رواية قاتلة ابي الفصل السابع عشر بقلم بنت الشيخ ترابية
مخاوفنا تزداد عندما تصل الامور للاحبه...
..........................
هنادي: ماااااااااااااااهر انتببببببببببه
ولف السيارة وخفف السرعة
ماهر: شبيج ماتكليلي
هنادي: وگف كلبي والله ويبس حلكي
ماهر: عليمن يابه زينب انطيها ماي من يمج
باوعتله صفح ورجعت صفنت على الشارع
نزلنا صالون وكملنا تجهيز واجه ايهم اخذنا ومن اشتغلت اغنية انسى العالم رفعت عيني ولكيته مبتسم ويباوعلي نفس التفكير عزه بينا
وصلنا ونزلنا للبيت وهوسة وسلام وهلاهل
: وين دورها ولكاها فصوص روبة ويا كفاها
وغيرها وغيرها وانا عيني تدور عليه بس اريد اشوفه
حسيت ايد دافية لزمت جف ايدي بس ماكدرت اباوع من النسوان
شوي وحسيت بسحبة قووووية ودخلني للممر
هنادي: يمعود يجووون
ايهم: طـُز ..
دفعني ع الحايط وكابلني
ايهم: شمسويه بروحج ولج
هنادي: شمسويه؟
ايهم: اكلج انا عزابي رحمي بحالي هنادي
هنادي: اممممم طييييب
ايهم: اشو باوعيلي
رفعت عيني عليه يباوع لشفايفي ويبتسم صفح عاد دفعته من صدره وكلت
: رايحه لانو يحتاجوني هناك يلاا جااااااو
ومشيت وهو يصوفر وانا فحطتتتت
دا ادخل ولزمتني سليل وسحبتني للمطبخ
هنادي: عزه شبيج
سليل: هنادي ابتعدي عن ايهم كلش
.
فهد: اريد هاي الططو
جعفر: ططو شنو؟
فهد: مثل الفاهيه والططوه المهم اريدها
ايهم: ياهيَ؟
جعفر: زينب اقارب هنادي
ايهم: چا هي ططو وانت العسل؟
فهد: والله بيضه زيادة وفاهيه بس حلوة واريدها حلال
ايهم: صغيرة ماتفيدك
فهد: شكد عمرها؟
ايهم: 14 مدري 15 مدري 16 يعني بهل العمر
فهد: اخطبها الي ايهم
ايهم: لك طفله
فهد: فدوه ايهم اريدها
ايهم: ان شاء الله نشوف
.
.
.
هنادي: مستحيل ايهم مو هيج ايهم رجال مثقف و واعي
سليل: تعاي اشوفج
وطلعت صور اله مو طبيعيه رجلي انشلت وايدي نملت وجسمي كله يرجف معقوله؟ بس هو يحبني
الدمعة بطرف عيني وماتنزل بس ارمش وصوت ماكو
وصوت انفاسي ينسمع
ام اسراء: يمه هند تعالي وياي
باوعت لخالتي ورجعت باوعت لسليل
وطلعت كدام خالتي اريد اتنفس اريد ارتاح من الرجفه مجاي اكدر مو طبيعي
اسراء: لج راح يدخل يمه خفت خفت توتر
هنادي: امممم
اسراء: صحصحي وياي انتي؟
هنادي: عوفيني فدوه ... جنت منهاره
اسراء: ماشي ماشي
دخل ماهر والهلاهل بصوووت والاغاني ارتفعت تقدم وباس راسها الي سمعته بس
ماهر : اسرار قلبي انتي
اسراء: احبك ماهر
ماهر: اموت على ربج الخلقج ومكة
وانا صعدت لغرفة اسراء فوك غسلت وجهي وكعدت
كلشي ببالي الصور والكلام وكلشي بس دموعي ماتنزل ليشششششش ياربي ليشششش
لا فلحت بـ اب ولا ام ولا اخت ولا سند ولا حتى حب
هلكد حظي زفت شدعوه هلكد منحوسة !!!!!
نزلت بسرعة يمهم
شفته لبسها الحلقة والذهب وباسها براسها وانا بلغت ماهر مريضة والشهرية نزلت لازم اروح وهو تفهمني
دخلت للمطبخ اخذت ماي شربت وطلعت للطرمه داطلع ولزم ايدي
ايهم: مو بلغتج تلبسين فستان بني؟
هنادي: ماشتريته
ايهم: وليش؟
باوعتله بطرف عيني ونترت ايدي منه..: وخر ولا تلمسني
ايهم: هاي شبيج؟ عينج هنادي
نظرتي اله جانت مليانه حقد وقرف عدلت شالي وطلعت بسرعة امشي حتى ادخل لبيتي وهو مطلع وراي
دخلت شمرت العباية والحجاب وفتحت شعري وبقيت بالفستان والكعب مالتي وطاك وطيك
اروح وارجع متخوصره وافكر
مشيت مره مرتين بالثلاثة درت وجهي لكيته منتجي على باب الصالة وقافلها
هنادي: عززززززا بسم الله الرحمن الرحيم يمه
هو مكتف ايده وصافن
هنادي: اطلع بره يلا ماريد اشوفك ايهم اطلع بره
درت وجهي وبسرعة حسيت نفسي بحضنه
حضني من وره وقبض ايده على ايدي بقوة
ايهم: سليل قشمرتج بكم كلمه وصدكتي مو
ردت احجي ودارني عليه سحبني وحضني وحط راسه على راسي وحضن خصري
ايهم: شوفتج كم صوره وتقشمرتي؟
وهم مخلاني احجي
ايهم: حجت كم كلمة وصدكتي مو؟
هنادي: شمدريك؟
ايهم: سوتها وياي الصبح وشوفتني صور مفبركة الج وي واحد بالفندق وهل التفاهه
هنادي: وصدكت؟
ايهم: مو قشمر وثقتي بيج عالية
بسرعة نزلت دموعي
هنادي: وانا بكم صورة صدكتها
مسح دموعي: اشششش خلينا بعالمنا شويه
وشغل اغنيه هادئة
نتمايل مع بعض وراسه على راسي حتى مافتح عينه
وانا حضنت رگبته وسحبته الي اكثر وهو حضني بطريقة اقوى
هنادي: احبك
ايهم: احببتكِ على عدد الشرع الاربع چيفتي
هنادي: بغبوغي
ايهم: شنو؟
هنادي: ههههههههه معلييييك
ورجع الهدوء وانسجام الانفاس وكلمات الاغنية الي تتحدث عن مشاعرنا سويه
ايهم: لتعوفيني هنادي
هنادي: اكيد لا
ايهم: سليل هسه كلشي ممكن تسوي علمود تفرقنا عن بعض غلسي عنها واتركيها
هنادي: بعيني ...
فتحنا عيونا وصارن رمش برمش نزل عينه على شفايفي قربني اكثر ودنك عليه وباسني بوسة سطحية
وراها رفع عينه بعيني ورجع باسني بطريقة
لا قوية ولا هادئة بس محسيت غير بحبه بيها
بادلته وقربته الي اكثر
ابتعد عني وعيونه حمر ددددمممم خفت حييل دفعته ع كيف
: ابتعد وروح غسل ايهم
رجع سحبني وحضني حيييييل
ايهم: هنادي انا يتيم تعرفين مو؟
هنادي: ايي حبيبي
ايهم: هنادي انتي اهلي لا تيتميني
هنادي: اسم الله شبيك اليوم!؟
ايهم: گلبي ناغزني هنادي والله ناغزني
هنادي: ماكو شي حبيبي وياااك مو اتفقنا بعد زواجهم احنا نتزوج؟ عليش اعوفك بعد؟ وياك وايدي بيدك
ايهم: امي جانت تكول ماعوفك وانت الوحيد عندي
ومن هل الحجي وتالي عافتني بنص الطريق وحدي
واعاني وي ناس ماتستاهل شعرايه وحده
هنادي شفت الويل والله شفت الويل
هنادي: بس الله رجعها بيهم
ايهم: هنادي انا مريض نفسي وعندي وهواس بس مو قوي وهواسي بالنظافة اذا شي مخربط و وصخ اتخربط بسبب القذارة الي جنت بوسطها والمعاناة الي بيها انا صار هيج بيه
هنادي: والحمدلله هسه صرت وتغيرت وشحلاتتتكك خدووودددد ولو ماكو بس تجنن
ابتعد عني وحضن خصري بيده وركز بعيني وكال جملة رجف گلبي منها
: انطي فرصة وتنكسر حجايتي ما اسامح انتبهي هند
هنادي: ءء طيب ليش دتكول هيج
ايهم: الكلام مو مني ولا من عقلي
الكلام من كلبي الناغزني بشي راح يصير
هنادي: ليش ترجف؟
ايهم: مو انا موووو انااااا
عافني وراح للحمام اسمعه يحجي ويردد
: والله مو انا ولا بيدي..
مووو انااااااااا هم السبب
خسرت كلشي بحياتي ماريد اخسر بس راح اخسر
مووووووو انااااااااا همممممم السبب
دخلت عليه بسرعه لزمت ايده وسديت حلكه وهو يباوعلي
: اشش حبيبي كاااافي ماكو احد بس انا وانت خلص
ايهم: مو انا هنادي
: عيون هنادي ورووووحها خلص كاافي.. حضنته وهو حضني بطريقة قوية واصلا خصري وظهري يوجعوني بس محجيت...
اششش انا يمك ماعوفك
خليهم شنو يحجون خل يحجون
ايدي بيدك وماعوفك وعيونك
انت يتيم وانا اهلك وانا يتيمه وانت اهلي
مانعوف بعض للموت الهامي
.
.
.
اسراء: اييييه مااااهر
ماهر: المستحه وين اخجلي حتى لو جذب بس شويه
اسراء: شعندي مستحيه كوم لك
ماهر: حسسيني ماخذ وحده خجوله وتجذبني مو صديقي شبيج اسرار حكوم اصفگج بالكاع
اسراء: اسلوبه عنيف شكله عنيف شخصيته عنيفه اووي
كام يمي ولزم ايدي: واكو شي اعنف بعد تجربيه؟
ويغمز ويبتسم وانا بفهاوه ومافهمت قصده كلت اله
: بلا خلي اجرب
ماهر: متأكدة؟
: يلاااا جباااان
ماهر: انا جبان موو؟
اريد احجي وحسيت بيه يفتح الفستان من وره بسرعه ابتعدت مترين عنه
اسراء: وجع هاي شبيك
ماهر: مو تردين تجربين
وصلت عندي وشلت الكوشه وضربته بيها
ماهر: اخخخ نعلعلا صفحتج هاي شبيها شني حجااااره
جانت الكوشه ثگيله ولونها خضره وبيها رسمه بيجي بكل البيوت العراقيه موجوده
انا عاد بسرعه سديت السحاب وطلعت يم النسوان
وهو طلع ورايه كعد شويه وطلع يم الزلم وهنادي ماشفتها بعد وايهم باركلي وطلع عنده شغل
مو وكتهم يعوفوني
.
.
متمدده وهو نايم بحضني يصفن ويرجع يكول
: هم السبب مو انا هم
هنادي: احجيلي حبيبي
: ومتحجين لاحد؟ كائن ماريده يعرف احجيلج هنا اطلع من الباب تنسي
هنادي: احجيلي
ايهم: بسبب العنف والحالة النفسية مريت بفترة فقدان ذاكرة مؤقتة .. وبعد مارجعت الذاكرة مارجعت وحدها
رجع عندي احساس ونظر قوووووي .. قبل ليصير شي بفترة معينة احس بيه واشوفه ..
هنادي انا حاس راح تعوفيني وتروحين وشفتج بالحلم ماخذه جنطتج وعايفتني ورايحه مادري وين
هنادي: ويتحقق؟
ايهم: بعد الاحساس والنظر بفترة مو طويلة يتحقق
هنادي: چا خوش خنروح نتونس
ايهم: مو شقه هنادي
هنادي: ايي مرجعي الك ايهم لانو مستحيل اتقبل شخص ثاني غيرك ف اطمن حبيبي انتَ
ورجع حضني ولشوي وحسيته بيه يغفي ويريد ينام
: ايهم كوم لغرفة ماهر حتى يصير ميصير اكللهم اجه تعبان والحفلة ببيته وماكدر ينام هناك
ايهم: تعالي وياي
هنادي: شسوي؟
ايهم: تعالي يمي لحد ما انام لتعوفيني
عيونه تلمع ومثل الطفل الخايف ويريد امه عاد كمت وياه وهو تمدد وانا كعدت يمه والعب بشعره لحد ما غفى وطلعت من الغرفة وصعدت بدلت ونزلت سويت كيكة مال عصريات ونظفت ورتبت البيت وشغلت مسلسل وكعدت
.
.
.
فهد: عجبتني الططو
جعفر: بلا هذا اسم البنيه شحلاته تلك لگ ولزكلها بالططو هسه ع اساس انت ملاك همزين ازرك كاتلك الوصخ
فهد: حكوم واشك حلكك بالقندرة جعفر
زين: هدو هدو شويه بس واحد يكول بز تكبون وبعدين حجيت وي ايهم؟ وافق؟
فهد: كال اروح واشوفهه
فاقد: حبيتها لك سرسري؟
فهد: لا يابه بس عجبتني حيل شني زط بط احبها وانا ماشفتها غير ربع ساعة
فاقد: مو اكول
زين: ولكم اكو نقص بينا احنا قليلين اشو؟
فاقد: ايهم عنده شغل وراح
زين: مو اكوول
فاقد: الوو .. اي نعم تفضل .. شنوووووووو؟؟؟؟؟؟؟
......................................................................
احتمال يكون بيها جزء ثاني واحتمال لا ماعرف
