رواية شيخ العرب واليتيمة الفصل الاول 1 بقلم هويدا زغلول

كان زهران واقف قدام باب اوضه  وهو لابس جلابيته والهيبة باينة على وشه وكانت شوقية مراته واقفة جنبه وعمالة تزقه من كتفه وهي بتتكلم معاه بنبرة مستعجلة

شوقية

مالك يا عريس فيه إيه عاد هو إنت هتفضل واقف إكده قدام باب القاعة ولا إيه ادخل لعروستك امال الناس جوا هتجول علينا إيه إن الشيخ زهران خايف من عروسته ولا إيه

زهران بص لها بضيق وقال

زهران

مهو العيب مش عليكي العيب عليا أنا اللي مشيت وراكي وصدجتك لما جولتيلي اتجوز يا زهران يمكن ربنا يرزجك ب العيال المره دي وأنا أهو داخل على الخمسين ولسه هتجوز من جديد وكأني ولد صغير 

شوقية

وه يا ولد عمي ماله عمرك امال إنت زينة الشباب عاد واللي يجول غير كده يستاهل قطع لسانه وبعدين إنت شيخ العرب والبلد كلها تحسبلك ألف حساب ادخل عاد عيب يا ولد الناس نسيب البنية جوا لوحدها إكده من غير ما حد يطمنها

زهران

ربنا يستر من اللي جاي أنا حاسس إن الجوازة دي وراها حكاية كبيرة وإنتي بالذات يا شوقية عمري ما شفتك فرحانة بحاجة من غير ما يكون وراها مصيبة

وقبل ما يكمل كلامه باب قاعته اتفتح وخرجت منه قمر الزمان وهي لابسة فستان الفرح وكانت في منتهى الجمال والهدوء وملامحها بريئة وقالت 

قمر

أنا آسفة يا جماعة إني خرجت من القاعة بتاعتي من غير إذن جوزي بس والله كنت عايزة أعرف الحمام فين ومش عارفة الطريق وأنا لسه غريبة عن المكان

شوقية قربت منها وهي بتبص لها من فوق لتحت وقالت باستغراب

شوقية

إنتي مين يا بت الناس وبتعملي إيه في قاعة الكبير هو إنتي قريبة العروسة ولا جاية مع أهلها وإزاي تكوني موجودة لحد دلوقتي والناس كلها مشيت يلا يا حبيبتي اتفضلي من أهنه وروحي مكانك 

وبعدها بصت ل زهران وقالت ليه 

شوقية

دقيقة واحدة والقاعة تكون فاضية يا حبيبي ما ينفعش إنك تخش دلوقتي على العروسة وإحنا لسه عندنا ناس غريبة واقفة أهنأ 

قمر بصت لها باستغراب وقالت

قمر

إيه الكلام الغريب اللي إنتي بتقوليه ده يا أماي أنا أبقى عروسة الكبير ولا إنتي مش عارفة أنا مين ولا إيه

شوقية فتحت بوقها من الصدمة وقربت منها وهي بتبصلها بتركيز

شوقية

ليلِتك سودة الليلة دي ونهارك مش طالع له شمس دي مين دي اللي أمك يا بت وبعدين إنتي مين مش إنتي العروسة اللي إحنا متفقين عليها خالص ولا أنا اتجننت ولا إيه اللي بيحصل في البلد دي

قمر ردت عليها بهدوء وقالت

قمر

أنا معرفش إنتي بتتكلمي عن أنهي عروسة ولا مين اللي كان متفق عليه بس أنا قمر الزمان بنت المرحوم سليمان  وأنا اللي كتبوا كتابي على الشيخ زهران النهارده 

شوقية بصت ناحية زهران وهي مش مصدقة وقالت

شوقية

زهران إنت سامع اللي البنية بتقوله دي بتقول إنها عروستك إنت إزاي وأنا اللي كنت معاك من الصبح وبجهزلك لكل حاجة وإنت ما قلتليش إن العروسة شكلها غير اللي شفتها قبل كده

زهران قرب من قمر وبص لها من فوق لتحت وهو مبتسم لأول مرة وقال

زهران

العروسة عاجباني وأول مرة تختاري حاجة زينة يا شوقية يلا بينا على جوه يا عروسة وسيبي الناس تقول اللي تقول إحنا اتجوزنا بالحلال ومحدش له عندنا حاجة

وأخذ زهران قمر من إيدها ودخل بيها جوه القاعة وهو بيبتسم وشوقية فضلت واقفة مكانها من الصدمة ووشها قلب أحمر من الغيظ وقالت بصوت واطي وهي بتضغط على أسنانها

شوقية

أكيد إنتي يا نرجس اللي عملتيها والله ما تعرفي هعمل فيكي إيه ومابقاش شوقية إن ما خليت جوزك يخليكي تمشي بره البيت الليلة دي يا بنت الأفاعي إنتي فاكرة إنك هتلعبيها عليا وتجيبيلي عروسة من ورا ضهري ولا إيه استني بس عليا وأنا هوريكي مين شوقية اللي البلد كلها بتخاف من لسانها

شوقية ما استحملتش اللي حصل وراحت بسرعه علي بيت اخوها عرفان وفتحت ليها مرات اخوها نرجس وقالت ليها 

نرجس

خير يا بنت عمي إيه اللي جابك في وقت متأخر زي ده وشك عامل إكده ليه هو حصلت مصيبة ولا ايه اوعي تقولي ان اخويا طلق مرته 

شوقية دخلت من غير ما تستنى ودخلت وهي بتتكلم بعصبية

شوقية

حلو قوي المسلسل اللي إنتي عملتيه عليا يا نرجس وجبتيلي بنت حلوة على أساس إنها العروسة اللي أخوكي هيتجوزها ويقدر يكمل معاها حياته وإنتي عارفة زين إن جوزي كان داخل علي الجواز علشان الخلفه بس طلعت البنت قمر الزمان دي قدام عيني وشيخ العرب خدها ودخل بيها جوا يعني البت عجبته 

نرجس

إيه الكلام الفارغ اللي إنتي بتقوليه ده يا شوقية أنا شفت العروسة بنفسي والعروسة كانت عفشة قوي ومفيهاش حاجة تخليكي تقولي الكلام ده وبعدين أنا مالي ومال اللي حصل هو أنا اللي دخلت البنية على زهران و جاية تتخانقي معايا 

شوقية حطت إيديها في وسطها وقالت بغيظ

شوقية

العروسة اسمها قمر الزمان يا نرجس وقمر الزمان دي قمر بجد وأنا شفتها بعيني ووقفت قدامها وأنا مش مصدقة اللي شايفاه وإنتي لو كنتي شوفتيها كنتي عرفتي إن أخوكي أول ما يعيش معاها يومين هيقولي روحي بيت أبوكي وأنا شكلي كده هبقى مطلقة بسبب البت دي

نرجس

الكلام ده لا يمكن يحصل أبدا وأنا عارفة أخويا زين وعارفة إنه بيحبك ومهما حصل مش هيقدر يرميكي عشان واحدة شافها ليلة واحدة وبعدين إنتي مراته من سنين وليكي مكانك عنده ومحدش يقدر ياخده منك بسهولة

شوقية

لا يا بنت عمي ما هو أنا لما أطلق هاجي أعيش هنا وأخربلك حياتك وأخليكي إنتي كمان مطلقة وأهو نبقى اتنين مطلقات قاعدين لبعض وبدل انا اكون الوحيده اللي سبت بيت جوزي هنبقى في بيت واحد ونقعد نفتكر مين السبب في اللي حصل

نرجس

إنتي اتجننتي يا شوقية ولا إيه ده أنا مالي ومال جواز أخويا وبعدين يا خيتي مش انت اللي قلتي لي انا اشوف العروسه

شوقية لفت ناحية الباب وقالت وهي خارجة

شوقية

خلي بالك يا نرجس أنا مش بهزر والكلام اللي قلتهولك ده هتعرفي قيمته لما تلاقي أخوكي مطلقني وأنا جاية أخبط على بابك وأقولك وسعيلي يا بنت عمي أنا جاية أقعد معاكي لحد ما ربنا يفرجها وبعدها سابت البيت ومشيت وهي بتتمتم من الغيظ

وفي نفس الوقت كان زهران قاعد في قاعته مع قمر الزمان وبص لها بإعجاب وقال

زهران

أنا لحد دلوقتي مش مصدق إن أختي ومرتي كانوا ممكن يجيبولي عروسة زينة قوي كده زيك وبجد إنتي اسمك قمر الزمان ولا الاسم ده اتسمى عليكي عشان الناس تعرف من قبل ما تشوفك إنك قمر فعلا

قمر

ومين قال لك إنهم خطبوا لك قمر الزمان البنت الحلوة اللي قدامك دي يا سيد الناس أنا هوريك العروسة اللي هم جابوها ليك وإنت ساعتها بنفسك هتعرف إن البنت اللي قدامك دي ما كانتش العروسة اللي كانوا عايزين يزوجوك ليك 

قمر قامت ووقفت قدام المراية وبدأت تحط ميكاب تقيل جدًا وحطت حواجب عريضة بشكل مبالغ فيه وغيرت شكلها  ولما زهران شافها اتخض ورجع لورا وقال

زهران

أعوذ بالله إيه الشيطان اللي قدامي ده يا بنت الناس إنتي كنتي قمر من شوية بقيتي كأنك خارجة من حكاية تخوف العيال هو إنتي إزاي قدرتي تغيري شكلك كده في دقايق

قمر ضحكت ومسحت وشها بالمنديل وقعدت جنبه وقالت

قمر

أهو يا سيدي علشان أوصل للمكان اللي أنا فيه ده وأقدر أعيش مع سيدي الرجالة كان لازم أكون بالمنظر ده قدام الناس لكن الحقيقة أنا مش كده خالص وأنا هحكيلك على كل اللي حصل من أوله لآخره

وبدأ تقول ليه كل اللي حصل 

              فلاش باك 

قمر كانت خارجة من أوضتها وهي لابسة عبايتها ورايحة ناحية الصالة بس  ليلة أختها وقفت قدامها ومسكت إيدها وقالت

ليلة

بلاش تخرجي يا قمر عاد أحسن ما تكسفيش نفسك من أولها وتحرجي روحك قدام نرجس مرات عمك دي جاية النهارده مخصوص علشان تختار عروسة معينة لأخوها وتمشي على طول ومش ناقصة تشوفك وتقول لأ مش دي اللي إحنا عايزينها وتبقى كسرتي بخاطرك قدام الناس

قمر 

مش فاهمه كلامك عاد هو انا وحشه ولا فيها حاجه علشان خاطر معجبهاش

ليلة

ما فيكيش حاجة عفشة يا قمر ودي هي المشكلة بعينها نرجس مش عايزة واحدة حلوة تجوزها  لخوها لأنها عايزة تجامل بنت عمها وتجيبله واحدة على مزاجها حتى لو شكلها مش حلو 

قمر 

ايه الحديد ده الماسخ اللي انت بتقولي عليه ده انا اول مره اسمع الحوار ده

ليله 

 إنتي مش عارفة الموضوع ولا إيه شيخ العرب زهران عايز يتجوز علشان يخلف ومرته شوقية هي اللي عمالة تدورله على عروسة بنفسها وأنا من رأيي يا بنت الناس بلاش تحرجي نفسك وتخرجي قدامها وهي من الأساس جاية وهي محددة العروسة اللي في دماغها

قمر

ومين اللي قال لك يا ليلة إن نرجس هتشوفني وتقدر ترفضني ومين اللي قال لك إن أنا هسيبهم ياخدوا اللي في دماغهم وأنا قاعدة ساكتة لا يا أختي إنتي شكلك لسه ما عرفتيش أختك قمر الزمان كويس أنا لو دخلت عليهم النهارده هخليهم هم اللي يطلبوا مني أتجوز شيخ العرب في اسرع  وهتشوفي بعينك ولو ما اتجوزتش زهران قولي إن أنا ما بفهمش حاجة

ليلة

إنتي ناوية تعملي إيه يا بت عاد أنا عارفاكي ولما بتقولي الكلام ده ببقى متأكدة إن في مصيبة هتحصل

قمر

إنتي بس ادعيلي والباقي سيبيه على قمر الزمان أنا هخلي نرجس تشوف العروسة اللي هي عايزاها بعينيها وتخرج من عندنا وهي فرحانة إنها لقت طلبها وبعدين لما الحقيقة تظهر ساعتها لكل حادث حديث

وبعدها قمر دخلت أوضتها وقفلت الباب ووقفت قدام المراية وبدأت تحط ميكاب بشكل مبالغ فيه وحطت بودرة كتير على وشها ورسمت حواجب عريضة جدًا وحطت لون شفايف غريب وقالت

قمر

أهو اكده تمام قوي دلوقتي لو نرجس شافتني ممكن تجري ورايا بنفسها وتقول خدي يا بنتي أخويا وخليه يشيلك فوق راسه كمان

وبعدها خرجت قمر للصالة وكانت نرجس قاعدة مع ليلة وأول ما نرجس رفعت عينيها وشافت قمر قامت من مكانها بسرعة وبصت لها من فوق لتحت وقالت

نرجس

أيوه كده هي دي العروسة الزينة اللي إحنا بندور عليها لأخوي دي البنية اللي تليق بيه واللي مش هتخليه يرفع عينه في واحدة غيرها خلاص يا ليلة خليها تجهز نفسها وأنا هروح أقول لزهران ولشوقية ونقعد مع الرجالة ونحدد ميعاد الفرح من غير تأخير

ليلة بصت لقمر وهي مش قادرة تمنع ضحكتها وقالت

ليلة

ما أنا قلتلك يا نرجس إن أختي قمر هادية ومؤدبة ومش بتدور على المشاكل وإنها هتعجبكم من أول نظرة وربنا يتمم لكم على خير

نرجس

والله يا بنتي أنا ارتحتلها من أول ما شفتها دي شكلها بنت ناس ومش بتاعة زينة وفشخرة وأنا مش عايزة لأخوي غير واحدة تكون بسيطة ومحدش يبقى له كلمة عليها بعد الجواز

قمر وطت راسها وعملت نفسها مكسوفة وقالت

قمر

اللي تشوفوه يا خيتي  أنا تحت أمركم واللي فيه الخير ربنا يكتبه وأنا مش طالبة غير راجل يصونني ويعرف قيمة مرته ويكون بينا عشرة طيبة

نرجس فرحت بكلامها وقالت

نرجس

والله عجبتيني أكتر كمان خلاص اعتبري نفسك من النهارده مرات أخوي وإحنا هنخلص كل حاجة بسرعة قبل ما حد يدخل بينا ويبوظ اللي اتفقنا عليه

وبعدها خرجت نرجس من البيت وهي فرحانة وراحت لزهران وقالت له

نرجس

يا أخوي أبشر أنا لقيتلك البنية اللي هتكون على مزاج شوقية ومش هتتعبك ولا تعمل مشاكل وشكلها بسيط وهادية وكلامها موزون وأنا شايفة إنها هتكون ست بيت على حق

زهران بص لها وقال

زهران

طالما إنتي وشوقية اتفقتوا عليها يبقى أنا ماليش غير النصيب وأنا داخل على الجواز علشان ربنا يرزقني بالذرية الصالحة ومش عايز غير واحدة تخاف ربنا وتصون بيتي وكرامتي

نرجس

يبقى توكل على الله يا أخوي وأنا هظبط كل حاجة مع أهلها ومش هخلي الموضوع يطول

وبالفعل اتحدد ميعاد الجواز واتجوز زهران قمر الزمان وهو فاكر إن العروسة اللي قدامه هي البنت البسيطة اللي اختارتها أخته ومراته

بس  أول ليلة لما قمر كشفت له الحقيقة ومسحت الميكاب من على وشها وقف زهران قدامها مصدوم وهو مش مصدق عينيه وقال

      باك 

زهران

يا ساتر يا رب إنتي كنتي مستخبية ورا الوش اللي كنتي عاملاه في نفسك ده كله عشان تتجوزيني وإنتي عارفة إنهم لو شافوا جمالك الحقيقي كانوا منعوا الجوازة من أولها

قمر

أيوه يا شيخ العرب وأنا ما كانش قدامي غير إني أعمل كده علشان أنا من أول ما عرفت ان هتجوزك  عرفت إنك الراجل اللي ممكن أعيش معاه عمري كله بس كان لازم أوصل لقلبك قبل ما أوصل لبيتك 

وبعدها زهران كان فرحان بيها اوي وكان مبسوط أنه خلاص اتجوزها 

                 باك 

وكانت شوقيه قاعده ودخل اخوها عرفان 

عرفان 

مالك يا شوقيه قاعده عامله كده ليه هو في حاجه حصلت ضايقتك ولا ايه ولا فين زهران صحيح بقى له كثير ما نزلش الارض ولا شاف مصالح الناس 

شوقيه 

لا مصالح ايه بقى اللي بتتكلم عليها خلي البيه قاعد جنب العروسه بتاعته بجد انا مش خابر انا مخنوقه ازاي من اللي انا فيه دي 

عرفان 

مالك يا خيتي حدييتك ماسخ ليه كده هو فيه حاجه حلصت ولا اي عاااد 

شوقيه 

مرتك السبب في اللي انا فيه عاد هي اللي راحت جابت عروسه زينه ل زهران

الفصل الثاني من هنا