رواية ما ذنبي انا الفصل العشرون 20 بقلم أحلام السعدي

لا دارَ للمرءِ بعدَ الموت يسكنُها إِلا التي كانَ قبلَ الموتِ يبنيها فإِن بناها بخيرٍ طابَ مسكنها وإِن بناها بشرٍ خابَ بانيها لكلِّ نفسٍ وإِن كانت على وجلٍ من المنيةِ آمالٌ تقويها فالمرءُ يبسُطها والدهرُ يقبضُها والنفسُ تنشرُها والموتُ يَطْويها

ــــــــــــــــــــــــــــــــــــــــــــــــــــــــــــ

رحت ركض وشبكتة..

صرت ابوس بي..ياربي والله مشتاقتلة.

محمد..... ياروح محمد شلونج شخبارج.

..... حجيت بشتياق.الحمد للله انت شلونك شخبارك.اتفضل.

محمد..... حجاها بستهزاء. مااحب هالمجاملات.

دخل يباوع عالبيت بأعجاب..

محمد..... ولج شادن.

..... هههههه ها.

محمد.... بيتكم كلش حلو.

باوعت عالبيت وكلت.نوع من الاستهزاء. اي حلو.

باوعت عالآصف.... عاقد حواجبة ويباوع عالمحمد.

هو اكيد مايعرفة.

دخلو امي وميان.....رحت ركض اسلم عليهم.. جنت مشتاقتلهم كومة..جنت ابجي  شلونكم شخباركم.وابوس بميان.. وابوس ايد ماما. مايعرفون بالنار الي بكلبي.

بعد كلشي.سلمو عالآصف. كعدنة.وجابو ضيافة. وضيفو امي واخواني.

جنت اتشاقة وية ميان وية محمد..

آصف..... شادن.

آصف.... امشي شوفي شمايل تريدج.

..... ماشي.

رحت دااتمشة.

هو ماكو احد سلم عالآصف. بس ميان. امي ماحجت ويا. ومهند بس باوع علية.ولا محمد ضل يتأمل البيت ولا باوع عالآصف.

ادري بيهم مستحيل يتقبلو.. كلش صعب. الخاطفني يصير زوجي.

صعدت للدرج. دااروح انلزمت ايدي. حيل.

باوعت عالآصف.... حجيت أخ شبيك ايدي توجعني.

لزمني وصعدني للغرفتنة.واني احجي شبيك آصف.

وصلنة... وسد الباب. ودفعني عالحايط.

آصف.... شنو هاي ومنو هذا محمد. وتتباوسون وتتحاضنون. كلش حلو والله.

باوعت علية.

حجيت بهدوء....لاتتدخل.

دااروح للحمام. ندفعت حيل عالحايط. هالمرة احس ضهري نكسر..

باوعت علية بخوف وايدي عالضهري.

آصف..... لمن احجي وياج الغي وياية بأدب. ومراح اعيد سؤلي. شيصير منج محمد

..... حجيت بعصبية. اخوية باللرضاعة. هو ابن خالتي.وكضة اكثر عمرة ببيتنة. وسافر للتركيا قبل 5 سنوات.. وهسة رجع..فتهمت هسة..

باوع علية.... وهدء... فرك جبينة وخلة ايدة عالخاصرتة.

تقرب يمي....بمسافة كلش قريبة.

اندااريت للجهة الثانية.

آصف...... حتة لو كان اخوج.لاني مجنون واسوي اي شي اذا احد لمسج. تفتهمين.

باوعت علية... انت عن اي حق تحجي وياية هيج.

آصف....بحدة... شادن.

فزيت.... اباوع علية.

.آصف. شبيج.. ليش كلما اقرب منج اشوف منج هالخوف بعيونج..

بلعت ريكي ودفعت بأيدين ترجف.

داابتعد لزم ايدي ورجعني.

باوع علة شفتي.

حجة بنفس النبرة. هواية تعجبيني. بكلشي. بجرائتج.بلسانج. بعيونج..اكو كلام بكلبي مكدر احجي.

بلعت ريكي للمرة العاشرة. رجفتي سيطرت علية. احس كل جسمي يرجف.

باوع علية. اريدج.تفتهمين شنو يعني اريدج.

نزلت راسي.... وحرارة بكل جسمي.

لزم فكي... ورفعة.

باوع علية... هستوة قرب شفتة من شفتي.

دفعتة.بس لزمني بقوة.

ادفع بي. ماكو جدوة.

ادفع بي واضربة عالصدرة. وهو ولا يهمة.

حسيت راح اموت. دست عالرجلة حيل.

باوع علية... وكال اخ شبيج. الله يطيح حضج.معندج شوية رومانسية..اخخخ رجل داست علية لو هايشة.

رفعت حاجبي وضربته برجله مره ثانيه. بعصبية. لج شبيج.

...... اني مو هايشة.

لزمني من ايدي حيل. ودفعني عالحايط.

حجيت واني اريد املص ايدية.. يعني ماتعلمت درسك. لمن تريد تبوسني بالاجبار.

حجة بهدوء وهو يباوع علية. مو اجبار.انتي تحبيني.

رفعت حاجبي..وبلعت ريكي حجيت. آصف. لاتاخذ الي كلتة. بجدية.

باوع علية....العصبي كلشي يكول.والي يكولة كلة حقيقة.

....  آصف عوفني عاد

آصف.... الا تكليلي. رأيج.

باوعت علية.... شنو رئي. باي شي.

آصف.... اريدج..

بلعت رسكي.... ونزلت راسي.

حجيت بهدوء.... علة ياأساس.تريدني.وانتة ماتحبني..

بتعد عني... وحك لحيتة.

بعد باجر انشالله.. مهر شمايل ومهند. راح نطلع لبغداد..بعد المهر. اني وانتي.

حجيت..... ليش.. انروح.

آصف.... راح اكلج. اصبري.

كعد عالسرير.... ويباوع علية بكل جرائة.

بلعت ريكي.... وركضت عالشمايل.

سمعت صوت ضحكتة.

حجيت واني اسد الباب.واسند نفسي عالحايط. ياربي شصارلة. اكيد شارب شي..

خليت ايدي عالكلبي..مو من عوايده.

.... لا لاتنخدعين بمضهرة. باوعت ايدية... ترجف. حسيت بطني كامت توجعني لزمتها حيل.

نزلت الدرج..ودخلت علشمايل.جانت هتوف تجهز بيها.

باوعت عليها واوو لابسة فستان ازرق.طالع كلش حلوو عليها.

ضليت اباوعلها باعجاب. وهية خجلت.

حجت شمايل.... شادن لاتباوعين هيج.

ضحكت وكتلها ولج اني بنيه مو رجال لحتة تخجلين.

شمايل.... يمعودة احس راح اوكع من عالدرج والله.... واني بهذا الفستان.

ضحكنة اني وهتوف.

هتوف.... لو تشوفيها قبل شوية جانت سادة الباب وقافلتها تكول مااروح والله.بلكوة قنعتها.

باوعت عليها وضحكت.

وحجيت .... اذا انتي عشتي وية شخص الي تحبي. وراح تزوجي. اني شكول لاحنة ولاعرس ولامهر. لانيشان ولاملابس.. بس نكول الحمد لله رب العالمين..

هنة باوعن علية ونزلن راسهن.

حجيت بضحكة... هههههه لااتشاقة شبيجن اضحكن.

هنة بس بتسمن.

ثنينهن حسن بية.

حجيت بمرح... واني اطلع من الباب.. يلة البسي.راح اروح اشوفهم.

حجيت واني دموع بعيوني.

فتحت الباب.... باوعت آصف يباوع علية وهادء.

هذا شجابة..اخر شخص ردت اشوفه بهل حالة.. اكيد سمعني.

نزلت راسي بسرعه...ونزلت جوه.

نزلت شمايل ورة بربع ساعة.

آصف وادم. والعم مالك كاعدين عالقنفة. واني وامي وميان وعمة حوراء عالقنفة.. ومهند ومحمد عالقنفة.. ومخلي كوشة بحضنة. ورتيل وعمة ملاك..وهتوف.علقنفة .

اول منزلت.

باوع مهند عليها بالاعجاب.وعدل نفسة.

بتسمت مبين الحب بعيونهم..

باوعت عالآصف.يباوع علية وعلة شمايل.  حجيت بكلبي. تعلم منهم.

كعدت يم مهند. صارو يحجون عن الغايب والحاضر..والحنة والعرس.

جانو جايبين اشكال والالوان. من ملابس.

واول مكملو صارو يباوعون عالملابس. والاحذية..

امي.... اول منخلص المهر. بيومين نجيب الغرفة احسن.. وشهر ويزوجون احسن.

آصف..... لا شكو هالركض ركض.خلي الهم شهرين 3.

حجت.... لامو قبل جامعتة احسن..لازم نكمل كلشي بهل شهر.

العم مالك.. ... عادي. بكيفكم.وباوع عالآصف.

آصف دار وجهة.

صعدت ماما وميان يمي.بالغرفة. وكعدن .

صارن يسالني عن احوالي وشلوني وشخبارني.

جانت شايلة جيسين. كبار.

ك ماما شنو هذن خاف مال شمايل.

منا دخل آصف.

باوع علينة.... اسف معبالي انتو هنا.

حجة ماما.... لا عادي ابني.

باوع عليها.... ورجع فتح الكنتور.

ماما.... يمة هاي ملابس الج..وكلشي تحتاجي..

.... يمة مامحتاجة شي.بس سلامتكم.

ماما.... لايروحي. لازم اجيبلج شي. باستني من جبيني واني بستها من ايديها.

ماما.... يلة اني انزل.ميان ابقي وياها شوية.

ماما راحت.... وآصف لساتة يدور عالشي

خليت العلاكة عالصفحة.  ميان.

ميان.... كومي شدونة.شوفيلي بيتكم.

.....اي انشالله.

ميان بفرح... يلة.

راحت ميان كالت اشوف ماما وارجعلج. هسة اجي.واجي تشوفيليا.

باوعت عالآصف.. تحتاج شي.

حجة بدون مايباوع علية.. داادور عالجكاير. ماكو.

..... عوف الجكاير آصف.  مو زينة.

آصف.... شادن اذا انتي اخذتيهن. احجي. محتاجهن.

..... اي اني اخذتهن وشمرتهن.

باوع علية بعصبية. وكال هية شنو بكيفج تشمريهن.

.... اصف صوتك. هسة يسمعونة.

شمر عطر  ووكعت.. كال مو بكيفج تصرفين.

..... آصف شجرالك.  لاتعيط.هنة جكاير. كل الي ردتة صحتك..

شمر  عطر ثاني. وباوع علية بعصبية.

آصف.... روحي دوريلي جكاير.. اي جكاير لااحركج واحرك البيت عالراسج.انتي وهلج.

..... اهلي شلهم دخل.

آصف..... اكرهم مااطيقهم هية كوة. مااريد احد يفوت غرفتي منهم.فتهمتي.

باوعت علية.... وسكتت.

آصف..... وكأنو ماعاجبج ياخاتون.

..... حجيت شكرا..بس كل الي سويتة بيهم. وطردك لاامي. وطردك لااخوية بليل. بس همة رجعو يحجون وياك. وانت موداير بال الهم..

حجة بستهزاء.... واضح. ماكو احد  سلم علية غير اختج.

سكتت.... وتجهت للباب.

آصف.... مااريد احد يدخل للغرفة. فتهمتي. لاني ماأمن بيكم. ولااثق بيكم.. لج اني يحجي علية  كدام عيني وكدام الكل وبكل جراءة . انو اني.

سكت وفرك جبينة.

رجعت باوعت علية.... شنو حجة عليك.

آصف... كلكم نفس الطينه.

ورجعت للباب....ليش لعد تزوجتني.اذا ماتريد من هاي العائله.

دااكول شنو غيرة. اخ اخ يامهند. كلما مااقرب منة.خطوة. يبتعد مني الف خطوة.بس شنو الي كلة.

فتحت الباب.... تفاجأت. ميان واكفة. ودموع بعيونها.

ميان.... شادن حبيبتي. انتي زينة.

بتسمتلها وبستها..اي زينة.

باوع علينة آصف وتفاجأ.

ميان..... ماما تريد تروح.. يلة جيت اكلج

بالم.... ميان.ابقو شوية. مراد عالجية.

ميان.... لا حياتي لازم انروح..

جان حجيها مبين منزعجه.

نزلت وراها وكتلها.. ميان..عليج الله وامانة بركبتج ماتكولين لااي احد.

ميان... يعني جذبتي عالماما هذا لسا يعاملج هيج.

..... ميان.... اني حلفتج لاتكولين.

ميان.... مااكول والله بس جاوبي.

حجيت.... اي.بس مرتاحة وياهم الكل يحبوني..

ميان.... واضح كلش.. اولهم عمتج ملاك. وثانيهم مرت اخو آصف. وآصف.

.... اي بس الباقيين يحبوني.

صاحت امي... يلة ميان..

نزلت.... وكالت مع عالاسف.

بالمناسبة. هاج المبايل. واحجي وياية اذا ماعندج شي.

حجيت... آصف مايقبل يمعودة ضمي.

ميان...شادن ضمي.واني تلفوني ماما بلكوة شترتليا علمود الجامعة.

نطتنيا بالاجبار.جنت خايفة. ضميتة بصدري. ونزلنه.

بوستهم وشبكتهم.

شبكت ميان... وحجيت مااوصيج بعد.

ميان.... انشالله. لاتخافين ديري بالج عالنفسج.

بتسمت.... انشالله..

بوسو فهد..

اباوع عليهم يضحكون ويا. وهو يضحك..

.... فهد يلة بوس ماما.

راح عالماما. وماما ثنت يمة..

وباسها. هية ضحكت وبوسته.حجت ديري بالج عالنفسج.

ضلو يحجون وية عمة حوراء وهتوف. وشمايل.

واني ساكتة واضحك وياهم.

جا مراد.... وعقد حواجبة..

رجع ابتسم وسلم عليهم..

باوع علة ميان.ودار وجهة بازعاج. وهية هم دارت وجهه بأزعاج.

همست بأذن ميان.. ها شبيج..ليش هالنضرات ويا..

ميان.... مو سولفتلج علجامعه...وهذا شايف نفسه فد شوفه..والله يالله.

بتسمت وحجيت.... لا والله كلشي ولا مراد. مراد.مو مغرور.

حجت بنزعاج... اي واضح.

اباوع مراد يباوع عليها

ضل يباوع عليها. الى ان راحو الكل.

دااصعد.... ودخلت اشجان وافنان..

.. من الله لاجاب الغلة.

.

باوعن علية بحقد..

باوعت عليهن ببرود وصعدت فوك.

آصف عالسرير... ومتغطي.

كعدت عالقنفة..وفتحت الجياسة.اطلع بيهن وابتسم. هذن كلش غاليات لان من ماما وميان ومهند.

باوعت عالسرير.

آصف داير وجهة..ويباوع علية من المراية.

. رجعت كلشي بالجياسة. وكمت..

دااطلع سمعتة كال.. اختج سمعتني.

نداريت علية.... وبتسمت ونزلت راسي. لا لاتخاف

ندار علية... وكال لعد ليش مبين عليها سمعتني.

حجيت.... لا بس من ورة ماما. تريد تضل شوية يمي.ولهذا جانت مقهورة.

مااعرف ليش هيج سوي.. مليت واني اشرحلة. لاتحجي عالعائلتي. وعائلتي ماالها دخل بالي صار بعائلتكم..بس مايفيد..

فتحت المجر مال ميز التواليت. وطلعت الجكاير..

هو جان يتابع تحركاتي.

لزمت فتحت العلبة وطلعت باكيت.

. مو زين ابد. حاول تخفف منه.

وسكتت..

عدل نفسة.. ومديت ايدي  اخذها. واني دموع بعيوني. ونزلت راسي.

باوعت علية. مااخذها مني. بس يباوع علية.

خليتها بحضة.ورحت طلعت ملابس الي. ورحت للحمام.

داابدل.... راد يوكع مني المبايل. بس لزمتة.

لكيته مقفول... اي همزين. اني اريد احجي وياها. والله دااشتاقلهم.

خليتة عالشامبو.واني اسبح. افكر..شلون لو شافة آصف.والله يموتني.

حجيت.... اخ منج ياميان.

كملت ورجعت خليتة بصدري. وطلعت.

لكيتة عالنفس الكعدة. ولسا الجكاير بحضنة.

فهد مسوي الغرفة خرابة..

وين مايمشي... يشمر.

فاتح الجرارات كلها.وموكع كلشي ويلعب.

حجيت .... بعصبية.فهد.

هو بسرعة فز.وركض عالابو. ويضحك.

شالة آصف وبوسة.صار يلعب الموبايل مالتة والجكاير.

شمر تلفونة..

آضف تفاجأ... يعني مخلصت من يونس جيت انت..

فهد... ولا يهمة خربان من الضحك.

شعري جان مبلل.. جنت انشف بي.

رحت عالموبايل.. وباوعت علية بي فطر شوية.

نطيتهيا بدون مااحجي شي.

بس هو تعمد يلزم ايدي..

شلتها بسرعة..

وهو يباوع عله فهد.. لمن تشوفيني عصبي. بتعدي عني..ولاتحاجيني.

ماحجيت شي .باوعت عالمرايه.

بس سرحت شعري مخليت قراصة.

باوعت عالفهد. بوستة ونيمتة بالكاروك.

واني نمت بالكاع..

مر يوم. وثاني يوم.. جنة كلنة بغرفة شمايل نجهز الاغراض حتة تروح للصالون.

اني جنت عابسة. حاولنة هواية وية آصف وماقبل اروح وياهم للصالون. يكولي خاف تنهزمين ومااثق بيج.نجبيت وسكتت.

اني حواجبي خفيفات.. حجيت هتوف. عليج الله بس سوي حواجبي.

كعدت جابت خيط.. وحفتلي كل وجهي. هاي ثالث مرة احف.. اول مرة بمهري اني وابراهيم..ورة بيومين من المهر هم حفييت وهاي ثالث مرة..

باوعو كلهم علية..

شمايل... امداج ياشادن.

عقدت حواجبي.... ليش.

هتوف.... اي والله امداج. كل هالجمال.جنتي جنج عجوز.وهسة طلعتي عبالك العروسة.

بتسمت بخجل... كافي عاد هواية تبالغين.

شمايل.... ولج شنو تبالغون شوفي نفسج ولج. اراهن لو شافج آصف..لاياخذج وينهزم.

باوعت عالمراية.... صدك كلش تغيرت.. حواجبي نرفعن. ماما جانت تسويهن مستقيمات مو حلوات.بس هسة كلش حلوات..

بتسمت واني اباوع عالنفسي.

راحو كلهم... للصالوان بيت العم مالك وبيت العم ثابت.ويوصلهم آصف ومراد للصالون.

صارت عندي فكرة. باوعت عالمكياج وحجيت الا اموتك ياآصف.

لبست فستان اسود. طلع كلش حلو علية لان اني بيضة.. فزاد بياضي بي.. حجيت ماكو احد اليوم بس مهند يدخل..يعني كلنة نسوان..

جان فستان. بدون ردن.. صح خجلت البسة. بس عالعناد الكل.وطولة لحد الركبة. مالبست شي بعد.

سشورت شعري..وخليت 💄 حمرة..وخليت كلشي. بس بالكوة عرفت هذا شنو يستخدم. طلعت تلفوني.كتبت عالكوكل.وعرفت لشنو يستخدم.ورجعت قفلتة وضميتة.

باوعت عالنفسي بصدمة. منو اني.

ضحكت... والله حتة بالمهر مشفت نفسي حلوة كد هسة.

ورة خمس دقايق. دخلو الكل.

كلهم نصدمو من شكلي.. والكل كلش حلوين طالعين.

اباوع اشجان وافنان. يريدن ياكلني. والله ماسويتلهن شي بس هنة حقودات.

كلهم دخلو وبدت الاغاني والركص.

اني مااحب لااغاني ولا الركص. لهذا صرت بس ابتسم واضحك. وااصفك بس.

صاحت هتوف.... اكلج.

.... ها.

هتوف.... آصف يكول اريد مفتاح سيارتي. بدل ونسا.هو بالحديقة الوره..

.... هاا هسة اجيبة.

رحت جبتة... دورت هتوف ماكو لحتة تنطيهيا.

وصلت للحديقة..

جان مرتجي عالباب.

فاول مفتحت الباب.. راد يوكع. بس لزمتة.

باوع علية.... وتفاجأ..

ضل يباوع علية بجراءة

آصف.... بعصبية. شنو هذا. ليش هيج لابسة كليلي.

..... شكو يعني انت ماخليتني اروح للصالون.لهذا رتبت نفسي.

آصف....شادن روحي بدلي. اني مشتعل جدي اذا دشداشتج حصر. ونوب تلبسين هيج.

.... اهو آصف ترة تبالغ هواية. يعني هو مهر. خلي يخلص واابدل.

رجع باوع علية..مالكيتي غير هذا الفستان يعني. ولة الحمرة.كلش طوخ.يربي. اني وين انطي وجهي الليله.

... شلون يباوع عله صدري.وعله شفتي.

مسح جبينة وكال.روحي امسحي الحمرة. ولبسي شي اطول.

نفيت براسي... لا. تعذرني.

لزم ايدي ودفعني عالحايط. وتقرب مني. شنو كلتي.

حجيت واني احس بانفاسة الي تلفح بوجهي.

رجفت... وحجيت.اي..

بعد عني.

داايطلع..

باوع علية.... المصورة هنا.

حجيت باستغراب.... اي..ليش.

صيحيلها..

حجيت... عفوا.

كال.... صيحيلها.

صحتلها للمصورة وطلع آصف يحجي وياها بس بعيد عني.

باوع علية وكال تعالي.

جيت يمة سحبني... طخ ضهري بصدرة.

صار تاخذ صور النة..

هو جان لابس قميص وبنطرون اسود. ورافع الاردان وطالعة ساعتة. جان كلش حلوو.

لزم خصري وخلة راسة عالجتفي. والمصورة مستمرة تصورنة.

حجيت. هتوف.. انت شداتسوي.

باوعت عليها وهو هم..

آصف.... وشكو يعني دااتصور اني ومرتي. حرام..

هية بتسمت.

لهتوف.... والله لايكين البعض. الله يخليكم.

والمصورة تايديها بهل حجي.

خلاني بموقف محرج. هو يلزمني بكل جراءة وتصورنة المصورة.

يمكن بال٢٠ صورة اخذنة. بعدين جتي هتوف. يمنة. وجتي رتيل وحتة شمايل واشجان وافنان وميان.

حتة الامهات... صارو يصورون.

اما آصف صور ٣ صور وية عائلتة وطلع بسرعة.

باوعت علية ميان... وغمزتلي.

اني بتسمت..

اباوع عالشمايل.... تجنن اليوم وتضحك. وتصور وية مهند.

وهتوف... لابسة فستان احمر.. وهية بيضة طلع فدشي عليها.

واشجان وافنان...كلش حلوات.ببس الحمره الي مخلياتها..تموت..هنه حلوات بعد.

صارو يضربون طلق. كلنة طبينة. ونخلي اذاناتنة عالايدينة.

لبسو الخواتم.. وشربو عصير.

طلعو كل الضيوف. رجلنة صارت عودة من المشي والضيافة.. متنة.

احس رجلي مكدر امشي عليها.كملنة كلنة.

داادخل اسبح.

طلع آصف من الحمام. وكال. بعصبية.يعني مابدلتي.

حجيت.... ردت ابدل بس مقبلو.

آصف.... بعصبية... واني شحجيت شكلت.

حجيت.... آصف والله رجلية معاد يحملني اريد اسبح وانام. هسة شصار يعني.. ماكو رياجيل.

هدء شوية.. ودار وجهة.. شال قميصة. وشمرة علية. لزمتة..ودخلت للحمام.وخليتة بالغسالة.

سبحت ولبست.

كعد عالسرير...يباوع علية شلون امشط شعري.

بس عصبي.

سكتت... ومحجيت شي..

حجة بهدوء... عكس ملامحة.. اليوم شفت ابراهيم .

بلعت ريكي ونداريت علية..