رواية قلب خديجة الفصل الاول
قامت من السرير وهي بتلبس الروب وقعدت على الكرسي ولعت سيجاره وقالت ممكن افهم في ايه مالك اتعدل على السرير هيكون في ايه يا منه مشاغل في الشغل منه ضحكه بسخريه شغل ايه ما انا عارفه اللي فيها وان خديجه هي اللي ماسكه الشركه وانت يا دوبك بتمضي بس ماهر بصراحه كده حاسس ان خديجه تعرف حاجه وممكن تخرب الدنيا منه ضحكه بقوه وانت خايف منها بقى ولا خايف عليا انا ماهر يتوتر اكيد طبعا عليك انتى يا حبيبتي منه طفيت السيجاره احاول اصدقك المهم انا لازم امشي دلوقتي علشان حفله بالليل ماهر هو انتي يعني لازم تيجي الحفله ديت منه طبعا لازم اجي بابي ومامي لو انا ما جيتش معاهم ممكن يعملوا مشكله معايا وما تنساش دي مش اي حفله ده عيد ميلاد خديجه العشري ابتسمت وقربت منه وبسيته واخذت الفستان بتاعها ودخلت الحمام وماهر طلع علبة السجاير وفتح تليفونه وشاف كميه رسايل من خديجه وكمان مكالمات اتوتر وقام بسرعه لبس هدومه واخذ مفاتيحه ونزل راكب العربيه وفي مكان راقي فيله خديجه العشري كانت واقفه مع المهندسه وبتشرح لها هي عايزه ايه وشافت عربيه ماهر داخله الفيلا خديجه بعد اذنك وسابت المهندسه وطلعـت على الجناح بتاعها وشافت ماهر وهو بيقلع هدومه قاعده على السرير ممكن اعرف كنت فين لغايه دلوقتي ماهر كنت في الشركه في مشكله ولا ايه خديجه بعصبيه انت كداب انا لسه جايه من الشركه وانت ما كنتش هناك اتوتر ماهر هو في ايه يا خديجه انا فعلا كنت في الشركه بس خرجت علشان اجيب لك هديه عيد ميلادك خديجه ابتسمت بسخريه بجد طب هي فين ماهر طلع علبه قطيفه من جيبه اتفضلي يا ستي خديجه بصت للخاتم وابتسمت بجد يا ماهر الخاتم ده ليا ماهر قرب منها وحضنها طبعا يا حبيبتي ده ليكي هو انا عندي اغلى منك وبسها من خدها وطلع الخاتم عشان يلبسه لها وهي فرحت شكرا يا حبيبي يلا بقى عشان تجهز عشان كلها ساعتين والضيوف يبقوا هنا ماهر مش مهم انا يا جميل المهم انتي يا خديجه لازم تجهزي ابتسمت خديجه ما تقلقش يا حبيبي كل حاجه جاهزه يلا بقى انا هسيبك واروح اجهز وخرجت خديجه وماهر اتنهد براحه وقعد على السرير وبعد وقت خديجه كانت جاهزه ولابسه فستان شيك جدا وكمان حاطه ميك اب وكانت ملكه جمال وقرب ماهر منها ايه الجمال ده كله انتي بتصغري مش بتكبري ابتسمت خديجه بفرحه بجد يا ماهر ماهر طبعا يا خديجه انا شايفك اكني شايف خديجه ايام الجامعه دلوقتي خديجه بشقاوه قصدك بالكلام اني كنت مهمله في نفسي ضحك ماهر بقوه لا يا ستي ما كنتيش مهمله خالص كل الموضوع انك اهتميتي بالشركه اكتر مني خديجه وهي بتحضنه مستحيل يا حبيبي في حاجه اهتم بيها اكتر منك ويلا بقى عشان نقابل الناس ماهر مسك ايديها وبسها ونزلوا مع بعض وبعد دقائق دخلت داليا ومعاها جوزها وليد وبنتهم منه ايه الحلاوه دي كلها يا خديجه ابتسمت خديجه حتى انتي يا داليا لسه ماهر قايل لي الكلام ده هو انا كنت مهمله قوي للدرجه دي ضحك وليد لا طبعا او في زيك يا خديجه منه اه طبعا خديجه التوب وما فيش حد بعدها خديجه بفرحه شدت منه لحضنها يا حبيبتي يلا بقى عايزين نفرح بيكي ونشوف لك عريس ضحكه منه مستحيل يا خديجه اتجوز غير البني ادم اللي انا احبه وغمزت لها خديجه ضحكه شكل الصغنن كبر وبقى يحب داليا والله يا خديجه انا تعبت معاها انتي عارفه لغاية دلوقتي رافضه كم عريس خديجه سيبيها براحتها خليها تعيش سنها ولما يجي الفارس اللي هيخطفها على الحصان الابيض ساعتها هي اللي هتقول لك صح يا منه ولا ايه منه بابتسامه اكيد طبعا ماهر اتضايق من الكلام هو انتم هتفضلي طول الوقت واقفين على الباب اتفضلوا ارتاحوا منه ابتسمت اكيد طبعا عايزنا نقعد عشان تستفرد بالقمر ماشي يا سيدي يلا يا بابي يلا يا مامي ودخلوا وخديجه ضحكت وبعد دقائق دخل سليم بطوله الهيبه وبدلته الانيقه وقال ايه القمر ده ابتسمت خديجه ازيك يا سليم عامل ايه سليم يعني انتي بتسالي على ابن عمك خديجه حقك عليا انت عارف الشغل وكمان الشركه واخده كل وقتي اسال ماهر والله ساعات كثيره باجي على النوم بس صح يا ماهر ماهر سكت وما ردش وضيق عينه سليم طيب يا ستي براءه المره دي واتفضلي كل سنه وانتي طيبه ومد ايده بهدية قيمه خديجه وانت طيب يلا بقى خليك قاعد عشان نقطع التورته سوا سليم مش هينفع والله عندي مأمورية طارئة ولازم امشي دلوقتي بس هوعدك اول ما ارجع ليكي عندي عزومه انتي وماهر على العشا بره خديجه ماشي يا سيدي كله فدا مصر ضحك سليم وبص لماهر نظرة قوية وسلم عليهم ومشي وماهر مسك ايديها بعصبية ايه وشك نور لما شفت سليم خديجه وايه المشكله ما هو ابن عمي ماهر ضغط اكتر على ايديها لا طبعا ما حدش ليه الحق انه يدلعك غيري ولا يشوف ضحكتك غيري وتليفونه فضل يرن ورفع وكان مكتوب اسم مازن ماهر اتوتر حقك عليا يا حبيبتي اكيد في حاجه مهمه هرد عليه واجي لك ودخل ماهر الفيلا وجري على الحمام وفجأة دخلت وراه منه وقفت جنبه وقالت بدلع وهي بتمسك الجرافته وتفك زراير قميصه في ايه يا حبيبي هو انا ما وحشتكش ولا ايه ماهر نزل ايديها مش وقته الكلام ده خالص يا منه وانتي عارفه بكده منه قربت منه اكتر لا يا حبيبي ما اعرفش بكده عرفني ماهر اتوتر من قربها اللي انتي بتعمليه غلط يا منه منه بصوت هامس وايديها على صدره لا يا قلبي منه مش غلط ولا حاجه وتعالى بقى اقول لك على حاجه وقربت منه اما بره خديجه كانت بتستقبل الناس وداليا قربت منها وقالت يا بنتي اسمعي الكلام الدكتور ده كويس جدا وناس كثيره بتشكر فيه خديجه ما فيش منه الكلام ده انا مش هروح لدكاتره ثاني والموضوع منتهي ويا ريت يا داليا تقفلي الكلام فيه داليا لا طبعا اللي هقفله ده انتي لازم تروحي للدكتور واحد وعشره كمان عشان تعرفي تجيبي بيبي يا بنت العمر بيجري وانتي ما بقتيش صغيره خديجه عينيها دمعت انا عارفه الكلام ده كويس وعشان كده مش عايزه اتعب اعصابي ولا اعصاب ماهر في موضوع زي ده ويلا يا داليا كده اتكلي على الله وروحي وقفي جنب جوزك وبنتك احسن لك
