رواية ايام من رماد الفصل الخامس عشر بقلم احمد
بلشن البنات ثلاثتهن بتنظيف البيت ولان اني مريضة ما گدرت اشتغل شغل متعب وياهن فبقيت بس على غسيل المواعين
والتهيت بسيدرة وهي ماخذة عقلي من اول ما اجت بحيث احسها هي تلاعبني مو اني الاعبها وما اجى الليل الا هن منظفات البيت تنظيف خرافي
ومن تعشينا وخلصنا العشى انجمعت وياهن بالغرفة وبلشنا ندردش
ديما: منو تحجي عن نفسها اول شي
سما: احنا نعرف بعض فماراح نستفيد شي الافضل دمعة تحجي عن نفسها
دمعة: شنو احجي
سما: اني اعرفج بس ريما وديما ما يعرفنج
ديما: احجي عن حياتج السابقة
دمعة: بديت احجي عن حياتي باختصار
ديما: يعني لا درستي لا طلعتي لا شفتي الدنيا لا حبيتي لا انحبيتي
دمعة: شسوي هي هاي حياتي
ديما: زين معقولة مافد يوم حبيتي واحد لو احد شافج وانعجب بيج
دمعة: گلت لسما واگولج هسا انو لا شفت احد ولا احد شافني واصلا هيج سوالف ماحب حتى احجي بيها
ديما: ترا عادي بنات بيناتنا دا نحجي
دمعة: حتى لو هاي السوالف مو حلوة ولا تنسين اختج سما ويانا وهي مو متزوجة
ريما: عوفي البنية ديما
سما: ولج ديما تتذكرين الولد الي حجيتلج عنو
ديما: اي
سما: تخبلت من حجيتلها عنو
ديما: هههههههههه لو اني احجيلها شنو تگول
سما: تنجلط هههههههههه
دمعة: شنو تحجين
ديما: غلسي موضوع بايخ
دمعة: احسن اصلا....... (اندگ الباب)
ريما: منو
ناظم: السلام عليكم
ريما: هلا يا روحي تعال
ناظم: اريد عصفورتي اذا مو محتاجتها
ريما: لا اخذها للعش مالكم يا عصافير
ناظم: هههههههه يلا دمعة
دمعة: تمام
گمت واني بگلبي ادعي لناظم انو انقذني من هالگعدة عبالي اتونس طلعت غلطانة كأني گاعدة بمجلس فضايح مو گعدة بنات
ناظم: شبيج مطنگرة
دمعة: لا مابي شي بس تعبانة من شغل البيت والمرض
ناظم: حضني .. مشتاقلج هواي
دمعة: اجلها لغير يوم والله تعبانة ومابي حيل
ناظم: زين بس ساعديني اريح نفسي وهاي هي
دمعة: بنفاذ صبر .. تعال للسرير
ناظم: ما يحتاج واحنا واگفين
دمعة: بس.....
سحب ايدي ناظم وحطها داخل بنطلونو وبدا يفتح الحزام وشگد كرهت حركتو هاي وكأنو اني ما الي اي راي لازم ينفذ الي ببالو
لمستي لجسمو صارت سهلة لان بسبب الايام الي مرت تعودت عليها فكرهي لحركتو مو لان لمست جسمو لان ما اهتم لرايي
ساعدتو لحد ما خلص ورحت غسلت ايدي ورجعت للغرفة علمود انام گال اني رايح اتعلل ويا كاضم والبنات لا تنتظريني وطلع من الغرفة
تمددت بفراشي وغطيت بالنوم فزيت الساعة 4 جان ناظم هسا دخل الغرفة وجان ماسك الخاولي وينشف شعرو وما انتبهلي
ورجعت غمضت عيوني قبل ما ينتبه اني گاعدة ونمت ما گعدت لل 8 الصبح گمت غسلت وجهي ولبست شالي ونزلت تحت
جان البيت فارغ الكل نايمين حطيت الجاي عالنار وجهزت الريوگ بين ما گعدو عمي وعمتي واستغربت عمتي اني گاعدة
نضال: ليش ما نمتي بنيتي
دمعة: نمت وشبعت نوم
نضال: شنو ما سهرتي ويا الولد والبنات
دمعة: لا جنت تعبانة كلش وما الي واهس اسهر ونمت
نضال: وهسا شلون صرتي
دمعة: بابتسامة .. كلش زينة
نضال: عندج العافية بنيتي
دمعة: الله يعافيج
حطيت الريوگ وتريگنا وغسلت المواعين وراح عمي اشترى خاروف واخذو للگصاب ذبحو وگصبو وجابو للبيت ونزلناه اني وعمتي
السيارة دخلها عمي بالحوش علمود ننزل الخاروف وجان ويا حوضين بلاستك حط بيهن قطع الخاروف والباجة
اخذناهن اني وعمتي للمطبخ وجابت عمتي سجين وعلى گولتها قطعتو تقطيع بيت لان الگصاب مسوي القطع اكبر من المطلوب
وبعض قطع ضاربهن بالساطور بس كاسر العظم وباقي اللحم مو قاطعو فاحنا كملنا مهمتو والمعلاگ حطيناه بعلاگة وحطيتو بالمجمدة
نضال: تعرفين تنظفين باجة
دمعة: لا والله
نضال: تريدين تتعلمين
دمعة: اي
نضال: تمام اكو چولة بالبيتونة جيبيها وشوفي اذا بيها گاز واعلگيها بالحوش وحطي عليها جدر ماي جبيرة علمود ننظفها اني وياج
(للي ما يعرف .. الچولة هي اداة طبخ تشتغل عن طريق النفط الابيض اكتبو (چولة) بگوگل وتطلعلكم صورها)
دمعة: تمام
صعدت تأكدت ان الچولة بيها نفط وبين ما نزلتها عمي طلع السيارة من الحوش علمود ما تكون قريبة من النار وجبت جدر بيه ماي حطيتو عليها
جابت عمتي الباجة بلشت بتنظيف المصارين بين ما حمى الماي وبلشنا اني وياها نشتغل هي تعلمني واني اطبق وبنفس الوقت هي تنظف
من يصعب علي شي هي تسويه وجان تنظيف الكرشة والمعدة من اصعب المهام خصوصا المعدة لان بيها طبقات جانت كلش صعبة
بس عمتي نظفتها تنظيف رهيب بحيث صارت بيضة تلمع ومابقى وسخ لو بگد راس الابرة والكرشة نفس الحالة
واخير شي بقى الراس والرجلين جنا نحط الرجل بالماي شوية ونطلعها ونشيل الشعر منها الى ان تصير نظيفة كلش ومابيها شعر
وبعدها الراس نفس الحالة الى ان نظفن وبعدها شالت عمتي الكعب مال الرجلين وجبتلها موس فتحت الرجلين من النص بين الكعبين
جانت اكول مثل اللحمة بيها شعر گالت هاي الي ما تعرف تنظف ما تدري بيها وشلنا الجدر وصارت تحط الرجلين والراس عالنار مباشرة
وگالت ذني يبقى بيهن شعر ناعم كلش وما ينسحب بالايد فاحسن طريقة لتنظيفو هو الحرق وفعلا من كملت الراس صار نظيف كلش
وبالموس سوت فتحتين بالخدود وحاولنا نفتح حلگ الخاروف اني وياها بس ماگدرنا جان كلش قوي وبين ما احنا نحاول اجى ناظم
نضال: تعال ناظم افتح حلگ الخاروف
ناظم: لو ادري جان بقيت نايم
نضال: تعال تعال هاي بدال ما تگول ليش ما گعدتوني اروح ويا ابوي
ناظم: دمعة امسكي الجهة الثانية ويا امي
دمعة: تمام
مسكنا اني وعمتي الفك العلوي وهو التحت وسحبو كل قوتو لحد ما انفتح وكصتو عمتي بالسجين ورجعت بالساطور قسمت الجزء العلوي نصين
ونضفتو واخذت الباجة للمطبخ واني نظفت الحوش وشلت الچولة وهي غسلت الباجة غسلة ثانية عالسنگ علمود تتأكد ان ما بقى بيها شي
ومن خلصت غسيل حطيناها بالمجمدة وبلشن البنات يگعدن واني وعمتي رحنا سبحنا ونزلنا وبلشنا نجهز للعزيمة
الغدا ما تغدينا بس عمي شوتلو عمتي لحم عالطاوة والبقية گعدو متأخرين لهذا بس تريگو وعمتي وناظم وريما تساعدو بالطبخ
قبل المغرب صار كلشي جاهز بس باقي يجون المعازيم بين ما يستوي العشى والي هم اهلي وكم واحد من الجيارين عزمهم عمي
بعد اذان المغرب بشوية سمعت دينا تگول هلا بيكم تفضلو وطلعت من المطبخ جانن ماما رحمة وماما نعمة وكلش فرحت بشوفتهن
رحت سلمت عليهن واجن باقي البنات وعمتي سلمن عليهن وسألتهن منو اجى وياكن گالت ماما رحمة ابوج ومصطفى
جان گلبي محترگ على شوفة مصطفى بس وجود الزلم منعني من شوفتو ورا اهلي ب 5 دقايق اجت مرة جبيرة بالعمر اول مرة اشوفها
گالت سما من معارفنا وعزموها احترام الها ومن تأكدنا ان الكل موجود حطينا العشى للزلم والنسوان وگعدنا تعشينا كلنا
ومن خلصنا بلشنا اني والبنات بالتنظيف والاكل الزايد النظيف وزعناه عالجيران بدال ما ينذب او يبقى لحد ما يخرب
ورا اذان العشاء راحت المرة وراحو الزلم الغربة بقو بس بابا ومصطفى ورحت سلمت عليهم ورجعت داخل وبال 10 راحو اهلي للبيت
صحيح تمنيت يجن البنات عالعزيمة بس اعرف بابا ما يجيبهن ومن سألو عمي ليش ما جبت العائلة كلهم گايلو الولد عندهم شغل والبنت الجبيرة (اية) مريضة وخواتها بقن وياها
من صارت الساعة 11 انتهيت من التعب ترخصت من الموجودين وصعدت لغرفتي وتمددت بالفراش فوگ الغطى وفورا غفيت
من التعب لا تغطيت ولا نزعت شالي بس تمددت فوگ الفراش وغفيت ورا شوية حسيت ناظم دا يعدلني بالفراش بس كابس علي النوم كلش
فزيت على صوت الباب باوعت لساعة الحايط 4 الفجر ودخل ناظم مثل البارحة دا ينشف راسو وبتفكيري اگول اني اليوم لو البارحة
مدري شلون اشرحلكم تفكيري بذيج اللحظة بس بالمختصر محتارة اني حاليا بتوقيت اليوم لو توقيت البارحة لان نفس الوقت ونفس الموقف
مشط شعرو ناظم واجى تمدد يمي بس مبين عليه كلش تعبان ونفسو قوى كأنو جان يركض صارلو ساعة ونام بدون ما ينتبه علي
رجعت غفيت وگعدت الصبح مثل كل يوم وجان ذاك اليوم طبيعي ريما وديما راحن العصر واكثر وحدة ضجت عليها سيدرة
سوالف الحب الي حجيناها بغرفة سما نسيتها وكأني ما سمعتها وگلت هن امنن بي وسولفن گدامي ما يصير اخون ثقتهن
وطلعت الموضوع من بالي لان كثرة التفكير بيه تجبرني احجي لاحد واني ماريد هالشي فالمهم اعتبرت الموضوع ما صار
مرت الايام وانعزمنا عند خوال ناظم ثنين وعمتو بس جانن العزايم مثل البقية ومابيهن شي يسوا ينذكر لهذا ماراح ادخل بتفاصيلهن
وبمرور الوقت ناظم مدا يعتقني لازم يوميا يتقرب مني ولو بكيفو يسويها حتى بالنهار بس بالنهار مايصير بيدو مجال واغلب الوقت اني مشغولة
وصار حتى اذا احاول اتعذرو يبقى يتلمس جسمي ويحاول يقنعني لحد ما ارضخلو خوفا من زعلو لان ماريد يصير بيناتنا زعل علمود هيج شي
مرة من المرات جان هو طالع وجان عندي ملابس مغسولة وناشفة اخذتهن وسفطتهن وبين ما كملتهن اجى هو للغرفة وجنت اريد اطلع وسحبني من ايدي
مع السحبة وگع نفسو عالسرير وسحبني وگعني فوگو وحضني علمود ما اگوم وبقى ساكت ويباوعلي
دمعة: شنو
ناظم: مدا اشبع منج
دمعة: خليني اروح اكمل شغلي هسا
ناظم: نعل ابو الشغل
دمعة: مايصير ناظم خلي اكمل شغلي وارجع
ناظم: عوفي الشغل
دمعة: اليوم ماكو شي اريد انام
ناظم: ماكو نوم واني موجود .. وصار يتلمس جسمي
دمعة: كافي ناظم ترا تعبت كلش مدا تنطيني راحة
ناظم: دمعة اولا اني زوجج وهذا حقي ثانيا اني من حبي الج مدا اشبع منج وكل ما اشوفج اشتهيج اكثر من قبل بالف مرة
دمعة: واني هم احبك بس عالقليلة انطيني استراحة مو هيج
ناظم: موافق بس عندي شرط
دمعة: شنو من شرط
ناظم: عندي فيديو اريد نشوفو سوا باجر وممنوع تمتنعين عن اي شي
دمعة: يعني تعرف اني راح امتنع
ناظم: لا بس ماعرف شنو تكون ردة فعلج
دمعة: ناظم اني اعرفك مو جديدة عليك
ناظم: هسا مو كلشي بين المتزوجين عادي
دمعة: راح اتبرى من امي بسبب هالجملة
ناظم: هههههههههههه لا صدگ ماطول كلشي بين المتزوجين عادي فماريدج تحرميني او احرمج من شي
دمعة: اذا مثل حركة الفيديو ذيج الي استفرغت بسببها انسى الموضوع
ناظم: لا والله اصلا الفيديو مو شايفو اني ووعد اذا طلعت هالحركة اقدم الفيديو لحد ما تخلص
دمعة: تمام
ناظم: يلا روحي
گمت اريد اروح وضربني على فخذي اليسار وعفتو وكملت طريقي ومن طلعت خارج الغرفة تنهدت براحة اني گدرت اخلص منو اليوم
نزلت تحت جانو مشغلين التلفزيون ودا يتابعون مسلسل الزير سالم وگعدت اتابع وياهم جانو واصلين للحلقة الي تذكر بيه الزير سالم ماضيه
من خلص المسلسل صعدت فوگ جان ناظم نايم نزعت شالي وتمددت واني فرحانة كأني مسوية انجاز لان خلصت منو
بوقتها جان كل الي ببالي انو يكون الفيديو مثل الي قبلو وعبالي اني وناظم سوينا كلشي عدا اللقطة الي استفرغت بسببها وهالشي مستحيل نسويه
فمن گالي ما اهتميت هواي گلت مثل ذيج المرة اتابع الفيديو بدون ما اركز وياه ومن يخلص اخليه يتقرب مني وبعدها انام
ثاني يوم مر طبيعي الى ان صارت الدنيا عصر ومثل ذيج المرة وصاني اروح للغرفة بعد اذان العشاء وسويت مثل ما گال
وهم اعتذرت من عمتي بحجة راسي يوجعني وصعدت فوگ وبعد نص ساعة تقريبا لحگني هو ودخل للغرفة وهو مبتسم
اجى باسني من گصتي وراح للكنتور طلع اللابتوب والقرص حطهن يم التخت ورجع علي وصار ياخذ مني بوسات واني سلمتو نفسي
من خلص بقى متمدد وسحبني عليه خلاني اتمدد فوگو وصار ظهري على بطنو وجاب اللابتوب حطو هالمرة على بطني وشغل الفيديو
هالمرة جان الفيديو مختلف عن كل مرة هذا الفيديو جانت البنت هي الي تسوي كلشي والرجال مجرد متمدد كأنو تمثال
قرب ناظم حلگو من اذني وگلي احفظي زين لان راح تطبقين كلشي من يخلص الفيديو وبقيت ساكتة وخايفة بنفس الوقت
بقى مشتغل الفيديو واحنا نتابع الى ان اجت الصدمة الي ما جنت متوقعتها من صارت تستخدم صدرها (ماگدر اشرح الطريقة)
جنت من جهة مصدومة بالمنظر ومن جهة افكر شلون اخلص منها من يطلب مني ناظم اسويها وبقيت ساكتة لحد ما خلص الفيديو
ناظم: يلا دورج
دمعة: بسسسس...... وسكتت ماعرف شحجي
ناظم: لا بس ولا شي شفتي كلشي واذا نسيتي اني اعلمج
دمعة: بس اكو شغلة
ناظم: شنو
دمعة: (شرحت اللقطة) هاي ماسويها
ناظم: شنو السبب
دمعة: ماريد اسويها
ناظم: دمعة امتنعتي عن الاولى وگلت ميخالف شغلة ما تتقبليها ما يحتاج هاي شنو السبب الي يمنعج تسويها
دمعة: هيج بدون سبب
ناظم: متنجسة منو
دمعة: بقيت ساكتة
ناظم: الجواب واضح من سكوتج ترا هذا الشي جزء من جسمي وجسمي مو نجس علمود تتنجسين مني
دمعة: مو هيج قصدي والله العظيم
ناظم: لعد شنو قصدج دمعة ترا واضحة ما تحتاج شرح يعني لو انتي بمكاني راح تتقبلين انو اتنجس منج
دمعة: بس خليني افهمك
ناظم: شتفهميني
دمعة: اني ما اتنجس منك ومستعدة اسوي اي شي تريدو بس ماريد اسوي هالشغلتين اعتبرهن مو موجودات
ناظم: لا موجودات وراح اثبتلج بالدليل
بعد اللابتوب عنو ونزلني عن جسمو مددني على ظهري وصار هو فوگي وسحب شالي وسكر بيه حلگي وگال راح اثبتلج انهن موجودات
فتحت عيوني على وسعهن واني احاول اتوسل بيه انو ما يتهور او يحاول يأذيني بس لان مسكر حلگي ما گدرت احجي
ولان هو اكبر بالحجم مني واقوى مني ما جنت اگدر اقاومو او ارفع ايدو عن حلگي وخصوصا انو عصبي فتصير قوتو اكبر من الطبيعي
