رواية جريمة بور سعيد الفصل الأول بقلم محمود الأمين
التاريخ: 1/2/2012
تخيل تكون بتشتغل طبيب شرعي في محافظة بورسعيد، ولكن وإنت بتباشر عملك بتسمع إن في أحداث شغب حصلت في ماتش كورة، وإن في ناس كتير م. اتت. وطبعًا عشان الناس دي اتق. تلت، مش م. اتت موتة طبيعية، فبدأ رجال الإسعاف ينقلوا الجث. ث على الطب الشرعي، وساعتها المستشفى وفرت دكاترة تش. ريح كتير لكل المستشفيات الموجودة في المحافظة.
ولكن اللي حصل مع الدكتور عصام كان غريب؛ اللي كان واقف بيفحص الجث. ث، وأول ما وصل عند جث. ة رقم خمسة ورفع الغطا من على وشها، اتصدم، عشان الجث. ة دي تبقى جث. ة أخته زينب.
...
#جريمة_بورسعيد
#الجزء_الأول
كنت لسه واقف قدام الجث. ة وأنا مش مصدق نفسي، حاسس إني في كابوس وفي حد هيصحيني منه دلوقتي... جث. ة زينب أختي كانت قدامي على سرير التش. ريح.. طب إزاي؟!
دي لسه مكلماني أول امبارح. هي جات بورسعيد إزاي وليه؟!.. ومن إمتى زينب كان ليها في ماتشات الكورة؟!
وهنا لاحظ الدكتور مدحت إني ماسك المشرط، واقف والدموع في عينيا، فقرب مني وقال:
_ إنت هتفضل واقف كده يا عصام؟ وبعدين مالك؟ هو إنت هتعيط؟ دي أول مرة تش. رح فيها جث. ة؟
= دي جث. ة أختي زينب يا دكتور... دي أختي يا دكتور!
_ نعم؟! أختك إزاي يعني؟!.. هي أختك كان ليها في الكورة والتشجيع والكلام ده؟
= لا، وهو ده اللي هيجنني... إزاي هي جات وسط الناس دي وكانت بتعمل إيه؟!
*********
أنا المقدم سامح عبد العزيز، رئيس المباحث، كنت قاعد في مكتبي وكان معايا شغل كتير بسبب الحادثة اللي حصلت النهارده في بورسعيد. ولكن في الوقت ده العسكري بيقول إن في ناس عاوزة تقابلني، ورغم إني كنت مشغول، سمحتلهم بالدخول.
ودخل من الباب راجل وست كبار في السن، يعني في الخمسينات كده. كانوا منهارين، وبيقولوا إن ابنهم اسمه الدكتور عصام سعيد، دكتور الطب الشرعي، والدكتور ده أنا أعرفه معرفة شخصية.
والدكتور عصام بلغهم إن بنتهم، اللي هي أخته زينب، اتق. تلت في بورسعيد، ولقوا جث. تها عند استاد بورسعيد وسط جث. ث كتير.
ولكن والد ووالدة الدكتور عصام كانوا عايشين في القاهرة هما وبنتهم.. فإيه الحاجة اللي خلت زينب تسافر من القاهرة لبورسعيد؟!
وهنا كانت المفاجأة، عشان والد الدكتور عصام اتكلم وقال:
= عصام ابني بعت رسالة لأخته زينب، طلب منها إنها تروحله بورسعيد، وإنه محتاج منها حاجة ضروري. وهي بلغتنا بده فعلًا وسافرت، وقبل ما حضرتك تقولي ليه ما اتصلتوش بيه وسألتوه عاوزها في إيه، هقول لحضرتك إن شغل ابني حساس جدًا، وهو كان متفق معانا إنه أول ما يكون فاضي هيتصل بينا ويطمنّا عليه، وعشان كده كنا مش بنحب نتصل عشان شغله.
_ يعني معنى كلامك يا حاج إن عصام ابنك، اللي هو المفروض الطبيب الشرعي، هو اللي ق. تل بنتك زينب؟!
= لا.. أكيد في حاجة غلط. عصام هيعمل كده ليه أصلًا؟!
_ والله يا حاج، أنا بجاوب على كلامك، وأكيد هنستدعي عصام عشان نتكلم معاه ونعرف هو بعت الرسالة لأخته ليه، وكان عاوزها في إيه؟!
....
وفعلًا، بعد أقل من ساعة، كان وصل الطبيب الشرعي الدكتور عصام سعيد لمكتبي، وكان والده ووالدته موجودين لسه في المكتب، والدموع في عينيه.
وبعد ما قعد، سألته عن الكلام اللي بيقوله والده، إنه هو اللي بعت رسالة لأخته زينب إنها تيجي بورسعيد عشان هو عاوزها في أمر مهم. ولكن الدكتور عصام رد وقال:
= لا، أنا مبعتش رسايل لزينب خالص.. الكلام ده محصلش.
_ طيب، لو تسمح يا دكتور.. ممكن أشوف تليفونك؟!
= أكيد، اتفضل.
...
قلبت في التليفون عشان أشوف هل في رسايل فعلًا مبعوتة من الدكتور عصام لأخته ولا لأ، واكتشفت إن مفيش أي رسايل.
ولكن لما قلبنا في التليفون الخاص بالمجني عليها زينب، لقينا إن في رسالة على تطبيق ماسنجر، والرسالة كانت مبعوتة من إيميل شخص اسمه عصام سعيد، وصورة الأكونت كانت صورة الدكتور عصام.
والرسالة كانت بتنص على إن الدكتور عصام تعبان ومحتاج أخته تروحله، بس ما تبلغش حد من أهلهم إنه تعبان عشان محدش يقلق عليه.
وهي كانت ردت على الرسالة إنها هتبلغهم إنه محتاجها في حاجة مهمة وهتسافر على بورسعيد.
ولما عرضنا الرسالة دي على الدكتور عصام، قال إن الإيميل ده مش إيميله وإنه فيك.
بس يا ترى مين اللي عمل كده؟!
طبعًا التش. ريح اتسند لدكتور تاني غير الدكتور عصام، وبدأت التحقيقات والتحريات عشان نعرف مين اللي خلّص على زينب، ومين اللي خلاها تسافر بورسعيد عشان يخل. ص عليها هناك ويرمي جث. تها في محيط استاد بورسعيد وسط الجث. ث اللي كانت مرمية هناك.
وبعد 48 ساعة، بتظهر التحريات، والرائد عزت اللي ماسك معايا القضية سلمني ظرف فيه التحريات الخاصة بجر. يمة ق. تل زينب.
وأول ما فتحت التحريات وابتديت أقراها، بدأت أفهم بعض الحاجات اللي ممكن تفيدنا وتعرفنا مين اللي ق. تل زينب؟!
زينب سعيد عندها 25 سنة، وكانت عايشة مع والدها ووالدتها في القاهرة، وليها أخ واحد، اللي هو الدكتور عصام، وده دكتور تش. ريح وعايش في بورسعيد عشان شغله.
التحريات بتثبت حاجة مهمة، إن زينب كانت مخطوبة من سنة لدكتور طب نفسي اسمه ماهر سليمان، وصديق شخصي لأخوها عصام، وعايش طول عمره في بورسعيد.
حصلت مشاكل كتير، والخطوبة اتفسخت عشان زينب اكتشفت إن ماهر يعرف عليها بنات كتير، وكان بيعمل معاهم حاجات مش كويسة.
ولما زينب رفضت ترجعله، بدأ يهددها بشكل غير مباشر وبإيميلات فيك، إنه هينشر صورها وهيفضحها، ومش هيسيبها غير لما ترجعله.
ولما الدكتور عصام عرف، خلاه يبعد عنها وقطع علاقته بيه بشكل نهائي.
وبما إنه عايش في بورسعيد، فده مشتبه فيه بشكل كبير.
طيب، مين اللي عايش تاني في بورسعيد وما بينه وما بين عيلة زينب عداوة؟!
عمها، أخو أبوها، واسمه كمال.
التحريات بتقول إن كان في عداوة قديمة ما بين كمال وسعيد، الإخوات، وسعيد طرد كمال من البيت اللي في القاهرة، وكمال أخد عياله وسافر على بورسعيد واستقر هناك.
ولكن في آخر أيامه، كمال كان بيهدد هو وابنه سعد إنهم هينتقموا من سعيد، والد المجني عليها.
ولكن عمها كمال ده اتوفى من سنتين، واللي عرفته من خلال التحريات إن اللي حصل ده حصل من زمان، يعني عصام وأخته زينب ما يعرفوش شكل عيال عمهم.
ولكن ده مش دليل على البراءة ولا على الإدانة.
....
وده اللي خلانا، بعد ما خلصنا قراءة ملف التحريات، نتكلم مع الدكتور عصام تاني، والمرة دي عشان نسأله عن صاحبه ماهر سليمان ونعرف منه هو آخر مرة قابله كانت إمتى؟!
_ دكتور عصام، على حسب التحريات، المشتبه فيه إنه عمل كده في أختك هو واحد اسمه ماهر سليمان. أكيد حضرتك تعرفه. ده كان صاحبك وكان خطيب أختك زينب في يوم من الأيام، ولما الخطوبة اتفسخت حاول يتعرضلها كذا مرة، لحد ما إنت وقفت له وخليته يبعد عنها.
وعرفنا إنك قطعت علاقتك بيه كمان، وبما إنه عايش في بورسعيد، فجايز يكون هو اللي عمل في أختك كده.
= ده لو كان هو، هق. تله وأشرب من دمه.. مش بعيدة عليه، يعملها. ده إنسان قذر.
_ أنا عاوز حضرتك تهدى يا دكتور عصام، وحق أختك هييجي، ولكن بالقانون. إنت طبيب شرعي وعارف إن إحنا مش بنسيب حق حد، بس لازم حضرتك تساعدنا.
= أنا من يوم ما قطعت علاقتي بيه معرفش حاجة عنه؟! كل اللي أعرفه عنوانه. لو حضراتكم عاوزين تستدعوه عشان تحققوا معاه، تمام، بس يا ريت ده يكون في عدم وجودي.
_ أنا متفهم جدًا كلامك يا دكتور عصام، وإن شاء الله قريب أوي هنوصل للي عمل كده في أختك.
....
أخدنا عنوان المشتبه فيه ماهر سليمان من الدكتور عصام، وقبل ما ناخد أي إجراء، بيظهر تقرير الطب الشرعي الخاص بجث. ة زينب.
تقرير الطب الشرعي اللي كان فيه مفاجأة مش متوقعة.
والمفاجأة دي إن زينب كانت حامل.
كانت مفاجأة كبيرة بالنسبالنا، وكنت مش عارف إزاي هبلغ الدكتور عصام بالخبر ده؟!
التقرير بيقول إن في آثار كدمات على الوش والإيدين، وإن المجني عليها تعرضت للض. رب المبرح قبل وفاتها.
وكمان التقرير بيوضح إن المكان اللي اتلقت فيه الجث. ة مش هو مسرح الجر. يمة، يعني زينب اتق. تلت في مكان، وبعد كده الق. اتل استغل أحداث الشغب اللي حصلت في ماتش الكورة والجث. ث اللي كانت مرمية في محيط استاد بورسعيد، ورمى الجث. ة معاهم.
واضح إن الشخص اللي هي حامل منه هو اللي عمل فيها كده؟! وبنسبة كبيرة هيطلع هو ماهر سليمان.
وبعد ظهور تقرير الطب الشرعي، جبنا إذن من النيابة بضبط وإحضار ماهر سليمان، دكتور الطب النفسي، واتحركنا على عنوان ماهر.
وأنا كنت متوقع إني هلاقيه عزل أو هرب، ولكن لما وصلنا الشقة واقتحمناها، كانت في انتظارنا مفاجأة غير متوقعة، والمفاجأة دي هي...
