رواية ماخفي كان أكبر الفصل الثالث عشر بقلم جمانه السعيدي
ميار....بلكوه رجعت البيتي امي ما قبلت
تخاف من إخوان صبحي
بلحقيقه اخوان صبحي مراح يقربون عليه لان كتبو على نفسهم تعهد بمركز الشرطه
بس هذا ما يمنع هما مخلين عينهم عليه
ينتظرون مني اي غلطه حتى يسترجعون فلوس صبحي
الي اخذتها منهم
وخاصه اني طلعت من هاي القضيه مثل الشعره من العجين
كلشي ماكدرو يثبتون عليه
وهذا الشي حيل قاهرهم مني
وخاصه وهما يعرفون علاوي مو ابن صبحي
وااكثر شي قاهرهم صبحي مات بسببي
المهم رجعت البيتي فتحته ودخلت
علاوي بس شاف صورة صبحي الي معلكه بلبيت
ااشر علي وكال بابا
جبت كرسي ونزلت الصوره مااريد اي شي يذكرني بي
صبحي ماضي وخلص
خليت صورته فوك الكنتور
راح علاوي ودخل غرفته يدور علي
يمشي ويصيح بابا وين بابا
ميار...ماكو بابا خلاص
نظفت البيت وعطرته وغيرت جرجف الجربايه
وطبخت ااكل
اتصل عليه معتز
معتز....وين صرتي حبيبتي
ميار...رجعت للبيت نظفت وطبخت
تعال نتعشى سويه
بس اتأكد محد يشوفك من تجي
معتز...اي تمام
المغرب امي طبت عليه لكتني مبدله ومكيجه
ومتعطره لابس ثوب قصير احمر وفاتحه شعري
امي.... هاي شنو
ميار...ليش اجيتي
امي...غير اخاف عليج ليش اجيت ليش هيج لابسه
عبالك عروس
ميار...كاعده بيتي وحدي مو من حقي ابدل
امي...يمه زوجج ميت اول امس طلع الاربعين
عيب تلبسين هيج
ميار...يمه خلصيني رجال جبير ومات قابل اموت ورا
بعدني زغيره قابل اضيع عمري حزينه علي
امي...يمه مايصير
ميار..شنو الي ما يصير رحمه الاهلج بطلي هاي السوالف
امي...بكيفج عبالك ما صدكتي الرجال مات
ميار...انتي ليش اجيتي
امي.. ابات هنا يمج قابل اعوفج وحدج
ميار...ماعليه شي ارجعي البيتج ماعليه شي
امي...لا ما اعوفج وحدج اخاف عليج
ميار....المنطقه امان
امي....حتلو مااريد الجوارين يكولون كاعده بلبيت وحدها ويطمعون بيج
ميار....يمه هاي انتي هيج تفكرين
امي...اسكتي لاتحجين ماارجع للبيت ابد
جمانه السعيدي
ميار...هاي شلون بلوه اني ومعتز متفقين يجي للبيت
دزيتله رساله
ميار.. امي اجت تبات يمي لا تجي
معتز....خرب صفحة امج هسه وكتها
ميار...باجر من ترجع البيتها اتصل عليك
معتز....تمام
ميار...تعشينا وامي بقت تسولف على علاوي
بعدينا نمنا
الصبح كعدت بلعشره لكيتها راجعه البيتها
دزيت رساله المعتز تعال وحدي بلبيت
هيج وكت الشارع فارغ مابي احد
شويه واجا فتحتله الباب بس شافني مبدله
ومكيجه
حضني وشالني
معتز....خرب هبل هاي شطالعه مشتاقلج
ميار...اني ااكثر من البارحه كاشخه بس امي اجت خربت عليه كلشي
معتز....يمتى نزوج حتى كل يوم اتصابح بهذا الوجه
الحلو
ميار...من تخلص العده
هسه اني شنو والعده ليش اصبر هلكد هو رجال جبير
ومجان يقرب عليه
ليش الزم عده
معتز....اي ولله صدك اني ودي هسه نزوج بهاي اللحظه
ميار...نصبر وامرنا الله
معتز...كل يوم راح اجي هنا لان مااكدر افاركج
ميار.. امي اخاف من امي لا تلزك بيه
اكولها عوفيني ما عليه شي
تكول اخاف عليج من اهل زوجج
معتز....كوليلها مااخاف
ميار...حجيت وياها بس مايفيد وياها الكلام
تكول زغيره واخاف عليج
معتز...عوفينا من امج هسه اني مشتاقلج موت
تعالي راح اموت عليج
ميار......تكررت زيارات معتز للبيت وكل مره تصير بينا علاقه
اني ويااا بس جنت ماخذه احتياطاتي اخاف من الحمل
منتظرين العده تخلص ونزوج
بس امي جانت واكفتلي من العظم بلبلعوم
كل يوم جايتني
مره كنا نايمين اني ومعتز وامي اجت للبيت
اني اعرف دكتها للباب ادك بسرعه ماتنطي مجال
ميار....معتز اكعد امي بلباب
معتز....امج هسه وكتها ووين اروح
ميار...ادخل بلكنتور
معتز.. اختنك حاولي تمشيها بسرعه
ميار....اي بس ادخل بسرعه لا اطلع صوت
طلعت لكيت امي عصبيه عليه
امي.. ليش اتاخرتي اجيت ارجع عبالي طالعه
ميار...جنت نايمه
امي.. لو ميته مو نايمه جان سمعتيني هاي جبتلج عشى
ميار....راح تبقين هنا
امي.. اي ابات يمج
ميار.....بس اني اريد اطلع اغير جو تطلعين وياي
..امي...وين ترحين
ميار.. اشتري كم حاجه من السوبر ماركت وارجع
امي...اي اجي وياج وين علاوي
ميار.. نايم هسه اكعده
امي...اني اكعده مشتاقتله
ميار....اي انتي بدلي ملابسه علما ابدل اني
نايم بغرفة ابو
جمانه السعيدي
دخلت امي بغرفة صبحي تكعد علي
واني رجعت الغرفتي وقفلت الباب عليه
ميار....معتز تسمعني راح نطلع اني وامي وانت اطلع من البيت لان امي تكول ابات هنا
معتز.. اي تمام
دكت الباب امي
امي...ويا منو تحجين
ميار.. مااحجي ويا احد احجي ويا نفسي
امي...ليش قافله الباب
ميار.. مو جاي ابدل
امي.... اريد ملابس علي حتى ابدله
مبار...دقيقه هسه اطلع
كملت ملابسي وأخذت ملابس علي بايدي
وطلعت من الغرفه
دخلت امي غرفتي تباوع
ميار...شدورين ذني ملابس علي
امي.. متأكده سمعتج تحجين ويا احد
ميار.. قابل احجي ويا منو مثلا احجي ويا نفسي
بدلنا العلي وطلعنا من رجعت لكيت معتز طالع
من البيت
بعدها اتصل علي معتز
معتز.....حبيبي اريد احجي وياج بموضوع مهم
ميار....شنو احجي
معتز...شنو رائيج افتح محل صبحي حرامات مقفول
عاد نسترزق منه
ميار...اي باجر اني وياك نفتح المحل
معتز.... ابقي انتي بلبيت اخاف عليج بعدين
العده بعدها ما خلصت بعدلها شهر
من تخلص العده تعاي للشغل
بس اريدج تتصلين بلعمال الي بلمعمل يرجعون للشغل
واني راح احاسبهم مثل ما يحاسبهم صبحي قبل
ميار....شكرا حبيبي الي ماعافني وحدي ولا تخلى عني
معتز...شلون اتخلى عنج غير انتي روحي
اني احسب يوم يوم يمتى تخلص العده حتى نزوج
ميار....يابعد كلبي انت
ثاني يوم فتح المحل معتز وبدا بلشغل والمعمل رجع يشتغل
بعدها بيومين اهل صبحي سمعو معتز فاتح المحل
اتهجمو علي ولد اخو صبحي
اله تقفل المحل شلون انت فاتح محل عمنا
اتصل عليه معتز
معتز....الجماعه اجو يردوني اقفل المحل
ميار...اني جايه
رحت لكيتهم يتعاركون ويااا معتز ومكسرين جام المحل الامامي
اتصلت على الشرطه
بس اجت الدوريه انهزمو
رحت للمركز قدمت بيهم بلاغ
الشرطه جبرتهم يخسرون كلشي خربو
ومعتز اشتكى عليهم لان ضاربينه
اسبوع واحنا رايحين جايين من المركز
منا لمن سدينا القضيه وخسرو فلوس الأضرار الي صارت بلمكان دفعو تعويض المعتز لان ضربو
رجعنا صلحنا كلشي ومعتز لزم الشغل كله
مايقبل اوصل للمحل يكول انتي حصتج الراحه
بعدين اني مااقبل زوجتي تشتغل
يكول انتي حلوه وراح يطمع بيج كل الي يدخل هذا المكان
فعلا معتز لزم كلشي
واني كعدت بلبيت يلزم الوارد كله
كلشي مااعرف عن إيرادات المحل
هو الي يزود المعمل بكلشي يحتاجونه
ويصرف على البيت
ابد ماحاسبته ولا سئلته شكد الوارد او وين يخلي
حتى اهلي مايعرفون معتز شغل المحل
بس تسمع امي تهجم عليه خليها سكته احسن
خلصت العده بعد ماكو حجه لازم نزوج
جمانه السعيدي
ميار.. يمتى نزوج
معتز...شويه صبر صار يومين من خلصت العده
الناس راح تشك بينا
راح يكولون اكيد بينهم شي من زمان خاصه واحنا جنا نشتغل سويه قبل
ميار...شنو الناس تشك بينا يكولون عدهم علاقه خل يكولون
احنا راح نزوج محد يكدر يفتح حلكه
معتز...صبر شويه قابل اني شارد
نزوج اكيد نزوج بس اصبري عليه
ميار....شكد يعني
معتز...شهرين هيج لازم افتح مشروع وحدي باسمي
مااريد الناس يكولون اخذ زوجت صبحي
وشغله
وخاصه اهل صبحي راح يهجمون علينا بس يسمعون ازوجنا
بلاول افتح مشروع وحدي
اريد افتح مشروع وحدي اني اشتغل بي
ساعته من اطلب ايدج محد يكول هذا طمعان
بفلوسها
ميار...شنو هذا المشروع
معتز...بنفسي اشتغل بلسيارات ابيع واشتري
بس محتاج راس مال هواي
هيج واصير تاجر ومن أصحاب السيارات
وافتح معرض خاص بيه وباسمي
ميار...شنو رائيك اسحب فلوس علاوي تفتح بيهم مشروعك
معتز...خاف ما يكفن شكد هنا
ميار...مااعرف باجر اروح للمصرف واشوف شكد
معتز....اجي اني اخذج للمصرف
ميار...تمام
ثاني يوم رحنا للمصرف حتى نعرف شكد فلوس علي
طلعن ١٥٠ مليون
هاي فلوس صبحي من يوم اشتغل لليوم
تحويشت عمره مثل ما يكولون
سحبتهن من المصرف ونطيتهن المعتز
راح ااجر مكان واشترا كم سياره شي مستعمل وشي جديد بس مو هواي تقريبا ست او سبع سيارات
اما اني لزمت المحل اشتغل بي شغلت بنات ثنيين وياي
من اشتغلت امي بطلت تجيني
لان اني ارجع من المحل الساعه عشره ونص للبيت
كلما تتصل عليه امي ااكولها مشغوله
بعدني مارجعت للبيت
معتز يمر عليه ونرجع للبيت سوا
رجعت فتحت موضوع الزواج وياا معتز مره ثانيه
ميار...مو جاي تشتغل يمتى نزوج
معتز...بأقرب وقت ممكن
اكولج اذا احتاج بعد فلوس
تكدرين ادبرلي فد مبلغ محترم
ميار....ابيع ذهبي وانطيك الفلوس
معتز...اي لان محتاج فلوس حتى اكبر شغلي
ميار...باجر انشاء الله
معتز....بس يطور شغلي اضاعفلج الذهب
اذا ذهبج كيلو اشتريلج كيلوين
ميار... انشاء الله يصير عندك مليارات
معتز....اكيد مادام انتي وياي انتي وجه الخير كله
