رواية اسيرة عشقه القاسي الفصل الاول 1 بقلم جنات واسراء ابراهيم

مراد وحشتني اوي انت كنت فين طول الفترة دي ؟

مردا بغموض :

وانتي كمان وحشتيني يا رفيف ...معلش عندي شغل ومضغوط اوي اليومين دول بس هعوضك 

رفيف بزعل :

لو وحشتك كنت سألت عني طول الشهرين دول ....حتي من باب اني بنت خالك الوحيدة عموما نورت انا هروح اعملك قهوتك 

لحقها مراد وهو بيمسك ايديها:

 رفيف استني ....أرجوكي متزعليش انتي عارفة انتي غالية عندي قد ايه وبحبك ازاي 

رفيف بخجل :

احم ...بتحبني ازاي يعني مش فاهمة ؟

مراد بغموض وتمثيل :

يعني مش عارفة ازاي ؟ انا بحبك لانك زي اختي يعني المفروض اصلا متزعليش مني ابدا وتعذريني لاني مشغول دايما في الشركة ومشاكلها 

رفيف ببهتان وخزلان:

اختك ؟ طيب يا يا مراد خلاص مش زعلانة ...المهم دلوقتي انت جاي ليه ؟ يعني عشان تشوفني فعلا ولا عشان بابا ؟

مراد بجمود :

وانا من امتي باجي عشان خالي يا رفيف ؟ انا جاي عشانك غير كدة مكنتش فكرت ابدا اني اعتب البيت ده تاني 

رفيف بحزن :

مراد انت لسة شايل من بابا ؟ لو سمحت متزعلش وخلاص انت كبرت ومشيت من هنا من زمان  وهو كمان مبقاش حتي يجيبب سيرتك لو سمحت عدي اللي فات ومتنساش ان هو اللي رباك 

مراد بحدة :

انسي ؟ انتي عاوزاني انسي تعذيب ابوكي ليا ؟ ومعاملته القاسية من وانا طفل ؟  ده حتي يا شيخة بيقوله الخال والد ....بس لا خالد بيه طبعا غير اي حد .....انا كنت عيل يا رفيف وكان بيعاملني كأني قتلتله قتيل يمكن انتي كنتي صغيرة ومش فاكرة لكن انا بقي مش ناسي ومش هنسي ....وانا لو باجي هنا وبتحامل علي نفسي اني اشوفه فعشانك لكن غير كدة  مش عاوز اعرفه 

رفيف بلهفة:

طب خلاص متزعلش ....وبعدين هو اصلا مش جاي دلوقتي يا مراد ...اصلا هو بيسهر برة طول الليل ومش بيجي الا عالنوم 

مراد بغموض :

طب وانتي عايشة ازاي بالطريقة دي يا رفيف ....انتي كانك عايشة لوحدك وخصوصا ادهم اخوكي اللي علطول في مأموريات ...... وانا مش هسمح انك تبقي خايفة وانا موجود 

رفيف بفرحة :

افهم من كدة انك خايف عليا واهمك ؟

مراد بابتسامة سخرية :

طبعا ...مش بنت خالي ......المهم انتي عاملة ايه في الجامعة 

رفيف بتوتر :

ها ...لا مفيش يعني عادي كويسة 

مراد بشك :

بعني ايه كويسة ومفيش ....حد بيضايقك هناك اتكلمي ؟

رفيف بكدب :

لالا خالص بالعكس ده انا ليا صحابي هناك كويسين اوي وبحب اروح هناك عشانهم 

مراد بتحذير :

ايوة بس صحاب بنات بس يا رفيف انتي فاهمة...اوعي حسك عينك تصاحبي ولد وقتها مضمنش رد فعلي 

رفيف بتوتر اكبر :

لا طبعا انا مصاحبة بنات بس وبعدين انت عارف اخلاقي كويس 

مراد وهو بيقوم من مكانه :

تمام ...همشي انا بقي وبكرة هعدي عليكي اجيبك من الجامعة تعويض عن الايام اللي انشغلت فيها عنك ماشي ؟

رفيف بفرحة :

بجد يا مراد ....خلاص اتفقنا  

مراد بغموض وهو بيقرب منها :

يلا سلام يا روفي 

رفيف بسعادة :

سلام 

مشي مراد ورفيف من فرحتها  بقت تلف حوالين نفسها بسعادة وهي بتقنع نفسها ان مراد بيحبها بس مستني تخلص جامعتها عشان يعترف ليها بحبه 

.......................................

انتي هتفضلي كدة لحد امتي يا لورين ؟ كل يوم سهر لوش الفجر انتي مكنتيش بتخرجي لصلا من الفيلا ولا تعرفي حد ...ايه اللي حصل اتغيرتي اوي يا لورين 

لورين بتوتر وهروب:

عادي يا مامي يعني ....انا اكيد مكنتش هفضل كدة هبلة يعني طول عمري واكيد هتعرف علي صحاب واهو حصل 

فريدة بغموض :

ايوة بس اوعي تنسي انتي مين يا لورين ومن عيلة مين واعرفي ان مش اي حد تصاحبيه 

لورين بملل وهي بتحط الكحل بتاعها قدام المراية:

مامي لو سمحتي بطلي كل يوم تفكريني بالجملتين دول وبعدين انا عارفة اني من عيلة الحديدي بس يا تري بقي هما نفسهم عارفين احنا موجودين ولا لا ؟.

..احنا عايشين هنا تحت وصاية مراد ابن عمي وغير كدة كان زمان طارق اخوه طاردنا من سنين 

فريدة بضيق :

ماهو عشان كدة ياما اتحايل عليكي تلعبي علي مراد وتاكلي عقله عشان تبقي مرات مراد الحديدي وكل الهالومة دي تبقي من نصيبك بس انتي اللي هبلة ومش بتسمعي الكلام 

لورين بسخرية :

يا ماما انتي مصدقة نفسك ؟ هو انتي مقتنعة ان مراد ممكن واحدة تضحك عليه ؟ده حتي عيبب علي سمعته في البلد ...ده مسمينه مراد الحوت يعني مفيش حاجة بتقف قدامه وبعدين اه هو صاحب كل املاك عمي الله يرحمه بس بصراحة يستحقها لانه هو اللي شايل كل حاجة واخوه طارق لو كان مكانه كان زمان كل حاجة ضاعت 

فريدة بغيظ :

خليكي كدة عاملة نفسك فاهمة كل حاجة ومش همك وسيبي وعد وامها ياخدو كل حاجة وفي الاخر هنطلع انا وانتي من هنا واحنا محلتناش اي حاجة 

لورين بيأس:

عمتي شريفة ووعد بنتها دول بقي اللي حقيقي مشوفتش حد زيهم ومش عارفة ازاي وعد دي تبقي بنت العقربة دي تبقي بنت عمتو الطيبة اوي دي سبحان الله 

فريدة بغضب :

والله البت دي تفكيرها بيعجبني عشان فاهمة العيلة صح اوي وعارفة هي عاوزة ايه كويس لكن انتتي عيلة خايبانا معرفش انا مطلعتش وعد هي اللي بنتي ليه ؟

لورين بحزن :

تمام يا مامي شكرا لكلامك حقيقي ....ممكن بقي تسيبيني اخرج ؟ 

فريدة بغيظ :

طب والعشا ...ده مراد مأكد ان محدش يغيب عنه عشان هيقول قرار مهم من قراراته اللي محدش يقدر يراجعه فيها 

لورين بتنهيدة :

خلاص يا مامي هحضر العشا وبعدين هخرج حاجة تاني ؟

فريدة بضيق :

لا ياختي مفيش .....انا هروح اشوف مازن اخوكي اللي ولا كأنه عايش معانا راخر ....معرفش انا خلفتكم ازاي والله حاجة هم 

خرجت فريدة ووقفت لورين تنفخ بضيق وبعدين مسكت فونها واتصلت برقم 

لورين بفرحة :

نديم وحشتني اوي 

نديم بخبث :

وانتي اكتر يا لوري .....ها نزلتي ولا لسة انا مستنيكي علي نار 

لورين بخجل :

انا بس مضطرة احضر اللعشا معاهم ونازلة علطول يا حبيبي ....بس يا نديم هو احنا ممكن نأل موضوع جوازنا ده ...انا بصراحة خايفة اوي 

نديم بخبث وتصنع:

اخس عليكي يا لوري ...يعني انا ماصدقت انك وافقتي وحضرتك كل حاجة وكلمت المأذون كمان والشهود تقوليلي نأجل ...انتس شكلك مش بتحبيني 

لورين بلهفة :

لا والله بالعكس يا حبيبي انا بحبك اوي والله ...بس خايفة من رد فعل الكل لما يعرفو اننا اتجوزنا من وراهم حتي لو جواز شرعي عند مأذون 

نديم باقناع:

لا متقلقيش ....وحتي لو زعلو هيبقي شوية وخلاص وبعدين هي سنة بس يا روحي زي ما قولتلك لحد ما اظبط اموري مع بابا واقنعه ونعلن جوازنا علطول ...

لورين بقلق :

طيب ما احنا ممكن نأجل جوازنا يا نديم السنة دي لحد ما باباك يقتنع وحتي اكون انا خلصت جامعتي ...انا في اخر سنة خلاص 

نديم بضغط :

يبقي انتي مش بتحبيني وواثقة فيا يا لورين ...عموما خلاص اعتبري اللي بينا انتهي  خلااص 

لورين ببراءة ولهفة :

لا خلاص يا نديم لو سمحت .... انا اسفة اوي بجد خلاص متزعلش ....انا هثبتلك اني واثقة فيك وهتجوزك بس توعدني انك تفاتح باباك في موضوعنا في اقرب وقت 

نديم بثقة وغموض :

طبعا يا حبيبتي اوعدك ...يلا بقي متتأخريش عليا وانا بعتلك اللوكيشن بتاع الشقة اللي اخدتهالك يا حبيبتي واللي هنكتب فيها الكتااب 

لورين ببهتان :

تمام ....باي 

قفلت لورين وهي من جواها خايفة اوي وحاسة انها بتعمل مصيبة هضيعها بس اقنعت نفسها ان نديم بيحبها وهي بتحبه يبقي ليه لا 

.......................................

 كانت واقفة رفيف مع صحبتها وجارتها في العمارة اللي ساكنة

 فيها

رفيف باستغراب :

هو انتي يا بت يا ندي رجعتي صغيرة تاني ولا ايه وامك بتوديكي المدرسة وتجيبك ...ده انتي شاحطة في تالتة ثانوي ايه ده ؟

ندي بحزن وضيق :

اسكتي متفكرنيش انا حاولت كتير اتكلم مع ماما وافهم منها ايه سر انها توديني وتجيبني من المدرسة دي ولا انا فاهمة منها حاجة وبتتهرب مني وكل اللي قالته ان دي تعليمات ابوكي وانا بنفذها 

رفيف بقلق :

طيب خلاص اسالي ابوكي وقوليله في ايه بالظبط 

ندي بسرعة :

يا ربي اتكلم مع بابا ؟ ده بقاله فترة هو كمان متغير ومتعصب وعلطول مش طايق حد لا مش هكلمه وبعدين اهي ماما بتونسني بدل ما بمشي لوحدي المهم انتي احكيلي عملتي ايه مع مراد ابن عمتك

رفيف بانفعال وهي بتفتكر :

بيقولي بحبك زي اختي يا ندي شوفتي المستفز ؟ غاب عني شهرين بحالهم مش معبرني ولما رجع بيقولي بحبك زي اختي طب بالله مش افتح نفوخه وابقي مكارماه ده ؟

ندي بضحك :

والله انا مش عارفة بتحبي في ايه ابن عمتك ده ....اصلا ده مش معبرك يا بنتي ...واحد غيره كان اتجوزك من بدري ...ايه اللي مأخره بس ؟ بصراحة حساه بيلعب بيكي ....يعني منين مهتم ومنين بيقولك بحبك وانتي زي اختي 

رفيف بتنهيدة :

والله اوقات بقول لنفسي كدة برضه .....بس برجع افكر واقول طب وايه اللي جابره يتعامل.معايا اصلا لو هو مش بيحبني ....واحد غيره بعد اللي عمله خاله فيه والمعاملة اللي عاملهاله وهو صغير والعذاب اللي شافه علي ايديه وكرهه ليه كان يقاطعه اصلا ويكره كمان بنته ويعاملها بقسوة بس مراد غير كدة خالص بالعكس ....دايما  مهتم بيا ودايما واخد باله مني اينعم مش بيقول صريحة انه بيحبني بس مهتم وده مديني امل انه يكون بيحبني زي ما بحبه 

ندي باندفاع :

طب ما يمكن شفقة يا رفيف ....يعني واحد زي ده ياللي شافه من ابوكي اللي هو خاله اكيد اه كان كرهك بس هو بيشفق عليكي لانك عايشة مع الراجل ده وصعبان عليه يسيبك ليه .....ليه فسرتي اهتمامه حب 

رفيف بغضب وعيون بتلمع بدموع:

لاطبعا ....شفقة ايه اللي مراد هيعاملني بيها ....هو عارف اني مليش ذنب في اللي بابا كان بيعمله  فيه واكيد عشان بيحبني هو هيتغاضي عن اي حاجة ويحبني .....ندي انتي بتقولي كلام غريب لو سمحتي اسكتي احسن 

ندي بشفقة ولهفة:

انا اسفة يا رفيف ... انا بس خايفة عليكي والله لكن مقصدش اوجعك يا حبيبتي اكيد ....انا بس مش عاوزك تتوجعي لما تتصدمي وتعرفي انه مش بيحبك وانه بس بيعاملك حلو عشان صعبانة عليه مش اكتر ...عشان كدة بقولك اتأكدي من مشاعره يا رفيف عشان مترجعيش تندمي انك مشيتي ورا قلبك 

رفيف بتفكير في كلام ندي :

طيب انا هدخل بقي عشان ادهم اخويا زمانه جاي و ممكن يطب عليا في اي وقت وهيبقي شكلي وحش اوي وانا واقفة معاكي عالسلم كدة  ....

ندي بلهفة :

هو ادهم جه من المأمورية اصلا اللي كان مسافرها ؟

رفيف بهدوء :

ايوة جه امبارح وصحي بدري ونزل ولسة من وقتها مجاش ...بس اكيد زمانه علي وصول ...هسيبك بقي وادخل انا 

يلا سلام 

ندي ابتسمت بفرحة مقدرتش تخبيها وهي بتفتكر ادهم و رفيف دخلت وهي بتفكر في كل كلمة قالتلها ندي صحبتها وانها عندها حق في كل كلمة بس هي اللي مش متخيلة انه ممكن يكون صح ومراد يكون مش بيحبها وبيعطف عليها مش اكتر ووقتها عيونها دمعت وقلبها وجعها فقررت تتأكد

............................... 

عالسفرة كانو قاعدين كلهم وعلي رأسهم مراد الحديد بهيبته المعتادة وجمبه حازم اخوه وصاحبه ودراعه اليمين والناحية التانية عمتو شريفة وبنتها وعد اللي كانت بتبص لمراد باعجاب كالعادة وقدامهم مرات عمو فريدة وبنتها لورين واخوها مازن 

حازم بمرح :

خير يارب ايه هو بقي القرار اللي اكدت علينا نتجمع عشانه يا مراد بيه احسن الفضول واخدني بصراحة 

مراد بابتسامة :

انت علطول الفضول واخدك كدة يا حازم مبتعرفش تتقل شوية كسفتنا يا شيخ الله يكسفك

حازم بيتصنع الصدمه:

انا يابني .....ده انت حتي عارف اللي فيها واني قلبي قلب خصاية 

مراد بجدية للكل :

انا قريب اوي هخطب وحبيت اعرفكم عشان تعملو حسابكم 

اتصدمت فريدة عكس لورين ومازن اللي مكنش فارق معاهم الخبر اصلا عكس وعد بنت عمتهم اللي اتصدمت وفجأة ابتسمت لاعتقادها انها هي العروسة 

شريفة بابتسامة : 

مبروك يا حبيبي .....ربنا يسعدك ويارب تكون هي السبب في انك ترجع تاني مراد 

مراد بهدوء:

الله يبارك فيكي يا عمتو وباللنسبة لقصدك فانا معتقدش 

شريفة بحزن :

يبقي اللي متوقعاه صح ويا خسارة يا مراد يابني يا خسارة 

اتصنع مراد اللا مبالاه وبص لمرات عمه اللي سألته بفضول:

ويا تري مين دي يا مراد يا حبيبي 

وعد بلهفة وفرحة :

ايوة مين دي يا مراد قولنا هي من العيلة صح 

ولاول مرة يتكلم مازن بحدة:

وانتي مالك انتي ما يتجوز براحته بتسأليه هو مين ليه ؟

وعد بضيق وعصبية :

انت اللي مالك اصلا بيا ....انا بساله عادي انت بقي بتتحشر ليه مش فاهمة 

مراد بغموض :

انت متكلمتش من وقت ما قعدنا عالسفرة يا دكتور مازن اشمعني دلوقتي لما وعد بنت عمك اتكلمت صوتك طلع ؟

مازن بغضب وضيق :

عندك حق انا اصلا مليش اني اتكلم في البيت ده ...انا ماشي رايح شغلي 

مشي مازن بعد ما بص لوعد بغضب وكان متابعه مراد بغموض 

حازم باستغراب :

هو ماله الواد ده عامل كدة ليه ؟ هو حد عمله حاجة ؟

مراد بجدية:

سيبك منه دلوقتي .....يلا بينا عالشركة عشان معادنا مع الوفد الاجنبي اللي جاب بخصوص صفقة المعدات 

حازم بحماس :

اوكي يا باشا يلا بينا طبعا 

وعد بسرعة :

يعني مش هتقولنا هي مين يا مراد برضه  ؟

مراد بابتسامة باردة :

اما يجي وقتها هتعرفو كلكم بس هريحكم هي اه من العيلة 

قال كلامه ومشي ووعد ابتسمت بانتصار وكأنها اتأكدت انها هي العروسة اللي هيخطبها مراد ووقتها فريدة اتغاظت وزغدت لورين بنتها بغيظ 

فريدة بحدة :

شايفة اهي كسبته وانتي خليكي كدة قاعدة جمبي وسايبباه يطير من ايديكي 

لورين بزهق وضيق :

انا ماشية يا مامي عشان مسمعش الكلام الغريب بتاعك ده ...باباي 

................................

في الجامعة كانت واقفة رفيف بتوتر وهي بتبص حواليها بقلق لحد ما سمعت صوت بتكرهه اوي 

جاسر بمغازلة:

القمر ماله كدة تايه وبيلف حوالين نفسه ...اوعي تكوني بتدوري عليا ...ده انا هتنطط من الفرحة 

رفيف بانفعال وغضب :

هو انت مبتزهقش با بني ادم انت ؟ انت عاوز مني ايه قولتلك اني مش زي البنات اللي انت تعرفهم سيبني في حالي بقي يا اخي 

جاسر ببرود :

بقي انا بزمتك اسيب القمر ده ...انتي مبتبصيش لنفسك في المراية ولا ايه وبعدين انا قولتلك اني مش شايفك زي البنات دي انتي بس اديني فرصة اثبتلك 

رفيف بسخرية :

ودي هتعملها ازاي ان شاء الله بقي ...اظن هتقولي اعزمك علي حاجة وتفضل رايح جاي معايا وتجبلي مش عارف ايه لحد ما ابقي ادبست فيك رسمي وسمعتي علي كل لسان بسببك ويتقالي البت بتاعة جاسر اهي ومش بعيد كمان تكون متراهن علي كدة مع صحابك .....بقولك ايه انا حافظة اشكالك كويس فابعد عني احسنلك عشان مروحش لعميد الكلية

جاسر ببرو وتسلية :

يا بنت الايه ده انتي عارفة كل حاجة بقي ....طب بصي يا ستي انا هثبتلك اني مش كدة خالص ومش هعمل اي حاجة تزعلك وتضايقك او تخلي اي حد يقول عنك اي كلمة انا بس عايز وعد انك ليا وانا اوعدك استني السنة دي بفارغ الصبر ولا اقولك انا هروح اطلبك من اهلك  علطول عشان تصدقي اني مش بلعب بيكي يا رفيف 

رفيف بتفكر في كلام ندي صحبتها فجت في بالها فكرة :

طب بص انا هديلك فرصة وانت بقي وشطارتك 

جاسر بلهفة :

طبعا ....ده انا ما صدقت ...ها قولي 

رفيف بتردد:

ابن عمتي هيجي ياخدني بعد الكلية ممكن تيجي معايا وتكلمه وتطلبني منه وتقوله ان نيتك خير يعني وبعدين هو بقي بتصرف 

جاسر بثقة وفرحة :

طبعا يا قمر ...اكيد هكلمه ....انتي بس استنيني هنا بعد المحاصرة الاخيرة اتفقنا ؟

رفيف بتردد:

اتفقنا وربنا يستر 

.................................

كانت واقفة ندي صاحبة رفيف بتردد قدام باب شقة رفيف لحد ما جمعت شجاعتها وخبطت وشوية وادهم فتحلها ولما شافها كشر بضيق  

ادهم ببرود:

خير يا استاذة ندي ....رفيف مش هنا 

ندي بتردد :

ايوة منا عارفة ان ندي في الجامعة بس انا كنت جيالك انت مش ليها يا ادهم 

ادهم بقرف :

يعني عارفة ان صحبتك مش هنا وان اخوها لوحده في الشقة وجياله وبكل بجاحة بتقولي انا جيالك انت لا حقيقي ونعم الادب بصراحة ....انا من الاول نظرتي كانت في محلها فيكي 

ندي اتصدمت من كلام ادهم وفجأة نظرتها اتهزت واتحولت للغضب ورفعت ايديها وصربته بالقلم علي وشه  وهو اتصدم وهو باصصلها 

ندي بصوت مجروح:

انا اشرف من الف بنت انت تعرفهم يا حقير انت .....انا جست عشان بابا قالي اجي اناديك عشان عاوز يسألك علي حاجة مش عشان اتمسح فيك يا عديم الشرف انت واوعي تفكر تقولي كلام زي ده تاني عشان وقتها مضمنش رد فعلي 

قالت كدة وجريت ووقف هو مصدوم ومش مصدق انها فعلا مدت ايديها عليه وانه فهمها غلط ولا عشان هو اخد علي البنات اللي بترمي نفسها عليه ووقتها اتنهد بضيق وراح وراها ورن الجرس وفتحتله كريمة ام ندي 

كريمة بابتسامة  :

اهلا يا ادهم يابني ولا اقولك يا حضرة الظابط ؟

ادهم بابتسامة عملية :

لا كبعا يا طنط كريمة اكيد انا زي ابنك برضه  

كريمة بابتسامة وحنان :

طب تعالي يلا يا حبيبي ادخل ... عمك مسعود جوة مستنيك .....

دخل ادهم باحراج وهو ببدور بعنيه علي ندي فردد في سره : 

هي  اختفت اكيد في اوضتها بتعيط ....انا عيل غبي 

مسعود بترحيب :

اهلا وسهلا يا ادهم يابني ....نورتنا ..اتفضل اقعد 

ادهم بابتسامة:

اهلا بحضرتك يا عم مسعود البيت منور بيك والله ...اخبارك ايه 

مسعود بتنهيدة :

الحمد لله يابني ماشي الحال ....المهم تشرب ايه 

ادهم بهدوء:

لا والله لسة شارب قهوتي حالا ...اؤمرني حضرتك طلبتني ليه 

مسعود بحيرة :

والله يابني لما بعتلك ندي تناديك كنت بدعي ربنا انك تكون موجود حاكم الموضوع مأثر عليا اوي بقالي كام يوم ومش عارف اعمل ايه ولا احله ازاي فقولت اقولك وتشور عليا اعمل ايه 

ادهم بجدية باحتة:

اتفصل يا عم مسعود قولي وان شاء الله نلاقي حل سوا 

مسعود وهو بيقرب من ادهم بحذر :

بص يابني الكلام ده بيني وبينك مش عاوز ام ندي وندي يعرفو بالموضوع ده عشان ميقلقوش ...كفايا القلق اللي انا فيه مش هيبقي انا وهما وكمان عشان ندي متخافش وتعرف تروح مدرستها 

ادهم بقلق :

حاضر يا عم مسعود بس قلقتني ...قولي في ايه بالظبط 

مسعود بحزن وحيرة :

من شهرين كدة جالي شاب كدة باين عليه انه محترم وطلب بنتي ندي وانا لما سألته شوفتها فين قالي انه شافها في عيد ميلاد صحبتها رقية وانه قريبها ومن وقتها وهو معجب بيها وطلب ايديها مني 

ادهم حس انه اضايق ميعرفش ليه بس اتكلم بهدوء :

تمام يا عمي وفين المشكلة 

مسعود بحزن:

المشكلة لما رفضته يابني وقولتله ان بنتي لسة صغيرة في المدرسة وقتها الشاب ده كأنه اتحول وبقي واحد تاني .....ولقيته بيهددني وبيقولي انه بيحبها وانه مش هيسيبها ابدا وانه لو موافقتش بمزاجي هيخليني اوافق غصب عني ومن وقتها وانا مرعوب عالبت ....ده انا بخلي امها توديها وتجيببها من المدرسة بس طول الوقت خايف عليها احسن الزفت ده يعمل فيها حاجة وخصوصا اما سألت صحبتها رقية دي وقالتي انه فعلا الواد قريبها ده مش طبيعي وانه مش انسان كويس ولو عاز حاجة لازم ياخدها 

ادهم وهو بيحاول بتحكم في غضبه :

تمام يا عم مسعود ...قولي اسم الواد ده وانا هقوم بالازم ومتقلقش انا هخلص الموضوع ده وهو مش هيقدر يقرب منها ابدا طول ما انا موجود 

مسعود براحة :

ربنا يطمنك يابني ....ريحت قلبي وطمنتني عالبت وانا اليومين دول مش هخلي ندي تروح المدرسة احتياطي 

ادهم بجدية:

لا خليها تروح المدرسة عادي جدا ولوحدها يا عمي وانا دايما هبقي مراقبها ومتقلقش عليها انا مش هسيبها تغيب عن عيني ابدا بس عشان اعرف الواد ده فعلا هيتعرضلها ولا لا 

مسعود بقلق :

حاضر يابني ربنا يسترها يارب ....انا هعتمد علي الله وعليك  

ادهم وهو بيفتكر اللي قاله لندي :

تسلم يا عمي  علي ثقتك فيا

....................................

كانت قاعدة لورين بتردد مع نديم في شقته اللي بعتلها اللوكيشن بتاعتها وكانت خايفة اوي متعرفش ليه وخصوصا  نظرات نديم اللي مبتبشرش بخير ابدا 

لورين بخوف :

هو فين المأذون والشهود يا نديم ...انت مش قولتلي انهم هنا ؟

نديم بخبث وهو بيقرب :

ايوة يا حبببتي بس ده عشان توافقي انك تيجي هنا 

لورين وقلبها وقع:

انت بتقول ايه ؟ نديم انت قصدك ايه بكلامك ده مش فاهمة .....احنا مش هنتجوز يعني ؟

نديم برغبة وهو بيقرب :

لا طبعا هنتجوز ....بس لما يحصل بينا كدة يا حبيبتي عشان يوافقو علي جوازنا ....لازم نحطهم قدام امر الواقع .....انت فكرك ابن عمك مراد الحديدي ولا حازم هيوافقو انك تتجوزي واحد فقير زيي 

لورين عيطت وهي بتبعد نديم عنها بس هو مدهاش فرصة وهجم عليها وهي بقت تصرخ وهي بتحاول تبعده لحد ما فجأة الباب اتكسر ولورين لقت اللي بيبعد نديم عنها واما شافته اتصدمت و.....

******

الفصل الثاني من هنا