رواية ايام من رماد الفصل السادس عشر بقلم احمد
دمعة: بعد اللابتوب عنو ونزلني عن جسمو مددني على ظهري وصار هو فوگي وسحب شالي وسكر بيه حلگي وگال راح اثبتلج انهن موجودات
فتحت عيوني على وسعهن واني احاول اتوسل بيه انو ما يتهور او يحاول يأذيني بس لان مسكر حلگي ما گدرت احجي
ولان هو اكبر بالحجم مني واقوى مني ما جنت اگدر اقاومو او ارفع ايدو عن حلگي وخصوصا انو عصبي فتصير قوتو اكبر من الطبيعي
جان كل ظني انو يحاول يأذيني بس من سكر حلگي وشاف كمية الرعب ودموعي الي صارن يجرن صفن وكأنو تجمد بمكانو
شمر الشال وسحب راسي لصدرو وحضني بقوة واني صرت اضربو بعتاب على صدرو وهو يردد اسف بوية والله ماعرف شصار بي
من هدأت بعد راسي على صدرو ومسح دموعي باصابعو ومددني عالسرير واتكئ على كوعو وگال اسف اعذريني على خبالي وباسني بوسة سريعة
دمعة: هاي ثاني مرة تفقد اعصابك وجنت راح تأذيني
ناظم: باستغراب .. بشنو اذيج
دمعة: اسأل نفسك
ناظم: ياهو گال راح اذيج
دمعة: تصرفك
ناظم: انتي تعرفين شنو جنت اريد اسوي
دمعة: تأذيني
ناظم: لا بوية متوهمة
دمعة: لعد ليش سكرت حلگي
ناظم: ههههههههههه لان راح تفضحينا
دمعة: بشنو افضحك
ناظم: هسا تعرفين
دمعة: شتريد تسوي
ناظم: اعيشج بعالم ثاني
دمعة: بس.......
قبل ما اكمل حط اصبعو على شفايفي بمعنى اسكتي واخذ اللابتوب للكنتور ورجع يمي وصار يبوسني بلهفة ويتلمس جسمي
ماگدر اگوللكم بعد اكثر من جملة (استخدم حلگو) جنت احس بكل زفير ان الهوا يطلع كلو من رئتي وارجع اسحب هوا بكل ماعندي من قوة
ملاحظة: هالشي ماكو اي دليل على تحريمو او تحليلو بس اغلب العلماء نصحو بتركو لان اللسان ينذكر بيه الله والافضل الانسان يبعدو عن هالاماكن
وثانيا (المذي-الودي) ثنينهن نجسات وثنينهن الشخص ما يگدر يتحكم بيهن وممكن يوصلن لمعدة الثاني بدون قصد
بس السؤال الاهم ليش الانسان يحس بمتعة بهالفعل رغم الي ذكرتو وليش الشخص يستمتع بالفعل الحرام الي ذكرتو ببداية زواجي
اكيد كلكم سامعين بمقولة كل ممنوع مرغوب وخصوصا ان ذني وحدة محرمة تحريم صريح والثانية ممكن تدخل بموضوع التحريم
فالشيطان يخلي الانسان يحس بمتعة بيهن علمود يتعود عليهن وما يگدر يتركهن ومع الوقت يشوف فعلتهن سهلة فما يهتم للذنب
فاذا اگوللكم ما حسيت بشعور حلو اثناء الي جان يسويه ناظم راح اجذب عليكم بالعكس الشعور جان كلش قوي ولاول مرة احس هيج احساس
بس بقيت متمسكة برايي اني ما اسويه لان رفضي جان بسبب اني اقرف من هالشي ومادخلني بناظم يقرف ولا لا مشكلتو مو مشكلتي
من اخذ حقو ناظم ما جنت مجرد تعبانة جنت مهدودة هد واحس حتى ايدي ماگدر احركها من التعب ولاحظ هالشي ناظم
سحبني لحضنو وگال استمتعتي وهزيتلو راسي بمعنى اي وجنت اريد ارتاح شوية واروح اسبح بس اخذتني الغفوة ونمت
گعدت الساعة 4 بعدني بحضن ناظم عل نفس النومة وگمت اخذت ملابس ورحت سبحت ورجعت صليت الفجر وگعدت ناظم علمود يصلي
ناظم جان من النوع الي يصلي مرة ويترك عشرة وشگد انصحو ما يفيد واكثر المرات من اگعدو عالصلاة يرجع ينام
مرن كم يوم طبيعيات جان ناظم يحاول بكل الطرق يقنعني انو اوافق استخدم حلگي واني ارفض وجان يزعل هواي ويرجع يرضى
ويعرف حتى لو يزعل ما يتغير رايي ويعرف انو مايگدر يصبر بدوني فهو يزعل وهو يرجع يراضيني علمود ياخذ حقو
اخير شي بقى يلح لحد ما وافقت استخدم صدري فقط اما حلگي گلتلو ما استخدمو حتى لو تزعل مني مثل ما اني دا ارضخ لطلباتك انت لازم تضحي بفد شي علمودي
وبيوم الجمعة قررنا نروح اني وياه لاهلي جهزت نفسي من الصبح ورحنا للشركة ومثل كل مرة مشغل اغاني وماسك ايدي
وصلنا للشركة واني طايرة من الفرح اريد بس نوصل بس من تقربنا على كرفاناتنا انتبهت ان التانكي الي فوگ الحمام والمطبخ ماكو
دمعة: التانكي وينو
ناظم: شعرفني
دمعة: معقولة لگو بيت
ناظم: شنو من بيت
دمعة: جانو يدورون بيت اجار من اول ما تزوجنا
ناظم: ماعرف هسا نوصل ونعرف
دمعة: تمام
من وصلنا ونزلنا من السيارة جانن الكرفانات فارغات مابيهن احد باوعت على ناظم گلتلو ماكو احد گال شنسوي
دمعة: ماعرف
ناظم: تعالي نحاول نلگيهم بعدين اني اجي للشركة بلكي الگي ابوج لو اخوانج
دمعة: تمام
رجعت للسيارة واني خانگتني العبرة لان خربت الجية الهم ورجع ناظم بالسيارة واني صافنة من الجام وبين مدا يمشي ناظم لمحت بابا بين العمارات
دمعة: ذاك بابا ناظم ذاك بابا
ناظم: وين
دمعة: ارجع شوية .. من رجع .. ذاك بين العمارات
ناظم: خوش
دمعة: توجهنا عليه جان وحدو من وصلنا سلمنا عليه وسألو ناظم عن البيت گال جيتو بوقتكم جنت اريد اروح للبيت گال ناظم لعد يلا نروح
ركب ويانا بابا وطلعنا خارج الشركة وصار يوصف لناظم الطريق والحلو بالموضوع ما جان بعيد عن الشركة يعني اذا ينسى الطريق ناظم مجرد يوصل للشركة يتذكرو
من وصلنا جان البيت مصبوغ ابيض على حنطاوي علمود ما يبين عليه التراب وبيه نقشات باللون الجوزي ومنظرو كلش حلو
طبينا للبيت الارضية كاشي وجان وليد يلعب بالطارمة من شافني اجى يركض ويصيح عمة اجت وحضني وهو يضحك
ناظم اعتذر علمود يروح وما قبل يدخل وگال اجيج العصر گلتلو تمام وراح وهسا خلي اوصفلكم البيت علمود تتخيلوه
من تدخلون من الباب تصير الحديقة على يمينكم وگدامها الاستقبال وبطرف الحوش مقابيل الاستقبال صحيات خاصة بالاستقبال
ومن الحوش تصعدون درجتين للطارمة ويلاگيكم ممر صغير من تدخلون منو يصير المطبخ يساركم وبعد المطبخ صالة عاليسار وصحيات عاليمين
واخير شي غرفتين وفوگ 3 غرف وصحيات والارضية كلها كاشي بس الصحيات سيراميك مشابه للي جنا نشتغل بيه بالشركة
والجدران المطبخ والصحيات سيراميك ابيض سادة وباقي البيت ازارة 15سم سودة والباقي لبخ جص ابيض والسقف جبص بورد يعني بيت فخم بكل ما تعنيه الكلمة
سلمت عالبنات وماما رحمة ونعمة واخذتلي جولة بالبيت تفقدتو ورجعت للمطبخ جانو گاعدين بالمطبخ
دمعة: البيت يخبل شلون لگيتوه
رحمة: ابن الجيران يصير صديق مصطفى ومن انعرض للاجار فورا گاللنا
دمعة: شگد الاجار
رحمة: 500 الف لان طابقين
دمعة: اوووووف والله هواي
رحمة: لا توزع الاجار والمصرف على ابوج واخوانج كل واحد ينطي 200 الف 100 اجار و 100 يبقن يمي مصرف للبيت عدا مصرفهم هم
دمعة: اذا هيج لعد كلش زين بس كون تبقون بالبيت
رحمة: صاحب البيت متزوج جديد وبعد ما بنو هذا البيت بمدة صغيرة حصلو اقامة بالمانيا وعرضو البيت للاجار يعني بعد ما يرجعون
دمعة: زين اذا يبيعوه شلون
رحمة: صاحب مصطفى تأكد انهم ما يبيعوه يعوفوه اذا بالمستقبل قررو يرجعون هم او اولادهم للعراق يكون اكو مكان الهم هنا يعني اقل شي منا 20 سنة هاي اذا اجو
دمعة: وشلون توصلون الهم الاجار
رحمة: اخو صاحب البيت موجود ننطيه الاجار وهو يوصلو لاخوه
دمعة: بلكي الله يرحم بحالكم بعد هالمعاناة بالشركة
رحمة: يبووووه لو تشوفين ابوج من سمع الاجار ب 500 جان راح يغمى عليه
دمعة: هههههههههه صدگ الولد وينهم ماكو احد منهم
رحمة: راحو للجامع قبل ما توصلين بشوية
دمعة: الله يأجرهم
رحمة: آمين .. عندي الج بشارة
دمعة: بشريني
رحمة: اية انخطبت لصاحب مصطفى
دمعة: صدگ والله
رحمة: ماكو شي رسمي لحد الان بس اليوم يجن ام الولد ووياها نسوان ويشوفنها
دمعة: الف مبارك مقدما والله يقدم الي بيه الخير
اية: الله يبارك بيج والخير يصيبج
دمعة: وانتي ولج سويرة
سارة: دا تگطع زلاطة وتگرط خيار .. شبي اني
دمعة: ايمتى تتزوجين ونخلص منج
سارة: اني ما اتزوج اذا ما يجي فارس احلامي على حصان ابيض
رحمة: ليش مو حصان اسود مثل جهرتج
دمعة: انفجرنا كلنا بالضحك حتى سارة تريد تمسك ضحكتها ما تگدر
رحمة: تعالي شوفي الطابق الثاني وياي
دمعة: جنت اريد اگوللها شفتو بس من نظرتها عرفت قصدها تحجي وياي على انفراد .. تمام
صعدنا للطابق الثاني واخذتني على وحدة من الغرف وسكرت الباب وگالت شبيه ميزر صار فترة يگول مو عاجبني ناظم
دمعة: حجيتلها الموقف
رحمة: بس هيج
دمعة: اي والله حتى ما گال شكو
رحمة: زين ناظم شلونو وياج واحجي الحقيقة لا تخافين
دمعة: والله ماما كلش زين ما مقصر علي بشي واهلو كلش زينين بس اكو بيه شغلة مو حلوة بس ما الها علاقة بميزر
رحمة: شنو هي
دمعة: ماما احسو ماخذني بس علمود رغبتو الاستراحة ما اخذها منو الا بزعل ومن اكون كلش تعبانة ما يخليني انام الا اساعدو يفرغ شهوتو
رحمة: بس هيج
دمعة: اي بس ماما هواي دا يضغط علي واني احاول البي رغبتو وما احرمو مني بس اني هم بشر واحيانا اكون تعبانة او ما الي واهس
رحمة: عادي ماماتي كل الشباب هيج اول فترة من زواجهم وخصوصا انتي حلوة وصغيرة فطبيعي ما يشبع منج
منا لفترة هو لحالو يخف وينطيج ايام راحة اكثر من الي تطلبيهن بس انتي حاول لا تزعليه وتفاهمي وياه من تكونين تعبانة
دمعة: تمام
رحمة: يلا ننزل
دمعة: يلا هم الولد راح يجون
نزلنا تحت وتقريبا 5 دقايق واجو الولد وگمت سلمت عليهم واكثر واحد حسيتو فرحان بوجودي هو مصطفى
صحيح اخواني كلهم تحسنت معاملتهم ويانا بسبب مصطفى بس يبقى مصطفى احسنهم حتى ميزر ما يتقارن ويا مصطفى
حطت اية الغدا وتغدينا ويا بعض ولاول مرة نتغدا بمطبخ حلو ونظيف والبنات كلش مهتمات بنظافة البيت بحيث ذرة تراب وحدة ماكو بالبيت
دمعة: ماما شصار عن موضوع خطبة الولد من تتزوج اية ما يلحگن رونق وسارة عالبيت وعلى طلبات اخواني
رحمة: مو مطولة شغلتهم بأذن الله
دمعة: يعني اكو بنات ببالج
رحمة: اي من گرايب صاحب مصطفى ثنين من عمامو ووحدة بنت عمتو والرابعة بنت خالتو وكلش يمدح بيهن
دمعة: اي يارب الله يسهلها هالمرة
رحمة: اني اريد بس نخلص من موضوع اية واروح اشوفهن وإن شاء الله خير
دمعة: اي كلش تأخرو
مصطفى: ما نتزوج الا بالوقت المكتوب النا
دمعة: صحيح بس الواحد يسعى علمود ربنا يساعدو
مصطفى: الله كريم
بقينا نحجي بمواضيع مختلفة ومن خلصنا غدا شربنا جاي وانتشرو العائلة كل واحد راح لغرفتو والي راح للصالة او الاستقبال
رحمة: گامت من مكانها .. دمعة يمة گولي لميزر يجي فوگ وتعالي وياه
دمعة: تمام
رحت لغرفة ميزر والي هي وحدة من التحت جان متمدد عالسرير يحجي ويا وليد وكأنو صاحبو من ابنو گلتلو ميزر ماما رحمة تنتظرك فوگ
ميزر: ولك گول لعمة تف
وليد: ايب (عيب)
دمعة: يمممممممممة اروح فدوة للاعقل من ابوه .. وحضنتو وبستو على خدو كل قوتي
من طلع ميزر من الغرفة دزيت وليد لماما نعمة وصعدت فوگ اول ما دخلت ماما رحمة گالت سكري الباب وراج
ميزر: شكو يمة
رحمة: بما انو دمعة موجودة احجيلي شنو الي زاعجك بناظم
ميزر: ماعرف يمة بس من شفتو ما ارتاحيتلو
رحمة: زين بسبب شكلو حجيو اسلوبو شنو الي ما عجبك بالضبط
ميزر: يمة ماريد اغتاب الولد بس من شكلو مبين واعذريني على هالكلمة مبين سرسري
رحمة: شعرفك وبشنو حكمت عليه
ميزر: لان السرسري يعرف السرسري وبما انو اني جنت سرسري قديم فاعرف السرسري اول ما اشوفو
رحمة: هذا مجرد شك ماعندك اي دليل عليه ويجوز من تزوج استعدل مثلك
ميزر: يمة اني مو الزواج عدلني اني مصطفى من بعد الله عدلني من شفتو راكع والسلاح براسو عرفت حجم خطأي وعرفت ان كلشي سويتو بحياتي غلط بغلط
رحمة: يعني شنو
ميزر: ناظم محد جبرو يستعدل لهذا ماراح يستعدل بسهولة
دمعة: بس هو ماعندو طلعات زايدة يطلع ويا جماعتو العصر ويرجع قبل المغرب واذا يبقى يمهم ورا اذان العشاء يرجع
ومن تزوج لليوم ما نام خارج البيت نهائيا حتى طلعاتو كلش قليلة وبالليل ابوه ياخذ السيارة يعني مايگدر يروح بعيد
ميزر: لعد يجوز اني غلطان بحقو او يجوز مثل ما گالت امي بعد الزواج تعدل بس انتي عايشة وياه اذا حسب ما تحجين معناها اني غلطان
دمعة: ماعرف والله كلامك مو مريح
ميزر: لا بوية لا تهتمين ماطول مثل ما گلتي ودا يبات بالبيت دائما معناها اني غلطان وجل من لا يخطئ واعتبريني ما حجيت
دمعة: تمام
ميزر: المهم رحومة راح اخذ رونق للسوگ محتاجة كم غرض نص ساعة ونرجع
رحمة: تمام وليدي روح
ميزر: باي
رحمة-دمعة: بايات
دمعة: شنو رايج
رحمة: معليج يمة يجوز متوهم ناظم لا احنا ولا انتي شفنا منو شي مو زين فلا تخلين كلام ميزر يأثر على علاقتكم ببعض
خصوصا ان ميزر دا يحجي على احساس بدون لا دليل ولا شي
دمعة: تمام
نزلنا تحت ورونق جهزت نفسها وقبل العصر بشوية راحو هي وميزر وبقى وليد عندنا علمود ما يخبصهم بالسوگ
جنت كلش متونسة وفرحانة من كل گلبي عالبيت الي مأجرينو اهلي اخيرا امهاتي والبنات گعدن ببيت يليق بيهن ويحتويهن
صحيح يبقى اجار مو ملك بس يبقى افضل من الكرفانات بمليون مرة عالقليلة يگدرن ياخذن راحتهن بالبيت شلون ما يريدن
والاحسن انو حتى لو ابوي يريدهن يشتغلن ما يگدر لان صارن بعيدات عن الشركة وهذا هم يعتبر نقطة ايجابية لصالحهن
مصطفى: ايمتى يجي ناظم
دمعة: منا شوية
مصطفى: ليش ما تبقين علمود خطبة اية
دمعة: مادري بيها مخطوبة الا راح ناظم
مصطفى: من يجي گليلو حتى لو تبقون لحد ما يروحن النسوان وبعدها تروحون
دمعة: اگولو من يجي واذا قبل ابقى
مصطفى: شعجب اخوه كاضم ما متزوج
دمعة: يگول الا يكون نفسو يلا يتزوج
مصطفى: مو موظف هو
دمعة: اي صحيح
مصطفى: لعد شيريد بعد بيت وسيارة ووظيفة
دمعة: يريد راتبو يزيد علمود ما يحرم زوجتو من شي
مصطفى: قابل راح يشتريلها طيارة
دمعة: شعلينا بيه قابل نجبرو على الزواج
مصطفى: هم صحيح
دمعة: هسا خلي نحير بزواجك صرت شايب
مصطفى: ههههههههه اييييه كبرنا والله يا دمعة ومرت السنين بلمح البصر
دمعة: لا اتشاقة وياك بعدك بعز شبابك
بقيت اتشاقة وياه الى ان اندگ الباب وطلع مصطفى يشوف منو ورجع گال ناظم يريدج بس وضعو ما عجبني ولبست عبايتي وطلعت
ناظم: مصطفى ما تصيحلي الحجي
مصطفى: ناظم شنو القصة
ناظم: بس صيحو علمود احجيلكم
مصطفى: تمام ثواني
دمعة: شبيك ناظم
ناظم: راح احجيلج بس ماريد صوتج يطلع
دمعة: بخوف شكو
ناظم: ميزر وزوجتو سوو حادث
