رواية ماخفي كان أكبر الفصل الثاني عشر بقلم جمانه السعيدي
ميار....كعدت افكر بكلام معتز كلامه واقعي فعلا هذا الزواج شنو نهايته
اني اصلا ما محسوبه مزوجه
يعاملني مثل بنته اني من حقي ازوج
شاب عمره من عمري واعيش حياتي
يمكن فعلا على كلام معتز صبحي يعيش بعد عشرين سنه
يعني اني ابقى عشرين سنه عايشه هيج
لا اني مزوجه ولا مامزوجه يمكن صبحي من يكبر يحتاج مني رعايه واهتمام
ايجوز يتمرض ويطيح بركبتي
واني اضيع عمري وشبابي ليش ليش مااعيش
حالي حال البنات الي بعمري
اني من حقي ادور مصلحتي
قررت امشي على الخطه الي خلاها معتز
واخلص من صبحي وازوج معتز واعيش حالي حال البنات
مادام معتز يحبني ومتمسك بيه ليش اضيع هاي الفرصه من ايدي
من رجعنا من الشغل نومت علاوي
دخلت سبحت ولبست ثوب نوم
قصير ومفتوح من الصدر والضهر
خليت مكياج وعطر فتحت شعري ورحت يم صبحي
بس شافني انصدم
بقا يباوع عليه بعدين لبس نظارته ورجع يباوع عليه
كعدت بصفه
مستغرب ليش اني هيج لابسه وليش جايه بغرفته
صار ٣ سنوات مزوجين واني ابد مااقرب علي
ولا ادخل غرفته بس انظفها واطلع
لزمته من ايده وكتله مشتاقتلك
صبحي....شكو اليوم شصاير
ميار...احنا مزوجين لو لا
صبحي....اي زواج هذا واحد بعمري شنو والزواج
ميار...احنا هسه مزوجين لو لا
نزع النظاره وكال اي مزوجين
بس لاتفاق زواج على الورق
ميار...اريد حقوقي منك اني زغيره عندي مشاعر اتجاهك واريد حقوقي
صبحي...اي حقوق بابا اني رجال جبير مااكدر
انتي اليوم شبيج
ميار...شنو ما تكدر لعد اسمي زوجه بس بلاسم
صبحي....صار ٣ سنوات مزوجين اليوم شمذكرج بهاي السالفه
ميار...حجيت بعصبيه
ااي مو جنت منتضرتك وااكول هسه يحس بيه
هسه يقدر مشاعري
ترا اني بنيه وعندي مشاعر إلى متى راح ابقى هيج
إلى متى شنو انت مريض وانتظر اصير احسن
مسافر وانتظر ترجع
جمانه السعيدي
إلى متى راح يبقى زواجنا على الورق
اني شنو ذنبي يضيع شبابي هيج
صبحي...حقج بس انتي تعرفين اني جبير ومااكدر
انفذلج رغبتج
ميار...اي وشلون إلى متى راح ابقى هيج
اني شنو ذنبي
عمري جاي يركض واني كلشي ما محصله منك
بعدين انت ليش تكول هيج ترا اكو حبوب تنباع بالصيدلية
المثل هاي الحاله كل الناس تاخذ منها
جيب حبوب وراح ترجع شباب
صبحي....اعتقد هاي الحبوب موزينه عليه
ميار...شنو موزينه اذا موزينه ليش ينزلوها بالصيدليات
اني بصراحه بعد مااكدر اتحمل اكثر
اذا تريدني فعلا خل نعيش مثل زوج وزوجه
ماكو اخذ ابني وارجع بيت اهلي
ساعته راح اطلب الطلاك وازوج واحد غيرك
صبحي....لا اني ماكدر اتحمل تاخذين علاوي مني
مراح اتحمل يوم واحد مااشوفه
ميار...خلاص باجر جيب وياك شريط حبوب
ونعيش اني وياك زوج وزوجه
ماكو كل واحد يشوف طريقه
ميار...عفته بلغرفه يضرب اخماس بااسداس
وهو حاير بزمانه ااكثر شي يخاف يخسر علاوي
متعلق بي مو شلون مجان
رجعت الغرفتي دزيت رساله المعتز
....بديت بتنفيذ الخطه باجر تسمع خبر وفاته
معتز....هاي حبيبتي الي مااستغني عنها ولج اموت عليج
قريبا راح نكون سوا ومحد يكدر يحجي ويانا
ميار... بس كون صبحي يمشي مثل مااريد
معتز.....لا تخافين راح ينفذ اي شي تطلبي
ثاني يوم سويت نفسي زعلانه ما رحت للشغل
ومن يحجي وياي احجي من ورا خشمي
يعني مابيها مجال لازم ينفذ الشي الي كتله علي
اتصل الضهر يطمن على علاوي
اول مره مارديت علي حتى يخاف لا يفقدنا
ثاني مره فتحت خط ونطيت التليفون العلي
علي...هااا بابا
صبحي....ياحبيب بابا شلونك
علي...ذين ( زين )
صبحي...ماما وين
علي....هاي ماما
صبحي....صير حباب بليل من ارجع اجيبلك وياي لعبه
طبكت التليفون وما حجيت ويااا
ميار...قبل لا يرجع صبحي بربع ساعه
دخلت سبحت ولبست ثوب نوم خفيف وفتحت شعري
وتعطرت
من دخل سويت نفسي ما شفته
اجا للغرفه يدور عليه
صبحي...هلو ميار
رديت علي بدون نفس هلووو
صبحي...تعالي نتعشى جبت عشى جاهز
ميار...مااريد
صبحي...لا تخافين جبت الشي الي تردي
طلع شريط المنشط من جيبه وانطانيا
كلت بكلبي اي توك وقعت على موتك يامسكين
حضرت العشى عشيت علاوي ودخلته ينام
رجعت طحنت ٣ حبايات بعصير
طبعا هو حبايه وحده ما يتحمل لان رجال جبير وعنده ضغط وهذا الحب عدو الضغط
رحت بغرفته
ميار...هذا العصير السحري الي راح يرجعك. شباب
صبحي..خليتي بي حبايه
ميار....اي
صبحي...حبايه وحده لو مخليه نص حبايه
ميار...اي اشرب لا تدلل عليه وين لاكي وحده
مثلي تتوسل بيك جمانه السعيدي
صبحي....حتى الصيدلاني حذرني منه اني لو ما خاطرج
مجان اخذت هيج شي
ميار...من اي صيدليه اشتريت
صبحي....صيدلية الهدى القريبه من الشغل
شكد استحيت من الصيدلاني
ميار...عليمن استحيت كل الزلم تاخذ منه
اشرب اشرب ليلتك حمره
شرب نص الكلاص
ميار...لا اشرب العصير كله هيه حبايه وحده وتريد تعوف نصها بلكلاص
رجع يشرب لمن خلص الكلاص كله
صبحي...احس بحراره تطلع من راسي
لزم راسه حاره حاره
وكف على طوله فتح القميص كام يتنفس بصعوبه
واني واكفه اباوع علي
صبحي...الحكي عليه ميار راح اموت
ميار...مابيك شي لا تخاف
صبحي...ميار اتصلي بلاسعاف
صار وجها ازرك وما يكدر يوكف ضاع علي الهوى
فتح عيونه حيل
وكع على الجربايه كام يرفس مثل الطير المذبوح
مدري يتنفس مدري يكول ميار الحكي عليه
كام يكح ويفرك بصدره
صبحي....ميار راح اموت
تقريبا ربع ساعه وهو يتعارك ويا ملك الموت
واني واكفه واباوع علي
منتظره يموت لمن اتأكد بعد ما بقى بي روح
حتى اعيط والم الناس وواكول صبحي مات
نزل ادي من صدره وكطع النفس عيونه بقن مفتوحات
ميار...صبحي صبحي رد عليه
مارد قربت خليت اذني يم كلبه ماكو اي نبض
رجعت الغرفتي لبست ثوب طويل
وحجاب فتحت باب الشارع وكمت اعيط
طلعت دكيت الباب على كم بيت
اعيط واكول الحكو عليه صبحي مات
الناس اجمعت دخلو بيتنا ونقلو للمستشفى
اني رحت وياهم ووحده من الجوارين بقت بيتنا
يم علي لان نايم
اني امشي وياهم واعيط صبحي عيوني ابو بيتي
جاي تسمعني صبحي
وصلنا للطوارئ والدكتور فحصه
كال هذا ميت
الدكتور....ليش هيج ازرك جلده
ميار...ابجي علي عبالك ميت اعز ناسي
الدكتور...لازم نشرح الجثه حتى نعرف اسباب الوفاة
ميار.. قربت على الدكتور وكتله بلع حب منشط
شكد توسلت بي
كتله عمرك جبير عوفه عندك ضغط
ماقبل
الدكتور تمام فهمت
طبعا اني مبين على شكلي كنت مستعده
الهيج ليله خاله مكياج طوخ
والعطر فايح والحجاب خالته على شعري شلون مجان
شعري مفتوح
اتصل الدكتور بلشرطه
واخذو جثة صبحي للمشرحه
سئلني الضابط شلون مات
حجيتله نفس الكلام الي حجيتله للضابط
ااكيد شكلي مقنع للكلام الي جاي احجي
بالاضافه الدكتور بعد التشريح أأكد كلامي
الضابط....منو الي اشترا هذا الحب
ميار.. هو اشترا وجابه ويا وهو راجع للبيت
الضابط...خاف انتي اشتريتي وخليتي يشربه بدون مايعرف
ميار...لا حضرت الضابط هو الي اشترا من صيدلية الهدى قريب على شغلنا
الضابط.. انتي شمدريج
ميار...هو الي حجالي صار كم يوم يحاول يقرب عليه
بس من شاف نفسه مايكدر
راح جاب هذا الحب
شكد منعته بس مايقبل يسمع كلامي
ضعت اني ضعت هو اهلي وناسي
هو ابوي واخوي وزوجي شلون بيه شلون راح اعيش من بعده
الضابط....ليش ما حاولتي تسعفي للمستشفى
ميار...تخربطت حضرت الضابط
اول حاولت افرك صدره بس من شفته صار ازرك
رحت غيرت ملابسي وطلعت صحت الجوارين
وجبنا هنا بس وصلنا الدكتور كال مات
طبعا كلامي كان مقنع بشكل
شكلي مبينه كاشخه الهيج ليله وتحليل
سبب الوفاه توقف عضلة القلب وانفجار شرايين القلب
حتى صاحب الصيدليه استدعو وسئلو اذا كنت اني الي اشتريت هذا العلاج لو صبحي
ااكدلهم صبحي هو الي اشترا العلاج
وابو صيدليه يكول حذرته لان حالته الصحيه ما تسمح
ياخذ هيج نوع علاج
اجو خوان صبحي وولد اخووو
اخذو دفنو ونصبو عزا
واني هم نصبت عزا بيتي كنت ابجي علي
والطم حتى الناس اصدكني
بعد وفاته خوانه اتهموني اني الي قتلته
بس ماعدهم اي دليل عليه مجرد اتهام
رفعو عليه قضيه تصحيح نسب
علي مو ابن صبحي
بس تفاجئت صبحي مسجل كل املاكه باسم علي
تحت وصايتي طبعا
لان علي زغير
جان يعرف اخوانه راح يطالبون بكلشي بعد وفاته
دزولي تهديد اذا مااتنازل عن أملاك صبحي
يقتلوني
اندكت الباب طلعت لكيت رساله بلباب
فتحتها تهديد منهم
اتصلت على مازن
ميار....دزولي تهديد اتنازل عن أملاك صبحي
معتز... اخذي التهديد وروحي قدمي عليهم دعوه
الشرطه راح تأخذ عليهم تعهد
مايقربون عليج
جمانه السعيدي
ميار...فعلا رحت قدمت عليهم دعوه
والشرطه استدعتهم وواحد واحد
وأخذت عليهم تعهد محد يقرب عليه
من بعدها رجعت بيت اهلي منا للاربعين حتى أأمن على نفسي جنت خايفه لا يتهور واحد منهم ويهجم عليه
من خلصت الأربعين بدا مازن يلح عليه اريد اشوفج
مشتاقلج كافي بعد ماعندي صبر
ميار...ماما اني راح ارجع البيتي
امي...اخاف عليج اجي وياج لو وليد اخوج يروح وياج
ميار...لا تخافين عليه
محد يكدر يقرب عليه
امي...لا ما ترجعين وحدج اخوانه يردون ياكلونج
ميار...لا اني اريد ارجع البيتي وحدي
واذا صار شي اتصل عليكم
