رواية ما ذنبي انا الفصل الثامن عشر بقلم أحلام السعدي
إِنما تدركُ غاياتِ المنى بمسيرٍ أو طِعانٍ وجلادِ واللبيبُ الحيُّ لا يَخْدعهُ لمعانُ الآلِ عن حِفْظِ المزادِ.
ــــــــــــــــــــــــــــــــــــــــــــــــــــــــــــ
كعدت ابجي. هواية اذاني مجان يبوسني بهداوه. جان وحش.
كمت من عالسرير.واني متغطية بلحاف و أون من صدري مجنون والله.
باوعت عالمراية.أثار بركبتي وبصدري كلها زركة. هذا وحش والله وحش مو انسان.
نفتحت الباب
اني وكفت متصنمة. وتغطيت زين.
هو بس يغلط ويفشر علية مسكت ابدا.
نطيتج مجال هواية تتمادين. ولج من الاول كلت هاي مينطيها مجال. بس حجيت وياج بهدوء وكتلج اسكتي. وانتي عليتي صوتج. كتلج اكعدي سمعيني. وماتسمعين ونوب تكولين تطلكين.
كل هذا واني واكفة يم المراية.ابجي.
وهو يدور ملابس اله.
اي اطلك.. بس اخذ دم منكم.او اخذ كل شي اريدة منج. اني مو آصف اذا مااكسر راسج هذا اليابس.
دخل للحمام.... سد الباب حيل.
جفلت.كعدت عالسرير. وكورت نفسي وارجف.
ورة بعشر دقايق. طلع من الحمام جان ملابس بس شورت.
نشف نفسه وهو يتوعدلي الا اكسرج. اني اعلمج.
لبس القميص.وبنطرونه. وطلع من غير مايمشط شعرة.او يخلي عطر.
كمت عالكيفي. رحت طلعت ملابس. ورحت للحمام.
سبحت وبدلت. من الضربة راجدي مالتة. اباوع عالنفسي وجهي كلش شاحب واصفر.
نمت واني اتذكر وحشيتة. واني انام كمت اكول اكرهك آصف.
كعدت فتحت عيني بثقل.بلكوة فتحتهن. كعدت افكر بحياتي. اني اضل هيج مكفخة. كافي عاد كافي. اني لازم اطلع من هذا المكان وبسرعة هم. بس شلون اطلع. ماكو غير حل واحد انهزم. اي انهزم. راح ادوس عالقلبي. وانهزم.
كمت لبست شالي ونزلت.
لكيت بيت العم ثابت جايين كلهم. مهتميت.
باوعت علة غرفة. محد يساعدني غير هو مستحيل احد يساعدني غيرة.
دكيت الغرفة اكيد هو هنا.
فتح الباب جان ملابس قميص. نزلت راسي بسرعة.
مراد..هلا ششادن. تحتاجين شي.
بلعت ريكي وحجيت اي.
راح جاب قميصة ولبسة.واني لساتني عالوكفتي يم الباب.
.
حجة.... خيرج.آصف اذا شافنة وية بعض مرح يعدي هاي السالفة عله خير وخاصه بغرفتي.
..... ادري بس لازم احجي وياك.
كال روحي بالصالة.الي فوك هسة. اجي.
..... اي ماشي.
فكرت بس الصالة بيها كامرات مراقبة. واني مااريد آصف يشوفنة..
حجيت.... مراد عفية اريد احجي وياك بمكتب ادم. والعم مالك. الي جوة.
..مراد... ماشي روحي ان شاء الله هسه اجيج.
رحت بلمكتب.فات هو وكال. اي احجي. حك لحيتة.وكعد عالكرسي.
حجيتلة عن كلشي صار. من جان هو ماكو. وحتة اليوم. بس ماحجيت آصف راد يغتصبني. كتلة بس ضربني.
.... حجيت بدون اي مقدمة. مراد.طلعني من هذا البيت فدوه.مااريد بعد اعيش يمه.
باوع علية وعقد حواجبة..مستحيل شادن مستحيل. اول مرة من ردت اهزمج. آصف عرف وضربني وضل يحجي علية.وكاله لعمو مالك وطلعوني من البيت. وهسة لا تعذريني.مااكدر.
... يامراد والله مليت مليت. هو ماينعاش ويا. كافي عاد. مادااكدر اعيش ويا والله.
مراد.... تنهد. ششادن ادري والله ادري. والله هو ابد مايمد ايدة عالاحد.بس انتي تعصبي. گتلج سايري
...نزلن دموعي بعصبية.... شنو سايري. كلمن مااحجي شي من حقي. يضربني. ليش اسايرة.
مسحت دموعي. ووكفت عالعموم شكرا. اني خطأت من جيت عليك اني راح اسوي المستحيل لاانهزم منا. كافي عاد مدااتحمل عيشة وية اخوك.
مراد....كام..... شادن شبيج اصحي اصحي عاد. انتي شهر شهرين تلاث اشهر ويتغير شادن اني مو دااحجي وياج اكرهج واريدلج الشر. بالعكس والله آصف حنين وكلبة طيب. وكلش زين بس سايري وشوفي شلون يصير وياج.
مسحت دموعي مرة ثانية وحجيت. مشكور. مشكور.
دااطلع وحجة.. شادن... آصف يحبج.افهمي. اذا تنهزمين والله لايكلب حياتج كلاب. ويكرهج حتة بحياتج.
ضحكت بستهزاء.... وطلعت.يحبني خلي حبه لنفسه احسله.
ماكو احد يريد يساعدني.شلون اكدر اطلع.
فتت للغرفة.... كعدت عالسرير..
فاتت اشجان.بسرعة بدون متدك الباب.
باوعت عليها... انتي شلون تتدخلين هيج لغرفتي.
أشجان..... همممم ادري متطفلة. بس.
كمت من عالسرير وكلت بس شنو.
اشجان..... اني اكدر اساعدج.اكدر اهزمج من هذا البيت.
باوعت عليها وعقدت حواجبي.
اشجان..... ادري يمكن ماتثقين بية. بس ثقي بية. اني راح انطيج فلوس وتلفون واهزمج.
ضحكت بستهزاء. وشنو المقابل.اني مااريد كلشي بس تهزميني
اشجان..... امممم المقابل.
باوعت عليها.... مبينه تحبه كلش لآصف وتريدة. لهذا تريدني انهزم. حجيت بكلبي. اي خلي يفيدها.
اشجان.... المقابل.. يا.صغرن عيونها.. شسمج.
.... شادن.
اشجان..... اووووو صح شادن.
اشجان..... ياشادن. المقابل هو اريدج مترجعين لهنا ابدا. لو شيصير.. لو حته لو ترجعين للبيت هذا. تنهزمين مرة ثانية. مااريدج ابد ترجعين اله. او تقتربين من آصف.
.... حجيت غالي.والطلب رخيص.
اشجان... شنو الي يثبتلي انتي مراح ترجعين.
جانت بكلبي غصة. خايفة تجذب علية. وتروح تكلة لآصف.
...... اني راح اسافر هو مستحيل يعرف وين اكون. مستحيل.
اشجان..... ههههه لا ياحبيبتي متعرفين منو آصف.يجيبج من جوة الكاع.
.....مايهمني ثقي بية اني راح انهزم. ومتشوفيني ابد بهذا البيت.
اشجان.... اي انشوف.
..... .. تريدين آصف. موو.
اشجان..... باوعت علية. اي بس انتي اخذتي مني وهسة اريدة الي تفتهمين.مااريدج تشاركيني بي.مثل مااخذتة مني مريم. اخذتة مني وماتت. وخلصت الحمد لله. وهسه انتي جيتي. واني اريدج تبتعدين قدر الامكان عن آصف.
باوعت علية هاي من يابشر. شلون تحجي علة اختها الميتة هيج. العالم وين وصلت دخيلك يارب. استر..
..... حجيت بقلة صبر..لاتضلين تحجين هيج. اني عايفتة الج..اني اريد انهزم هسة.
بتسمت.... اي حضري نفسج بالليل.
.. بليل.
اشجان..... اي بليل.اني راح اهزمج وماكو احد يعرف بهذا الشي.واعرف وين مخلين كامرات مرقبه لهذا اني راح ابعدج عنهن.
..... ماشي.
طلعت واني افكر. صح الي دااسوي لو لا. ماادري. خايفة. كلش خايفة. آصف اذا عرف شراح يسوي. والله يموتني.
كعدت عالسرير.... اني خلصت حياتي وية آصف. مكدر اعيش وية انسان دائما متقلب. مرات عصبي ومرات يضربني بدون مايدري. مرات يبتسملي.مرات احسة يحبني. ولا مرة سمعت منة كلمة حلوة.
اصلا شلون اسمع منة كلمة. اذا هو لساته يحب مرتة الاولى.
كمت عالمراية.اباوع عالنفسي. مستحيل اوصل لحب مريم. مستحيل. اصلا هو شلون يحبني اذا اني هاملة نفسي..
وجهي اصفر وجوات عيوني هالات سود. اباوع ايدية متشققة.. من ورة الغسل والتنضيف.. مااكدر اي شي اسوي بعد. خلص هاي نهايت قصتي وية آصف..
اباوع عالدفتري.المذكرات. كتبت بي كلشي صارلي اليوم.. والتاريج كتبتة. 2015/6/22.
جنت اكتب.. اكول بكلبي منو يقره دفتر مذكرات. كلة حزن. ماكو بي شي غير الوجع والالم.
لا منو يقرة شخيصتي منو يفتهمني. اكثر الي يقرو يمكن يذبون صوج علية..
بتسمت....يمكن بيوم اكدر انشر ولو جزء بسيط من قصتي. بس شنو عنوانها. امرأة اخذوها فصلية عالكلشي ماكو.. اصلا شنو الي انشرة..كلشي سخيف بحياتي.
اووو يمكن اولادي بالمستقبل يقرو القصة. بس شنو يكولون عني.
للحضة حسيت باحباط.. اصلا اني ليش اكتب قصتي. كمت شككت اكثر من خمس اوراق. واني ابجي..
للحضة وكفت.. رجعت عدلت الاوراق.وجبت لاسق.ولزكتهن. يمكن الحض يبتسملي. واكدر امحي كل هالايام السود.
لزمت الدفتر. وقفلتة بالقفل. وخليتة جوة السرير. والقفل دائما اعلكة بركبتي هو وزنجيل. القفل. ميبن انو سيف. .اني وصيت علية مراد جابليا.
للحضة رجعت فتحت القصة. وكتبت فوك باول ورقة. كتبت ماذنبي انا.
رجعت قفلتة.
سويت الاكل وكملت.
صار الليل اتعشو كلهم.بس آصف مختفي.
طلعت حجيت وية اشجان..شلون راح انهزم..
اشجان.... راح نطلع اني وياج للحديقة. والباقي علية.
راح ينتضرج. شخص هناك.روحي ويا. وسافري.
طلعت. واني افكر. اني مستحيل ارجع لاهلي. مستحيل.بعد الي سوو بية ماارجع الهم. اسافر وراح اشتغل.
لبست شالي وخليت بقجة صغيرة بيهن ملابسي. وخليت بايدي العباية.دااطلع عاط فهد.
نفزعت.... حبيبي شبيك.
يحجي باشياء مو مفهومة. بجيت شلون اني راح اعوفك والله انت كلبي. والله احبك. بوستة حيل وشميتة. ونطيته لشمايل. وطلعت.
جتي كالت يلة.
طلعت للحديقة. حجت. هذن فلوس وهذن وهذا موبايل. اخذيهن.واحسن تاخذيهن.
اخذتهن.. جانت ضبة فلوس هواية.
ضربت نفسها ببطل كزاز. وكالت اطلعي برة بسرعة.
طلعت برة... واني متصنمة. هاي شداتسوي. تريد تبليني بكتلها.
فتحت الباب وطلعت.
ضليت انتضر عالحسب الخطة محد اجة هية جذبت علية.ماكو احد ينتضرني..نوب نسيت دفتري.هناك.
غصة بكلبي مو مرتاحة ابدا.
باوعت سيارة آصف..
رجفت ووخفت كلش بلحضتها.. وركضت حيل.وصلت يم زرع فات هو للبيت.
ياربي.... شراح اسوي.اشجان.طلعتني بليل. وماكو احد.وين اروح.
اذا ارجع للبيت آصف يقتلني لان طلعت. واذا انهزم وين اروح بهل ليل.
كمت امشي. ماكو ضوة القمر كلش ظعيف.. خافت كلش. ومدااشوف. وماكو بيوت يمهم.
بس كلت عندي موبايل.
فتحت المبايل. وضويتله.موبايل كراند.
مشيت مشيت..صارت الفجر واني يانعسانة. ماكو احد ماكو بيوت.
تعبت كلش. كعدت يم زرع. اني شسويت. ياربي ساعدني. صرت ابجي عالحضي. شسويت اني.آصف هسة شدايسوي.
يالله يارب مالي غيرك.انت سندي.
باوعت من بعيد صارن بيوت. اكو.
فاتت سيارة خفت احجي وية شخص.
بي هو كال. خير بنيتي.شطلعج بهالفجر.الدنيا تخوف. ماكو احد يمج..
حجيت عفية عموو اريد مي اذا عندك.
كال اصعدي اصعدي.استغفر الله. هسة اشتريلج.
صعدني.... جان شخص. مبين بال50.
صعدت.... وكال ليش طالعة بهل فجر..
حجيت اني طلعت من ناس ظلموني. واذوني
.
الحجي... ها الله يعينج. بس مايصير تطلعين وحدج. راح اخذج هسة.. يم بنتي. عندي بس بنية وحدة. اكعدي يمها واحجي وياها..
عرفت من عندة طالع يبيع.فواكه عندة بستان.. شكد نقهرت علية.. ماعنده بس بنت. ومرتة ماتت.بالسرطان.وبنتة مقعدة..بيها شلل. من جان عمرها 3 سنين. بس هو بالعائله يداري نفسة وبنتة.
كال اسمي.... ابو مروة.
حجيت واني ابتسم.واني.سكتت..مااريد اكول اسمي الحقيقي.واني. رقية
ابو مروة.... يله وصلنة..
وصلنة لبيتهم..عائلة فقيرة. بيتهم بسيط كلش.عايشين يم بستانهم.
نزلت.... وطبيت سلمت. مشكور عمي.. اني بس هسة وشوية اروح.
ابو مروة.... يابنتي. وين متريدين تروحين. اني حاضر.
حجيت.... تسلم عمو شكرا.. بس اريد اروح. لبغداد.لان مااكدر اطلع وحدي واخاف.
ابو مروة.... غالي والطلب رخيص.
راح بالشغل... واني بقيت يم بنتة.
سولفت وياها. هية حلوة. كلش نقهرت عليها. الله يعينهم..
ابوها يشتغل حتة يسوي عملية..حتة ترجع تمشي. صح عمليتها.مو سهلة.. بس تكول نسبة نجاحها 66%.
ورة بساعة.... اندكت الباب..
صرت ارجف منو ياربي ليكون آصف.
راحت مروة فتحت الباب عالكيفها..
شفت آصف.... تصنمت.ياالله يارب استر. ارجف.
دفعها عالكيفة.... وفات بسرعة.
باوع علية.. واني اباوع علية.وارجف سنوني تصك..
يباوع علية بهدوء.. حجة بهدوء.امشي.
يمكن هاي الهدوء ماقبل العاصفة. شكلة يوحي للغضب.
لبست عبايتي واني هادئة. كاتمة حتة انفاسي. لا يضربني.او يسوي بية شي.
طلعت.... شلون اريد انهزم.بس رجلية ميشيلني.اليوم موتي اكيد. موحتم.
اريد اركض.بس رجلية احس صارنن شلل بيهن.
مشيت من يمة.
فتح باب السيارة. حجة بهدود. فوتي.
بلكوة دخلت.... اريد احد يساعدني ماكو..
سد الباب. حيل. دلالتة علة انو عصبي.
نفزعت.. صعد للسيارة. وخلة حزام الامان وصار يمشي. سريع كلش. وهو الشارع ترابي.
اريد احجي بس انلصم..خاف يضربني.هو يضربني يضربني.
حجيت بسنوني تصك بخوف.. آصف خليني افهمك.
آصف..... خلة سبابة عالحلكة.. اشششششش..
...... والله سويت هيج.. لان لان انت موزين وياية.
آصف.... اشششششش. گتلج سكتي.
... بصوت عالي. آصف انت تخوفني. تخوفني..تعرف شنو تخوفني.
محست غير وكف السيارة بسرعة.ونضربت لان ممخلية حزام امان.
...... آصف. اهدء.
ضربني راجدي دورني.ونضربت عالجامة السيارة.
لزمني من شعري حيل.لزمت حجابي زين. وضربني عالجامة 3مرات.اني من خوفي اريد الزم ايدة مكدر. شلل صار بية.
آصف....بصوت عالي.. تضربين وتبوكين وتنهزمين. ولج اني كتلج اذا تنهزمين اخذ منكم دم.شنو ماخفتي عالاهلج..
اباوع علية ودموعي تجري. اريد احجي مكدر.تذكرت كلماتة بوك وضرب..شنو يعني.
لزمني من ركبتي حيل.. وضربني راجدي ثاني.
آصف.... ولج تنهزمين تريدين تخلين سمعتنة بالكاع. ولج اذبحج. واغسل عاري بايدي.
حجة انزلي.
باوعت علية.
حجة بصوت عالي انزلي.
اباوع علية...... اول مرة اشوف آصف بهل هيئه.شعرة متناثر باهمال. وعصبي. ميتحاجه.
نزلت من السيارة.
لزمني من شعري.. يشحط بية.
حجيت بخوف..... آصف. والله اني نهزمت منك من ضلمك.
وكفني نضربت راجدي..
... موكعت. وكفني.
ووكعني حيل.
صرت ابجي بهستريا.واكول ارحمني. آصف.. كافي. انت تضلمني.
هو واكف.... وكال اني شسوي هسة يالله شسوي.اذبحج واخلص من شرج.. اكتلج هنا.
جان يحجي بحركة..وحتة صوتة من العصبية رايح.ايدية ترجف.
خليت راسي عالرجلة الواكفة.. اني مااستاهل كل هذا. انت ماتنطيني فرصة. دائما تضربني.لو تهيني.
لزم راسي حيل ووكفني.. شنطيج فرصة..
ضربني عالبطني.
انطيج فرصة مو..
احس ضربتة موتتني صرت اتقيء دم..
وكفني كال لاتتحركين.اموتج اذا تحركتي.
باوعت راح للسيارة. وجتي سيارة مراد ويونس وادم..
اني لازمة بطني واتقيء دم..
اباوع علة اصف حرك السيارة. حيل.
اعرف بي يريد يدعمني. تصنمت. واني مستسلمة. واحجي اشهد وان لا اله الا الله واشهد وان محمد رسوال الله.
غمضت عيني.
هية لحضة وجنت بين ايدين يونس..مااعرف شصار..وكعت بسرعة. ماادري اذا هو دعمني لو لا
شكرا لزيارتكم عالم روايات سكيرهوم
