رواية لماذا انا الفصل الثامن عشر 18 بقلم عبير السراي

رجعنه للبيت ولكينه مها ورهف مكملات الغدة وصابات للزلم.. دخلنه لغرفة منى..والغراض كوومه.. وبدن يعزلن بيهن ورهف ومها يخلنهن بالجنط ...

اني كاعدة يمهن بس ساكته .. 

ام عمار؛؛ شنو اية بيج شي يمه اشو مو على بعضج..

اية::لا يمه ماكو شي بس تعبت شوية ...

ام عمار:: لا والله احنه من طلعنه وانتي على هالحال ..

.صاير شي 

اية::لا سلامتج ماكو شي...

ام عمار::علي مزعلج بشي ...

اية::هاا...لا .. صدكيني مصاير شي ..

بس احس مالي خلك شوية ..(والعبرة خنكتني.)

ام عمار::على راحتج ...يلة بنات.متنه من الجوع.. صبن الغدة ...

مها::ادللي عساج على غدة...

كامت مها وكمت وراهة ...حضرنه الغدة واخذناه للغرفة وكعدنة نتغدة...

اباوع عل الاكل جوعانه بس مالي خلك اكل... 

اباوع عل بنات كلمن فرحانه بحياته...

الا اني .. مو احسدهن لكن ليش اني حياتي كئيبة.. مابيهة شي يفرحني.. .صعدت للغرفة...ومكدرت الزم دمعتي.. 

شوكت تصير حياتي حالي حال البنات...

اريد ارتاح....مابيهة مجال بعد ..لازم ارجع لبيت عمي على الاقل  ارتاح من التفكير.. 

وابتعد عن علي ..لان دااحس دااتعلق بي يوم عن يوم...

اووف معقولة كل كأبتي لان شفت مسج من بنية وتكوله حبيبي...اني مااحبة ..ليش هيج ديصير بيه .هههفففف 

هذا هو اخذت قرار لازم اطلعه من حياتي قبل لا اتعلق بي اكثر...اروح لبيت عمي .. خلي اروح لعمتي انطيهة علم...

نزلت اشوف عمتي.. باوعت علاستقبال والصالة ماكو..رحت عل غرفتهة .. لكيته هي .وعلي كاعدين ويتناقشون..

اية:: اااه اسفة.. واجيت اطلع 

ام عمار:: تعالي يمه ادخلي..

علي::يممممه...عوفي السالفة ...

ام عمار:: شلون اعوفهة....تعالي اكعدي يمه..

علي::من رخصتكم...«طلع من الغرفة بعصبية»

ايةبتوتر::نعم..

ام عمار:: حبيبتي ..علي كلي عل خلاف الصار بينكم... 

اية::-مووو خلاف...

ام عمار::ادري... عل مسج القريتي بتلفونه...

اية::اولا بس احب اوضحلج شي اني لا مجان قصدي اشوف المسج ..لزمت الجهاز بالصدفة..ولكيت المسج ... واساسا ميهمني.. 

اذا كان عندة حبيبة اولا ..شيريد يسوي يسوي ...

ام عمار::كملتي...؟

اية::هاا ايي ..

ام عمار: شوفي يمه اذا اهتميت او حسيتي بالغيرة فهذا الشي ميعيبج... بالعكس .شعور اي مرة .

.حتى لو كانت .علاقتهة مو تمام وية زوجهة...من حقج حبيبتي لان انتي على ذمته ..وهذا ابسط حق الج ...انو متتعرضين للخيانة ..لكن...

ثقي بالله وعلى ضمانتي ... علي معندة علاقة وية هالبنية...     ...

اية:: يمه ميهمني عسمى يروح يتزوجهة .. شدخلني

ام عمار::اهاا هيجي  يعني..

اية::اي صدكي... وثانيا عندي شي اريد اكولج عليه

ام عمار::ايي كولي...

اية:: اريد اروح ..لبيت عمي...

ام عمار::يعني زيارة ..؟؟

اية::لا ...هذا هو بعد مااتحمل... اريد ارتاح ... تعبت ..

ام عمار::لا تاخذين هيج قرار بسرعه ...

اية؛:ليش يعني .. 

ام عمار؛:هيج قرار لازم تتأنين وتفكرين عدل ..يابنيتي.من ترحين شتكولين لاهلج ..لعمج اذا سالج...

اية:: اكوله ممرتاحة... 

ام عمار::والله بكيفج بعد .. بس اكولج شي ..اولا ترى علي يحبج... لوما يحبج.. مجان حار شيسوي حتى يبينلج انو مابينة وبين هالبنت علاقة .ترى مقبل اني احجي وياج بهذا الموضوع .. 

اية:: يمه بسسس

ام عمار:: اصبري خلي يخلص عرس منى انتن مو صديقات واخيات شلون تعوفيهة وترحين... 

اية:: اووك انتضر لعرس منى...

ام عمار::يصير بيهة الخير ان شاء الله ... 

صار الليل اني ورهف ومنى ..بالمطبخ نعزل بي ... ونسمع صوت صياح .. رحنه ...لكينه علي وعمار يتناقشون 

عمار::انته شبيك مخبل .. اصبر كم يوم وافتح الخياط...ادري الدكتور ميفهم من خيط جرحك... شبيك..

علي:: لا تحاول خوية هسة راح افتحه واجي...

عمار؛:يعني مصر عل براسك...

علي:: هو جرح هالكدوته مخيطيني على شنو .

.. محبوس بالبيت ومااكدر اتحرك .على شنو بسبب جرح ...

عمار:: روح .انته حر بتصرفاتك ... بس اذا صار بالجرح

 شي .. ذيج الساعه يصير حجينه...

علي::لا تخاف ميصير شي .. يله مرخصتكم...

عمار:؛ اووكف خلي يجي محمد يوصلك ...لو هم  تروح وحدك ...

علي:: اي شعلية قابل.. 

عمار؛: انته ليش تخلي الواحد يتجاوز ... 

طلع جهازة واتصل على محمد..

عمار:: هاا وينك ..؟  تعال للبيت بسرعه...لا مصاير شي... يله ماشي .. 

دقائق ودخل محمد

محمد::هاا صاير شي..

علي ::لا مصاير شي شبيك.. امشينه للمضمد.. نفتح الخياطات....

محمد:: لا شلون مو كال عشر ايام...

علي:: دمشي هسة وبلا حجي...

طلعوا. 

ام عمار::يمه ليش خليته هسة يأذي روحة...

عمار:: ماشفتي.. و ثانيا تعرفين اذا خلى شي براسة...

احنه بقينه وحدة تباوع عل ثانيا .. مستمعات بس ...

كعدنه تقريبا نص ساعه واجه علي.. ومحمد

عمار::هاا ارتاحيت..

علي:: اي والنبي ارتاحيت اكدر امشي اتحرك...

عمار:: شكللكم المضمد..

محمد؛:بالبداية مقبل يفتحه بس علي اصر يله فتحة بس كال باليوم مرتين تغيرون الضماد وانطانه عصارات حتى ميلتهب الجرح...

عمار:: اية..

اية::نعم...

عمار:: الضماد مسؤؤليتج ..مااشي..

اية::هاا.. مااشي...

عمار:: محمد انطيهة الدوة وعلمهة شتسوي..

محمد:: تمام... باعي ..هاي العصارة الصبح . هاي باليل بالبداية تعقمين الجرح.. بعدين تنتضرينه شويه وتخلين العصارة ..وتخلين الشاش وتلفينه.. مااشي

اية::مااشي..

علي:: يله اني طالع .. 

عمار؛: وين طالع ... يعني انته شلت الخياط كله علمود تديح بالشارع م.و... واجازتك عشرين يوم ..حتى تلعب براحتك مو...

احسب نهاية الأسبوع تقطع الاجازة ترجع للدوام 

علي:: انته تحجي صدك...؟

عمار::لعد اشاقة وياك المن الاجازة ..اذا انته كلشي مابيك .. وتطب وتطلع .. 

علي::عمار ترى احنه بالبيت مو بالدوام....

عمار::كتلك نهاية الأسبوع ترجع للدوام...اليوم شنو من الايام ..

مها::ثلاثاء...

عمار:: مااشي بالجمعه تروح للدوام ...

اشوف علي ..عيونه صارت بكصته.. وحيطكن شرار... 

عافة وصعد للغرفة..

ام عمار::يمه على كيفك ويه اخيك...

عمار؛:يمه شنو على كيفي ..المفروض واحد  بمركزة رزن مو مستهتر ....شنو افتح خياط رجلي ..حتى اطلع اتونس.. 

طفل خوما طفل ...

اية:: اشرتلي عمه بعينهة...بمعنى .. روحي لعلي... هههفف اني اريد ابتعد وهمة يقربوني كووة ...

 اخذت الادوية وصعدت لكيته .. كاعد ويهز برجله (علامه التوتر)..

اية::امممم ...علي

علي:: بدون ميلتفت... نعم..

اية::(معرفت شكو):: اغيرلك الضماد 

رفع راسة ومبتسم...:: يله مااشي..

علي:: يعني لازم انزع البجامه.. 

اية::هاا. اني راح ادير وجهي وانته ضبط امورك..وحتى.. ابدي..

علي بابتسامة:: تمام ...

اية:: درت وجهي عنه بس ..خجلت صدك ...حسيت جسمي صار حار .. 

علي::احم ... هاا .

اية؛: باوعت علي نازع البجامه بس باشورت ..استحيت و.فشلت بس شسوي لازم .. اسويهة..كعدت على ركبي .. وبديت افتح الشاش ...بس متوترة...و ابد مباوعت بوجهة بس انتبهت عليه يباوع عليه ويتبسم...

لكيت العصارة بعدهة بي...

اية:: اشو العصارة بعدهة عل جرح .. شلون اخاي بعد...

علي::ايي ميحتاج تخلين لان المضمد هسة سواهة...

اية::باوعت عليه بتعجب....وليش مكلت قبل لا افتحه..

علي:: ماردت افشلج ... والصراحة حبيت اباوع عليج وانتي قريبة مني ... 

اية: هي هاي سوالفك... بديت الف بالشاش .هو يضحك.

علي:: اكولج ...

اية::نعم

علي::وين الجنطة مالتي ..مال دوام...

اية::هااي ضامتهة ...ليش؟

علي::باجر اروح للدوام...

اية::يعني شنو تسويهة عناد... ترى اخوك لوما خايف عليك  ميسوي هيج...

علي::ادري بي خايف عليه ..بس مو هيج يفشلني كدام الكل...

اية::لا بالعكس ليش يفشلك .. اساسا تكبر بعين المقابل من يشوفك تحترم كلمه اخوك الاكبر منك. ومتراددة..... 

علي:: يعني شنو هسة اني كبرت بعينج...؟

اية:: هاا..اني مدااحجي عن نفسي...

علي بضحكه خفيفة..::اهاا...

اية::وثانيا الضماد شلون لازم تضمدهة...

 من تروح منو يضمدهة الك...

علي:: اهااا...انتي شايفة هيج ..

اية::.. بقيت صافنة بوجهة...

علي:: يعني انتي خايفة علية ....

اية:: دنكت علي لا تلف وتدور... هذا مو موضوعنه ... 

علي::هو هذا اساس الموضوع...

كمت من مكاني ..نزلت فراشي.. خليت المخدة...

علي:: راح تنامين...؟

اية(بنظرة تعجب)::ايي...

علي::تعالي نامي عل جرباية... 

اية؛؛لا اني انام هنا ...نام انته عل جرباية...

علي:: كتلج تعالي ..اني اريد انام بالكاع..

اية:: استحمل بس اليوم .. نام عل جرباية...

علي::مو اذا متجين تنامين هنا ...اني اجي انام يمج...

التفتت عليه وخزرته...

علي:: لا تسوين هالحركات ...متفيد.. تجين لو لا...

اية::ترى مالك حق هيج تسوي... 

علي:: الي كل الحق .. مريتي...احسب من واحد ل3 اذا مااجيتي اجي احضنج وانام ...

اية:: صدك متستحين .. شنو هالحجي...

علي؛:اووك براحتج... انتي تردينهة 

وقف على حيله ..واني طفرت من الفراش.. 

اية::انته تحجي صدك..

علي؛:ههههه شبيج هيج خفتي..هاا...يله روحي عل جرباية

 يله حبابة...

اية::هههفف ...

علي::لا تأفأفين...

نمت كعدت الصبح لكيته لازم جهازة..تحركت ...التفت الي...

علي::صباح الخير...

اية افرك بعيوني..؛:صباح النور..

كمت غسلت ...اجيت اطلع ..

علي::ووين ..؟

اية::انزل!!

علي:: لعد والضماد.. غير منتظرج تكعدين...

اية::هاا اسفة.. 

جبت علاكة الدوة.. 

رفع الغطى عن رجله وبدى يكشف بيهة ...

اني سويت نفسي اباوع عل سقف...

علي بضحكة::ترى اني طلعت رجلي ..مو غير شي...

اية::خزرته  ..

علي:: ههههه اووك كملي..على راحتج..

بديت افتح بالشاش

علي::اية...

اية::رفعت عيني عليه ..واباوع عليه... 

علي::لا.. ترى اني من اشوف عيونج افقد كل حوااسي

..ارحمي حالي.. 

دنكت ...علي شرايد...

 علي::عندي حجي وياج....

اية::اي اسمع...

علي:: اني بطبعي مااحب ابرر افعالي .. لكن انتي دائما تجي وياج معاكسة...بالنسبة للمسج القريتي..

اية::شوف قبل لا تكمل.. اني---

علي::اعتقد اهلج علموج انو عيب تقاطعين احد وهو يحجي.. صح..

اية::سكتت...

علي::ادري بيج ضجتي.. وحقج اذا مو مسالة غيرة فاكيد مسالة كرامة.. اسمحيلي اوضحلج.. هذا البنية جنت اعرفهة قبل ال----

اية::قبل شنو..؟ 

علي بتردد::اممم قبل الحادث الصار بينه... 

اية:: ..درت وجهي .. اهاا..

علي:: مو علاقة او شي مجرد اعجاب كنت اتصورهة بالصفات البالي ... لكن شفت العكس .. ماعدهة حياء.خفيفة ..بين قوسين رخيصة.. 

واني مااحب هيج وحدة... بالبداية هي حست باعجابي 

.. لهذا معتقتني...تحاول تدز مسجات.. الصراحة اني مالي خلك هيج سوالف  ..بنات وغزل وطلعني وتحبني لو لا...

كتلهة هالحجي حتى متتامل

....هاا صدك هي جوارينه  يعني تعرف اخباري .. من سمعت بالحادث ..بقت تدز مسجات ...لكن اني معبرتهة... وانتي شفتي المسج.. وصار اليصار...

اية::اووك انته مثل مكلت مو مسالة غيرة ..مسالة كرامة لا اكثر ولا اقل خاف تتامل انو ممكن اغار عليك.. لو اهتم...

علي باستهزاء:: هاا ايي ايي ..مبين

اية اباوع عليه واخزرة ؛:هو شنو المبين..

علي::كتلج لا تخلين عينج بعيني والله افقد ....ليش

 متحسين بيه...هالعيون ..دوختني...

اية::علي كملت الضماد تكدر تكوم ...

اجيت اكوم لزم ايدي...

::هاا علي....

علي:: على الاقل خلي اشكرج....

اية::ميحتاج شكر مسويت شي...

يله رايحه رايد شي...

علي::اوكفي ننزل سوة..

اية::على فكرة جنت تحجي ومكدرت اكولك ...الجرح مفتوح...يعني موجعك..

علي::اكيد وجعني لكن ...جنت تايه بعيونج..لهذا نسيت 

حتى الالم...

اية؛؛اممم علي امشي تاخرنه....

علي::اشوف بله ليوين تبقين تتهربين...

نزلت قبله    ....جانت الساعه بالعشرة

اية:صباح الخير..

الكل:: صباح الانوار...

رحت كعدت يم البنات..

رهف::صار ساعه منتظرتج...

اية؛:هاا حبي كولي..

رهفّ::اليوم نروح اني ومحمد للإمام الكاظم عليه السلام ...عمتي كالت المفروض ثالث يوم نروح بس بسبب الظروف مكدرنه.. فاليوم حنروح...

اية:: ايي حبي توصلون بالسلامه..

رهف::لا شنو اريدج تجين وياي...

اية::لا عمري وين اجي انتي وزوجج رايحين اني شكو.. 

رهف::لا حبي شبيج ..اني كلت اخذ موافقتج. بالاول..

.شرايج نروح اني وياج ومحمد وعلي وحتى منى كوللهة...

اية::ايي فكرة حلوة بس خاف عيب من محمد .. يريد بس انتي وياه...

رهف ::لا معليج ...هسة موافقة...؟؟؟

اية::عادي ماعندي مانع...بس شوفي اذا وافقوا...

رهف ::اووك 

..راحت رهف ..لمحمد ....نزل علي من الدرج ويباوعلي ويتبسم...

رفعت حاجبي ..واشرت بمعنى شكو ...

.. ذب حسرة...اووف

علي::صباح الخير..

الكل::صباح النور...

ام عمار::هاا يمه شلون صرت...

علي؛:يمه الحمد لله مابيه شي ...

ام عمار:: عساك ان شاء الله مابيك شي ..

محمد:: هاا ابو حسين ..صباح الخير...

علي::هلا حبيبي صباح النور...

محمد::اكولك ...شرايك اليوم نروح للامام الكاظم.(ع)...

علي::والله ماادري...«باوع عليه... دنكت »

اني بالنسبة الي ماعندي مانع...ترحين اية...

اية؛؛والله ماادري...بكيفكم...

رهف::اي ترحين ...اوك..

اية::تمام ...

رهف::منى انتي هم ترحين ويانه...

منى::لا والله مااكدر سجاد ميقبل... 

علي:: واحنه نمشي بكيف سجاد تردين ترحين .. امشي ..رايحه ويه اخوتج.. شنو هالحجي..

هذا ..

منى:: موو قصدي .والله ..بس 

ام عمار:: يله يمه مصار شي كومي يمه سويلكم ريوك انتي ورجلج...

اية::اي.. حاضر.. 

كمت سويت الريوك ... كعدت اني وعلي نتريك..كملت ورحت على شغلي..كملنه 

للعصر..صعدت احضر نفسي..لبست فستان طويل ..وسترة قصيرة.. دخل علي..باوعلي.. من فوك ليجوة حاولت ابين اني ممهتمه ..لكن حسيت بارتباك..دخل للحمام.. ..طلع بس بالملابس الداخلية... فشلت واستحي.. اجيت اطلع...بس

 كلت لا ماافوتهة اله...

اية بدون ماارفع عيني عليه؛: رجاءا لا تنسة نفسك انته مكاعد وحدك بالغرفة ...اكو بنية وياك  

علي:: والبنية هااي نفسهة مرتي ...؟

اية:: مرتك بس بالاسم... لا تنسة نفسك رجاءا ...

علي؛:اوك اني اسف...

بدة يلبس ملابسة ..ماهتميت اله بديت الف بحجابي.. خليت ميكاب خفيف.طلعت حذاء كعب ولبستهة...ونزلت لكيت محمد ورهف منتظرين...بقيت واكفة يم الدرج...شوية ونزل علي...

لابس بنطرون جينز وتيشيرت. ضيق وبارز كل جسمه..

.وساعه والنظارات...

مكدرت انزل عيني من عليه... شوية وصحيت على نفسي....وصل يمي...

علي«بهمس» هااا حلوو  

مجاوبته اووف متت من الفشلة ...حسة شيكول عليه ...

.درت وجهي وطلعنه بسيارة علي.. اني ورهف ورى وعلي ومحمد ليكدام ...

بقينه الطريق كولة نسولف اني ورهف...

الطريق مو طويل نص ساع ووصلنه...

خلى علي السيارة بالكراج ونزلنه نتمشى للامام.

  اباوع محمد لزم ايد رهف ويمشون.. تبسمت بس بحزن ...

شوية وحسيت ايد دافية لزمتني ..تفاجات ..هاا علي..حاولت اجر ايدي.. سحبني...وضل يمشي...

علي:: اششش.. امشي امشي...

اية::ضجت من تصرفة ...حاولت افلت ايدي...مكدرت..

اتجاهلته.. وصلنه للامام اخذ محمد الموبايلات وراح وداهن للامانات.. بعدين دخلوا همة من تفتيش الرجال واحنه للنساء.. صار اذان المغرب...طلعنه من التفتيش.. لكيناهم منتظرينة ..

علي::ادخلن زورن على راحتجن وصلن وتلكنه واكفين يمه هذي النخلة...تمام..

اية::تمام..

علي::يله الله وياجن مو تتاخرن ...

دخلنه للحمامات ..توضينه وكملنه جاان ازدحام مووت لان يوم اربعاء.. واكثر الناس بهيج يوم ...خلينه احذيتنه بالامانات...ودخلنه للحضرة...اووف يالراحة النفسية.. دخلنه للضريح قرينه الزيارة..بعدين رحنه نصلي نعت جنطتي خليته بالكاع لان جنطة جبيرة...رهف لا جنطتهة صغيرة وصفح بقت لابسته وصلينه المغرب والعشاء ورجعنه زرنه الامامين .. وسلمنه وطلعنه...اني طول الطريق .عيني عل منظر اباوع عل مكان والسقف وروعته .. ومن طلعنه الطيور الدياكلن ..والاضواء..منظر فددشي... وامشي لازمه ايد رهف اخذنه الاحذية وطلعنه...

لكيناهن واكفين يم النخلة...

::قبل الله ..

::منا ومنكم صالح الاعمال....

علي:: يله نطلع..

ااية:: لحظه ..فدووة...جنطتي...

علي ::شبيهة...؟؟

اية::ماكو ...

رهف ::خاف نسيتيهة من صليتي...

محمد::والله نسوان فاهية..تهي بهي....

اية:: ايي ... عفية حروح اشوفهة واجي بسرعه 

رهف::لا ميحتاج لان حروح بسرعه...

علي::على كيفج اهدي... لا تخافين ..هسة تلكيهة...

اية::اووك رايحه... نزعت الحذاء ..خليهة هنا لان مااكدر اعوفهة بالامانات...

دخلت ركض بركض.دخلت عبالك مدري شمضيعه...تيهت

 منين طبينه ... سالت مرى ..اشرتلي ودخلت ...رحت ا كض للمكان الصلينه بي لكيتهة على حطتهة...ارتاحيت ... 

طلعت من الضريح ..لكيت اكثر من باب. ..عقلي افتر منين طلعنه... ياربي.شسوي ...اني منتبهت من طلعنه بقيت امشي مثل الطلي ورى رهف...يارب ساعدني...

لكيت مرى كاعدة...

اية؛؛ فدوة خاله ..منين الباب اريد اطلع ..

المرى::خاله شوفي هذا باب القبلة..ومنا باب المراد ومنا باب...

اية؛؛زين شلون مااعرف منين دخلت....والله تيهت ...زين ياباب يمه امانات..

المرى:: والله يخاله يمكن كلهن بيهن.. 

اية:: عززة شسوي ...

المرى.:: دطلعي من هذا الباب .. .وشوفي 

اية::مشكورة خاله ...تعبتج وياي..

المرى:لا خاله ولو....

طلعت من الباب ...لكيته مو نفسة لان عرفت من الامانات البالباب ....يربي وين اروح حسيت الدنيا ضاكت بيه لان ازدحام مووت .. ماادري وين اروح ... اباوع يمنه ويسرة...اخاف اروح يمنه وهمة عل يسرة ..والعكس ...مشيت يسرة ولكيت الطريق مسدود ... كلت الحمد لله يعني امشي كله يمنه....مشيت ..وبسبب الازدحام يصير الطريق شطوله اريد بس اوصل.. عمري متايهة بحياتي..هاي اول مرة احس بهيج شعور . حسيت نفسي طفلة ومضيعه امهة وابوهة... .

.وصلت للبوابة عرفتهة من الامانات ....هففف جبل وانزاح عن صدري...رحت اركض ..للنخلة ...اباوع ماكو ....وين راحوا ..معقولة عافوني وراحوا.. ..احس جسمي كولة يرجف...والدمعه بطرف عيني..يارب ساعدني ...كلت لعد راحوا للبوابة الرئيسية.. واني حافية ...وامشش بقيت واكف وادور بلكي اشوف احد ... مكدرت اشوف من الناس ...صعدت على علو حتى اشوف شي ماكوو.احد.. ....

وين راحوا يربي ...[من كل عقلي افكر اني ضعت.وبعد محد الي.]

كعدت على صبه وكمت ابجي ماادري وين اروح ..اجتي مرى

المرة:: خالة محتاجه مساعدة...؟

اية::اشرت براسي بمعنى لا...[استحيت اكول ضايعه]

المرى:: لا تخافين اني اساعدك...انتي وحدج جاية

اية:: لا....ووويياااي زووجي واختي وحماي ...بس ماادري وينهم...

المرى::لا تبجين يمعودة....هسة تلكينهة...

صارلهم هوااي من راحوا..

اية::.ايي ..صارلي   بساعه ادور عليهم...

المرى::لا تخافين هسة تلكينهم....لا تبجين خاله 

اية:: لا...راحوا وعافوني....

المرى::لا حبيبتي شنو عافوج...كومي خلي اخذج تسوين نداء الهم....

اية::شلون يعني....

المرى::هذا مسيمعينه الديصوي النداءات ..يذيع الأسماء. بسبب الزدحام الناس دتضيع من بعضهة....

.. رحنه لكيناهة ازدحام...هوااي ناس تقريبا عشر دقائق يله وصلي السرة....

وكفت يم الشباك ...

المنادي:: باسم منو..

اية::هاا...

المنادي؛:تنادين باسم منو وشنو اسمج ...

اية::هاا ...زوجي اسمه علي...وإني اية

المنادي::علي ابو شسمه ابو شنو ...تفصيل ..يمعودة استعجلي وراج كومه نااس...

اية:: اسمه علي جلال...

المنادي ::طيب.. تفضلي هسة اصيح باسمه...

كعدت منتظرة يصيح...شوية واسمع...

[الاخ علي جلال ..الاخت اية بالانتظار]

وكمل بقيه الاسماء...

اية::يااا بس هيج ...يااارب ..شسوي وين اروح ... اريد اصرخ... ياريتني ماجاية...دمعتي مو.كفت..

عدت ربع ساعة... وماكو.

كمت ..لازم ادور امشي ودمعي على خدي  والناس كولهة تباوع عليه...

ياا ب ساعدني دخيلك يا موسى ابن جعفر..اوكف وياي...بقيت اتلفت..يمنه ويسرة...ورجعت للنخلة هم ماكوو يربي وين اروح...

مشيت شويه واشوف علي من بعيد.يتلفت ومخلي ايده على راسة ولازم شعرة .حسيت ردت روحي ...محسيت بروحي رحت اركض اريد اوصله....هو شافني. واجاني بكل سرعته...حضنته بكل قووتي. نسيت كولشي وحضنته جنت محتاجة احس بالامان...هو يمسح على راسي...

علي:: اهدي ..اهدي لا تخافين...

اية:: كمت اجر النفس كوة .. ابجي ... واشهك.

علي:: اية على كيفج... باعيلي...

اية«رفعت راسي  وباوعتله ..لزم راسي .باسني من كصتي »

بقه لازمني من كتفي ويمشي ..اني امشي كووة .. 

علي:: خلي نشوف محمد ورهف..

مشينه شوية.. ولكيتهم جايين ..اباوع رهف تبجي...اجتي تركض عليه ..حضنتني ..

محمد::يمعودة يبستي دمه ... 

اني بس ابجي مكدرت احجي.. 

رهف:: وين رحتي مخلينه مكان مدورنه بي..

.

محمد:: اية باعي ...خيتي احد تعرضلج.

اية::هزيت براسي ..بمعنى لا

محمد::كاافي لاتبجين ...يبووو خزيتينه ام دميعه اباوع علي ماكو...شوية واجة جايبلي مي بارد...

شربته ..حسيت بلعومي نشف ..لزمني من ايدي وكعدني على مصطبة...وكعد على ركبته.قبالي...

علي:: هاا هسة احسن...

اية:: ايي احسن..

رهف:: هاا ايو .. علي خلي تاكل شي لايهبط ضغطهة...

علي:: اايي يله امشونه على مطعم...

اية؛: مااريد ...اريد ارجع...

محمد:: يمعودة امشي لا تتخربطين علينه بالدرب...واني هم جعت...

رهف(ضربته على بطنه):: همك بس على بطنك...

محمد:: لا والله هااي خيتي هي تعرف بغلاتهة 

علي:: يله امشينه....

لزم ايدي ....بس بقيت مستحية منه ..شلون ذبيت نفسي عليه.اووف 

دخلنه مطعم ..صعدنه للطابق الثاني .. بي بس عوائل ...كعدنه 

محمد::شتطلبون...؟؟

رهف ::بالنسبة الي...بكيفك..

محمد:: فديتج  

علي::شتاكلين..؟؟

اية::ماادري بكيفك...«حسيت بدوخة واني عندي هبوط...فلازم اكل قبل لا اتخربط..»

اجه النادل.:: تفضلو

محمد::عيني...بيتزا وسط وفنكر ومقبلات...

وانته علي..

علي::امممم شوف حبيبي اريد تنوعلي  كباب وشاورما لحم وشاورما دجاج  ومقبلات...وعصاير ..

اية::التفت عليه..(كوله تاكلينه ترى...)

تبسمت... ودنكت..

اجه الاكل ..واستحيت اكل ...

علي:: مانطلع اذا ماتخلصين الاكل كوله...

اية:: لا شدعوة... مااكدر..

محمد:: تردين مساعدة... احنه حاضرين.... 

اية؛؛ههههههه  كوله كدامك...

علي::انته ابو بطن متجوز من سوالفك... 

محمد:: مرتك تدللهة بس ..اني اخيك..اذا وكعت منو يسندك...خلي مرتك تفيدك...

علي::لك انته الضلع...«ولزمه من راسه وفرك شعرة...»

محمد::يمعود البرستيج كوله راح...بربك...

علي:: شلونك انته وبرستيجك... 

محمد::شلوني اخبل...انته احلى مني..هاا حبي شلوني..

رهف:: تخبلللل فديتك... 

علي:: اممممم يله عرسان وفرحانين بروحكم...

اية«علي يسولف ويضحك ويه محمد. اني اباوع عليه وصافنه اكول هو هذا نفس الشخص الجنت اكرهة ومااطيق حتى اسمع صوته ...ليش مشاعري تغيرت ... .لا..لا..لا . اني مو احبه ..لكن......؟؟

 ماادري ..شنو تاليتهة... بقلبي اريدة ..ومااريدة...

التفت الي تبسم .

علي::هاا وين رحتي....

اية«دنكت»::هاا. سسلامتك.... بس بعدهة الخوفة بقلبي...

محمد::  بس كوليلي شلون تهتي.... ؟؟

 اية:: يبوووو قصه شطولهة من نرجع اسولفهة...

علي:: طيب تظلون تسولفون مو حتى الاكل برد....

محمد:: اكل بايدك محد يفيد ... حبيبتي ..اكل .لا تستحين مو نرجع وتكولين جوعانه ...من هسة اكولج...

رهف::ههههه لا لا تخاف....

..

بعد ماكملنه العشة... طلعنه للكراج..نتمشى محمد ورهف ..كل شوية واكفين بمحل..يشترون شي...اني اريد بس اوصل..

علي:: اذا تردين تشترين شي كوولي لا تستحين..

اية::لا مشكور بس اريد نوصل تعبانه.

علي:: بس ناخذ حلويات ...تمام..

اية::تمام...(وكفنه يم محل حلوياات ..اوووف اني افقد من اشوف الدهينه.اووف... )

علي::شنو تحبين....

اية::هاا...لا سلامتك...(استحيت اكوله .. وكفوا يمنه محمد ورهف....)

محمد:: شتردين حبي ...

رهف::اريد كنافة... 

علي:: دكولي ..شتردين ...

اية::صدكني مااريد ..انته شتحب جيب...

رهف:: اني اكولك تحب الدهينة...

علي:: (التفت الية ابتسم وبهمس ) ...اول شي مشترك بينه...

    اية::  رفعت حاجبي وتبسمت 

 شفت محل مال اللعاب ..لعابات تجنن...اوووف شكد احبهن ..لا اراديا مشيت كدامه ....اباوع عل محل..اوووف اريد  

علي«بتعجب»::تردين العاب...

اية:: هااا....... اممم لا بس دااباوع .

علي:لا تستحين... عادي مبيهة شي... 

اية:: لا..شنو القصة .. قابل طفلة .....وبداخلي ...ايي طفلة وارريدددد...

لزمني من ايدي ...ودخلنه للمحل....

اية::علي....علي....

ابو المحل:: اهلا وسهلا ... تفضلو...

علي::الله يسلمك..... يله اختاري ...شنو ...