رواية العهد الفصل العشرون
عزيز .. بيكون طالع من المطار في القاهره وبيركب عربيه بعتهالو خليل باشا
.. بيتحرك رجالة تميم وبيضربه النار علي العربيه وبيخرموها بالرصاص
كريم .. طالع من المستشفي
فرح .. بتوقف قدامه كريم اهدا بعد عمي انت دلوقت كبيرنا وواجب علينا طاعتك بس الغضب اكبر عدو للإنسان احنا اخدنا طار احمد من اللي قتله ودلوقت لازم ندفن احمد وعمي فيصل وما تنساش بيت الجارحي هما ميزان العدل هنا وما ينفعش ميزان العدل يميل علي ايدك انت
حكيم .. مع اني قلبي بيغلي وعايز اولع في بيت الشناوي لكن كلام فرح صح يا كريم
كريم .. بدا يفكر وبيقول في نفسه ( معقول انا افكر بطريقه دي لا حول ولا قوه إلا بالله )
فرح .. ساكت ليه يا كريم
كريم .. معاكي حق يا فرح حجاج
حجاج .. امر جنابك
كريم .. جهز الجنازه
حجاج .. كل حاجه جاهزه
كريم .. انا هوصل مشوار وهرجع علي طول
فرح .. انا مش هسيبك
كريم .. ماشي تعالي معايا
فرح .. بتركب جنبه علي فين يا كريم
كريم .. علي المركز حرام كل الناس دي والاطفال والستات تفضل خايفه كده فعلآ وجودك جنبي منعني عن غلط كبير كنت هغلطه
فرح .. انا هفضل طول العمر جنبك و معاك
العسكري .. بيدخل جري عبد الله بيه
عبد الله .. بالراحه يا عسكري فيه ايه
العسكري .. كريم بيه بره وجاي علي هنا
عبد الله .. لا حول ولا قوه إلا بالله العلي العظيم يارب استر واكيد بيت الجارحي كلهم وراه
العسكري .. لا هو و الانسه فرح بنت عمه
عبد الله .. الانسه فرح يبقا اكيد مش هيجي معاها وهو ناوي علي شر وبيطلع يقابله والمركز كله في حالة رعب
كريم .. السلام عليكم
عبد الله .. وعليكم السلام ورحمة الله وبركاته
كريم .. كريم طلع بيت الشناوي
عبد الله .. انا مقدر اللي حصل يا كريم بيه بس انا مستحيل اسلمهملك عشان تقتلهم انا بحترمك وبقدرك وموت فيصل بيه الله يرحمه مزعلنا كلنا بس الي بتفكر فيه دي جريمه وانا مستحيل اقبل بكده
كريم .. ولا انا هقبل بكده الكل هيرجع بيته وليهم مني الامان
عبد الله .. بيبص باستغراب انا مش مصدق وداني
كريم .. انا دلوقت بقيت مكان ابوي وسيف العداله في ايدي عشان كده مش هظلم حد
عبدالله .. هو ده فعلآ حفيد الجارحي باشا وابن فيصل بيه اتفضل معايا وبياخده وبيفتح السجن والمكاتب وبيطلعهم وبيوقفه قدام كريم وهما بيترعشه من الخوف
كريم .. قرب منهم مش عايز حد يخاف انا مش هظلم حد وليكم مني الامان طول ما كل واحد فيكم في حاله يلا ارجعه بيوتكم
.. وحده من الستات بتجري عليه وبتمسك ايده عشان تبوسها ..
كريم .. بتعملي ايه يا حجه يلا قومي وروحي ولو احتاجته ايه حاجه الدوار مفتوح
فرح .. فعلآ هو ده كريم ابن عمي
كريم .. ربنا جعلك سبب عشان افوق من الغضب الي خلاني اعمي
فرح .. ربنا يبعد عنك الغضب وتكون سيف الحق
كريم .. يلا عشان الجنازه
.. وبيرجعو وبيدفنو احمد وفيصل وبعد كده بيفتحو الدوار وبياخده العزاء سبع ايام وفي الوقت ده بيكون خليل نقل عزيز علي المستشفي وحالته كانت خطيره وخليل فضل جنبه لحد ما اخيرآ فاق ودهب علي طول بترن علي تليفون عزيز وعلي طول مقفول وطول السبع ايام دي وهي متعرفش حاجه عن عزيز ..
خليل .. حمدالله بالسلامه يا عزيز انت رجعت من الموت باعجوبه
عزيز .. بيتكلم بالعافيه لسا في العمر بقيه ومش هرتاح غير لما اخلص علي بيت الجارحي بايدي
خليل .. شد حيلك انت بس وكل الي عايزه هيحصل خلاص جه الوقت الي هتوقف قصاد كريم
عزيز .. اكيد فيصل مش هيسكت
خليل .. ضحك فيصل خلاص راح والكبير دلوقت كريم شب طايش ومندفع وبسهوله هنوقعه انت تملك قد ايه في البلد دلوقت
عزيز .. حولي نص ارض النجع بس ما حدش يعرف عشان كله في الخفاء
خليل .. من دلوقت هترجع ومعاك القوه مش هتشتري تاني ارض لا انت هتاخدها بالقوه
عزيز .. ازاي يا خليل باشا مش فاهم
خليل .. انا جمعت كل الي عليهم احكام ومطاريد الجبل والكل هيكون تحت امرك وبيت الجارحي مش هيتجمعه تاني عشان كل واحد فيهم انا زرعت واحد مننا عشان ينشر الفتنه بينهم يعني مش هيقدروه يتجمعه تاني عايزك تضرب بقوه يا عزيز والحكومه كمان معاك خلاص راح زمن بيت الجارحي وده زمن بيت الشناوي
عزيز .. اخيرآ هقدر اسيطر علي النجع
خليل .. النجع ده البدايه بعد كده هنوقع باقي العيله ال ٢١ بيت ووقتها هتسيطر علي المحافظه كلها الخطه دي من سنين واحنا بنرتبها واخيرآ جه وقت التنفيذ هسيبك ترتاح وخد ده تليفونك انا كنت قافله
عزيز .. شكرآ يا خليل باشا وبيمسك التليفون وبيفتحه وبيرن علي محروس
محروس .. بيفنح بسرعه عزيز بيه انا كنت هتجنن عليك خوفت كريم يوصلك ويقتلك.
عزيز .. هو حاول بس الحمد لله انا بخير ورجعله اقوى من الاول
محروس .. الحمد لله ربنا استجاب دعواتي وانا في انتظارك بس دهب هتتجنن عليك ابقا كلمها
عزيز .. ماشي يلا سلام وبيرن علي دهب
دهب .. بترد علي طول حبيبي انت فين
عزيز .. اهدي انا بخير يا دهب
دهب .. انا كنت هتجنن معقول ده كله وما هنش عليك تطمن عليا عايشه ولا ميته
عزيز .. كريم حاول يقتلني لكن ربنا نجاني لما هرجع هحكيلك
دهب .. المهم انت بخير
عزيز .. اه ورجع اقوى من الاول ومش عايزك تقلقي من حاجه انا هخلي بيت الجارحي يدفعه تمن الي عملوه فينا من سنين
دهب .. عندي خبر حلو
عزيز .. قولي شكل النهارده يوم الاخبار السعيده
دهب .. انا حامل يا حبيبي يعني ابنك في بطني
عزيز .. بتتكلمي جد
دهب .. عملت اختبار حمل وطلعت حامل وبكره هروح للدكتور وتابع معاها
عزيز .. ده احلا خبر ده الولد الي هيقش كل حاجه انا اسبوع بالكتير وهكون في البلد ونحتفل بالخبر الجميل ده
دهب .. وانا مستنياك علي نار
حجاج .. بيدخل الدوار كريم بيه
كريم .. اتكلم
حجاج .. فيه واحد من اهل البلد شاف محروس مع توفيق ناحيت الارض القبليه
كريم .. يعني محروس نقل احمد مع توفيق من بيت توفيق للارض
حكيم .. ده ممكن يكون شريكه في القتل
كريم .. لا يا عمي لو كان كده ما كنش جه وقال وكان توفيق قال علي طول ان محروس شريكه
حجاج .. اوامرك ايه
كريم .. اقطع ايد ورجل منه
حجاج .. حاضر
كريم .. اولاد عمي كل واحد فيهم رجع قريته
حجاج .. تمام يا كريم بيه
كريم .. يلا روح نفذ
حجاج .. حاضر
عبدالله .. السلام عليكم
الكل .. وعليكم السلام ورحمة الله وبركاته
كريم .. اتفضل ارتاح يا عبدالله بيه
عبدالله .. اسف اني جاي في وقت زي ده بس انا جاي اقبض عليك عشان بكره تتعرض علي النيابه بتهمة قتل العمده توفيق
.. كل الموجدين بيقومه وبصوت واحد انت ازاي تتجراء وعايز تاخد كريم بيه من وسطنا ..
كريم .. اهدوا يا رجاله عبدالله بيه بيقوم بشغله بس يا عبدالله بيه علي اساس ايه بتقبض عليا عندك شكوى ضدي ولا شاهد
عبد الله .. لا بس تحرياتي بتقول انك انت الي قتلت توفيق
كريم .. ماشي انا هاجي معاك ونروح النيابه سوا وهطلع من النيابه
عبد الله .. دلوقت الساعه ١٢ يعني كلها كام ساعه وانا اتمنا انك تطلع من النيابه
حكيم .. انت هتروح بجد
كريم .. بيقرب منه ايوه يا عمي كده كده مفيش اي دليل ضدي هروح وهرجع علي طول مفيش داعي للقلق
حجاج .. بيدخل الفيلا علي محروس
محروس .. اول ما بيشوف حجاح بيخاف خير يا حجاج فيه حاجه
حجاج .. في ان النهارده كل واحد هيدفع تمن افعاله
.. الرجاله بتمسكه وحجاج بيطلع ساطور و بيقطع ايد وحده ورجل وحده و بيسيبه مرمي علي الارض و بيمشي ..
دهب .. كانت راجعه الفيلآ سمعت صوت محروس بيصرخ دخلت واول ما شفته صرخت مين عمل فيك كده
محروس .. الحقيني دمي بيتصفي
دهب .. رنت علي الاسعاف وكلمت عزيز
عزيز .. بتقولي ايه اكيد كريم عرف ان محروس كان مع توفيق خلي محروس يتهم كريم خلينا نخلص منه
دهب .. حاضر يا عزيز
.. وبتيجي الاسعاف وبتنقل محروس علي المستشفي ودهب بتروح معاه وبترن علي اسلام الشناوي وبيحصلها علي المستشفي ..
عبدالله .. كريم بيه هتفصل الليله في مكتبي وهبعت اجيب عشاء عشان يبقا عيش وملح
كريم .. مفيش داعي انا مش جعان
العسكري .. بيخبط
عبد الله .. ادخل
العسكري .. في حادثه
عبدالله .. هي البلد جرالها ايه خير قول
العسكري .. في واحد قطع ايد ورجل محروس غفير عزيز بيه
عبدالله .. لا حول ولا قوه إلا بالله جهز القوه هنروح المستشفي
العسكري .. تمام يا فندم
عبدالله .. اسف يا كريم بيه كان نفسي نقضي الليله سوا
كريم .. لا اتفضل شوف شغلك
عبدالله .. بيطلع وبيروح المستشفي وبيكون الدكاتره عمله الازم وبيدخل وبيسال محروس مين عمل فيك كده
محروس .. كريم الجارحي يا جناب البيه
عبدالله .. كريم بنفسه ولا حد من رجالته وكانت حوالي الساعه كام
محروس .. لا هو بنفسه وكانت حوالي الثانيه بعد منتصف الليل ٢ ص
عبدالله لله .. حد شافه
محروس .. اه الست دهب واسلام
عبدالله .. شوفتي ايه يا دهب
دهب . .............
