رواية ما ذنبي انا الفصل التاسع عشر بقلم أحلام السعدي
لا بدَّ من موتٍ ففكرْ واعتبرْ وانظرْ انفسِكَ وانتبهْ يا ناعسُ ألا يابنَ الذين فَنُوا وبادُوا أما واللّهِ ما بادوا لتبقى.
ــــــــــــــــــــــــــــــــــــــــــــــــــــــــــــ
اباوع علة اصف حرك السيارة. بسرعه.
اعرف بي يريد يدعمني. تصنمت. واني مستسلمة.اشهد وان لا اله الا الله واشهد وان محمد رسوال الله.
غمضت عيني.
هية لحضة وجنت بين ايدين يونس مااعرف شصار وكعت بسرعة.ماادري اذا هو دعمني لو لا.
بس لحضات يلة عرفت. جنت اصيح وابجي ايدية.
اباوع ايدية. جانت مبين العضم طالع منها.
وابجي روحي تفرفح.
....لمن مشة بالسيارة دفعني يونس ووكعت عالصخرة كلش حادة. نكسرت ايدي.
مكدرت امشي من الوجع.
كلهم يريدون يمشوني ومااكدر اتحرك وافرفح بجي واشهك.
يونس دايشيلني. عاط آصف. لحد يلزمها اكسر راس الي يلزمها.
اجا شالني. وذبني بالسيارة ومعصب لسا.
جنت اصيح الالم لايطاق والله.جانت اصعب الم بحياتي كلها. احس موتي ولا هل الم. كعد بصفي مراد. وادم ويونس راحو للسيارة ثانية.
جنت لازمة ايد مراد حيل. واعيط . ادري دايتأذة.
وكف السيارة آصف.وحجة مراد تعال سوق انت. جان صوتة رايح.
بسرعة نزل مراد.وصعد بدولة آصف.
اشهك واكول.بعصبية وصوت عالي.. ها رتاحيت كلي رتاحيت. اني نهزمت من جورك وضلمك. كافي عاد مدااكدر اتحملك بعد اكثر.
جنت احجي بدون ماادري بشي. بسبب الالم جنت اسب بي وهو ساكت.
صح مااذكر شحجيت. بس لساني اتذكر لمن كلت.اني غبية وكلش غبية لان حبيت واحد مثلك.وغبيه واضل غبيه.شفت منك حته حبيتك.
باوع علية. مافتهمت نضراتة الي.
باوعت علة مراد. غمض عيونة بالم. واباوع عالايدة لازم مقود. متأذي.
بلعت ريكي واني اكول شجفصت. شلون حجيت هيج. بس طغة علية الالم. وضليت اصيح والزم بأيدي.
لزمني من ايدي.
عصرتها بألم.
اباوع ايدة صارت حمرة كلش من اثر الضغط عليها.لزمني
لزمت القميصه حيل.
منا فقدت الوعي.
.. كعدت بلكوة.اني وين.. َماتذكر شي.
:فتت لكيتها مغمضه عيوونها وكلها اجهززه ومنضفيين وجهه موخرين الدم رحت كعدت يمهااا لزمت ايدهااا بعدهاا بارده.....ليش ايدج بااارده بابا مو كتلج تتمرضين بسرعه...
ورة شوية عرفت اني بالمستشفى. وايدة ايدي ليش مااحس بيها.باوع عليها مااكدر احركها. مجبسة.
بس مااحس باي الم. تذكرت كل الي صار من طلعتي. لحد يونس من دفعني. سبحان الله نفس خباثت آصف. لو عايفني انضرب بالسيارة ولااشوف هذا الالم..
بعدين شهكت واني اتذكر غبائي. شلون ياربي صار هيج.شلون اعترفتلة..شكد غبيه.
انفتحت الباب. دخل دكتور ويا أدم والعم مالك.
ضلو يحجون وية الدكتور. وكالو كسر بالايد. تكدر تطلع من المستشفى اليوم..
محد حجة شي.
ضلو ساكتين ويباوعون علية..
بلعت ريكي... وحجيت..عمو اني اسفة. اني ماافكرت بالعقل.(صرت احجي بخوف لمن دخل آصف ويونس ). والله هو بسبب.. سكتت.
العم مالك.... يابنتي ليش هيج تسوين.احنة اعتبرناج بنتنة.ادري بآصف مخبل جبرج تزوجي ويضربج وياذيج..بس موتسوين هاي سوايتج.
.سكتت.
العم مالك.... فهمنة انتي تنهزمين بسبب آصف. ليش ضربتي اشجان وليش بكتي الفلوس. وليش بكتي الموبايل.
باوعت علية بصدمة. وشهكت. عمي اني.
آصف.... اششش صوتج مااسمعة
..... بلعت ريكي. جنت نايمة. تعدلت وكعدت.آص.صف والله والله مو هيج. انتو فهمتو غلط..اني ماضربت ولابكت.
آصف بصوت عالي. ولج الج عين وتحجين.
ضل صياحة عالي وبس يحجي ويسب بية. و يونس ومراد وادم يهدئو. اشش انت بالمستشفى.
ضليت ابجي. منو راح يصدكني. ماكو احد ماعندي دليل. اشجان جذبت علية. اصلا اني شلون وثقت بيها.
جا مراد وكومني. رحنة للسيارة. ومن المستشفى. للبيت ماسكت آصف بس يحجي علية.وعلة اهلي. واني مجبورة اسمعة يحجي عليهم.
كرهتة وكرهت كلشي بي. احس خلص احساسي بالحب معاد ينفع.
واني انطم واسكت. ماعندي غير بس السكوت.
دخلت للغرفة. وجهي شنو هاي.اني منو. الله لايوفقك آصف.
فتح الباب.بعصبية.ودخل سدها كل قوتة.
اني بلعت ريكي ومحجيت كلمة. وكعدت عالسرير.. ذب
قميصة.... وشمرة كل قوتة علية.
ولزمتة... ونزلت راسي.
آصف..... اني اعلمج. انييي اعلمج.
دااحجي.
وكال .... اشش اششش ولج شلون احركج واخلص من شرج. فهميني.
جان يحجي عالكيفة. خاف احد يسمع اصواتنة.
عرفت يمكن العم مالك.كالة لاتاذيها. او لاتعلي صوتك عليها.
طلع.... ودخلن هتوف وشمايل. وياهن رتيل وبطنها كلش جبيرة. حامل.
اني جنت ساكتة حتة الدموع خلصن. معاد الي حيل ابجي.
شمايل..... ليش هيجي سويتي.ماتعرفين شصار بآصف. كنالج اصبري خلي شوية تبرد جروحة.
هتوف.... اني ادري مو انتي بكتي الموبايل والفلوس اكيد هاي الي سوتة.
جان شمايل تخنزرلها لتحجي.هنا رتيل.كالت امداج وتطم بايديها.. رجل ماعرفتي تحتوي. راح يزوج عليج. ولج خلي يمر شهر عالزواجكم عالاقل. تنهدت. هيييه يلة عادي راح تجي اشجان وافنان.لهذا البيت وتكمل العائلة.
راحت وهية ماسكتت بس تحجي.
.... حجيت بصوت مبحوح.. شحجت اشجان علية.
هتوف.... كولي هية شنو الي ماحجتة. اني ادري هية الي نطتج الفلوس والموبايل وضربت نفسها.
باوعت عليها.... شلون عرفتي.
شمايل.... شافتها.هية وداتنطيج الفوس.
هتوف.... والله وكتها عرفت داتلعب عليج. شلون تصدكيها دخيل اللله شلون. اني ردت احجي بس نهزمتي بسرعة.
.... شمدريني.اني غبية. بس سؤالي شلون آصف عرف مكاني.
هتوف....عرفت تلعب اشجان موابايل الي اخذتي جانو مراقبي. هو موبايلاتنه كلهم بيهن مراقبه.
.......لعد ليش مكلتيلة لاخوج. المخبل.
شمايل.... ماصدكنة. شكد حلفنالة. ماصدك. لان الي حجتة أشجان.خلت الكل يصدك انت نهزمتي. وهية مالها دخل.
من حجيت هيج.دخل آصف وكال اطلعو برة.
طلعو.... اني نزلت راسي.يمكن بس ارفعة يضربني. اباوع عالايدي ترجف. بلعت ريكي.
دفعني من السرير.وكال كومي ماريد يتوسخ الفراش بقذارتج.
كمت من غير مااحجي. ورحت عالقنفة.
اني مااكدر ارتاح بيها ضهري يصير يوجعني. وبهاي حالتي وايدي مكدر احركها. نمت بالكاع. وخليت فهد يمي.
بهذن الايام جنت اتجنب اباوع عالاآصف. وهو ابد مايحجي وياية.
غير تعالي سوي هذا وسوي ذاك. موتني بطلباتة.ادري يستفزني.
حياتي صدك نكلبت جحيم. اكل لكمة يحجي علية. تاليها اذب الاكل واكوم.
كلمن مسوي شي. يحجي علية.
الاكل الي اسوي الهم. يطلع بي الف شي. مثل التمن ممغسول زين.انتي جايفة. متعرفين تنضفين.
مرات يكلي..لمن يشوفني اغسل شي . انتي نضفي نفسج يلة تعالي نضفي المواعين.
كرهني بحياتي. صارت حياتي لاتطاق. يامحلاني جنت قبل.
صح جان يكرهني. بس مايحجي علية. هواية.بكد ماي يحجي علية هسة.
اشجان كل يوم تجي وتدخل براسةشغلات عني. وهو يسمعها. وينكلب علية كلاب. صار ابد مايثق يعوف فهد يمي.صار ياخذة مني. بس فهد يبجي. وماكو احد يكدر يسكتة. ينطينيا بنفاذ صبر انيمة.
يوم من الايام. قبل رَمضان بيوم.
داادخل للغرفة... لكيتها مقفولة.
دكيت الباب. حجة آصف. ها منو.
..... اني شادن ليش قافل الباب.
آصف.... وانتي شدخلج. روحي.
عاد سكتت. وكعدت بالمرر الي بالغرفة..جنت اريد اسبح. اريد اصلي.
هواية ضل يلة انفتحت الباب.
انصدمت واني اشوف اشجان تطلع من الغرفة.
حجيت بخوف.... انتي شتسوين هنا.
باوعت علية..هية. ضمت شفتها. وكالت يامحلا.
اني تصنمت. حجيت. شنو قصدج احجي.
اشجان.... عسل ياعسل.
صارت تغني.
عقدت حواجبي.
فتحت الباب عالكيفي.
جان مخلي ايدة جوه راسة ومنجطل ومغمض عيونة.
اباوع اكو اثر بركبتة. صرت ارجف. ودموعي ينزلن.
حجيت بصوت عالي... ليششش.
هو فز بسرعة وكعد عالسرير. شنو الليش.
.... ليش تخوني كولل.. ليش. انت واحد حيوان. عالاقل احترمني.. عالاقل احترم هاي غرفتنة. لك ليش ليش هيج.
كام . اشششش بنت الكلب. شبيج جيتي مكلوب حالج. لاتستفزيني.
حجيت بغيض..... شتسوي اشجان هنا كليوليش تغني. وليش فرحانة. وشنو هاي الاثر بركبتك.. احجي. خاين.انت خاين. بس كلشي قبلت. بس الخيانة مااقبلها. احجي. كول.
اخر كلمة حجيتها بصوت عالي.
دفعت وخزرني. تأذيت كلش واني اباوع عليه بألم.
آصف.... شنو هالسخافة. وانتي شدخلج. وشنو خيانة ومن هالخرابيط. تعاركت وية واحد. ومو بس هنا نضربت. وهية جتي عقمتلي الجرح من شافتني بهاي الحاله.
...حجيت بصوت عالي.وليش هية. ليش اله هيه وانت تعرف هيه تحبك.
آصف..... ولج.. من شوكت انتي تعلين صوتج علية. هالمرة راح اتغاضة هذا الشي. والخلقج ياشادن اكسرج.اذا تنعاد. واني مامجبور احجي ليش هية تعقملي الجروح. وشدخلج. الا اذا انتي.. تغارين.
.... ليش ليش لعد جنت ساد الباب. راح انجن.
باوع علية وباوع عالشفتي. واضح ماتغارين.
تقرب مني.
خجلت.
ندكت الباب.... فزينة ثنينة.
راح فتحها.
وانب دخلت اسبح.واني اريد اعرف شنو صار بيناته. اووو نسيت اجيب هدومي.بسبب هالتفكير الي ستحوذ عليه.
باوعت نفسي بالمراية.
وخليت منشفة ودورتها عالجسمي.باوعت ماكو احد بالغرفة
ركضت اجيب الملابس الي.
نفتحت الباب. تسمرت.باوع آصف يباوع علية.من راسي لرجلي. ويباوع علية بجرأه.
اخذت الملابس رادت تنفتح المنشفة. لزمتها بسرعة وركضت بالحمام. وسديت الباب. شنو هاي الفشلة ياربي. مااعرف اتصرف ابد.
لبستهن ونزلت اسوي اكل.
تعشينة... اليوم لازم نتسحر.
اباوع عالمسلسلات... بدت تطلع.
باوعت من ساعة ب8 لحد ساعة بال1 بليل. اني بس اباوع مسلسلات وفرحانة. اني وهتوف وشمايل وعمة حوراء..
بس غصة بكلبي كل رمضان اني يم امي واخواتي.
اه اه.. شكد مشتاقلهم.
جنت اباوع واتذكر ميان ومهند وامي. وحتة ابوية. دموع بعيوني.
اجا آصف ومراد. كالو يلة سونة سحور. دانريد نام.
دخلنة للمطبخ. اني وشمايل وهتوف.
كملنة وتسحرنة. الخدم غسلن الاماعين.بس اني سويت جاي.
نطيت الجاي للكل.بقة بس آصف ومراد. نطيت المراد بتسملي وكال شكرا ياحلا ششادن. ضحكت وحجيت تسلم. يااحلا مراد.
بتسملي..
جانو الكل دايشوفون مسلسله سورية.باب الحارة . نطيت الآصف. كلي تقربي.
تقربت.... يمة حجة بأذني. تأدبي لمن اني اكون هنا متلغين هيج وية مراد ولاتضحكيلة. عبالك الواحد الي يشوفكم تحبون بعض. دضحكي مرة ثانية وشوفي شسويلج.
سكتت داابتعد لزمني. وشاورني. غيري هاي الدشداشة.يمعودة كلها طابعة عالجسمج.
حجيت شسوي يعني.ماعندي بس هذن. اخواتك ضعاف بس اني اسمن منهن.
آصف.... دخيل الله شوفي شي ينلبس. تفتهمين. واني اجيبلج ملابس.
صح اني مو سمينة بس جسمي متروس. هنة ضعاف.
سكتت.... داارجع ولزمني.مرة ثانية.حجيت شكو.
لزم الجاي واخذة.ويباوع علية من جوة ليفوك.
اني رحت للمطبخ مااحب الجاي سويت عصير فواكه..خلطتة. وكعدت قريب عالمراد وقريب عالشمايل.
شربت شوية منة..وذبيتة عالميز.. واباوع عالمسلسلة..
مراد اخذ الكلاص وكال ششادن كلش طيب هذا العصير جيبلي اريد بعد.
اباوع عالكلاص. خلصان.شاربة كلة وصاير عاللحيتة..صح خجلت من فعلتة.
بس. ضحكت وكتلة.صارت عاللحيتك.
شكد حاولت اكلة يسرة شوية. يروح بغير مكان واكلة يمنة.يروح لغير مكان. ومايمسح العصير.
عاد مسحت العصير بكلينس. واني اضحك علية وهو يبتسملي.
مسحتة وواخذت وياية الكلاص.. للمطبخ..
اوووف حارة كلش راح يجينة تموز.اووو شلون حتحمل. قبل لااسويلة عصير. نلزمت ايدي حيل.
.... اكلج لاتضحكين ويا تضحكين وبعد تمسحين العصير. ويبتسلملج. وتبتسميلة. حلووو والله.
حجيت واني ابعد ايدة.وخر ايدك شوية توجعني.
آصف....وجعتهم. ضحك وميانة وية مراد مااريد. تفتهمين.
... اذاني كلش لزمتة. اي والله مااضحك ويا بس عوف ايدي.
دفعني عالكاونتر. وحاوط خصري بايدة. وباسني. مونفسة الي يكعدني ويكومني مو شريفة.
دفعتة حيل. باوع علية وعقد حواجبة.
آصف..... سويلي عصير.
وكعد عالكرسي.
اباوع علية يباوع علية احس عيونة تخترقني.حركاتي صارن سريعة. صرت ارجف.
خلطت فراولة وركي وتفاح..
وصفيت الماي.
هو يباوع علية ويفرك بلحيتة.
سويت للكل... شربت.
..... هاك.
آصف.... شنو هاك. احترمي وكولي تفضل.
حجيت واني ابتسم.مابينة هالمجاملات او مجاملات.
باوع علية بنفاذ صبر..وتنهد. وشرب..وعقد حواجبة.
آصف.... من الله يطيح حضج..
.... حجيت... واني كاتمة ضحكتي. اني اخرب من الضحك لمن يكول الله يطيح حضج. هية كل حجية الله يطيح حضج..مرات بكلبي اكلة اي والله الله يطيح حضك همين.
آصف.... غير تخليلة شكر.
عضيت لساني... اي والله نسيت.
اخذت الكلاصات وخليت شكر. دااطلع وكال.
آصف.... هي.
..... شنو هي. عندي اسم.
آصف... مايهم تعالي غير تخليلي الي شكر.
كتمت ضحكتي. واخذت الكلاص بايدة وخليت شكر 8 خواشيك. واني اضحك بس هو مايدري..
نطيتهيا..
رحت نطيت للكل عصير.
وكعدت اشرب من عصري.
جاا آصف... ووجهة معقوج.. اريد اكتم ضحكتي ماكدت.خربت من الضحك.
حجو شبيج.
كلت عالمسلسلة..
كلهم يباوعون علية..مشهد ام عصام تبجي بسبب حبست ابنها.بالمسلسلة باب الحارة.
حجة مراد.... ششادن انتي غبية. خطية المرية تبجي. وانتي تضحكين. اني اسمع المرية حساسة وتبجي عالاقل مشهد.
...... اي يمكن.ههههه. لا بس تذكرت شي.
كعد بصفي بين مراد واني.
شربت من العصير وخليتة عالطاولة.
اني اباوع عالمسلسلة. انكرصت حيل. فزيت.
باوعت عالاصف.
وفركت رجلي.
آصف.... الله يطيح حضج والله.
كتمت ضحكتي بس بتسمت.. هو باوع علية. واخذ العصير مالتي.
عقدت حواجبي.
كتلة هذا مالتي.
آصف.... مايهم.
دايشربة... واخذتة منة.
صرنة نتعارك علية هو يكول مالتي واني اكول مالتي.
بس جنة نضحك. اول مرة يضحك وياية.بهل الطريقه.
هوو الي فاز.
وبالمناسبه شلت الجبيره مال ايدي.
جنت اباوع عالعصير. هو باوع علية بقة بي ربع.
نطانيا.
اخذتة بسرعة وشربتة. هيييييح. طيب والله... عاشت ايدج حياتي شدونة.
هتوف باوعت علية. اكو وحدة تمدح عصير. هو عصير عبالك مسوية باجة
.... حجيت واني ابتسم. اي بس طيب. عالاقل ينطيني طاقة. لمن اكول عاشت ايدي.
هية ضحكت وباوعت عالمسلسلة..
اباوع آصف يباوع علية. ضميت شفتي وخليت تركيزي كلة عالمسلسلة.
مرة الشهر رمضان بين التعب والنوم والمسلسلات والضيوف..
اكثر شهر تعبت بس لان صادف تموز ويا. ومتنة من الحر.. المطبخ ماينجرع. يمكن مرتين تخربطت من حرارة الجو والمطبخ. اني مااتحمل ابد الحر.
آصف.... مااشوفة هواية. بس باليل. عندة شغل بالمحلات والشقق الي بغداد.. مرات يبات هناك.
قبل يوم العيد جنت كاعدة.. ياربي والله حركة كلبي.اريد اسمع صوتهم..
بس اني مااعرف بس رقم مهند. ومهند مايحجي وياية.
دائما اسال شمايل..وهية تكلي زين..عدها تواصل ويا.
صار العيد وجوي الكل بيتنة.. البيت نخبص خبيصة والجهال. والنسوان والرجال. والضيوف.
اول يوم مااكدرت اتحملة. تعبت كلش.وهنة الستات مايكومن يتحركن يساعدنة. بس عمة ملاك ساعدتنة
من التعب نمت ساعة بال8. بليل.. مشفت آصف قليل.لان ملتهي بالضيوف والاكل.
ثاني يوم العيد. البيت هادئ ماكو احد..
جنت اوكل فهد عالطاولة.
نفتحت الباب.... باوعت.
شهكت.... مهند.
اني ادري.. آصف قبل بمهند.بس شرط مياذيها... واني عرفت من شمايل هية تحبة وهو يحبها. دائما اسمعهم يحجون ويتغازلون وية بعض. ودائما اكول هم يجي يوم ويحجي وياية آصف. مستحيل.
هو باوع علية.. احس ملهوف. يباوع علية بشتياق.
اما اني دمعت عيوني. وخفت منة..وشهكت.
حجيت... واني ارجف. واشهك. هسة اصيحلك شمايل.
دااطلع وكال.... مامشتاقتلنة.
نداريت علية.... صار يتقرب.. بتعدت علية. واني اخلي ايدي عالراسي خاف يضربني.
هو باوع علية.
فات آصف وباوع علينة.
مهند.... شلونج شادن.
بلعت ريكي... وخليت ايدية ورة ضهري وابجي.كتلة زينة.
اباوع آصف... يباوع علية ونزل راسة.
شبكني حيل ويبوس بية. اسف خوية والله اسف.سامحيني. انكسرت ايدي انشالله ولامديتها عليج..سامحيني ياروح مهند.
لزمتة حيل وصرت ابجي وابوس بي. مسامحتك.
صرت اساله عن امي وميان.
مهند.... عندي الج مفاجأة.
...... شنو.. وبتسمت بفرح.
مهند... باوع عالباب.
باوعت عليه.... وبتسمت وهو بتسملي. وركضت شبكته.
شكرا لزيارتكم عالم روايات سكيرهوم
