رواية انجدني من الغرق الفصل الأول بقلم امل بكر
-ليال ابوكي اتمسك
قومت وقفت من علي السرير وقولت بصدمه،
-اتمسك ازاي يايحيي !!!!
-وهو بيسلم البضاعه لقينا البوليس طابب علينا انا استخبيت بس ابوكي ملحقش يتحرك
رجعت شعري لورا ،
-طب انتو فين دلوقتي ؟..
-انا بره مستني وهو جوه بيتحقق معاه
-طب انا جايه حالاً هو في نفس القسم بتاع كل مره ؟!
-ايوا قبل لما تيجي بقولك مش كنتي قايله ان صحبتك اخوها محامي ؟!
قولت وانا بفتكر ،
-اه صح اكلمه يجي ؟.
-اه بسرعه ياليال
قفلت معاه بخوف واتصلت علي صحبتي "كارما "
-الو ازيك ياكرما؟
-بخير ماله صوتك !
قولت وانا بطلع هدومي من الدولاب وفاتحه الاسبيكر ،
-بقولك ياكارما كنتي قايلالي ان اخوكي محامي مش كده؟..
-ايوه صح في اي ؟! قلقتيني
-طيب ممكن تديني رقمه محتاجا بابا في القسم وعايزين محامي
قالت بقلق ،
-طيب حاضر هبعتهولك واتس
-طيب ماشي بس بسرعه ياكرما
-حاضر ياحبيبتي بطمنيني
هزيت راسي ،
-طيب حاضر
قفلت معها وقولت بهمس ،
-اطمنك اي بس دي فضيحه
خلصت لبس ولميت شعري ديل حصان ونزلت جري علي سلم الفيلا ماما بصت عليا وهي قاعده في الصالون وجمبها صحابتها
-راحه فين ياليال؟!
قولت وانا ببص علي طنط نشوي وطنط نڤين ،
-مفيش ياماما مشوار سريع
طلعت من الباب وقفني صوت ماما بصت وراها وبعدين عليا وقالت،
-في اي ؟! ابوكي واخوكي كويسين
اتنهد ،
-بابًا اتمسك وابنك عنده
حطت ايديها علي بوقها بصدمه،
-هيييي يعني اي ابوكي هيتسجن
-بس ياماما وطي صوتك ان شاء الله لاء انا هكلم محامي اهو وهنروحله
-طيب بطمنيني
-طيب طيب سلام
"رجعت قعدت مع صحابتها من تاني وابتسمت ولا أكن حاجه حصلت "
السواق فتحلي باب العربيه وركبت فتحت موبايلي لقيت كارما بعتتلي الرقم نسخته بسرعه واتصلت عليه
وصله صوته ،
-ايوة!!
-ايوة انا ليال صحبت كرما اختك وم…
قاطعني وقال ،
-ايوة موجودة في انهي قسم ؟!
عقد حواجبي وقولت لنفسي ..شكل كارما قالتله
-قسم الي هو بتاع كل مرة
-نعم!!!
"ضربت علي دماغي وانا مش مجمعه وهو هيعرف منين صح ! "
-اقصد القسم الي هو جمب المحكمه
-ماشي ربع ساعه وهكون عندك
-طيب ماشي سلام
وصلت ونزلت بسرعه دخلت ودورت بعيني علي يحيي شافني ونده اسمي
-ليال انا هنا
جريت عليه وقولت ،
-يحيي ابوك فين ؟!
-جوة لسه من وقتها
-طب اي مش طول المره دي !!
-مش عارف بقي انا خايف لابوكي يقول عليا
ضحكت بسخريه ،
-انت بتهزر يايحيي خايف علي نفسك !!
-امال هخاف علي مين
-يابني ابوك جوه واتقفش وواقف في وسط التسليم يعني ممكن يتسجن
-هو انتي مالك بتقولي لي كده بقي قلبك ميت
قولت بسخريه ،
-بسببكو
-طب بس بس دلوقتي فين المحامي ده !!
-كلمته وقالي جاي .. هو فين المحامي بتاعنا صح ؟!!!
-بكلمه قالي انه مسافر بره مصر معرفش ازاي يسافر من غير مايقولنا وهو عارف اننا في وقت شغل
بقلق وانا ببص جمبي،
-يحيي انا خايفه يضغطو علي ابوك ويعترف
اتنهد وهو بيمسك علي شعره ،
-خلاص بقي ياليال متقلقنيش اكتر مانا قلقان
كمل بعصبيه ،
-وفين محامي الزفت ده الله كل ده بيجي راكب اي عربيه من غير عجل
فتحت موبايلي ،
-استني اتصل بيه
دوست علي رقمه الي اتصلت بيه رن رنه طويله اتنفست بعصبيه انه مش بيرد علطول
رنيت تاني وانا بنفخ رد المره دي اسرع،
-ايوا انت فين ومش بترد لي !!
-انا في القسم انتي فين ؟
بصيت ورايا،
-انا اهو واقفه انت قد اي اربعيني يعني ؟!!
-اربعيني !!!
-اقصد انك كبير اكيد وانا مش شايفه غير شاب قدامي انت فين بقي !!!!
"كان فيه واحد ماسك موبايل وبيتكلم ولكني بعد نظري عنه لانه اكيد مش هو "
-هو انتي الي القدامي القصيره دي !!!
نفخت مناخيري بعصبيه وقولت ،
-بقولك اي انا هقفل وهنجيب محامي غيرك روح بقي انت
قولت كده ولقيت واحد بيتكلم من ورايا ،
-طالما اتعصبتي يبقي انتي
لفيت بجسمي ليه وبصيت لفوق من فرق الطول
-هو انت المحامي !!!
-ايوا انا
بصيتله من فوق لتحت كان لابس تيشرت نص وبنطلون قماش وماسك في ايدة شنطه
كنت هنطق ولكن يحيي وقف جمبي
-هااا انت المحامي مش كده ؟.
بصله ورد عليه ،
-ايوا حضرتك
-طيب ابويا جوة وبيتحقق معاه بس طول المره دي
سأله بنسبه استفسار ،
-المره دي !!! هو دخل اوضه النائب قبل كده ؟!
يحيي بصلي وانا بصتله بغضب ورديت انا بسرعه،
-لا يقصد انه طول يعني جوه المهم دلوقتي انت هتدخله؟!
رد وهو بيخبط علي الباب ،
-ايوه امال هقف معاكم
بصيت علي ضهره بقرف وهو دخل قربت من يحيي وقولت بضيق
-يحيي لو سمحت امسك لسانك شويه ده محامي مش مش بقيت عيلتنا
-يعني مش المفروض يعرف كل حاجه !!
-لا مش المفروض
-ماهو اكيد هيعرف علشان يقدر يطلع ابوكي من هنا
-هنقوله بس مش الحقيقه
-يعني اي ؟!
-يحيي فوق معايا هنقوله ان بابا مظلوم
-بس مينفعش ده محامي ولازم يعرف علشان يقدر يساعدنا
حطيت ايدي علي دماغي ،
-مينفعش يعرف افرض كان محامي شريف وملهوش في كده
ضحك بسخريه ،
-مين قال كده مفيش محامي مش بيحل القاضايا دي
قولت وانا بفكر ،
-طيب احنا نشوف الاول طريقته ولو حاسينا انه معانا وكده نعرفه ونفهمه غير كده لاء يايحيي اوعك لسانك يفلت
-طيب خلاص بقي انا دماغي هتنفجر من التفكير
اتكلمت وانا ببص علي الباب الي جوا بابا والمحامي ده،
-بقولك اي يايحيي المحامي ده شكله صغير ومش فاهم
-مش انتي الي جايبا حضرتك !!!
بصتله ،
-هو مش انت الي فكرتني بيه
-هو بقي الي اجه علي بالي لما كنتي قايله ان صحبتك اخوها محامي
-مكنش المفروض افتكر ده انا حاسه انه محترم والله حاسه بكده
خلصت كلامي بخوف وانا ببصله
-بقولك اي ياليال انا طالع اشم هوا لخلاص نفسي اتكتم منك
طلع وانا قعد علي الكرسي وحطيت ونزلت دماغي وحطيت ايدي عليها وانا بفكر ازاي وصلت لهنا
يحيي اصغر مني بسنتين في اخر سنه من الكليه وانا مخلصه كليه من سنتين
انا البنت الاوله والفرحه الاولي كمان كبرت في عيله غنيه وهاديه وجميله لابعد حد لغيت مالقيت نفسي اني ملزمه ابقي مسؤله ملزمه ابقي جاديه وطريقتي مش مايعه زي البنات كبرت واتعود علي كده رغم ان في اوقات ببقي عايزة اعيش حياتي عادي بس مينفعش لان دي قواعد البيت ومينفعش ابداً اعترض عليها انا كنت الولد بمعني اصح قبل لما يحيي يتولد
ولكن بعد لما يحيي اجي ..عادي فضلت الاخت الي لازم تبقي قويه برده لازم تقف جمب اخوها وتبقي راجل زيه مفيش فرق عادي يعني ..مكنتش راضيه عن الي بيحصل ولكن اقنعوني وقالو لو مبقتيش معانا وراضيه هنسفرك وهنتبري منك اول لما بابا قالي الكلمه دي من خمس سنين قلبي وجعني وفضلت اعيط كتير انا مقدرش اعيش من غير اهلي مقدرش واضريت اني اوافق رغم اني مش مرتاحه بعد عن اغلب صحابي وده طلب بابا والسبب لان اغلبهم كان اباهتهم ظباط او في المبحاث يعني رتبات في المراكز دي وطبعاً بابا خاف لانه كنت صغيره وممكن اتكلم واقول حاجه ومازال بيخاف اتكلم
اما كارما دي الي اخوها محامي فادي كانت صدفه اتقابلنا في الچيم واخد رقمها وهي كانت بتحكيلي عن حياتها ووسط الكلام اتكلمت عن اخوها كلام سطحي وانا اتعلق معايا اخوها محامي علشان لو اضرينا نحتاجه زي دلوقتي
مأختش بالي من الي قعد جمبي واتكلم ،
-انسه بكلمك
رفعت راسي ليه ،
-اي بابا هيطلع ؟!
-انتي بتعيطي !! باباكي ان شاء الله هيطلع
حطيت ايدي علي خدي بسرعه وانا بمسح انا محستش بحاجه قفلت عيني اخد نفسي وقولت بجديه
-ممكن تقولي عملت اي جوه ؟
شبك ايده في بعض وقال بثبات بكره ،
-باباكي قالي انه مظلوم وانه ملهوش في حاجه بس طبعاً الادله غير كده وانا مش قادر اساعده لانه مش بيقول الحقيقه
خلص كلامه وهو بيبصلي بنظره ليها مغزي قلبي دق بعنف وقولت بثبات مشابهه ليه
-يعني اي مش بيقول الحقيقه طالما قالك مظلوم يبقي مظلوم
-انتو كده بتصعبو الموضوع لازم تقولولي الحقيقه علشان اقدر اساعد وابدء اخد الاجراءات القانونيه
- ممكن تقولي بابا قالك اي بالظبط
بصيلي باستغراب وانا عايزه اعرف بابًا قاله اي علشان خايفه اقع في الكلام ..هو فين يحيي ده كمان سابني لوحدي وانا الي كنت خايفه ليحيي يتصرف غلط اهو انا الي مش عارفه اتصرف
-مقالش حاجه قالي انه صدفه انه وقف هناك وانه كان معدي بالعربيه وشاف ناس واقفه قدام العربيه علشان كده نزل يشوف في اي
-وبعدين
-بس كده كلامه منطقي جداً ولكن للاسف مفيش اي دليل وهو الوحيد الي اتمسك والباقي هربه والمفروض الي يحصل دلوقتي انه ميمشيش علشان يقدرو يجيبو الباقي
قولت وانا بضغط علي ايدي ،
-بس بابا بيقولك ان هو ملهوش علاقه لي هيقعد يعني هو ميعرفش مين دول
غمض عينه لوهله وقال وهو بيبصلي ،
-بصي ياانسه دلوقتي انا مش قادر اساعد نهائي لان بالتالي ابوكي مش راضي يقول حاجه غير انه مظلوم وحكايه انه معدي بالعربيه ونزل يشوف الي حصل كإنسان عادي ..وطريقته مش مخلاياني عارفه اساعدة
بنبره قلق ،
-يعني اي مش هتقدر تساعده !!!
قام وقف ،
-بصي لاخر مره هقول ياتدخلي لباباكي وتقنعي يتكلم يا للأسف انا مليش كده لازمه وامشي وو
وقفت انا كمان بسرعه ،
-يعني اي تمشي مش انت محامي ماتتصرف !
-والله والمحامي ده لازم يعرف الحقيقه علشان يشوف شغله
"قال كلامه ولف ضهره ليا ومشا خطويتن قولت بنرفزه فلتت مني "
-انت اصلاً محامي فاشل وشكلك مش بتفهم
لفلي بضيق ارتسم علي ملامحه وقرب مني بخطوات واسعه ارتبكت منها ولكني اتصنعت اني ثابته
رفع صباعه في وشي،
-مش هرد علي واحدة مش فاهمه هي بتقول اي
يحيي ادخل وهو بيسأل ،
-هااا عملت اي حضرتك بابا هيطلع؟!!
بص ليحيي وقال ،
-بخلي الانسه تقولك
يحيي بصلي ،
-اي ده هو معملش حاجه !
قولت وانا بقعد علي الكرسي ،
-لاء معملش حاجه شوف محامي تاني اتصرف
-محامي تاني اي مفيش وقت ابوكي لازم يطلع انهارده في بضاعه لازم ناخدها
بصتله بدهشه ،
- انت بتقول اي ده وقتو !!..
-ده شغالنا انا هطلع اندهلو لازم يقفل الحوار ده انهارده
-اعمل الي تعمله انا زهقت بجد
"""""""""""""""""""""""""""""""""""""""
يحيي طلع ولحقو قبل لما يعدي الطريق
-يااستاذ استني
وقف بصله ويحيي وقف وهو بياخد نفسه ،
-استني يامتر مالك ماصدقت جريت
اتنفس بفارغ صبر ،
-بص انا مش فاضي ولو سمحت الشغل ده ميلزمنيش وكمان طريقه الانسه الي جوه دي لو طولت هزعلها
-اه ليال اختي لا خلي كلامك معايا معلش هي بس اعصابها تعبانه بسبب ان بابا جوه وكده خايفه
-وانا عايز اساعد ولا هي ولا باباك عايزين يساعده
-في اي بالظبط ؟!
اتنهد وهو بيبصله ،
-في ان مش عايزين يقولو الحقيقه
-يعني لو قولتلك هساعدنا
"هز راسه وهو كان متأكد ان الكلام الي سمعه من ابوهم مش صح وتأليف "
-طبعاً لو قولت هقدر اساعدكم
"يحيي اخد نفس بخوف ولكن في نفس الوقت عايز ابوه يطلع علشان يكملو الشغل"
-طيب تعالي نقف علي جمب ونتكلم
وقفو علي جمب ويحيي اتكلم بتردد،
-بس انا هقولك الحقيقه يااستاذ .. اسمك اي !
-اسمي صالح
-طيب يااستاذ صالح دلوقتي اوعدني انك هطلع بابا والي هقولهالك. يبقي في صالح ابويا ماشي !!
صالح ضيق عيونه وحس ان الموضوع هيدخل بيه في منطقه تانيه ،
-ده شغلي اكيد هعمل الي عليا
يحيي اتكلم بعد تفكير دقيقتين بص حواليه وقال ،
-بص هو ابويا فعلاً كان بيسلم بضاعه مخـ.درات بس شكل حد بلغ والي حصل كان مفاجئ فجأة لقينا البوليس وابويا اتاخد لانه ملحقش يجري والباقي فضلو يضربو نار وركبو عربياتهم وهربو
"""""""""""""""""""""""""""""""""""""""
فضلت شويه مستنيه يحيي يدخل ومعاه المحامي ده ولكنه طول برقت بصدمه وانا بفكر ليكون يحيي نطق !!!
وعند النقطه دي قومت بسرعه جريت طلعت بره دورت بعيني عليهم شوفت يحيي والمحامي واقفين قربت منهم وانا شايفه يحيي الي بيتكلم وبيشرح بايده قلبي وقع في رجليا ده شكله حكاله !!!
وقفت قدامهم ولقيت المحامي بينطق،
-يعني انتم تجار مخـ.درات !!!
