رواية ما ذنبي انا الفصل السابع عشر بقلم أحلام السعدي
كعدت يم السرير وخليت ايدي عالسرير وخليت راسي عالايدي ونمت.
كعدت عله احد يكعدني.
باوعت وعيوني بلكوة فتحتهن.وايدية ثنينهن مخدرات
بتسمت.....مرااااد.
اباوع علية بتسملي وكال ليش نايمة هيج.
باوعت عالنفسي.... ونزلت ايديه جانن منملات لاني رافعتهن ونايمة.
عدلت حجابي. وكعدت عالسرير.وهو كعد يمي وفراغ اكو بصفنة.
كعدت زين وكتلة شلونك شخبارك.شلون جامعتك.
مراد.... تنهد.. وكال الحمد لله.انتي شلونك شخبارج.
......حجيت بخجل.الحمد لله نحمد الله ونشكرة.
سكت.... وبعدين حجة مرتاحة بزواجج من آصف.
تنهدت وكلت يعني مرات زين وياية ومرات عصبي كلش.
باوعت علية.... يحك بحليتة.
مراد... ششادن اسالج سوأل.
.... همممم اسأل.
مراد.... انتي تحبي لآصف.
باوعت علية ونزلت راسي سكتت.ومااعرف شجاوبه
مراد.... السكوت علامة الرضا.
حجيت بخجل.لا مو سالفه حب. ماشفت شي منه خلاني احبه.
َمراد........ لاتشوفينة عصبي. لا بس كلبة كلش طيب واللع.
...انت تحجي هيج.
مراد.... بتسم... وكال اي هذا اخوية. واني ادري بي هو مايحب ياذي احد.. بس موت امة وابو ومرتة اثرو بي. افتهمي ادري اطباعة صعبه. بس تكدرين شوية شوية تغيري.
..... يامراد.شسوي يعني هو عصبي كلش. وكلمن مااكول تغير وصار زين. يرجع لنقطه الصفر. اني كافي مليت. مليت واني كلما اكوم واكعد. يحجي علة ابوية. وعلة امي ويكلي مو شريفة.تقبل تكول لمرتك مو شريفه. والله عيب.
مراد.... كتلج. موت امة وابو ومرتة. اثرو بي. وانتي تعرفين ليش هيج يكلج مو شريفة.
..... لا مااعرف ليش.
مراد.... من ورة قصة شمايل. من حجت امج عليها. يريد يجرحج يريد يأذيج. لان هو عندة كلشي ولا شمايل.
.....تنهدت .... هسة عوفنه من آصف. شلونك شخبارك.
بتسم وكال الحمد لله.
.... ها اذا انت تحجي هيج علية. احجي علة نفسك.
مراد... ههههه اني ماحجيت عليج. بس افهمج..وعقد حواجبة اي وبلة شكو احجي علة نفسي.
...... علة هتوف هية مالها احد غيركم. هية وحيدة.
مراد.... اه اه ياشادن. والله ادري هسة اروح اشوفها.والله عندي اخواني وخواتي غاليين علية وهواية بس الضروف تجبرنة نكرهم.
..... اي بس مو تكرهم.
مراد.... اني مااكره ياشادن. بس ابوية خلانة نكرهم الله لايوفقة.خلانة نعيش برعب طول عمرنة وصرنة النة اعداء من كل الجهة.وين متروحين عدنة اعداء.
..... يامراد مايجوز الميت الا الرحمة.
مراد.... الله يرحمة. بس اذا احنة نسامحة. الناس شلون تسامحة. رب العالمين شلون يسامحة.
..... واالله ماادري شكلك.
دايحجي ودخل آصف. علينة.
بلعت ريكي... مبين عصبي.شبي ياستار. يارب.
ضل ساكت.
بعدين مراد. بتسم وكال. شلونك آصف.
اباوع علية محرك ساكن ولا حجة.
كام مراد وضحك شبكة وكال شلونك ماتسال عن اخوك.
آصف بتسم وكال.... الحمد الله مامحتاج اسال عليك. يمك الحرس واني اشوف كلشي تسوي.
خله ايدة كبال آصف بخوف.يمة انت شنو. عالكل مخلي كامرات مراقبة ضرب ايد بايد وكال اني اعلم الحرس الجلاب ومخليهم واسوي نفسي مغرور بالجامعه واشوف البنات .يطلعون هيج جلاب.
بتسم آصف..وشبكة حيل وكال شتاقينالك.
مراد.... واني اكثر.
بتسمت عالشقاهم. هواية يحششون.
مراد.... ششادن. امشي سوينة اكل والله جوعانين.
حجيت بشقة.... لا عازمتكم عالمطعم.
همة عقدو حواجبهم.
حجيت.... جذب شبيكم انتو مو مال شقة.
ثنينهم بتسمو.
.... يلة عن اذنك اسويلكم اكل.
دااطلع... حجة آصف لحضة.
باوعت علية.... هاا.
آصف.....نروح لمطعم عائلي يلة تهيرو. واحجي وية شمايل وهتوف.يجن ويانه.
اني جنت فاتحة حلكي.
مراد يباوع ببلاها. ها شبيج شادن.
.... بلعت ريكي وحجيت اني اروح وياكم لو بس انتو.
آصف.... لا انتي تبقين هنا بس الاخوان يروحون.
... كلت همزين يطلعنة. نوب مو اني اروح وياهم. حجيت ودموع بعيوني اي هسة اكللهن.
دااطلع وكال مراد.... تعالي شبيج.
مدرت وجهي الهم.
حجيت ها.
آصف.... اني كلت نروح للمطعم.غير انتي ويانة شبيح وجهج نعقج.
وباوعت عليهم.وكلت.صدك والله احلف.
مراد..... اه كلبتها مناحة. اي امشي يمعودة. قبل لايغير رئية.
ركضت واني... اصفك. فرحة مو ساعيتني صالي هواية مطالعة. وحتة امي ابد ماتخاينا نطلع هاي اول مرة راح اروح بيها للمطعم. واول مرة راح اشوف مطعم.
رحت... علة هتوف وشمايل هنة هم طارن من الفرحة.
صعدت فوك... ابدل.
ماعندي شي البسة. كعدت عالسرير ودموعي بعيوني يعني حتة استحي اطلب منهم ملابس طلعة.
انفتحت باب الحمام. طلع مخلي منشفة عله ركبته ولابس شورت..
نزلت راسي ودااطلع كال اوكفي شبيج.
.... ها لا ماكو شي.
لبس بنطرونة.وصار ينشف بشعرة.
آصف.... شبيج احجي.
جا يمي... كتلة لا عاي ماكو شي.
وخر المنشفة وخلاها عالسرير.
اباوع علية شلون شعره صاير عالجبهته.
لبس الفانيلة سودة.
رجعت كعدت عالسرير
حجة.... كومي شبيج اتهيري دانروح.
حجيت.... لا اني مااريد اروح.
جا يمي...وعقد حواجبه.. ليش.
.... هيج ماكو شي.
ستهضمت.... كمت ابجي وامسح بدموعي.
حجة بعصبية.... ها شبيج يعنيي مو كلت نطلع تتونسين ويانة تاليها ماتروحين.
لزم ايدي وكال شبيج تبجين احجي.
حجيت بعصبية خلص مااريد اروح مااريد. روحو انتو.
باوع علية وتخوصر.. ساكت. بس عصبي.
. وبعدين حجة.... احجي بيج شي احد حجة وياج شي يزعجج كولي خلي افتهم. خوما رسج مأذيج.
..... حجيت بقلة صبرلا والله ماكو احد حجة وياية. ولا احد زعجني. مابيه شي.
آصف.... شادن... ترة بدة ينفذ صبري احجيلي عاد..
..... ماكو و َالله شي.
باوع علية وسكت. كال احنة هم مانروح.
باوعت علية.... لا خطية والله هتوف وشمايل هواية فرحن الله يخليك روح.
آصف.... اواعدج اذا كلتي ليش متروحين. احنة نروح.
سكتت.
حجة.... ها.
ندكت الباب.
رحت فتحتها.... لكيت هتوف.
هتوف...... اسفة نسيت منطيتج شي تلبسي. هذا اخذي البس عالكدج.
حجيت بكلبي. امداج هتوف هسة تجين.اووف اوف منج.
انوب لابية اخذة ولابية اكلها مريد.
ومنا آصف يباوع علية.
جا يمي واخذه منها.وحجة.. يلة روحي لبسي.
راحت.... وهو سد الباب.
باوع علية وكال.... بهدوء. البسي دانروح.
حجيت بكلبي من طاح حضج يهتوف. اكيد عرف على شنو داابجي.
اخذتة منة......واني اعوج بحكلي.
فتت بالحمام.... واني العن هتوف.
بعدين كلت... فوك مجابتلج الملابس.
سبحت وكملت. اباوع ماكو منشفة.اخذها آصف. يبوو خرب حضي. صح حارة. بس مااعرف الا اتنشف..
ندكت الباب.
حجيت.... هاا.
آصف... هاي منشفة.افتحي الباب.
يبووو شلون خجلت. فتحت الباب. شوية. ونطانياها.بسرعة سديت الباب.
نشفت شعري. ولبستة. بس حصر. ونيلي . واني لوني المفضل ازرق ونيلي واسود.
لبسته... وطلعت.
.
لكيت آصف كاعد عالسرير. ويباوع عالموبايل.
باوعت علية وخجلت.
هو ضل يباوع علية.وكال بهدوء.يلة بسرعة.
آصف.... ذبي الحجاب كتلج تتقيدين بي بالغرفة اني زوجج وعادي اذا اشوف شعرج.
نزلت راسي وخجلت.
ذبيت الحجاب ورحت عالمراية.
اباوع عالنفسي. حالتي حالة. لون احمر مغطي كل وجهي.
نشفت شعري ومشطتة.
كلسا اباوع عالآصف. يباوع علية ونوب يرجع يباوع عالتلفون خليتة ذيل الحصان ولفيتة بقراصه مره ثانيه.حته لاينفل.
اخذت شال ولبستة.
حجة.. وهو عاقد حواجبة.لبسج مو عاجبني.
اباوع علية حجيت هاا.
آصف.... لبسج حصر.
.... آصف والله مالي خلك ابدل بعد.
آصف.... اخر مرة تلبسين هيج حصر.
... بتسمت وكلت. اي.
رحت عالفهد. سبحتة عالكيفي. وهو كاضيها يبجي. موتني. يريدني اشيلة.
لبستة وخليتلة بودرة.
صرع راسي بجي. داامشطله. حجة آصف بعصبية.شيلي مو فرفح من البجي شيلي ومشطيلة.
.... حجيت بعصبية مكتومة. اي شبيك.غير داامشطلة.
آصف.... بعصبية. اني شكتلج لاتشيلي يتعلم. بعد منو يكدر ينزلة. بالكاع كلسا تعالو شيلوني.
..... يعني شسويلة بلة. غير من انزلة من الغرفة واصعدة. اشيلة.
آصف.... هو يعرف يمشي لتشيلي بعد.
..... اي.
جبت مشط. ومشطتلة.
كملت... وخليت فهد يم آصف. ونزلت اشوف هتوف ومراد وشمايل. اما عمة حوراء مقبلت تجي.. تعبانة.
كملو كلهم شلت عبايتي.وآصف شال فهد.
نزلنة يم الباب. بقة مراد. شوية ويجي.
آصف... نطا فهد لشمايل. وراح يم مراد.
رجعو ثنينهم.
فهد يريدني ويصيح ما ما ما.. بكلمات متقاطعة.
بتسمت وبستة وشلتة.
رجع شالة آصف.
دانطلع.... ودخلو علينة العصابة..
تعكر مزاجي... يبوووو. هسة الا اليوم تجون.
جوي عم مالك وعمة ملاك.ورتيل وادم.
سلمنة عليهم واني عابسة.
عم مالك... ها وين.ليش ماكلتولنة طالعين.
آصف.... ها عمو. مو والله صارت بسرعة. تفضلو تفضلو.
حجت عمة ملاك. هاي الفصلية هم تروح وياكم..
آصف حجة...بقلة صبر.. عمة ملاك تفضلي.
طبو كلهم... واني وشمايل وهتوف ومراد واكفين وعابسين.
جا آصف.
حجيت.... اني. ها هسة شنسوي.
آصف.... يأما نعزمهم ويانة. يأما نكعد.
حجيت بحقد.هسة ليش متصلو..
آصف... حجة بعصبية مكتومة. ششش نصي صواتج ولج. ليسمعونة.
حجة مراد.... يلة غير مرة شنسوي هذا حضنة.
حجيت بكلبي حضي واعرفة. من طاح حضي.
شمايل وهتوف... بس يحجن الا اليوم.
نفتحت الباب.. طبن2 بنات بكدي. ووحدة بكد عمة ملاك.. ورجل بكد مراد.
همة كامو يبوسون. منو هذولة..
اني هم بوستهم... شسوي عيب.
راحو...طبو.
شمايل ومراد راحو.
... اكلج هتوف.منو هذولي.
هتوف.... هذولة. ام غسان . وخطيبي غسان. واشجان وافنان. انتي تعرفين ابوهم المات عمو ثابت قبل شهر.
.... ها اي. ولج شنو من بنات شلون شايلات جمال.
هتوف.... هههههه اي كلش حلوات.
عيونهن خضر وشعرهن اشكر. عبالك اجنبيات.
.... اي والله حلوات.
هتوف.... عندج علم انو مريم تصير اختهن.
... منو مريم.
هتوف..... مريم مرت آصف الماتت. الله يرحمها.
.... ها.. ياااا. باوعت بغيرة عليهن. اكيد شلون لعد ميحبهن آصف.جمال رباني. يجننن.صح اني حلوة. بس مو مثل جمالهن. صرت اقارن نفسي بيهن.
هتوف اشرتلي يم عيوني. وين رحتي.
.... ها اي اسمعج.
هتوف.... من ماتت مريم.كالو اشجان لآصف وافنان. لمرا.د.
باوعت عليها... بصدمة. شداتحجين.
هتوف.... اي والله. بس لاتخافين. مستحيل يقبل آصف يتزوجها مايقبل.
..... وليش بلة مايقبل.
هتوف.... دخيل الله هواية تسالين مايقبل ماادري ليش.
صعدت للغرفة واني طافرة روحي وزهكانة. عوذة ميخلون واحد يتنفس. هسة بس اتصلو. نوب علية اشجان وافنان اوووف.
ذبيت الحجاب وذبيت العباية. وذبيت ملابسي ولبست لبس البيت.
رحت للمطبخ.. لكيت الخدم مكملين كلشي.
سوينة الاكل ومشاكل متخلو من عمة ملاك.
عمة ملاك.... وضع البيت ابد مايعجبني وصخ.
..... عمة. وين وصخ والله مابي شي.
اباوع عالآصف.... مايحجي وبس يباوع علينة.
تاليها خنزرني وكال اششش. بدون ميحجي.
يعني فوك مو هية غلطانة.. يجي يخنزر بية.
انوب عرفت ليش تكرهني عمة ملاك.
طلعت ام غسان اختها العمة ملاك.
لهذا متريد آصف يتزوجني. تريدة لاشجان.
اباوع علة اشجان وافنان.. يباوعن علية ويباوعن بكره..هم وبحقد.
نزلت راسي.....مخلصت من عمه ملاك جنه ذني عوذه.
اباوع آصف... مهامة كلشي بس ياكل.
آصف حجة.... تعالي اكلي.
باوعت علية... ها اني.
آصف.... اي لعد منو اشرلي تعالي يمي.
بتسمت وكعدت يمة.
اكلت تمر... ولبن.
اباوع آصف يجيب وينطي الية. ويكول اكلي شبيج.
.... اكلة مااريد مجوعانة.
حجة.... اكلي شنو مجوعانة.
اكلت شوية وكمت.
رحت للمطبخ غسلت. وجتي اشجان.
اشجان.... هممم انتي الفصلية الحلوة
.... حجيت..بقلة صبر. اي اني الفصلية.
اشجان..... اوو. انتي منين.
..... من ديالى.
اشجان... من وين من ديالى.
.... من الخالص.
اشجان.... همممم من وين من الخالص.
حجيت بقلة صبر... من.....
اشجان.... هااا... بس حجيج مبين بغدادي.
..... لا مو بغداية.
شكد سالتني... متت من اسالتها.
عاد جا منقذ
آصف.... شادن جيبيلي جكايري وسويج السيارة.
دااجيبة... وسمعت آصف يكول.
آصف.... اشجان ابتعدي عن شادن.تره مو مال مشاكل.
اشجان.... اني ماحجيت شي بس سالتها.
آصف.... اشجان اني مستحيل اتزوجج اني اسف تلكين هواية احسن مني روحي شوفي حياتج افتهمي اني مكدر اتزوج اخت مرتي.
1
اشجان..... تقدمولي بس اني احبك. ومستحيل انساك.
آصف.... اتمنة تفتهمين شغلة. اتزوجي. اني هسة تزوجت.
اشجان... انت تحبها مو. هية اخذت مكان اختي.
آصف... يعني لو ماتزوجت شادن.جان تزوجت بس غيرج. عوفينة بحالنة.
اشجان.... خلص اني اسفة بس كلي انت تحبها
اباوع سكت.
اشجان.... يعني تحبها.
آصف.... بس اني الي اكولها اذا احبها او لا.
سمعت صوت خطوات.
بسرعة ركضت. دورت عليهن لكيت الجكاير والسويج.
داافتح الباب... انفتحت علية. ونكفخت عالخشمي.
انضربت بالباب.
حجة آصف.... الله بيج شي.
فركت خشمي... وكلت لا مبية شي.
آصف.... كتلج بسرعة جيبيهن..
.... اسفة. هاك.
نطيتهيا..واني افرك بخشمي. وراح.
رحت فتحت الكنتور مالت آصف. كلت خلي اشوف ماعندة غير بس لون الاسود يلبس.
باوعت شنو هاي كلشي اسود.
باوعت جوة لكيت صندوق.
لزمتة داافتحه مقفول.
اووووف وين الكة مفتاحة.
دورت بالكومدي. ماكو شي. بس اكو البوم كامل صور.
باوعت صور. صور بنت اية من الجمال.
اخذت الصور وكعدت عالسرير.
اباوع عليهم ثنينهم فرحانين. بيوم عرسهم.
اني كلبي عصرني.مستحيل اوصل لحب آصف. مستحيل.
اباوع صور وحدة احلة من الثانية. كلش حلوات.وعلة كل صورة. شعر بيت. عن الحب... ومكتوب بين قوسين.. (من آصف الى مريم).
اباوع شعر.... اني مااحب الاشعار اكرهن. بس هذن قريتهن. كلهن.. واني كلبي نار.ماادري ليش.جنت احس آصف يحبني. بس لمن قريت هالاشعار وشفت هالصور.كرهت كلشي. وكرهت نفسي. مستحيل يحبني آصف.
اباوع ايديني يرجفن.
صرت اقارن نفسي بيهة. حجيت الله يرحمها.
واخر صورة. الهم.بالمستشفى شايلين طفل.
عرفتة هذا فهد.
كمت داارجع الالبوم. باوعت وراية صوت يكمز عالسرير.
اباوع ماكو شي. كمت ارجف. اني شفت احد يكمز عالسرير والله.
ونعادت هاي الشغلة وحتة شايل مزهرية..بس ماكو شي.نوب نفتح قران كريم..
ركضت حيل عالباب.واني مااكدر اتنفس خفت كلش. احساس تملكني ردت افقد الوعي.
فتحت الباب صار بوجهي آصف..
يباوع علية..هو نفزع. من منضري..
وجهي جان اصفر باهت. بسرعة حضني. اششش لاتخافين ششش. اهدئي.
اني جنت ابجي وارجف وعيوني مبطلن بجي.
فتح الباب يريدني ادخل.وكفتة كتلة لا اكو شخص هناك.
آصف.... اشششش لاتخافين.
...... آصف اني شفت هناك اكو احد يكمز عالسرير والله. وشال المزهرية.
آصف..... ادري لاتخافين. هاي الشغلات تنعاد بس مو دائما.
فتح الباب.... كتلة لا لا مااريد افوت عوفني. حجيت بجنون. وبعدين ليش مكتلي اكو بغرفتك ملك.
آصف..... نسيت والله.خلص اششش كتلج هاي كل شهر تنعاد مرة او مرتين لاتخافين.
حجيت بجنون.....وصوت عالي ابتعد عني عوفني.
نزلت لغرفة شمايل كعدت.
آصف...شادن.
فزيت وكتلة هاا.
آصف.... لاتخافين. بس خلي قران كريم بلغرفة.ودائما بخريها. لاتخافين..
بلعت ريكي وكلت اي اي.
كعد يمي وحضني. لزمتة حيل من ياخة قميصة. وحضنتة.
حجيت من شوكت.
آصف.... ماادري صالة حوالي 8 سنين.من اجينا بهذا البيت.
.... لعد شلوون كدرت مرتك تعيش بالغرفة.
آصف.... هية ماعاشت هنا. هاي غزفة جدي. من مات بعد ماكو احد طبلها. لهذا قبل 4 اشهر حولت غراضي هناك.
.....شلون كدرت تعيش هناك.
آصف.... عادي اول شي خفت بس من نعادت بعد ماخفت.
.... طيب اكو شي بعد يسوي هذا الملك.
آصف....مرات ينام واسمع شخيرة. مرات يضرب المزهرية بالمراية.بس ماتطشر. ومرات اسمع اصوات..
..... طيب ليش مكتلي.
آصف.... اني نسيت والله انتي شفتي مصيبة ورة مصيبة.
.... طيب وشلون نكدر نطلعة..
حجيت الاشخاص... وكالو لازم كلشي تغير بالغرفة.
وانشالله هاليومين اغيرها واصبغ الغرفة لاتخافين.
اباوع ايدية يرجفن. لزم ايدي.جفلت..
آصف...... اشششش اسم الله.
طلعت من الغرفة. طبيت للمطبخ. ماكو احد راحو.
صرت كلسا اتخيل شخص وراية يمشي. اباوع ماكو احد. احس نفسي مجنونة. اكوووم اركض..
كعدت بس يمي خدم..اني مو خدم احسبهن اني احبهن هواية. هنة عدنة خدامتين ميري وميلا بنغلاديشيات.
حجيت..... راحو الضيوف..
ميري..... اي راهو..
كعدت صافنة..... ياربي خفت كلش.
سمعت صوت التمن لمن تخلي عالشعرية.
فزيت كل حيلي.... وصرت اركض.
اصف جان كاعد من شافني هيج. لزمني وكال اسم الله شبيج.معودة داتخوفيني عليج. شو تعالى.
حضني... وداني للمطبخ.
حجة للخدم.. سوو حرمل وخلو بغرفتنة. وخلينة قران.
جتي عمة حوراء يمي وهتوف وشمايل. شافني هيج. خافن علية..
عمة حوراء خلتني علة رجلها. وكامت تقرة ايات قرانية علية.وتمسد بشعري.
واني كلسا فازة وخايفة.
..... بهذن الايام. خلة الغرفة مالتة. كتب مال مكتبة.
والغرفة المكتبة حولها غرفتنة. لان صرت اعيط اذا اطب للغرفة. لهذا حولها.
هواية تعبة بذيجنة الايام.
كعدت ارتاح..شوية من شغل البيت. انفتحت الباب. باوعت آصف..
كعد من دون حجي عالطاولة. ومبين متوتر.
حجيت... بيك شي.
هز راسة... من دون ميباوع علية. يعني مابية شي.
..... لعد شبيك.
باوع علية. ضل صافن علية.
اني نزلت راسي.
حجة.... مهند يريد يطلب ايد شمايل.
باوعت وفرحت. اي وشكلت. حجيت بلهفة.
آصف..... ليش فرحانة مستحيل اقبل. يمكن يريد ينتقم مني بسببج.
. سكت... وبعدين حجيت. لا لا والله كلبه طيب مايسويها.
.آصف...والي سوة بيج. وحك لحيتة.
باوعت علية....حجيت بقهر كلة بسببك. الي صار لاتذبة علية. هو سوة هيج. لان انت حجيت شغلات علية مو حلوه وهو صدكك.
سكت.
..... آصف.مو كل الناس مثلك. وتريد بس مصلحتها.
باوع علية بغضب.. ها يعني اني هسة صرت مصلحجي.
...... اي.لان شمايل تريدة. واذا ترفضة انت.يعني تكطع بنصيب البنت.
آصف.... بحدة اشششش شكمتي تخربطين. تريده. انجبي وسكتي. غير اكسر راسها.
سكتت. وكتمت غيضي.
آصف.... يعني تريدنة اقبل.
.... ماحجيت .اصلا ليش يحجي هو اصلا مايأخذ برئي.
آصف..... واذا صار مثل ماصارلج وضربها.
بتسمت بستهزاء.... يعني تعرف من ساسك لراسك غلط واللي سويتة بية اكبر غلط.
آصف....لا اني ماسويت شي غلط حقي واخذته.
كمت من عالكرسي وحجيت بعصبية. عن اي حق تحجي عنة انت كووول. علة يااساس اصير فصلية اني. كول كلة منكم ومن ابوك.وعله يااساس تجيبني من بيتنه سحل. وعله ياساس تطلكني من ابراهيم.
آصف...بحدة.. دكولي من الاول. ابراهيم ابراهيم ابراهيم. شوكت اخلص منه اني لهذا الاسم. اكعدي. ونصي صوتج. ماريد احد يسمع.
..... لا وليش انصي صوتي مانصي. شتسوي يعني تضربي احجي كووول.
لزم ايدي حيل وكعدني.
.. بس كول ياحق.
آصف...تنهد اششش.. ومهند مرفوض.
دايكوم.
بتسمت..وحجيت .شنو نسيت هو اتزوجها لك خاف الله. هو تزوجها ومسوالها شي وخلاها بيتك وكال مااخذها من هذا البيت الا والكل قابل آصف كافي عاد خلي ترجع المي لمجاريها. طلكني انت ماتحبني طلكني خلي اروح اشوف حياتي اعتقني وخليهم يتزوجون.
. اندار علية... وكال اني اطلكج. اسمعي بس لتصدكين. والله لو شيصير متطلكين. وتضلين معلگة .ومهند مرفوض.
حجيت بعصبية..... اني مااريدك مااريدك اكرهك طلكني. خلص نتقمت مني.وتحملتك بما فيه الكفايه طلكني.
ضربني راجدي.... ولزم ايدي حيل.
صعدني للغرفة.
وذبني كل حيلة عالسرير.
راح سد الباب وقفلها.
خفت كلش لايسوي شي. ياربي شنو. هل مصيبة.
آصف..... ماتريدني وتريدين تطلكين مو.
صار يفتح بالقميص الي لابسة.
اخذ منج الي اريدة واطلكج.
حجيت بخوف. لا آصف لاتسوي هيج.
هو مستمر بفتح ازرار القميص. هذا الي عندي.
ذبة وجا علية. ركضت اريد افتح الباب. مقفول لزمني حيل من ايدي ورجعني عالسرير. وصار فوكاية يبوس بية. شك دشداشتي.
جنت اتوسل بي عوفني. خلص والله مااريد اطلك آصف. بداعة امك. صرت ابجي.
كام وتنهد. وكال.عيدي وكولي اريد اطلك. راح اخذه منج غصب ماعليج.
سكتت ودموعي تجري. تغطيت. بلحاف.
وهو بس يصيح علية ويغلط اله اربيج بت الكلب.
صرت اشهك بجي.
فتح الباب... وطلع وسد الباب كل قوتة.
بلعت ريكي واني ارجف. مخبل والله مجنون. اني شلون حبيتة اني غبية.
شكرا لزيارتكم عالم روايات سكيرهوم
