار وكيان كاعدين.اشو باوعو عليه ودنكوا..تفاجات وفشلت...
. واشوف مها تتبسم وتاشر على راسي ..مفتهمت منهة.... رحت للمطبخ واجت وراي...
مها:: الماخذ عقلج وتغمزلي..
اية::هاا شكو ...
مها:: الزمي راسج...
اية ::شبي..لزمته .. يااا عزة ملابسة حجاب.. رحت اركض وبوجهي للغرفة يمكن الدرج صار خطوتين ..وصلت للغرفة دفعت الباب ودخلت بسرعه وياريتني مداخلة علي طالع من الحمام.. بس بالمنشفة...
اني شفته خليت اذية على عيوني ودرت وجهي..
اية:: اسفة..اسفة... بس مستعجلة ..
علي::مصار شي.
..درت وجهي عنه اخذت حجابي وطلعت اركض ...
يربي فشلتين بنفس الدقيقة« قلبي الصغير لا يتحمل»
نزلت ورحت يم البنات
ام عمار:: يمه اية وينه علي...
اية؛؛ سبح وديبدل ..
ام عمار:: غير يجي طاك قلبي عليه...
علي:: واني قلبي يناشغ باسمج...
باسهة من ايدهة وكعد يمهة...
ام عمار::يبعد قلبي انته واكف وراي...
علي:: لا هسة اجيت...
ام عمار؛؛ شلونك ييمه ضعفان وتعبان...ماتاكل.يمه...ليش هيج...
علي::يعني الماياكل من اكلج شلون يصير بي عافية...
ام عمار؛؛ يبعد قلبي اليوم اسويلك التريدة بس كول..
منى:: ايي ليش لا ....واحنه النه الله...وينك محمد جان وكف وياي هسة...
علي؛؛ يمه شتسوين خير من الله...وج منيوة اشو طالعلج السان وتحجين شو تعالي..
لزمهة من ايدهة وجراهة لحظنه ويدغدغ بيهة وهي تضحك.. حضنهة .
ام عمار:: يمه عوفهة شلعت قلبك... صايرة شكبرهة وانته. تلاعب بيهة
علي:: شكد متكبر تظل الطفلة المدللة بعيني...
منى:: غير اختك الصغيرة والدلوعه... على طاري المدللة
اشو توقفت المعونه صار فترة.
علي:: والله ماطلبتي غير حقج...
«اني اباوع عليهم وبداخلي احسدهم. صدك الاخ نعمه... شلون يشاقيهة ويلاعب بيهة...حسيته شكد حنون وياهة ..»
طلع علي محفظته وطلع فلوس ونطاهة.. بعدين شال فلوس وانطاني..
علي:: اية ...تفضلي..
اية؛؛ لا لا مشكور .. مااريد...
علي:: ليش هاي اشتري ملابس جاي عيد..
اية:: لا صدك عندي ملابس كومة.. شكرا
ام عمار:: يمه اخذي من رجلج ليش تفشلين ايده..
اية:: يمه مااحتاجهن... الحمد لله ..
كمت رحت للمطبخ...لكيت مها تسوي اكل للبنات...
اية:: مها شنسوي للفطور...
مها:: والله ماادري اسالي عمتي حتى نبلش نشتغل...
رحت لعمتي بالغرفة..وجانت تسولف وية علي...
اية :: اسفة عل مقاطعه يمه بس شنسوي للفطور حتى نبدي نجهز
ام عمار:: اي.. يمه علي شمشتهي...
اشوف علي يباوعلي بس اني ابينله ممنتبهة ...احجي ويه عمتي وهو مركز عليه...
علي:: يمه بكيفج...شتسوون سوو...اني اروح انام... لان تعبان...
ام عمار :: اخذ راحتك يمه...
طلع علي...وماادري ليش عقلي كله يمه....اقنع بنفسي اني مااحبة اكررررهة ليش افكر بي... ياارب تعبت
وبدينه نحضر للفطور سوينه سمج مسكوف.. وتمن احمر واكيد نجم الافطار شوربة عدس والحبشكلات مقبلات وزلاطة وحلويات صار وقت الافطار..اجه محمد واحمد..
.السلام عليكم
وعليكم السلام...
احمد ..كواكم الله.
:: الله يكويك...
محمد:: شمسوين للفطور..
ام عمار خير من الله ...اخوكم علي اجه ..
محمد واحمد::صدك والله وينه..
ام عمار:: نايم دروحوا كعدوا ...حتى يفطر...
راحوا يركضون شكد ممشتاقيله...ورى ربع ساعه نزلوا كلهم..واجو للمطبخ...ويتشاقون اني مااعرف ليش احس نفسي غريبة. سحبت نفسي عنهم...حتى مندمجت وياهم بالسوالف والشقة ..
صار الاذان وصلينه واجتمعنه عل فطور...وجانت لمه حلوة. ورى الافطار الولد طلعوا اني هم صارت ب11دخلت للغرفة.. شوية ودخل علي.... اني تمددت ردت انام ..
علي:: اية...ممكن تكعدين شوية..
اية؛؛ نعم..تفضل..
علي:: اني اسف ظلمتج وياي هواي...واعتقد انو لازم
كلمن يروح بطريقة افضل حل....
ادري بيج تكرهيني.. ومجبورة علية لكن جان عندي امل
انو تسامحيني... لكن كلما بقينه سوى اكثر كلما يزيد
كرهج الي...
فافضل حل هو الانفصال..
واتمنى انو الحادث الصار ميأثر على حياتج اكثر ..
انتي صغيرة تكدرين تكملين دراستج ..
ومستعد اتكفل بمصاريف دراستج...لحد التخرج...
باجر الصبح كولي تعاركنه اني وعلي وضربني وخلي امي تاخذج لاهلج...وتكولين انو دائما اضربج حتى محد يلومج... تمام...واني اتصرف بالباقي..
اية ::تمام...التشوفه..
علي:: تصبحين على خير...
اية:اجمعين..
يارب معقولة.. اني جنت اتمنى هالشي يصير ..ليش
نقبض قلبي من هذا القرار....
بقيت كاعدة لحد السحور واني افكر بالموضوع لحد
ماااخذت قرار.....
اندك الباب منى؛:( يله سحور) كام علي وصحتله..
اية::علي ممكن نتكلم .
علي:: اكيد... تفضلي...
اية:: بخصوص موضوع الانفصال....
علي:: اهاا..كولي ..
اية:: اممممم اني فكرت ...
ومااريد ننفصل ....
