رواية قاتلة ابي الفصل التاسع عشر بقلم بنت الشيخ ترابية
الجرئة قاتِلة ..
الصمت مؤلم ..
التجاهل عذاب ..
المُبادرة كبرياء ..
المُجاملة مكسورة ..
...............................................
: ترى عيب والله عيب
: كتلج تعالي هسه
: انتَ متوحش ع فكرة مستحيل اتقربلك بعد
: تجين وراي للغرفة لو اروح لعمج واكله بنت اخوك ســ*****؟
: انا اصلا جنت سبيه والي ببالهم مو بنيه
: خوش چا تصعدين لو اتصرف وي ايهم؟
: شو انت خلصتها تهدد؟
: صعدي وراي دقايق لا اكثر واشوفج كدامي يلا
صعدت وهي اجت وراي شمرت عليها ملابس نوم وراحت تلبسهم جايتني مصلحه شنو انا ما انطي بدون مقابل الي تريده اسوي بشرط تسوي الي اريده انا
.
.
دقايق ودخلو الشباب ..
جعفر: هاا اخوان هذا الاكل
فاقد: جيب انطيني
ايهم: فرشو السفرة وصفوها وكعدو اكلو
فرشو السفرة وكعدو واحد كدام الثاني راح ايهم اخذ ماعونين سفري وقسم بيتزا هنا وبيتزا هنا ولكل ماعون ببسي وكباب ومقبلات يعني بالتقسيم وجابهم الي ولزينب
زينب: شكرا عمو ما اشتهي
ايهم: يلا عمو لزمي واكلي وجهج اصفر
هي اخذت الماعون وانا ردت احجي خزرني اخذت الماعون منه بدون حرف واحد
فهد: زين هسه نبضات گلبه تمام لو سريعه
ايهم: لا تمام
فهد: خويه هنادي هو عنده خفقان سابقاً؟
هنادي: اي بس صدف يهيج عليه ومرات ميهج يعني خفقان بسييييط حيل
هز راسه ورجع ياكل وزينب بلشت تغفي
ايهم: انا حاجز الغرفة الي يمنا والي كدامنا علمود عددنا لانو ولا واحد من جنابكم يقبل يروح لبيته فـ الشباب كدامنا ينامون وانتو البنات بالغرفة الي بصفنا حتى للامان عليكم
هنادي: خوش لعد زينب روحي نامي
زينب: زين وينها وشلون للقفل وشي اخاف انا
فهد: كومي انا اخذج لانو اريد اروح اتمدد تعبان
اخذت الجنطه وراحت وي فهد
فاقد: هذا رفيچك واكع وكعه غير ومكه مايكوم منها
زين: هسه خلي ع الاقل يحب بالحلال مو كل يوم مجدد
فاقد: ليش تتحارش ابن الخوش زلمه
جعفر: ايهم هذول واحد يسب الثاني مو كاعدين ع النعمه سكتهم
فاقد: حجت جوجو حجت
.
.
فهد: وهذا السبلت انا راح اقلل البروده علمود متبردين
قللها وكال
وهذا البراد لا تتقربين منه بيه علاجات للمريض وهذا باب الحمام بنفس الغرفة واي شي تحتاجي انا كدامج بهل الغرفة هاي
زينب: زين بس الجرباية نزلها لانو عالية
راح ونزل الجرباية
فهد: بعد تأمريني بشي؟
زينب: لا خلص سلامتك مشكور
فهد: دللي...
طلع فهد وانا رحت للحمام غسلت وذبيت الصاية ولبست دشاشة طويلة ولفيت الشال وقفلت باب الغرفة ونمت..
هنادي: ساعة 4 الفجر هسه
الشباب راحو للغرفة وزينب نامت وايهم كاعد ع الكرسي كدامي ويگلب بالتلفون وانا لازمه ايد ماهر وكاعده
ايهم: بويه كومي عيونج راحت
هنادي: لا خليني مابيه شي
ايهم: لا حول الله ولا قوة الا بالله
هنادي: باجر اروح لام سمير
ايهم: يا ام سمير هاي
هنادي: جيرانه اسلم عليها ومناك اروح لاسراء حتى ما تخاف
ايهم: مخاطره ترى ومن شكلج مبين اكو شي
هنادي: اذا انقطع عن اسراء يوم واحد من وحدها تعرف ف اروح الها بهل الوضع احسن من ما تعرف لوحدها
ايهم: براحتج ماجبرج وياج انا
زادت نبضات ماهر
هنادي: اييييهمممم اركض للدكتوووووور
طلع ايهم بسرعه واجه الدكتور وياه والممرضه
ضربو ابره والدكتور فحصه
ايهم: هاا دكتور
الدكتور: الحمدلله والله مناعه عنده خوش
الف الحمدلله بلش يستجاب يعني ع غفلة يصحى وع الاكثر باجر يعني مايطول للـ الليل وهسه انطينا مهدء وماعنده غير العافية يارب
ايهم: تسلم دكتور
هنادي: والله گلبي وكف ياربي ... بجيت ولزمت ايده وخليت كصتي عليها
تعبت لا انا من اب ولا من ام ولا من حظ ولا من دنيا
مگطوعه من شجرة قذرة ومشمورة
ابوي العون واخوي عافوني وي مره ماتسوى شوكه وحده من شوك الورد
قاسيه وطالعه عن الخط الاحمر وعائلتها واهلها سفردحيين وماعندهم ذرة ادب قليلين تربية
حرامية وتريد تسرق بيت بنتها
ومتزوجه رجال عنده جهال ولاعبه بيهم لعب
كاعدتلي على النفس وثگيله ومثكله عليه
انا اول بنت اكره وجودها يمي واحسها ثگيله عليه واحسب يوم يوم حتى تطلع من بيتي وماكو
احسب واحسب ويجي اليوم الموعود وتأجل طلعتها
يا اما مريضه او زوجها مسافر او تعبانه او شي ثاني او الجهال
وانا واكعة بيها كرهتني بعيشتي وبحياتي
خلت طفلة بالعمر 15 سنة تكره روحها من روحها
شامره المسؤولية كلها براس زينب وتكرب بيها كرب الخدم من كنس وطبخ وتنظيف وغسل وشطف وتصيح محد يعيني
حايره بروحها عنايه واظافر وغيرهم
وبناتها المراهقات مشمورات لو يحصلن بجامه لو ميحصلن شي
مُهجرات بالشوارع ع ابو زوجها طاردها والرجال مسافر وهي بس تريد تبوك بنتها
هجرت بناتها وخلتهم يجدون كدام العالم بس علمود توصل الي وتبوكني
بنص بيتي توكف وتتفق وي الشباب بالتلفون ع خطه حتى تبوك بيت بنتها وتبيع شرف بنت زوجها
نزلت من عيني وكرهتها كره الجحيم من سمعتها ذاك اليوم تحجي بالتلفون ساعة 2 ليل وحدها بالصالة
حنان: الوو هاا سجاد .. ايي ايي .. شوف عندي بنت زوجي عمرها 15.. ايي زينب .. لا شغل ولا عمل ادزها باجر للسوك تتسوك وانت اخذها مناك وشوف شغلك ودز بيدها فلوس واشمرها بباب البيت ومعليك .. يمعود هو زمن داعش يجيبون الناس ويكتلوهم بالشارع بقت ع هاي ... لك ماما شنو نسيت الجثث الي جانت تتشمر بالشوارع؟ .. ترى سهله رغم ماكو شي قوي مثل قبل بس بعدهم داعش محتلين تكريت الموصل .. انت اشمرها بباب البيت واكللهم داعش اعتدو عليها ومعليك .. اي يلا باي
بسرعة صعدت ولكيت زينب كاعده
هنادي: اذا تدزج امج لمكان باجر تعالي الي ولا تروحين واذا تصيحلج غلسي واذا انا ماجنت موجوده باجر انشغل او شي تقفلين باب الغرفة وماتنزلين لو ارهاب يدخلون عليج
زينب: شكوووو شبيججج
هنادي: ولج تريد تبيع شرفج باجر متفقه وي ولد ياخذج من السوك ويعتدي عليج زينب سوي مثل ما اكلج ونبي اذبحج بمكانها اذا سمعتي كلامها
زينب: زين اعصابج صااار والله اسوي مثل مكلتي
اشوفها شفايفها بيض وترجف وتحاول تسكتني وهي ترجف اكثر مني وثاني يوم الصبح لكيتها كاعده وصيتها ونزلت وقفلت الباب زينب مافتحتها لحد مارجع ماهر وحنان كل شويه وداك تلفونها وتروح تتخنس لكفت كم حجايه منها
حنان: ماكو ماطلعت .. مادري .. ادبرها ادبرها بعدين ..
والله لو على گص ركبتي ماتدبريها ولا اخليج تلمسين وحده بيهن ورحت بلغت ماهر بالموضوع واخذنا حذرنا على البنات
وهذا كله وتجي تبوس ايدي على ابو تحبني وهي تريد فلوس شنسى بالضبط؟
من جابتلي رجال وشيخ علمود يعقد عليه؟
لو من طلع الرجال الي ع اساس يتزوجني نفسه الارهابي الي قتل ابوي واخوي
صفنت بوجه ماهر ورجعت عيني على ايهم جان صافن عليه
همست بوجهه
: يعني معقوله هي السبب ؟!!!!!!!!!!
ايهم: شنو شبيج؟
: ءء م ممعقووول دقيييقة
ايهم: هند شكووووو
: يعني هي الي قتلتهم؟؟؟؟؟؟؟؟
معقوله هي الي قتلتهم؟؟؟
انا شكيت بيها بس ما متأكدة يعني شمعنى هو ليش؟
ايهم: لج صووووتج احجي شكوووو
هنادي: شووف بسنة 2013 او 2014 هيج فترة
امي حاولت تزوجني من ابوي واخوي نزلو للدوام
جابت فساتين وشيخ ورجال والناس والهلاهل يعني عقد كامل وصدفة ابوي دخل هو واخوي للبيت
المشكلة مو هنا ايهم المشكلة الي قتل ابوي واخوي نفسه الي راد يعقد عليه
ايهم:وتعرفي معرفه شخصيه؟
: اقارب امي من بعيد
ايهم: يعني اقارب امج من بعيد وراد يعقد عليج للحظه والي هو نفسه قتل ابوج واخوج؟ زين شلون
: موو شفت ماتدخل للعقل بس من افكر بيها اتأكد لانو بوقتها امي وماهر بوقتها عافونا انا واخوي وابوي بالبيت وبعد طلعتها بدقايق دخلو علينا وقتلوهم
ايهم: يعني بعد طلوع امج من البيت دخلو هم؟
: بالضبط وبس قتلوهم امي دخلت للبيت يعني معقول صدفه؟ كل الوقت الي طلعت بيه ومارجعت الا بعد ما انقتلو؟ وصدفه طلعتها وي الارهاب؟
ايهم: هسه لو نكول طالعه بوقت الارهاب جان اكيد لزموها بالطريق وقتلوها او يعتدون عليها ماكو غيرها لانو نزلو بشكل قوي اول مره بس مادام طلعت ودخلو الارهاب قتلو وبعد ماطلعو رجعت الها ايد بالسالفة
: چا شدا اكول انا من جنت بتركيا افكر بالموضوع بس ماجانت ببالي افكار ودليل كلام لانو عقلي جان مشوش بوقتها ع وفاة ابوي شهر شهرين هيج يعني وجانت مسؤولية كلش جبيرة على راسي بوقتها
ايهم: خلي يطلع ماهر من المستشفى ونحل هذا الموضوع
: صدك لو هي السبب اشتكي عليها واعدام بدون سجن
ايهم: اعصابج لا يطكلج عرج بكصتج .. مو هين سكتي
: هاي شبيك
ايهم: سكتي خلي افكر
سكتت وماحجيت بعد صافنه على ايد ماهر واحاول اجمع افكار واتذكر المهم بس تذكرت الي كدرت عليه وماكدرت اتذكر اي شي ثاني لانو ماصار شي ثاني بوقتها
ايهم: الي قتل ابوج واخوج بعده عايش وموجود؟
: والله مادري
ايهم : تسألين حنان عنه وتشوفي وين صفه بيه الدهر
ولا تبينين الها انو انتي تعرفين بيه ارهابي
: خوووش
ايهم: بعد مايصحى ماهر نحل الموضوع بإذن الله
: ان شاء الله
.
.
اسراء: صباح الخير
ام اسراء: صباح النور يمه شمكعدج من الفجر
اسراء: كعدت بعد ايييه شدسوين؟
ام اسراء: اعجن خبيزات
اسراء: اويلي الريحههه
ام اسراء: روحي لام سمير وجيبي منها الگيمر العرب والحليب وسلميلي عليها وكوليلها باجر العصر تجيج امي
اسراء: صااار ... طفرت لبست البوشية والعباية وشحاطتي وطلعت
وصلت لبيتها ودكيت الباب مبين جانت تخبز لانو بسرعه صاحت : يااااهوووو
: انا اسراء حجيه نوووفه ( لقبها بالمنطقه)
ام سمير: اسراء بت يااااااهووو
: شكللها بلا هسه الصياح هذا والعالم طالعه
حجيه اسراء ام شعرررر
بسرعه انفتح الباب جانت متخوصره
: جا توج ذكرتيني يحبوبه؟ چنها المصالح تفيد تعالي دخلي
دخلت ودنكت عليها بست راسها
يطلع طولها 155 هيج لانو قزمه حييييل ودبدوبه
اسراء: والله خاله ملتهيه بخطوبتي وعرسي
: حگج حگج يلا چا بالحنه نجيج وبعرسج هم نجي
اسراء:كل الهلا.. وهااا امي باجر العصر تجي تسلم عليج
: كل الهلا بيها تعالي اخذي هل الجبينات والحليب جبتهن البارحه من العرب
اسراء: حجيه نوفه سؤال
عجنت العجينه وخبزتها بالتنور: هااا
اسراء: ابنج شوكت يتزوج وتجي مرته تساعدج شوفي روحج شلون تعبانه
: اكص ايدي اذا غسلت حلكها
اسراء: يااا ليش
: ماخذه على حب وخابصنا بيها وهاي من النوع الحاجب خط والبشره بيضه والشعر اصفر كركم كركم والسوارات بيدها 24 ساعه والعلج بالحلك
ومخلصتها وي ابني شدينا حبنا براية العباس دخيلك يابو فاضل
اسراء: ههههههههههههههههه وهاي شنو نوب؟
: ايي اييي وملابسها كلهن دنادش الدشاشه الي بيها خيوط
اسراء: ههههههههههههههههههه خاله مو خيوووووط هذي دناديش الدشاشة
: اي هي الدشاشه الجوزي المخطط بأسود
والعباس خاله تلعب نفسي من شعرها تكول صوفة عجل صفرة وكامز ويلعب النفس
اسراء: يااا محترك خطيييه
: والكحل ازرك وابيض تحط وتلزك عيون
اسراء: تلزك عيون؟
: هاي الملونات
اسراء: عدساتتتتت
: اي هنه وتمشي وتصيح عيوني كبار وشوفوهن وانا متأكده يايمه من كد ما تفتح بعينها وتحاول تكبرها احس خشمها يطفر من خلقتها
اسراء: خاله يعني انتي متحبيها؟
: خاله تتمجعص هواي كلش هواي وعلجها بريحه الخوخ يلعب ستين نفس والعطور الي تستخدمهن كلهن عود لو هذا العطر الي اسمه باريبان مدري شني
اسراء: بريبان ايييع ريحته ريحه بخوووور
: ايييي عفيه والحنه بيدها 24 ساعه ايدها برتقالي
اسراء: والله خاله وچنها كاعده على كلبج
: عساها ترفض واخلص منها المهم تردين خبيزات
اسراء: ههههههههه لا حبيبتي امي خبزت
: جا هاج وخل اوكفلج بالباب واشوفنج
اسراء: اي ليش لاا طلعت انا وهي واكفتلي بالباب منتظرتني ارجع
وصلت لبيتي وانداريت عليها هي طبكت بابها ودخلت وانا دخلت
شكد فطيره ومحبوبه رغم قساوه اسلوبها بس حنينه
انطيت لامي الكيمر والحليب وكعدنا نتريك وهم نتفق ونجهز علمود العرس
من طلعت هنادي من يمي وما اتصلت بعد وماهر كال بس اوصل اتصل عليج واتصلت عليه اكثر من مره وماكو شعجب؟
مو مشكله بعد الغدى اروحلهم
اسراء: ماما اروح لبيت هنادي وره الغدى
ام اسراء: لا وره الغدى عندنا طلعه هسه بالتسعه بالعشره نروحلهم
اسراء: چا خوووش ...
