رواية حب وعناد الفصل الاول 1 بقلم سولييه نصار

-الله....الله مراتي قاعدة مع واحد تاني في كافية ...ده انا طرطور على كده ..

قالها أيمن فنفخت بضُ.يق وانا ببصله وبصيت للشاب اللي مفروض اشوفه عشان نتعرف ولو حصل نصيب نتجوز ...

-أيمن انت اتجننت...أنا مش مراتك أنا طليقتك ...اتطلقنا من سنة يا بابا فوق ...ايه يا ربي الهم ده ...

-آنسة ليليان هو فيه ايه ؟!

-آ ..ايه يا حبيبي...يا حلاوة ده بيقول لمراتي آنسة ليليان ...لا مدام يا حبيبي وانا جوزها ....

قام أحمد بضيق وقال.:

-ايه اللي بيحصل ده؟لما انتي متجوزة وافقتي تقابليني ليه ...ستات اخر زمن 

وبعدين سابني ومشي ...

قعد أيمن قدامي وقال :

-كويس أنه غا.ر ...وادي العريس الرابع الشهر ده يطير منك ....

بصتله بضـ يق وقولت :

-مبسوط أنت كده يعني ؟!أنت عايز ايه يا أيمن مش كفاية اللي عملته ؟

-ليليان أنا بحبك !

قالها وهو بيبصلي حاولت أسيطر على دموعي فكمل:

-مش قادر اتحمل أن حد غيري يقرب منك ويتجوزك

.سكت وحاول يمسك إيدي بس انا سحبتها فكمل وهو حاسس بالضـ.يق :

-حياتي بقت ضـ.لمة من وقت ما سبتيني يا ليليان أرجعي ...أرجعي ابوس إيديكي ....

خدت شنطتي وقومت وانا بقول :

-شوف لو هعـ.نس كده مش هرجعلك أبداً يا أيمن ...اعمل اللي انت عايزه طير العرسان من تحت ايدي سو.ء سمعتي وقول اني مراتك بس تخيل ده بيخليني اصمم اني مرجعلكش تاني وعمري ما هرجعلك فاهم..؟

وبعدين سيبته ومشيت وانا ماسكة دموعي بالعافية ....

.......

-أنا شايفة أنه بيحاول سامحيه ...

قالتها ماما وهي بتساعدني نحضر العشا عشان بابا واخويا قربوا يجوا

-مستحيل يا ماما ...

-يا بنتي مش إيمن ده حب عمرك ؟

عيوني دمعت وقولت بنبرة مكـ.سورة :

-كان حب عمري قبل ما يد.بحني بخيا.نته يا ماما ...أنا عدتله مرة واتنين وعشرة بس هو كان مصمم يبقى خا.ين للآخر ...كنت بقوله إن اللي بيعمله بيجر.حني بس هو صمم يستنفذ فرصه للآخر .....هو كـ.سرني يا ماما. دلوقتي ند.مان وعايزنا نرجع لبعض ....طيب ما كان احترم نفسه واحترمني ....

-يا بنتي الرجالة كلهم كده .....ده طبع فيهم ..

ابتسمت بحزن وقولت :

-تعرفي اني لما شوفته كده قولتله يتجوز عشان ميعملش حاجة غلط ...بس هو رفض وعيط وقال إنه مش هيعيدها تاني ...وبعد يومين بالضبط قفـ.شته مع واحدة في الكافتيريا...بس تعرفي أنا اللي غلطت لما عديت اول مرة ....هو لما شافني سامحت وسكت ساق فيها ...بس نسي أن لكل واحد طاقة واني مش هستحمل اللي بيعمله ده كتير ...استني انتي بابا لما يجي ويعرف باللي عمله مع استاذ احمد هيبهدل الدنيا ...

.....

بعد شوية ...

جه بابا هو واخويا من شغلهم في الورشة واخدوا شاور وكلنا اتجمعنا على الاكل ....بدأت اكل بهدوء لما بابا اتكلم. وقال :

-كلمني استاذ احمد وقال اللي عمله طليقك معاه ..ده رابع عريس يطفـ.شه 

حسيت بالتوتر فكمل بضـ.يق :

-اللي مخليني صابر عليه أنه ابن عوض صاحبي ..واللي ساعدني كتير ....وعشان كده أنا حابب اطلب منك طلب .

بصتله بعصبية فقال هو :

-أرجعيله يا بنتي ...هو خلاص ندم.وانا هاخد تعهد عليه أنه ميعملش حاجة تجر.حك تاني !

لجميع الفصول من هنا