رواية لماذا انا الفصل الثالث عشر بقلم عبير السراي
اية::علي ممكن نتكلم .
علي:: اكيد... تفضلي...
اية:: بخصوص موضوع الانفصال....
علي:: اهاا..كولي ..
اية:: اممممم اني فكرت ...
ومااريد ننفصل ....
يعني اقصد حاليا..... محمد ورهف خطبتهم بالعيد واذا صارت مشاكل اخاف يأثر على خطوبتهم..
علي::يعني..
اية:: يعني ..الافضل انو نأجل الانفصال لحد ميتزوجون ويستقرون حتى انفصالنه ميأثر على حياتهم...وبكيفك اذا مستعجل... ؟
علي::لا كلامج صحيح اكيد حتصير مشكلة...
اوك نأجل الموضوع...
يله كومي للسحور...
اية:: اوك....نزلنه سوة اول مرة امشي وياه حسيت نفسي بديت اطمئن وياه.. والخوف والرهبة من عندة دتخف شوي شوي...
..رحت عل مطبخ لكيت البنات كملن التحضيرات...نقلناه للصاله وكعدنة نتسحر... رحت صليت. .صعدت للغرفة وعلي هم صعد ورجع لفراشة.تمدد .. غفيت واني مرتاحة ..
كعدت الصبح ...ملكيت علي...نزلت وجان يصير بوجهي...لا أراديا. تبسمت وكلت
:؛صباح الخير...مصدوم ويباوع عليه...لان اول مرة اصبح عليه.... انتبهت على نفسي ..رحت بسرعه بدون مااسمع جوابة ....
علي::صباح..النور...
بقيت افكر شلون سويت هيج ..ليش سلمت عليه ....يالله هسة شيكول عليه....اكيد يكول تحبني وذابة نفسها عليه...اوووف
لا هو مجرد سلام قابل شنو ماخذته بالاحضان...نزلت والارتباك واضح عليه ...
سلمت على جميع .. ..وكعدت يمهم..
منى:: فدوة يمه شوكت نروح للسوق نشتري ملابس.. هم للعيد ولخطبة.محمد..
ام عمار:: اي يمه ان شاء الله اليوم نروح اني وياج واية...حتى باجر اخذ مها والبنات نشتريلهن...
منى:: بعد قلبي يمه...اوك ايو. حضري نفسج...
اية::لا يمه روحوا انتو اني عندي ملابس ...
ام عمار:: اي ادري عندج ملابس بس عيد الله اذا مانشتري ونلبس جديد مايتسمه عيد..
اية::بسس....
ام عمار::لا بس .ولا شي... ورى الفطور علي ياخذنه...
اية؛؛ تمام ان شاء الله ...
بدين شغل الفطور وحضرنا وكملنه وصار الفطور..واريد بس الوقت يخلص صارلي كوومه مطالعه ولا متونسة.....
صعدت احضر نفسي...لبست فستان رصاصي فاتح سادة والسترةبيضةمزخرفةبورد وكذا كوولش حلوة...ومكياج خفيف بناتي ...
ومنى كذالك ..كاشة طالعه تووب..
طلعنة وعلي فرانه بغداد كولهة رحنه كرادة...تونسة.وبعدين رحنه عل مول....
اشترينه كم قطعه وكعدنه بالكوفي نشرب عصير..
منى:: فدووة يمه ذاك المحل بي فساتين سهرة تجنن خلي نشوفة ...
ام عمار:: يله كملي العصير وامشي .. كمنه .. ورحنه للمحل علي بقة واكف برة...واحنه دخلنه ... الفساتين يجنننن ..تحتارين شنو تشترين...
اختاريت فستان سيلفي بثنيات .. ماروني.وبي لمع ذهبي..فددشي خرافي...بلا ردن ... ومنى اشترت فستان قصير.. ازرق جويتي ..هم كوولش حلو.
.. بقت عمتي. ومنى يم الكاشير اني طلعت اشوف الفستان برى كلش حلو حتى اكول لرهف بنت عمي عليه..
طلعت لكيت علي وياه بنات اثنين بسوالف ويضحك
..دخلت بسرعه حتى ميشوفني.. .وكفت يم عمه ومنى..واكفات يمه البنات ..ودك ضحك وسوالف .. حسيت جسمي كب ناااار .
منى:: هاا شفتي الفستان..
اية؛؛ ايي شفته.. ميستاهل
منى::منوو....؟
اية::هااا....الفستان معجبني...
منى ::لا تضوجين حبي هسة نلكه احلى منه
؛؛ ليش نقهرت هو منو حتى انقهر بسببة...
طلعنه وجانن هستوهن فاتن من يمه...ويباوع عليهن.. لحد ماانتبه احنه اجينه.....عدل وكفته...
علي؛؛ هاا كملتن.. لو تاخذن السوق كووله...
ام عمار::هاا يمه شنو تعبت...
علي:: لا يمه اخذن راحتجن...روحن كملن منتظرجن هنا..
منى:: اني كملت معندي شي بعد...
ام عمار::هاا يمه اية... وانتي.
اية:: اني هم معندي شي....خلي نرجع...
طلعنه ..واني اكل بروحي... معقولة عندي مشاعر تجاهة...شكد كرهت نفسي.. لإن بداخلي شعور متضارب بين كرهي اله وغيرتي لان يحجي ويضحك ويه البنات...بقيت الطريق كلة واني بعالم ثاني وحدي بافكاري واقنع نفسي اني اكرهة وميهمني...
منى:: شنو ايووو..وين رحت..
اية:: هاا حبي ...موجودة ...بس سرحت شوي...
ام عمار:: هاا يمه شنو بيج شي ... شي بخاطرج تردين تشترينه..
اية::لا عمه ماكو شي.. سلامتج..
منى:: احنه من جنه يم الكاشير وانتي طلعتي ورجعتي ...وانتي تبدلت احوالج...
اشوف علي التفت على منى راد يحجي وباوعلي بالمراية ...
شكد فشلت حسيته عرف اني شفته...
اية:: لا حبي .. بس كتلج عبالي الفستان .. اشوفه لرهف
لان تحب هيج ستايل بسس... ميناسبها...
منى:: يله بعد وكت.. لا تضوجين..
وصلنه للبيت متاخر شوي تقريبا ب12. صعدت للغرفة دخلت للحمام سبحت وطلعت طفيت الضوة وتمددت...محبيت اشوفة ...دقائق ودخل علي.. اووووف شكد كرهته .
..ولعبت نفسي منه ...
غفيت.. وحسيته يكعدني..
علي:: اية... اية ..اكعدي..
اسمعه بس مغمضه عيوني مااريد اشوفه... لزمني من
كتفي وطفرت...
اية::نعم....
علي::اكعدي تسحري..
اية؛؛تعبانه اريد انام ... درت وجهي عنه...حسيته بقة واكف شوية وطلع... مهتميت اله...
كعدت الصبح...لكيته يحضر بجنطته...
علي؛؛صباح الخير..
اية... باوعت عليه .ودرت وجهي...محبيت اجاوبة كااارهته
بس تفاجات ليش يحضر جنطته مو موعدة...
دخلت للحمام غسلت.. وطلعت لكيته نازل..
نزلت لكيته يسلم على اهلة...انسحبت محبيت اكون بموقف محرج. بقيت اكثر من ساعتين يله نزلت .
سلمت وكعدت يمهم البنات وعمتي ...
اية::منى شنو ..وين راح علي....
منى:: خابروا بالدوام...ولازم يروح...
اية؛؛ اهاا...
منى؛؛ شنو شبيج ضايجة.. حتى عل سحور مكعدتي...
اية::لا سلامتج..ماكو شي..
ام عمار:: هاا يمه خيرج صاير شي ...علي مسويلج شي
كولي لا تستحين...
اية؛؛لا عمة سلامتج.. ممكن اطلب منج طلب...
ام عمار:: كولي يمه..
اية:: اريد اروح يم اهلي اغير جو...
ام عمار:: اي يمه شعدنه ...
هسة اخابر رجلج لازم يكون عندة علم...
اية:: تمام على راحتج.....
طلعت الجهاز من جيبها .وخابرته بس عمتي متسمع زين الا تفتح السبيكر...
ام عمار:: الوو ..هاا يمه..شلونك.. وصلت بعد...
علي:: هلا يمه....تقريبا وصلت.. كولي رايدة شي...
ام عمار؛؛يمه مرتك تريد تروح لأهلها....ماعندك مانع...
علي:: .خلي تروح يمه ...رايدة بعد شي ...
ام عمار؛؛لا يمه سلامتك....في امان الله...
كومي يمه حضري نفسج...بين مااروح لعمج.. اكوله...
رحت حضرت نفسي..وطلعنه اني وعمتي...
وصلت لبيت عمي...اوووف شكد مشتاقتلهم...
رحت اركض للبيت ...تلكتني مرت عمي...
مرت عمي::يمه هلا ومرحبا وج وينج كولي بيت عمي
...يعني مشتاقيتي يلبذاته...
اية؛؛ والنبي مشتاقتلكم كوومات
مرت عمي؛؛ هلا عيوني ام عمار.. تفضلي زارتنا البركة...
ام عمار؛؛ كل الهلا بيج حبيبة....بعد قلبي..
اية؛؛ لعد عمتي ماكو..
مرت عمي؛؛ والله راحت للسوق هسة على جية....
دخلت للبنات باوستهن... ....ورهف تستحي تدخل..
اية؛؛ يمعودة مجايين عليج... على شنو مرتبكة..ههههههه...
رهف:: اشلون ماارتبك... وج عزة شلون بالخطبة هخخخخ..
اية؛؛ دروحي سلمي.. عيب من المرة...
طلعت رهف تسلم وكعدت يمهم..
والحكتها اني وسالي .. شوية وراحت عمتي...
ام عمار:: ايي يمه اية شوكت اجيج..
اية؛؛ بكيفج .. شوكت متجين هلا ومرحبا..
ام عمار:: يله الله كريم.. مرخصتكم...
مرت عمي؛؛ مرخوصة بعد عمري...
بقينه كاعدين الساعه ضحك وسوالف ...اجتي عمتي..من السوق.....اني ذبيت نفسي عليها...
اووف مشتاقتلج يروح الروح...
عمتي؛: يبعد عمري ..اني اكثر ...
بقينه نسولف اني والبنات وعمتي ..وكلهم يسالوني علية شلون حياتي وياهم....
اية:: الحمد لله مرتاحة ...عمتي وردة مال الله ...وعمي كذلك البنات هم...
رهف بخجل::وانتو شلونكم...
اية؛؛ تقصدين محمد ...زين لا تخافين... خابصنه عل خطبة عبالك بس هو حيخطب..هههههه
رهف؛؛ شبيج هسة اني جبت طارية...
عمتي:: يمه منج يالعيارة....عل عموم مضل شي للخطبة ...
اية:: اي شنو جهزتوا ...
عمتي:: ماعدنه شي...الصالون والبدلة قبل اسبوع نحجز...والبنات اشترن ملابس... وحضرن نفسهن ..
. والباقي كلهة قبل الخطبة بيوم يجهز....
اية؛؛الله كريم..
كامن البنات وبقينه اني وعمتي...
عمتي؛؛اي شلونه زوجج وياج ...
اية؛؛ شلونه يعني...على ماهو عليه...
عمتي؛؛ يعني ماحاول يتقرب منج..
اية؛؛يتقرب مني.. غير اكص ايدة..
عمتي؛؛ثولة قصدي.. يصالحج يعتذر منج يحاول يتقرب
منج يسولف وياج...
اية؛؛ هااا...
عمتي؛؛ هو شنو الهااا... حاول لو لا....
اية؛؛ هو.... حاول بس اني صديته ....
عمتي؛؛ وليش يمه صديتي...انتي تضلين عوبه ...يمه
والله خوش ولد وحليو...
اية؛؛حليو على روحه....
عمتي؛: ودوامه شلونه..
اية؛؛ يمه لا تساليني عليه.. الله وكيلج كلشي مااعرف عنه
... لا دوامه لا وين يداوم كل الاعرفة عنه اسمه .ضابط
..وحتى هالايام يروح للدوام يضل عشر ايام واكثر واني حتى مااعرف عنه شي...
عمتي؛؛ الله يهدي سركم.....
بقيت يم بيت عمي 3ايام .. بس اريد ارجع للبيت.تعودت
على كعدتي بغرفتي.. . خابرت على عمتي ..تجيني ... .
ثاني يوم اجتني ورجعنه للبيت...
تلكتني منى...
منى:: هلا والله وين هالغيبة..
اية؛؛مشتاقتلج مووت ... شلونج شخبارج...
منى؛؛ الحمد لله تمام...وانتي شلونج...
اية؛؛ بخير .. شكو ماكو...
منى:: اممممممم.. عندي خير...
اية؛؛ خير ان شاء،الله...
منى؛: هو خير....اممم اجوني خطابة...
اية::يااا.. صدك تحجين... اكعدي .واحجي كل التفاصيل...
منى:: خالتي اجتي لابنهة....اممم. اسمة.. سجاد. هو من
زمان رايدني بس خالتي جانت تأجل الموضوع..لحد ميستقر شغلة...فهسة اتقدموا وابوي وافق والخطبة بالعيد ورى
خطبة محمد...
اية:: اوكفي ..اوكفي. خلي استوعب ..يعني خطبوج
ووافقتوا وحددتوا الخطبة..
منى بخجل.:: اهاا...
اية؛؛ مبروووك يعمري شايفة كل الخير يقلبي...
يعني خطبة محمد ثاني يوم وانتي الثالث...حلووو
منى؛؛ ايوووون..
اية:: حلو. يعني لازم بعد ملابس ههههه...
منى ::اني بالنسبة الي لا...
اية؛؛ ايي حبي فرحتج.. من كل قلبي..
منى::فديتج يقلبي...اكولج علي مراح يجي لحد
العيد...
اية؛؛ اهاا...{بداخلي اريد اسالهة ليش بي شي .
بس احاول اقاوم نفسي.. ميعنيلي شي ..لا تهتمين...}
مشت الايام وبعد يوم للعيد رحنه اني وعمتي ومها ومنى.. للصالون نصبغ شعرنه... ونعدل الخلقة...
اني صبغت شانيل عاجبني كوولش وطلع يجنن عليه
وشعري سرح وطويل...
ومها ومنى بس سون تنضيف بشرة وخيط ... ..وحبشكلات العيد....
من كملنه... دنطلع شفت نفسي بالمرايا لا مستحيل هااي
اني... اول اعدل حواجبي..لان بزواجي. اساسا مهتميت لنفسي ولا باوعت بالمرايا.....رجعنه عل بيت ...
اشتغلنه بالبيت تنظيف العيد ...لنص اليل واحنه نشتغل .. حتى نصبح البيت نظيف كملنه بالوحدة بالليل..
.ذبيت نفسي عل فراش محسيت الا ب8 الصبح..كمت بسرعة دخلت للحمام. .ولبست كلابية. نيلي كولش حلوة وخليت مكياج خفيف..
ولبست حجابي وتعطرت وطلعت . اول عيد الي بينهم ومستحية اعايدهم.
.. نزلت لكيت البيت كوله كاعد عايدتهم..
وكعدت يمهم...شوي وعمي صاح علينه...
ابوعمار؛؛ يله يابا العيدية للبنات بالاول من الكبيرة نبدي...
.. راحت مها باست ايدة وانطاها عيدية.. تفاجات عبالي
يقصد البنات الصغار .. بقيت جامدة بمكاني... استحي... راحت منى باست ايدة وانطاهة فلوس...وصل السرة الي...
اترددت ....كاموا يصيحون عليه..
رحت بست ايدة لعمي وانطاني خمسة وعشرين الف ....
وبعدين البنات الصغار...
شوية وبدء الخطار يجون علينا ... وكيان اخذ بناته ووداهن لامهم ريهام...حتى تشوفهم....
صارت تقريبا ب11:30 احنه بالمطبخ نسوي غدة....
واجوا جهال عمار يركضون ....اجه عمو علي ...اجه عمو علي...
حسيت قلبي انقبض.. وين اضم نفسي مااريد اشوفه ولا اريدة يشوفني....
سمعت صوته... اقترب .. البنات راح يسلمن عليه اني بقيت بالمطبخ...ضامه نفسي ....اوووف شيعدي هالساعه...
بقة تقريبا نص ساعه واكف يسولف وية منى ومها وعمتي.. .. لحد مراح يم عمي.. ..
رحت اركض للغرفة... خفت يدخل للمطبخ..
يرربي ليش متوترة ...وخايفة قابل يكص راسي ربع ساعه واني افتر بالغرفة رايحة جاية...لحد ما ... كلت انزل
وشيصير خلي يصير...
داافتح الباب.... ودخل علي.....
علي::مرحبا....
اية::آ.آ.آهلا...
علي؛؛ عيدج مبارك ...
تبسمت واجيت اطلع لزمني من ايدي..
علي::على الاقل عيد الله واحد يرد السلام...دااعايدج..بس
..لا اكثر ولا اقل...
اية؛؛ عيدك مبارك...
علي:؛ وايامك سعيدة...ان شاء الله.....
رفعت راسي اجت عيني بعينه...
علي؛ّتحقيق الاماني...
اية؛؛ شكرا... ممكن تعوف ايدي...
علي؛؛ليش ...
اية؛؛شن. اليش ...اريد انزل ددددانسوي الغدة..
علي؛: اهاا شمسوين غدة...؟.
جرني من ايدي.. وكعدني عل جرباية وكعدني يمه..
حاولت اكوم مخلاني.لازم ايدي حيل
اية بتوتر:: عمتي سوت مركة دجاج.. وبرياني ...يعني
وهااي السوالف..
علي وهو يتقرب الي..::يعني شنو هالسوالف...
اية؛؛ هاا.....اقصد...خضرة وزلاطة وطرشي....
..يتقرب مني واني ابتعد عنه شوي شوي...
علي:؛ اية ...انزعي حجابج..
اية؛؛ هااا ليش...؟
علي:: زوجج واريد اشوف شعرج....
اية؛؛ علي خليني اروح احسن... حاولت اكوم لكن هو أقوى
مني كعدني ولازم ايدي بقوة...
علي؛؛ ترى بس اشوف شعرج. مراح اسوي شي ثاني...
اية؛؛ علي كتلك اريد اروح.. ترى....
علي؛؛ ترى شنو ...تنزعين.. الحجاب لو انزعه بطريقتي..واحتمال....
قبل لا يكمل... بديت افتح بالحجاب...بس احس جسمي ينتفض... خايفة ومرعوبة...
نزعته وخليته بايدي...
مد ايدة على شعري وبتلمسة. اني دورت وجهي عنه... مااعرف شسوي يررربي...
لزم حنكي ودار وجهي عليه....
علي؛؛ خايفة شبيج ... امي كالت صبغت شعرهة وطلعت تجنن.... واجيت اتاكد....
صدك طالعة تجننين لو بس بعين امي.حلوة..
ترك ايدي... لميت شعري..مااعرف ليش انتظرت جوابه
يكولي حلوة لو لا ليش سكت ...معناه مو حلوة.... معقولة...
علي؛؛ تمام تكدرين ترحين...
اية؛؛رغم الخوف .. وكل شي لكن حسيت خابت امالي بشكلي مو طبيعي...يعني حتى لو اكرهة مااحب يبينلي اني مو حلوة ... اكيد اريد اكون حلوة بعيون حتى اعدائي.....
نزلت واحس الدمعة بطرف عيني....
لكيت عمتي بوجهي...
ام عمار:: هاا يمه شبيج..
اية::،هاا مبيه شي..
ام عمار؛؛ لعد شبي وجهج معبس .. متكولين..
اية:: يمه فدووة شعري مو حلو...ملايكلي..
ام عمار؛؛ لا يمه ليش تخبلين طالعه بي...
اية:: اوك..تمام... «لكن كلامهة مغير شي..ليش اهتميت لكلامه....
رحت بسرعه لغرفة منى سديت الباب بعصبية.......
منى:: هاا... خية شنو هادة عليه...
اية::اسكتي انتي بله.. فتحت شعري على طولة..
بقيت اكلب بي ....
شنو. يعني مو حلو....معقولة... مناوية فدوة موحلو شعري...
منى::حبي والنبي يجنن....اساسا قررت بعرسي هيج اصبغ شعري بس كون يوالمني مثل موالمج... وطالعة خوورافية...
ليش هيج شهبط معنوياتج...
اية:: لا محد يهبط معنوياتي ...وسفة
منى؛؛ لا كولش مبين...
مها:: يله بنات تعالن ساعدني نصب الغدة...
اوك جايين... لفيت حجابي... ورحت للمطبخ...خلينه الغدة...وكملنه كولها كعدت...
ام عمار:: يمه اية صيحي لرجلج..يجي يتغدة...
اية:: حاضر...
صعدت الدرج بعدني بالممر.. وطلع من الغرفة درت وجهي وداانزل..
علي؛ تعالي...
اية؛؛نعم....
علي؛؛شنو شفتي جني ..لو بعبع...
اية؛؛ لا.. بس ...دااصيحلك عل غدة وانته اجيت...
علي؛؛ اهاا.تفضلي انزلي ...
نزلت كدامه ....اووف صوته يرعبني ...خشن .عالي..
.ذكووري جدا..
كعدنه نتغدة بس اني احس مالي خلك حتى الاكل.. كملت بسرعه وكمت... رحت عل مطبخ...سويت شاي ...وكملوا غدة وشلنه المواعين وصبيت الشاي والكل كعد بالاستقبال...بي اني ساكته...
محمد:: شنو اية..شو مو على بعضج...حتى غدة متغديتي
ام عمار::ايي والله ليش يمه متغديتي...
اية؛؛ ماكو شي بس مااشتهي اكل...
منى:: اني اكولكم ليش جانت فرحانة بشعرهة بس معرف
منو مهبط معنوياتهة وكال الهة محلو... وضاجت..
اية:: او.ووف منج منى... لا مو. هيج... اني واثقة بنفسي وعاجبني...
اشوف علي يباوعلي ويتبسم.....اووف هسة عبالة بسببة....بس لحظة هو صدك بسببة..متت من التفكير..اني ليش منطيته اهمية.
محمد:: علي خاف انته كايل مو حلو...
علي::لا بالعكس اصلا كوولش حلو عليهة وهي المحليته
مو هو محليهة...
اشوف الوجوه واحد يباوع عل ثاني ويتبسمون. خصوصا اليعرفون بطريقة زواجنه...
اني بقيت افور.. مستحية على متوترة ...
كمت ويه البنات نعزل البيت ونحضر على مود الخطبة بقينه للمغرب... لحد مخلصنه كولشي...
صعدت للغرفة صليت وكملت بدلت ملابسي ودانزل
...لكيته علي ديصعد..
وكفت على جنب..
علي؛؛ اممم..من يجهز العشة..صيحيلي اني راح ادخل العب حديد...(تقرب مني بابتسامه وبهمس) .اخاف ماانتبه من تصيحيلي ...بس دكي الباب..واني اسمعج...
ايةّّ؛؛ت.تمام..
(اووف يقصد على المرة الجنت اباوع عليه من يلعب حديد... اوووف شكد اكرهك يامستفز)
علي؛؛ اهااا وقبل لا انسة ترى شعرج حلوو ..ويجنن وطالعة حلوة بكل معنى الكلمه...اخاف مكتلج مساعه...ترى مو قصدي..
اية::ومنو كلك اني اهتميت...اساسا انت مو على بالي..
نزلت بسرعه ....
عمتي دزت احمد يجيب عشة جاهز... واجه التمو على
العشة...
مااريد اروحله.. صحت مصطفى ابن عمار...
آية؛؛ حبيبي روح صيح عمو كوله تعال تعشة...
مصطفى؛:حاضر عمة
كعدت عل عشة...شوية ونزل.... باوعت عليه واني اتبسم...اشو يخزرلي.. عيونه احسهن حينطن من مكانهن...
بداخلي خفت.. بس مبينت هالشي...
كملنه العشة .. شوية وكلها طشت عمي وعمتي طلعوا يعايدون اقربائهم واخذوا منى وياهم....ومها راحت هي
وعمار اهلهة تعايدهم وتاكد عليهم يجون للخطبة ومحمد واحمد طلعوا...وبقيت بس اني وعلي وكيان...
كمت للمطبخ اعزل وبقة علي وكيان كاعدين شوية.واشوف علي ديصعد الدرج... ...
علي:؛اية ...تعالي وراي...
اية؛؛ حاضر...بس احس عظامي يتراجفن يربي نوب محد بالبيت شسوي...حاولت اماطل بنفسي لحد ميجون....
علي بصوت عالي؛؛ اااية وووينج..
رحت بسرعه يم الدرجة لكيته واكف بنهايتة ...
اية:: دااشتغل والله ...
علي؛؛ عوفي شغلج وتعالي... يله اصعدي...
اية:: مااشي..صعدت بس الباية اسويهة 3خطوات. وصلت للغرفة الباب مفتوح...
علي:: ادخلي وسدي الباب وراج...
ايةبخوف؛؛ علي شتريد مني مااسد الباب...
كام عليه بعصبية..وطبك الباب بقوة.. ودفعني على الحايط...ولزمني بثنين اديه .من خصري ورفعني ..
ساواني بطوله..
اية:: نززلني.. علي ...نزلني...
علي:: شوفي اكولج شي اني كلمتي متصير ثنين فهمتي..
. اني مو كتلج من يخلص العشة انتي تعالي كوليلي. ليش دزيتي مصطفى...
اية؛؛مو..مو جنت احضر.بالعشة..( كرصني من خصري اذاني)ااااه علي
علي::شتحضرين وهو عشى جاهز...
اية::علي الله يخليك دتأذيني...
علي::اني مضاغط عليج... انتي ترفة وتتاذين...شايفة لو اضغط عليج صدك....
(وهو يقرب وجهة من وجهي....واني ادير وجهي عنه....)
اية:: علي دتأذيني..
علي:: اني مااحب احد يكسر كلمتي ....فهمتي...
اية؛؛ ماشي...اني اسفة
علي:: الاسف مو.كافي...
اية؛؛ هااا لعد....
علي؛؛اريد اضوك هالشفايف العسل...
اية؛؛ والنبي اصرخ... ابعد عني... لا اصيح لكيان....
علي:: اشششش....
اية(صحت بكل قوتي)::كياااااااا.....
سد حلكي بايدة.. واستمريت اصرخ .. حسيت حينقطع نفسي.. وميطلع صوتي..
علي؛؛ راح اعوفج بس اركضي بسرعه قبل لا اغير رايي....
عافني.. ردت بس اركض... سويت الدرج اربع بايات...وجان تصير بوجهي عمتي ونضربت بيهة ووكعت بالكاع...
ام عمار:: يمه اسم الله شبيج...
اية::شفتهة انهاريت بالبجي...تحاول تسكتني...واجتي منى...
منى؛: يمعودة شكو...
ام عمار:: يمه فهمينه شصار....علي وين...
اشرت الهة باصبعي فوك...
ام عمار بصةت عالي؛؛ علللي عللللي.. وينك يمه ...
سمعت صوته كمت بسرعه ودخلت لغرفة منى...
علي؛؛ هاا يمه شكو
ام عمار:: انته فهمنه شكو...شبيهة اية..
علي:: شبيهة...يمه ...وينهة.هي.. ..
ام عمار:: هاي بغرفة.اختك.. بس تبجي...
علي:: يمه مسويت الهة شي ...
اام عمار؛؛ يعني هيج من وحدهة..
علي؛؛ يمه ترى هي مرتي شسوي اسوي بيهة محد اله يمي شي....مااشي. .خليني ساكت احسن...
اجتني عمتي....
ام عمار::يمه فهميني شصار...
اية؛؛يمه...راااد...راد..
ام عمار:شراد يمه ...
اية:: راد يبوسني....
منى؛؛ بربج هااي المدة كولهة ومبايسج...
ام عمار:: اهااا... ردا يبوسج... يعني ماباسج...
خلي يبوسج .يايمه..ترى هو رجلج.و حلالج.
اية؛؛ ياا تحجين صدك ...
منى؛؛ حبي اذا يشوف هيج جمال اكيد ميقاوم...😉
اية؛؛ والله خاف متقبلين.....
يمه انام يمج اليوم مااصعد يمه فوك...
ام عمار؛؛ ياا وج شنو تحجين صدك تجذبين هسة يجي واني احجي وياه... يله كومي غسلي وجهج...كوميهة يمه منى..
كمت غسلت وجهي ...وبردت نفسي...
شوية واجتي مها صعدوا لغرفتهم نامو..والولد كذالك....وعلي ماكو...
صارت ب12:30 ..وهو ماكو ....اني كاعدة على نار.... ومنى تحاول تخفف عليه وعمتي منتظرته
شوية وسمعت صوته..كامت عمتي تحجي وياه .. شوية ودخلت عمتي وراهة علي...
ام عمار:: يمه منى تعالي وياي شوية..
منى؛:حاضر يمه..
لزمت منى من ايدهة :: اني اجي وياج
ام عمار:: وين تجين.... خليج رجلج يريد يحجي وياج...
اجه علي كعد بصفي..والتوتر صعد فول..
علي:: اني اسف....
مجاوبته...
علي؛؛ يعني متسمعين. اية.. اني اسف.....
اية::على شنو...
علي::لان.... حاولت اتقربلج...بس اني مردت اسويلج شي بس ....بس ابوسج...
اية؛؛ اهاا...هسة كول مو بوعيي وشارب حبوب..ومن هالحجي...
علي::هههههه لا لا تخافين .. مشارب شي لان لو شارب وانتي جنت بين اديه مستحيل اخليج...تعبرين سلامات...
اية؛؛ هاا شفت....يعني انته مو امان...
علي:: كتلج اذا شارب يمعودة مشارب شي.. .. قسم بالله مجربت الحبوب ولا الشرب لا قبل ولا بعد الحادث اتووووبة...
اية:: وهسة المطلوب شنو...
علي:: اصعدي للغرفة....
اية؛؛ لا مااصعد...وشتسوي سوي...
علي:: يعني شسوي اسوي ...ماشي انتي كلتيهة....
وجان يشيلني ويخليني على صدرة....
اية ::علي نزلني..... علللللي.نزززللللني...
علي:: صوتج الناس نايمه....
اية ؛؛ عوفني اني اصعد بس نزلني ...
علي: تئ تئ .. انتي كلتي شتسوي سوي ...
طلعنه من الغرفة...وعمتي ومنى كامن يضحكن...
اية:: يمه فدووة خلي ينزلني...
ام عمار:: يمه انتي ورجلج شعليه اني...
حاولت انزل نفسي بس عبث مسيطر عليه كأني لعابة بايدة...
علي:: لا تسوين هيج لا توكعين وينكسر ضهرج...
صعدنه الدرج ... اول مرة اتقرب عليه هيج ... حسيت بنفسة جان عالي ..وعطرة ترس خشمي... حسيت نفسي ذبت على عطرة وحرارة جسمه... بس اقاوم بيه مابيه...
وصلنه للغرفة .. نزلني عل جرباية وراح سد الباب.. عدلت نفسي.....بقه يباوع عليه ومتبسم.. اني دورت وجهي عنه ومعبسة ....بس بداخلي فرحة.. مااعرف ليش.
اخذ المنشفة ودخل للحمام....
مكدرت اضم ضحكتي بعد... حبيت الحركة لان دائما اشوفهة بالافلام...
بديت افكر بيني وبين نفسي معقولة بديت احبهة....لا..لا..لا..لا..مستحيل... شنو ديصير...
اني احب هيج واحد..
