رواية قاتلة ابي الفصل السادس عشر بقلم بنت الشيخ ترابية
سـَلامًا على قلبي الذي احبكِ بصدق وتم كسرة
#ايهم
...........................
صباح هذا اليوم ڪـ أيّ صباح مـَر في كل يوم ..
كعدت ونزلت لكيت خابصين الصالة خبص
ايهم: ولك جعفرررررررررررررررر
جعفر: ها حبيبي
ايهم: شهل الهوسة هاااااااااي شهل القذااااارة
جعفر: هسه تدلل اصفيهن وانظف بعد
فهد : صوتك ايهم من الصبح دصوتكككككككككك
زين : شسالفتكم صياحكم لبره واصل
فاقد : ايهم شدتسوي هنا؟
ايهم: لا والله؟
فاقد: هااا ء اصعد اصعد
جعفر: عليمن مستحي متكلي اكلك ايهم فاقد البارحه وره منمت جاب استبرق وهسه يريد يطلعها وخايف منك
تجتفت وصفنت عليهم..: اي بلا خلي تطلع
فاقد: برودك ياخي ... استبرق اطلعي
استبرق: السلام عليكم اخوان
فهد: اهوووو هم قرحه
زين: فهدددددد
فهد: هلا خويه.. بقت خويه هيَ
ايهم: يلا اختي بلا زحمه تفضلي بره ولا تصيرين قشمر بعد وتجين البيت بيتي وتصرفي يصير غير
استبرق: تدلل خويه من رخصتكم
جعفر: هسه الواحد يصفن عليها وميصدك ڪـ*** لو شريفة
فهد: شريفة بنت شريفة البگه حتى گصيفه وضيگه
ايهم: صوتك لا اكسر حلكك .. كومو غسلو ونظفو من عاب هل الشكول من الصبح
ودخلت للمطبخ المكان الوحيد النظيف لانو غيري ممنوع احد يدخل
انا رجُل مهووس بالنظافة اذا تنظيف وره دقايق شفت شعراية بالكاع ارجع انظف المكان كله
تنظيف دقايق ويخلص لا هذا لعب وع الخالي بلاش
اذا مو كلور ومنظفات ميتسمى تنظيف
طرگت البيض وغسلت الطاسة ورتبت ميز الطعام
وهم جانو يصفون.. ناس تنظف وناس تصفي
كنس ومسح وترتيب
كاعد وجماعتي وياي
جعفر و زين وفهد وفاقد
لانو ماعندي احد وياي وكاعدين وياي
جعفر مخلصها نگال حجي.. يفتن ويصالح الزعلان
زين حشاش الكعدة
فهد حشاش واعصاب وماخذ اطباع مني
وفاقد اخ منه هذا السرسري مال الشلة
ايهم: يلا تعالو .. وصفكت ايدي
جعفر: فاقد جان متمدد من شافك اجيت لزم المكناسه
فاقد: شلون يريد اسبه وانـ** صفح هسه
زين: دكعدو خلي ناكل وبعدين انا انـ**** صفح واولكم فهد
فهد: دكعد لا اشك حلكك بالقندرة اكل خـ** يلا
ايهم: اشششش اششش يالجهال ...
بعد مرور دقائق..
فهد: والغسل جعفر اكل عدل حصفك راسك بالماعون
جعفر: چا شلون ناكل
ايهم: لا تطلع صوت لعبت نفسنا
جعفر: چا سمعو من اكرط خيار
فهد شال بطل الماي وضربه
جعفر: نعلعلا ابيك فهد ايدي نعلعلا ابيك
فهد: لا تسب حتى ما اسبك
جعفر: هو كلك فهد ابن النمر
فهد: فهد ابن النمر؟
جعفر: جا شني ابن الاسد
فهد: اسكت جعفر
ايهم: دايمه يارب ااف عافية عليكم من تخلصون بلغوني
وصعدت فوك سبحت وبدلت ملابسي واجت على بالي هنادي
اخ يا هناااااااادي ... باوعت للمراية
: چنها طير من طيور الجنة كل شوية وتجي على البال
رشيت العطر وتذكرت عطرها
رحت طلعت قميص الها عندي من اجوني فترة وشميته
ريحته هي هي ماتغيرت
اويلي عليك يگلبي شتتحمل بعد كافي عليك صوتها وعيونها نوب عطرها وحبها
جعفر: يالعاشكككككككك افتح الدووووووور
فتحت الباب: اوكف.. الدور شنو؟
جعفر: باب بالانكليزي تعالو يمي اعلمكم اللغة يابه
ايهم: تعال اكعد كدامي بس سد الباب اول
جعفر: الله الساتر الله
ايهم: فهد شكد صار عمره؟
جعفر: 28 ليش تريد تخطبه
ايهم: جعفر انجب .. اريد ازوجكم وافرح بيكم
جعفر: ايهم بعيد عن الشقة والتقشمر بس تدري احنا بدونك ولا شي؟!
ايهم انت عندنا كلشي بحياتنا.. انت الامان والحنان الي فقدنا من اهالينا اربع سنين
ايهم انت معرف معرف بس البشر بدون نعاله ميكدر
ايهم: اشكرك
جعفر: والله خاني التعبير بس صدك احنا الاربعه نحتمي تحت جناحك بويه رغم فاقد اكبر منك بس هم يكول انا عمري يطلع سنتين يم ايهم.. ايهم من نوكف يمك نرفع راسنا مفتخرين عندنا اب عظيم والعظمة لله واخ وسند وظهر كل يوم نحسب وندعي الله ميفرقنا عنك بيوم وتبقى خيمة على راسنا
فهد: اعذورنا جاي نتسمع لحديثكم بس كلام جعفر كلش صح رغم ميعرف يعبر والكلام ناقص بس ايهم انت ضلع من اضلع اجسامنا صدكني
زين: انا ايهم عندي ڪ العمود الفقري بدونه ماتحرك
جعفر: انا شرايين الگلب و اوردته
فاقد: ايدي ورجلي ايهم بدونه حتى ماكدر اكمل حياتي
فهد: ضلووووعي
ايهم: قطعه مني انتو روحو بدلو يلا خلي نروح لبيت العروس واخذها للصالون
فهد: مكملين بس القليل
راحو يبدلون وانا رجعت اكمل ولبست سترة تقريبا لونها بُني وصدفة اجت على بالي هنادي بلغتها تاخذ الفستان البُني وتلبسه اليوم ... ولك يگلبي استچن ههههههههههه
فهد: شد الرباط واكل خـ**
جعفر: اكللكم انا مو زوجتكم ترى واحد تعال مشط شعري واحد رشلي عطر واحد شد الرباط واحد تعال لبسني الساعة
فاقد: چا وين قندرتي جعفر روح جيبها فدوه
جعفر: راح ابجي
زين: هسه فد مندله انا رايح ...
نزلت وندكت الباب
منو؟
: انا سليل
فتحت الباب
: السلام عليكم خويه
زين: وعليكم السلام تفضلي خويه
سليل: ءء بس الدكتور ايهم وين بلا زحمه؟
زين: هسه اصيحه
اخذت حذاء فاقد وبلغت ايهم وصعدت
فاقد: چا ماخليتها تدخل
زين: اكل قندرة البيت مليان شباب ادخل شابه بنصه شكو؟
فاقد: دنجب
ايهم: اهلا وسهلا تفضلي خويه
سليل: خويه هنادي
بسرعه رفعت راسي عليها: شبيهااا؟؟؟
سليل: ماكدر احجي هنا
ايهم: اي ايي تفضلي هنا دخلي
دخلنا بالطارمة
سليل: خويه انت تحب هنادي؟
ايهم: عفوا؟
سليل: ادري بيك تحبها شوف هاي الصور
ايهم: انطتني صور مو معقول اصلا ومبين فبركه بس غلست عليها اريد اعرف وين توصل عبالها قشمر
ايي وشبيهن؟
سليل: خويه هاي هنادي تلعب بذيلها اذا تريد حياتك بخير ابتعد عنها ماتفيدك والله
ايهم: ان شاء الله خير
سليل: انا جايه للخطبه اليوم بس نصيحة ابتعد عنها علمودك
ايهم: الله كريم... انطيتها التلفون وطلعت عجيييب شهل الناس هاي ماتدري بهنادي عاجنها وخابزها واعرف شبيها ومبيها وشوكت تنام وشوكت تكعد
وجايتني بصور مفبركه وتعال شوف
شافتني قشمر هي هنادي وينها چنها عصه
ايهم: شييييييييييييل قندرتك من الكااااااااااع
فاقد: اهووووو وين اخليهاااااااااااا
جعفر: ابن النگس مو منظف الكاع وقندرتك كلها طين
ايهم: شيلها وامسح الكاع لا امسحها بخلقتك
فاقد: افتهمنا
.
.
.
.
واكف ومنتظرهن يطلعن ..
طلعن البنات وطلعت بيناتهن تضوي
يابعد عيني الشافتج من اولها
متسترة بالعباية عكس البنات بالصاية
صعدن البنات بسيارة فهد واسراء وهنادي وزين بسيارتي
كعدت وراي اباوعلها بالمراية مارفعت عينها
حمرتها عتتني عت
اخذت بطل الماي وفتحت باب السيارة وغسلت وجهي
زين: الله بالخير
: الله بالخير والعافية
زين: خيتي اسراء مبروك مقدماً
اسراء: تسلم خويه الله يبارك بيك ويوم الالك
زين: ايهم بطل الماي بلا زحمه... ايهم... يمعووووود؟
ايهم: هاك ولتصيح ولك
اسراء: هنادي انطيني الساعة ملبستها
هنادي: طلعتها وانطيتها الها .. تفضلي
عيني عليها هي والهدوء الي هي بيه
زين: ككككككلللوووووووووووووووووش
نسمع احلى هلهوله
للغالي الحلو طوله
ايهم: صوتك ناشز
زين: العبلك جوله وماقصرررررررر كلووووووووووووش
ايهم: كافي زين صوتك
زين: يالتسمعك بيدك ليفوووووووووووووووك
اسراء: هههههههههه ايهم شغل اغاني هادئة لاحكين على الهوسة
ايهم: حاضن التلفون حضن هو يقبل ينطي
زين: هسه حشغل
ايهم: انطيني
زين: ماااااا هسه اشغل
وشغل انسى العالم
بسرعه هنادي رفعت عينها على ايهم وايهم يباوعلها بالمراية ويبتسمون
فدوه لعيونهم ...
