رواية ايام من رماد الفصل الرابع عشر بقلم احمد
باوع علي وضحك واجى تقرب مني وحضني وباسني بوسة كلش قوية ورفعني عن الگاع بحضنو ومن انگطع نفسي نزلني
ناظم: اخذ دوش واجيج
دمعة: تمام
تمددت عالتخت وانتظرتو وقبل ما يجي حسيت نفسي نعسانة بس ما تحركت وغفيت وبحلاة الغفوة دخل ناظم للغرفة وصحيت
اجى گعد يمي گالي اكثر شي يعجبني بيج انج مطيعة وما تعانديني مهما طلبت منج گلتلو انت ما طلبت الا حقك واخذ مني بوسة وغبنا بعالمنا الخاص
بذيج الليلة ما كفاه الحلال فسوا الحلال والحرام سوا وكأنو حالف انو ما ننجمع اني وياه بدون ما يسوي هالذنب وجان يستغل جهلي ويسويه
الساعة 10:30 جنت اريد اگوم علمود اروح اخذلي دوش قبل ما انام ومسكني من ايدي گال ها وين رايحة
دمعة: اريد اسبح
ناظم: مو هسا تسبحين
دمعة: ليش
ناظم: اكو شغلة اريد اشوفها الج
دمعة: شنو هي
گام بدون ما يلبس ملابس راح للكنتور طلع منو لابتوب ووياه علاگة واجى گعد ومدد رجلينو وگالي تعالي اگعدي گدامي علمود نباوع لصور عرسنا سوا
دمعة: هاي اني يمك ونشوفها
ناظم: مو قبل شوية جنت امدحج لان ما تعاندين
دمعة: تمام
گعدت بين رجليه وصار ظهري على صدرو وسحب رجليني علمود امددهن وحط اللابتوب عليهن وحط القرص ودخل للصور
ممكن البعض يعتبر هالشي عادي لان بين الزوج وزوجتو بس بالنسبة لناظم ماجان مجرد موقف عابر لا جان كلشي مخطط بعناية
تعرفون ان البنت معروفة بخجلها وادبها وذني الاشياء يرتبطن بالحشمة والحياء كل ما زاد خجلها وادبها زاد حيائها وحشمتها والعكس صحيح
فناظم جان يريد يوصلني الى ادنى درجة من الخجل والادب واني ما جان عندي اي حجة او طريقة امتنع بيها عن هالشي
جان كل ما تطلع صورة يحاول يطبقها بگعدتنا وتعرفون ان اغلب الصور بالعرس يكون العريس حاضن العاروس
فجان يحضني ويتلمس جسمي وحط حنجو على كتفي اليمين وگال لج مو گادر اشبع منج وطلعت صورة النا جان هو حاضني وحاط ايديه على بطني وراسو بالصورة على كتفي
گال بهاي الصورة تمنيت اسوي هيج .. وصار يبوسني من رگبتي وبسبب لمساتو لجسمي وافعالو هاي حسيت جسمي ارتخى كلش
من خلصنا الصور مالت العرس طلع القرص من اللابتوب وحط قرص ثاني جان الوجه مالو اسود ومو معروف مال شنو
اني كل الي اجى ببالي انو قرص ثاني للصور بس من شغلو جان الفيديو (اباحي) هالمرة جانو الي بالفيديو بدون ملابس نهائيا واجسامهم كلها واضحة
اني مجرد طلعت اللقطة گدامي حطيت ايدني على عيوني علمود ما اشوفو فهو وقف الفيديو وگال سألتي امج عالفيديوهات
دمعة: لا وماريد اشوفو
ناظم: لو سألتها جان تاكدتي انو هالشي عادي دمعة ترا هذا حقي
دمعة: حقك تخليني اباوع على هيج اشياء
ناظم: اي حقي لان من حقي تكون مرتي تعرف هالاشياء ترا دا اتعب كلش لان وحدي اتصرف حتى تفاعلج وياي كلش بارد
من تمتنعين تشوفين وتتعلمين انتي دا تقصرين بحقي واذا تريدين هسا اوديج لامج تسأليها وتتأكدين ان هالشي عادي
من ذيج المرة گلتلج هالشي مجرد رسم هذا مو اشخاص حقيقيين وين اكو مرة تقبل احد يصورها هيج وينشر الفيديو مالها
زين هسا احجيلي السبب الي ما يخليج تشوفين الفيديو علمود اعرف سبب رفضج
دمعة: احس هالشي عيب وحرام
ناظم: شنو العيب بالموضوع
دمعة: عيب اباوع عليه
ناظم: زين ويا منو دا تشوفيه
دمعة: وياك
ناظم: باوعي علينا دمعة هسا احنا گاعدين بدون ملابس شنو العيب بيها ترا دا نشوفو وحدنا ويا بعض ماكو احد يدري بينا دا نشوفو
ثانيا منو راح يعرف بينا شفناه اذا انتي ما تحجين لاحد ولا اني قابل اروح اگول لاهلي جبت فلم راسمين بيه ثنين مصاليخ علمود دمعة تتعلم منو
هالشي بيناتنا وداخل الغرفة فقط خارج الغرفة ننسى موضوعو ولا كأننا سويناه نهائيا
دمعة: والحرام
ناظم: ولج شغلي عقلج الف مرة گلتلج امج گالت كلشي عادي بين المتزوجين والشي الثاني الضرورات تبيح المحظورات
انتي دا تتعلمين علمود تساعديني من اتعب قابل دا تتعلمين علمود الناس الغربة لا انتي تتعلمين لزوجج وشريك حياتج
دمعة: والله احسها صعبة
ناظم: عندي طريقة تفيدج
دمعة: شنو هي
ناظم: باوعي للفيديو وتخيلي احنا بالفيديو ماطول انتي تشوفيني واشوفج بدون ملابس عادي فتخيلي احنا بالفيديو
دمعة: اووففففف
ناظم: باسني من رگبتي .. بدون اوف حبيبتي راح يروح الوقت واحنا متعاندين .. تعالي خلي اساعدج
سحب ايديني ورا ظهري وخلاني احطهن على جسمو وشغل الفيديو وحط راسو برگبتي وصار يفرك بجسمي ويباوع للفيديو
اني جنت اباوع ومشمئزة من المنظر بس بسبب كلامو احس ماعافلي اي طريقة اتهرب بيها من الموقف
احجيلكم الصراحة شوفة المواقف مع لمسات ناظم جان كفيل انو يخليني اندمج بس اندمج كشعور مو كمشاهدة بحيث صرت اركز على لمسات ناظم اكثر من مشاهدة الفيديو
(اسفة كلش عالوصف) جنت مسوية مثل ما گال ناظم اتخيل الي بالفيديو اني وناظم وفجأة البنت حطت (.....) بحلگها واللقطة جانت على كبر الشاشة
كمزت كل قوتي وگوة وصلت الحاوية الصغيرة مالت الغرفة واستفرغت كلشي بمعدتي الى درجة احس راح استفرغ حتى معدتي
وصارت بطني توجعني حتى ما گدرت اگوم من مكاني اجى ناظم جاب كلينكس مرطب ومسح حلگي وشالني بحضنو واخذني للفرش
گال اعتذر بوية مادري بهذا المنظر موجود بالفيديو اني بقيت ساكتة ما حجيت بس حسيت وجع بطني بدا يروح شوية شوية
اخذ اللابتوب ناظم قدم الفيديو لحد ماراحت اللقطة ورجع شغلو بس هالمرة اني يمينو وحاط راسي على بداية صدرو
وما طلب مني اباوع بس الصوت جان يوصلني واحاول گد ما اگدر ابعد عيوني عن الفيديو بس تعرفون الشيطان شاطر وكل شوية اخذلي لمحة من الفيديو
من خلص الفيديو شال اللابتوب واجى گال بضحكة نعلة على والديها خربت علينا التعليم گلتلو امممم (بمعنى اي) ومسكني من شفايفي
گال لازم اعاقبج علمود ما تعيديها وباسني وعصر شفايفي خلاني ارافس تحتو وماعافني لحد ما اختنگت وقبل ما استرجع نفسي رجع باسني
يمكن ربع ساعة وهو مگضيها يبوسني لحد ما اختنگ ويعوفني ويگول هاي عقوبة الج علمود ما تشعليني بهالكلمة مرة ثانية
بعدها اخذ حقو بس هالمرة لاحظت انو جانت مختلفة عن كل المرات السابقة حسيتو متلهف علي اكثر واني هم كلش اندمجت وياه
بالوحدة رحت سبحت ورجعت اول ما تمددت نمت ثاني يوم گعدت الساعة 5 صليت الفجر وشفت نفسي مو شبعانة نوم ورجعت اكمل نومتي
الساعة 9 گعدتني سما گالت يلا الدنيا صارت ظهر وانتي بعدج گمت لبست حجابي ونزلت جانت عمتي گاعدة بالصالة
نضال: صح النوم
دمعة: صح بدنج
نضال: شلون صرتي
دمعة: الحمدلله
نضال: ريما عزمتنا اليوم عالعشى تگدرين تروحين لو اگوللها تأجلها
دمعة: لا اگدر اروح
نضال: اكيد
دمعة: اي مجرد صداع البارحة وهم عيب منهم هسا مجهزين كلشي
نضال: تمام
رحت للمطبخ جانت سما غاسلة المواعين ومخلصة كلشي حميت الجاي واكلتلي لگمة ورجعت نظفت البيت بين ما كملت الغدا سما
ومر اليوم طبيعي لحد ما خلصنا صلاة العصر اخذتلي دوش عالسريع وتجهزنا اني وناظم بين ما اهلو هم جهزو نفسهم وقبل المغرب بشوية رحنا
من وصلنا استقبلونا احلى استقبال وجانو عيال ريما هواي ما لحگت حتى اعرفهم ولان ماعندي ميانة وياهم بقيت گاعدة يم سما وعمتي
اجت طفلة صغيرة تركض وتصيح ددة (جدة) وگمزت على عمتي وحضنتها عمتي وصارت تبوسها وهي طايرة من الفرح
بعدين اخذتها سما وهم بوستها لحد ما شبعت باوعت علي البنية جان شعرها اسود ولحد كتوفها وعيونها عسليات وخدودها مليانات
سما: هاي سيدرة بنت ريما
دمعة: الله يحفظها تخبل
سما: انطي بوسة لخالة
دمعة: اخذتها بحضني وباستني من خدي وتخبلت عليها جانت طبيعتها كلش حلوة ما تستغرب ومن الاعبها تضحك بصوت عالي
بقت يمي تلعب وملهيتني عن الهوسة لحد ما حطو العشى اجت امها تريد تاخذها گلتلها عوفيها اني اوكلها وعافتها وراحت
صرت اكل واوكلها وياي ومرات انطيها قطعة لحمة او قطعة طماطة واخليها توكلني ومرات اسوي نفسي اريد اعضها وهي شبعانة ضحك
من شبعنا اني وياها گمت غسلت وغسلتلها ورجعت گعدت ولان عزيمة وهوسة ريما ما لحگت تگعد ويانا بس گالت لسما منا كم يوم اجيكم
سيدرة بقت تلعب گدامي اني وسما وبقينا گاعدات بمكاننا لحد ما دز علينا عمي گال يلا نروح وودعناهم ورجعنا لبيتنا
اول ما دخلنا سما گالت ترا ما اخذت راحتي بالعشى الي يريد عشى يرفع ايدو
كاضم: اني اريد
ناظم: اني ما ارفض
عمي: اني شبعان
عمتي: اني هم شبعانة تعشو انتو ونامو
سما: كاضم روح جيبلنا اندومي وكبة جاهزة وكباب مجمد
كاضم: ما تريدين هم طلي مجمد
سما: كاضممممم ترا تنحرم من الي بالي بالك
كاضم: يخرب بيتج شگد حية
سما: تموت عالحياية انت
كاضم: صح .. تعال وياي ناظم
ناظم: اني شدخلني
كاضم: ضايج
ناظم: تمام
دمعة: راحو كاضم وناظم واني وسما رحنا لغرفنا بدلنا ملابسنا ونزلنا وجابت سما بطاطة گشرتها وسوتها اصابع على گولة بنات هالوقت فنگر
ومن جابو الطلبات الولد سوتلنا مقالي بين ما بدلو ملابسهم وتعشينا بالمطبخ وغسلت المواعين وصعدت للغرفة جان ناظم ينتظرني
ومثل كل ليلة اخذ حقو وهالمرة من خلص بقى حاضني بحجة مشتاقلي لحد ما غفيت بدون ما اسبح وگعدت الساعة 6 الصبح
بين ما سبحت وصليت ومشطت شعري صارت بال 7:30 نزلت تحت حطيت الجاي عالنار وجهزت الريوگ لحد ما گعدو العائلة
بذاك اليوم جنا معزومين عند ديما بس عالغدا مو عشى وجهزنا نفسنا ورحنا عليهم وجانت الاجواء مشابهة لعزيمة ريما بس مو موجودة سيدرة علمود التهي وياها
كملت العزيمة وجانت كلش حلوة وجزاهم الله خير على الاستقبال الحلو والاهتمام وويا العصر رجعنا للبيت بدلنا ملابسنا وگعدنا بالصالة
نضال: اگلك محمد ايمتى نعزم اهل دمعة
محمد: ماعرف والله شنو رايج
نضال: اني اگول نعزمهم بعد باجر
محمد: هاي هي بعد باجر لعد انتو شوفو شتحتاجون علمود نجهز نفسنا وما نتفشل وياهم
نضال: تمام .. ناظم انطي خبر لاهل دمعة وباجر جيب ديما وريما علمود يساعدني وكاضم وابوك يجيبون الطلبات
محمد: غدا لو عشى
نضال: لا عشى احسن يكون عندنا وقت مناسب
محمد: تمام لعد الطلي يوم العزيمة الصبح اروح اشتريه
نضال: اي احسن علمود لا يبات ولا نتورط بيه
محمد: خوش
ناظم: عمامي ايمتى يعزمونا
محمد: ما جابو طاري بس عالاغلب بعد ما نعزم اهل دمعة
ناظم: تمام
سما: تعالي دمعة للمطبخ
دمعة: تمام .. ورحنا للمطبخ
سما: خواتج راح يجن
دمعة: ماتوقع لان بكل عزيمة يجون بابا وماما ومصطفى
سما: اني راح اگول لبابا يوصيهم يجون كلهم
دمعة: ماراح يقبل بابا ما يحب طلعة البنت من البيت
سما: صدگ خواتج المتزوجات تزوجن تقليدي لو عن حب
دمعة: تقليدي بس سوسن تختلف مو لان عن حب بس شافها زوجها صدفة وهو صديق مصطفى فقرر يخطبها والحمدلله تزوجو
سما: وانتي
دمعة: اني شنو
سما: ما حبيتي من قبل
دمعة: لا احب منو
سما: يعني ما فد يوم شفتي فد شاب وعجبج
دمعة: لا اول شي اني بعدني صغيرة على هيج سوالف ثانيا ما صادف اي يوم اشوف شاب او اتواجه وياه
سما: ترا عادي مابيها شي لا تخافين او عبالج اگول لناظم
دمعة: لا مو خايفة هاي الحقيقة
سما: تمام
دمعة: شذكرج بهذا السؤال
سما: تذكرت واحد بالكلية اعترفلي انو يحبني
دمعة: عزاااااا
سما: وجعااا يالفضيحة
دمعة: وانتي شسويتي
سما: شسويت يعني ما انطيتو وجه
دمعة: وعلى اي اساس يحجي هيج وياج
سما: اولا بالجامعة بعضهم عبالهم كل البنات يحبن ويسون علاقات وكأنو الجامعة مركز اعترافات مو مكان دراسي
وهو ما حجى وياي بصيغة مباشرة حاجي ويا وحدة من البنات وهي اجت حجتلي گلتلها سكري الموضوع ما اخون اخواني علمودو
دمعة: بصدمة .. حجى وياها
سما: اي
دمعة: وشلون هي تقبل تحجي وياه
سما: يااااا يا دمعة لعد وين عايشة فهمنا مو دارسة مو معناها ماتعرفين شي بالحياة
دمعة: تدرين لو مصطفى يعرف ان واحد حاجي وياي يگصبني
سما: شنو قابل همجي
دمعة: بالعكس صوفي اكثر واحد باخواني حنون علينا وصاير ابونا واخونا وهو اغلى انسان بالدنيا عندي اني وخواتي كلهن
بس هو مثل اي رجال يغار على عرضو وما يقبل احد يشوفنا او يحجي ويانا نهائيا
سما: لعد شلون زوج سوسن شافها
دمعة: من شافها جانو جايين هو ومصطفى من المحل وما يدرون بينا واحنا هم ماندري بيهم وطلعت سوسن فجأة وصارت هي وياهم وجه بوجه
وصديقو لا حجى وياها ولا شي وشوفتو الها صارت بعفوية لذلك ما گدر يسوي شي مصطفى
سما: ايوا
دمعة: اي
جان وقت المغرب قريب فبلشت سما بالعشى واني اساعدها بعد العشى حسيت بحرارة كلش قوية بجسمي وعرفت انو المرض الشهري
كملت شغلي عالسريع وحجيت لعمتي بيني وبينها وگالت روحي لغرفتج ورحت اخذتلي دوش وتمددت بالفراش
غفيت وگعدني ناظم الساعة 11 بالليل گلتلو مريضة وهو فهم فتمدد يمي وسحبني لحضنو ونمنا بدون ما نسوي اي شي
ثاني يوم گعدت مصحصحة مابي شي لان دائما الصخونة تجيني بس اول يوم مجرد انام بالليل تروح وسألتني عمتي گلتلها مابي كلشي لا تأجلون العزيمة
بعد الريوگ راح ناظم جاب خواتو ثنينهن وبعدها راحو هو وكاضم للسوگ يجيبون الطلبات وابوهم غلس عالروحة وگعد بالاستقبال
بلشن البنات ثلاثتهن بتنظيف البيت ولان اني مريضة ما گدرت اشتغل شغل متعب وياهن فبقيت بس على غسيل المواعين
والتهيت بسيدرة وهي ماخذة عقلي من اول ما اجت بحيث احسها هي تلاعبني مو اني الاعبها وما اجى الليل الا هن منظفات البيت تنظيف خرافي
ومن تعشينا وخلصنا العشى انجمعت وياهن بالغرفة وبلشنا ندردش
شكرا لزيارتكم عالم روايات سكيرهوم
